ရ︀ေႃမ︀ 8:29 - Khamti Shan

²⁹ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛ လ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ လ︀ိူက︀်ႉဢ︀ဝ်ႈဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ꩫ︀င︀်လ︀ုက︀်ႉမ︀ꩫ︀်းꩡ︀ဝ်ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀က︀ꩫ︀်ႈ ဢ︀ဝ်ႈပ︀ီꩫ︀်ႈꩭႂ်ႛဢ︀ူ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ ꩫ︀ႂ်းက︀ူꩫ︀်းမ︀ꩫ︀်းꩡ︀ဝ်ႛတ︀င︀်းလ︀ုင︀်မ︀ႆ︀ႛ ꩭႂ်ႛပ︀ူဝ်းꩡ︀ဝ်ႛယ︀ေꩬ︀ုၵ︀ရ︀ီတ︀် ပ︀ီꩫ︀်ႈလ︀ုက︀်ႉꩡ︀ႆ︀ၢးလ︀ူင︀်မ︀ႃးꩫ︀ႆ︀ႇꩫ︀မ︀်။

ရ︀ေႃမ︀ 8:29 ပူးပေါင်းရင်းမြစ်များ

မ︀တ︀်တ︀ႄး 12:50

ၸ︀ႂ်မ︀ဝ်ဝႃႈ က︀ူဝ်ႇဢ︀ꩫ︀်ႈထွမ︀်ၵ︀ၢမ︀်းပ︀ူဝ်က︀ၢင︀်ႈꩭၢဝ်က︀ဝ်ႈꩫ︀ႆ︀ႇၵ︀ဝ်ယ︀ႃႇ မ︀ေက︀ဝ်ႈ၊ ꩫ︀ွင︀်ႇက︀ဝ်ႈ၊ ꩫ︀ွင︀်ႇꩬ︀ၢဝ်က︀ဝ်ႈၵ︀ဝ်ꩬ︀ႃး” ꩫ︀ဝꩫ︀်ႇ။

မ︀တ︀်တ︀ႄး 25:40

မ︀ိူဝ်ႈဢ︀မ︀ႂ်းက︀ဝ်ႈယ︀ႃႇ “ထွမ︀်ꩫ︀ီႈꩫ︀ီႈတ︀ႃႉ။ က︀ဝ်ႈဝႃႈက︀ွတ︀်။ တ︀ပ︀ေးက︀ဝ်ႈဢ︀ꩫ︀်ႈꩫ︀ႃႛလ︀ီက︀်ႉꩫ︀ႃႛယ︀ႂ်မ︀ဝ်ဝႃႈ ၸ︀ႂ်မ︀ႆ︀ႛꩫ︀က︀ေႃႇ ဢ︀ꩫ︀်ႈꩫ︀င︀်ꩬ︀ူꩭီတ︀်မ︀ႃးꩫ︀ႆ︀ႇ ဢ︀ꩫ︀်ႈက︀ဝ်ႈမ︀ႆ︀ႛꩭီတ︀်ꩭႂ်ႛမ︀ႃးꩫ︀မ︀်” ꩫ︀ꩬ︀ီတ︀ီဝႃႈꩫ︀မ︀်။

မ︀တ︀်တ︀ႄး 28:10

မ︀ꩫ︀်းꩡ︀ဝ်ႛယ︀ႃႇ “ပ︀ီက︀ူဝ်ႈ။ ꩫ︀ွင︀်ႇက︀ဝ်ႈၵ︀ဝ်မ︀ႆ︀ႛꩬ︀ိုင︀်က︀ႃꩬ︀ီ ၵ︀ဝ်မ︀ႆ︀ႛꩭႂ်ႛက︀ႃတ︀ိူင︀်းက︀ႃလ︀ိလ︀ႄးတ︀ႃႉ။ ဢ︀မ︀ႂ်းမ︀ႆ︀ႛၵ︀ဝ်က︀ဝ်ႈမ︀ႆ︀ႛ တ︀ီꩫ︀ႆ︀ႛꩭꩫ︀်ꩫ︀မ︀်” ꩫ︀ဢ︀ူ။

မ︀တ︀်တ︀ႄး 7:23

မ︀ိူဝ်ႈဢ︀မ︀ႂ်း က︀ဝ်ႈယ︀ႃႇၵ︀ဝ်မ︀ႆ︀ႛ “ꩭိူဝ်း က︀ူꩫ︀်းꩭင︀်ႛꩫ︀ႆ︀ႇၵ︀ဝ်။ ꩬ︀ူမ︀ႆ︀ႛက︀ဝ်ႈꩵ︀ႈတ︀ွင︀်းပ︀ိူင︀်ႈလ︀ူင︀်။ ဢ︀ွက︀်က︀ႃတ︀ႃႉ” ꩫ︀ꩬ︀ီတ︀ီဝႃႈꩫ︀မ︀်။

ယ︀ေႃးꩭၢꩫ︀် 17:16

ꩫ︀င︀်က︀ဝ်ႈၵ︀ႃႛက︀ူꩫ︀်းမ︀ိူင︀်းက︀ၢင︀်ႈ မ︀ဝ်ꩡ︀ႂ်ႈꩫ︀က︀ꩫ︀်ႈ ၵ︀ဝ်က︀ေႃႇꩵ︀ႈꩡ︀ႂ်ႈတ︀ီၵ︀ႃႛ။

ယ︀ေႃးꩭၢꩫ︀် 17:19

ꩭႂ်ႛပ︀ူဝ်းၵ︀ဝ် ꩡ︀ဝ်ႛမ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်းဢ︀ၢပ︀်ႉပ︀ီꩫ︀်ႈꩫ︀ႆ︀ႇ က︀ဝ်ႈၵ︀ႃႛၸ︀ူႛꩡ︀ဝ်ႛ ꩡ︀ႃႇဢ︀က︀ိဝ်းၵ︀ဝ် ꩡ︀ဝ်ႛမ︀ႆ︀ႛတ︀င︀်းꩡ︀ႂ်ႈတ︀င︀်းၵ︀ူဝ်း ဢ︀ၢပ︀်ႉမ︀ႃးတ︀ီၵ︀ႃႛယ︀ဝ်ႇ။

ယ︀ေႃးꩭၢꩫ︀် 17:26

မ︀ႅတ︀်ႉတ︀ႃဢ︀ꩫ︀်ႈက︀ဝ်ႈၵ︀ႃႛမ︀ႆ︀ႛꩡ︀ဝ်ႛꩭႂ်ႛဝႆ︀ႇꩫ︀ႆ︀ႇတ︀မ︀ိူင︀်း က︀ဝ်ႈၵ︀ႃႛတ︀မ︀ိူင︀်း ꩭႂ်ႛပ︀ူဝ်းꩫ︀ႂ်းꩡ︀ႂ်ႈၵ︀ဝ်မ︀ႆ︀ႛ ယ︀င︀်းꩫ︀ႆ︀ႇ ၵ︀ဝ်မ︀ႆ︀ႛလ︀ွင︀်ႈꩡ︀ဝ်ႛ ဢ︀ဝ်ႈတ︀ွင︀်းꩭႂ်ႛတ︀ီၵ︀ႃႛယ︀ဝ်ႇ။ က︀ၢပ︀်ꩬ︀ီက︀ေႃႇ တ︀ီဢ︀ဝ်ႈတ︀ွင︀်းဢ︀ိက︀်ꩭႂ်ႛက︀ႃတ︀ီၵ︀ႃႛꩫ︀မ︀်” ꩫ︀ꩬ︀ီယ︀ွꩫ︀်းꩬ︀ူးဢ︀ူ။

ယ︀ေႃးꩭၢꩫ︀် 20:17

ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈင︀ႆ︀ႚပ︀ူဝ်က︀ဝ်ႈမ︀ႆ︀ႛ ꩵ︀ႈပ︀ႆ︀ၵ︀ိုꩫ︀်ႛက︀ႃꩫ︀ႆ︀ႇꩬ︀ီ က︀ဝ်ႈမ︀ႆ︀ႛပ︀ီက︀ွတ︀်ဝႆ︀ႇ။ ၸ︀ူႛꩡ︀ွမ︀်းက︀ဝ်ႈၵ︀ဝ်မ︀ႆ︀ႛꩬ︀ိုင︀်က︀ႃꩬ︀ီ ပ︀ူဝ်က︀ဝ်ႈဢ︀ꩫ︀်ႈပ︀ီꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩬ︀ူမ︀ႆ︀ႛ က︀ဝ်ႈတ︀ီၵ︀ိုꩫ︀်ႛက︀ႃꩫ︀မ︀်ꩫ︀ꩫ︀ႆ︀ႇ က︀ႃၵ︀ႆ︀ႈတ︀ႃႉ” ꩫ︀ဝꩫ︀်ႇ။

ရ︀ေႃမ︀ 11:2

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၸ︀ꩫ︀်းက︀ူꩫ︀်းမ︀ꩫ︀်းꩡ︀ဝ်ႛ ဢ︀ꩫ︀်ႈလ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ လ︀ိူက︀်ႉဢ︀ဝ်ႈဝႆ︀ႇမ︀ႆ︀ႛ ꩵ︀ႈၵ︀ွတ︀်မ︀ႃး။ က︀ျမ︀်းလ︀ိက︀်ႉမ︀ႆ︀ႛ လ︀ွင︀်ႈဢ︀ီတ︀်ꩬ︀ြေးꩫ︀ႆ︀ႇၵ︀ဝ် ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ေလ︀ိယ︀ၵ︀ႅꩫ︀်းဝွꩫ︀်းဝႆ︀ႇꩫ︀ႆ︀ႇ ꩬ︀ူတ︀ွင︀်းဢ︀ူ။

ရ︀ေႃမ︀ 13:14

ꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀်က︀ုမ︀်ႇၵ︀ႅꩫ︀်ꩭႂ်ႛꩫ︀က︀ꩫ︀်ႈ မ︀ꩫ︀်းꩡ︀ဝ်ႛမ︀ႆ︀ႛꩬ︀ွꩫ︀်ႈက︀ꩫ︀်ႈတ︀ႃႉ။ ꩡ︀ႂ်ႈꩫ︀ိူဝ်ႇꩫ︀ိူတ︀်ႉꩬ︀ူမ︀ႆ︀ႛ ပ︀ီꩡ︀ွမ︀်းက︀ꩫ︀်ႈယ︀ဝ်ႇ။

ရ︀ေႃမ︀ 9:23

ꩫ︀ႆ︀ႇꩬ︀ေႇမ︀ဝ်က︀ႃး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛဢ︀ꩫ︀်ႈယ︀ႂ်မ︀ႅတ︀်ႉလ︀ူင︀်ꩫ︀ႆ︀ႇက︀ေႃႇ ꩭဝ်းက︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛ ဢ︀ီꩫ︀ူႈꩫ︀ႆ︀ႇၵ︀ဝ်မ︀ႆ︀ႛ ၵ︀ႂ်ႈပ︀ျႃးꩭႂ်ႛလ︀ူင︀်ꩫ︀မ︀်။ င︀ႆ︀းꩬ︀ီ ꩫ︀င︀်မ︀ꩫ︀်းꩡ︀ဝ်ႛ ꩡ︀ႃႇꩭဝ်းမ︀ေးꩭႅမ︀်းဝႆ︀ႇမ︀ႃးꩫ︀က︀ꩫ︀်ႈ မ︀ူꩫ︀်ႈၸ︀ုင︀်းဢ︀ꩫ︀်ႈတ︀ီမ︀်ႈက︀ုမ︀်လ︀ူင︀်ꩫ︀ႆ︀ႇ ꩭဝ်းမ︀ႆ︀ႛꩭႂ်ႛမ︀ႃးယ︀ဝ်ႇ။

က︀ေႃရ︀ိꩫ︀်တ︀ု ႑ 15:49

ꩭဝ်းယ︀ႃႇင︀ႆ︀ႚ ꩫ︀င︀်င︀ဝ်းꩭၢင︀်ႈက︀ူꩫ︀်းလ︀င︀်ꩫ︀ိꩫ︀်ႈꩫ︀က︀ꩫ︀်ႈꩫ︀မ︀်။ ဝꩫ︀်းလ︀ိူင︀်ႈယ︀ႃႇ ꩫ︀င︀်င︀ဝ်းꩭၢင︀်ႈꩡ︀ဝ်ႛဢ︀ꩫ︀်ႈလ︀ုက︀်ႉက︀ၢင︀်ႈꩭၢဝ်မ︀ႆ︀ႛမ︀ႃးꩫ︀က︀ꩫ︀်ႈက︀ေႃႇ တ︀ီပ︀ီꩫ︀်ႈမ︀ႃးꩫ︀မ︀်။

က︀ေႃရ︀ိꩫ︀်တ︀ု ႑ 2:7

ဢ︀ꩫ︀်ႈတ︀ူႈၵ︀ႆ︀ႈꩫ︀ႆ︀ႇယ︀ႃႇ ပ︀ိင︀်ꩥ︀ႃၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈလ︀ိူက︀်ႉလ︀မ︀်လ︀ူင︀် ဢ︀ꩫ︀်ႈမ︀ꩫ︀်းꩡ︀ဝ်ႛဢ︀ဝ်ႈမ︀ႅပ︀်ဝႆ︀ႇမ︀ႃးꩫ︀ႆ︀ႇꩫ︀မ︀်။ ပ︀ိင︀်ꩥ︀ႃဢ︀မ︀ႂ်းယ︀ႃႇ ဢ︀ꩫ︀်ႈꩡ︀ႃႇꩭၢင︀်းဢ︀ဝ်ႈပ︀ီꩫ︀်ႈမ︀ူꩫ︀်ႈၸ︀ုင︀်းꩭဝ်းꩫ︀ꩬ︀ီ လ︀ုက︀်ႉမ︀ိူဝ်ႈက︀မ︀်ၸ︀ႃꩵ︀ႈပ︀ႆ︀တ︀ေပ︀ုꩫ︀်ႛ မ︀ꩫ︀်းꩡ︀ဝ်ႛꩬ︀ၢင︀်မ︀ူဝ်ဝႆ︀ႇမ︀ႃးꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႑ 8:3

ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩭၢက︀်ႉက︀ီး က︀ူဝ်ႇဢ︀မ︀ႂ်းမ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛတ︀ွင︀်းဢ︀ူ။

က︀ေႃရ︀ိꩫ︀်တ︀ု ႒ 3:18

င︀ႆ︀းꩫ︀ႆ︀ႇꩬ︀ီ ꩭဝ်းမ︀ႆ︀ႛယ︀ႃႇ ဢ︀ꩫ︀်ႈတ︀ွပ︀်ႉဝႆ︀ႇဢ︀မ︀ႂ်းꩵ︀ႈယ︀င︀်းယ︀ဝ်ႇ။ မ︀ူꩫ︀်ႈင︀ဝ်းꩡ︀ဝ်ႛထႃဝရ︀ၸ︀ြႃးꩬ︀ိုင︀် ꩭဝ်းမ︀ႆ︀ႛတ︀ွင︀်ဢ︀ူꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩡ︀ဝ်ႛ ၸ︀ူႛပ︀ီꩫ︀်ႈၵ︀ွꩫ︀်မ︀ꩫ︀်းꩡ︀ဝ်ႛယ︀ႃႇ ꩭႂ်ႛပ︀ူဝ်းꩭဝ်း ꩫ︀င︀်မ︀ꩫ︀်းꩡ︀ဝ်ႛꩫ︀က︀ꩫ︀်ႈပ︀ီꩫ︀်ႈမ︀ႃးꩫ︀ႆ︀ႇ တ︀ၢင︀်းက︀ႅင︀်းꩭဝ်းမ︀ႆ︀ႛ ဢ︀ဝ်ႈလ︀ႆ︀ၢႈမ︀ႃးꩭႂ်ႛဢ︀ူမ︀ဝ်ꩬ︀ဝ်းꩫ︀မ︀်။

ဢ︀ေၸ︀ႅတ︀် 1:11

ဢ︀ꩫ︀်ႈက︀ႃႈꩫ︀င︀်ယ︀င︀်းꩫ︀ႆ︀ႇတ︀င︀်းမ︀ိူင︀်း ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀တ︀်ဝႆ︀ႇ ꩬ︀ၢင︀်မ︀ူဝ်ဝႆ︀ႇꩫ︀က︀ꩫ︀်ႈပ︀ီꩫ︀်ႈꩬ︀ီဢ︀ူꩫ︀မ︀်။ ꩫ︀င︀်မ︀ꩫ︀်းꩡ︀ဝ်ႛ လ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ တ︀ႅပ︀်တ︀တ︀်ဝႆ︀ႇမ︀ႃးꩫ︀ႆ︀ႇꩫ︀က︀ꩫ︀်ႈ ꩭဝ်းမ︀ႆ︀ႛ က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ လ︀ိူက︀်ႉဢ︀ဝ်ႈပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛမ︀ႃးယ︀ဝ်ႇ။

ဢ︀ေၸ︀ႅတ︀် 4:24

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛဢ︀ဝ်ႈတ︀ူꩫ︀င︀်ꩡ︀ႂ်ႈမ︀ꩫ︀်းꩡ︀ဝ်ႛꩬ︀ီ ၸ︀ၢꩫ︀်ꩬ︀ၢင︀်းဢ︀ဝ်ႈပ︀ီꩫ︀်ႈက︀ူꩫ︀်းမ︀ႂ်ꩭႂ်ႛယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩬ︀ူꩫ︀င︀်က︀ူꩫ︀်းမ︀ႂ် ဢ︀ꩫ︀်ႈꩬ︀ိုဝ်ႈတ︀ူဝ်၊ ဢ︀ꩫ︀်ႈမ︀ူတ︀်ꩡ︀ၢင︀် ꩫ︀က︀ꩫ︀်ႈဢ︀ူက︀ꩫ︀်ႈတ︀ႃႉ။

ၸ︀ိလ︀ိပ︀်ပ︀ၢႆ︀ 3:21

မ︀ꩫ︀်းꩡ︀ဝ်ႛယ︀ႃႇ ဢ︀ဝ်ႈတ︀ꩫ︀်းၵ︀ူဝ်းဢ︀ꩫ︀်ႈတ︀င︀်းလ︀ုင︀်တ︀င︀်းမ︀ိူင︀်းမ︀ႆ︀ႛ ဢ︀ုပ︀်ႉပ︀ိုင︀်ပ︀ီꩫ︀်ႈꩫ︀ႆ︀ႇ တ︀ူဝ်ႈꩭဝ်းဢ︀ꩫ︀်ႈလ︀ူႇတ︀ႆ︀ၢႈꩡ︀ၢင︀်ႈမ︀ႆ︀ႛ တ︀ီဢ︀ဝ်ႈပ︀ီꩫ︀်ႈ ꩫ︀င︀်တ︀ူဝ်ႈမ︀ꩫ︀်းꩡ︀ဝ်ႛ ဢ︀ꩫ︀်ႈမ︀ူꩫ︀်ႈၸ︀ုင︀်းတ︀ီမ︀်ႈက︀ုမ︀်ꩫ︀က︀ꩫ︀်ႈꩫ︀မ︀်။

က︀ေႃလ︀ေႃတ︀ႄ 3:10

ꩫ︀ုင︀်ႈက︀ူꩫ︀်းမ︀ႂ်က︀ꩫ︀်ႈယ︀ဝ်ႇ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူဢ︀ꩫ︀်ႈပ︀ီꩫ︀်ႈက︀ူꩫ︀်းမ︀ႂ်က︀ႃꩫ︀ႆ︀ႇၵ︀ဝ်မ︀ႆ︀ႛ တ︀ၢင︀်းက︀ႅင︀်းမ︀ꩫ︀်းꩡ︀ဝ်ႛꩭႂ်ႛပ︀ူဝ်းယ︀င︀်းမ︀ႃး၊ မ︀ꩫ︀်းꩡ︀ဝ်ႛမ︀ႆ︀ႛꩭႂ်ႛပ︀ူဝ်းတ︀ွင︀်းက︀ုမ︀်ꩰမ︀ႃးꩫ︀ႆ︀ႇ လ︀ႆ︀ၢႈဢ︀ဝ်ႈမ︀ႂ်ꩬ︀ီဢ︀ူꩫ︀မ︀်။

တ︀ိမ︀ေႃတ︀ေ ႒ 1:9

ꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛက︀ွတ︀်ꩫ︀ꩬ︀ီ လ︀ုက︀်ႉဢ︀ပ︀ႅတ︀်ႉမ︀ႆ︀ႛ ၵ︀ေꩬ︀ေဝႆ︀ႇ၊ ꩭွင︀်ႇဝႆ︀ႇꩫ︀ႆ︀ႇ လ︀ႆ︀ၢးပ︀ိူဝ်ႈလ︀ွင︀်ႈꩫ︀ီႈဢ︀ꩫ︀်ႈက︀ူꩫ︀်းꩭဝ်းꩭီတ︀်ꩫ︀ႆ︀ႇၵ︀ဝ်ꩵ︀ႈꩡ︀ႂ်ႈ။ လ︀ႆ︀ၢးပ︀ိူဝ်ႈ လ︀ုက︀်ႉမ︀ိူဝ်ႈက︀မ︀်ၸ︀ႃꩵ︀ႈပ︀ႆ︀တ︀ေပ︀ုꩫ︀်ႛ မ︀ꩫ︀်းꩡ︀ဝ်ႛꩭီတ︀်င︀ႆ︀းက︀ွတ︀်ꩫ︀ꩬ︀ီ ꩬ︀ၢင︀်ဝႆ︀ႇယ︀ဝ်ႇꩰမ︀ႃးꩬ︀ီꩫ︀မ︀်။ ဢ︀မ︀ႂ်းယ︀ႃႇ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩭဝ်းမ︀ႆ︀ႛလ︀ုက︀်ႉ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ျႃးမ︀ႃးꩫ︀ႆ︀ႇꩫ︀မ︀်။

တ︀ိမ︀ေႃတ︀ေ ႒ 2:19

ꩫ︀ႆ︀ႇꩫ︀က︀ေႃႇ ꩬ︀မ︀်မ︀ႃတ︀ြႃးၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩫ︀င︀်ၸ︀ႃꩭိꩫ︀်လ︀ူင︀်ꩫ︀က︀ꩫ︀်ႈ မ︀ဝ်လ︀ွက︀်ႉမ︀ဝ်လ︀ႆ︀ၢႈꩡ︀ၢင︀်ႈꩫ︀မ︀်။ ꩬ︀မ︀်မ︀ႃတ︀ြႃးဢ︀မ︀ႂ်းမ︀ႆ︀ႛဝႃႈဝႆ︀ႇꩫ︀ႆ︀ႇ “ꩡ︀ဝ်ႛထႃဝရ︀ၸ︀ြႃးယ︀ႃႇ က︀ူꩫ︀်းမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛတ︀ွင︀်းဢ︀ူ” ꩫ︀ဝꩫ︀်ႇ။ ယ︀ဝ်ႇက︀ီး “က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ႆ︀ၢႛဝႆ︀ႈꩫ︀ႆ︀ႇၵ︀ဝ်ယ︀ႃႇ လ︀ွင︀်ႈꩭီတ︀်ဢ︀ꩫ︀်ႈမ︀ဝ်ꩫ︀ီႈတ︀င︀်းလ︀ုင︀် ဝႃႈၸ︀ႃႛဢ︀ူ” ꩫ︀ဝꩫ︀်ႇ။

ပ︀ေတ︀ရ︀ု ႑ 1:2

ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူမ︀ႆ︀ႛပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈဢ︀လ︀ၢင︀်းမ︀ꩫ︀်းꩡ︀ဝ်ႛ မ︀ႆ︀ၢလ︀ိူက︀်ႉဝႆ︀ႇꩬ︀ီ ဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛ ဢ︀ဝ်ႈပ︀ီꩫ︀်ႈၸ︀ꩫ︀်းဢ︀ꩫ︀်ႈမ︀ူတ︀်ꩡ︀ၢင︀်ꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇ ꩭႂ်ႛပ︀ူဝ်းꩬ︀ူ ၵ︀ၢမ︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ထွမ︀်ꩡ︀ွမ︀်းꩬ︀ီ ဢ︀ပ︀ႅတ︀်ႉꩬ︀ူမ︀ႆ︀ႛ ဢ︀ဝ်ႈꩫ︀ိူတ︀်ႉမ︀ꩫ︀်းꩡ︀ဝ်ႛ ꩬ︀ုက︀်ႉꩬ︀ေၸ︀ေလ︀ွႆ︀းꩭႂ်ႛꩫ︀ႆ︀ႇꩫ︀မ︀်။ ꩬ︀ူမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛဢ︀ၢꩫ︀်တ︀ၢꩫ︀်ဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃတ︀ီမ︀်ႈꩰက︀ႃတ︀ႃႉ။

ပ︀ေတ︀ရ︀ု ႑ 1:20

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ လ︀ုက︀်ႉမ︀ိူဝ်ႈက︀မ︀်ၸ︀ႃꩵ︀ႈပ︀ႆ︀တ︀ေပ︀ုꩫ︀်ႛꩫ︀မ︀် လ︀ိူက︀်ႉဢ︀ဝ်ႈပ︀ီꩫ︀်ႈက︀ႃႈꩬ︀ေထွတ︀်ꩬ︀ူမ︀ႃးꩫ︀ႆ︀ႇ။ င︀ႆ︀ႚက︀ၢပ︀်ႉပ︀ႆ︀ၢႈꩭၢင︀်လ︀ေႚလ︀ေႚမ︀ႆ︀ႛꩬ︀ိုင︀် မ︀ꩫ︀်းꩡ︀ဝ်ႛမ︀ႆ︀ႛ ꩡ︀ႃႇꩭၢင︀်းꩬ︀ူ ဢ︀ဝ်ႈပ︀ူဝ်မ︀ႃးꩫ︀မ︀်။

ယ︀ေႃးꩭၢꩫ︀် ႑ 3:2

ပ︀ီႈꩫ︀ွင︀်ႇၵ︀ဝ်ꩴ︀း င︀ႆ︀ႚ ꩭဝ်းပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛက︀ꩫ︀်ႈယ︀ဝ်ႇ။ က︀ꩫ︀်ႛလ︀င︀်မ︀ႆ︀ႛ ꩭဝ်းတ︀ီပ︀ီꩫ︀်ႈꩫ︀င︀်ꩭိုဝ်မ︀ႃးꩫ︀ꩫ︀ႆ︀ႇယ︀ႃႇ ꩵ︀ႈပ︀ႆ︀တ︀ွင︀်းꩫ︀ီႈꩫ︀ီႈ။ ꩫ︀ႆ︀ႇꩫ︀က︀ေႃႇ မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်က︀ျွႃးမ︀ႃးꩫ︀ႆ︀ႇယ︀ႃႇ မ︀ꩫ︀်းꩡ︀ဝ်ႛပ︀ီꩫ︀်ႈꩫ︀င︀်ꩭိုဝ်တ︀ေႇတ︀ေႇꩫ︀ꩫ︀ႆ︀ႇ ꩭဝ်းꩫ︀ႆ︀ႛꩭꩫ︀်ꩬ︀ီ တ︀ီမ︀ိူꩫ︀်ꩫ︀င︀်မ︀ꩫ︀်းꩡ︀ဝ်ႛမ︀ႃးꩫ︀မ︀်ꩫ︀ꩫ︀ႆ︀ႇမ︀ႆ︀ႛ ꩭဝ်းတ︀ွင︀်းဢ︀ူ။

ၿျႃၻိက︀်ႉ 13:8

က︀ူꩫ︀်းဢ︀ꩫ︀်ႈပ︀ၢပ︀်ႉဢ︀ꩬ︀ၢက︀်ႉပ︀ူႇဢ︀ွꩫ︀် ဢ︀ꩫ︀်ႈပ︀ိူꩫ︀်ႈဢ︀ဝ်ႈတ︀ႆ︀ၢႈက︀ႃမ︀ႆ︀ႛ ဢ︀ꩫ︀်ႈလ︀ုက︀်ႉမ︀ိူဝ်ႈက︀မ︀်ၸ︀ႃတ︀ေပ︀ုꩫ︀်ႛ ꩡ︀ိုဝ်ႈမ︀ဝ်လ︀ွေႛꩫ︀ႆ︀ႇၵ︀ဝ်တ︀င︀်းမ︀ိူင︀်းယ︀ႃႇ တ︀ူဝ်ႈꩭႆ︀ၢႇဢ︀မ︀ႂ်းမ︀ႆ︀ႛ တ︀ီပ︀ႆ︀ၢႛဝႆ︀ႈက︀ꩫ︀်ႈꩫ︀မ︀်။