ရ︀ေႃမ︀ 8:17 - Khamti Shan

¹⁷ က︀ွပ︀်ႉပ︀ိူဝ်ႈꩭဝ်း ပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ ဢ︀က︀ိဝ်းမ︀ၢင︀်က︀လ︀ႃဢ︀ꩫ︀်ႈꩡ︀ႃႇက︀ူꩫ︀်းမ︀ꩫ︀်းꩡ︀ဝ်ႛၵ︀ဝ် ꩡ︀ွင︀်ဝႆ︀ႇꩫ︀ႆ︀ႇ ꩭဝ်းတ︀ီꩫ︀ႆ︀ႛꩫ︀မ︀်။ မ︀ူꩫ︀်ႈင︀ဝ်းဢ︀ꩫ︀်ႈꩡ︀ႃႇꩭၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ွင︀်ဝႆ︀ႇꩫ︀ႆ︀ႇက︀ေႃႇ ꩭဝ်းတ︀ီꩫ︀ႆ︀ႛꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်း ꩫ︀င︀်ꩡ︀ဝ်ႛယ︀ေꩬ︀ုꩫ︀က︀ꩫ︀်ႈ ꩫ︀ႆ︀ႛꩭူမ︀်ႈၵ︀ၢမ︀်ၻုက︀်ႉၵ︀က︀ီး ꩫ︀င︀်မ︀ꩫ︀်းꩡ︀ဝ်ႛꩫ︀က︀ꩫ︀်ႈ မ︀ူꩫ︀်ႈၸ︀ုင︀်းက︀ေႃႇတ︀ီꩫ︀ႆ︀ႛꩫ︀မ︀်။

ရ︀ေႃမ︀ 8:17 ပူးပေါင်းရင်းမြစ်များ

မ︀တ︀်တ︀ႄး 16:24

ယ︀ဝ်ႇက︀ီး တ︀ပ︀ေးꩡ︀ဝ်ႛၵ︀ဝ်မ︀ႆ︀ႛ ဝႃႈꩫ︀ႆ︀ႇ “ၸ︀ႂ်ꩫ︀က︀ေႃႇ ၵ︀ႂ်ႈꩡ︀ွမ︀်းက︀ꩫ︀်ႛလ︀င︀်က︀ဝ်ႈက︀ီး ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛဝႃႈလ︀ုမ︀်းၵ︀ွတ︀်ဢ︀ူ။ ꩬ︀ဝ်ဝႃးမ︀ိုဝ်းၸ︀ူႛꩡ︀ဝ်ႛမ︀ႅက︀်ꩬ︀ီ က︀ꩫ︀်ႛလ︀င︀်က︀ဝ်ႈမ︀ႆ︀ႛ ဝႃႈꩡ︀ွမ︀်းဢ︀ူ။

မ︀တ︀်တ︀ႄး 25:21

ꩫ︀ႆ︀ႇမ︀ႆ︀ႛꩡ︀ဝ်ႛမ︀ꩫ︀်းက︀ေႃႇ “ဢ︀ိူဝ်းလ︀ႃႉ၊ မ︀ႂ်းꩬ︀ႅတ︀်ႉꩡ︀ႃယ︀င︀်းလ︀ူင︀်ꩥ︀ႃ။ ꩡ︀ႂ်ႈယ︀ဝ်ႇ၊ မ︀ႂ်းဢ︀ꩫ︀်ႈဢ︀ွꩫ︀်လ︀ိူင︀်ႈမ︀ႆ︀ႛ ꩬ︀ႅတ︀်ႉꩡ︀ႃယ︀င︀်းꩫ︀ႆ︀ႇꩬ︀ီ မ︀ႂ်းမ︀ႆ︀ႛ ဢ︀ၢꩫ︀်တ︀ၢꩫ︀်ဢ︀ၢပ︀်ႉꩭႂ်ႛဢ︀ိက︀်က︀ွတ︀်။ မ︀ႃးလ︀ႃး၊ တ︀င︀်းက︀ဝ်ႈꩡ︀ဝ်ႛမ︀ႃးꩭူမ︀်ႈက︀ိꩫ︀်ႈပ︀ိဝ်လ︀ႃး” ꩫ︀ဢ︀ူ။

လ︀ုက︀ႃ 12:32

ꩬ︀ူဢ︀ꩫ︀်ႈမ︀ိူꩫ︀်ꩫ︀င︀်ၸ︀ုင︀်ပ︀ူႇဢ︀ွꩫ︀်က︀ဝ်ႈၵ︀ဝ်ꩴ︀း။ ပ︀ီက︀ူဝ်ႈ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩬ︀ူယ︀ႃႇ ꩬ︀ူမ︀ႆ︀ႛ မ︀ိူင︀်းမ︀ꩫ︀်းꩡ︀ဝ်ႛၵ︀ႂ်ႈꩭႂ်ႛဢ︀ူ။

လ︀ုက︀ႃ 24:26

ꩡ︀ဝ်ႛၵ︀ရ︀ီတ︀်ယ︀ႃႇ ၵ︀ၢမ︀်ဝေတ︀ꩫ︀ႃယ︀ဝ်ႇꩬ︀ိုင︀် ဝႃႈꩭၢပ︀်ႉမ︀ူꩫ︀်ႈၸ︀ုင︀်းꩫ︀မ︀်ꩫ︀ꩫ︀ႆ︀ႇ ꩬ︀ူမ︀ဝ်တ︀ွင︀်းက︀ျႃး” ꩫ︀ယ︀ဝ်ႇက︀ီး

ယ︀ေႃးꩭၢꩫ︀် 17:24

ပ︀ူဝ်ꩡ︀ဝ်ႛꩴ︀း က︀ူꩫ︀်းဢ︀ꩫ︀်ႈက︀ဝ်ႈၵ︀ႃႛမ︀ႆ︀ႛ ꩡ︀ဝ်ႛꩭႂ်ႛဝႆ︀ႇꩫ︀ႆ︀ႇၵ︀ဝ် တ︀ီႈဢ︀ꩫ︀်ႈက︀ဝ်ႈၵ︀ႃႛတ︀ီဢ︀ူမ︀ႆ︀ႛ ၵ︀ဝ်မ︀ႆ︀ႛက︀ေႃႇၵ︀ႂ်ႈꩭႂ်ႛဢ︀ူတ︀ီၵ︀ႃႛဢ︀ူ။ င︀ႆ︀းက︀ီး မ︀ူꩫ︀်ႈၸ︀ုင︀်းဢ︀ꩫ︀်ႈꩡ︀ဝ်ႛက︀ဝ်ႈၵ︀ႃႛမ︀ႆ︀ႛ ꩭႂ်ႛဝႆ︀ႇဢ︀မ︀ႂ်းမ︀ႆ︀ႛ ၵ︀ဝ်ꩭꩫ︀်တ︀ီၵ︀ႃႛဢ︀ူ။ မ︀ူꩫ︀်ႈၸ︀ုင︀်းဢ︀မ︀ႂ်းယ︀ႃႇ မ︀ိူဝ်ႈက︀မ︀်ၸ︀ႃꩵ︀ႈပ︀ႆ︀တ︀ေပ︀ုꩫ︀်ႛ ဢ︀ꩫ︀်ႈꩡ︀ဝ်ႛ က︀ဝ်ႈၵ︀ႃႛမ︀ႆ︀ႛ ꩭၢက︀်ႉꩬ︀ီꩭႂ်ႛမ︀ႃးꩫ︀ႆ︀ႇꩫ︀မ︀်။

ထဝ်ꩡ︀တ︀်ႉၵ︀ဝ် 14:22

ꩬ︀ွင︀်ၵ︀ႃယ︀ႃႇ ꩭႂ်ႛပ︀ူဝ်းၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် ယ︀ုမ︀်ယ︀မ︀်ႈၵ︀ိူင︀်ꩰꩫ︀ႆ︀ႇ ၵ︀ဝ်မ︀ႆ︀ႛ ꩬ︀ႂ်ꩭႅင︀်းꩭႂ်ႛဢ︀ူ။ “မ︀ိူဝ်ႈꩭဝ်းက︀ႃ မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇ တ︀ၢင︀်းယ︀ပ︀်ယ︀ၢက︀်ႉၻုက︀်ႉၵ︀ဢ︀ၢꩫ︀်တ︀ၢꩫ︀် ဝႃႈꩫ︀ႆ︀ႛၵ︀ၢမ︀်ဢ︀ူ” ꩫ︀ꩬ︀ီၵ︀ဝ်မ︀ႆ︀ႛꩬ︀ွꩫ︀်ꩬ︀င︀်ꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 20:32

င︀ႆ︀ႚ ꩬ︀ူꩡ︀ဝ်ႛမ︀ႆ︀ႛ မ︀ိုဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛတ︀မ︀ိူင︀်း၊ တ︀ြႃးက︀ျေးꩡ︀ူးတ︀ူဝ်ꩡ︀ဝ်ႛမ︀ႆ︀ႛတ︀မ︀ိူင︀်း က︀ဝ်ႈဢ︀ၢပ︀်ႉꩭႂ်ႛဢ︀ူ။ တ︀ြႃးက︀ျေးꩡ︀ူးတ︀ူဝ်ꩡ︀ဝ်ႛꩫ︀ႆ︀ႇ ꩬ︀ူꩡ︀ဝ်ႛမ︀ႆ︀ႛဢ︀ဝ်ႈၵ︀ိူင︀်ꩭႂ်ႛꩬ︀ီ ဢ︀က︀ိဝ်းဢ︀ꩫ︀်ႈꩡ︀ႃႇက︀ူꩫ︀်းမ︀ꩫ︀်းꩡ︀ဝ်ႛၵ︀ဝ် ꩡ︀ွင︀်ဝႆ︀ႇꩫ︀ႆ︀ႇၵ︀ဝ် ꩬ︀ူꩡ︀ဝ်ႛမ︀ႆ︀ႛတ︀ီပ︀ူင︀်ႈꩭႂ်ႛꩫ︀မ︀်။

ထဝ်ꩡ︀တ︀်ႉၵ︀ဝ် 26:18

မ︀ႂ်းယ︀ႃႇ ꩭွေႛတ︀ႃႈက︀ူꩫ︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ဝႃႈက︀ႃပ︀ုတ︀်ꩭႂ်ႛဢ︀ူ။ ၵ︀ဝ်မ︀ႆ︀ႛ လ︀ုက︀်ႉဢ︀ꩫ︀်ႈꩫ︀ပ︀်ꩬ︀ိင︀်မ︀ႆ︀ႛ ဢ︀ဝ်ႈထိုင︀်ဢ︀ꩫ︀်ႈလ︀ႅင︀်းꩬ︀ီ လ︀ုက︀်ႉက︀ꩫ︀်ႛတ︀ႂ်ႛဢ︀ႃꩫ︀ႃၵ︀ုꩫ︀်ꩬ︀ူင︀်မ︀ႆ︀ႛ ဝႃႈဢ︀ဝ်ႈထိုင︀် က︀ꩫ︀်ႛတ︀ႂ်ႛဢ︀ႃꩫ︀ႃၸ︀ြႃးပ︀ီꩫ︀်ႈꩡ︀ဝ်ႛဢ︀ူ။ ꩭႂ်ႛပ︀ူဝ်းၵ︀ဝ် က︀ဝ်ႈမ︀ႆ︀ႛယ︀ုမ︀်ယ︀မ︀်ႈꩬ︀ီ ၵ︀ဝ်မ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛဢ︀ပ︀ႅတ︀်ႉပ︀ွႆ︀ꩭႂ်ႛင︀ႆ︀း က︀ုမ︀်ႛက︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ꩫ︀ႆ︀ႛၵ︀ဝ်ႛꩫ︀ႆ︀ႇ မ︀ႂ်းဝႃႈꩭီတ︀်ဢ︀ူ” ꩫ︀ꩬ︀ီဝႃႈဢ︀ူ။

ရ︀ေႃမ︀ 5:17

လ︀ႆ︀ၢးပ︀ိူဝ်ႈဢ︀ႃတ︀ၢမ︀်က︀ူဝ်ႇလ︀ိူင︀်ႈ ꩭီတ︀်ဢ︀ပ︀ႅတ︀်ႉမ︀ႃးꩫ︀ႆ︀ႇꩬ︀ီ က︀ူꩫ︀်းတ︀င︀်းမ︀ိူင︀်းꩫ︀ႆ︀ႛၵ︀ၢမ︀်တ︀ႆ︀ၢႈယ︀ဝ်ႇ။ ꩫ︀ႆ︀ႇꩫ︀က︀ေႃႇ က︀ျေးꩡ︀ူးꩡ︀ဝ်ႛꩫ︀ၵ︀ႃ တ︀ၢင︀်းꩬ︀ိုဝ်ႈတ︀ူဝ် ꩬ︀ူးက︀ျေးꩡ︀ူးꩡ︀ဝ်ႛ ဢ︀ꩫ︀်ႈလ︀ုက︀်ႉꩡ︀ဝ်ႛယ︀ေꩬ︀ုၵ︀ရ︀ီတ︀်က︀ူဝ်ႇလ︀ိူင︀်ႈမ︀ႆ︀ႛ မ︀ႃးꩫ︀ႆ︀ႇယ︀ႃႇ ဢ︀မ︀ႂ်းမ︀ႆ︀ႛယ︀ႂ်ꩬ︀ႃဢ︀ူ။ င︀ႆ︀းꩫ︀ႆ︀ႇꩬ︀ီ က︀ူꩫ︀်းဢ︀ꩫ︀်ႈ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ꩬ︀ူးက︀ျေးꩡ︀ူးꩡ︀ဝ်ႛ ꩭၢပ︀်ႉဢ︀ဝ်ႈꩫ︀ႆ︀ႇၵ︀ဝ်ယ︀ႃႇ ဢ︀ꩬ︀ၢက︀်ႉဢ︀ꩫ︀်ႈမ︀ꩫ︀်ႛတ︀ိူင︀်ႈတ︀ီꩫ︀ႆ︀ႛꩫ︀မ︀်။

ရ︀ေႃမ︀ 8:3

ꩬ︀ိꩫ︀်ယ︀ႃႇ လ︀ႆ︀ၢးပ︀ိူဝ်ႈꩡ︀ႂ်ႈꩫ︀ိူဝ်ႇꩫ︀ိူတ︀်ႉက︀ူꩫ︀်းꩭဝ်း ꩭႅင︀်းဢ︀ေꩫ︀ႆ︀ႇꩬ︀ီ ဢ︀ꩫ︀်ႈꩬ︀ိꩫ︀်ꩭီတ︀်မ︀ဝ်ပ︀ီꩫ︀်ႈꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛꩭီတ︀်မ︀ႃးယ︀ဝ်ႇ။ လ︀ုက︀်ႉမ︀ꩫ︀်းꩡ︀ဝ်ႛ ဢ︀ꩫ︀်ႈꩫ︀င︀်ꩡ︀ႂ်ႈꩫ︀ိူဝ်ႇꩫ︀ိူတ︀်ႉက︀ူꩫ︀်းꩭဝ်းꩫ︀က︀ꩫ︀်ႈ က︀ျွႃးမ︀ႃးမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇမ︀ႃးꩬ︀ီ ꩡ︀ႂ်ႈꩫ︀ိူဝ်ႇꩫ︀ိူတ︀်ႉက︀ူꩫ︀်းꩭဝ်းမ︀ႆ︀ႛ မ︀ꩫ︀်းꩡ︀ဝ်ႛ တ︀ၢမ︀်ဢ︀ပ︀ႅတ︀်ႉပ︀ူင︀်ႈမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ ꩭၢင︀်းꩭဝ်းမ︀ႆ︀ႛ လ︀ုက︀်ႉဢ︀ပ︀ႅတ︀်ႉမ︀ႆ︀ႛ ဢ︀ဝ်ႈလ︀ွတ︀်ႉꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႑ 2:9

ꩫ︀င︀်က︀ျမ︀်းလ︀ိက︀်ႉမ︀ႆ︀ႛ “ဢ︀ꩫ︀်ႈꩡ︀ႃႇꩭၢင︀်း က︀ူဝ်ႇဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩭၢက︀်ႉꩫ︀ႆ︀ႇၵ︀ဝ်ꩫ︀ꩬ︀ီ မ︀ꩫ︀်းꩡ︀ဝ်ႛꩭႅမ︀်းဝႆ︀ႇꩫ︀ႆ︀ႇမ︀ႆ︀ႛယ︀ႃႇ ၸ︀ႂ်က︀ေႃႇꩵ︀ႈပ︀ႆ︀ꩭွꩫ︀်ꩭꩫ︀်၊ ꩵ︀ႈပ︀ႆ︀ꩭွꩫ︀်ꩫ︀ႆ︀ႛꩥ︀ိꩫ︀်း၊ တ︀ီပ︀ီꩫ︀်ႈမ︀ႃးꩫ︀မ︀်ꩫ︀ꩫ︀ႆ︀ႇက︀ေႃႇ ၸ︀ႂ်က︀ေႃႇꩵ︀ႈꩭွꩫ︀်ၵ︀ႂ်ႈꩡ︀ႂ်ႈ” ꩫ︀ꩬ︀ီဝႃႈဝႆ︀ႇꩫ︀က︀ꩫ︀်ႈꩫ︀မ︀်။

က︀ေႃရ︀ိꩫ︀်တ︀ု ႒ 1:5

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ꩫ︀ႆ︀ႛၵ︀ၢမ︀်ၻုက︀်ႉၵ︀ꩫ︀မ︀်ꩰလ︀ၢႆ︀လ︀ၢႆ︀မ︀ႆ︀ႛ ꩭဝ်းꩫ︀ႆ︀ႛၵ︀ၢမ︀်လ︀ွေႛꩫ︀က︀ꩫ︀်ႈ ဢ︀ꩫ︀်ႈလ︀ႆ︀ၢးပ︀ိူဝ်ႈမ︀ꩫ︀်းꩡ︀ဝ်ႛꩬ︀ီ ꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩭႂ်ႛꩫ︀ႆ︀ႇက︀ေႃႇ ꩫ︀မ︀်လ︀ႆ︀ၢလ︀ူင︀်ꩫ︀မ︀်။

က︀ေႃရ︀ိꩫ︀်တ︀ု ႒ 1:7

ဢ︀ꩫ︀်ႈတ︀ူႈꩫ︀ႆ︀ႛၻုက︀်ႉၵ︀မ︀ႆ︀ႛ ꩬ︀ူၵ︀ၢမ︀်လ︀ွေႛꩫ︀က︀ꩫ︀်ႈ ဢ︀ꩫ︀်ႈတ︀ူႈမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩭႂ်ႛꩫ︀ႆ︀ႇက︀ေႃႇ ꩬ︀ူတ︀ီꩫ︀ႆ︀ႛꩫ︀မ︀်ꩫ︀ꩫ︀ႆ︀ႇ တ︀ူႈတ︀မ︀်းꩡ︀ႂ်ႈဢ︀ူ။

က︀လ︀ႃတ︀ိ 3:29

ꩬ︀ူပ︀ီꩫ︀်ႈက︀ူꩫ︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ဝ်ႇꩫ︀က︀ီး ပ︀ီꩫ︀်ႈၵ︀ိူဝ်းဢ︀ႃပ︀ြႃꩭၢမ︀်၊ ပ︀ီꩫ︀်ႈၸ︀ူႛꩭၢပ︀်ႉဢ︀မ︀ွေၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ က︀တ︀ိဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ႃပ︀ြႃꩭၢမ︀်မ︀ႆ︀ႛꩭႂ်ႛဝႆ︀ႇꩫ︀ႆ︀ႇ ꩬ︀ူတ︀ီꩫ︀ႆ︀ႛꩫ︀မ︀်။

က︀လ︀ႃတ︀ိ 4:7

င︀ႆ︀းꩫ︀ႆ︀ႇꩬ︀ီ ꩬ︀ူယ︀ႃႇ ၵ︀ႃႛꩵ︀ႈꩡ︀ႂ်ႈယ︀ဝ်ႇ။ လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ က︀ွပ︀်ႉပ︀ိူဝ်ႈꩬ︀ူပ︀ီꩫ︀်ႈလ︀ုက︀်ႉမ︀ꩫ︀်းꩡ︀ဝ်ႛꩫ︀ႆ︀ႇꩬ︀ီ ꩬ︀ူမ︀ႆ︀ႛ ဢ︀မ︀ွေဢ︀ꩫ︀်ႈꩡ︀ႃႇꩭၢင︀်းလ︀ုက︀်ႉမ︀ꩫ︀်းꩡ︀ဝ်ႛၵ︀ဝ်ꩫ︀ႆ︀ႇ ꩬ︀ူမ︀ႆ︀ႛတ︀ီꩭႂ်ႛꩫ︀မ︀်။

ဢ︀ေၸ︀ႅတ︀် 3:6

ဢ︀ꩫ︀်ႈလ︀ိူက︀်ႉလ︀မ︀်ဢ︀မ︀ႂ်းယ︀ႃႇ လ︀ႆ︀ၢးပ︀ိူဝ်ႈၵ︀ၢဝ်ႈၵ︀ၢမ︀်းꩫ︀ီႈꩬ︀ီ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်က︀ေႃႇ တ︀င︀်းက︀ျူးꩫ︀ႆ︀ႇၵ︀ဝ် ဢ︀က︀ိဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀ႆ︀ႛꩭူမ︀်ႈꩭၢပ︀်ႉꩫ︀ႆ︀ႇꩫ︀မ︀်။ ၵ︀ဝ်က︀ေႃႇ တ︀င︀်းက︀ျူးꩫ︀ႆ︀ႇၵ︀ဝ် ꩫ︀ႂ်းတ︀ူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩫ︀ႆ︀ႛလ︀ွေႛꩬ︀ီ က︀တ︀ိဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ꩭႂ်ႛမ︀ႃးꩫ︀ႆ︀ႇ ꩫ︀ႆ︀ႛꩭၢပ︀်ႉဢ︀ဝ်ႈယ︀ဝ်ႇ။

ၸ︀ိလ︀ိပ︀်ပ︀ၢႆ︀ 1:29

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇꩬ︀ူမ︀ႆ︀ႛ ဢ︀ၵ︀ၢင︀်းဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛယ︀ုမ︀်ယ︀မ︀်ႈꩫ︀ႆ︀ၢႈမ︀ဝ်က︀ႃး ဢ︀ၵ︀ၢင︀်းဢ︀ꩫ︀်ႈꩡ︀ႃႇမ︀ꩫ︀်းꩡ︀ဝ်ႛ ၵ︀ၢမ︀်ၻုက︀်ႉၵ︀တ︀မ︀ိူင︀်းꩫ︀မ︀်ꩭႂ်ႛမ︀ႃးꩫ︀ႆ︀ႇ။

ၸ︀ိလ︀ိပ︀်ပ︀ၢႆ︀ 3:10

ꩫ︀ိူဝ်တ︀င︀်းမ︀ိူင︀်းမ︀ႆ︀ႛ ဢ︀ꩫ︀်ႈက︀ဝ်ႈၵ︀ႅꩫ︀်းလ︀ႅင︀်ႇꩫ︀ႆ︀ႇယ︀ႃႇ ꩭႂ်ႛပ︀ူဝ်းက︀ဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛတ︀မ︀ိူင︀်း၊ တ︀ꩫ︀်းၵ︀ူဝ်းဢ︀ꩫ︀်ႈမ︀ꩫ︀်းꩡ︀ဝ်ႛꩫ︀ိပ︀်ပ︀ွက︀်ႉမ︀ႃးမ︀ႆ︀ႛတ︀မ︀ိူင︀်း၊ ꩭူႇတ︀ွင︀်းင︀ႆ︀း၊ ꩭႂ်ႛပ︀ူဝ်းၻုက︀်ႉၵ︀မ︀ꩫ︀်းꩡ︀ဝ်ႛမ︀ႆ︀ႛ ꩫ︀ႆ︀ႛၵ︀ၢမ︀်လ︀ွေႛꩬ︀ီ ဢ︀ꩫ︀်ႈမ︀ꩫ︀်းꩡ︀ဝ်ႛတ︀ႆ︀ၢႈမ︀ႆ︀ႛ ꩫ︀ႆ︀ႛတ︀ႆ︀ၢႈလ︀ွေႛꩫ︀ႆ︀ႇꩫ︀မ︀်။

က︀ေႃလ︀ေႃတ︀ႄ 1:24

က︀ဝ်ႈꩡ︀ႃႇဢ︀က︀ိဝ်းꩬ︀ူ ꩫ︀ႆ︀ႛၵ︀ၢမ︀်ၻုက︀်ႉၵ︀ꩫ︀ႆ︀ႇꩬ︀ီ ꩡ︀ူမ︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၻုက︀်ႉၵ︀ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ႃႇꩭၢင︀်းꩡ︀ိူဝ်းꩡ︀ဝ်ႛဢ︀ꩫ︀်ႈပ︀ီꩫ︀်ႈတ︀ူဝ်ႈမ︀ꩫ︀်းꩡ︀ဝ်ႛ ဝႃႈက︀ၢပ︀်ၵ︀ၢမ︀်ဢ︀ိက︀်ꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈ ꩫ︀ႆ︀ႛက︀ၢပ︀်ၵ︀ၢမ︀်က︀ႃꩬ︀ီꩫ︀မ︀်။

တ︀ိတ︀ု 3:7

ꩡ︀ဝ်ႛယ︀ေꩬ︀ုၵ︀ရ︀ီတ︀်က︀ေႃႇ ꩭဝ်းမ︀ႆ︀ႛဢ︀ီꩫ︀ူႈꩭၢက︀်ႉꩭွမ︀်ꩫ︀ႆ︀ႇꩬ︀ီ ꩭႂ်ႛပ︀ူဝ်းꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀တ︀်ႉက︀ူꩫ︀်းဢ︀ꩫ︀်ႈဢ︀ပ︀ႅတ︀်ႉမ︀ဝ်ယ︀င︀်းပ︀ိူင︀်ႈလ︀ူင︀်ꩫ︀ႆ︀ႇ ꩭီတ︀်ꩭႂ်ႛꩬ︀ီ ဢ︀ꩬ︀ၢက︀်ႉထႃဝရ︀ ဢ︀ꩫ︀်ႈꩭဝ်းတ︀ႂ်းထႃႛꩫ︀ႆ︀ႇ ꩭဝ်းမ︀ႆ︀ႛꩭႂ်ႛမ︀ႃးယ︀ဝ်ႇ။

ꩭေပ︀ရ︀ူး 1:14

ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်ယ︀ႃႇ ၵ︀ွꩫ︀်ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇ ꩡ︀ႃႇꩭၢင︀်းမ︀ိုင︀်ႇ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛ ၵ︀ေꩬ︀ေꩫ︀ႆ︀ႇၵ︀ဝ်ꩫ︀မ︀်။

ꩭေပ︀ရ︀ူး 1:2

င︀ႆ︀ႚ ꩡ︀ူဝ်ႈပ︀ႆ︀ၢႈꩭၢင︀်မ︀ႆ︀ႛယ︀ႃႇ ꩭဝ်းမ︀ႆ︀ႛ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛပ︀ွႆ︀ꩡ︀ႂ်ႇꩬ︀ီ ဝႃႈမ︀ႃးဢ︀ူ။ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ဢ︀မ︀ွေမ︀ꩫ︀်းꩡ︀ဝ်ႛတ︀င︀်းမ︀ိူင︀်းဢ︀ၢပ︀်ႉꩭႂ်ႛꩬ︀ီ တ︀မ︀်တ︀ိူင︀်းတ︀င︀်းလ︀ုက︀်ႉမ︀ႆ︀ႛ ဢ︀ဝ်ႈတ︀ꩫ︀်းၵ︀ူဝ်းလ︀ုက︀်ႉမ︀ꩫ︀်းꩡ︀ဝ်ႛ ၸ︀ၢꩫ︀်ꩬ︀ၢင︀်းမ︀ႃးယ︀ဝ်ႇ။

ꩭေပ︀ရ︀ူး 6:17

ꩫ︀င︀်ꩫ︀ႆ︀ႇꩫ︀က︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ က︀တ︀ိမ︀ꩫ︀်းꩡ︀ဝ်ႛ ꩵ︀ႈလ︀ွက︀်ႉလ︀ႆ︀ၢႈꩫ︀ꩫ︀ႆ︀ႇ က︀ူꩫ︀်းဢ︀ꩫ︀်ႈꩭၢပ︀်ႉက︀တ︀ိမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ ၵ︀ႂ်ႈပ︀ျႃးꩡ︀ုꩫ︀်ႈꩰꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛက︀ိꩫ︀်ꩬ︀ီဢ︀ႃႛမ︀ၵ︀ၢမ︀်ꩭႂ်ႛဝႆ︀ႇꩫ︀မ︀်။

ယ︀ႃက︀ု 2:5

ပ︀ီႈꩫ︀ွင︀်ႇၵ︀ဝ်ꩴ︀း ထွမ︀်က︀ꩫ︀်ႈမ︀ႃးတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛꩭၢက︀်ႉꩫ︀ႆ︀ႇၵ︀ဝ်မ︀ႆ︀ႛ မ︀ိူင︀်းမ︀ꩫ︀်းꩡ︀ဝ်ႛꩭႂ်ႛက︀ွတ︀်ꩫ︀ꩬ︀ီ က︀တ︀ိꩭႂ်ႛဝႆ︀ႇဢ︀ူ။ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ် မ︀ꩫ︀်းꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈꩭႅင︀်းꩬ︀ီ ဢ︀က︀ိဝ်းဢ︀ꩫ︀်ႈယ︀ုမ︀်ယ︀မ︀်ႈꩫ︀ႆ︀ႇ ꩭႂ်ႛပ︀ူဝ်းꩫ︀ႆ︀ႛꩫ︀ႆ︀ႇလ︀ိူင︀်ႈ မ︀ိူင︀်းမ︀ꩫ︀်းꩡ︀ဝ်ႛမ︀ႆ︀ႛ ꩭႂ်ႛပ︀ူဝ်းꩫ︀ႆ︀ႛၵ︀ဝ်ႛꩫ︀ႆ︀ႇလ︀ိူင︀်ႈ ၵ︀ဝ်မ︀ႆ︀ႛလ︀ိူက︀်ႉဝႆ︀ႇꩫ︀မ︀်။

ပ︀ေတ︀ရ︀ု ႑ 1:4

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းဢ︀ꩫ︀်ႈၸ︀ူႛပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛက︀ွတ︀်ꩫ︀ꩬ︀ီ က︀ၢင︀်ႈꩭၢဝ်မ︀ႆ︀ႛ ဢ︀မ︀ွေဢ︀ꩫ︀်ႈမ︀ဝ်ꩫ︀ွက︀်မ︀ဝ်ꩫ︀ဝ်ႈꩡ︀ၢင︀်ႈ ဢ︀ꩫ︀်ႈမ︀ဝ်လ︀ွက︀်ႉမ︀ဝ်လ︀ႆ︀ၢႈ မ︀ဝ်လ︀ူႇꩡ︀ၢင︀်ႈꩫ︀ႆ︀ႇ ꩭႅမ︀်းဝႆ︀ႇယ︀ဝ်ႇꩰ။ ꩭဝ်းတ︀ႂ်းထႃႛꩬ︀ီဢ︀ူꩫ︀ႆ︀ႇ ဢ︀မ︀ွေဢ︀မ︀ႂ်းꩫ︀မ︀်။

ပ︀ေတ︀ရ︀ု ႑ 4:13

ꩡ︀ူမ︀်းꩬ︀ိုင︀်ꩡ︀ူမ︀်းက︀ꩫ︀်ႈတ︀ႃႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈၻုက︀်ႉၵ︀ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩬ︀ူၵ︀ၢမ︀်လ︀ွေႛꩫ︀ႆ︀ႇꩫ︀မ︀်။ င︀ႆ︀းꩫ︀ႆ︀ႇꩬ︀ီ မ︀ိူဝ်ႈမ︀ꩫ︀်းꩡ︀ဝ်ႛက︀ျွႃးပ︀ွက︀်ႉမ︀ႃးꩫ︀ႆ︀ႇ မ︀ူꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ က︀ူꩫ︀်းတ︀င︀်းမ︀ိူင︀်းꩭꩫ︀်ꩬ︀ီ ꩬ︀ူတ︀ီꩫ︀ႆ︀ႛꩡ︀ူမ︀်းလ︀ူင︀်ꩡ︀ူမ︀်းလ︀ၢင︀်က︀ꩫ︀်ႈꩫ︀မ︀်။

ၿျႃၻိက︀်ႉ 21:7

က︀ူဝ်ႇဢ︀ꩫ︀်ႈပ︀ေႇဢ︀ွင︀်ꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈꩫ︀ႆ︀ႇၵ︀ဝ် တ︀ီꩫ︀ႆ︀ႛဢ︀မ︀ွေꩫ︀မ︀်။ က︀ဝ်ႈပ︀ီꩫ︀်ႈၸ︀ြႃးၵ︀ဝ်ꩬ︀ီ ၵ︀ဝ်က︀ေႃႇတ︀ီပ︀ီꩫ︀်ႈလ︀ုက︀်ႉက︀ဝ်ႈၵ︀ဝ်ꩫ︀မ︀်။

ၿျႃၻိက︀်ႉ 3:21

က︀ဝ်ႈပ︀ေႇဢ︀ွင︀်ꩬ︀ီ တ︀င︀်းပ︀ူဝ်က︀ဝ်ႈ ပ︀လ︀ၢင︀်မ︀ꩫ︀်းꩡ︀ဝ်ႛမ︀ႆ︀ႛ ꩫ︀ႆ︀ႛꩭူမ︀်ႈꩫ︀င︀်ႈꩫ︀က︀ꩫ︀်ႈ က︀ူဝ်ႇဢ︀ꩫ︀်ႈ ဢ︀ꩫ︀်ႈမ︀ဝ်ꩫ︀ီႈမ︀ႆ︀ႛ ပ︀ေႇဢ︀ွင︀်ꩫ︀ႆ︀ႇၵ︀ဝ်က︀ေႃႇ ပ︀လ︀ၢင︀်က︀ဝ်ႈမ︀ႆ︀ႛ တ︀င︀်းက︀ဝ်ႈတ︀ီꩭႂ်ႛꩭူမ︀်ႈꩫ︀င︀်ႈꩫ︀မ︀်။