ရ︀ေႃမ︀ 7:5 - Khamti Shan

⁵ မ︀ိူဝ်ႈꩭဝ်းꩡ︀ွမ︀်းꩡ︀ႂ်ႈꩫ︀ိူဝ်ႇꩫ︀ိူတ︀်ႉၸ︀ူႛꩡ︀ဝ်ႛꩬ︀ီဢ︀ူꩫ︀ႆ︀ႇ က︀ꩫ︀်ႛꩫ︀ႂ်းတ︀ူဝ်ႈꩭဝ်းမ︀ႆ︀ႛ ꩡ︀ႂ်ႈဢ︀ꩫ︀်ႈၵ︀ႂ်ႈꩭီတ︀်ဢ︀ပ︀ႅတ︀်ႉꩫ︀ႆ︀ႇ ထူမ︀်ႛတ︀ူဝ်ႈꩬ︀ီဢ︀ူꩫ︀မ︀်။ ꩬ︀ိꩫ︀်ယ︀ႃႇ ꩡ︀ႂ်ႈဢ︀မ︀ႂ်းမ︀ႆ︀ႛတ︀ိက︀်ꩬ︀ူꩫ︀်းꩭႂ်ႛꩫ︀ႆ︀ႇꩬ︀ီ ꩭဝ်းꩭီတ︀်ဢ︀ပ︀ႅတ︀်ႉꩬ︀ီ ꩫ︀ႆ︀ႛထိုင︀်တ︀ၢင︀်းတ︀ႆ︀ၢႈꩫ︀မ︀်။

ရ︀ေႃမ︀ 7:5 ပူးပေါင်းရင်းမြစ်များ

မ︀တ︀်တ︀ႄး 15:19

လ︀ုက︀်ႉꩭူဝ်ꩡ︀ႂ်ႈမ︀ႆ︀ႛꩬ︀ႃး ꩡ︀ႂ်ႈဢ︀ꩫ︀်ႈမ︀ဝ်ꩫ︀ီႈ၊ ꩡ︀ႂ်ႈဢ︀ꩫ︀်ႈဢ︀ဝ်ႈတ︀ႆ︀ၢႈပ︀ိူꩫ︀်ႈ၊ ဢ︀ꩫ︀်ႈၸ︀ိတ︀်ၸ︀ူဝ် ၸ︀ိတ︀်မ︀ေးပ︀ိူꩫ︀်ႈ၊ ဢ︀ꩫ︀်ႈၸ︀ိတ︀်လ︀ုက︀်ႉလ︀ၢင︀်းပ︀ိူꩫ︀်ႈ၊ ဢ︀ꩫ︀်ႈလ︀ၢက︀်ႉ၊ ဢ︀ꩫ︀်ႈၸ︀ႅတ︀်ႉင︀ႆ︀း ဢ︀ꩫ︀်ႈဢ︀ဝ်ႈꩬ︀ူဝ်ႇပ︀ိူꩫ︀်ႈꩫ︀ႆ︀ႇၵ︀ဝ် ဢ︀ွက︀်မ︀ႃးꩫ︀ႆ︀ႇ။

ယ︀ေႃးꩭၢꩫ︀် 3:6

ပ︀ူဝ်မ︀ေက︀ူꩫ︀်းယ︀ႃႇ လ︀ုက︀်ႉက︀ူꩫ︀်းꩫ︀ႆ︀ၢႈꩫ︀မ︀် ဢ︀ဝ်ႈၸ︀ႃးꩫ︀ႆ︀ႛꩫ︀ႆ︀ႇ။ ꩫ︀ႆ︀ႇꩫ︀က︀ေႃႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈၸ︀ႃးꩭႂ်ႛꩫ︀ႆ︀ႛဢ︀ူ။

ရ︀ေႃမ︀ 1:26

လ︀ႆ︀ၢးပ︀ိူဝ်ႈၵ︀ဝ်ꩭီတ︀်င︀ႆ︀းꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ဝ်မ︀ႆ︀ႛꩭႂ်ႛꩡ︀ွမ︀်းꩡ︀ႂ်ႈꩭင︀်ႛၵ︀ဝ်ၸ︀ူႛꩡ︀ဝ်ႛက︀ႃꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩡ︀ိူမ︀်ႈက︀ႃႈၸ︀ူႛယ︀ိင︀်းၵ︀ဝ်ꩫ︀ႆ︀ႇၵ︀ဝ်တ︀မ︀ိူင︀်းက︀ေႃႇ ꩬ︀ပ︀ႃဝမ︀ႆ︀ႛပ︀ိꩫ︀်ႛတ︀ၢဝ်ႈꩬ︀ီ ၸ︀ူႛယ︀ိင︀်းꩫ︀ႆ︀ၢႈၸ︀ူႛယ︀ိင︀်းꩬ︀ိုင︀် ꩭီတ︀်ၸ︀ူဝ်မ︀ေးက︀ꩫ︀်ႈဢ︀ူ။

ရ︀ေႃမ︀ 3:20

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ျမ︀်းꩬ︀ိꩫ︀်မ︀ႆ︀ႛ ꩡ︀ွမ︀်းဢ︀ဝ်ႈက︀ီး ꩭဝ်းၸ︀ႂ်မ︀ႆ︀ႛက︀ေႃႇ ꩬ︀ိုဝ်ႈတ︀ူဝ်ဢ︀ူꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ ꩵ︀ႈမ︀တ︀်ႉ။ ꩫ︀ႆ︀ႇꩬ︀ေႇမ︀ဝ်က︀ႃး က︀ျမ︀်းꩬ︀ိꩫ︀်ယ︀ႃႇ ဢ︀ပ︀ႅတ︀်ႉꩫ︀ꩫ︀ႆ︀ႇမ︀ႆ︀ႛꩬ︀ိုင︀် ꩭႂ်ႛပ︀ူဝ်းက︀ူꩫ︀်းꩭဝ်းတ︀ွင︀်းꩫ︀ႆ︀ႇ ပ︀ျႃးꩭႂ်ႛဢ︀ူꩫ︀မ︀်။

ရ︀ေႃမ︀ 4:15

က︀ူꩫ︀်းꩭဝ်း ၸ︀ိတ︀်ꩬ︀ိꩫ︀်က︀ီး ၸ︀ြႃးပ︀ီꩫ︀်ႈꩡ︀ဝ်ႛတ︀ေႃးꩬ︀ႃးဢ︀ူ။ ꩫ︀ႆ︀ႇꩫ︀က︀ေႃႇ က︀ျမ︀်းꩬ︀ိꩫ︀်မ︀ဝ်ယ︀င︀်းက︀ီးယ︀ႃႇ ဢ︀ꩫ︀်ႈၸ︀ိတ︀်ꩬ︀ိꩫ︀်ꩫ︀ꩫ︀ႆ︀ႇ ꩵ︀ႈယ︀င︀်း။

ရ︀ေႃမ︀ 5:20

ၸ︀ြႃးပ︀ီꩫ︀်ႈꩡ︀ဝ်ႛ က︀ျမ︀်းꩬ︀ိꩫ︀်ꩭႂ်ႛꩫ︀ႆ︀ႇ ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ် ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛၵ︀ႂ်ႈလ︀ႂ်ႈဢ︀ပ︀ႅတ︀်ႉꩫ︀မ︀်ꩫ︀ꩫ︀ႆ︀ႇ တ︀ွင︀်းမ︀ႃးꩫ︀ႆ︀ၢႈꩫ︀မ︀်။ ꩫ︀ႆ︀ႇꩫ︀က︀ေႃႇ က︀ူꩫ︀်းꩭဝ်းဢ︀ပ︀ႅတ︀်ႉဢ︀ေႈꩫ︀မ︀်က︀ေႃႇ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ဢ︀ေႈၵ︀ႅꩫ︀်းꩫ︀မ︀်င︀ႆ︀းꩫ︀မ︀်။

ရ︀ေႃမ︀ 6:13

တ︀ူဝ်ႈꩬ︀ူꩬ︀ိက︀်ႉꩡ︀ွꩫ︀်လ︀ိူင︀်ႈꩫ︀ႆ︀ၢႈက︀ေႃႇ ပ︀ီꩭႂ်ႛပ︀ီꩫ︀်ႈၵ︀ိူင︀်ႈꩡ︀ႃႇꩭီတ︀်ဢ︀ပ︀ႅတ︀်ႉယ︀ဝ်ႇ။ ꩫ︀င︀်က︀ူꩫ︀်းဢ︀ꩫ︀်ႈꩫ︀ိပ︀်ပ︀ွက︀်ႉမ︀ႃးꩫ︀က︀ꩫ︀်ႈ ꩭႂ်ႛပ︀ူဝ်းတ︀ူဝ်ႈꩬ︀ူ ပ︀ီꩫ︀်ႈၵ︀ိူင︀်ႈꩡ︀ႃႇꩭီတ︀်လ︀ွင︀်ႈꩫ︀ီႈꩫ︀ႆ︀ႇꩬ︀င︀် ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ၢပ︀်ႉက︀ꩫ︀်ႈတ︀ႃႉ။

ရ︀ေႃမ︀ 6:19

က︀ဝ်ႈင︀ႆ︀းꩬ︀ီ ဢ︀ဝ်ႈၵ︀ိူင︀်ႈၵ︀ၢမ︀်းမ︀ိူင︀်းက︀ၢင︀်ႈဝႃႈꩫ︀ႆ︀ႇ ꩬ︀ူꩥ︀ၢꩫ︀်မ︀ဝ်ပ︀ုင︀်ႈꩬ︀ီꩫ︀မ︀်။ မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛယ︀ႃႇ ꩡ︀ႂ်ႈဢ︀ꩫ︀်ႈꩭီတ︀်ဢ︀ပ︀ႅတ︀်ႉ ဢ︀ꩫ︀်ႈꩬ︀ူမ︀ႆ︀ႛဢ︀ေႈၵ︀ႅꩫ︀်းဢ︀ဝ်ႈမ︀ိူက︀်ႉမ︀ႆ︀ႛ ꩬ︀ူတ︀င︀်းꩡ︀ႂ်ႈတ︀င︀်းၵ︀ူဝ်းꩡ︀ွမ︀်းမ︀ႃးယ︀ဝ်ႇ။ ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ ꩭႂ်ႛပ︀ူဝ်းꩬ︀ူတ︀င︀်းတ︀ူဝ်ႈမ︀ူတ︀်ꩡ︀ၢင︀်ꩫ︀ႆ︀ႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛဢ︀ွꩫ︀်ႈမ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်း ꩡ︀ွမ︀်းက︀ꩫ︀်ႈတ︀ႃႉ။

ရ︀ေႃမ︀ 6:21

တ︀ၢင︀်းက︀ႅင︀်းၵ︀ႃႛဢ︀ပ︀ႅတ︀်ႉဢ︀မ︀ႂ်းၵ︀ဝ်ယ︀ႃႇ ꩡ︀ႃႇꩭၢင︀်းꩬ︀ူဢ︀က︀ိဝ်းက︀ꩬ︀င︀်က︀ေႃႇ ꩵ︀ႈယ︀င︀်းမ︀ႃး။ င︀ႆ︀ႚလ︀ၢႆ︀းပ︀ိူဝ်ႈ တ︀ၢင︀်းက︀ႅင︀်းက︀ဝ်ဢ︀ꩫ︀်ႈꩬ︀ူꩭွꩫ︀်ꩭီတ︀်မ︀ႃး ဢ︀ꩫ︀်ႈꩬ︀ူမ︀ႆ︀ႛ ꩬ︀ူင︀်တ︀ၢင︀်းတ︀ၢႆ︀ႈဢ︀မ︀ႂ်းၵ︀ဝ်ꩬ︀ီ ꩬ︀ူꩫ︀ႆ︀ႛဢ︀ၢႆ︀ႈꩫ︀မ︀်။

ရ︀ေႃမ︀ 6:23

က︀ူꩫ︀်းꩭဝ်းဢ︀ပ︀ႅတ︀်ႉꩭီတ︀်က︀ီး က︀ႃႈဢ︀ပ︀ႅတ︀်ႉဢ︀မ︀ႂ်း ဝႃႈတ︀ႆ︀ၢႈꩫ︀မ︀်။ ꩫ︀ႆ︀ႇꩫ︀က︀ေႃႇ ꩬ︀ူးက︀ျေးꩡ︀ူးဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛꩫ︀ႆ︀ႇယ︀ႃႇ ဢ︀ꩬ︀ၢက︀်ႉထႃဝရ︀ ဢ︀ꩫ︀်ႈက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်းꩫ︀ႆ︀ႇꩫ︀မ︀်။

ရ︀ေႃမ︀ 7:23

ꩫ︀ႆ︀ႇꩫ︀က︀ေႃႇ က︀ꩫ︀်ႛꩫ︀ႂ်းတ︀ူဝ်ႈက︀ဝ်ႈတ︀င︀်းမ︀ိူင︀်းမ︀ႆ︀ႛ တ︀ꩫ︀်းၵ︀ူဝ်းဢ︀ꩫ︀်ႈလ︀ိူင︀်ႈမ︀ိင︀်ႛမ︀ႃႛꩬ︀ီဢ︀ူꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်ꩫ︀က︀ဝ်ဢ︀ူ။ တ︀ꩫ︀်းၵ︀ူဝ်းဢ︀မ︀ႂ်းယ︀ႃႇ ꩬ︀ိꩫ︀်ဢ︀ꩫ︀်ႈက︀ဝ်ႈꩬ︀ိုဝ်ႈꩡ︀ႂ်ႈဢ︀ူꩫ︀ꩬ︀ီꩡ︀ူးꩫ︀ႆ︀ႇမ︀ႆ︀ႛ တ︀ိက︀်တ︀ူဝ်းꩬ︀ီ က︀ဝ်ႈမ︀ႆ︀ႛဢ︀ဝ်ႈက︀ႃပ︀ီꩫ︀်ႈၵ︀ႃႛဢ︀ပ︀ႅတ︀်ႉဢ︀ူ။

က︀ေႃရ︀ိꩫ︀်တ︀ု ႑ 15:56

ၵ︀ုꩫ︀်တ︀ႆ︀ၢႈယ︀ႃႇ လ︀ုက︀်ႉဢ︀ပ︀ႅတ︀်ႉမ︀ႆ︀ႛꩫ︀မ︀်တ︀ꩫ︀်းၵ︀ူဝ်းꩫ︀ႆ︀ႛꩫ︀ႆ︀ႇ။ ဢ︀ပ︀ႅတ︀်ႉယ︀ႃႇ လ︀ုက︀်ႉက︀ျမ︀်းꩬ︀ိꩫ︀်မ︀ႆ︀ႛꩫ︀မ︀် တ︀ꩫ︀်းၵ︀ူဝ်းꩫ︀ႆ︀ႛꩫ︀ႆ︀ႇ။

က︀ေႃရ︀ိꩫ︀်တ︀ု ႒ 10:3

ꩫ︀င︀်ꩡ︀ႂ်ႈꩫ︀ိူဝ်ႇꩫ︀ိူတ︀်ႉꩫ︀က︀ꩫ︀်ႈယ︀ႃႇ တ︀ူႈꩵ︀ႈတ︀ိက︀်တ︀ူဝ်း။

က︀လ︀ႃတ︀ိ 3:10

ꩫ︀ႆ︀ႇꩫ︀က︀ေႃႇ က︀ူꩫ︀်းဢ︀ꩫ︀်ႈလ︀ွင︀်ႈက︀မ︀်ႈက︀ျမ︀်းꩬ︀ိꩫ︀်မ︀ႆ︀ႛ ဢ︀က︀မ︀်ꩫ︀ႆ︀ႇၵ︀ဝ်ယ︀ႃႇ ဢ︀ူက︀ꩫ︀်ႛတ︀ႂ်ႛ ၵ︀ၢမ︀်းက︀ိꩫ︀်မ︀ႆ︀ႛꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး “ဢ︀ꩫ︀်ႈက︀ျမ︀်းꩬ︀ိꩫ︀်မ︀ႆ︀ႛဝႃႈဝႆ︀ႇတ︀င︀်းမ︀ိူင︀်းမ︀ႆ︀ႛ မ︀ဝ်ꩡ︀ွမ︀်းက︀ႅင︀်းꩬ︀ီဢ︀ူက︀ီးယ︀ႃႇ က︀ူဝ်ႇဢ︀မ︀ႂ်းယ︀ႃႇ ဢ︀ူက︀ꩫ︀်ႛတ︀ႂ်ႛဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛက︀ိꩫ︀်ဝႆ︀ႇမ︀ႆ︀ႛ ꩫ︀မ︀်” ꩫ︀ꩬ︀ီက︀ျမ︀်းလ︀ိက︀်ႉမ︀ႆ︀ႛ ဝႃႈဝႆ︀ႇဢ︀ူ။

က︀လ︀ႃတ︀ိ 5:24

က︀ူꩫ︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇၵ︀ဝ်ယ︀ႃႇ ꩡ︀ႂ်ႈꩫ︀ိူဝ်ႇꩫ︀ိူတ︀်ႉၸ︀ူႛꩡ︀ဝ်ႛင︀ႆ︀း ꩡ︀ႂ်ႈဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်တ︀င︀်းလ︀ုင︀်မ︀ႆ︀ႛ က︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ တ︀ွက︀်တ︀ႆ︀ၢႈယ︀ဝ်ႇꩰ။

ဢ︀ေၸ︀ႅတ︀် 2:11

မ︀ိူဝ်ႈင︀ႃးပ︀ုꩫ︀်ႛꩬ︀ူပ︀ီꩫ︀်ႈꩭလ︀ိုဝ်မ︀ႃးꩫ︀ꩫ︀ႆ︀ႇမ︀ႆ︀ႛ ဢ︀ွက︀်ꩡ︀ႂ်ႈက︀ꩫ︀်ႈတ︀ႃႉ။ က︀ျူးဢ︀ꩫ︀်ႈၵ︀ၢပ︀်ႉက︀ႃႛယ︀မ︀ႆ︀ႛပ︀တ︀်ပ︀ႆ︀ၢႈꩫ︀င︀်ꩫ︀ႆ︀ႇၵ︀ဝ်ယ︀ႃႇ ꩬ︀ူဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ၸ︀ူႛဢ︀ꩫ︀်ႈပ︀ႆ︀ၢႈꩫ︀င︀်မ︀ဝ်ပ︀တ︀်ꩫ︀ႆ︀ႇၵ︀ဝ်ꩫ︀ꩬ︀ီ ꩭွင︀်ႇမ︀ႃးꩫ︀ႆ︀ႇမ︀ႆ︀ႛ ဢ︀ွက︀်ꩡ︀ႂ်ႈက︀ꩫ︀်ႈတ︀ႃႉ။ ၵ︀ဝ်ဝႃႈင︀ႆ︀းꩫ︀ႆ︀ႇယ︀ႃႇ ဢ︀ꩫ︀်ႈက︀မ︀်ႇလ︀ွင︀်ႛꩬ︀ီဝႃႈမ︀ႃးꩫ︀မ︀်။ ꩭလ︀ိုဝ်ꩫ︀က︀ေႃႇ ဢ︀ꩫ︀်ႈပ︀တ︀်ပ︀ၢႆ︀ႈꩫ︀င︀်ꩫ︀ꩫ︀ႆ︀ႇယ︀ႃႇ တ︀ူဝ်ႈမ︀ႆ︀ႛꩫ︀ၢႆ︀ႈꩫ︀မ︀်ꩭီတ︀်ꩫ︀ႆ︀ႇ။ ꩡ︀ႃႇꩭူဝ်ꩡ︀ႂ်ႈယ︀ႃႇ ဢ︀က︀ိဝ်းꩵ︀ႈယ︀င︀်း။

ဢ︀ေၸ︀ႅတ︀် 2:3

ဢ︀ꩫ︀်ႈတ︀ေႇတ︀ေႇက︀ီး ꩭဝ်းတ︀င︀်းမ︀ိူင︀်းက︀ေႃႇ ꩫ︀င︀်ၵ︀ဝ်ꩫ︀က︀ꩫ︀်ႈ ဢ︀ꩫ︀်ႈၸ︀ူႛꩡ︀ဝ်ႛၵ︀ႂ်ႈꩭီတ︀်ꩫ︀ႆ︀ႇꩭီတ︀်ꩬ︀ီ ꩡ︀ႂ်ႈꩫ︀ိူဝ်ႇꩫ︀ိူတ︀်ႉၸ︀ူႛꩡ︀ဝ်ႛမ︀ႆ︀ႛ ꩡ︀ွမ︀်းမ︀ႃးဢ︀ူ။ င︀ႆ︀းꩫ︀ႆ︀ႇꩬ︀ီ ဢ︀ဝ်ႈတ︀ၢင︀်းက︀ူꩫ︀်းꩫ︀ႆ︀ၢႈက︀ီး ꩭဝ်းက︀ေႃႇꩫ︀င︀်ပ︀ိူꩫ︀်ႈက︀ူႈက︀ူဝ်ႇꩫ︀က︀ꩫ︀်ႈ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛပ︀ူင︀်ႈတ︀ၢမ︀်မ︀ႆ︀ႛ တ︀ီꩫ︀ႆ︀ႛၵ︀ၢမ︀်ꩫ︀မ︀်။

က︀ေႃလ︀ေႃတ︀ႄ 3:5

င︀ႆ︀းꩫ︀ႆ︀ႇꩬ︀ီ လ︀ုက︀်ႉꩫ︀ႂ်းꩬ︀ူမ︀ႆ︀ႛ တ︀ၢင︀်းက︀ႅင︀်းမ︀ိူင︀်းက︀ၢင︀်ႈ ဢ︀ꩫ︀်ႈꩭွင︀်က︀ႃမ︀က︀ုင︀်၊ ဢ︀ꩫ︀်ႈꩫ︀င︀်ꩫ︀ိူဝ်ႇမ︀ိူဝ်ႛꩫ︀က︀ꩫ︀်ႈꩭီတ︀်မ︀ေထုင︀်၊ ဢ︀ꩫ︀်ႈက︀ႃႛမ︀ပ︀ူꩫ︀်ႇၸ︀ိင︀်ႛ၊ ဢ︀ꩫ︀်ႈၵ︀ႂ်ႈꩭီတ︀်ဢ︀ꩫ︀်ႈမ︀ဝ်ꩫ︀ီႈ၊ ဢ︀ꩫ︀်ႈလ︀ေႃးၸ︀ႃးယ︀ႂ်ꩫ︀ႆ︀ႇၵ︀ဝ် ဢ︀ဝ်ႈၵ︀ွတ︀်မ︀ူတ︀်ꩰက︀ꩫ︀်ႈတ︀ႃႉ။ ဢ︀ꩫ︀်ႈလ︀ေႃးၸ︀ႃးယ︀ႂ်ꩫ︀ꩫ︀ႆ︀ႇ ဢ︀ꩫ︀်ႈပ︀ႆ︀ၢႛဝႆ︀ႈꩭုꩫ︀်ꩭၢင︀်ႈၸ︀ꩫ︀်းလ︀ိူင︀်ႈꩫ︀မ︀်။

တ︀ိတ︀ု 3:3

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်းၸ︀ူႛꩡ︀ဝ်ႛက︀ေႃႇ မ︀ိူဝ်ႈင︀ႃးပ︀ုꩫ︀်ႛ ꩭွꩫ︀်မ︀ိူက︀်ႉမ︀ႃး၊ ꩭွꩫ︀်တ︀ၢꩫ︀်ႛမ︀ဝ်ထွမ︀်ဝႃႈမ︀ဝ်ꩡ︀ူးမ︀ႃးဢ︀ူ။ ၵ︀ႆ︀ႇမ︀ဝ်က︀ႃး ꩭွꩫ︀်ပ︀ီꩫ︀်ႈၸ︀ူႛၵ︀ႃႛက︀ူႈၸ︀ꩫ︀်းꩫ︀က︀ꩫ︀်ႈ တ︀ၢင︀်းပ︀ိဝ်က︀ူႈၸ︀ꩫ︀်း၊ ဢ︀လ︀ၢင︀်းက︀ူႈၸ︀ꩫ︀်းက︀ေႃႇ ꩭဝ်းမ︀ႆ︀ႛꩭီတ︀်ꩡ︀ဝ်ႛမ︀ႃးဢ︀ူ။ င︀ႆ︀းꩫ︀ႆ︀ႇꩬ︀ီ ꩭဝ်းꩭႆ︀ၢႇꩰꩡ︀ႃႇꩰမ︀ႃးဢ︀ူ။ ပ︀ိူꩫ︀်ႈမ︀ႆ︀ႛက︀ေႃႇꩭဝ်းတ︀ႃႈꩫ︀ႅင︀်ႈꩬ︀ီ ပ︀ိူꩫ︀်ႈက︀ေႃႇꩭဝ်းမ︀ႆ︀ႛꩡ︀င︀်း၊ ꩭဝ်းက︀ေႃႇပ︀ိူꩫ︀်ႈမ︀ႆ︀ႛꩡ︀င︀်းမ︀ႃးဢ︀ူ။

ယ︀ႃက︀ု 1:15

ဢ︀ꩫ︀်ႈမ︀ဝ်ꩫ︀ီႈဢ︀မ︀ႂ်းယ︀ႃႇ ꩫ︀ႂ်းꩡ︀ႂ်ႈꩬ︀ူမ︀ႆ︀ႛတ︀ေꩬ︀ီ ဢ︀ဝ်ႈပ︀ီꩫ︀်ႈဢ︀ပ︀ႅတ︀်ႉမ︀ႃးင︀ႆ︀း ဢ︀ပ︀ႅတ︀်ႉဢ︀မ︀ႂ်း ယ︀ႂ်က︀ေမ︀ႃးက︀ီး ꩬ︀ူမ︀ႆ︀ႛဢ︀ဝ်ႈလ︀ူႇတ︀ႆ︀ၢႈꩭႆ︀ၢꩬ︀ုမ︀်းက︀ႃဢ︀ူ။

ယ︀ႃက︀ု 4:1

ဢ︀ꩫ︀်ႈꩫ︀ꩫ︀်းက︀ꩫ︀်ႈ ဢ︀ꩫ︀်ႈၵ︀ၢမ︀်းꩫ︀မ︀်က︀ꩫ︀်ႈꩫ︀ႆ︀ႇၵ︀ဝ် ꩭလ︀ိုဝ်ꩬ︀ီပ︀ီꩫ︀်ႈမ︀ႃးꩫ︀ႆ︀။ လ︀ုက︀်ႉꩡ︀ႂ်ႈဢ︀ꩫ︀်ႈမ︀ဝ်ꩫ︀ီႈ ဢ︀ꩫ︀်ႈက︀ꩫ︀်ႛꩫ︀ႂ်းꩭူဝ်ꩡ︀ႂ်ႈꩬ︀ူမ︀ႆ︀ႛ မ︀ဝ်ꩫ︀ႂ်မ︀ဝ်ꩬ︀ဝ်း ထႃးꩬ︀ီဢ︀ူမ︀ႆ︀ႛမ︀ဝ်ꩡ︀ႂ်ႈက︀ျႃး။

ယ︀ေႃးꩭၢꩫ︀် ႑ 3:4

ၸ︀ႂ်မ︀ဝ်ဝႃႈ ꩭီတ︀်ဢ︀ပ︀ႅတ︀်ႉက︀ီး ꩬ︀ိꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛၸ︀ိတ︀်ယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈၸ︀ိတ︀်ꩬ︀ိꩫ︀်ယ︀ႃႇ ဢ︀ꩫ︀်ႈꩭီတ︀်ဢ︀ပ︀ႅတ︀်ႉꩫ︀မ︀်။