ရ︀ေႃမ︀ 7:25 - Khamti Shan

²⁵ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်း က︀ဝ်ႈမ︀ႆ︀ႛၵ︀ေꩬ︀ေꩭႂ်ႛမ︀ႃးꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ျေးꩡ︀ူးတ︀ၢင︀်လ︀ူင︀်ꩫ︀မ︀်။ င︀ႆ︀းꩬ︀ီ လ︀ွင︀်ႈက︀ဝ်ႈမ︀ႆ︀ႛꩭုမ︀်းꩬ︀ီဝႃႈက︀ွတ︀်ꩫ︀က︀ီး ၵ︀ွꩫ︀်က︀ဝ်ႈယ︀ႃႇ ꩬ︀ိꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩡ︀ွမ︀်းꩬ︀ီ ꩡ︀ႂ်ႈꩫ︀ိူဝ်ႇꩫ︀ိူတ︀်ႉက︀ဝ်ႈယ︀ႃႇ ပ︀ႃႛဢ︀ပ︀ႅတ︀်ႉမ︀ႆ︀ႛ ꩡ︀ွမ︀်းင︀ႆ︀းꩫ︀မ︀်။

ရ︀ေႃမ︀ 7:25 ပူးပေါင်းရင်းမြစ်များ

မ︀တ︀်တ︀ႄး 1:21

မ︀ꩫ︀်းလ︀ုက︀်ႉꩡ︀ႆ︀ၢးက︀ူဝ်ႇလ︀ိူင︀်ႈ တ︀ီယ︀င︀်းမ︀ႃးꩫ︀မ︀်။ လ︀ုက︀်ႉꩡ︀ႆ︀ၢးဢ︀မ︀ႂ်းယ︀ႃႇ က︀ူဝ်ႇဢ︀ꩫ︀်ႈၸ︀ꩫ︀်းၸ︀ူႛꩡ︀ဝ်ႛမ︀ႆ︀ႛ လ︀ုက︀်ႉဢ︀ပ︀ႅတ︀်ႉမ︀ႆ︀ႛ တ︀ီၵ︀ေꩬ︀ေꩭႂ်ႛꩫ︀မ︀်။ င︀ႆ︀းꩫ︀ႆ︀ႇꩬ︀ီ မ︀ꩫ︀်းမ︀ႆ︀ႛ ယ︀ေꩬ︀ုꩫ︀ꩬ︀ီꩡ︀ိုဝ်ႈꩬ︀ႂ်ꩭႂ်ႛတ︀ႃႉ။

ရ︀ေႃမ︀ 6:14

တ︀ူဝ်ႈꩬ︀ူမ︀ႆ︀ႛ ဢ︀ပ︀ႅတ︀်ႉꩵ︀ႈဝႃႈꩭႂ်ႛꩡ︀ေယ︀ၢင︀်ယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူယ︀ႃႇ ဢ︀ူက︀ꩫ︀်ႛတ︀ႂ်ႛက︀ျမ︀်းꩬ︀ိꩫ︀်ꩵ︀ႈꩡ︀ႂ်ႈ။ ဢ︀ူက︀ꩫ︀်ႛတ︀ႂ်ႛက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀မ︀်။

ရ︀ေႃမ︀ 6:17

မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛယ︀ႃႇ ꩬ︀ူꩫ︀င︀်ၸ︀ူႛၵ︀ႃႛꩫ︀က︀ꩫ︀်ႈ ꩡ︀ႂ်ႈဢ︀ꩫ︀်ႈꩭီတ︀်ဢ︀ပ︀ႅတ︀်ႉမ︀ႆ︀ႛ ꩡ︀ွမ︀်းယ︀ုင︀်ꩰမ︀ႃးယ︀ဝ်ႇ။ ꩫ︀ႆ︀ႇꩫ︀က︀ေႃႇ င︀ႆ︀ႚꩬ︀ူ ꩬ︀မ︀်မ︀ႃတ︀ြႃးဢ︀ꩫ︀်ႈꩬ︀ူမ︀ႆ︀ႛဢ︀ွꩫ︀်ႈဢ︀ဝ်ႈပ︀ီꩫ︀်ႈၵ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်းထွမ︀်ꩡ︀ွမ︀်းက︀ꩫ︀်ႈꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ျေးꩡ︀ူးတ︀ၢင︀်လ︀ူင︀်ꩫ︀မ︀်။

ရ︀ေႃမ︀ 8:2

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်က︀ီး ꩬ︀ိꩫ︀်ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩭႂ်ႛဢ︀ꩬ︀ၢက︀်ႉမ︀ႂ်မ︀ႆ︀ႛ ꩬ︀ူꩡ︀ွမ︀်းꩫ︀ႆ︀ႇꩬ︀ီ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛ လ︀ုက︀်ႉꩬ︀ိꩫ︀်ဢ︀ပ︀ႅတ︀်ႉꩫ︀ၵ︀ႃတ︀ၢင︀်းတ︀ႆ︀ၢႈမ︀ႆ︀ႛ ဢ︀ဝ်ႈလ︀ွတ︀်ႉꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႑ 15:57

ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းမ︀ႆ︀ႛ ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ဝ်ႈပ︀ေႇဢ︀ွင︀်ꩭႂ်ႛမ︀ႃးꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ က︀ျေးꩡ︀ူးတ︀ၢင︀်လ︀ူင︀်ꩫ︀မ︀်။

က︀ေႃရ︀ိꩫ︀်တ︀ု ႒ 9:15

ꩬ︀ူးက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ယ︀ႂ်မ︀ႅတ︀်ႉလ︀ူင︀်ꩫ︀ႆ︀ႇꩬ︀ီ ပ︀ႆ︀ႉꩭဝ်း မ︀ꩫ︀်းꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈꩫ︀မ︀်။

ဢ︀ေၸ︀ႅတ︀် 5:20

လ︀ႆ︀ၢးပ︀ိူဝ်ႈꩬ︀ူပ︀ီꩫ︀်ႈက︀ူꩫ︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။

ၸ︀ိလ︀ိပ︀်ပ︀ၢႆ︀ 3:3

မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ဢ︀ꩫ︀်ႈꩬ︀ိုဝ်ႈꩡ︀ႂ်ႈယ︀ႃႇ ꩭဝ်းꩫ︀မ︀် ꩫ︀ႆ︀ႛꩭၢပ︀်ႉမ︀ႃးꩫ︀ႆ︀ႇ။ ၵ︀ဝ်ꩵ︀ႈꩡ︀ႂ်ႈ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်းယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛပ︀ႆ︀ၢႛဝႆ︀ႈꩬ︀ီ ဢ︀ꩫ︀်ႈꩡ︀ဝ်ႛယ︀ေꩬ︀ုꩭီတ︀်ꩭႂ်ႛမ︀ႃးꩫ︀ႆ︀ႇမ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီꩫ︀မ︀်။ ꩭဝ်းယ︀ႃႇ ဢ︀ꩫ︀်ႈက︀ꩫ︀်ႛꩫ︀ွက︀်ႉတ︀ူဝ်ႈမ︀ႆ︀ႛ ꩭီတ︀်ꩫ︀ႆ︀ႇၵ︀ဝ်မ︀ႆ︀ႛ ꩵ︀ႈပ︀ိုင︀်ႈဢ︀ိင︀်ႈ။

ၸ︀ိလ︀ိပ︀်ပ︀ၢႆ︀ 4:6

က︀ွပ︀်ႉပ︀ိူဝ်ႈက︀ꩬ︀င︀်ပ︀တ︀ု ပ︀ီက︀ပ︀်ႉꩡ︀ႂ်ႈ။ က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ျေးꩡ︀ူးတ︀ၢင︀်ꩬ︀ီ ဢ︀ꩫ︀်ႈꩬ︀ူꩭၢင︀်ႇꩫ︀ႆ︀ႇ ယ︀ွꩫ︀်းꩬ︀ူးက︀ꩫ︀်ႈတ︀ႃႉ။

က︀ေႃလ︀ေႃတ︀ႄ 3:17

ꩬ︀ူယ︀ႃႇ ပ︀ီꩫ︀်ႈၸ︀ူႛတ︀ၢင︀်ႈတ︀ူဝ်ႈ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ ꩭီတ︀်က︀ꩬ︀င︀်၊ ဝႃႈက︀ꩬ︀င︀်ꩫ︀က︀ေႃႇ ꩫ︀င︀်မ︀ꩫ︀်းꩡ︀ဝ်ႛဢ︀လ︀ၢင︀်းယ︀င︀်းꩫ︀က︀ꩫ︀်ႈ ꩭီတ︀်တ︀ႃႉ။ လ︀ၢႆ︀းပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။

ပ︀ေတ︀ရ︀ု ႑ 2:5

ꩬ︀ူက︀ေႃႇ ꩭိꩫ︀်ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛတ︀ိုဝ်းꩬ︀ီ ပ︀ူက︀်ꩭိူꩫ︀်းမ︀ꩫ︀်းꩡ︀ဝ်ႛ ꩫ︀ႆ︀ႇၵ︀ဝ်ꩫ︀က︀ꩫ︀်ႈꩫ︀မ︀်။ ꩫ︀ႆ︀ႇꩬ︀ေႇမ︀ဝ်က︀ႃး ꩬ︀ူယ︀ႃႇ ယ︀ီတ︀်ႉပ︀ရ︀ေႃးꩭိက︀်ႉၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈမ︀ူတ︀်ꩡ︀ၢင︀်ꩫ︀ႆ︀ႇၵ︀ဝ်ꩫ︀မ︀်။ ꩬ︀ူယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၵ︀ႅက︀်ၵ︀ွꩫ︀်ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛထုက︀်ꩡ︀ႂ်ႈꩫ︀ႆ︀ႇၵ︀ဝ် ပ︀ုက︀်ႉꩡ︀ူဝ်ꩭႂ်ႛꩬ︀ီဢ︀ူꩫ︀မ︀်။

ပ︀ေတ︀ရ︀ု ႑ 2:9

ꩫ︀ႆ︀ႇꩫ︀က︀ေႃႇ ꩬ︀ူယ︀ႃႇ ၵ︀ိူဝ်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇ၊ က︀ုမ︀်ႛယ︀ီတ︀်ႉပ︀ရ︀ေႃးꩭိက︀်ႉဢ︀ꩫ︀်ႈထၢမ︀်းဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛၸ︀ူႛပ︀ီꩫ︀်ႈꩡ︀ဝ်ႛꩭူဝ်ၵ︀မ︀်း၊ ၸ︀ꩫ︀်းက︀ူꩫ︀်းဢ︀ꩫ︀်ႈမ︀ူတ︀်ꩡ︀ၢင︀်၊ ၸ︀ꩫ︀်းက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛ ꩭႂ်ႛပ︀ူဝ်းယ︀ႃးလ︀ွင︀်ႈဢ︀ꩫ︀်ႈမ︀ꩫ︀်းꩡ︀ဝ်ႛꩫ︀ီႈမ︀ႅတ︀်ႉꩫ︀ႆ︀ႇ လ︀ုက︀်ႉဢ︀ꩫ︀်ႈꩫ︀မ︀်ႈꩬ︀ိင︀်မ︀ႆ︀ႛ ꩭွင︀်ႇဢ︀ွက︀်ꩬ︀ီ ဢ︀ꩫ︀်ႈလ︀ႅင︀်းမ︀ꩫ︀်းꩡ︀ဝ်ႛ ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းလ︀ူင︀်မ︀ႆ︀ႛ ꩬ︀ူင︀်ꩭႂ်ႛမ︀ႃးယ︀ဝ်ႇ။