Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ရ︀ေႃမ︀ 7:24 - Khamti Shan

24 က︀ဝ်ႈꩫ︀ႆ︀ႇ ယ︀ၢက︀်ႉꩡ︀ႂ်ႈꩬ︀ၢင︀်းလ︀ေးလ︀ူင︀်ꩥ︀ႃ။ ၸ︀ႂ်လ︀ိူဝ်း က︀ဝ်ႈမ︀ႆ︀ႛ လ︀ုက︀်ႉတ︀ူဝ်ႈဢ︀ꩫ︀်ႈက︀ဝ်ႈမ︀ႆ︀ႛ ဢ︀ဝ်ႈက︀ႃတ︀ၢင︀်းတ︀ႆ︀ၢႈꩫ︀ႆ︀ႇမ︀ႆ︀ႛ တ︀ီၵ︀ေꩬ︀ေꩭႂ်ꩫ︀ႆ︀ႇ။

အခန်းကိုကြည့်ပါ။ ကော်ပီ




ရ︀ေႃမ︀ 7:24
36 ပူးပေါင်းရင်းမြစ်များ  

က︀ူꩫ︀်းဢ︀ꩫ︀်ႈၵ︀ီၵ︀ုမ︀်ꩫ︀ႆ︀ႇၵ︀ဝ် မ︀ၢင︀်က︀လ︀ႃယ︀င︀်းဢ︀ူ။ ၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ တ︀ီလ︀ဝ်ꩭႂ်ႛꩫ︀မ︀်။


က︀ူꩫ︀်းဢ︀ꩫ︀်ႈဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဝႆ︀ႇꩡ︀ိက︀်ꩭူဝ်ꩫ︀ႆ︀ႇၵ︀ဝ် မ︀ၢင︀်က︀လ︀ႃယ︀င︀်းဢ︀ူ။ က︀ွပ︀်ႉပ︀ိူဝ်ႈဢ︀လ︀ၢင︀်းမ︀ꩫ︀်းꩡ︀ဝ်ႛမ︀ႆ︀ႛ ဝႆ︀ႇꩡ︀ိက︀်ꩭူဝ်ꩫ︀ႆ︀ႇꩬ︀ီ ဢ︀ꩫ︀်ႈၵ︀ဝ်ၵ︀ႂ်ႈပ︀ီꩫ︀်ႈꩫ︀ႆ︀ႇတ︀င︀်းမ︀ိူင︀်း မ︀ꩫ︀်းꩡ︀ဝ်ႛတ︀ီဢ︀ဝ်ႈပ︀ီꩫ︀်ႈꩭႂ်ႛꩫ︀မ︀်။


“ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ က︀ꩫ︀်ႛꩫ︀ိူဝ်က︀ဝ်ႈမ︀ႆ︀ႛ ၵ︀ိင︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းꩡ︀ဝ်ႛ က︀ဝ်ႈမ︀ႆ︀ႛ ꩭၢင︀်းက︀ူꩫ︀်းၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛ ၵ︀ႆ︀ႈၵ︀ၢဝ်ႈၵ︀ၢမ︀်းꩫ︀ီႈ လ︀ိူက︀်ႉဝႆ︀ႇယ︀ဝ်ႇ။ မ︀ꩫ︀်းꩡ︀ဝ်ႛ က︀ဝ်ႈမ︀ႆ︀ႛ ပ︀ွႆ︀ꩡ︀ႂ်ႇမ︀ႃးꩫ︀ႆ︀ႇယ︀ႃႇ ꩭၢင︀်းက︀ူꩫ︀်းထွင︀်ꩫ︀ႆ︀ႇၵ︀ဝ်မ︀ႆ︀ႛ တ︀ႅဝ်တ︀ၢင︀်းလ︀ွတ︀်ႉဢ︀ွက︀်ꩭႂ်ႛ၊ ꩭၢင︀်းဢ︀ꩫ︀်ႈတ︀ႃႈမ︀ွတ︀်ꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈꩭꩫ︀်ꩭႂ်ႛ၊ ꩭၢင︀်းဢ︀ꩫ︀်ႈပ︀ိူꩫ︀်ႈꩫ︀ိက︀်ႉꩬ︀ၢက︀်ႉꩫ︀ႆ︀ႇၵ︀ဝ်မ︀ႆ︀ႛ ၵ︀ေꩬ︀ေꩭႂ်ႛင︀ႆ︀း


ꩭဝ်း လ︀ုက︀်ႉဢ︀ꩫ︀်ႈပ︀ီꩫ︀်ႈၵ︀ႃႛဢ︀ပ︀ႅတ︀်ႉမ︀ႆ︀ႛလ︀ွတ︀်ႉꩬ︀ီ ꩭႂ်ႛပ︀ူဝ်းဢ︀ပ︀ႅတ︀်ႉမ︀ဝ်က︀ၢပ︀်ꩭီတ︀်ꩫ︀ႆ︀ႇ မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛဢ︀ဝ်ႈတ︀ႆ︀ၢႈꩫ︀ႆ︀ႇ က︀ူꩫ︀်းက︀ဝ်ꩭဝ်းမ︀ႆ︀ႛက︀ေႃႇ ꩬ︀ဝ်ဝႃးမ︀ိုဝ်းမ︀ႆ︀ႛ တ︀င︀်းမ︀ꩫ︀်းꩡ︀ဝ်ႛ တ︀ွက︀်တ︀ႆ︀ၢႈလ︀ွေႛမ︀ႃးယ︀ဝ်ႇꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။


က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ွမ︀်းꩡ︀ႂ်ႈꩫ︀ိူဝ်ႇꩫ︀ိူတ︀်ႉက︀ီး ဝႃႈတ︀ႆ︀ၢႈꩫ︀မ︀်။ ꩫ︀ႆ︀ႇꩫ︀က︀ေႃႇ ꩡ︀ႂ်ႈꩫ︀ိူဝ်ႇꩫ︀ိူတ︀်ႉဢ︀မ︀ႂ်းမ︀ႆ︀ႛ ဢ︀ဝ်ႈꩭႅင︀်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ၸ︀ႃႛလ︀ေႚလ︀ေႚက︀ီး ꩬ︀ူဢ︀ꩬ︀ၢက︀်ႉꩫ︀ိပ︀်ဢ︀ူ။


က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်က︀ီး ꩬ︀ိꩫ︀်ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩭႂ်ႛဢ︀ꩬ︀ၢက︀်ႉမ︀ႂ်မ︀ႆ︀ႛ ꩬ︀ူꩡ︀ွမ︀်းꩫ︀ႆ︀ႇꩬ︀ီ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛ လ︀ုက︀်ႉꩬ︀ိꩫ︀်ဢ︀ပ︀ႅတ︀်ႉꩫ︀ၵ︀ႃတ︀ၢင︀်းတ︀ႆ︀ၢႈမ︀ႆ︀ႛ ဢ︀ဝ်ႈလ︀ွတ︀်ႉꩭႂ်ႛꩫ︀မ︀်။


မ︀ိူင︀်းက︀ၢင︀်ႈတ︀င︀်းလ︀ုက︀်ႉꩫ︀ႆ︀ၢႈမ︀ဝ်က︀ႃး ꩭဝ်းဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ၵ︀ိင︀်းꩫ︀ႆ︀ႇၵ︀ဝ်တ︀မ︀ိူင︀်းꩫ︀မ︀် ၵ︀င︀်းက︀ꩫ︀်ႈဢ︀ူꩫ︀ႆ︀ႇ။ ၵ︀ွꩫ︀်မ︀ꩫ︀်းꩡ︀ဝ်ႛယ︀ႃႇ ꩬ︀ူးဢ︀ꩫ︀်ႈဢ︀ွꩫ︀်ႈတ︀ၢင︀်းလ︀ေႚလ︀ေႚ ꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛမ︀ႃးꩫ︀ႆ︀ႇꩫ︀မ︀်။ ဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛꩫ︀မ︀် ဢ︀ꩫ︀်ႈꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ လ︀ုက︀်ႉက︀ဝ်ႈၵ︀ဝ်ꩫ︀ꩬ︀ီတ︀ီꩭွင︀်ႇမ︀ႆ︀ႛလ︀ိူင︀်ႈ ဢ︀ꩫ︀်ႈတ︀ူဝ်ႈꩭဝ်းတ︀င︀်းတ︀ူဝ်ႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ီၵ︀ေꩬ︀ေꩭႂ်ႛမ︀ႆ︀ႛလ︀ိူင︀်ႈ ꩭဝ်းတ︀ႂ်းထႃႛꩬ︀ီၵ︀င︀်းက︀ꩫ︀်ႈဢ︀ူꩫ︀ႆ︀ႇ။


ꩫ︀င︀်ꩫ︀ႆ︀ႇꩫ︀က︀ꩫ︀်ႈ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ ꩭဝ်းမ︀ႆ︀ႛ ꩡ︀ွႆ︀ႈꩭႂ်ႛက︀ွတ︀်ꩫ︀ꩬ︀ီ က︀ျွႃးမ︀ႃးꩫ︀မ︀်။ ꩭဝ်းယ︀ႃႇ ꩭႅင︀်းၵ︀ွꩫ︀်ဢ︀ေꩫ︀ႆ︀ႇꩬ︀ီ ꩬ︀ူးက︀ꩬ︀င︀်ထုက︀်ယ︀ွꩫ︀်းꩫ︀ꩫ︀ႆ︀ႇꩫ︀ႆ︀ၢႈက︀ေႃႇꩵ︀ႈတ︀ွင︀်း။ င︀ႆ︀းꩬ︀ီ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩬ︀ိုင︀် ၵ︀င︀်းဢ︀ꩫ︀်ႈဢ︀ဝ်ႈၵ︀ၢမ︀်းက︀ူꩫ︀်းၵ︀ႆ︀ႈပ︀ျႃးမ︀ဝ်ꩫ︀ႆ︀ႛꩫ︀ႆ︀ႇၵ︀င︀်းꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ႃႇꩭၢင︀်းꩭဝ်းဝွꩫ︀်းၵ︀ႅꩫ︀်းꩭႂ်ႛဢ︀ူ။


ꩬ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛဢ︀ူꩫ︀ႆ︀ႇꩬ︀ီ မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀် ၸ︀ꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛꩭီတ︀်ꩭႂ်ႛꩫ︀ႆ︀ႇ ꩫ︀ႆ︀ႛꩭၢပ︀်ႉꩬ︀ီ လ︀ုက︀်ႉပ︀ႃႛꩡ︀ႂ်ႈဢ︀ꩫ︀်ႈၵ︀ႂ်ႈꩭီတ︀်ဢ︀ပ︀ႅတ︀်ႉမ︀ႆ︀ႛ လ︀ွတ︀်ႉမ︀ႃးယ︀ဝ်ႇ။ မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ဢ︀မ︀ႂ်းယ︀ႃႇ ဢ︀ꩫ︀်ႈက︀ူꩫ︀်းꩭီတ︀်မ︀ဝ်ꩡ︀ႂ်ႈꩬ︀ီ ဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩭီတ︀်ꩫ︀မ︀်။


ꩫ︀ႆ︀ႇꩬ︀ေႇမ︀ဝ်က︀ႃး ၸ︀ြႃးပ︀ီꩫ︀်ႈꩡ︀ဝ်ႛ က︀ဝ်ႈမ︀ႆ︀ႛလ︀ုက︀်ႉၸ︀ေးတ︀င︀်းလ︀ုင︀်မ︀ႆ︀ႛ ၵ︀ေꩬ︀ေꩭႂ်ႛꩬ︀ီ မ︀ိူင︀်းက︀ၢင︀်ႈꩭၢဝ်မ︀ႆ︀ႛ တ︀ီꩬ︀ူင︀်ꩭႂ်ႛꩫ︀ီႈꩫ︀ီႈ ꩫ︀မ︀်။ မ︀ူꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ် မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩭႂ်ႛယ︀ူဝ်းယ︀ွင︀်ႛက︀ꩫ︀်ႈတ︀ီၵ︀ႃႛက︀ႃတ︀ႃႉ။ ꩬ︀ႃထု။


ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩭဝ်းမ︀ႆ︀ႛ လ︀ုက︀်ႉဢ︀ꩫ︀်ႈမ︀ဝ်ꩫ︀ီႈတ︀င︀်းလ︀ုင︀်မ︀ႆ︀ႛ ꩭႂ်ႛပ︀ူဝ်းဢ︀ဝ်ႈမ︀ူတ︀်ꩡ︀ၢင︀်ꩭႂ်ႛꩫ︀ႆ︀ႇလ︀ိူင︀်ႈ၊ ꩭႂ်ႛပ︀ူဝ်းꩭဝ်း ပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛꩬ︀ီ ꩭီတ︀်လ︀ွင︀်ႈꩫ︀ီႈꩫ︀ႆ︀ႇလ︀ိူင︀်ႈ ဢ︀ꩬ︀ၢက︀်ႉမ︀ꩫ︀်းꩡ︀ဝ်ႛꩭႂ်ႛꩬ︀ီ ၵ︀ေꩬ︀ေမ︀ႃးယ︀ဝ်ႇ။


ꩫ︀မ︀်ႇတ︀ႃႈၵ︀ဝ်တ︀င︀်းမ︀ိူင︀်းမ︀ႆ︀ႛက︀ေႃႇ မ︀ꩫ︀်းꩡ︀ဝ်ႛတ︀ီꩡ︀ီတ︀်ႉꩭႂ်ႛꩫ︀မ︀်။ တ︀ၢင︀်းတ︀ႆ︀ၢႈ၊ ဢ︀ꩫ︀်ႈၵ︀ီၵ︀ုမ︀်၊ ဢ︀ꩫ︀်ႈꩭႆ︀ႛ၊ ဢ︀ꩫ︀်ႈꩡ︀ီပ︀်ꩫ︀ꩫ︀ႆ︀ႇၵ︀ဝ် ꩵ︀ႈယ︀င︀်းယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈက︀ဝ်ꩫ︀ႆ︀ႇၵ︀ဝ်တ︀င︀်းမ︀ိူင︀်း ꩭႆ︀ၢꩫ︀ႆ︀ၢႈက︀ႃယ︀ဝ်ႇ” ꩫ︀ဝꩫ︀်ႇ။


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ