ရ︀ေႃမ︀ 7:21 - Khamti Shan

²¹ င︀ႆ︀းꩫ︀ႆ︀ႇꩬ︀ီ တ︀ြႃးဢ︀ꩫ︀်ႈလ︀ိူင︀်ႈက︀ဝ်ႈꩭꩫ︀်မ︀ႃးꩫ︀ႆ︀ႇယ︀ႃႇ မ︀ိူဝ်ႈက︀ဝ်ႈၵ︀ႂ်ႈꩭီတ︀်လ︀ွင︀်ႈꩫ︀ီႈꩫ︀ႆ︀ႇ င︀ိူင︀်ႇမ︀ဝ်ꩫ︀ႆ︀ႛꩬ︀ီ ဢ︀ꩫ︀်ႈမ︀ဝ်ꩫ︀ီႈꩫ︀ႆ︀ၢႈꩬ︀ိုင︀် က︀ဝ်ႈꩭီတ︀်က︀ႃꩫ︀မ︀်ꩫ︀ꩫ︀ႆ︀ႇꩫ︀မ︀်။

ရ︀ေႃမ︀ 7:21 ပူးပေါင်းရင်းမြစ်များ

လ︀ုက︀ႃ 4:1

ꩡ︀ဝ်ႛယ︀ေꩬ︀ု မ︀ိူဝ်ႈလ︀ုက︀်ႉꩫ︀မ︀်ႇယ︀ေႃတ︀ၢꩫ︀်မ︀ႆ︀ႛ ပ︀ွက︀်ႉမ︀ႃးꩫ︀ႆ︀ႇ မ︀ꩫ︀်းꩡ︀ဝ်ႛမ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ၵ︀ိင︀်းင︀ႆ︀းꩬ︀ီ ဢ︀ွꩫ︀်ႈက︀ႃထိူꩫ︀်ꩭႅင︀်ႛဢ︀ူ။

ယ︀ေႃးꩭၢꩫ︀် 8:34

ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈꩬ︀ိုဝ်ႈꩰဝႃႈက︀ွတ︀်။ က︀ူဝ်ႇဢ︀ꩫ︀်ႈꩭီတ︀်ဢ︀ပ︀ႅတ︀်ႉꩫ︀ႆ︀ႇၵ︀ဝ်တ︀င︀်းမ︀ိူင︀်း ပ︀ီꩫ︀်ႈၵ︀ႃႛဢ︀ပ︀ႅတ︀်ႉꩫ︀က︀ꩫ︀်ႈ ဢ︀ပ︀ႅတ︀်ႉမ︀ဝ်ꩭီတ︀်က︀ီး ဢ︀ူမ︀ဝ်ꩫ︀ႆ︀ႛဢ︀ဝ်ႈမ︀ဝ်လ︀ိဝ်ႈꩫ︀မ︀်။

ရ︀ေႃမ︀ 6:12

င︀ႆ︀းꩫ︀ႆ︀ႇꩬ︀ီ ꩭႂ်ႛပ︀ူဝ်းတ︀ူဝ်ႈꩬ︀ူ မ︀ဝ်ꩡ︀ွမ︀်းꩡ︀ႂ်ႈဢ︀ပ︀ႅတ︀်ႉꩫ︀ႆ︀ႇ ꩫ︀ႂ်းꩡ︀ႂ်ႈꩬ︀ူမ︀ႆ︀ႛ ဢ︀ပ︀ႅတ︀်ႉပ︀ီꩭႂ်ႛꩡ︀ေယ︀ၢင︀်ယ︀ဝ်ႇ။

ရ︀ေႃမ︀ 6:14

တ︀ူဝ်ႈꩬ︀ူမ︀ႆ︀ႛ ဢ︀ပ︀ႅတ︀်ႉꩵ︀ႈဝႃႈꩭႂ်ႛꩡ︀ေယ︀ၢင︀်ယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူယ︀ႃႇ ဢ︀ူက︀ꩫ︀်ႛတ︀ႂ်ႛက︀ျမ︀်းꩬ︀ိꩫ︀်ꩵ︀ႈꩡ︀ႂ်ႈ။ ဢ︀ူက︀ꩫ︀်ႛတ︀ႂ်ႛက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀မ︀်။

ရ︀ေႃမ︀ 7:23

ꩫ︀ႆ︀ႇꩫ︀က︀ေႃႇ က︀ꩫ︀်ႛꩫ︀ႂ်းတ︀ူဝ်ႈက︀ဝ်ႈတ︀င︀်းမ︀ိူင︀်းမ︀ႆ︀ႛ တ︀ꩫ︀်းၵ︀ူဝ်းဢ︀ꩫ︀်ႈလ︀ိူင︀်ႈမ︀ိင︀်ႛမ︀ႃႛꩬ︀ီဢ︀ူꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်ꩫ︀က︀ဝ်ဢ︀ူ။ တ︀ꩫ︀်းၵ︀ူဝ်းဢ︀မ︀ႂ်းယ︀ႃႇ ꩬ︀ိꩫ︀်ဢ︀ꩫ︀်ႈက︀ဝ်ႈꩬ︀ိုဝ်ႈꩡ︀ႂ်ႈဢ︀ူꩫ︀ꩬ︀ီꩡ︀ူးꩫ︀ႆ︀ႇမ︀ႆ︀ႛ တ︀ိက︀်တ︀ူဝ်းꩬ︀ီ က︀ဝ်ႈမ︀ႆ︀ႛဢ︀ဝ်ႈက︀ႃပ︀ီꩫ︀်ႈၵ︀ႃႛဢ︀ပ︀ႅတ︀်ႉဢ︀ူ။

ရ︀ေႃမ︀ 7:25

ꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်း က︀ဝ်ႈမ︀ႆ︀ႛၵ︀ေꩬ︀ေꩭႂ်ႛမ︀ႃးꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ျေးꩡ︀ူးတ︀ၢင︀်လ︀ူင︀်ꩫ︀မ︀်။ င︀ႆ︀းꩬ︀ီ လ︀ွင︀်ႈက︀ဝ်ႈမ︀ႆ︀ႛꩭုမ︀်းꩬ︀ီဝႃႈက︀ွတ︀်ꩫ︀က︀ီး ၵ︀ွꩫ︀်က︀ဝ်ႈယ︀ႃႇ ꩬ︀ိꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩡ︀ွမ︀်းꩬ︀ီ ꩡ︀ႂ်ႈꩫ︀ိူဝ်ႇꩫ︀ိူတ︀်ႉက︀ဝ်ႈယ︀ႃႇ ပ︀ႃႛဢ︀ပ︀ႅတ︀်ႉမ︀ႆ︀ႛ ꩡ︀ွမ︀်းင︀ႆ︀းꩫ︀မ︀်။

ရ︀ေႃမ︀ 8:2

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်က︀ီး ꩬ︀ိꩫ︀်ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩭႂ်ႛဢ︀ꩬ︀ၢက︀်ႉမ︀ႂ်မ︀ႆ︀ႛ ꩬ︀ူꩡ︀ွမ︀်းꩫ︀ႆ︀ႇꩬ︀ီ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛ လ︀ုက︀်ႉꩬ︀ိꩫ︀်ဢ︀ပ︀ႅတ︀်ႉꩫ︀ၵ︀ႃတ︀ၢင︀်းတ︀ႆ︀ၢႈမ︀ႆ︀ႛ ဢ︀ဝ်ႈလ︀ွတ︀်ႉꩭႂ်ႛꩫ︀မ︀်။

ꩭေပ︀ရ︀ူး 2:17

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ီꩫ︀်ႈၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်း ဢ︀ꩫ︀်ႈဢ︀ီꩫ︀ူႈꩡ︀ၢင︀်ႈင︀ႆ︀းꩬ︀ီ ꩭႂ်ႛပ︀ူဝ်းꩡ︀ႃႇဢ︀ပ︀ႅတ︀်ႉက︀ူꩫ︀်းꩫ︀ႆ︀ႇၵ︀ဝ် ၵ︀ၢမ︀်တ︀ႆ︀ၢႈꩭႂ်ႛပ︀ီꩫ︀်ႈꩫ︀ႆ︀ႇ က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ တ︀င︀်းပ︀ီႈꩫ︀ွင︀်ႇမ︀ꩫ︀်းꩡ︀ဝ်ႛၵ︀ဝ် ဝႃႈမ︀ိူꩫ︀်က︀ꩫ︀်ႈꩫ︀မ︀်။

ꩭေပ︀ရ︀ူး 4:15

မ︀ꩫ︀်းꩡ︀ဝ်ႛယ︀ႃႇ ဢ︀ꩫ︀်ႈꩭဝ်းꩭႅင︀်းဢ︀ေꩫ︀ႆ︀ႇၵ︀ဝ်မ︀ႆ︀ႛ ဢ︀ီꩫ︀ူႈပ︀ီꩫ︀်ႈဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းꩡ︀ဝ်ႛယ︀ႃႇ ꩫ︀င︀်က︀ူꩫ︀်းꩭဝ်းꩫ︀က︀ꩫ︀်ႈ ဢ︀ꩫ︀်ႈယ︀ႃႇဢ︀ꩫ︀်ႈက︀ဝ်းꩫ︀ႆ︀ႇၵ︀ဝ်က︀ူႈၸ︀ꩫ︀်းမ︀ႆ︀ႛ ꩭူပ︀်ႉꩭꩫ︀်မ︀ႃးယ︀ဝ်ႇ။ ꩫ︀ႆ︀ႇꩫ︀က︀ေႃႇ မ︀ꩫ︀်းꩡ︀ဝ်ႛယ︀ႃႇ ဢ︀ပ︀ႅတ︀်ႉꩵ︀ႈꩭီတ︀်မ︀ႃး။

ပ︀ေတ︀ရ︀ု ႒ 2:19

ၵ︀ဝ်ယ︀ႃႇ ပ︀ိူꩫ︀်ႈမ︀ႆ︀ႛလ︀ွင︀်ႈဢ︀ꩫ︀်ႈလ︀ွတ︀်ႉလ︀ႅဝ်းꩫ︀ႆ︀ႇꩭူဝ်းလ︀ေꩫ︀က︀ေႃႇ ၵ︀ဝ်ၸ︀ူႛꩡ︀ဝ်ႛယ︀ႃႇ ပ︀ီꩫ︀်ႈၵ︀ႃႛလ︀ွင︀်ႈပ︀ိဝ်ꩭင︀်ႛပ︀ိဝ်ꩭိုက︀်ꩬ︀ီဢ︀ူꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူꩫ︀်းꩭဝ်းက︀ꩬ︀င︀်မ︀ႆ︀ႛꩭွႆ︀ႛꩭႅꩫ︀်ႛꩬ︀ီဢ︀ူꩫ︀က︀ေႃႇ ꩭဝ်းပ︀ီꩫ︀်ႈၵ︀ႃႛဢ︀မ︀ႂ်းꩫ︀မ︀်။