ရ︀ေႃမ︀ 7:2 - Khamti Shan

² ၵ︀ိူင︀်ႈၵ︀ၢမ︀်းဝႃႈက︀ွတ︀်ꩫ︀က︀ီး ၸ︀ူႛယ︀ိင︀်းဢ︀ꩫ︀်ႈပ︀ီꩫ︀်ႈꩭိူꩫ︀်းꩫ︀ꩫ︀ႆ︀ႇယ︀ႃႇ မ︀ိူဝ်ႈၸ︀ူႛၸ︀ူဝ်မ︀ꩫ︀်းဢ︀ꩬ︀ၢက︀်ႉꩫ︀ိပ︀်ꩬ︀ီဢ︀ူꩫ︀ႆ︀ၢႈꩫ︀မ︀် ꩫ︀ႃႛတ︀ီႈ ꩬ︀ိꩫ︀် ဢ︀ꩫ︀်ႈတ︀င︀်းၸ︀ူႛၸ︀ူဝ်မ︀ꩫ︀်းဝႃႈꩭူမ︀်ႈဢ︀ူယ︀င︀်းꩫ︀ႆ︀ႇ။ ၸ︀ူႛၸ︀ူဝ်မ︀ꩫ︀်းတ︀ႆ︀ၢႈက︀ႃက︀ီး လ︀ုက︀်ႉꩫ︀ႃႛတ︀ီႈꩬ︀ိꩫ︀်ဢ︀မ︀ႂ်းမ︀ႆ︀ႛ လ︀ွတ︀်ႉက︀ႃယ︀ဝ်ႇ။

ရ︀ေႃမ︀ 7:2 ပူးပေါင်းရင်းမြစ်များ

ရ︀ေႃမ︀ 7:3

င︀ႆ︀းꩫ︀ႆ︀ႇꩬ︀ီ မ︀ိူဝ်ႈၸ︀ူႛၸ︀ူဝ်မ︀ꩫ︀်း ဢ︀ꩬ︀ၢက︀်ႉယ︀င︀်းဢ︀ူꩫ︀ႆ︀ႇ တ︀င︀်းၸ︀ူႛꩡ︀ႆ︀ၢးတ︀ၢင︀်က︀ူဝ်ႇꩭူမ︀်ႈဢ︀ူက︀ီး မ︀ꩫ︀်းၸ︀ိတ︀်ꩭွင︀်ႛꩭိူꩫ︀်းယ︀ဝ်ႇ။ ꩫ︀ႆ︀ႇꩫ︀က︀ေႃႇ ၸ︀ူႛၸ︀ူဝ်မ︀ꩫ︀်းတ︀ႆ︀ၢႈက︀ႃက︀ီး မ︀ꩫ︀်းလ︀ုက︀်ႉꩬ︀ိꩫ︀်မ︀ႆ︀ႛ လ︀ွတ︀်ႉꩰꩡ︀ၢင︀်ꩰက︀ႃယ︀ဝ်ႇ။ ပ︀ီꩫ︀်ႈꩭိူꩫ︀်းဢ︀ိက︀်ꩫ︀က︀ေႃႇ ꩵ︀ႈၸ︀ိတ︀်ꩭွင︀်ႛꩭိူꩫ︀်းယ︀ဝ်ႇ။

ရ︀ေႃမ︀ 7:6

င︀ႆ︀ႚယ︀ႃႇ ꩭဝ်းလ︀ုက︀်ႉက︀ျမ︀်းꩬ︀ိꩫ︀်မ︀ႆ︀ႛ လ︀ွတ︀်ႉယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ုက︀်ႉက︀ျမ︀်းꩬ︀ိꩫ︀်ဢ︀ꩫ︀်ႈꩭဝ်းမ︀ႆ︀ႛ ꩭွꩫ︀်ꩡ︀ေယ︀ၢင︀်မ︀ႃးဢ︀မ︀ႂ်းမ︀ႆ︀ႛ ꩭဝ်းတ︀ႆ︀ၢႈက︀ႃယ︀ဝ်ႇ။ တ︀ꩫ︀်းၵ︀ူဝ်းက︀ျမ︀်းꩬ︀ိꩫ︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇၵ︀ွတ︀်ꩫ︀ႆ︀ႇꩬ︀ီ င︀ႆ︀ႚယ︀ႃႇꩭဝ်း မ︀ꩫ︀်းꩡ︀ဝ်ႛမ︀ႆ︀ႛဢ︀ဝ်ႈတ︀ြႃးက︀ဝ် ဢ︀ꩫ︀်ႈꩬ︀ိꩫ︀်မ︀ႆ︀ႛတ︀ႅမ︀်ႛဝႆ︀ႇထက︀်ꩰꩫ︀ႆ︀ႇ ꩵ︀ႈဝႃႈပ︀ႆ︀ၢႛဝႆ︀ႈယ︀ဝ်ႇ။ ဢ︀ဝ်ႈတ︀ၢင︀်းမ︀ႂ်ဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ေꩭႂ်ႛꩫ︀ႆ︀ႇ ပ︀ႆ︀ၢႛဝႆ︀ႈꩫ︀ႆ︀ႛယ︀ဝ်ႇ။

က︀ေႃရ︀ိꩫ︀်တ︀ု ႑ 7:39

မ︀ေႈꩭိူꩫ︀်းယ︀ႃႇ က︀ႃႈပ︀ူဝ်ႈꩭိူꩫ︀်းမ︀ꩫ︀်းမ︀ဝ်တ︀ႆ︀ၢႈယ︀ႃႇ မ︀ꩫ︀်းမ︀ႆ︀ႛတ︀ြႃးဢ︀ꩫ︀်ႈက︀ူပ︀်က︀ꩫ︀်ႈꩫ︀ႆ︀ႇ ၸ︀ုက︀်လ︀ႅင︀်က︀ꩫ︀်ႈဢ︀ူꩫ︀မ︀်။ ꩫ︀ႆ︀ႇꩫ︀က︀ေႃႇ ပ︀ူဝ်ႈꩭိူꩫ︀်းမ︀ꩫ︀်းတ︀ႆ︀ၢႈက︀ႃက︀ီး လ︀ုက︀်ႉတ︀ြႃးဢ︀မ︀ႂ်းမ︀ႆ︀ႛလ︀ွတ︀်ႉꩬ︀ီ ဢ︀ꩫ︀်ႈမ︀ꩫ︀်းထုက︀်ꩡ︀ႂ်ႈမ︀ႆ︀ႛ ꩫ︀င︀်ထုင︀်းၵ︀ရ︀ီတ︀်ယ︀ၢꩫ︀်ꩫ︀က︀ꩫ︀်ႈ ပ︀ီꩫ︀်ႈꩭိူꩫ︀်းပ︀ွက︀်ႉꩫ︀ႆ︀ႛဢ︀ူ။

က︀ေႃရ︀ိꩫ︀်တ︀ု ႑ 7:4

မ︀ေႈꩭိူꩫ︀်းꩫ︀ꩫ︀ႆ︀ႇ တ︀ူဝ်ႈၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛꩵ︀ႈပ︀ႅင︀်။ ၸ︀ူႛၸ︀ူဝ်မ︀ꩫ︀်းꩫ︀မ︀်ပ︀ႅင︀်ꩫ︀ႆ︀ႇ။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ ပ︀ူဝ်ႈꩭိူꩫ︀်းက︀ေႃႇ တ︀ူဝ်ႈၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛꩵ︀ႈပ︀ႅင︀်။ ၸ︀ူႛမ︀ေးမ︀ꩫ︀်းꩫ︀မ︀်ပ︀ႅင︀်ꩫ︀ႆ︀ႇ။