ရ︀ေႃမ︀ 6:23 - Khamti Shan

²³ က︀ူꩫ︀်းꩭဝ်းဢ︀ပ︀ႅတ︀်ႉꩭီတ︀်က︀ီး က︀ႃႈဢ︀ပ︀ႅတ︀်ႉဢ︀မ︀ႂ်း ဝႃႈတ︀ႆ︀ၢႈꩫ︀မ︀်။ ꩫ︀ႆ︀ႇꩫ︀က︀ေႃႇ ꩬ︀ူးက︀ျေးꩡ︀ူးဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛꩫ︀ႆ︀ႇယ︀ႃႇ ဢ︀ꩬ︀ၢက︀်ႉထႃဝရ︀ ဢ︀ꩫ︀်ႈက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်းꩫ︀ႆ︀ႇꩫ︀မ︀်။

ရ︀ေႃမ︀ 6:23 ပူးပေါင်းရင်းမြစ်များ

မ︀တ︀်တ︀ႄး 25:46

င︀ႆ︀းꩫ︀ႆ︀ႇꩬ︀ီ က︀ူꩫ︀်းꩭင︀်ႛဢ︀မ︀ႂ်းၵ︀ဝ်ယ︀ႃႇ င︀ႃးလ︀ႆ︀ၢးမ︀ႆ︀ႛ တ︀ီꩫ︀ႆ︀ႛၵ︀ၢမ︀်တ︀ၢမ︀်မ︀ဝ်ꩬ︀ုတ︀်ꩡ︀ၢင︀်ႈꩫ︀မ︀်။ ꩫ︀ႆ︀ႇꩫ︀က︀ေႃႇ က︀ူꩫ︀်းꩬ︀ိုဝ်ႈတ︀ူဝ်ꩫ︀ႆ︀ႇၵ︀ဝ်ယ︀ႃႇ တ︀ီꩫ︀ႆ︀ႛ ဢ︀ꩬ︀ၢက︀်ႉထႃဝရ︀ꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 10:28

ၵ︀ဝ်မ︀ႆ︀ႛ က︀ဝ်ႈဢ︀ꩬ︀ၢက︀်ႉထႃဝရ︀ꩭႂ်ႛꩫ︀ႆ︀ႇꩬ︀ီ ၵ︀ဝ်မ︀ိူဝ်ႈလ︀ႂ်ႈက︀ေႃႇ ꩵ︀ႈꩫ︀ႆ︀ႛလ︀ူႇꩬ︀ုမ︀်း။ ၵ︀ဝ်မ︀ႆ︀ႛ ၸ︀ႂ်က︀ေႃႇ လ︀ုက︀်ႉမ︀ိုဝ်းက︀ဝ်ႈမ︀ႆ︀ႛ ꩭိမ︀်ဢ︀ဝ်ႈꩵ︀ႈꩫ︀ႆ︀ႛ။

ယ︀ေႃးꩭၢꩫ︀် 17:2

မ︀ႂ်းꩡ︀ဝ်ႛ က︀ဝ်ႈၵ︀ႃမ︀ႆ︀ႛက︀ꩫ︀်ႛꩫ︀ိူဝ်တ︀င︀်းမ︀ိူင︀်းမ︀ႆ︀ႛ ဢ︀ႃꩫ︀ႃပ︀ူင︀်ႈꩭႂ်ႛတ︀ီၵ︀ႃႛမ︀ႃးယ︀ဝ်ႇ။ င︀ႆ︀းꩬ︀ီ က︀ူꩫ︀်းဢ︀ꩫ︀်ႈမ︀ႂ်းꩡ︀ဝ်ႛ က︀ဝ်ႈၵ︀ႃႛမ︀ႆ︀ႛ ဢ︀ၢပ︀်ႉꩭႂ်ႛဝႆ︀ႇꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ က︀ဝ်ႈၵ︀ႃႛဢ︀ꩬ︀ၢက︀်ႉထႃဝရ︀ꩭႂ်ႛတ︀ီၵ︀ႃႛဢ︀ူ။

ယ︀ေႃးꩭၢꩫ︀် 3:36

က︀ူဝ်ႇဢ︀ꩫ︀်ႈလ︀ုက︀်ႉꩡ︀ၢႆ︀းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩫ︀ႆ︀ႇ ဢ︀ꩬ︀ၢက︀်ႉထႃဝရ︀ꩫ︀ႆ︀ႛဢ︀ူ။ က︀ူဝ်ႇဢ︀ꩫ︀်ႈၵ︀ၢမ︀်းမ︀ꩫ︀်းꩡ︀ဝ်ႛ မ︀ဝ်ထွမ︀်ꩫ︀ႆ︀ႇယ︀ႃႇ ဢ︀ꩬ︀ၢက︀်ႉမ︀ဝ်ꩫ︀ႆ︀ႛꩬ︀ေႇမ︀ဝ်က︀ႃး တ︀ၢမ︀်ဢ︀ပ︀ႅတ︀်ႉဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛပ︀ူင︀်ႈမ︀ႆ︀ႛ ꩫ︀ႆ︀ႛၵ︀ၢမ︀်ဢ︀ူꩫ︀မ︀်။

ယ︀ေႃးꩭၢꩫ︀် 4:14

ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈက︀ိꩫ︀်ႈꩫ︀မ︀်ႇဢ︀ꩫ︀်ႈက︀ဝ်ႈတ︀ီꩭႂ်ႛꩫ︀ႆ︀ႇၵ︀ဝ်ယ︀ႃႇ မ︀ိူဝ်ႈလ︀ႂ်ႈက︀ေႃႇ ꩵ︀ႈက︀ုတ︀်ꩫ︀မ︀်ႇပ︀ွက︀်ယ︀ဝ်ႇ။ က︀ꩫ︀်ႛꩫ︀ႂ်းၵ︀ဝ်မ︀ႆ︀ႛ ꩫ︀မ︀်ႇဢ︀မ︀ႂ်း ပ︀ီꩫ︀်ႈမ︀ူဝ်ꩫ︀မ︀်ႇဢ︀ꩫ︀်ႈꩭႂ်ႛဢ︀ꩬ︀ၢက︀်ႉꩬ︀ီ ၵ︀ဝ်မ︀ႆ︀ႛ ဢ︀ꩬ︀ၢက︀်ႉထႃဝရ︀တ︀ီꩭႂ်ႛꩬ︀ႃး” ꩫ︀ဝꩫ︀်ႇ။

ယ︀ေႃးꩭၢꩫ︀် 4:36

ၸ︀ူႛပ︀တ︀်ၵ︀ဝ်ႛꩫ︀ႆ︀ႇၵ︀ဝ် က︀ႃႈꩭီတ︀်ဢ︀မ︀ူးꩫ︀ႆ︀ႛက︀ꩫ︀်ႈဢ︀ူ။ ဢ︀မ︀ူးပ︀တ︀်ၵ︀ဝ်ႛ ဢ︀ꩫ︀်ႈၵ︀ဝ်ꩭီတ︀်ꩫ︀ႆ︀ႇယ︀ႃႇ ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ် ꩫ︀ႆ︀ႛဢ︀ꩬ︀ၢက︀်ႉထႃဝရ︀ꩫ︀ႆ︀ႇꩫ︀မ︀်။ ၸ︀ူႛပ︀ုက︀်ꩬ︀ွမ︀်ႛꩫ︀ၵ︀ႃ ၸ︀ူႛပ︀တ︀်ၵ︀ဝ်ႛꩫ︀ႆ︀ႇၵ︀ဝ် တ︀ီꩭူမ︀်ႈꩡ︀ူမ︀်းက︀ꩫ︀်ႈꩫ︀မ︀်။

ယ︀ေႃးꩭၢꩫ︀် 5:24

က︀ဝ်ႈꩬ︀ိုဝ်ႈꩰဝႃႈက︀ွတ︀်။ ၵ︀ၢမ︀်းက︀ဝ်ႈꩫ︀ႆ︀ႛꩥ︀ိꩫ︀်းꩬ︀ီ ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛပ︀ွႆ︀ꩡ︀ႂ်ႇမ︀ႆ︀ႛ ယ︀ုမ︀်ယ︀မ︀်ႈက︀ီး ဢ︀ꩬ︀ၢက︀်ႉထႃဝရ︀ꩫ︀ႆ︀ႛဢ︀ူ။ က︀ူဝ်ႇဢ︀ꩫ︀်ႈယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛယ︀ႃႇ ၸ︀ႂ်က︀ေႃႇꩵ︀ႈပ︀ႅတ︀်ႉတ︀ြႃး။ ၵ︀ဝ်ယ︀ႃႇ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛက︀ေႃႇပ︀ူꩫ︀်ႇꩬ︀ီဢ︀ꩬ︀ၢက︀်ႉꩫ︀ႆ︀ႛယ︀ဝ်ႇ။

ယ︀ေႃးꩭၢꩫ︀် 6:27

ꩬ︀ူ ꩡ︀ႃႇၵ︀ဝ်ႛဢ︀ꩫ︀်ႈꩫ︀ဝ်ႈꩫ︀ွက︀်ꩡ︀ၢင︀်ႈꩫ︀ႆ︀ႇ ပ︀ီꩭီတ︀်၊ ꩡ︀ႃႇၵ︀ဝ်ႛဢ︀ꩫ︀်ႈꩭႂ်ႛဢ︀ꩬ︀ၢက︀်ႉထႃဝရ︀ꩫ︀ႆ︀ႇꩬ︀ိုင︀် ꩭီတ︀်က︀ꩫ︀်ႈတ︀ႃႉ။ ၵ︀ဝ်ႛဢ︀မ︀ႂ်းယ︀ႃႇ ဢ︀ꩫ︀်ႈꩬ︀ူမ︀ႆ︀ႛ က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းတ︀ီꩭႂ်ႛꩫ︀ႆ︀ႇꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ုက︀်ႉက︀ူꩫ︀်းမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇꩫ︀ႆ︀ႇ ꩭၢင︀်းꩭီတ︀်လ︀ွင︀်ႈꩫ︀ႆ︀ႇꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 6:40

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူဝ်ႇဢ︀ꩫ︀်ႈလ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛꩭꩫ︀်ꩬ︀ီ ယ︀ုမ︀်ယ︀မ︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်း ဢ︀ꩬ︀ၢက︀်ႉထႃဝရ︀ၵ︀ႂ်ႈꩭႂ်ႛꩫ︀ႆ︀ႛက︀ꩫ︀်ႈꩫ︀မ︀်။ က︀ဝ်ႈက︀ေႃႇ ဝꩫ︀်းဢ︀ꩫ︀်ႈꩬ︀ုတ︀်မ︀ႆ︀ႛ က︀ူဝ်ႇဢ︀မ︀ႂ်းၵ︀ဝ်မ︀ႆ︀ႛ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ တ︀ီဢ︀ဝ်ႈꩫ︀ိပ︀်ပ︀ွက︀်ႉꩭႂ်ႛꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 6:68

င︀ႆ︀းက︀ီး ꩬ︀ႅင︀်မ︀ုꩫ︀်ပ︀ေတ︀ရ︀ုယ︀ႃႇ “ꩡ︀ဝ်ႛꩴ︀း တ︀ူႈၵ︀ႃႛ ၸ︀ႂ်မ︀ႆ︀ႛꩫ︀ႆ︀တ︀ီက︀ႃတ︀ီၵ︀ႃႛꩫ︀ႆ︀ႇ။ ၵ︀ၢမ︀်းဢ︀ꩫ︀်ႈꩭႂ်ႛဢ︀ꩬ︀ၢက︀်ႉထႃဝရ︀ꩫ︀ႆ︀ႇ မ︀ႂ်းꩡ︀ဝ်ႛမ︀ႆ︀ႛꩫ︀ႆ︀ၢႈꩫ︀မ︀် ယ︀င︀်းတ︀ီၵ︀ႃႛꩫ︀ႆ︀ႇ။

ရ︀ေႃမ︀ 1:32

က︀ူꩫ︀်းၸ︀ꩫ︀်းꩫ︀င︀်င︀ႆ︀းꩫ︀ႆ︀ႇၵ︀ဝ်ယ︀ႃႇ တ︀ႆ︀ၢႈထႅက︀်ႉဢ︀ူꩫ︀ꩬ︀ီ က︀ျမ︀်းꩬ︀ိꩫ︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဝႃႈဝႆ︀ႇꩫ︀ႆ︀ႇက︀ေႃႇ ၵ︀ဝ်တ︀ွင︀်းဢ︀ူ။ ꩫ︀ႆ︀ႇꩫ︀က︀ေႃႇ ၵ︀ဝ်ယ︀ႃႇ ၵ︀ဝ်ၸ︀ူႛꩡ︀ဝ်ႛ ꩭီတ︀်ꩫ︀င︀်င︀ႆ︀းတ︀ိက︀်ꩰꩬ︀ေႇမ︀ဝ်က︀ႃး ပ︀ိူꩫ︀်ႈဢ︀ꩫ︀်ႈꩭီတ︀်ꩫ︀င︀်င︀ႆ︀းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ယ︀ူဝ်ႇꩰꩬ︀ူꩫ︀်းꩰꩭႂ်ႛင︀ႆ︀းꩫ︀မ︀်။

ရ︀ေႃမ︀ 2:7

က︀ူꩫ︀်းဢ︀ꩫ︀်ႈ ꩭီတ︀်လ︀ွင︀်ႈꩫ︀ီႈ မ︀ဝ်ꩬ︀ဝ်းင︀ႆ︀းꩬ︀ီ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛယ︀ူဝ်းယ︀ွင︀်ႛတ︀ၢင︀်ꩭုမ︀်ꩫ︀ၵ︀ႃ ဢ︀ꩬ︀ၢက︀်ႉဢ︀ꩫ︀်ႈမ︀ꩫ︀်ႛတ︀ိူင︀်ႈမ︀ႆ︀ႛ ꩭႅꩫ︀်ႛꩫ︀ႆ︀ႇၵ︀ဝ်မ︀ႆ︀ႛယ︀ႃႇ မ︀ꩫ︀်းꩡ︀ဝ်ႛဢ︀ꩬ︀ၢက︀်ႉထႃဝရ︀တ︀ီꩭႂ်ႛꩫ︀မ︀်။

ရ︀ေႃမ︀ 5:12

မ︀ိူင︀်းက︀ၢင︀်ႈမ︀ႆ︀ႛ ဢ︀ဝ်ႈတ︀ၢင︀်းက︀ူꩫ︀်းက︀ူဝ်ႇလ︀ိူင︀်ႈꩬ︀ီ ဢ︀ပ︀ႅတ︀်ႉၵ︀ဝ်ႛမ︀ႃးꩫ︀မ︀်။ က︀ူꩫ︀်းက︀ူဝ်ႇလ︀ိူင︀်ႈ ဢ︀ႃတ︀ၢမ︀်ဢ︀မ︀ႂ်း ꩭီတ︀်ဢ︀ပ︀ႅတ︀်ႉမ︀ႃးꩫ︀ႆ︀ႇꩬ︀ီ က︀ူꩫ︀်းတ︀င︀်းလ︀ုင︀်မ︀ႆ︀ႛ တ︀ၢင︀်းတ︀ႆ︀ၢႈထိုင︀်မ︀ႃးꩫ︀မ︀်။ လ︀ႆ︀ၢးပ︀ိူဝ်ႈဢ︀ပ︀ႅတ︀်ႉဢ︀မ︀ႂ်းꩫ︀ႆ︀ႇꩬ︀ီ မ︀ိူင︀်းက︀ၢင︀်ႈမ︀ႆ︀ႛ တ︀ၢင︀်းတ︀ႆ︀ၢႈယ︀င︀်းမ︀ႃးꩫ︀မ︀်။ င︀ႆ︀းꩫ︀ႆ︀ႇꩬ︀ီ က︀ူꩫ︀်းက︀ူႈက︀ူဝ်ႇက︀ေႃႇ ဢ︀ပ︀ႅတ︀်ႉꩭီတ︀်ꩬ︀ီ က︀ူႈက︀ူဝ်ႇမ︀ႆ︀ႛ တ︀ၢင︀်းတ︀ၢႆ︀ႈထိုင︀်မ︀ႃးꩫ︀မ︀်။

ရ︀ေႃမ︀ 5:17

လ︀ႆ︀ၢးပ︀ိူဝ်ႈဢ︀ႃတ︀ၢမ︀်က︀ူဝ်ႇလ︀ိူင︀်ႈ ꩭီတ︀်ဢ︀ပ︀ႅတ︀်ႉမ︀ႃးꩫ︀ႆ︀ႇꩬ︀ီ က︀ူꩫ︀်းတ︀င︀်းမ︀ိူင︀်းꩫ︀ႆ︀ႛၵ︀ၢမ︀်တ︀ႆ︀ၢႈယ︀ဝ်ႇ။ ꩫ︀ႆ︀ႇꩫ︀က︀ေႃႇ က︀ျေးꩡ︀ူးꩡ︀ဝ်ႛꩫ︀ၵ︀ႃ တ︀ၢင︀်းꩬ︀ိုဝ်ႈတ︀ူဝ် ꩬ︀ူးက︀ျေးꩡ︀ူးꩡ︀ဝ်ႛ ဢ︀ꩫ︀်ႈလ︀ုက︀်ႉꩡ︀ဝ်ႛယ︀ေꩬ︀ုၵ︀ရ︀ီတ︀်က︀ူဝ်ႇလ︀ိူင︀်ႈမ︀ႆ︀ႛ မ︀ႃးꩫ︀ႆ︀ႇယ︀ႃႇ ဢ︀မ︀ႂ်းမ︀ႆ︀ႛယ︀ႂ်ꩬ︀ႃဢ︀ူ။ င︀ႆ︀းꩫ︀ႆ︀ႇꩬ︀ီ က︀ူꩫ︀်းဢ︀ꩫ︀်ႈ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ꩬ︀ူးက︀ျေးꩡ︀ူးꩡ︀ဝ်ႛ ꩭၢပ︀်ႉဢ︀ဝ်ႈꩫ︀ႆ︀ႇၵ︀ဝ်ယ︀ႃႇ ဢ︀ꩬ︀ၢက︀်ႉဢ︀ꩫ︀်ႈမ︀ꩫ︀်ႛတ︀ိူင︀်ႈတ︀ီꩫ︀ႆ︀ႛꩫ︀မ︀်။

ရ︀ေႃမ︀ 5:21

င︀ႆ︀းꩫ︀ႆ︀ႇꩬ︀ီ လ︀ႆ︀ၢးပ︀ိူဝ်ႈတ︀ꩫ︀်းၵ︀ူဝ်းဢ︀ပ︀ႅတ︀်ႉꩬ︀ီ က︀ူꩫ︀်းတ︀င︀်းမ︀ိူင︀်းဝႃႈတ︀ႆ︀ၢႈꩫ︀က︀ꩫ︀်ႈ လ︀ႆ︀ၢးပ︀ိူဝ်ႈတ︀ꩫ︀်းၵ︀ူဝ်းက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛꩬ︀ီ က︀ူꩫ︀်းတ︀င︀်းမ︀ိူင︀်း ဢ︀ꩬ︀ၢက︀်ႉထႃဝရ︀တ︀ီꩫ︀ႆ︀ႛꩫ︀မ︀်။ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်းꩬ︀ီ ဢ︀ꩫ︀်ႈက︀ူꩫ︀်းꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩫ︀ႆ︀ႇꩫ︀မ︀်။

ရ︀ေႃမ︀ 6:16

ꩬ︀ူထွမ︀်ၵ︀ၢမ︀်းၸ︀ႂ်ꩫ︀က︀ေႃႇ ပ︀ီꩫ︀်ႈၵ︀ႃႛက︀ူဝ်ႇဢ︀မ︀ႂ်းꩫ︀မ︀်ꩫ︀ꩫ︀ႆ︀ႇ ꩬ︀ူတ︀ွင︀်းꩫ︀ီႈꩫ︀ီႈဢ︀ူ။ ꩬ︀ူꩭီတ︀်ၵ︀ႃႛဢ︀ပ︀ႅတ︀်ႉက︀ီး တ︀ီꩫ︀ႆ︀ႛတ︀ႆ︀ၢႈꩫ︀မ︀်။ ꩭီတ︀်ၵ︀ႃႛၸ︀ြႃးပ︀ီꩫ︀်ႈꩡ︀ဝ်ႛက︀ီး မ︀ꩫ︀်းꩡ︀ဝ်ႛꩬ︀ူမ︀ႆ︀ႛ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ဢ︀ူ။

ရ︀ေႃမ︀ 6:21

တ︀ၢင︀်းက︀ႅင︀်းၵ︀ႃႛဢ︀ပ︀ႅတ︀်ႉဢ︀မ︀ႂ်းၵ︀ဝ်ယ︀ႃႇ ꩡ︀ႃႇꩭၢင︀်းꩬ︀ူဢ︀က︀ိဝ်းက︀ꩬ︀င︀်က︀ေႃႇ ꩵ︀ႈယ︀င︀်းမ︀ႃး။ င︀ႆ︀ႚလ︀ၢႆ︀းပ︀ိူဝ်ႈ တ︀ၢင︀်းက︀ႅင︀်းက︀ဝ်ဢ︀ꩫ︀်ႈꩬ︀ူꩭွꩫ︀်ꩭီတ︀်မ︀ႃး ဢ︀ꩫ︀်ႈꩬ︀ူမ︀ႆ︀ႛ ꩬ︀ူင︀်တ︀ၢင︀်းတ︀ၢႆ︀ႈဢ︀မ︀ႂ်းၵ︀ဝ်ꩬ︀ီ ꩬ︀ူꩫ︀ႆ︀ႛဢ︀ၢႆ︀ႈꩫ︀မ︀်။

ရ︀ေႃမ︀ 8:13

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ွမ︀်းꩡ︀ႂ်ႈꩫ︀ိူဝ်ႇꩫ︀ိူတ︀်ႉက︀ီး ဝႃႈတ︀ႆ︀ၢႈꩫ︀မ︀်။ ꩫ︀ႆ︀ႇꩫ︀က︀ေႃႇ ꩡ︀ႂ်ႈꩫ︀ိူဝ်ႇꩫ︀ိူတ︀်ႉဢ︀မ︀ႂ်းမ︀ႆ︀ႛ ဢ︀ဝ်ႈꩭႅင︀်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ၸ︀ႃႛလ︀ေႚလ︀ေႚက︀ီး ꩬ︀ူဢ︀ꩬ︀ၢက︀်ႉꩫ︀ိပ︀်ဢ︀ူ။

ရ︀ေႃမ︀ 8:38

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်းမ︀ႆ︀ႛက︀ꩬ︀င︀်က︀ေႃႇ လ︀ုက︀်ႉမ︀ႅတ︀်ႉတ︀ႃမ︀ꩫ︀်းꩡ︀ဝ်ႛမ︀ႆ︀ႛ ဢ︀ဝ်ႈၸ︀ၢက︀်ႉက︀ႃꩵ︀ႈꩫ︀ႆ︀ႛပ︀ိူင︀်ႈလ︀ူင︀်။ ꩭဝ်းတ︀ႆ︀ၢႈပ︀တ︀ု၊ ꩫ︀ိပ︀်ပ︀တ︀ုဢ︀ဝ်ႈၸ︀ၢက︀်ႉꩵ︀ႈꩫ︀ႆ︀ႛ။ ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်၊ ဢ︀ႃꩫ︀ႃဢ︀ꩫ︀်ႈက︀ၢင︀်ႈၸ︀ႃႇမ︀ႆ︀ႛꩭူမ︀်းꩫ︀ႆ︀ႇၵ︀ဝ်၊ ဢ︀ꩫ︀်ႈင︀ႆ︀ႚပ︀ီꩫ︀်ႈꩫ︀ႆ︀ႇၵ︀ဝ်၊ ဢ︀ꩫ︀်ႈက︀ꩫ︀်ႛꩫ︀ႃႛမ︀ႆ︀ႛတ︀ီပ︀ီꩫ︀်ႈꩫ︀ႆ︀ႇၵ︀ဝ်၊

ရ︀ေႃမ︀ 8:39

ဢ︀ꩫ︀်ႈက︀ၢင︀်ႈꩭၢဝ်မ︀ႆ︀ႛယ︀င︀်းꩫ︀ႆ︀ႇၵ︀ဝ်မ︀ဝ်ဝႃႈ၊ ဢ︀ꩫ︀်ႈက︀ꩫ︀်ႛတ︀ႂ်ႛꩫ︀ိꩫ︀်ႈမ︀ႆ︀ႛယ︀င︀်းꩫ︀ႆ︀ႇၵ︀ဝ်မ︀ဝ်ဝႃႈ ၵ︀ိူင︀်ႈမ︀ိူင︀်းက︀ၢင︀်ႈဢ︀ꩫ︀်ႈလ︀ႂ်ႈက︀ေႃႇ ꩭဝ်းမ︀ႆ︀ႛ လ︀ုက︀်ႉမ︀ႅတ︀်ႉတ︀ႃၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈက︀ꩫ︀်ႛꩫ︀ႂ်းꩡ︀ဝ်ႛꩬ︀ေꩬ︀ုၵ︀ရ︀ီတ︀်မ︀ႆ︀ႛ ဢ︀ဝ်ႈၸ︀ၢက︀်ႉက︀ႃꩵ︀ႈꩫ︀ႆ︀ႛꩫ︀ꩫ︀ႆ︀ႇ က︀ဝ်ႈဢ︀က︀မ︀်ထက︀်ꩰꩫ︀မ︀်။

ရ︀ေႃမ︀ 8:6

ꩭဝ်း ဢ︀ꩫ︀်ႈꩡ︀ႂ်ႈꩫ︀ိူဝ်ႇꩫ︀ိူတ︀်ႉၸ︀ူႛꩡ︀ဝ်ႛထုက︀်ꩡ︀ႂ်ႈမ︀ႆ︀ႛꩫ︀ႆ︀ၢႈꩬ︀ိုင︀် ꩭွႆ︀ႛꩡ︀ႂ်ႈဢ︀ူက︀ီး တ︀ီꩫ︀ႆ︀ႛတ︀ႆ︀ၢႈꩫ︀မ︀်။ ꩫ︀ႆ︀ႇꩫ︀က︀ေႃႇ ဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛထုက︀်ꩡ︀ႂ်ႈမ︀ႆ︀ႛꩬ︀င︀် ꩭွႆ︀ႛꩡ︀ႂ်ႈဢ︀ူက︀ီး ꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩬ︀ၢက︀်ႉꩭႂ်ႛꩬ︀ီ တ︀ီဢ︀ဝ်ႈက︀တ︀်ယ︀ီꩫ︀်ႈၵ︀ျမ︀်းꩬ︀ႃꩭႂ်ႛꩫ︀မ︀်။

က︀လ︀ႃတ︀ိ 3:10

ꩫ︀ႆ︀ႇꩫ︀က︀ေႃႇ က︀ူꩫ︀်းဢ︀ꩫ︀်ႈလ︀ွင︀်ႈက︀မ︀်ႈက︀ျမ︀်းꩬ︀ိꩫ︀်မ︀ႆ︀ႛ ဢ︀က︀မ︀်ꩫ︀ႆ︀ႇၵ︀ဝ်ယ︀ႃႇ ဢ︀ူက︀ꩫ︀်ႛတ︀ႂ်ႛ ၵ︀ၢမ︀်းက︀ိꩫ︀်မ︀ႆ︀ႛꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး “ဢ︀ꩫ︀်ႈက︀ျမ︀်းꩬ︀ိꩫ︀်မ︀ႆ︀ႛဝႃႈဝႆ︀ႇတ︀င︀်းမ︀ိူင︀်းမ︀ႆ︀ႛ မ︀ဝ်ꩡ︀ွမ︀်းက︀ႅင︀်းꩬ︀ီဢ︀ူက︀ီးယ︀ႃႇ က︀ူဝ်ႇဢ︀မ︀ႂ်းယ︀ႃႇ ဢ︀ူက︀ꩫ︀်ႛတ︀ႂ်ႛဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛက︀ိꩫ︀်ဝႆ︀ႇမ︀ႆ︀ႛ ꩫ︀မ︀်” ꩫ︀ꩬ︀ီက︀ျမ︀်းလ︀ိက︀်ႉမ︀ႆ︀ႛ ဝႃႈဝႆ︀ႇဢ︀ူ။

တ︀ိတ︀ု 1:2

ꩬ︀မ︀်မ︀ႃတ︀ြႃးဢ︀မ︀ႂ်းယ︀ႃႇ ꩫ︀င︀်လ︀ုက︀်ႉမ︀ိူဝ်ႈက︀မ︀်ၸ︀ႃမ︀ႆ︀ႛ ꩵ︀ႈပ︀ႆ︀ၸ︀ၢꩫ︀်ꩬ︀ၢင︀်းပ︀ုꩫ︀်ႛ ၸ︀ြႃးပ︀ီꩫ︀်ႈꩡ︀ဝ်ႛက︀တ︀ိꩭႂ်ႛဝႆ︀ႇꩫ︀က︀ꩫ︀်ႈ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇꩫ︀ႆ︀ႇၵ︀ဝ် ဢ︀ꩬ︀ၢက︀်ႉထႃဝရ︀တ︀ီꩫ︀ႆ︀ႛꩫ︀မ︀်ꩫ︀ꩫ︀ႆ︀ႇမ︀ႆ︀ႛ ဢ︀ဝ်ႈဢ︀က︀မ︀်ꩭႂ်ႛဢ︀ူ။ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ꩫ︀်ႛတ︀ိူင︀်ႈဢ︀ူ။

ယ︀ႃက︀ု 1:15

ဢ︀ꩫ︀်ႈမ︀ဝ်ꩫ︀ီႈဢ︀မ︀ႂ်းယ︀ႃႇ ꩫ︀ႂ်းꩡ︀ႂ်ႈꩬ︀ူမ︀ႆ︀ႛတ︀ေꩬ︀ီ ဢ︀ဝ်ႈပ︀ီꩫ︀်ႈဢ︀ပ︀ႅတ︀်ႉမ︀ႃးင︀ႆ︀း ဢ︀ပ︀ႅတ︀်ႉဢ︀မ︀ႂ်း ယ︀ႂ်က︀ေမ︀ႃးက︀ီး ꩬ︀ူမ︀ႆ︀ႛဢ︀ဝ်ႈလ︀ူႇတ︀ႆ︀ၢႈꩭႆ︀ၢꩬ︀ုမ︀်းက︀ႃဢ︀ူ။

ယ︀ေႃးꩭၢꩫ︀် ႑ 2:25

င︀ႆ︀းꩬ︀ီ ꩭဝ်းဢ︀ူက︀ꩫ︀်ႛꩫ︀ႂ်း ၸ︀ြႃးပ︀ီꩫ︀်ႈꩡ︀ဝ်ႛက︀ီး ဢ︀ꩬ︀ၢက︀်ႉထႃဝရ︀ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် က︀တ︀ိꩭႂ်ႛဝႆ︀ႇꩫ︀ႆ︀ႇ ꩭဝ်းꩫ︀ႆ︀ႛဢ︀ူ။

ၿျႃၻိက︀်ႉ 21:8

ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈက︀ူဝ်ႈꩭႆ︀ၢႇ၊ ဢ︀ꩫ︀်ႈꩬ︀ႅတ︀်ႉꩡ︀ႃမ︀ဝ်ယ︀င︀်း၊ ဢ︀ꩫ︀်ႈၵ︀ိူင︀်ႈꩫ︀ီႈမ︀ုက︀်ႉလ︀ႆ︀ၢး၊ ဢ︀ꩫ︀်ႈဢ︀ဝ်ႈတ︀ႆ︀ၢႈပ︀ိူꩫ︀်ႈ၊ ဢ︀ꩫ︀်ႈၸ︀ိတ︀်မ︀ေးလ︀ုက︀်ႉပ︀ိူꩫ︀်ႈ၊ ဢ︀ꩫ︀်ႈပ︀ိူꩫ︀်ႈမ︀ႆ︀ႛလ︀ၢပ︀်ႉတ︀ႃႈ၊ ဢ︀ꩫ︀်ႈပ︀ႆ︀ၢႛဝႆ︀ႈꩭုꩫ︀်ꩭၢင︀်ႈ၊ ဢ︀ꩫ︀်ႈၸ︀ႅတ︀်ႉၸ︀ၢင︀်းꩫ︀ႆ︀ႇၵ︀ဝ်ယ︀ႃႇ တ︀ီꩫ︀ႆ︀ႛတ︀ူက︀်ꩫ︀ွင︀်ၸ︀ႆ︀းက︀ၢꩫ︀်ႇꩫ︀မ︀်။ ဢ︀မ︀ႂ်းယ︀ႃႇ ဢ︀ꩫ︀်ႈတ︀ႆ︀ၢႈတ︀ုတ︀ိယ︀ꩫ︀မ︀်” ꩫ︀ဝꩫ︀်ႇ။