ရ︀ေႃမ︀ 6:19 - Khamti Shan

¹⁹ က︀ဝ်ႈင︀ႆ︀းꩬ︀ီ ဢ︀ဝ်ႈၵ︀ိူင︀်ႈၵ︀ၢမ︀်းမ︀ိူင︀်းက︀ၢင︀်ႈဝႃႈꩫ︀ႆ︀ႇ ꩬ︀ူꩥ︀ၢꩫ︀်မ︀ဝ်ပ︀ုင︀်ႈꩬ︀ီꩫ︀မ︀်။ မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛယ︀ႃႇ ꩡ︀ႂ်ႈဢ︀ꩫ︀်ႈꩭီတ︀်ဢ︀ပ︀ႅတ︀်ႉ ဢ︀ꩫ︀်ႈꩬ︀ူမ︀ႆ︀ႛဢ︀ေႈၵ︀ႅꩫ︀်းဢ︀ဝ်ႈမ︀ိူက︀်ႉမ︀ႆ︀ႛ ꩬ︀ူတ︀င︀်းꩡ︀ႂ်ႈတ︀င︀်းၵ︀ူဝ်းꩡ︀ွမ︀်းမ︀ႃးယ︀ဝ်ႇ။ ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ ꩭႂ်ႛပ︀ူဝ်းꩬ︀ူတ︀င︀်းတ︀ူဝ်ႈမ︀ူတ︀်ꩡ︀ၢင︀်ꩫ︀ႆ︀ႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛဢ︀ွꩫ︀်ႈမ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်း ꩡ︀ွမ︀်းက︀ꩫ︀်ႈတ︀ႃႉ။

ရ︀ေႃမ︀ 6:19 ပူးပေါင်းရင်းမြစ်များ

မ︀တ︀်တ︀ႄး 4:23

ꩡ︀ဝ်ႛယ︀ေꩬ︀ု တ︀ိူင︀်းက︀ႃလ︀ိလ︀ႄးတ︀င︀်းတ︀ိူင︀်းမ︀ႆ︀ႛက︀ႃꩬ︀ီ ꩡ︀ွင︀်းꩬ︀ွꩫ︀်တ︀ြႃးꩫ︀ႆ︀ႇၵ︀ဝ်မ︀ႆ︀ႛ ꩬ︀ွꩫ︀်တ︀ြႃးꩭႂ်ႛဢ︀ူ။ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛက︀ေႃႇꩭူဝ်းꩬ︀ီ ၸ︀ူႛၵ︀ႆ︀ႛၸ︀ူႛꩡ︀ီပ︀်က︀ူႈၸ︀ꩫ︀်းမ︀ႆ︀ႛ ဢ︀ဝ်ႈꩫ︀ီႈꩭႂ်ႛဢ︀ူ။

ရ︀ေႃမ︀ 15:1

ၸ︀ူႛဢ︀ꩫ︀်ႈလ︀ွင︀်ႈယ︀ုမ︀်ယ︀မ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ေၵ︀ိူင︀်ꩫ︀ႆ︀ႇၵ︀ဝ်ယ︀ႃႇ ၸ︀ူႛဢ︀ꩫ︀်ႈမ︀ဝ်က︀ေၵ︀ိူင︀်ꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛပ︀ူဝ်းက︀ေၵ︀ိူင︀်က︀ႃꩫ︀ႆ︀ႇ ဝႃႈꩡ︀ွႆ︀ႈꩭႂ်ႛက︀ꩫ︀်ႈꩫ︀မ︀်။ ꩫ︀င︀်ဢ︀လ︀ၢင︀်းၸ︀ူႛꩡ︀ဝ်ႛꩫ︀က︀ꩫ︀်ႈꩫ︀ႆ︀ၢႈ ꩵ︀ႈဝႃႈꩭီတ︀်။

ရ︀ေႃမ︀ 3:5

င︀ႆ︀းက︀ီးယ︀ႃႇ ဢ︀ꩫ︀်ႈꩭဝ်းမ︀ဝ်ꩬ︀ိုဝ်ႈတ︀ူဝ်ꩫ︀ႆ︀ႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩬ︀ိုဝ်ႈတ︀ူဝ်မ︀ႆ︀ႛ ဢ︀ဝ်ႈပ︀ႅꩫ︀်ႈꩭႂ်ႛဢ︀ူꩫ︀က︀ီး ꩭဝ်းတ︀ီဝႃႈꩭိုဝ်ꩫ︀ႆ︀။ ꩫ︀ႆ︀ႇက︀ီး ꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ပ︀ူင︀်ႈတ︀ၢမ︀်ꩫ︀ႆ︀ႇ ꩵ︀ႈတ︀ြႃးꩫ︀က︀ျႃးတ︀ီဝႃႈꩫ︀ႆ︀ႇ။ င︀ႆ︀းꩵ︀ႈထုက︀်ဝႃႈ။ ꩫ︀ႆ︀ႇယ︀ႃႇ ၵ︀ၢမ︀်းက︀ူꩫ︀်းမ︀ိူင︀်းက︀ၢင︀်ႈꩫ︀ၢႆ︀ႈꩫ︀မ︀်။

ရ︀ေႃမ︀ 6:13

တ︀ူဝ်ႈꩬ︀ူꩬ︀ိက︀်ႉꩡ︀ွꩫ︀်လ︀ိူင︀်ႈꩫ︀ႆ︀ၢႈက︀ေႃႇ ပ︀ီꩭႂ်ႛပ︀ီꩫ︀်ႈၵ︀ိူင︀်ႈꩡ︀ႃႇꩭီတ︀်ဢ︀ပ︀ႅတ︀်ႉယ︀ဝ်ႇ။ ꩫ︀င︀်က︀ူꩫ︀်းဢ︀ꩫ︀်ႈꩫ︀ိပ︀်ပ︀ွက︀်ႉမ︀ႃးꩫ︀က︀ꩫ︀်ႈ ꩭႂ်ႛပ︀ူဝ်းတ︀ူဝ်ႈꩬ︀ူ ပ︀ီꩫ︀်ႈၵ︀ိူင︀်ႈꩡ︀ႃႇꩭီတ︀်လ︀ွင︀်ႈꩫ︀ီႈꩫ︀ႆ︀ႇꩬ︀င︀် ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ၢပ︀်ႉက︀ꩫ︀်ႈတ︀ႃႉ။

ရ︀ေႃမ︀ 7:23

ꩫ︀ႆ︀ႇꩫ︀က︀ေႃႇ က︀ꩫ︀်ႛꩫ︀ႂ်းတ︀ူဝ်ႈက︀ဝ်ႈတ︀င︀်းမ︀ိူင︀်းမ︀ႆ︀ႛ တ︀ꩫ︀်းၵ︀ူဝ်းဢ︀ꩫ︀်ႈလ︀ိူင︀်ႈမ︀ိင︀်ႛမ︀ႃႛꩬ︀ီဢ︀ူꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်ꩫ︀က︀ဝ်ဢ︀ူ။ တ︀ꩫ︀်းၵ︀ူဝ်းဢ︀မ︀ႂ်းယ︀ႃႇ ꩬ︀ိꩫ︀်ဢ︀ꩫ︀်ႈက︀ဝ်ႈꩬ︀ိုဝ်ႈꩡ︀ႂ်ႈဢ︀ူꩫ︀ꩬ︀ီꩡ︀ူးꩫ︀ႆ︀ႇမ︀ႆ︀ႛ တ︀ိက︀်တ︀ူဝ်းꩬ︀ီ က︀ဝ်ႈမ︀ႆ︀ႛဢ︀ဝ်ႈက︀ႃပ︀ီꩫ︀်ႈၵ︀ႃႛဢ︀ပ︀ႅတ︀်ႉဢ︀ူ။

ရ︀ေႃမ︀ 8:26

ꩫ︀င︀်ꩫ︀ႆ︀ႇꩫ︀က︀ꩫ︀်ႈ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ ꩭဝ်းမ︀ႆ︀ႛ ꩡ︀ွႆ︀ႈꩭႂ်ႛက︀ွတ︀်ꩫ︀ꩬ︀ီ က︀ျွႃးမ︀ႃးꩫ︀မ︀်။ ꩭဝ်းယ︀ႃႇ ꩭႅင︀်းၵ︀ွꩫ︀်ဢ︀ေꩫ︀ႆ︀ႇꩬ︀ီ ꩬ︀ူးက︀ꩬ︀င︀်ထုက︀်ယ︀ွꩫ︀်းꩫ︀ꩫ︀ႆ︀ႇꩫ︀ႆ︀ၢႈက︀ေႃႇꩵ︀ႈတ︀ွင︀်း။ င︀ႆ︀းꩬ︀ီ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩬ︀ိုင︀် ၵ︀င︀်းဢ︀ꩫ︀်ႈဢ︀ဝ်ႈၵ︀ၢမ︀်းက︀ူꩫ︀်းၵ︀ႆ︀ႈပ︀ျႃးမ︀ဝ်ꩫ︀ႆ︀ႛꩫ︀ႆ︀ႇၵ︀င︀်းꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ႃႇꩭၢင︀်းꩭဝ်းဝွꩫ︀်းၵ︀ႅꩫ︀်းꩭႂ်ႛဢ︀ူ။

က︀ေႃရ︀ိꩫ︀်တ︀ု ႑ 5:6

လ︀ွင︀်ႈꩫ︀ႆ︀ႇမ︀ႆ︀ႛယ︀ႃႇ ꩬ︀ူက︀မ︀်ႇလ︀ွင︀်ႛꩫ︀ႆ︀ႇ ꩵ︀ႈꩫ︀ီႈပ︀ိူင︀်ႈလ︀ူင︀်။ ꩬ︀ဝ်ၵ︀ၢမ︀်းဢ︀ꩫ︀်ႈ “ယ︀ႃႛꩫ︀ၢင︀်းၵ︀ၢဝ်ꩡ︀ွꩫ︀်လ︀ိူင︀်ႈꩫ︀ႆ︀ႇ ၵ︀ဝ်ႛမ︀ိူဝ်ႈတ︀င︀်းပ︀ုမ︀်းမ︀ႆ︀ႛ ဢ︀ဝ်ႈၸ︀ူဝ်းဢ︀ူ” ꩫ︀ꩫ︀ႆ︀ႇမ︀ႆ︀ႛꩬ︀ူတ︀ွင︀်းမ︀ဝ်ꩡ︀ႂ်ႈ။

က︀ေႃရ︀ိꩫ︀်တ︀ု ႑ 6:11

မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛ ꩬ︀ူက︀မ︀်ႈၸ︀ွင︀်း ပ︀ီꩫ︀်ႈင︀ႆ︀းမ︀ႃးꩫ︀မ︀်။ ꩫ︀ႆ︀ႇꩫ︀က︀ေႃႇင︀ႆ︀ႚယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛꩭဝ်း ဢ︀ပ︀ႅတ︀်ႉꩬ︀ူမ︀ႆ︀ႛ ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ၵ︀ႃ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ုက︀်ႉꩬ︀ီꩭႂ်ႛင︀ႆ︀း ꩬ︀ူမ︀ႆ︀ႛ ဢ︀ဝ်ႈမ︀ူတ︀်ꩡ︀ၢင︀်ꩬ︀ီ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ယ︀ဝ်ႇ။

က︀ေႃရ︀ိꩫ︀်တ︀ု ႑ 9:8

ဢ︀ꩫ︀်ႈက︀ဝ်ႈဝႃႈꩫ︀ႆ︀ႇ ၵ︀ꩫ︀်တ︀ႂ်းၵ︀ၢမ︀်းက︀ူꩫ︀်းꩫ︀ႆ︀ၢႈက︀ျႃး။ က︀ꩫ︀်ႛꩫ︀ႂ်းက︀ျမ︀်းꩬ︀ိꩫ︀်မ︀ႆ︀ႛက︀ေႃႇ လ︀ွင︀်ႈꩫ︀ႆ︀ႇဝႃႈဝႆ︀ႇဢ︀ူꩬ︀ႃး။

က︀လ︀ႃတ︀ိ 3:15

ပ︀ီႈꩫ︀ွင︀်ႇၵ︀ဝ်ꩴ︀း ဢ︀ဝ်ႈၵ︀ိူင︀်ႈၵ︀ၢမ︀်းဢ︀ꩫ︀်ႈက︀ူႈက︀ူဝ်ႇတ︀ွင︀်းꩫ︀ႆ︀ႇဝႃႈက︀ွတ︀်။ က︀ူꩫ︀်းꩬ︀ွင︀်က︀ူဝ်ႇ လ︀ွင︀်ႈဢ︀ꩫ︀်ႈလ︀ိူင︀်ႈမ︀ႆ︀ႛ ꩡ︀ႂ်ႈၵ︀ူမ︀်က︀ꩫ︀်ႈꩬ︀ီ လ︀ိက︀်ႉၵ︀တ︀်ႉမ︀ႆ︀ႛ လ︀ႆ︀ၢးမ︀ိုဝ်းꩭူမ︀်ႈတ︀ွက︀်ယ︀ဝ်ႇꩫ︀က︀ီး ဢ︀ꩫ︀်ႈလ︀ိက︀်ႉၵ︀တ︀်ႉဢ︀မ︀ႂ်းမ︀ႆ︀ႛလ︀ွေႛꩫ︀ႆ︀ႇ ၸ︀ႂ်က︀ေႃႇ ယ︀ုတ︀်ꩵ︀ႈꩫ︀ႆ︀ႛ၊ က︀ꩬ︀င︀်က︀ေႃႇ ဢ︀ိက︀်ꩵ︀ႈꩫ︀ႆ︀ႛယ︀ဝ်ႇ။

ꩭေပ︀ရ︀ူး 12:15

လ︀ုက︀်ႉက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭႂ်ႛပ︀ူဝ်းမ︀ဝ်ဢ︀ွက︀်က︀ႃꩫ︀ႆ︀ႇ ꩬ︀တ︀ိက︀ꩫ︀်ႈတ︀ႃႉ။ ꩬ︀ူၸ︀ႂ်က︀ေႃႇ ၵ︀ုမ︀်က︀ိက︀ိမ︀ႃးꩬ︀ီ ꩭႂ်ႛပ︀ူဝ်းပ︀ိူꩫ︀်ႈဢ︀ၢꩫ︀်တ︀ၢꩫ︀်မ︀ႆ︀ႛ မ︀ဝ်ဢ︀ဝ်ႈယ︀ပ︀်ယ︀ၢက︀်ႉꩫ︀ႆ︀ႇ ꩬ︀တ︀ိက︀ꩫ︀်ႈတ︀ႃႉ။

ꩭေပ︀ရ︀ူး 4:15

မ︀ꩫ︀်းꩡ︀ဝ်ႛယ︀ႃႇ ဢ︀ꩫ︀်ႈꩭဝ်းꩭႅင︀်းဢ︀ေꩫ︀ႆ︀ႇၵ︀ဝ်မ︀ႆ︀ႛ ဢ︀ီꩫ︀ူႈပ︀ီꩫ︀်ႈဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းꩡ︀ဝ်ႛယ︀ႃႇ ꩫ︀င︀်က︀ူꩫ︀်းꩭဝ်းꩫ︀က︀ꩫ︀်ႈ ဢ︀ꩫ︀်ႈယ︀ႃႇဢ︀ꩫ︀်ႈက︀ဝ်းꩫ︀ႆ︀ႇၵ︀ဝ်က︀ူႈၸ︀ꩫ︀်းမ︀ႆ︀ႛ ꩭူပ︀်ႉꩭꩫ︀်မ︀ႃးယ︀ဝ်ႇ။ ꩫ︀ႆ︀ႇꩫ︀က︀ေႃႇ မ︀ꩫ︀်းꩡ︀ဝ်ႛယ︀ႃႇ ဢ︀ပ︀ႅတ︀်ႉꩵ︀ႈꩭီတ︀်မ︀ႃး။