Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ရ︀ေႃမ︀ 6:17 - Khamti Shan

17 မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛယ︀ႃႇ ꩬ︀ူꩫ︀င︀်ၸ︀ူႛၵ︀ႃႛꩫ︀က︀ꩫ︀်ႈ ꩡ︀ႂ်ႈဢ︀ꩫ︀်ႈꩭီတ︀်ဢ︀ပ︀ႅတ︀်ႉမ︀ႆ︀ႛ ꩡ︀ွမ︀်းယ︀ုင︀်ꩰမ︀ႃးယ︀ဝ်ႇ။ ꩫ︀ႆ︀ႇꩫ︀က︀ေႃႇ င︀ႆ︀ႚꩬ︀ူ ꩬ︀မ︀်မ︀ႃတ︀ြႃးဢ︀ꩫ︀်ႈꩬ︀ူမ︀ႆ︀ႛဢ︀ွꩫ︀်ႈဢ︀ဝ်ႈပ︀ီꩫ︀်ႈၵ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်းထွမ︀်ꩡ︀ွမ︀်းက︀ꩫ︀်ႈꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ျေးꩡ︀ူးတ︀ၢင︀်လ︀ူင︀်ꩫ︀မ︀်။

အခန်းကိုကြည့်ပါ။ ကော်ပီ




ရ︀ေႃမ︀ 6:17
37 ပူးပေါင်းရင်းမြစ်များ  

ၵ︀ၢမ︀်းဢ︀မ︀ႂ်းꩫ︀ႆ︀ႛꩥ︀ိꩫ︀်းက︀ီး ၵ︀ဝ်ယ︀ႃႇမ︀ဝ်ထီင︀်ၵ︀ၢမ︀်းꩬ︀ီ “ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛက︀ေႃႇ ဢ︀ၵ︀ၢင︀်းဢ︀ꩫ︀်ႈꩬ︀ၢင︀်ဝွေꩬ︀ီ ꩫ︀ႆ︀ႛဢ︀ꩬ︀ၢက︀်ႉꩫ︀ႆ︀ႇꩭႂ်ႛမ︀ႃးယ︀ဝ်ႇ” ꩫ︀ꩬ︀ီ မ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈဢ︀ူ။


ၸ︀ူႛယ︀ုမ︀်ယ︀မ︀်ႈဢ︀ꩫ︀်ႈ ဝီင︀်းရ︀ေႃမ︀မ︀ႆ︀ႛဢ︀ူꩫ︀ႆ︀ႇၵ︀ဝ်ယ︀ႃႇ တ︀ူႈမ︀ႃးဢ︀ူꩫ︀ꩫ︀ႆ︀ႇ ꩫ︀ႆ︀ႛꩥ︀ိꩫ︀်းက︀ီး ဢ︀ဝ်ႈထိုင︀်က︀တ︀်ဢ︀ပ︀်ပ︀ိတ︀မ︀ိူင︀်း၊ ဢ︀ဝ်ႈထိုင︀်ꩡ︀လ︀ွပ︀်ႉꩬ︀ၢမ︀်လ︀ၢင︀်တ︀မ︀ိူင︀်း မ︀ႃးꩭၢပ︀်ႉက︀ꩫ︀်ႈဢ︀ူ။ ပ︀ေႃလ︀ုယ︀ႃႇ ၵ︀ဝ်မ︀ႆ︀ႛꩭꩫ︀်က︀ီး က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛꩬ︀ီ ꩭႅင︀်းတ︀ီမ︀်ႈမ︀ႃးဢ︀ူ။


ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ဝ်ႈမ︀ႆ︀ႛ ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ၵ︀ၢင︀်းဢ︀ꩫ︀်ႈပ︀ီꩫ︀်ႈတ︀မ︀ၢꩫ︀်ꩡ︀ဝ်ႛꩭႂ်ႛင︀ႆ︀း ꩭႂ်ႛပ︀ူဝ်းက︀ူꩫ︀်းက︀ူႈၸ︀ꩫ︀်း ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈထွမ︀်ꩡ︀ွမ︀်းꩬ︀ီ ဢ︀ဝ်ႈꩭိူဝ်ႈꩭိုင︀်းမ︀ူꩫ︀်ႈမ︀ꩫ︀်းꩡ︀ဝ်ႛꩫ︀ႆ︀ႇ က︀ဝ်ႈမ︀ႆ︀ႛပ︀ွႆ︀ꩡ︀ႂ်ႇမ︀ႃးယ︀ဝ်ႇ။


ပ︀ီႈꩫ︀ွင︀်ႇၵ︀ဝ်ꩴ︀း ဢ︀ွꩫ︀်ႈတ︀ၢင︀်းလ︀ေႚလ︀ေႚ က︀ဝ်ႈၵ︀ႂ်ႈဝႃႈꩫ︀ႆ︀ႇယ︀ႃႇ ꩡ︀ႃႇꩬ︀ူတ︀င︀်းမ︀ိူင︀်း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ဝ်ႈက︀ျေးꩡ︀ူးတ︀ၢင︀်လ︀ူင︀်ꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ွပ︀်ႉပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ လ︀ွင︀်ႈဢ︀ꩫ︀်ႈꩬ︀ူ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇ တ︀င︀်းက︀မ︀်ၸ︀ႃမ︀ႆ︀ႛ ꩭူင︀်က︀ꩫ︀်ႈယ︀ဝ်ႇ။


က︀ဝ်ႈယ︀ႃႇ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ် ꩭႂ်ႛပ︀ူဝ်းၵ︀ၢဝ်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛထွမ︀်မ︀ႃးꩫ︀ႆ︀ႇ ဢ︀ꩫ︀်ႈက︀ဝ်ႈမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်တ︀ိုဝ်းꩬ︀ီ ꩭႂ်ႛဝႃႈ၊ ꩭႂ်ႛꩭီတ︀်ꩫ︀ႆ︀ႇၵ︀ဝ်ꩫ︀ႆ︀ၢႈꩫ︀မ︀် က︀ဝ်ႈꩭတ︀်ꩰꩭၢꩫ︀်ꩰဝႃႈပ︀ီꩫ︀်ႈꩫ︀ႆ︀ႇ။


ꩬ︀မ︀်မ︀ႃတ︀ြႃးဢ︀ꩫ︀်ႈဢ︀ဝ်ႈမ︀ႅပ︀်ဝႆ︀ႇဢ︀မ︀ႂ်းမ︀ႆ︀ႛ ꩭႂ်ႛပ︀ူဝ်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်တ︀င︀်းလ︀ုင︀် ယ︀ုမ︀်ယ︀မ︀်ႈꩬ︀ီ ထွမ︀်ꩡ︀ွမ︀်းက︀ꩫ︀်ႈꩫ︀ႆ︀ႇ ဢ︀ဝ်ႈက︀ျမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်တ︀မ︀ိူင︀်း ဢ︀ဝ်ႈဢ︀မ︀ိင︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈထႃဝရ︀ဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇတ︀မ︀ိူင︀်း င︀ႆ︀ႚယ︀ႃႇ ပ︀ုတ︀်ပ︀ျႃးꩭႂ်ႛမ︀ႃးယ︀ဝ်ႇ။


က︀ူꩫ︀်းဢ︀ꩫ︀်ႈꩡ︀ႂ်ႈတ︀ိင︀်ႈက︀ုပ︀်၊ ဢ︀ꩫ︀်ႈထုက︀်ꩭီတ︀်ꩫ︀ႆ︀ႇမ︀ဝ်ꩭီတ︀်ꩬ︀ီ ဢ︀ꩫ︀်ႈမ︀ဝ်ꩫ︀ီႈꩫ︀ႆ︀ၢႈꩬ︀င︀်ꩭီတ︀်ꩫ︀ႆ︀ႇၵ︀ဝ်မ︀ႆ︀ႛယ︀ႃႇ မ︀ꩫ︀်းꩡ︀ဝ်ႛ တ︀ီတ︀ေႃးꩬ︀ႃးလ︀ူင︀်ꩫ︀မ︀်။


ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ီꩫ︀ူႈꩭၢက︀်ႉꩭွမ︀်ꩭႂ်ႛမ︀ႃးꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ဝ်ႈမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩡ︀ႃႇꩬ︀ူက︀ျေးꩡ︀ူးတ︀ၢင︀်လ︀ူင︀်ꩫ︀မ︀်။


ပ︀ီႈꩫ︀ွင︀်ႇၵ︀ဝ်ꩴ︀း ꩬ︀င︀်ဝႃႈက︀ဝ်ႈꩬ︀ူမ︀ႆ︀ႛဢ︀ဝ်ႈၵ︀ၢမ︀်းတ︀ၢင︀်ၸ︀ꩫ︀်းမ︀ႃးဝႃႈꩬ︀ီ တ︀ီႈပ︀ွင︀်မ︀ꩫ︀်း မ︀ဝ်ပ︀ုတ︀်ၵ︀ႆ︀ႈꩭႂ်ႛ၊ တ︀ၢင︀်းꩭူႇꩭꩫ︀်မ︀ဝ်ၵ︀ႆ︀ႈꩭႂ်ႛ၊ ၵ︀ၢဝ်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ မ︀ဝ်ꩭူဝ်းꩭႂ်ႛ၊ တ︀ြႃးမ︀ဝ်ꩬ︀ွꩫ︀်ꩭႂ်ႛက︀ီး ဢ︀က︀ိဝ်းက︀ꩬ︀င︀်ꩫ︀ႆ︀တ︀ီယ︀င︀်းꩫ︀ႆ︀ႇ။


ꩫ︀ႆ︀ႇꩫ︀က︀ေႃႇ တ︀ူႈယ︀ႃႇ ဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ တ︀ူႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဢ︀ဝ်ႈပ︀ီꩫ︀်ႈလ︀ႆ︀ၢးမ︀ꩫ︀်းꩡ︀ဝ်ႛꩭႂ်ႛꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ တ︀ူႈက︀ျေးꩡ︀ူးတ︀ၢင︀်လ︀ူင︀်ꩫ︀မ︀်။ လ︀ႆ︀ၢးဢ︀မ︀ႂ်းယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ပ︀ီꩫ︀်ႈꩡ︀ဝ်ႛပ︀ေႇဢ︀ွင︀်င︀ႆ︀းꩬ︀ီ တ︀ူႈယ︀ႃႇ ပ︀ီꩫ︀်ႈၸ︀ူႛꩬ︀ုမ︀်းꩬ︀ိူက︀်င︀ႆ︀းꩫ︀က︀ꩫ︀်ႈꩫ︀မ︀်။ ꩫ︀ႆ︀ႇꩬ︀ေႇမ︀ဝ်က︀ႃး ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ် ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛတ︀ွင︀်းမ︀ႃးꩫ︀ႆ︀ႇက︀ေႃႇ ꩫ︀င︀်ပ︀ွႆ︀ဢ︀ႆ︀ၢႈꩫ︀မ︀်ႇꩭွမ︀်ꩫ︀က︀ꩫ︀်ႈ ꩭႂ်ႛပ︀ူဝ်းက︀ူႈတ︀ီႈမ︀ႆ︀ႛ တ︀ူႈက︀ႃယ︀ႃးꩫ︀ႆ︀ႛꩫ︀ႆ︀ႇ တ︀ူႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩡ︀ွႆ︀ႈꩭႂ်ႛꩬ︀ီဢ︀ူꩫ︀မ︀်။


လ︀ႆ︀ၢးပ︀ိူဝ်ႈꩬ︀ူꩫ︀ႆ︀ႇ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛꩭဝ်း မ︀ႆ︀ႛ တ︀ူႈꩫ︀ႆ︀ႛꩡ︀ူမ︀်းꩭုမ︀်လ︀ူင︀်ꩫ︀ႆ︀ႇꩬ︀ီ မ︀ူꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛဢ︀ူ။


ပ︀ီႈꩫ︀ွင︀်ႇၵ︀ဝ်ꩴ︀း လ︀ႆ︀ၢးပ︀ိူဝ်ႈꩬ︀ူꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ျေးꩡ︀ူးတ︀ၢင︀်လ︀ူင︀်ꩫ︀မ︀်။ ꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈ ꩭႅင︀်းမ︀ႃးင︀ႆ︀း က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ဢ︀ေႈၵ︀ႅꩫ︀်းꩭၢက︀်ႉꩭွမ︀်က︀ꩫ︀်ႈမ︀ႃးꩫ︀ႆ︀ႇꩬ︀ီ တ︀ူႈꩡ︀ူမ︀်းꩭုမ︀်လ︀ူင︀်ꩫ︀မ︀်။


ꩬ︀မ︀်မ︀ႃတ︀ြႃး ဢ︀ꩫ︀်ႈက︀ဝ်ႈꩬ︀ွꩫ︀်ꩭႂ်ႛꩫ︀ႆ︀ႇမ︀ႆ︀ႛ ꩭီတ︀်ပ︀ိူင︀်ႈꩬ︀ီ ပ︀ꩫ︀်ႛၵ︀ိူင︀်ꩰတ︀ႃႉ။ က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛဢ︀ူꩬ︀ီ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈၵ︀ိူင︀်ꩰက︀ႃတ︀ႃႉ။ ပ︀ိူꩫ︀်ႈမ︀ႆ︀ႛက︀ေႃႇ ꩭၢက︀်ႉꩭွမ︀်တ︀ႃႉ။


ꩫ︀ွင︀်ႇက︀ဝ်ႈၸ︀ိလ︀ေမ︀ုꩫ︀်ꩴ︀း မ︀ိူဝ်ႈက︀ဝ်ႈယ︀ွꩫ︀်းꩬ︀ူးꩫ︀ႆ︀ႇက︀ူႈၵ︀ႅက︀်ႉ မ︀ႂ်းမ︀ႆ︀ႛဢ︀ွက︀်ꩡ︀ႂ်ႈꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ျေးꩡ︀ူးတ︀ၢင︀်လ︀ူင︀်ꩫ︀မ︀်။


လ︀ႆ︀ၢးပ︀ိူဝ်ႈတ︀ၢင︀်းယ︀ုမ︀်ယ︀မ︀်ႈꩬ︀ီ ဢ︀ႃပ︀ြႃꩭၢမ︀်က︀ေႃႇ ဢ︀မ︀ႆ︀ႚဝႃႈက︀ႃꩫ︀ꩫ︀ႆ︀ႇမ︀ဝ်တ︀ွင︀်းꩫ︀က︀ေႃႇ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛထွမ︀်င︀ႆ︀း လ︀ုက︀်ႉꩭိူꩫ︀်းမ︀ႆ︀ႛဢ︀ွက︀်ꩬ︀ီ မ︀ိူင︀်းဢ︀ꩫ︀်ႈမ︀ꩫ︀်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ တ︀ီꩭႂ်ႛဢ︀မ︀ွေမ︀ႆ︀ႛ က︀ႃမ︀ႃးဢ︀ူ။


ꩭီတ︀်င︀ႆ︀းꩬ︀ီ မ︀ꩫ︀်းꩡ︀ဝ်ႛတ︀ီမ︀်ႈက︀ုမ︀်မ︀ႃးက︀ီး ꩡ︀ႃႇက︀ူꩫ︀်းဢ︀ꩫ︀်ႈထွမ︀်ၵ︀ၢမ︀်းမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်တ︀င︀်းမ︀ိူင︀်း ပ︀ီꩫ︀်ႈꩡ︀ဝ်ႛဢ︀ꩫ︀်ႈꩭႂ်ႛတ︀ၢင︀်းၵ︀ေꩬ︀ေထႃဝရ︀မ︀ႃးꩬ︀ီ


ꩬ︀ူ ꩬ︀မ︀်မ︀ႃတ︀ြႃးမ︀ႆ︀ႛ ထွမ︀်းꩡ︀ွမ︀်းꩫ︀ႆ︀ႇꩬ︀ီ ꩬ︀ူ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ လ︀ုက︀်ႉတ︀ꩫ︀်းၵ︀ူဝ်းဢ︀ပ︀ႅတ︀်ႉမ︀ႆ︀ႛ ဢ︀ဝ်ႈလ︀ွတ︀်ႉမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩭၢက︀်ႉက︀ꩫ︀်ႈတ︀ေႇတ︀ေႇမ︀ႃးယ︀ဝ်ႇ။ က︀ၢပ︀်ꩬ︀ီတ︀င︀်းꩡ︀ႂ်ႈတ︀င︀်းၵ︀ူဝ်း ꩭၢက︀်ႉက︀ꩫ︀်ႈက︀ႃတ︀ႃႉ။


ꩫ︀ႆ︀ႇꩫ︀က︀ေႃႇ ꩬ︀ူယ︀ႃႇ ၵ︀ိူဝ်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇ၊ က︀ုမ︀်ႛယ︀ီတ︀်ႉပ︀ရ︀ေႃးꩭိက︀်ႉဢ︀ꩫ︀်ႈထၢမ︀်းဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛၸ︀ူႛပ︀ီꩫ︀်ႈꩡ︀ဝ်ႛꩭူဝ်ၵ︀မ︀်း၊ ၸ︀ꩫ︀်းက︀ူꩫ︀်းဢ︀ꩫ︀်ႈမ︀ူတ︀်ꩡ︀ၢင︀်၊ ၸ︀ꩫ︀်းက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛ ꩭႂ်ႛပ︀ူဝ်းယ︀ႃးလ︀ွင︀်ႈဢ︀ꩫ︀်ႈမ︀ꩫ︀်းꩡ︀ဝ်ႛꩫ︀ီႈမ︀ႅတ︀်ႉꩫ︀ႆ︀ႇ လ︀ုက︀်ႉဢ︀ꩫ︀်ႈꩫ︀မ︀်ႈꩬ︀ိင︀်မ︀ႆ︀ႛ ꩭွင︀်ႇဢ︀ွက︀်ꩬ︀ီ ဢ︀ꩫ︀်ႈလ︀ႅင︀်းမ︀ꩫ︀်းꩡ︀ဝ်ႛ ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းလ︀ူင︀်မ︀ႆ︀ႛ ꩬ︀ူင︀်ꩭႂ်ႛမ︀ႃးယ︀ဝ်ႇ။


ꩫ︀င︀်ꩫ︀ႆ︀ႇꩫ︀က︀ꩫ︀်ႈ ၸ︀ူႛယ︀ိင︀်းဢ︀ꩫ︀်ႈပ︀ီꩫ︀်ႈꩭိူꩫ︀်းꩫ︀ႆ︀ႇၵ︀ဝ်က︀ေႃႇ ၵ︀ၢမ︀်းၸ︀ူႛꩡ︀ႆ︀ၢးꩬ︀ူမ︀ႆ︀ႛ ထွမ︀်က︀ꩫ︀်ႈတ︀ႃႉ။ င︀ႆ︀းက︀ီး ၸ︀ူႛꩡ︀ႆ︀ၢးဢ︀ꩫ︀်ႈၵ︀ၢဝ်ႈၵ︀ၢမ︀်းꩫ︀ီႈ လ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ မ︀ဝ်ယ︀ုမ︀်ꩫ︀ႆ︀ႇၵ︀ဝ်ယ︀င︀်းꩫ︀က︀ေႃႇ တ︀ၢင︀်းက︀ႅင︀်းꩬ︀ူဢ︀ꩫ︀်ႈꩫ︀ီႈ၊ ဢ︀ꩫ︀်ႈၵ︀ိူင︀်ႈꩫ︀ီႈꩫ︀ၢပ︀်ႉယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛꩭꩫ︀်မ︀ႃးက︀ီး မ︀ꩫ︀်းꩡ︀ဝ်ႛမ︀ႆ︀ႛ ၵ︀ဝ်ယ︀ုမ︀်ယ︀မ︀်ႈမ︀ႃးဢ︀ူ။ ၵ︀ဝ်မ︀ႆ︀ႛ ဢ︀ဝ်ႈၵ︀ၢမ︀်းꩫ︀ႆ︀ၢႈက︀ေႃႇ ꩵ︀ႈဝႃႈဝႃႈယ︀ဝ်ႇ။


ယ︀ၢမ︀်းဢ︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛတ︀ီပ︀ႅတ︀်ႉတ︀ြႃးꩫ︀ႆ︀ႇꩡ︀မ︀်ႈယ︀ဝ်ႇ။ က︀ူꩫ︀်းꩭိူꩫ︀်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀င︀်ၸ︀ꩫ︀်းꩭဝ်းꩫ︀ႆ︀ႇၵ︀ဝ်မ︀ႆ︀ႛ က︀ူဝ်ꩬ︀ီတ︀ီပ︀ႅတ︀်ႉတ︀ြႃးꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩡ︀ႃႇꩭၢင︀်းက︀ူꩫ︀်းဢ︀ꩫ︀်ႈၵ︀ၢဝ်ႈၵ︀ၢမ︀်းꩫ︀ီႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်ထွမ︀်ꩡ︀ွမ︀်းꩫ︀ႆ︀ႇၵ︀ဝ်က︀ီး ၵ︀ိူင︀်ႈꩫ︀ီႈက︀ူဝ်ႈလ︀ူင︀်ꩫ︀မ︀်။


ꩫ︀င︀်ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩭဝ်း ပ︀ူင︀်ႈꩬ︀ိꩫ︀်ꩭႂ်ႛꩫ︀က︀ꩫ︀်ႈ လ︀ုက︀်ႉမ︀ႂ်းꩡ︀ဝ်ႛၵ︀ဝ်က︀မ︀်ႈၸ︀ွင︀်း ꩬ︀မ︀်မ︀ႃတ︀ြႃးမ︀ႆ︀ႛꩡ︀ွမ︀်းꩬ︀ီဢ︀ူꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်ꩬ︀ီ ꩡ︀ူမ︀်းꩭုမ︀်လ︀ူင︀်ꩫ︀မ︀်။


လ︀ွင︀်ႈဢ︀ꩫ︀်ႈမ︀ႂ်းꩡ︀ဝ်ႛ ꩡ︀ွမ︀်းꩬ︀မ︀်မ︀ႃတ︀ြႃးꩬ︀ီဢ︀ူꩫ︀ႆ︀ႇ ပ︀ီႈꩫ︀ွင︀်ႇꩭဝ်းꩫ︀ႆ︀ႇၵ︀ဝ် က︀ဝ်ႈမ︀ႆ︀ႛမ︀ႃးၵ︀ႆ︀ႈꩬ︀ီ က︀ဝ်ႈꩡ︀ူမ︀်းꩭုမ︀်လ︀ူင︀်ꩫ︀မ︀်။


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ