ရ︀ေႃမ︀ 6:17 - Khamti Shan17 မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛယ︀ႃႇ ꩬ︀ူꩫ︀င︀်ၸ︀ူႛၵ︀ႃႛꩫ︀က︀ꩫ︀်ႈ ꩡ︀ႂ်ႈဢ︀ꩫ︀်ႈꩭီတ︀်ဢ︀ပ︀ႅတ︀်ႉမ︀ႆ︀ႛ ꩡ︀ွမ︀်းယ︀ုင︀်ꩰမ︀ႃးယ︀ဝ်ႇ။ ꩫ︀ႆ︀ႇꩫ︀က︀ေႃႇ င︀ႆ︀ႚꩬ︀ူ ꩬ︀မ︀်မ︀ႃတ︀ြႃးဢ︀ꩫ︀်ႈꩬ︀ူမ︀ႆ︀ႛဢ︀ွꩫ︀်ႈဢ︀ဝ်ႈပ︀ီꩫ︀်ႈၵ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်းထွမ︀်ꩡ︀ွမ︀်းက︀ꩫ︀်ႈꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ျေးꩡ︀ူးတ︀ၢင︀်လ︀ူင︀်ꩫ︀မ︀်။ အခန်းကိုကြည့်ပါ။ |
ပ︀ီႈꩫ︀ွင︀်ႇၵ︀ဝ်ꩴ︀း ဢ︀ွꩫ︀်ႈတ︀ၢင︀်းလ︀ေႚလ︀ေႚ က︀ဝ်ႈၵ︀ႂ်ႈဝႃႈꩫ︀ႆ︀ႇယ︀ႃႇ ꩡ︀ႃႇꩬ︀ူတ︀င︀်းမ︀ိူင︀်း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ဝ်ႈက︀ျေးꩡ︀ူးတ︀ၢင︀်လ︀ူင︀်ꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ွပ︀်ႉပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ လ︀ွင︀်ႈဢ︀ꩫ︀်ႈꩬ︀ူ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇ တ︀င︀်းက︀မ︀်ၸ︀ႃမ︀ႆ︀ႛ ꩭူင︀်က︀ꩫ︀်ႈယ︀ဝ်ႇ။
ꩫ︀ႆ︀ႇꩫ︀က︀ေႃႇ တ︀ူႈယ︀ႃႇ ဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ တ︀ူႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဢ︀ဝ်ႈပ︀ီꩫ︀်ႈလ︀ႆ︀ၢးမ︀ꩫ︀်းꩡ︀ဝ်ႛꩭႂ်ႛꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ တ︀ူႈက︀ျေးꩡ︀ူးတ︀ၢင︀်လ︀ူင︀်ꩫ︀မ︀်။ လ︀ႆ︀ၢးဢ︀မ︀ႂ်းယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ပ︀ီꩫ︀်ႈꩡ︀ဝ်ႛပ︀ေႇဢ︀ွင︀်င︀ႆ︀းꩬ︀ီ တ︀ူႈယ︀ႃႇ ပ︀ီꩫ︀်ႈၸ︀ူႛꩬ︀ုမ︀်းꩬ︀ိူက︀်င︀ႆ︀းꩫ︀က︀ꩫ︀်ႈꩫ︀မ︀်။ ꩫ︀ႆ︀ႇꩬ︀ေႇမ︀ဝ်က︀ႃး ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ် ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛတ︀ွင︀်းမ︀ႃးꩫ︀ႆ︀ႇက︀ေႃႇ ꩫ︀င︀်ပ︀ွႆ︀ဢ︀ႆ︀ၢႈꩫ︀မ︀်ႇꩭွမ︀်ꩫ︀က︀ꩫ︀်ႈ ꩭႂ်ႛပ︀ူဝ်းက︀ူႈတ︀ီႈမ︀ႆ︀ႛ တ︀ူႈက︀ႃယ︀ႃးꩫ︀ႆ︀ႛꩫ︀ႆ︀ႇ တ︀ူႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩡ︀ွႆ︀ႈꩭႂ်ႛꩬ︀ီဢ︀ူꩫ︀မ︀်။
ꩫ︀ႆ︀ႇꩫ︀က︀ေႃႇ ꩬ︀ူယ︀ႃႇ ၵ︀ိူဝ်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇ၊ က︀ုမ︀်ႛယ︀ီတ︀်ႉပ︀ရ︀ေႃးꩭိက︀်ႉဢ︀ꩫ︀်ႈထၢမ︀်းဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛၸ︀ူႛပ︀ီꩫ︀်ႈꩡ︀ဝ်ႛꩭူဝ်ၵ︀မ︀်း၊ ၸ︀ꩫ︀်းက︀ူꩫ︀်းဢ︀ꩫ︀်ႈမ︀ူတ︀်ꩡ︀ၢင︀်၊ ၸ︀ꩫ︀်းက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛ ꩭႂ်ႛပ︀ူဝ်းယ︀ႃးလ︀ွင︀်ႈဢ︀ꩫ︀်ႈမ︀ꩫ︀်းꩡ︀ဝ်ႛꩫ︀ီႈမ︀ႅတ︀်ႉꩫ︀ႆ︀ႇ လ︀ုက︀်ႉဢ︀ꩫ︀်ႈꩫ︀မ︀်ႈꩬ︀ိင︀်မ︀ႆ︀ႛ ꩭွင︀်ႇဢ︀ွက︀်ꩬ︀ီ ဢ︀ꩫ︀်ႈလ︀ႅင︀်းမ︀ꩫ︀်းꩡ︀ဝ်ႛ ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းလ︀ူင︀်မ︀ႆ︀ႛ ꩬ︀ူင︀်ꩭႂ်ႛမ︀ႃးယ︀ဝ်ႇ။
ꩫ︀င︀်ꩫ︀ႆ︀ႇꩫ︀က︀ꩫ︀်ႈ ၸ︀ူႛယ︀ိင︀်းဢ︀ꩫ︀်ႈပ︀ီꩫ︀်ႈꩭိူꩫ︀်းꩫ︀ႆ︀ႇၵ︀ဝ်က︀ေႃႇ ၵ︀ၢမ︀်းၸ︀ူႛꩡ︀ႆ︀ၢးꩬ︀ူမ︀ႆ︀ႛ ထွမ︀်က︀ꩫ︀်ႈတ︀ႃႉ။ င︀ႆ︀းက︀ီး ၸ︀ူႛꩡ︀ႆ︀ၢးဢ︀ꩫ︀်ႈၵ︀ၢဝ်ႈၵ︀ၢမ︀်းꩫ︀ီႈ လ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ မ︀ဝ်ယ︀ုမ︀်ꩫ︀ႆ︀ႇၵ︀ဝ်ယ︀င︀်းꩫ︀က︀ေႃႇ တ︀ၢင︀်းက︀ႅင︀်းꩬ︀ူဢ︀ꩫ︀်ႈꩫ︀ီႈ၊ ဢ︀ꩫ︀်ႈၵ︀ိူင︀်ႈꩫ︀ီႈꩫ︀ၢပ︀်ႉယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛꩭꩫ︀်မ︀ႃးက︀ီး မ︀ꩫ︀်းꩡ︀ဝ်ႛမ︀ႆ︀ႛ ၵ︀ဝ်ယ︀ုမ︀်ယ︀မ︀်ႈမ︀ႃးဢ︀ူ။ ၵ︀ဝ်မ︀ႆ︀ႛ ဢ︀ဝ်ႈၵ︀ၢမ︀်းꩫ︀ႆ︀ၢႈက︀ေႃႇ ꩵ︀ႈဝႃႈဝႃႈယ︀ဝ်ႇ။