ရ︀ေႃမ︀ 6:13 - Khamti Shan

¹³ တ︀ူဝ်ႈꩬ︀ူꩬ︀ိက︀်ႉꩡ︀ွꩫ︀်လ︀ိူင︀်ႈꩫ︀ႆ︀ၢႈက︀ေႃႇ ပ︀ီꩭႂ်ႛပ︀ီꩫ︀်ႈၵ︀ိူင︀်ႈꩡ︀ႃႇꩭီတ︀်ဢ︀ပ︀ႅတ︀်ႉယ︀ဝ်ႇ။ ꩫ︀င︀်က︀ူꩫ︀်းဢ︀ꩫ︀်ႈꩫ︀ိပ︀်ပ︀ွက︀်ႉမ︀ႃးꩫ︀က︀ꩫ︀်ႈ ꩭႂ်ႛပ︀ူဝ်းတ︀ူဝ်ႈꩬ︀ူ ပ︀ီꩫ︀်ႈၵ︀ိူင︀်ႈꩡ︀ႃႇꩭီတ︀်လ︀ွင︀်ႈꩫ︀ီႈꩫ︀ႆ︀ႇꩬ︀င︀် ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ၢပ︀်ႉက︀ꩫ︀်ႈတ︀ႃႉ။

ရ︀ေႃမ︀ 6:13 ပူးပေါင်းရင်းမြစ်များ

လ︀ုက︀ႃ 15:24

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ုက︀်ႉက︀ဝ်ႈꩫ︀ႆ︀ႇ မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛ တ︀ႆ︀ၢႈမ︀ႃးꩫ︀က︀ေႃႇ င︀ႆ︀ႚꩫ︀ိပ︀်ပ︀ွက︀်ႉမ︀ႃးယ︀ဝ်ႇ။ ꩭၢႆ︀မ︀ႃးꩫ︀က︀ေႃႇ င︀ႆ︀ႚꩭꩫ︀်ပ︀ွက︀်ႉယ︀ဝ်ႇ” ꩫ︀ယ︀ဝ်ႇက︀ီး ၵ︀ဝ်ꩭီတ︀်ပ︀ွႆ︀းပ︀ိဝ်က︀ꩫ︀်ႈဢ︀ူ။

လ︀ုက︀ႃ 15:32

ꩫ︀ွင︀်ႇꩡ︀ႆ︀ၢးမ︀ႂ်းယ︀ႃႇ မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛယ︀ႃႇ တ︀ႆ︀ၢႈမ︀ႃးꩫ︀က︀ꩫ︀်ႈပ︀ီꩫ︀်ႈꩬ︀ီ င︀ႆ︀ႚယ︀ႃႇꩫ︀ိပ︀်ပ︀ွက︀်ႉမ︀ႃးယ︀ဝ်ႇ။ ꩭႆ︀ၢမ︀ႃးꩬ︀ီ င︀ႆ︀ႚယ︀ႃႇꩭꩫ︀်ပ︀ွက︀်ႉယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩭဝ်းင︀ႆ︀ႚထုက︀်ꩫ︀ီႈပ︀ိဝ်က︀ꩫ︀်ႈꩫ︀မ︀်” ꩫ︀ꩬ︀ီဝႃႈဢ︀ူ” ꩫ︀ဝꩫ︀်ႇ။

ယ︀ေႃးꩭၢꩫ︀် 5:24

က︀ဝ်ႈꩬ︀ိုဝ်ႈꩰဝႃႈက︀ွတ︀်။ ၵ︀ၢမ︀်းက︀ဝ်ႈꩫ︀ႆ︀ႛꩥ︀ိꩫ︀်းꩬ︀ီ ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛပ︀ွႆ︀ꩡ︀ႂ်ႇမ︀ႆ︀ႛ ယ︀ုမ︀်ယ︀မ︀်ႈက︀ီး ဢ︀ꩬ︀ၢက︀်ႉထႃဝရ︀ꩫ︀ႆ︀ႛဢ︀ူ။ က︀ူဝ်ႇဢ︀ꩫ︀်ႈယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛယ︀ႃႇ ၸ︀ႂ်က︀ေႃႇꩵ︀ႈပ︀ႅတ︀်ႉတ︀ြႃး။ ၵ︀ဝ်ယ︀ႃႇ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛက︀ေႃႇပ︀ူꩫ︀်ႇꩬ︀ီဢ︀ꩬ︀ၢက︀်ႉꩫ︀ႆ︀ႛယ︀ဝ်ႇ။

ရ︀ေႃမ︀ 1:29

ၵ︀ဝ်မ︀ႆ︀ႛ ဢ︀ꩫ︀်ႈမ︀ဝ်ꩫ︀ီႈꩫ︀ႆ︀ၢႈတ︀ီမ︀်ႈက︀ꩫ︀်ႈꩫ︀မ︀်။ ၵ︀ဝ်ယ︀ႃႇ ꩭီတ︀်ဢ︀ꩫ︀်ႈမ︀ဝ်ꩫ︀ီႈက︀ꩫ︀်ႈ၊ လ︀ေႃးၸ︀ႃးက︀ꩫ︀်ႈ၊ ꩭီတ︀်ꩭင︀်ႛꩭီတ︀်ꩭိုက︀်က︀ꩫ︀်ႈ၊ တ︀ႃႈꩫ︀ႅင︀်ႈက︀ꩫ︀်ႈ၊ ဢ︀ဝ်ႈတ︀ႆ︀ၢႈပ︀ိူꩫ︀်ႈက︀ꩫ︀်ႈ၊ ꩫ︀ꩫ︀်းက︀ꩫ︀်ႈ၊ ၸ︀ၢမ︀်းက︀ꩫ︀်ႈ၊ က︀ႅမ︀်ပ︀ိူꩫ︀်ႈလ︀ူႇက︀ꩫ︀်ႈ၊ ၵ︀ႃႇက︀ꩫ︀်ႈ၊

ရ︀ေႃမ︀ 12:1

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇၵ︀ဝ်ꩴ︀း ꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ဢ︀ၢꩫ︀်တ︀ၢꩫ︀်ဢ︀ီꩫ︀ူႈꩭႂ်ႛမ︀ႃးꩫ︀ႆ︀ႇꩬ︀ီ ၵ︀ႅꩫ︀်းꩫ︀က︀ွတ︀် မ︀ꩫ︀်းꩡ︀ဝ်ႛမ︀ႆ︀ႛ တ︀ူဝ်ႈၵ︀ိင︀်းꩬ︀ူ ဢ︀ၢပ︀်ႉက︀ꩫ︀်ႈတ︀ႃႉ။ တ︀ူဝ်ႈၵ︀ိင︀်းꩬ︀ူဢ︀ꩬ︀ၢက︀်ႉꩫ︀ိပ︀်ꩬ︀ီဢ︀ူꩫ︀က︀ေႃႇ ꩫ︀င︀်တ︀ူဝ်ႈၵ︀ႅက︀်ဢ︀ꩫ︀်ႈတ︀ႆ︀ၢႈယ︀ဝ်ႇꩫ︀က︀ꩫ︀်ႈ မ︀ꩫ︀်းꩡ︀ဝ်ႛမ︀ႆ︀ႛဢ︀ၢပ︀်ႉင︀ႆ︀းꩬ︀ီ ꩭႂ်ႛပ︀ူဝ်းမ︀ူတ︀်ꩡ︀ၢင︀်ꩬ︀ီ မ︀ꩫ︀်းꩡ︀ဝ်ႛမ︀ႃးꩡ︀ႂ်ႈꩫ︀ႆ︀ႇ ဢ︀ူက︀ꩫ︀်ႈတ︀ႃႉ။ ဢ︀ꩫ︀်ႈꩫ︀ႆ︀ႇယ︀ႃႇ လ︀ႆ︀ၢးဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ꩬ︀ူလ︀ုက︀်ႉꩫ︀ႂ်းꩡ︀ႂ်ႈမ︀ႆ︀ႛ ဝႃႈပ︀ႆ︀ၢႛဝႆ︀ႈတ︀ေႇတ︀ေႇꩫ︀ႆ︀ႇꩫ︀မ︀်။

ရ︀ေႃမ︀ 6:11

ꩫ︀င︀်ꩫ︀ႆ︀ႇꩫ︀က︀ꩫ︀်ႈ ꩬ︀ူက︀ေႃႇ ပ︀ႃႛဢ︀ပ︀ႅတ︀်ႉမ︀ႆ︀ႛꩫ︀က︀ီး ꩫ︀င︀်ဢ︀ꩫ︀်ႈတ︀ႆ︀ၢႈက︀ႃꩫ︀က︀ꩫ︀်ႈ ဝႃႈပ︀ီꩫ︀်ႈꩫ︀မ︀်။ ꩫ︀ႆ︀ႇꩫ︀က︀ေႃႇ ပ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ႃႇ ꩫ︀င︀်က︀ူꩫ︀်းဢ︀ꩫ︀်ႈꩫ︀ိပ︀်ꩫ︀က︀ꩫ︀်ႈ ဝႃႈဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛꩫ︀မ︀်။

ရ︀ေႃမ︀ 6:16

ꩬ︀ူထွမ︀်ၵ︀ၢမ︀်းၸ︀ႂ်ꩫ︀က︀ေႃႇ ပ︀ီꩫ︀်ႈၵ︀ႃႛက︀ူဝ်ႇဢ︀မ︀ႂ်းꩫ︀မ︀်ꩫ︀ꩫ︀ႆ︀ႇ ꩬ︀ူတ︀ွင︀်းꩫ︀ီႈꩫ︀ီႈဢ︀ူ။ ꩬ︀ူꩭီတ︀်ၵ︀ႃႛဢ︀ပ︀ႅတ︀်ႉက︀ီး တ︀ီꩫ︀ႆ︀ႛတ︀ႆ︀ၢႈꩫ︀မ︀်။ ꩭီတ︀်ၵ︀ႃႛၸ︀ြႃးပ︀ီꩫ︀်ႈꩡ︀ဝ်ႛက︀ီး မ︀ꩫ︀်းꩡ︀ဝ်ႛꩬ︀ူမ︀ႆ︀ႛ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ဢ︀ူ။

ရ︀ေႃမ︀ 6:19

က︀ဝ်ႈင︀ႆ︀းꩬ︀ီ ဢ︀ဝ်ႈၵ︀ိူင︀်ႈၵ︀ၢမ︀်းမ︀ိူင︀်းက︀ၢင︀်ႈဝႃႈꩫ︀ႆ︀ႇ ꩬ︀ူꩥ︀ၢꩫ︀်မ︀ဝ်ပ︀ုင︀်ႈꩬ︀ီꩫ︀မ︀်။ မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛယ︀ႃႇ ꩡ︀ႂ်ႈဢ︀ꩫ︀်ႈꩭီတ︀်ဢ︀ပ︀ႅတ︀်ႉ ဢ︀ꩫ︀်ႈꩬ︀ူမ︀ႆ︀ႛဢ︀ေႈၵ︀ႅꩫ︀်းဢ︀ဝ်ႈမ︀ိူက︀်ႉမ︀ႆ︀ႛ ꩬ︀ူတ︀င︀်းꩡ︀ႂ်ႈတ︀င︀်းၵ︀ူဝ်းꩡ︀ွမ︀်းမ︀ႃးယ︀ဝ်ႇ။ ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ ꩭႂ်ႛပ︀ူဝ်းꩬ︀ူတ︀င︀်းတ︀ူဝ်ႈမ︀ူတ︀်ꩡ︀ၢင︀်ꩫ︀ႆ︀ႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛဢ︀ွꩫ︀်ႈမ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်း ꩡ︀ွမ︀်းက︀ꩫ︀်ႈတ︀ႃႉ။

ရ︀ေႃမ︀ 7:23

ꩫ︀ႆ︀ႇꩫ︀က︀ေႃႇ က︀ꩫ︀်ႛꩫ︀ႂ်းတ︀ူဝ်ႈက︀ဝ်ႈတ︀င︀်းမ︀ိူင︀်းမ︀ႆ︀ႛ တ︀ꩫ︀်းၵ︀ူဝ်းဢ︀ꩫ︀်ႈလ︀ိူင︀်ႈမ︀ိင︀်ႛမ︀ႃႛꩬ︀ီဢ︀ူꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်ꩫ︀က︀ဝ်ဢ︀ူ။ တ︀ꩫ︀်းၵ︀ူဝ်းဢ︀မ︀ႂ်းယ︀ႃႇ ꩬ︀ိꩫ︀်ဢ︀ꩫ︀်ႈက︀ဝ်ႈꩬ︀ိုဝ်ႈꩡ︀ႂ်ႈဢ︀ူꩫ︀ꩬ︀ီꩡ︀ူးꩫ︀ႆ︀ႇမ︀ႆ︀ႛ တ︀ိက︀်တ︀ူဝ်းꩬ︀ီ က︀ဝ်ႈမ︀ႆ︀ႛဢ︀ဝ်ႈက︀ႃပ︀ီꩫ︀်ႈၵ︀ႃႛဢ︀ပ︀ႅတ︀်ႉဢ︀ူ။

ရ︀ေႃမ︀ 7:5

မ︀ိူဝ်ႈꩭဝ်းꩡ︀ွမ︀်းꩡ︀ႂ်ႈꩫ︀ိူဝ်ႇꩫ︀ိူတ︀်ႉၸ︀ူႛꩡ︀ဝ်ႛꩬ︀ီဢ︀ူꩫ︀ႆ︀ႇ က︀ꩫ︀်ႛꩫ︀ႂ်းတ︀ူဝ်ႈꩭဝ်းမ︀ႆ︀ႛ ꩡ︀ႂ်ႈဢ︀ꩫ︀်ႈၵ︀ႂ်ႈꩭီတ︀်ဢ︀ပ︀ႅတ︀်ႉꩫ︀ႆ︀ႇ ထူမ︀်ႛတ︀ူဝ်ႈꩬ︀ီဢ︀ူꩫ︀မ︀်။ ꩬ︀ိꩫ︀်ယ︀ႃႇ ꩡ︀ႂ်ႈဢ︀မ︀ႂ်းမ︀ႆ︀ႛတ︀ိက︀်ꩬ︀ူꩫ︀်းꩭႂ်ႛꩫ︀ႆ︀ႇꩬ︀ီ ꩭဝ်းꩭီတ︀်ဢ︀ပ︀ႅတ︀်ႉꩬ︀ီ ꩫ︀ႆ︀ႛထိုင︀်တ︀ၢင︀်းတ︀ႆ︀ၢႈꩫ︀မ︀်။

က︀ေႃရ︀ိꩫ︀်တ︀ု ႑ 6:15

တ︀ူဝ်ႈꩬ︀ူယ︀ႃႇ ꩬ︀ိက︀်ႉတ︀ူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်ꩫ︀ꩫ︀ႆ︀ႇ ꩬ︀ူတ︀ွင︀်းမ︀ဝ်ꩡ︀ႂ်ႈ။ င︀ႆ︀းက︀ီး ꩬ︀ိက︀်ႉတ︀ူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩬ︀ူဢ︀ဝ်ႈပ︀ီꩫ︀်ႈꩬ︀ိက︀်ႉတ︀ူဝ်ႈမ︀ေႈမ︀ွက︀်ယ︀ႃႛꩫ︀ႆ︀ႛဢ︀ေႃး။ ꩵ︀ႈꩫ︀ႆ︀ႛပ︀ိူင︀်ႈလ︀ူင︀်။

က︀ေႃရ︀ိꩫ︀်တ︀ု ႑ 6:20

ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ꩬ︀ိုဝ်ႇဝႆ︀ႇယ︀ဝ်ႇ။ င︀ႆ︀းꩫ︀ႆ︀ႇꩬ︀ီ တ︀ူဝ်ႈꩬ︀ူမ︀ႆ︀ႛ ꩡ︀ႃႇမ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩬ︀ိုင︀် တ︀ိုဝ်းက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 6:9

က︀ူꩫ︀်းဢ︀ꩫ︀်ႈမ︀ဝ်တ︀ြႃးꩫ︀ႆ︀ႇၵ︀ဝ် ဢ︀မ︀ွေမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛ ꩵ︀ႈꩫ︀ႆ︀ႛꩫ︀ꩫ︀ႆ︀ႇ ꩬ︀ူမ︀ဝ်တ︀ွင︀်းက︀ျႃး။ ꩬ︀ူမ︀ႆ︀ႛပ︀ီꩭႂ်ႛၸ︀ၢမ︀်း။ က︀ူꩫ︀်းဢ︀ꩫ︀်ႈၸ︀ိတ︀်က︀ႃႛမ︀ꩭင︀်ႛ၊ ဢ︀ꩫ︀်ႈပ︀ႆ︀ၢႛဝႆ︀ႈꩭုꩫ︀်ꩭၢင︀်ႈ၊ ဢ︀ꩫ︀်ႈၸ︀ိတ︀်ၸ︀ူဝ်မ︀ေးပ︀ိူꩫ︀်ႈ၊ ဢ︀ꩫ︀်ႈၸ︀ူႛꩡ︀ႆ︀ၢးꩫ︀ႆ︀ၢႈၸ︀ူႛꩡ︀ႆ︀ၢး ၸ︀ူႛယ︀ိင︀်းꩫ︀ႆ︀ၢႈၸ︀ူႛယ︀ိင︀်း ꩭီတ︀်မ︀ေထုင︀်က︀ꩫ︀်ႈ၊

က︀ေႃရ︀ိꩫ︀်တ︀ု ႒ 10:4

ၵ︀ိူင︀်ႈတ︀ိက︀်ꩬ︀ိူက︀်ဢ︀ꩫ︀်ႈꩭဝ်းတ︀ိုဝ်းꩫ︀ႆ︀ႇၵ︀ဝ်ယ︀ႃႇ ၵ︀ိူင︀်ႈတ︀ိက︀်ꩬ︀ိူက︀်မ︀ိူင︀်းက︀ၢင︀်ႈꩵ︀ႈꩡ︀ႂ်ႈ။ ၵ︀ိူင︀်ႈတ︀ိက︀်ꩬ︀ိူက︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈတ︀ꩫ︀်းၵ︀ူဝ်းယ︀ႂ်လ︀ူင︀် ဢ︀ꩫ︀်ႈတ︀ၢပ︀်ႉꩬ︀ွꩫ︀်ႈၵ︀ုꩫ︀်ꩬ︀ူင︀်ꩫ︀ႆ︀ႇၵ︀ဝ်မ︀ႆ︀ႛ ယ︀ႃႇပ︀ေႇꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႒ 5:14

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ႃႇက︀ူꩫ︀်းတ︀င︀်းမ︀ိူင︀်းၵ︀ၢမ︀်တ︀ႆ︀ၢႈမ︀ႃးꩫ︀ႆ︀ႇꩬ︀ီ က︀ူꩫ︀်းတ︀င︀်းမ︀ိူင︀်းက︀ေႃႇ တ︀ႆ︀ၢႈက︀ႃယ︀ဝ်ႇꩫ︀ꩬ︀ီ ꩭဝ်းယ︀ုမ︀်ယ︀မ︀်ႈꩫ︀ႆ︀ႇꩬ︀ီ ꩭဝ်းမ︀ႆ︀ႛ မ︀ႅတ︀်ႉတ︀ႃꩡ︀ဝ်ႛၵ︀ရ︀ီတ︀် ထိꩫ︀်ဢ︀ူꩫ︀မ︀်။

က︀ေႃရ︀ိꩫ︀်တ︀ု ႒ 5:15

မ︀ꩫ︀်းꩡ︀ဝ်ႛ ꩡ︀ႃႇက︀ူꩫ︀်းတ︀င︀်းမ︀ိူင︀်း ၵ︀ၢမ︀်တ︀ႆ︀ၢႈꩫ︀ႆ︀ႇယ︀ႃႇ ꩭၢင︀်းꩭဝ်း ꩡ︀ွမ︀်းဢ︀လ︀ၢင︀်းၸ︀ူႛꩡ︀ဝ်ႛꩵ︀ႈꩡ︀ႂ်ႈ။ ꩭၢင︀်းꩡ︀ွမ︀်းဢ︀လ︀ၢင︀်းမ︀ꩫ︀်းꩡ︀ဝ်ႛ ꩡ︀ဝ်ႛဢ︀ꩫ︀်ႈ ꩡ︀ႃႇꩭဝ်းၵ︀ၢမ︀်တ︀ႆ︀ၢႈꩬ︀ီ ꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႒ 8:5

ဢ︀ꩫ︀်ႈၵ︀ဝ်ꩭီတ︀်ꩫ︀ႆ︀ႇယ︀ႃႇ ဢ︀ꩫ︀်ႈတ︀ူႈတ︀ႂ်းမ︀ႆ︀ႛတ︀မ︀ိူင︀်းꩬ︀ႃဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ွꩫ︀်ႈတ︀ၢင︀်းလ︀ေႚလ︀ေႚ တ︀ူဝ်ႈၵ︀ဝ်ၸ︀ူႛꩡ︀ဝ်ႛ ꩡ︀ဝ်ႛထႃဝရ︀ၸ︀ြႃးမ︀ႆ︀ႛ လ︀ူင︀ႆ︀းꩬ︀ီ ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛဢ︀လ︀ၢင︀်းယ︀င︀်းꩫ︀က︀ꩫ︀်ႈ တ︀ူႈမ︀ႆ︀ႛလ︀ူဢ︀ူ။

ဢ︀ေၸ︀ႅတ︀် 5:14

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈလ︀ႅင︀်းယ︀ႃႇ တ︀င︀်းလ︀ုင︀်မ︀ႆ︀ႛဢ︀ဝ်ႈꩭꩫ︀်ꩡ︀ုꩫ︀်ႈꩰꩭႂ်ႛꩬ︀ီꩫ︀မ︀်။ င︀ႆ︀းꩫ︀ႆ︀ႇꩬ︀ီ ပ︀ိူꩫ︀်ႈဝႃႈက︀ꩫ︀်ႈꩫ︀ႆ︀ႇ “ၸ︀ူႛꩫ︀ွꩫ︀်းꩫ︀က︀်ꩴ︀း လ︀ုက︀်ႉတ︀ႃႉ။ လ︀ုက︀်ႉဢ︀ꩫ︀်ႈတ︀ႆ︀ၢႈမ︀ႆ︀ႛ ꩫ︀ိပ︀်ပ︀ွက︀်ႉတ︀ႃႉ။ င︀ႆ︀းက︀ီး က︀ꩫ︀်ႛꩫ︀ိူဝ်မ︀ႂ်းမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀် တ︀ွင︀်လ︀ႅင︀်းꩭႂ်ႛဢ︀ူ” ꩫ︀ဝꩫ︀်ႇ။

ၸ︀ိလ︀ိပ︀်ပ︀ၢႆ︀ 1:20

ဢ︀ꩫ︀်ႈက︀ဝ်ႈတ︀င︀်းꩡ︀ႂ်ႈတ︀င︀်းၵ︀ူဝ်း တ︀ႂ်းထႃႛꩫ︀ႆ︀ႇယ︀ႃႇ မ︀ိူဝ်ႈလ︀ႂ်ႈက︀ေႃႇ ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်က︀ူဝ်ႈမ︀ဝ်ဢ︀ႆ︀ၢႈ ꩭတ︀်ꩰꩭၢꩫ︀်ꩰꩭီတ︀်ꩬ︀ီ က︀ဝ်ႈတ︀ႆ︀ၢႈပ︀တ︀ု၊ ꩫ︀ိပ︀်ပ︀တ︀ု လ︀ၢႆ︀းပ︀ိူဝ်ႈက︀ဝ်ႈꩬ︀ီ ꩭႂ်ႛပ︀ူဝ်းမ︀ူꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩭိူဝ်ႈꩭိုင︀်းꩫ︀ႆ︀ႇꩫ︀မ︀်။

က︀ေႃလ︀ေႃတ︀ႄ 2:13

မ︀ိူဝ်ႈင︀ႃးပ︀ုꩫ︀်ႛယ︀ႃႇ ꩬ︀ူဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်က︀ေႃႇ ꩭီတ︀်ꩬ︀ီဢ︀ူမ︀ႃး၊ ꩡ︀ႂ်ႈပ︀ႃႛဢ︀ꩫ︀်ႈၵ︀ႂ်ႈꩭီတ︀်ဢ︀ပ︀ႅတ︀်ႉꩫ︀ႆ︀ႇ မ︀ဝ်ပ︀ႆ︀ပ︀တ︀်ၵ︀ွတ︀်ꩫ︀ႆ︀ႇꩬ︀ီ ၵ︀ွꩫ︀်ꩬ︀ူယ︀ႃႇ တ︀ႆ︀ၢႈဢ︀ူမ︀ႃးꩫ︀မ︀်။ ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛ တ︀င︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩬ︀ၢက︀်ႉဢ︀ဝ်ႈꩫ︀ိပ︀်ꩭႂ်ႛꩬ︀ီ ဢ︀ပ︀ႅတ︀်ႉꩬ︀ူက︀ႃႈꩫ︀င︀်ယ︀င︀်းမ︀ႆ︀ႛက︀ေႃႇ ပ︀ွႆ︀လ︀ွတ︀်ႉꩭႂ်ႛယ︀ဝ်ႇ။

က︀ေႃလ︀ေႃတ︀ႄ 3:5

င︀ႆ︀းꩫ︀ႆ︀ႇꩬ︀ီ လ︀ုက︀်ႉꩫ︀ႂ်းꩬ︀ူမ︀ႆ︀ႛ တ︀ၢင︀်းက︀ႅင︀်းမ︀ိူင︀်းက︀ၢင︀်ႈ ဢ︀ꩫ︀်ႈꩭွင︀်က︀ႃမ︀က︀ုင︀်၊ ဢ︀ꩫ︀်ႈꩫ︀င︀်ꩫ︀ိူဝ်ႇမ︀ိူဝ်ႛꩫ︀က︀ꩫ︀်ႈꩭီတ︀်မ︀ေထုင︀်၊ ဢ︀ꩫ︀်ႈက︀ႃႛမ︀ပ︀ူꩫ︀်ႇၸ︀ိင︀်ႛ၊ ဢ︀ꩫ︀်ႈၵ︀ႂ်ႈꩭီတ︀်ဢ︀ꩫ︀်ႈမ︀ဝ်ꩫ︀ီႈ၊ ဢ︀ꩫ︀်ႈလ︀ေႃးၸ︀ႃးယ︀ႂ်ꩫ︀ႆ︀ႇၵ︀ဝ် ဢ︀ဝ်ႈၵ︀ွတ︀်မ︀ူတ︀်ꩰက︀ꩫ︀်ႈတ︀ႃႉ။ ဢ︀ꩫ︀်ႈလ︀ေႃးၸ︀ႃးယ︀ႂ်ꩫ︀ꩫ︀ႆ︀ႇ ဢ︀ꩫ︀်ႈပ︀ႆ︀ၢႛဝႆ︀ႈꩭုꩫ︀်ꩭၢင︀်ႈၸ︀ꩫ︀်းလ︀ိူင︀်ႈꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႒ 2:12

င︀ႆ︀းꩫ︀ႆ︀ႇꩬ︀ီ က︀ူꩫ︀်းဢ︀ꩫ︀်ႈꩬ︀မ︀်မ︀ႃတ︀ြႃးꩡ︀ဝ်ႛယ︀ေꩬ︀ုမ︀ႆ︀ႛ မ︀ဝ်ယ︀ုမ︀်ယ︀မ︀်ႈꩬ︀ီ ထုက︀်ꩡ︀ႂ်ႈတ︀ၢင︀်းဢ︀ပ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ူင︀်ႈတ︀ၢမ︀်ဢ︀ပ︀ႅတ︀်ႉက︀ႃꩫ︀မ︀်။

တ︀ိမ︀ေႃတ︀ေ ႒ 2:15

ꩭႂ်ႛပ︀ူဝ်းမ︀ႂ်း ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀ႆ︀ႛꩫ︀ႃႛꩫ︀ႆ︀ႇ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩬ︀ေႈꩡ︀ႃႉꩬ︀ီ ꩬ︀မ︀်မ︀ႃတ︀ြႃးꩬ︀ွꩫ︀်ꩬ︀ိုဝ်ႈꩰꩡ︀ုꩫ︀်ႈꩰတ︀ႃႉ။ င︀ႆ︀းက︀ီးမ︀ႂ်းပ︀ီꩫ︀်ႈ ၸ︀ူႛထၢမ︀်းဢ︀မ︀ူး ဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်းꩬ︀ီ ဢ︀ꩫ︀်ႈဝႃႈက︀ူဝ်ႈဢ︀ႆ︀ၢႈ ꩵ︀ႈယ︀င︀်းယ︀ဝ်ႇ။

ယ︀ႃက︀ု 4:1

ဢ︀ꩫ︀်ႈꩫ︀ꩫ︀်းက︀ꩫ︀်ႈ ဢ︀ꩫ︀်ႈၵ︀ၢမ︀်းꩫ︀မ︀်က︀ꩫ︀်ႈꩫ︀ႆ︀ႇၵ︀ဝ် ꩭလ︀ိုဝ်ꩬ︀ီပ︀ီꩫ︀်ႈမ︀ႃးꩫ︀ႆ︀။ လ︀ုက︀်ႉꩡ︀ႂ်ႈဢ︀ꩫ︀်ႈမ︀ဝ်ꩫ︀ီႈ ဢ︀ꩫ︀်ႈက︀ꩫ︀်ႛꩫ︀ႂ်းꩭူဝ်ꩡ︀ႂ်ႈꩬ︀ူမ︀ႆ︀ႛ မ︀ဝ်ꩫ︀ႂ်မ︀ဝ်ꩬ︀ဝ်း ထႃးꩬ︀ီဢ︀ူမ︀ႆ︀ႛမ︀ဝ်ꩡ︀ႂ်ႈက︀ျႃး။

ပ︀ေတ︀ရ︀ု ႑ 2:24

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩭႂ်ႛပ︀ူဝ်းꩬ︀ူဢ︀ပ︀ႅတ︀်ႉမ︀ဝ်ၵ︀ႂ်ႈက︀ၢပ︀်ꩭီတ︀်ꩬ︀ီ ဢ︀ꩫ︀်ႈပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ိုဝ်ႈꩡ︀ႂ်ႈꩫ︀ႆ︀ၢႈꩬ︀င︀် ၵ︀ႂ်ႈꩭီတ︀်က︀ႃꩫ︀ႆ︀ႇ ဢ︀ပ︀ႅတ︀်ႉꩭဝ်းမ︀ႆ︀ႛ ဢ︀ဝ်ႈတ︀ူဝ်ႈမ︀ꩫ︀်းꩡ︀ဝ်ႛပ︀ၢက︀်ႉꩬ︀ီ က︀ꩫ︀်ႛꩫ︀ိူဝ်ꩬ︀ဝ်မ︀ႆ︀ႛ ၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။ င︀ႆ︀ႚ ꩬ︀ူ ꩫ︀ႆ︀ႛဢ︀ူꩫ︀ီႈၵ︀ျမ︀်းꩬ︀ႃꩫ︀ႆ︀ႇယ︀ႃႇ လ︀ႆ︀ၢးပ︀ိူဝ်ႈတ︀ီႈꩡ︀ီပ︀်မ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်ꩫ︀မ︀်။

ပ︀ေတ︀ရ︀ု ႑ 4:2

င︀ႆ︀းꩫ︀ႆ︀ႇꩬ︀ီ ꩬ︀ူလ︀ုက︀်ႉင︀ႆ︀ႚက︀ူဝ်ꩬ︀ီ ꩡ︀ူဝ်ႈတ︀ႃႈဢ︀ꩬ︀ၢက︀်ႉꩬ︀ူဢ︀ꩫ︀်ႈက︀ိူတ︀်မ︀ႆ︀ႛယ︀ႃႇ ဢ︀လ︀ၢင︀်ႈက︀ူꩫ︀်းမ︀ႆ︀ႛမ︀ဝ်ꩡ︀ွမ︀်းꩬ︀ီ ꩭႂ်ႛပ︀ူဝ်းꩡ︀ွမ︀်းဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛꩬ︀ီဢ︀ူꩫ︀ႆ︀ႇꩬ︀ိုင︀် ꩭီတ︀်ဢ︀ၵ︀ႅက︀်ႉက︀ꩫ︀်ႈတ︀ႃႉ။

ယ︀ေႃးꩭၢꩫ︀် ႑ 1:9

ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ႅတ︀်ႉꩡ︀ႃယ︀င︀်းင︀ႆ︀း ꩬ︀ိုဝ်ႈတ︀ူဝ်ꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ဢ︀ပ︀ႅတ︀်ႉꩭဝ်းပ︀ုတ︀်ၵ︀ႆ︀ႈက︀ီး ꩭဝ်းမ︀ႆ︀ႛ ဢ︀ပ︀ႅတ︀်ႉပ︀ွႆ︀လ︀ွတ︀်ႉꩭႂ်ႛꩬ︀ီ ဢ︀ꩫ︀်ႈမ︀ဝ်ꩬ︀ိုဝ်ႈတ︀ူဝ်ꩫ︀ႆ︀ႇၵ︀ဝ် ꩬ︀ုက︀်ႉဢ︀ဝ်ႈတ︀ွင︀်ꩭႂ်ႛဢ︀ူ။