ရ︀ေႃမ︀ 5:2 - Khamti Shan

² လ︀ၢႆ︀းပ︀ိူဝ်ႈတ︀ၢင︀်းယ︀ုမ︀်ယ︀မ︀်ႈꩬ︀ီ မ︀ꩫ︀်းꩡ︀ဝ်ႛက︀ေႃႇ ꩭဝ်းမ︀ႆ︀ႛက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ၵ︀ႂ်ႈလ︀ႂ်ႈꩫ︀ီႈမ︀ႅတ︀်ႉꩫ︀ꩫ︀ႆ︀ႇ ဢ︀ဝ်ႈꩭူပ︀်ႉꩭꩫ︀်ꩭႂ်ႛမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩭဝ်းမ︀ူꩫ︀်ႈၸ︀ုင︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ တ︀ီꩭႂ်ႛꩫ︀ႆ︀ႇမ︀ႆ︀ႛ ꩭုမ︀်ꩰꩡ︀ူမ︀်ႈꩰတ︀ႂ်းထႃႛဢ︀ူꩫ︀မ︀်။

ရ︀ေႃမ︀ 5:2 ပူးပေါင်းရင်းမြစ်များ

မ︀တ︀်တ︀ႄး 25:21

ꩫ︀ႆ︀ႇမ︀ႆ︀ႛꩡ︀ဝ်ႛမ︀ꩫ︀်းက︀ေႃႇ “ဢ︀ိူဝ်းလ︀ႃႉ၊ မ︀ႂ်းꩬ︀ႅတ︀်ႉꩡ︀ႃယ︀င︀်းလ︀ူင︀်ꩥ︀ႃ။ ꩡ︀ႂ်ႈယ︀ဝ်ႇ၊ မ︀ႂ်းဢ︀ꩫ︀်ႈဢ︀ွꩫ︀်လ︀ိူင︀်ႈမ︀ႆ︀ႛ ꩬ︀ႅတ︀်ႉꩡ︀ႃယ︀င︀်းꩫ︀ႆ︀ႇꩬ︀ီ မ︀ႂ်းမ︀ႆ︀ႛ ဢ︀ၢꩫ︀်တ︀ၢꩫ︀်ဢ︀ၢပ︀်ႉꩭႂ်ႛဢ︀ိက︀်က︀ွတ︀်။ မ︀ႃးလ︀ႃး၊ တ︀င︀်းက︀ဝ်ႈꩡ︀ဝ်ႛမ︀ႃးꩭူမ︀်ႈက︀ိꩫ︀်ႈပ︀ိဝ်လ︀ႃး” ꩫ︀ဢ︀ူ။

ယ︀ေႃးꩭၢꩫ︀် 10:7

င︀ႆ︀းꩬ︀ီ မ︀ꩫ︀်းꩡ︀ဝ်ႛဝႃႈဢ︀ိက︀်ꩫ︀ႆ︀ႇ “က︀ဝ်ႈꩬ︀ိုဝ်ႈꩰဝႃႈက︀ွတ︀်။ က︀ဝ်ႈယ︀ႃႇ တ︀ၢင︀်းပ︀တ︀ူႈ ဢ︀ꩫ︀်ႈပ︀ူႇၵ︀ဝ်ႛꩫ︀က︀ꩫ︀်ႈꩫ︀မ︀်။

ယ︀ေႃးꩭၢꩫ︀် 10:9

က︀ဝ်ႈယ︀ႃႇ တ︀ၢင︀်းပ︀တ︀ူႈꩫ︀က︀ꩫ︀်ႈꩫ︀မ︀်။ က︀ူဝ်ႇဢ︀ꩫ︀်ႈလ︀ုက︀်ႉက︀ဝ်ႈမ︀ႆ︀ႛ ၵ︀ဝ်ႛမ︀ႃးꩫ︀ႆ︀ႇ ၵ︀ဝ်ယ︀ႃႇ ၸ︀ေးက︀ၢင︀်းဢ︀ူ။ ၵ︀ဝ်ယ︀ႃႇ လ︀ုက︀်ႉက︀ဝ်ႈမ︀ႆ︀ႛ ၵ︀ဝ်ႛၵ︀ဝ်ႛဢ︀ွက︀်ꩰꩬ︀ီ တ︀ီႈလ︀ႃႈꩫ︀ႆ︀ႛꩭꩫ︀် ဢ︀ူ။

ယ︀ေႃးꩭၢꩫ︀် 14:6

ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈယ︀ႃႇ ꩬ︀ီꩫ︀်ႛတ︀ၢင︀်းဢ︀ꩫ︀်ႈꩬ︀ိုဝ်ႈꩡ︀ႂ်ႈ ဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛဢ︀ꩬ︀ၢက︀်ႉꩫ︀မ︀်။ ၸ︀ႂ်ꩫ︀က︀ေႃႇက︀ဝ်ႈမ︀ႆ︀ႛမ︀ဝ်မ︀ႃးက︀ီး ပ︀ူဝ်က︀ဝ်ႈမ︀ႆ︀ႛဢ︀ဝ်ႈထိုင︀်ꩵ︀ႈꩫ︀ႆ︀ႛ။

ယ︀ေႃးꩭၢꩫ︀် 5:24

က︀ဝ်ႈꩬ︀ိုဝ်ႈꩰဝႃႈက︀ွတ︀်။ ၵ︀ၢမ︀်းက︀ဝ်ႈꩫ︀ႆ︀ႛꩥ︀ိꩫ︀်းꩬ︀ီ ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛပ︀ွႆ︀ꩡ︀ႂ်ႇမ︀ႆ︀ႛ ယ︀ုမ︀်ယ︀မ︀်ႈက︀ီး ဢ︀ꩬ︀ၢက︀်ႉထႃဝရ︀ꩫ︀ႆ︀ႛဢ︀ူ။ က︀ူဝ်ႇဢ︀ꩫ︀်ႈယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛယ︀ႃႇ ၸ︀ႂ်က︀ေႃႇꩵ︀ႈပ︀ႅတ︀်ႉတ︀ြႃး။ ၵ︀ဝ်ယ︀ႃႇ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛက︀ေႃႇပ︀ူꩫ︀်ႇꩬ︀ီဢ︀ꩬ︀ၢက︀်ႉꩫ︀ႆ︀ႛယ︀ဝ်ႇ။

ထဝ်ꩡ︀တ︀်ႉၵ︀ဝ် 14:27

ဝီင︀်းဢ︀ꩫ︀်တ︀ိဢ︀ုက︀်မ︀ႆ︀ႛထိုင︀်က︀ီး ꩬ︀ွင︀်ၵ︀ႃယ︀ႃႇက︀ူꩫ︀်းꩡ︀ိူဝ်းꩫ︀ႆ︀ႇၵ︀ဝ်မ︀ႆ︀ႛꩭွင︀်ႇတ︀ုမ︀်ႈꩬ︀ီ ဢ︀မ︀ူးဢ︀ꩫ︀်ႈၵ︀ဝ်ꩭီတ︀်မ︀ႃးꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭိုဝ်လ︀ိုဝ်ꩡ︀ွႆ︀ႈမ︀ႃးꩫ︀ꩫ︀ႆ︀ႇၵ︀ဝ်င︀ႆ︀း ꩭႂ်ႛပ︀ူဝ်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ် ယ︀ုမ︀်ယ︀မ︀်ႈမ︀ႃးꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛꩭိုဝ်လ︀ိုဝ်ပ︀ုတ︀်တ︀ၢင︀်းꩭႂ်ႛမ︀ႃးꩫ︀ꩫ︀ႆ︀ႇၵ︀ဝ် ၵ︀ႆ︀ႈꩭႂ်ႛဢ︀ူ။

ရ︀ေႃမ︀ 11:20

ꩭႅꩫ︀်းꩡ︀ႂ်ႈက︀တ︀ႃႉ။ ꩫ︀ႆ︀ႇꩫ︀က︀ေႃႇ ၵ︀ႃႈဢ︀မ︀ႂ်းၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ တ︀ႅပ︀်ၵ︀ွတ︀်ꩫ︀ႆ︀ႇယ︀ႃႇ ၵ︀ဝ် ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ မ︀ဝ်ယ︀ုမ︀်ယ︀မ︀်ႈꩬ︀ီꩫ︀မ︀်။ င︀ႆ︀ႚꩬ︀ူ တ︀ူꩫ︀်ႛမ︀ႆ︀ႛꩫ︀ႆ︀ႛက︀ၢပ︀်ꩫ︀ႆ︀ႇယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩬ︀ီꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩬ︀ူပ︀ီက︀မ︀်ႇလ︀ွင︀်ႛ။ က︀ူဝ်ႈꩬ︀ီဢ︀ူက︀ꩫ︀်ႈတ︀ႃႉ။

ရ︀ေႃမ︀ 12:12

ꩬ︀ူမ︀ႆ︀ႛ ဢ︀ꩫ︀်ႈတ︀ႂ်းထႃႛယ︀င︀်းꩫ︀ႆ︀ႇꩬ︀ီ ꩡ︀ူမ︀်းꩭုမ︀်ꩬ︀ီဢ︀ူက︀ꩫ︀်ႈတ︀ႃႉ။ မ︀ိူဝ်ႈꩬ︀ူမ︀ႆ︀ႛ ဢ︀ꩫ︀်ႈယ︀ပ︀်ဢ︀ꩫ︀်ႈယ︀ၢက︀်ႉထိုင︀်မ︀ႃးꩫ︀ႆ︀ႇက︀ꩫ︀်ႛက︀ꩫ︀်ႈတ︀ႃႉ။ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ယ︀ွꩫ︀်းꩬ︀ူးꩬ︀ီဢ︀ူက︀ꩫ︀်ႈတ︀ႃႉ။

ရ︀ေႃမ︀ 14:4

ꩬ︀ူမ︀ႆ︀ႛ ဢ︀ၵ︀ၢင︀်းဢ︀ꩫ︀်ႈၸ︀ူႛꩡ︀ႂ်ႇပ︀ိူꩫ︀်ႈမ︀ႆ︀ႛ ပ︀ႅတ︀်ႉတ︀ြႃးꩵ︀ႈယ︀င︀်းပ︀ိူင︀်ႈလ︀ူင︀်။ ဢ︀ꩫ︀်ႈၵ︀ဝ်ꩭီတ︀်ꩫ︀ႆ︀ႇ ဢ︀ꩫ︀်ႈꩭီတ︀်ꩫ︀ီႈꩫ︀ီႈ ꩡ︀ႂ်ႈမ︀ဝ်ꩡ︀ႂ်ႈꩫ︀ꩫ︀ႆ︀ႇ ꩡ︀ဝ်ႛၵ︀ဝ်ၸ︀ူႛꩡ︀ဝ်ႛ တ︀ီပ︀ႅတ︀်ႉတ︀ြႃးꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭႂ်ႛပ︀ူဝ်းၵ︀ဝ်ဢ︀ပ︀ႅတ︀်ႉလ︀ွတ︀်ႉꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛ ꩭီတ︀်ပ︀ီꩫ︀်ႈꩫ︀ႆ︀ႇꩬ︀ီ ၵ︀ဝ်ဢ︀ပ︀ႅတ︀်ႉတ︀ီလ︀ွတ︀်ႉꩫ︀မ︀်။

ရ︀ေႃမ︀ 15:13

ꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛ ꩡ︀ဝ်ႛဢ︀ꩫ︀်ႈꩬ︀ူမ︀ႆ︀ႛ လ︀ွင︀်ႈတ︀ႂ်းထႃႛဢ︀ဝ်ႈယ︀င︀်းꩭႂ်ႛꩫ︀ႆ︀ႇ ꩬ︀ူမ︀ႆ︀ႛꩭႂ်ႛဢ︀ဝ်ႈꩡ︀ူမ︀်းꩭုမ︀် က︀တ︀်ယ︀ီꩫ︀်ႈၵ︀ျမ︀်းꩬ︀ႃတ︀ီမ︀်ႈꩰက︀ႃတ︀ႃႉꩫ︀ꩬ︀ီ က︀ဝ်ႈယ︀ွꩫ︀်းꩬ︀ူးဢ︀ူ။ င︀ႆ︀းက︀ီး ဢ︀ꩫ︀်ꩬ︀ူတ︀ႂ်းထႃႛꩫ︀ႆ︀ႇ ဢ︀ဝ်ႈတ︀ꩫ︀်းၵ︀ူဝ်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ တ︀ီမ︀်ႈမ︀ႃးဢ︀ူ။

ရ︀ေႃမ︀ 2:7

က︀ူꩫ︀်းဢ︀ꩫ︀်ႈ ꩭီတ︀်လ︀ွင︀်ႈꩫ︀ီႈ မ︀ဝ်ꩬ︀ဝ်းင︀ႆ︀းꩬ︀ီ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛယ︀ူဝ်းယ︀ွင︀်ႛတ︀ၢင︀်ꩭုမ︀်ꩫ︀ၵ︀ႃ ဢ︀ꩬ︀ၢက︀်ႉဢ︀ꩫ︀်ႈမ︀ꩫ︀်ႛတ︀ိူင︀်ႈမ︀ႆ︀ႛ ꩭႅꩫ︀်ႛꩫ︀ႆ︀ႇၵ︀ဝ်မ︀ႆ︀ႛယ︀ႃႇ မ︀ꩫ︀်းꩡ︀ဝ်ႛဢ︀ꩬ︀ၢက︀်ႉထႃဝရ︀တ︀ီꩭႂ်ႛꩫ︀မ︀်။

ရ︀ေႃမ︀ 3:23

က︀ူꩫ︀်းတ︀င︀်းမ︀ိူင︀်း ဢ︀ပ︀ႅတ︀်ႉယ︀င︀်းꩬ︀ီ မ︀ူꩫ︀်ႈဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛဝႆ︀ႇꩫ︀ႆ︀ႇ တ︀ူက︀်ယ︀ွမ︀်းက︀ႃက︀ꩫ︀်ႈယ︀ဝ်ႇ။

ရ︀ေႃမ︀ 5:5

ꩭဝ်းင︀ႆ︀းꩬ︀ီ တ︀ႂ်းထႃႛꩬ︀ီဢ︀ူက︀ီး မ︀ိူဝ်ႈလ︀ႂ်ႈက︀ေႃႇ ꩵ︀ႈꩫ︀ႆ︀ႛဢ︀ႆ︀ၢႈ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းမ︀ႆ︀ႛꩭၢက︀်ႉလ︀ူင︀်ꩫ︀မ︀်ꩫ︀ꩫ︀ႆ︀ႇ ဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛ ဢ︀ꩫ︀်ႈꩭဝ်းမ︀ႆ︀ႛꩭႂ်ႛဝႆ︀ႇꩫ︀ႆ︀ႇ ပ︀ျႃးꩭႂ်ႛမ︀ႃးယ︀ဝ်ႇ။

ရ︀ေႃမ︀ 8:1

င︀ႆ︀းꩫ︀ႆ︀ႇꩬ︀ီ င︀ႆ︀ႚယ︀ႃႇ ꩬ︀ူဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ တ︀ၢမ︀်ဢ︀ပ︀ႅတ︀်ႉꩵ︀ႈပ︀ူင︀်ႈယ︀ဝ်ႇ။

ရ︀ေႃမ︀ 8:24

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်းတ︀ႂ်းထႃႛꩬ︀ီ ꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛမ︀ႃးꩫ︀မ︀်။ ဢ︀ꩫ︀်ႈꩭဝ်းတ︀ႂ်းထႃႛမ︀ႆ︀ႛ ꩭဝ်းဢ︀ဝ်ႈတ︀ႃႈꩭꩫ︀်ꩵ︀ႈꩫ︀ႆ︀ႛ။ ꩬ︀င︀်ဝႃႈꩭဝ်းꩭꩫ︀်ꩫ︀ႆ︀ႛက︀ီး ဢ︀ꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈတ︀ႂ်းထႃႛတ︀ေႇတ︀ေႇꩵ︀ႈꩡ︀ႂ်ႈ။ ဢ︀ꩫ︀်ႈꩭꩫ︀်မ︀ႆ︀ႛ ၸ︀ႂ်ꩫ︀ႆ︀တ︀ီတ︀ႂ်းထႃႛꩫ︀ႆ︀ႇ။

က︀ေႃရ︀ိꩫ︀်တ︀ု ႑ 15:1

ꩡ︀ႃႇလ︀ိူင︀်ႈ ပ︀ီႈꩫ︀ွင︀်ႇၵ︀ဝ်ꩴ︀း ၵ︀ၢဝ်ႈၵ︀ၢမ︀်းꩫ︀ီႈဢ︀ꩫ︀်ႈက︀ဝ်ႈꩬ︀ူမ︀ႆ︀ႛꩭူဝ်းမ︀ႃး ဢ︀ꩫ︀်ႈꩬ︀ူက︀ေႃႇ ꩭၢပ︀်ႉဢ︀ဝ်ႈꩬ︀ီတ︀င︀်းꩡ︀ႂ်ႈတ︀င︀်းၵ︀ူဝ်းထွမ︀်ꩡ︀ွမ︀်းဢ︀ူဢ︀မ︀ႂ်းမ︀ႆ︀ႛ ဢ︀ွက︀်ꩡ︀ႂ်ႈက︀ꩫ︀်ႈမ︀ႃးတ︀ႃႉ။

က︀ေႃရ︀ိꩫ︀်တ︀ု ႒ 3:18

င︀ႆ︀းꩫ︀ႆ︀ႇꩬ︀ီ ꩭဝ်းမ︀ႆ︀ႛယ︀ႃႇ ဢ︀ꩫ︀်ႈတ︀ွပ︀်ႉဝႆ︀ႇဢ︀မ︀ႂ်းꩵ︀ႈယ︀င︀်းယ︀ဝ်ႇ။ မ︀ူꩫ︀်ႈင︀ဝ်းꩡ︀ဝ်ႛထႃဝရ︀ၸ︀ြႃးꩬ︀ိုင︀် ꩭဝ်းမ︀ႆ︀ႛတ︀ွင︀်ဢ︀ူꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩡ︀ဝ်ႛ ၸ︀ူႛပ︀ီꩫ︀်ႈၵ︀ွꩫ︀်မ︀ꩫ︀်းꩡ︀ဝ်ႛယ︀ႃႇ ꩭႂ်ႛပ︀ူဝ်းꩭဝ်း ꩫ︀င︀်မ︀ꩫ︀်းꩡ︀ဝ်ႛꩫ︀က︀ꩫ︀်ႈပ︀ီꩫ︀်ႈမ︀ႃးꩫ︀ႆ︀ႇ တ︀ၢင︀်းက︀ႅင︀်းꩭဝ်းမ︀ႆ︀ႛ ဢ︀ဝ်ႈလ︀ႆ︀ၢႈမ︀ႃးꩭႂ်ႛဢ︀ူမ︀ဝ်ꩬ︀ဝ်းꩫ︀မ︀်။

က︀ေႃရ︀ိꩫ︀်တ︀ု ႒ 4:17

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၻုက︀်ႉၵ︀ ဢ︀ꩫ︀်ႈင︀ႆ︀ႚꩭဝ်းၵ︀ၢမ︀်ꩫ︀ႆ︀ႇၵ︀ဝ်ယ︀ႃႇ ယ︀ႂ်လ︀ူင︀် ꩭိုင︀်လ︀ူင︀်ꩵ︀ႈꩡ︀ႂ်ႈ။ ꩫ︀ႆ︀ႇꩫ︀က︀ေႃႇ လ︀ႆ︀ၢးပ︀ိူဝ်ႈဢ︀မ︀ႂ်းၵ︀ဝ်ꩬ︀ီ မ︀ူꩫ︀်ႈင︀ဝ်းလ︀ူင︀်ထႃဝရ︀ ဢ︀ꩫ︀်ႈၻုက︀်ႉၵ︀ꩭဝ်းမ︀ႆ︀ႛ ယ︀ႂ်ပ︀ူꩫ︀်ႇꩬ︀ႃꩫ︀ႆ︀ႇ ꩭဝ်းတ︀ီꩫ︀ႆ︀ႛꩭၢပ︀်ႉဢ︀ဝ်ႈꩫ︀မ︀်။

ဢ︀ေၸ︀ႅတ︀် 2:18

လ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ က︀ျူးတ︀မ︀ိူင︀်း ဢ︀ꩫ︀်ႈက︀ျူးမ︀ဝ်ꩡ︀ႂ်ႈတ︀မ︀ိူင︀်း ꩭဝ်းတ︀င︀်းမ︀ိူင︀်း ပ︀ၢင︀်ႈꩫ︀ႃႛပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ဝ်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ပ︀ႃးလ︀ိဝ်ႈꩫ︀ႆ︀ၢႈ ꩫ︀ႆ︀ႛယ︀ွꩫ︀်းꩬ︀ူးꩫ︀မ︀်။

ဢ︀ေၸ︀ႅတ︀် 3:12

ꩭဝ်းဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီလ︀ိူင︀်ႈ၊ မ︀ꩫ︀်းꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီလ︀ိူင︀်ႈ ဢ︀ၵ︀ၢင︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀မ︀်းꩡ︀ႂ်ႈꩫ︀ီႈꩫ︀ီႈꩬ︀ီ ပ︀ႆ︀ၢႛဝႆ︀ႈꩫ︀ႆ︀ႇ ꩫ︀ႆ︀ႛမ︀ႃးယ︀ဝ်ႇ။

ဢ︀ေၸ︀ႅတ︀် 6:13

င︀ႆ︀းꩫ︀ႆ︀ႇꩬ︀ီ ၵ︀ိူင︀်ႈꩬ︀ိူက︀်ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႅမ︀်းꩭႂ်ႛတ︀င︀်းမ︀ိူင︀်း ꩭၢင︀်ႛက︀ꩫ︀်ႈတ︀ႃႉ။ င︀ႆ︀းက︀ီး ဝꩫ︀်းမ︀ိူဝ်ႈလ︀ꩫ︀်ꩬ︀ူတ︀ိက︀်မ︀ႃးꩫ︀ႆ︀ႇ ꩬ︀ူတ︀ႃႛပ︀ေႇꩬ︀ီ မ︀ိူဝ်ႈတ︀င︀်းမ︀ိူင︀်းမ︀ႆ︀ႛတ︀ိက︀်ယ︀ဝ်ႇꩫ︀ႆ︀ႇ ꩬ︀ူꩬ︀ဝ်းၵ︀ိူင︀်ꩰပ︀ီꩫ︀်ႈဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 2:16

ꩡ︀ဝ်ႛယ︀ေꩬ︀ုၵ︀ရ︀ီတ︀်တ︀င︀်း ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩭဝ်းမ︀ႆ︀ႛꩭၢက︀်ႉꩭွမ︀်ဢ︀ီꩫ︀ူႈꩬ︀ီ ဢ︀ꩫ︀်ႈꩭဝ်းမ︀ုင︀်ႈမ︀ွင︀်းမ︀ႆ︀ႛ ဢ︀ဝ်ႈၵ︀ိူင︀်က︀ိုမ︀်းꩭႂ်ႛ၊ ဢ︀ꩫ︀်ႈꩭဝ်းမ︀ႆ︀ႛ ဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃတ︀ေႇတ︀ေႇꩭႂ်ႛꩫ︀ႆ︀ႇꩭႂ်ႛပ︀ူဝ်းꩬ︀ူမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ လ︀ွင︀်ႈꩫ︀ီႈက︀ူႈၸ︀ꩫ︀်းက︀ူႈမ︀ိဝ်း တ︀ၢꩫ︀်ႛပ︀ီꩫ︀်ႈꩭီတ︀်ပ︀ီꩫ︀်ႈꩫ︀ႆ︀ႇ ꩬ︀ူမ︀ႆ︀ႛꩭႅင︀်းꩡ︀ႂ်ႈ၊ ꩭႅင︀်းၵ︀ွꩫ︀်ꩭႂ်ႛထႅမ︀်က︀ႃတ︀ႃႉ။

ꩭေပ︀ရ︀ူး 3:6

ꩫ︀ႆ︀ႇꩫ︀က︀ေႃႇ ꩡ︀ဝ်ႛၵ︀ရ︀ီတ︀်ယ︀ႃႇ ꩭိူꩫ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀င︀်လ︀ုက︀်ႉꩫ︀က︀ꩫ︀်ႈ ꩬ︀ႅတ︀်ႉꩡ︀ႃယ︀င︀်းꩬ︀ီ ဢ︀ုပ︀်ႉပ︀ိုင︀်ဢ︀ူ။ င︀ႆ︀းꩬ︀ီ ဢ︀ꩫ︀်ႈꩭဝ်းတ︀ႂ်းထႃႛမ︀ႆ︀ႛ ꩭဝ်းꩭတ︀်ꩰꩭၢꩫ︀်ꩰꩬ︀ီ ပ︀ꩫ︀်ႛၵ︀ိူင︀်ꩰက︀ီး ꩭဝ်းယ︀ႃႇ ꩭိူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။

ꩭေပ︀ရ︀ူး 6:18

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၸ︀ႅတ︀်ႉမ︀ဝ်ꩫ︀ႆ︀ႛꩫ︀ႆ︀ႇꩬ︀ီ က︀တ︀ိမ︀ꩫ︀်းꩡ︀ဝ်ႛꩫ︀ၵ︀ႃၵ︀ၢမ︀်းက︀ိꩫ︀်မ︀ꩫ︀်းꩡ︀ဝ်ႛ လ︀ွင︀်ႈꩬ︀ွင︀်ဢ︀ꩫ︀်ႈꩫ︀ႆ︀ႇက︀ေႃႇ လ︀ႆ︀ၢႈꩵ︀ႈꩫ︀ႆ︀ႛ။ င︀ႆ︀းꩫ︀ႆ︀ႇꩬ︀ီ ꩭဝ်း ဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ၵ︀ႃတ︀ီႈꩬ︀ွꩫ︀်ႈꩫ︀ႆ︀ႇၵ︀ဝ်ယ︀ႃႇ ꩫ︀င︀်ဢ︀ꩫ︀်ႈက︀တ︀ိမ︀ꩫ︀်းꩡ︀ဝ်ႛမ︀ႆ︀ႛ တ︀ႂ်းထႃႛဢ︀ၵ︀ႅက︀်ႉꩫ︀ႆ︀ႇꩫ︀က︀ꩫ︀်ႈ ꩭႅင︀်းꩫ︀ႆ︀ႛဢ︀ူ။

ပ︀ေတ︀ရ︀ု ႑ 3:18

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ိူꩫ︀်ႈꩡ︀ဝ်ႛတ︀မ︀ိူင︀်းက︀ေႃႇ ဢ︀ပ︀ႅတ︀်ႉမ︀ဝ်ꩭွꩫ︀်ꩭီတ︀်ꩬ︀ီက︀ေႃႇ ꩡ︀ႃႇဢ︀ပ︀ႅတ︀်ႉꩭဝ်းတ︀င︀်းမ︀ိူင︀်း ꩭီတ︀်ꩭႃလ︀ိူင︀်ႈၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇ ꩭႂ်ႛပ︀ူဝ်းꩭဝ်းက︀ူꩫ︀်းဢ︀ပ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူင︀်ꩭႂ်ႛꩫ︀ႆ︀ႇꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ဢ︀ဝ်ႈတ︀ူဝ်ႈမ︀ꩫ︀်းꩡ︀ဝ်ႛၵ︀ၢမ︀်တ︀ႆ︀ၢႈꩬ︀ီ ဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛ ꩫ︀ိပ︀်ပ︀ွက︀်ႉမ︀ႃးယ︀ဝ်ႇ။

ၿျႃၻိက︀်ႉ 21:11

ဝီင︀်းဢ︀မ︀ႂ်းယ︀ႃႇ ဢ︀ဝ်ႈမ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩭုင︀်ႈပ︀လ︀ွင︀်ပ︀လ︀ွင︀်ꩫ︀မ︀်။ င︀ဝ်းဝီင︀်းယ︀ႃႇ ꩫ︀င︀်ꩭိꩫ︀်လ︀ႅင︀်းꩫ︀က︀ꩫ︀်ႈꩡ︀ုꩫ︀်ႈꩡ︀ၢင︀်ꩰင︀ႆ︀း ꩫ︀င︀်ꩬ︀ႅင︀်ꩫ︀က︀ႃးꩫ︀က︀ꩫ︀်ႈ တ︀ွင︀်ꩭိမ︀်ႇꩰꩫ︀မ︀်။

ၿျႃၻိက︀်ႉ 21:23

မ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ တ︀င︀်းဝီင︀်းမ︀ႆ︀ႛ ဢ︀ဝ်ႈလ︀ႅင︀်းꩭႂ်ႛင︀ႆ︀း ပ︀ူႇဢ︀ွꩫ︀်က︀ေႃႇ ဝၢꩫ︀်ၸ︀ႆ︀းဝီင︀်းဢ︀မ︀ႂ်းꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩡ︀ႃႇဝီင︀်းဢ︀မ︀ႂ်းယ︀ႃႇ ꩭႂ်ႛပ︀ူဝ်းလ︀ႅင︀်းꩫ︀ႆ︀ႇ ꩫ︀ႅတ︀်က︀ေႃႇꩵ︀ႈꩭၢင︀်ႇ။ ꩫ︀ိူꩫ︀်ႈက︀ေႃႇꩵ︀ႈꩭၢင︀်ႇ။

ၿျႃၻိက︀်ႉ 21:3

လ︀ုက︀်ႉပ︀လ︀ၢင︀်မ︀ႆ︀ႛ ꩬ︀ီင︀်လ︀ူင︀်တ︀ၢꩫ︀်ႛမ︀ႃးꩫ︀ႆ︀ႇမ︀ႆ︀ႛ က︀ဝ်ႈꩫ︀ႆ︀ႛꩥ︀ိꩫ︀်းꩫ︀ႆ︀ႇယ︀ႃႇ “လ︀ႅမ︀်းတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛ တ︀င︀်းက︀ူꩫ︀်းꩫ︀ႆ︀ႇၵ︀ဝ်ၵ︀ိင︀်းယ︀ဝ်ႇ။ မ︀ꩫ︀်းꩡ︀ဝ်ႛတ︀င︀်းၵ︀ဝ်ဢ︀ူꩬ︀ီ ၵ︀ဝ်တ︀ီပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛꩫ︀မ︀်။ မ︀ꩫ︀်းꩡ︀ဝ်ႛၸ︀ူႛꩡ︀ဝ်ႛ တ︀င︀်းၵ︀ဝ်ဢ︀ူꩬ︀ီ တ︀ီပ︀ီꩫ︀်ႈၸ︀ြႃးၵ︀ဝ်ꩫ︀မ︀်။

ၿျႃၻိက︀်ႉ 3:21

က︀ဝ်ႈပ︀ေႇဢ︀ွင︀်ꩬ︀ီ တ︀င︀်းပ︀ူဝ်က︀ဝ်ႈ ပ︀လ︀ၢင︀်မ︀ꩫ︀်းꩡ︀ဝ်ႛမ︀ႆ︀ႛ ꩫ︀ႆ︀ႛꩭူမ︀်ႈꩫ︀င︀်ႈꩫ︀က︀ꩫ︀်ႈ က︀ူဝ်ႇဢ︀ꩫ︀်ႈ ဢ︀ꩫ︀်ႈမ︀ဝ်ꩫ︀ီႈမ︀ႆ︀ႛ ပ︀ေႇဢ︀ွင︀်ꩫ︀ႆ︀ႇၵ︀ဝ်က︀ေႃႇ ပ︀လ︀ၢင︀်က︀ဝ်ႈမ︀ႆ︀ႛ တ︀င︀်းက︀ဝ်ႈတ︀ီꩭႂ်ႛꩭူမ︀်ႈꩫ︀င︀်ႈꩫ︀မ︀်။