ရ︀ေႃမ︀ 4:15 - Khamti Shan

¹⁵ က︀ူꩫ︀်းꩭဝ်း ၸ︀ိတ︀်ꩬ︀ိꩫ︀်က︀ီး ၸ︀ြႃးပ︀ီꩫ︀်ႈꩡ︀ဝ်ႛတ︀ေႃးꩬ︀ႃးဢ︀ူ။ ꩫ︀ႆ︀ႇꩫ︀က︀ေႃႇ က︀ျမ︀်းꩬ︀ိꩫ︀်မ︀ဝ်ယ︀င︀်းက︀ီးယ︀ႃႇ ဢ︀ꩫ︀်ႈၸ︀ိတ︀်ꩬ︀ိꩫ︀်ꩫ︀ꩫ︀ႆ︀ႇ ꩵ︀ႈယ︀င︀်း။

ရ︀ေႃမ︀ 4:15 ပူးပေါင်းရင်းမြစ်များ

ယ︀ေႃးꩭၢꩫ︀် 15:22

က︀ဝ်ႈက︀ျွႃးမ︀ႃးꩬ︀ီ လ︀ွင︀်ႈꩬ︀မ︀်မ︀ႃတ︀ြႃးပ︀ူဝ်းမ︀ဝ်ဝႃႈက︀ီး ၵ︀ဝ်မ︀ႆ︀ႛဢ︀ပ︀ႅတ︀်ႉꩵ︀ႈယ︀င︀်း။ ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ ၵ︀ဝ်မ︀ႆ︀ႛလ︀ွင︀်ႈꩬ︀မ︀်မ︀ႃတ︀ြႃးဝႃႈယ︀ဝ်ႇꩰꩫ︀ႆ︀ႇꩬ︀ီ ၵ︀ဝ်ဢ︀ပ︀ႅတ︀်ႉꩵ︀ႈယ︀င︀်းꩫ︀ꩫ︀ႆ︀ႇ ꩭိုဝ်လ︀ိုဝ်က︀ေႃႇပ︀ိꩫ︀်ႇ ꩵ︀ႈꩫ︀ႆ︀ႛယ︀ဝ်ႇ။

ယ︀ေႃးꩭၢꩫ︀် 3:36

က︀ူဝ်ႇဢ︀ꩫ︀်ႈလ︀ုက︀်ႉꩡ︀ၢႆ︀းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩫ︀ႆ︀ႇ ဢ︀ꩬ︀ၢက︀်ႉထႃဝရ︀ꩫ︀ႆ︀ႛဢ︀ူ။ က︀ူဝ်ႇဢ︀ꩫ︀်ႈၵ︀ၢမ︀်းမ︀ꩫ︀်းꩡ︀ဝ်ႛ မ︀ဝ်ထွမ︀်ꩫ︀ႆ︀ႇယ︀ႃႇ ဢ︀ꩬ︀ၢက︀်ႉမ︀ဝ်ꩫ︀ႆ︀ႛꩬ︀ေႇမ︀ဝ်က︀ႃး တ︀ၢမ︀်ဢ︀ပ︀ႅတ︀်ႉဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛပ︀ူင︀်ႈမ︀ႆ︀ႛ ꩫ︀ႆ︀ႛၵ︀ၢမ︀်ဢ︀ူꩫ︀မ︀်။

ရ︀ေႃမ︀ 1:17

ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇယ︀ႃႇ “က︀ူဝ်ႇဢ︀ꩫ︀်ႈꩬ︀ိုဝ်ႈတ︀ူဝ်ꩫ︀ႆ︀ႇ ဢ︀ဝ်ႈတ︀ၢင︀်းယ︀ုမ︀်ယ︀မ︀်ႈ တ︀ီꩫ︀ိပ︀်ꩫ︀မ︀်” ꩫ︀ꩬ︀ီက︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ ဢ︀ဝ်ႈတ︀ၢင︀်းယ︀ုမ︀်ယ︀မ︀်ႈꩫ︀ၢႆ︀ႈꩬ︀ိုင︀် ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩫ︀ႆ︀ႇမ︀ႆ︀ႛ ပ︀ုတ︀်ပ︀ျႃးဝႆ︀ႇꩫ︀မ︀်။

ရ︀ေႃမ︀ 5:13

မ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ က︀ူꩫ︀်းꩭဝ်းမ︀ႆ︀ႛ က︀ျမ︀်းꩬ︀ိꩫ︀်ꩵ︀ႈပ︀ႆ︀ꩭႂ်ႛꩫ︀ႆ︀ႇပ︀ုꩫ︀်ႛ က︀ူꩫ︀်းꩭဝ်းꩭီတ︀်ဢ︀ပ︀ႅတ︀်ႉမ︀ႃးဢ︀ူ။ ꩫ︀ႆ︀ႇꩫ︀က︀ေႃႇ မ︀ိူဝ်ႈက︀ျမ︀်းꩬ︀ိꩫ︀်ꩵ︀ႈပ︀ႆ︀ယ︀င︀်းꩫ︀ႆ︀ႇယ︀ႃႇ ဢ︀ꩫ︀်ႈတ︀ီပ︀ိꩫ︀်ႇဢ︀ပ︀ႅတ︀်ႉꩵ︀ႈယ︀င︀်းမ︀ႃး။

က︀ေႃရ︀ိꩫ︀်တ︀ု ႑ 15:56

ၵ︀ုꩫ︀်တ︀ႆ︀ၢႈယ︀ႃႇ လ︀ုက︀်ႉဢ︀ပ︀ႅတ︀်ႉမ︀ႆ︀ႛꩫ︀မ︀်တ︀ꩫ︀်းၵ︀ူဝ်းꩫ︀ႆ︀ႛꩫ︀ႆ︀ႇ။ ဢ︀ပ︀ႅတ︀်ႉယ︀ႃႇ လ︀ုက︀်ႉက︀ျမ︀်းꩬ︀ိꩫ︀်မ︀ႆ︀ႛꩫ︀မ︀် တ︀ꩫ︀်းၵ︀ူဝ်းꩫ︀ႆ︀ႛꩫ︀ႆ︀ႇ။

က︀လ︀ႃတ︀ိ 3:10

ꩫ︀ႆ︀ႇꩫ︀က︀ေႃႇ က︀ူꩫ︀်းဢ︀ꩫ︀်ႈလ︀ွင︀်ႈက︀မ︀်ႈက︀ျမ︀်းꩬ︀ိꩫ︀်မ︀ႆ︀ႛ ဢ︀က︀မ︀်ꩫ︀ႆ︀ႇၵ︀ဝ်ယ︀ႃႇ ဢ︀ူက︀ꩫ︀်ႛတ︀ႂ်ႛ ၵ︀ၢမ︀်းက︀ိꩫ︀်မ︀ႆ︀ႛꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး “ဢ︀ꩫ︀်ႈက︀ျမ︀်းꩬ︀ိꩫ︀်မ︀ႆ︀ႛဝႃႈဝႆ︀ႇတ︀င︀်းမ︀ိူင︀်းမ︀ႆ︀ႛ မ︀ဝ်ꩡ︀ွမ︀်းက︀ႅင︀်းꩬ︀ီဢ︀ူက︀ီးယ︀ႃႇ က︀ူဝ်ႇဢ︀မ︀ႂ်းယ︀ႃႇ ဢ︀ူက︀ꩫ︀်ႛတ︀ႂ်ႛဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛက︀ိꩫ︀်ဝႆ︀ႇမ︀ႆ︀ႛ ꩫ︀မ︀်” ꩫ︀ꩬ︀ီက︀ျမ︀်းလ︀ိက︀်ႉမ︀ႆ︀ႛ ဝႃႈဝႆ︀ႇဢ︀ူ။

က︀လ︀ႃတ︀ိ 3:19

ꩫ︀ႆ︀ႇက︀ီးယ︀ႃႇ လ︀ႆ︀ၢးပ︀ိူဝ်ႈက︀ꩬ︀င︀်ꩫ︀ႆ︀ က︀ꩫ︀်ႛလ︀င︀်က︀တ︀ိမ︀ꩫ︀်းꩡ︀ဝ်ႛမ︀ႆ︀ႛ က︀ျမ︀်းꩬ︀ိꩫ︀်ꩭႂ်ႛဢ︀ိက︀်မ︀ႃးꩫ︀ႆ︀ႇ။ ၸ︀ြႃးပ︀ီꩫ︀်ႈꩡ︀ဝ်ႛ က︀ျမ︀်းꩬ︀ိꩫ︀်ꩭႂ်ႛမ︀ႃးꩫ︀ႆ︀ႇယ︀ႃႇ ဢ︀ꩫ︀်ႈꩡ︀ႃႇꩭၢင︀်းꩡ︀ိုဝ်ႇပ︀ျႃးဢ︀ပ︀ႅတ︀်ႉက︀ူꩫ︀်းꩭဝ်းꩫ︀ႆ︀ၢႈꩫ︀မ︀်။ ꩫ︀ႆ︀ႇꩫ︀က︀ေႃႇ က︀ျမ︀်းꩬ︀ိꩫ︀်ဢ︀မ︀ႂ်းယ︀ႃႇ ꩡ︀ႃႇꩭၢင︀်းꩡ︀ူဝ်ႈက︀ႃႈ က︀ူဝ်ႇဢ︀ꩫ︀်ႈပ︀ီꩫ︀်ႈၵ︀ိူဝ်းဢ︀ႃပ︀ြႃꩭၢမ︀် ဢ︀ꩫ︀်ႈမ︀ꩫ︀်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛက︀တ︀ိꩭႂ်ႛဝႆ︀ႇꩫ︀ႆ︀ႇ မ︀ဝ်ပ︀ႆ︀ယ︀င︀်းမ︀ႃးꩫ︀ၢႆ︀ႈꩫ︀မ︀်။ မ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛက︀ျမ︀်းꩬ︀ိꩫ︀်ꩫ︀ႆ︀ႇယ︀ႃႇ ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်မ︀ႆ︀ႛꩡ︀ႂ်ႇꩬ︀ီ လ︀ုက︀်ႉမ︀ေႃꩬ︀ေၸ︀ူႛꩫ︀ႆ︀ၢꩫ︀ႃႛဝူင︀်ႈက︀ၢင︀်ႈၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ၸ︀ꩫ︀်းဢ︀ီတ︀်ꩬ︀ြေးမ︀ႆ︀ႛ ꩭႂ်ႛမ︀ႃးꩫ︀မ︀်။

ဢ︀ေၸ︀ႅတ︀် 5:6

ꩬ︀ူမ︀ႆ︀ႛ ၸ︀ႂ်က︀ေႃႇ ဢ︀ဝ်ႈၵ︀ၢမ︀်းဢ︀ꩫ︀်ႈလ︀ီႈမ︀ဝ်ယ︀င︀်းꩫ︀ႆ︀ႇၵ︀ဝ် ပ︀ီꩭႂ်ႛမ︀ႃးၸ︀ၢမ︀်း။ လ︀ႆ︀ၢးပ︀ိူဝ်ႈဢ︀ပ︀ႅတ︀်ႉꩫ︀ႆ︀ႇၵ︀ဝ်ꩬ︀ီ က︀ူဝ်ႇဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ဝ်ထွမ︀်ꩫ︀ႆ︀ႇၵ︀ဝ်မ︀ႆ︀ႛယ︀ႃႇ မ︀ꩫ︀်းꩡ︀ဝ်ႛတ︀ေႃးꩬ︀ႃးꩬ︀ီ တ︀ီပ︀ူင︀်ႈတ︀ၢမ︀်ꩫ︀မ︀်။

က︀ေႃလ︀ေႃတ︀ႄ 3:6

လ︀ႆ︀ၢးပ︀ိူဝ်ႈဢ︀ꩫ︀်ႈꩭင︀်ႛဢ︀မ︀ႂ်းၵ︀ဝ်ꩬ︀ီ က︀ူꩫ︀်းဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ဝ်ထွမ︀်ꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛတ︀ီပ︀ူင︀်ႈတ︀ၢမ︀်ꩫ︀မ︀်။

ယ︀ေႃးꩭၢꩫ︀် ႑ 3:4

ၸ︀ႂ်မ︀ဝ်ဝႃႈ ꩭီတ︀်ဢ︀ပ︀ႅတ︀်ႉက︀ီး ꩬ︀ိꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛၸ︀ိတ︀်ယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈၸ︀ိတ︀်ꩬ︀ိꩫ︀်ယ︀ႃႇ ဢ︀ꩫ︀်ႈꩭီတ︀်ဢ︀ပ︀ႅတ︀်ႉꩫ︀မ︀်။

ၿျႃၻိက︀်ႉ 19:15

လ︀ုက︀်ႉꩬ︀ူပ︀်မ︀ꩫ︀်းꩡ︀ဝ်ႛမ︀ႆ︀ႛ ၸ︀ႃႇဢ︀ꩫ︀်ႈၸ︀ႆ︀ၢဢ︀ꩫ︀်ႈလ︀ိူင︀်ႈဢ︀ွက︀်င︀ႆ︀း ဢ︀ဝ်ႈၸ︀ႃႇဢ︀မ︀ႂ်း ၸ︀ꩫ︀်းက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ တ︀ီပ︀ေႇꩫ︀မ︀်။ မ︀ꩫ︀်းꩡ︀ဝ်ႛ ၵ︀ဝ်မ︀ႆ︀ႛဢ︀ဝ်ႈꩭွက︀်လ︀ီက︀် တ︀ီဢ︀ုပ︀်ႉပ︀ိုင︀်ꩫ︀မ︀်။ ထၢင︀်ꩫ︀ူꩫ︀်ႇမ︀က︀်ꩡ︀ပ︀ႅတ︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀ူꩫ︀်ႇမ︀က︀်ꩡ︀ပ︀ႅတ︀်ႉꩬ︀ီ တ︀ေႃးꩬ︀ႃးၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛတ︀ꩫ︀်းၵ︀ူဝ်းဢ︀ꩫ︀ꩫ︀်တ︀ꩫ︀ႆ︀ႇ တ︀ီပ︀ျႃးꩫ︀မ︀်။