ရ︀ေႃမ︀ 3:9 - Khamti Shan

⁹ င︀ႆ︀းꩫ︀ႆ︀ႇꩬ︀ီ ꩭဝ်းက︀ျူးꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ က︀ꩬ︀င︀်ꩫ︀ႆ︀ꩫ︀ီႈꩬ︀ႃꩫ︀ႆ︀ႇ။ က︀ꩬ︀င︀်က︀ေႃႇ ꩵ︀ႈꩫ︀ီႈꩬ︀ႃ။ က︀ျူးမ︀ဝ်ႈဝႃႈ၊ ဢ︀ꩫ︀်ႈက︀ျူးမ︀ဝ်ꩡ︀ႂ်ႈမ︀ဝ်ဝႃႈ က︀ူꩫ︀်းတ︀င︀်းမ︀ိူင︀်းဢ︀ူက︀ꩫ︀်ႛတ︀ႂ်ႛ တ︀ꩫ︀်းၵ︀ူဝ်းဢ︀ပ︀ႅတ︀်ႉမ︀ႆ︀ႛꩫ︀မ︀်ꩫ︀ꩫ︀ႆ︀ႇ က︀ဝ်ႈဝႃႈမ︀ႃးယ︀ဝ်ႇ။

ရ︀ေႃမ︀ 3:9 ပူးပေါင်းရင်းမြစ်များ

လ︀ုက︀ႃ 7:39

ꩫ︀ႆ︀ႇမ︀ႆ︀ႛꩭꩫ︀်က︀ီး ၸ︀ႃရ︀ိꩬ︀ႄꩡ︀ဝ်ႛꩭိူꩫ︀်းꩫ︀ႆ︀ႇယ︀ႃႇ ꩫ︀ႂ်းꩡ︀ႂ်ႈမ︀ꩫ︀်းမ︀ႆ︀ႛ “ꩬ︀ြႃꩫ︀ႆ︀ႇ ꩬ︀င︀်ဝႃႈပ︀ီꩫ︀်ႈပ︀ရ︀ေႃးၸ︀ႅတ︀်ႉက︀ီး ၸ︀ူႛယ︀ိင︀်းဢ︀ꩫ︀်ႈဝၢမ︀်ႇတ︀ိꩫ︀်ႈမ︀ꩫ︀်းꩡ︀ဝ်ႛꩫ︀ႆ︀ႇ ပ︀ီꩫ︀်ႈၸ︀ႂ်၊ ဢ︀ပ︀ႅတ︀်ႉꩫ︀င︀်ꩭိုဝ်ꩭီတ︀်မ︀ႃးꩫ︀ꩫ︀ႆ︀ႇ မ︀ꩫ︀်းဝႃႈတ︀ွင︀်းဢ︀ူ” ꩫ︀ꩬ︀ီၵ︀ႂ်ႈꩡ︀ႂ်ႈဢ︀ူ။

ရ︀ေႃမ︀ 1:18

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ွပ︀်ႉပ︀ိူဝ်ႈက︀ူꩫ︀်းꩫ︀ႆ︀ႇၵ︀ဝ် မ︀ꩫ︀်းꩡ︀ဝ်ႛမ︀ႆ︀ႛမ︀ဝ်က︀ူဝ်ႈယ︀မ︀်ႈင︀ႆ︀း ꩭီတ︀်ဢ︀ꩫ︀်ႈမ︀ဝ်တ︀ြႃးꩫ︀ႆ︀ႇꩬ︀ီ ဢ︀ꩫ︀်ႈꩬ︀ိုဝ်ႈꩡ︀ႂ်ႈမ︀ꩫ︀်းꩡ︀ဝ်ႛမ︀ႆ︀ႛ လ︀ၢပ︀်ႉဝႆ︀ႇꩫ︀ႆ︀ႇမ︀ႆ︀ႛ မ︀ꩫ︀်းꩡ︀ဝ်ႛၵ︀ႂ်ႈလ︀ႂ်ႈတ︀ေႃးꩬ︀ႃးꩫ︀ꩫ︀ႆ︀ႇ လ︀ုက︀်ႉက︀ၢင︀်ႈꩭၢဝ်မ︀ႆ︀ႛ ပ︀ုတ︀်ၵ︀ႆ︀ႈဝႆ︀ႇဢ︀ူ။

ရ︀ေႃမ︀ 11:32

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းဢ︀ꩫ︀်ႈၵ︀ၢမ︀်းမ︀ꩫ︀်းꩡ︀ဝ်ႛမ︀ဝ်ထွမ︀်ꩫ︀ႆ︀ႇၵ︀ဝ်တ︀င︀်းလ︀ုင︀်မ︀ႆ︀ႛ ꩭႂ်ႛပ︀ူဝ်းမ︀ꩫ︀်းꩡ︀ဝ်ႛဢ︀ီꩫ︀ူႈပ︀ျႃးꩫ︀ႆ︀ႛꩫ︀ႆ︀ႇ ၵ︀ဝ်မ︀ႆ︀ႛ ꩫ︀င︀်ၵ︀ဝ်ၵ︀ႂ်ႈပ︀ီꩫ︀်ႈꩫ︀က︀ꩫ︀်ႈ ပ︀ွႆ︀ꩭႂ်ႛဝႆ︀ႇꩫ︀မ︀်။

ရ︀ေႃမ︀ 11:7

င︀ႆ︀းꩫ︀ႆ︀ႇꩬ︀ီ ၸ︀ꩫ︀်းဢ︀ီတ︀်ꩬ︀ြေးယ︀ႃႇ ဢ︀ꩫ︀်ႈၵ︀ဝ်ꩭီတ︀်ဢ︀ၵ︀ႅက︀်ႉꩬ︀ီၵ︀ႃက︀ꩫ︀်ႈမ︀ႆ︀ႛ ꩵ︀ႈထိူပ︀်။ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇ ꩡ︀ွꩫ︀်လ︀ိူင︀်ႈꩫ︀ႆ︀ၢႈꩫ︀မ︀်ၵ︀ႃထိူပ︀်ꩫ︀ႆ︀ႇ။ လ︀ိူဝ်တ︀ီꩫ︀ႆ︀ႇယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭွင︀်ႇမ︀ႆ︀ႛ ꩵ︀ႈတ︀ုမ︀်ႛပ︀ိူင︀်ႈလ︀ူင︀်။

ရ︀ေႃမ︀ 2:1

င︀ႆ︀းꩫ︀ႆ︀ႇꩬ︀ီ ꩬ︀ူပ︀ီꩫ︀်ႈၸ︀ႂ်ꩫ︀က︀ေႃႇ ဢ︀ꩫ︀်ႈတ︀ီပ︀ိꩫ︀်ႇပ︀ႆ︀ ꩵ︀ႈယ︀င︀်းပ︀ိူင︀်ႈလ︀ူင︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ိူဝ်ႈꩬ︀ူပ︀ိူꩫ︀်ႈမ︀ႆ︀ႛ ပ︀ႅတ︀်ႉတ︀ြႃးꩫ︀ႆ︀ႇ ꩬ︀ူၸ︀ူႛꩡ︀ဝ်ႛက︀ေႃႇ ꩭီတ︀်ဢ︀ꩫ︀်ႈမ︀ဝ်ꩫ︀ီႈဢ︀ူꩫ︀မ︀်ꩫ︀က︀ီး ဢ︀ꩫ︀်ႈꩬ︀ူ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛပ︀ႅတ︀်ႉတ︀ြႃးꩫ︀မ︀်။

ရ︀ေႃမ︀ 3:1

ꩫ︀ႆ︀ႇက︀ီး ပ︀ီꩫ︀်ႈက︀ျူးꩫ︀ႆ︀ႇ က︀ꩬ︀င︀်ꩫ︀ႆ︀ ဢ︀က︀ိဝ်းယ︀င︀်းꩫ︀ႆ︀ႇ။ ꩭၢပ︀်ႉမ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ꩫ︀ႆ︀ႇ ဢ︀က︀ိဝ်းက︀ꩬ︀င︀်ꩫ︀ႆ︀ ယ︀င︀်းꩫ︀ႆ︀ႇ။

ရ︀ေႃမ︀ 3:19

ꩫ︀င︀်ꩫ︀ႆ︀ႇꩫ︀က︀ꩫ︀်ႈ ၵ︀ၢမ︀်းဢ︀ꩫ︀်ႈက︀ျမ︀်းꩬ︀ိꩫ︀်မ︀ႆ︀ႛ လ︀ွေႛꩫ︀ႆ︀ႇၵ︀ဝ်ယ︀ႃႇ ꩡ︀ႃႇꩭၢင︀်းက︀ူꩫ︀်းဢ︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛ က︀ျမ︀်းꩬ︀ိꩫ︀်ꩭႂ်ႛဝႆ︀ႇꩫ︀ႆ︀ႇၵ︀ဝ်ꩫ︀မ︀်ꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။ ꩫ︀ႆ︀ႇꩫ︀က︀ေႃႇ ၵ︀ဝ်ꩫ︀ၢႆ︀ႈꩬ︀ေႇမ︀ဝ်က︀ႃး က︀ူꩫ︀်းတ︀င︀်းမ︀ိူင︀်း ဢ︀ꩫ︀်ႈတ︀ီပ︀ိꩫ︀်ႇက︀ꩬ︀င︀်က︀ေႃႇမ︀ဝ်ယ︀င︀်းꩬ︀ီ တ︀င︀်းလ︀ုင︀်မ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ႅတ︀်ႉတ︀ြႃးယ︀ဝ်ႇꩫ︀ꩫ︀ႆ︀ႇက︀ေႃႇ ꩡ︀ုꩫ︀်ႈꩬ︀ႃႚꩬ︀ႃႚꩫ︀မ︀်။

ရ︀ေႃမ︀ 3:5

င︀ႆ︀းက︀ီးယ︀ႃႇ ဢ︀ꩫ︀်ႈꩭဝ်းမ︀ဝ်ꩬ︀ိုဝ်ႈတ︀ူဝ်ꩫ︀ႆ︀ႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩬ︀ိုဝ်ႈတ︀ူဝ်မ︀ႆ︀ႛ ဢ︀ဝ်ႈပ︀ႅꩫ︀်ႈꩭႂ်ႛဢ︀ူꩫ︀က︀ီး ꩭဝ်းတ︀ီဝႃႈꩭိုဝ်ꩫ︀ႆ︀။ ꩫ︀ႆ︀ႇက︀ီး ꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ပ︀ူင︀်ႈတ︀ၢမ︀်ꩫ︀ႆ︀ႇ ꩵ︀ႈတ︀ြႃးꩫ︀က︀ျႃးတ︀ီဝႃႈꩫ︀ႆ︀ႇ။ င︀ႆ︀းꩵ︀ႈထုက︀်ဝႃႈ။ ꩫ︀ႆ︀ႇယ︀ႃႇ ၵ︀ၢမ︀်းက︀ူꩫ︀်းမ︀ိူင︀်းက︀ၢင︀်ႈꩫ︀ၢႆ︀ႈꩫ︀မ︀်။

ရ︀ေႃမ︀ 6:15

ꩫ︀ႆ︀ႇက︀ီး ꩭဝ်းဢ︀ူက︀ꩫ︀်ႛတ︀ႂ်ႛက︀ျမ︀်းꩬ︀ိꩫ︀်မ︀ဝ်ꩡ︀ႂ်ႈ၊ ဢ︀ူက︀ꩫ︀်ႛတ︀ႂ်ႛက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ ဝႃႈꩭီတ︀်ဢ︀ပ︀ႅတ︀်ႉက︀ျႃး။ ꩵ︀ဝႃႈꩭီတ︀်ပ︀ိူင︀်ႈလ︀ူင︀်ယ︀ဝ်ႇ။

ရ︀ေႃမ︀ 7:14

ꩬ︀ိꩫ︀်ယ︀ႃႇ လ︀ွင︀်ႈၵ︀ွꩫ︀်ꩫ︀မ︀်ꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။ ꩫ︀ႆ︀ႇꩫ︀က︀ေႃႇ က︀ဝ်ႈယ︀ႃႇက︀ူꩫ︀်းဢ︀ꩫ︀်ႈꩡ︀ႂ်ႈꩫ︀ိူဝ်ႇꩫ︀ိူတ︀်ႉယ︀င︀်း ၸ︀ူႛပ︀ီꩫ︀်ႈၵ︀ႃႛဢ︀ပ︀ႅတ︀်ႉꩫ︀မ︀်။

က︀ေႃရ︀ိꩫ︀်တ︀ု ႑ 10:19

ꩫ︀ႆ︀ႇယ︀ႃႇ က︀ꩬ︀င︀်မ︀ႆ︀ႛꩫ︀ႆ︀ၵ︀ႂ်ႈဝႃႈꩫ︀ႆ︀ႇꩫ︀က︀ီး ꩭုꩫ︀်ꩭၢင︀်ႈဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ် ပ︀ႆ︀ၢႛဝႆ︀ႈꩫ︀ႆ︀ႇပ︀တ︀ု ဢ︀ꩫ︀်ႈက︀ိꩫ︀်ႈဢ︀ꩫ︀်ႈၵ︀ဝ်ပ︀ုက︀်ႉꩡ︀ူဝ်ဝႆ︀ႇဢ︀မ︀ႂ်းပ︀တ︀ုဢ︀ၵ︀ႅက︀်ႉဢ︀ူꩫ︀ꩬ︀ီ ဝႃႈယ︀ႃႇꩵ︀ႈꩡ︀ႂ်ႈ။

က︀ေႃရ︀ိꩫ︀်တ︀ု ႑ 14:15

င︀ႆ︀းꩫ︀ႆ︀ႇꩬ︀ီ မ︀ိူဝ်ႈယ︀ွꩫ︀်းꩬ︀ူးꩫ︀ႆ︀ႇꩫ︀က︀ေႃႇယ︀ႃ မ︀ိူဝ်ႈယ︀ူဝ်းယ︀ွင︀်ႛၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩫ︀က︀ေႃႇယ︀ႃ ဢ︀ဝ်ႈၵ︀ွꩫ︀်တ︀မ︀ိူင︀်း ဢ︀ဝ်ႈၵ︀ၢမ︀်းဢ︀ꩫ︀်ႈပ︀ိူꩫ︀်ႈတ︀ွင︀်းတ︀မ︀ိူင︀်း ဝႃႈတ︀ိုဝ်းꩫ︀မ︀်။

က︀ေႃရ︀ိꩫ︀်တ︀ု ႑ 4:7

ꩬ︀ူက︀ꩬ︀င︀်က︀ေႃႇ ꩵ︀ႈလ︀ၢက︀်ꩬ︀ႃပ︀ိူꩫ︀်ႈ။ ဢ︀ꩫ︀်ႈꩬ︀ူမ︀ႆ︀ႛယ︀င︀်းꩫ︀ႆ︀ႇတ︀င︀်းမ︀ိူင︀်း ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛဝႆ︀ႇꩫ︀ႆ︀ၢႈꩫ︀မ︀်။ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ဝ်ꩭႂ်ႛꩬ︀ီ ꩬ︀ူꩫ︀ႆ︀ႛꩫ︀ႆ︀ႇ က︀ꩬ︀င︀်က︀ေႃႇ ꩵ︀ႈယ︀င︀်း။ င︀ႆ︀းꩬ︀ီက︀ေႃႇ ꩭီတ︀်က︀ꩬ︀င︀်ꩫ︀ႆ︀ က︀မ︀်ႇလ︀ွင︀်ႛက︀ꩫ︀်ႈꩫ︀ႆ︀ႇ။

က︀လ︀ႃတ︀ိ 3:10

ꩫ︀ႆ︀ႇꩫ︀က︀ေႃႇ က︀ူꩫ︀်းဢ︀ꩫ︀်ႈလ︀ွင︀်ႈက︀မ︀်ႈက︀ျမ︀်းꩬ︀ိꩫ︀်မ︀ႆ︀ႛ ဢ︀က︀မ︀်ꩫ︀ႆ︀ႇၵ︀ဝ်ယ︀ႃႇ ဢ︀ူက︀ꩫ︀်ႛတ︀ႂ်ႛ ၵ︀ၢမ︀်းက︀ိꩫ︀်မ︀ႆ︀ႛꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး “ဢ︀ꩫ︀်ႈက︀ျမ︀်းꩬ︀ိꩫ︀်မ︀ႆ︀ႛဝႃႈဝႆ︀ႇတ︀င︀်းမ︀ိူင︀်းမ︀ႆ︀ႛ မ︀ဝ်ꩡ︀ွမ︀်းက︀ႅင︀်းꩬ︀ီဢ︀ူက︀ီးယ︀ႃႇ က︀ူဝ်ႇဢ︀မ︀ႂ်းယ︀ႃႇ ဢ︀ူက︀ꩫ︀်ႛတ︀ႂ်ႛဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛက︀ိꩫ︀်ဝႆ︀ႇမ︀ႆ︀ႛ ꩫ︀မ︀်” ꩫ︀ꩬ︀ီက︀ျမ︀်းလ︀ိက︀်ႉမ︀ႆ︀ႛ ဝႃႈဝႆ︀ႇဢ︀ူ။

က︀လ︀ႃတ︀ိ 3:22

ꩫ︀ႆ︀ႇꩫ︀က︀ေႃႇ က︀ူꩫ︀်းꩭဝ်းတ︀င︀်းမ︀ိူင︀်း ဢ︀ူက︀ꩫ︀်ႛတ︀ႂ်ႛတ︀ꩫ︀်းၵ︀ူဝ်းဢ︀ပ︀ႅတ︀်ႉမ︀ႆ︀ႛꩫ︀မ︀်ꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇꩬ︀ီ က︀ူꩫ︀်းꩭဝ်း ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈက︀ီးꩬ︀ိုင︀် ꩭဝ်းမ︀ႆ︀ႛတ︀ီပ︀ွႆ︀လ︀ွတ︀်ႉꩭႂ်ႛꩫ︀မ︀်ꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ က︀တ︀ိꩭႂ်ႛမ︀ႃးꩫ︀မ︀်။

ၸ︀ိလ︀ိပ︀်ပ︀ၢႆ︀ 1:18

ꩫ︀ႆ︀ႇꩫ︀က︀ေႃႇ ꩭလ︀ိုဝ်ꩬ︀ီꩭူဝ်းꩫ︀ꩫ︀ႆ︀ႇယ︀ႃႇ ꩵ︀ႈဢ︀ၵ︀ႅက︀်ႉ။ ꩡ︀ႂ်ႈꩬ︀ိုဝ်ႈꩬ︀ီꩭူဝ်းပ︀တ︀ု၊ ꩡ︀ႂ်ႈင︀ွက︀်ꩬ︀ီꩭူဝ်းပ︀တ︀ု ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ိူꩫ︀်ႈတ︀ွင︀်းက︀ႃက︀ီး က︀ဝ်ႈꩡ︀ူမ︀်းဢ︀ူ။ င︀ႆ︀းꩬ︀ီ က︀ဝ်ႈမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ တ︀ီꩡ︀ူမ︀်းက︀ႃꩫ︀မ︀်။