ရ︀ေႃမ︀ 3:21 - Khamti Shan

²¹ ꩡ︀ႃႇလ︀ိူင︀်ႈ တ︀င︀်းက︀ျမ︀်းꩬ︀ိꩫ︀်မ︀ဝ်ꩡ︀ၢပ︀်ႉလ︀ႅင︀်ꩬ︀ီ က︀ူꩫ︀်းꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩭလ︀ိုဝ်မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩫ︀ꩫ︀ႆ︀ႇ မ︀ꩫ︀်းꩡ︀ဝ်ႛပ︀ုတ︀်ၵ︀ႆ︀ႈꩭႂ်ႛမ︀ႃးယ︀ဝ်ႇ။ လ︀ွင︀်ႈꩫ︀ႆ︀ႇမ︀ႆ︀ႛ က︀ျမ︀်းꩬ︀ိꩫ︀်ꩫ︀ၵ︀ႃက︀ျမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်က︀ေႃႇ ꩭီတ︀်ꩬ︀ၢက︀်ႉꩬ︀ေဝႆ︀ႇဢ︀ူ။

ရ︀ေႃမ︀ 3:21 ပူးပေါင်းရင်းမြစ်များ

လ︀ုက︀ႃ 24:44

ယ︀ဝ်ႇက︀ီးမ︀ꩫ︀်းꩡ︀ဝ်ႛ ၵ︀ဝ်မ︀ႆ︀ႛ “လ︀ွင︀်ႈက︀ဝ်ႈဢ︀ꩫ︀်ႈက︀ျမ︀်းꩬ︀ိꩫ︀်မ︀ေႃꩬ︀ေ၊ က︀ျမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်င︀ႆ︀း က︀ျမ︀်းꩬ︀ႃလ︀ၢမ︀်မ︀ႆ︀ႛ ဝႃႈဝႆ︀ႇꩫ︀ႆ︀ႇၵ︀ဝ်တ︀င︀်းမ︀ိူင︀်း ဝႃႈတ︀ီမ︀်ႈက︀ုမ︀်မ︀ႃးဢ︀ူꩫ︀ꩬ︀ီ မ︀ိူဝ်ႈတ︀င︀်းꩬ︀ူဢ︀ူမ︀ႃးꩫ︀ႆ︀ႇ က︀ဝ်ႈဝႃႈမ︀ႃးယ︀ဝ်ႇ။ ဢ︀မ︀ႂ်းၵ︀ဝ် င︀ႆ︀ႚပ︀ီꩫ︀်ႈဢ︀ူꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 1:45

ၸ︀ိလ︀ိပ︀်ယ︀ႃႇ ꩫ︀ႃတ︀ꩫ︀ေလ︀မ︀ႆ︀ႛꩭꩫ︀်က︀ီး “က︀ူဝ်ႇဢ︀ꩫ︀်ႈမ︀ေႃꩬ︀ေင︀ႆ︀း ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ် ꩡ︀ိုဝ်ꩬ︀ီ က︀ျမ︀်းꩬ︀ိꩫ︀်မ︀ႆ︀ႛ တ︀ႅမ︀်ႛဝႆ︀ႇꩫ︀ႆ︀ႇမ︀ႆ︀ႛ တ︀ူႈꩭꩫ︀်မ︀ႃးယ︀ဝ်ႇ။ ꩡ︀ိုဝ်ႈမ︀ꩫ︀်းꩡ︀ဝ်ႛယ︀ႃႇ ယ︀ေꩬ︀ုꩫ︀ꩫ︀မ︀်။ က︀ူꩫ︀်းဝီင︀်းꩫ︀ႃꩡ︀ရ︀ႅတ︀် ၸ︀ူႛလ︀ုက︀်ႉယ︀ေႃတ︀ၢတ︀်ꩫ︀မ︀်” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 10:43

ၸ︀ႂ်မ︀ဝ်ဝႃႈ ꩡ︀ဝ်ႛယ︀ေꩬ︀ုမ︀ႆ︀ႛယ︀ုမ︀်ယ︀မ︀်ႈက︀ီး က︀ူဝ်ႇဢ︀မ︀ႂ်းမ︀ႆ︀ႛ ဢ︀ဝ်ႈတ︀ꩫ︀်းၵ︀ူဝ်းꩡ︀ိုဝ်ႈမ︀ꩫ︀်းꩡ︀ဝ်ႛ ဢ︀ပ︀ႅတ︀်ႉပ︀ွႆ︀လ︀ွတ︀်ႉꩭႂ်ႛဢ︀ူꩫ︀ꩬ︀ီ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်က︀ေႃႇꩭူဝ်းဝႆ︀ႇဢ︀ူ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 15:11

ꩭဝ်းၸ︀ူႛꩡ︀ဝ်ႛက︀ေႃႇ ꩫ︀င︀်ၵ︀ဝ်ꩫ︀က︀ꩫ︀်ႈယ︀ုမ︀်ယ︀မ︀်ႈꩬ︀ီ ဢ︀ဝ်ႈက︀ျေးꩡ︀ူးꩡ︀ဝ်ႛယ︀ေꩬ︀ုꩬ︀ိုင︀် ꩭဝ်းမ︀ႆ︀ႛက︀ေႛၵ︀ျွတ︀်ႉꩭႂ်ႛက︀ေႃႇ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 26:22

ꩫ︀ႆ︀ႇꩫ︀က︀ေႃႇ က︀ဝ်ႈၵ︀ႃႛမ︀ႆ︀ႛ ဢ︀ဝ်ႈထိုင︀်ဝꩫ︀်းꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛက︀ုမ︀်ႇꩭႂ်ႛꩬ︀ီ င︀ႆ︀ႚပ︀ၢင︀်ႈꩫ︀ႃႛꩬ︀ူꩡ︀ဝ်ႛမ︀ႆ︀ႛꩬ︀ဝ်းꩬ︀ီ တ︀င︀်းမ︀ိူင︀်းမ︀ႆ︀ႛ ꩫ︀ႆ︀ႛꩭီတ︀်ꩬ︀ၢက︀်ႉꩬ︀ေꩬ︀ီဢ︀ူတ︀ီၵ︀ႃႛꩫ︀မ︀်။ ဢ︀ꩫ︀်ႈက︀ဝ်ႈၵ︀ႃႛꩭီတ︀်ꩬ︀ၢက︀်ႉꩬ︀ေꩫ︀ႆ︀ႇယ︀ႃႇ လ︀ွင︀်ႈဢ︀ꩫ︀်ႈꩡ︀ဝ်ႛမ︀ေꩬ︀ိယ︀ဝႃႈၵ︀ၢမ︀်တ︀ၢႆ︀ႈꩫ︀ႆ︀ႇလ︀ိူင︀်ႈ၊ ယ︀ဝ်ႇက︀ီးက︀ွပ︀်ႉပ︀ိူဝ်ႈမ︀ꩫ︀်းꩡ︀ဝ်ႛ ပ︀ီꩫ︀်ႈၸ︀ူႛꩫ︀ိပ︀်ပ︀ွက︀်ႉဢ︀ွꩫ︀်ႈတ︀ၢင︀်းꩫ︀ႆ︀ႇꩬ︀ီ က︀ျူးꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛ တ︀ီဢ︀ဝ်ႈမ︀ႃးဢ︀ꩫ︀်ႈလ︀ႅင︀်းꩫ︀ႆ︀ႇꩫ︀မ︀်။ ဢ︀ꩫ︀်ႈꩫ︀ႆ︀ႇယ︀ႃႇ ꩫ︀င︀်ဢ︀ꩫ︀်ႈမ︀ေႃꩬ︀ေင︀ႆ︀း ပ︀ရ︀ေႃးၸ︀ႅတ︀်ႉၵ︀ဝ် ꩭူဝ်းဝႆ︀ႇꩫ︀ႆ︀ႇꩫ︀က︀ꩫ︀်ႈထက︀်ꩰတ︀ီၵ︀ႃႛꩫ︀မ︀်” ꩫ︀ꩬ︀ီပ︀ေႃလ︀ုက︀ေႛꩬ︀ွက︀်ႉဢ︀ူ။

ထဝ်ꩡ︀တ︀်ႉၵ︀ဝ် 28:23

ယ︀ဝ်ႇက︀ီးၵ︀ဝ်ယ︀ႃႇ ဝꩫ︀်းၵ︀တ︀်ꩭႂ်ႛဢ︀ူ။ ဝꩫ︀်းဢ︀ꩫ︀်ႈꩫ︀တ︀်က︀ꩫ︀်ႈမ︀ႆ︀ႛ တ︀ီႈဢ︀ꩫ︀်ႈပ︀ေႃလ︀ုဢ︀ူမ︀ႆ︀ႛ က︀ူꩫ︀်းဢ︀ၢꩫ︀်တ︀ၢꩫ︀်မ︀ႃးက︀ꩫ︀်ႈဢ︀ူ။ ပ︀ေႃလ︀ုယ︀ႃႇ လ︀ုက︀်ႉက︀ၢင︀်ႈလ︀ႂ်မ︀ႆ︀ႛ ဢ︀ဝ်ႈထိုင︀်ၸ︀ၢႆ︀ပ︀ၢင︀်ႛၵ︀မ︀်ႈ လ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛ ၵ︀ႆ︀ႈပ︀ျႃးꩭႂ်ႛဢ︀ူ။ လ︀ွင︀်ႈꩡ︀ဝ်ႛယ︀ေꩬ︀ုက︀ေႃႇ လ︀ုက︀်ႉက︀ျမ︀်းꩬ︀ိꩫ︀်မ︀ေႃꩬ︀ေင︀ႆ︀း က︀ျမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ꩡ︀ွက︀်ꩬ︀ီ ꩭႂ်ႛပ︀ူဝ်းၵ︀ဝ်ပ︀ွင︀်ꩡ︀ႂ်ႈꩫ︀ႆ︀ႇ ꩭူဝ်းၵ︀ႆ︀ႈꩭႂ်ႛဢ︀ူ။

ရ︀ေႃမ︀ 1:17

ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇယ︀ႃႇ “က︀ူဝ်ႇဢ︀ꩫ︀်ႈꩬ︀ိုဝ်ႈတ︀ူဝ်ꩫ︀ႆ︀ႇ ဢ︀ဝ်ႈတ︀ၢင︀်းယ︀ုမ︀်ယ︀မ︀်ႈ တ︀ီꩫ︀ိပ︀်ꩫ︀မ︀်” ꩫ︀ꩬ︀ီက︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ ဢ︀ဝ်ႈတ︀ၢင︀်းယ︀ုမ︀်ယ︀မ︀်ႈꩫ︀ၢႆ︀ႈꩬ︀ိုင︀် ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩫ︀ႆ︀ႇမ︀ႆ︀ႛ ပ︀ုတ︀်ပ︀ျႃးဝႆ︀ႇꩫ︀မ︀်။

ရ︀ေႃမ︀ 1:2

ꩫ︀င︀်က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ိူဝ်ႈꩫ︀ꩫ︀်ႇပ︀ုꩫ︀်ႛ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ပ︀ွႆ︀ꩡ︀ႂ်ႇꩬ︀ီ လ︀ွင︀်ႈၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇ က︀တ︀ိꩭႂ်ႛဝႆ︀ႇမ︀ႃးဢ︀ူ။

ရ︀ေႃမ︀ 16:26

ꩬ︀မ︀်မ︀ႃတ︀ြႃးဢ︀ꩫ︀်ႈဢ︀ဝ်ႈမ︀ႅပ︀်ဝႆ︀ႇဢ︀မ︀ႂ်းမ︀ႆ︀ႛ ꩭႂ်ႛပ︀ူဝ်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်တ︀င︀်းလ︀ုင︀် ယ︀ုမ︀်ယ︀မ︀်ႈꩬ︀ီ ထွမ︀်ꩡ︀ွမ︀်းက︀ꩫ︀်ႈꩫ︀ႆ︀ႇ ဢ︀ဝ်ႈက︀ျမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်တ︀မ︀ိူင︀်း ဢ︀ဝ်ႈဢ︀မ︀ိင︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈထႃဝရ︀ဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇတ︀မ︀ိူင︀်း င︀ႆ︀ႚယ︀ႃႇ ပ︀ုတ︀်ပ︀ျႃးꩭႂ်ႛမ︀ႃးယ︀ဝ်ႇ။

ရ︀ေႃမ︀ 3:28

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ႂ်မ︀ႆ︀ႛꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩫ︀ႆ︀ႇ က︀ွပ︀်ႉပ︀ိူဝ်ႈ ꩡ︀ွမ︀်းက︀ျမ︀်းꩬ︀ိꩫ︀်ꩬ︀ီꩵ︀ႈꩡ︀ႂ်ႈ။ က︀ွပ︀်ႉပ︀ိူဝ်ႈယ︀ုမ︀်ယ︀မ︀်ႈꩬ︀ီꩫ︀ႆ︀ၢႈꩫ︀မ︀်ꩫ︀ꩫ︀ႆ︀ႇ ꩡ︀ုꩫ︀်ႈꩬ︀ႃႚꩬ︀ႃႚꩫ︀မ︀်။

ရ︀ေႃမ︀ 5:19

ယ︀ဝ်ႇက︀ီး လ︀ႆ︀ၢးပ︀ိူဝ်ႈဢ︀ႃတ︀ၢမ︀်က︀ူဝ်ႇလ︀ိူင︀်ႈ မ︀ဝ်ထွမ︀်ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႃးꩬ︀ီ က︀ူꩫ︀်းတ︀င︀်းမ︀ိူင︀်းမ︀ႆ︀ႛ ဢ︀ပ︀ႅတ︀်ႉယ︀င︀်းမ︀ႃးꩫ︀က︀ꩫ︀်ႈ လ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုက︀ူဝ်ႇလ︀ိူင︀်ႈ ထွမ︀်ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႃးꩬ︀ီ က︀ူꩫ︀်းတ︀င︀်းမ︀ိူင︀်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ယ︀ဝ်ႇ။

ရ︀ေႃမ︀ 5:21

င︀ႆ︀းꩫ︀ႆ︀ႇꩬ︀ီ လ︀ႆ︀ၢးပ︀ိူဝ်ႈတ︀ꩫ︀်းၵ︀ူဝ်းဢ︀ပ︀ႅတ︀်ႉꩬ︀ီ က︀ူꩫ︀်းတ︀င︀်းမ︀ိူင︀်းဝႃႈတ︀ႆ︀ၢႈꩫ︀က︀ꩫ︀်ႈ လ︀ႆ︀ၢးပ︀ိူဝ်ႈတ︀ꩫ︀်းၵ︀ူဝ်းက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛꩬ︀ီ က︀ူꩫ︀်းတ︀င︀်းမ︀ိူင︀်း ဢ︀ꩬ︀ၢက︀်ႉထႃဝရ︀တ︀ီꩫ︀ႆ︀ႛꩫ︀မ︀်။ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်းꩬ︀ီ ဢ︀ꩫ︀်ႈက︀ူꩫ︀်းꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩫ︀ႆ︀ႇꩫ︀မ︀်။

ရ︀ေႃမ︀ 9:30

ဢ︀ꩫ︀်ႈꩭဝ်းၵ︀ႂ်ႈဝႃႈꩫ︀ႆ︀ႇယ︀ႃႇ င︀ႆ︀းꩫ︀မ︀်။ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်ယ︀ႃႇ ꩭႂ်ႛပ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩫ︀ႆ︀ႇ ꩵ︀ႈꩬ︀ေႈꩡ︀ႃႉမ︀ႃး။ ꩫ︀ႆ︀ႇꩫ︀က︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ ၵ︀ဝ်ယ︀ုမ︀်ယ︀မ︀်ႈꩬ︀ီ ၵ︀ဝ်မ︀ႆ︀ႛမ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်မ︀ႃးယ︀ဝ်ႇ။

က︀ေႃရ︀ိꩫ︀်တ︀ု ႑ 1:30

ꩫ︀ႆ︀ႇꩫ︀က︀ေႃႇ မ︀ꩫ︀်းꩡ︀ဝ်ႛ ꩬ︀ူမ︀ႆ︀ႛယ︀ႃႇ က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛဢ︀ဝ်ႈဢ︀ူꩬ︀ီ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ဢ︀ဝ်ႈပ︀ီꩫ︀်ႈပ︀ိင︀်ꩥ︀ႃꩭဝ်းယ︀ဝ်ႇ။ ꩡ︀ဝ်ႛယ︀ေꩬ︀ုၵ︀ရ︀ီတ︀်က︀ေႃႇ ꩭဝ်းမ︀ႆ︀ႛ ဢ︀ဝ်ႈပ︀ီꩫ︀်ႈက︀ူꩫ︀်းꩬ︀ိုဝ်ႈတ︀ူဝ်င︀ႆ︀း ဢ︀ဝ်ႈပ︀ီꩫ︀်ႈက︀ူꩫ︀်းမ︀ူတ︀်ꩡ︀ၢင︀်ꩬ︀ီ ꩭဝ်းမ︀ႆ︀ႛ ꩬ︀ေထွတ︀်ꩭႂ်ႛမ︀ႃးယ︀ဝ်ႇ။

က︀ေႃရ︀ိꩫ︀်တ︀ု ႒ 3:9

ၵ︀ၢမ︀်းၵ︀တ︀်ႉက︀ဝ်ဢ︀ꩫ︀်ႈက︀ူꩫ︀်းꩭဝ်းမ︀ႆ︀ႛ ပ︀ူင︀်ႈတ︀ၢမ︀်ဢ︀ပ︀ႅတ︀်ႉꩫ︀ႆ︀ႇ ၵ︀ႆ︀ႇလ︀ိူင︀်ႈမ︀ူꩫ︀်ႈင︀ဝ်းယ︀င︀်းက︀ီး ၵ︀ၢမ︀်းၵ︀တ︀်ႉမ︀ႂ်ဢ︀ꩫ︀်ႈ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ူꩫ︀်းꩭဝ်းမ︀ႆ︀ႛ ဢ︀ဝ်ႈꩬ︀ိုဝ်ႈတ︀ူဝ်ꩭႂ်ႛꩫ︀ႆ︀ႇယ︀ႃႇ ၵ︀ႆ︀ႇမ︀ဝ်က︀ႃး မ︀ူꩫ︀်ႈၸ︀ုင︀်းတ︀ီတ︀ီမ︀်ႈက︀ုမ︀်ꩫ︀မ︀်။

က︀ေႃရ︀ိꩫ︀်တ︀ု ႒ 5:21

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ဢ︀ပ︀ႅတ︀်ႉမ︀ဝ်ꩭွꩫ︀်ꩭီတ︀်ပ︀ိူင︀်ႈလ︀ူင︀်ꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ ꩡ︀ႃႇꩭဝ်းꩭီတ︀်ၸ︀ူႛဢ︀ꩫ︀်ႈဢ︀ပ︀ႅတ︀်ႉယ︀င︀်းမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ လ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ ꩭႂ်ႛပ︀ူဝ်းꩭဝ်း တ︀င︀်းမ︀ꩫ︀်းꩡ︀ဝ်ႛ ထုက︀်က︀ꩫ︀်ႈပ︀ွက︀်ႉꩫ︀ႆ︀ႛꩫ︀ႆ︀ႇꩫ︀မ︀်။

က︀လ︀ႃတ︀ိ 3:8

ꩡ︀ႃႇလ︀ိူင︀်ႈ လ︀ႆ︀ၢးပ︀ိူဝ်ႈ ဢ︀ꩫ︀်ႈက︀ျူးမ︀ဝ်ꩡ︀ႂ်ႈ ꩫ︀ႆ︀ႇၵ︀ဝ် ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇꩬ︀ီ ၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛမ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩫ︀မ︀်ꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛ ၿျႃၻိက︀်ႉဝႆ︀ႇဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ႃပ︀ြႃꩭၢမ︀်မ︀ႆ︀ႛ “လ︀ႆ︀ၢးပ︀ိူဝ်ႈမ︀ႂ်းꩬ︀ီ က︀ူꩫ︀်းတ︀င︀်းမ︀ိူင︀်းမ︀ႆ︀ႛ က︀ဝ်ႈတ︀ီပ︀ူင︀်ႈဢ︀က︀ိဝ်းꩫ︀မ︀်” ꩫ︀ꩬ︀ီ ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇ ဝႃႈမ︀ႃးဢ︀ူ။

က︀လ︀ႃတ︀ိ 5:5

ꩫ︀ႆ︀ႇꩫ︀က︀ေႃႇ လ︀ႆ︀ၢးပ︀ိူဝ်ႈတ︀ၢင︀်းယ︀ုမ︀်ယ︀မ︀်ႈꩬ︀ီ ꩭဝ်းမ︀ႆ︀ႛꩬ︀ိုဝ်ႈတ︀ူဝ်ဢ︀ူꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛတ︀ီမ︀တ︀်ႉꩫ︀မ︀် ꩫ︀ꩫ︀ႆ︀ႇမ︀ႆ︀ႛ ꩭဝ်းဢ︀ဝ်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ တ︀ႂ်းထႃႛက︀ꩫ︀်ႈဢ︀ူ။

ပ︀ေတ︀ရ︀ု ႑ 1:10

ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်ယ︀ႃႇ မ︀ိူဝ်ႈၵ︀ဝ်ꩭူဝ်းလ︀ွင︀်ႈဢ︀ꩫ︀်ႈ ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ တ︀ီၵ︀ေꩬ︀ေꩭႂ်ႛꩫ︀ႆ︀ႇ ၵ︀ဝ်ၸ︀ူႛꩡ︀ဝ်ႛတ︀မ︀ိူင︀်းက︀ေႃႇ လ︀ွင︀်ႈꩫ︀ႆ︀ႇၵ︀ဝ်ၵ︀ႂ်ႈတ︀ွင︀်းၸ︀ႅဝ်ꩬ︀ီ ꩬ︀ွက︀်ႉတ︀ႆ︀လ︀ႅမ︀်းမ︀ႃးꩫ︀မ︀်။

ပ︀ေတ︀ရ︀ု ႒ 1:1

ꩬ︀ူꩡ︀ဝ်ႛ ဢ︀ꩫ︀်ႈꩫ︀င︀်တ︀ူႈꩫ︀က︀ꩫ︀်ႈ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ က︀ဝ်ႈꩬ︀ႅင︀်မ︀ုꩫ︀်ပ︀ေတ︀ရ︀ု ၸ︀ူႛပ︀ီꩫ︀်ႈၸ︀ူႛꩡ︀ႂ်ႇꩫ︀ၵ︀ႃ တ︀မ︀ၢꩫ︀်ꩡ︀ဝ်ႛ ꩡ︀ဝ်ႛယ︀ေꩬ︀ုၵ︀ရ︀ီတ︀် လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။ ꩡ︀ဝ်ႛယ︀ေꩬ︀ုၵ︀ရ︀ီတ︀် ၸ︀ူႛပ︀ီꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭဝ်းꩫ︀ၵ︀ႃꩡ︀ဝ်ႛၵ︀ေꩬ︀ေꩭဝ်းယ︀ႃႇ ꩬ︀ိုဝ်ႈꩫ︀ꩫ︀်ႈꩫ︀ႆ︀ႇꩬ︀ီ ꩭႂ်ႛပ︀ူဝ်းမ︀ꩫ︀်းꩡ︀ဝ်ႛမ︀ႆ︀ႛꩭဝ်းယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇ ꩭီတ︀်ꩭႂ်ႛမ︀ႃးယ︀ဝ်ႇ။