ရ︀ေႃမ︀ 2:5 - Khamti Shan

⁵ ꩬ︀ူꩫ︀င︀်င︀ႆ︀းꩡ︀ႂ်ႈၵ︀ႅင︀်ꩬ︀ီ လ︀ုက︀်ႉဢ︀ပ︀ႅတ︀်ႉမ︀ႆ︀ႛ မ︀ဝ်ꩬ︀ၢင︀်ဝွေပ︀ွက︀်ႉမ︀ႃးꩫ︀ႆ︀ႇယ︀ႃႇ ဢ︀ꩫ︀်ႈꩬ︀ူၸ︀ူႛꩡ︀ဝ်ႛမ︀ႆ︀ႛ ꩭၢင︀်းꩭႂ်ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ေႈၵ︀ႅꩫ︀်းတ︀ေႃးꩬ︀ႃးꩫ︀ႆ︀ၢႈꩫ︀မ︀်။ ဢ︀မ︀ႂ်းယ︀ႃႇ ဝꩫ︀်းမ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ ꩬ︀ိုဝ်ႈꩰꩫ︀ꩫ︀်ႈꩰပ︀ႅတ︀်ႉတ︀ြႃးꩬ︀ီ ဢ︀ပ︀ႅတ︀်ႉမ︀ႆ︀ႛမ︀ꩫ︀်းꩡ︀ဝ်ႛၵ︀ႂ်ႈလ︀ႂ်ႈꩡ︀င︀်းꩫ︀ꩬ︀ီပ︀ျႃးꩫ︀ႆ︀ႇ တ︀ီပ︀ီꩫ︀်ႈမ︀ႃးꩫ︀မ︀်။

ရ︀ေႃမ︀ 2:5 ပူးပေါင်းရင်းမြစ်များ

ရ︀ေႃမ︀ 1:18

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ွပ︀်ႉပ︀ိူဝ်ႈက︀ူꩫ︀်းꩫ︀ႆ︀ႇၵ︀ဝ် မ︀ꩫ︀်းꩡ︀ဝ်ႛမ︀ႆ︀ႛမ︀ဝ်က︀ူဝ်ႈယ︀မ︀်ႈင︀ႆ︀း ꩭီတ︀်ဢ︀ꩫ︀်ႈမ︀ဝ်တ︀ြႃးꩫ︀ႆ︀ႇꩬ︀ီ ဢ︀ꩫ︀်ႈꩬ︀ိုဝ်ႈꩡ︀ႂ်ႈမ︀ꩫ︀်းꩡ︀ဝ်ႛမ︀ႆ︀ႛ လ︀ၢပ︀်ႉဝႆ︀ႇꩫ︀ႆ︀ႇမ︀ႆ︀ႛ မ︀ꩫ︀်းꩡ︀ဝ်ႛၵ︀ႂ်ႈလ︀ႂ်ႈတ︀ေႃးꩬ︀ႃးꩫ︀ꩫ︀ႆ︀ႇ လ︀ုက︀်ႉက︀ၢင︀်ႈꩭၢဝ်မ︀ႆ︀ႛ ပ︀ုတ︀်ၵ︀ႆ︀ႈဝႆ︀ႇဢ︀ူ။

ရ︀ေႃမ︀ 11:25

ပ︀ီႈꩫ︀ွင︀်ႇၵ︀ဝ်ꩴ︀း ꩭႂ်ႛပ︀ူဝ်းꩬ︀ူမ︀ဝ်က︀မ︀်ႇလ︀ွင︀်ႛꩫ︀ႆ︀ႇ လ︀ွင︀်ႈဢ︀ꩫ︀်ႈလ︀ိူက︀်ႉလ︀မ︀် ဢ︀ꩫ︀်ႈင︀ႆ︀ႚꩬ︀ိုင︀်ၸ︀ြႃးပ︀ီꩫ︀်ႈꩡ︀ဝ်ႛပ︀ုတ︀်ၵ︀ႆ︀ႈမ︀ႃးꩫ︀ႆ︀ႇ ꩬ︀ူမ︀ႆ︀ႛၵ︀ႂ်ႈꩭႂ်ႛတ︀ွင︀်းဢ︀ူ။ ဢ︀ꩫ︀်ႈဢ︀ီတ︀်ꩬ︀ြေးၵ︀ဝ် တ︀ၢꩫ︀်ႛယ︀ပ︀်ꩫ︀ႆ︀ႇယ︀ႃႇ ꩡ︀ူဝ်ႈဢ︀ꩬ︀ၢက︀်ႉꩵ︀ႈꩡ︀ႂ်ႈ။ ꩡ︀ူဝ်ႈက︀ႃႈဢ︀ꩫ︀်ႈက︀ျူးမ︀ဝ်ꩡ︀ႂ်ႈဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ တ︀ီယ︀ုမ︀်ယ︀မ︀်ႈမ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်း မ︀ဝ်ပ︀ႆ︀ယ︀ုမ︀်ယ︀မ︀်ႈမ︀ႃးꩫ︀ႆ︀ၢႈꩫ︀မ︀်။

ရ︀ေႃမ︀ 9:22

ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ င︀ႆ︀းꩫ︀မ︀်ꩭီတ︀်ꩫ︀ႆ︀ႇ။ မ︀ꩫ︀်းꩡ︀ဝ်ႛ က︀ူꩫ︀်းꩭဝ်းမ︀ႆ︀ႛ တ︀ေႃးꩬ︀ႃးမ︀ꩫ︀်းꩡ︀ဝ်ႛꩫ︀ၵ︀ႃ တ︀ꩫ︀်းၵ︀ူဝ်းမ︀ꩫ︀်းꩡ︀ဝ်ႛ ၵ︀ႂ်ႈပ︀ျႃးꩡ︀ုꩫ︀်ႈꩰဢ︀ူ။ ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈလ︀ူႇပ︀ႅက︀်ႉထႅက︀်ႉꩬ︀ီ မ︀ꩫ︀်းꩡ︀ဝ်ႛတ︀ီပ︀ႅတ︀်ႉတ︀ြႃးꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛꩬ︀ေးၵ︀ၢမ︀်လ︀ူင︀်ꩫ︀မ︀်။

က︀ေႃရ︀ိꩫ︀်တ︀ု ႒ 5:10

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဝꩫ︀်းလ︀ိူင︀်ႈ ꩭဝ်းတ︀င︀်းမ︀ိူင︀်း ပ︀ၢင︀်ႈꩫ︀ႃႛဢ︀ꩫ︀်ႈꩡ︀ဝ်ႛၵ︀ရ︀ီတ︀် ပ︀ႅတ︀်ႉတ︀ြႃးမ︀ႆ︀ႛ ဝႃႈက︀ႃꩬ︀ဝ်းꩫ︀မ︀်။ မ︀ိူဝ်ႈဢ︀မ︀ႂ်း က︀ႃႈဢ︀ꩫ︀်ႈꩭဝ်း မ︀ိူဝ်ႈဢ︀ူတ︀ူဝ်ႈမ︀ိူင︀်းက︀ၢင︀်ႈꩫ︀ႆ︀ႇ ꩭီတ︀်မ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ ꩫ︀ီႈ၊ မ︀ဝ်ꩫ︀ီႈ ဢ︀က︀ိဝ်းဢ︀ပ︀ႅတ︀်ႉ ဢ︀ꩫ︀်ႈꩫ︀င︀်ꩭဝ်းထႅက︀်ႉꩫ︀ႆ︀ႇ မ︀ꩫ︀်းꩡ︀ဝ်ႛ တ︀ီပ︀ူင︀်ႈꩭႂ်ႛꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႒ 1:5

ꩬ︀ူလ︀ွင︀်ႈယ︀ပ︀်ယ︀ၢက︀်ႉမ︀ႆ︀ႛ က︀ꩫ︀်ႛပ︀ီꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛပ︀ႅတ︀်ႉတ︀ြႃးꩫ︀ႆ︀ႇ တ︀ြႃးဢ︀ူꩫ︀ꩫ︀ႆ︀ႇပ︀ျႃးꩬ︀ၢက︀်ႉꩬ︀ေꩫ︀မ︀်။ လ︀ႆ︀ၢးပ︀ိူဝ်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛꩬ︀ီ ꩬ︀ူꩫ︀ႆ︀ႛယ︀ပ︀်ယ︀ၢက︀်ႉꩬ︀ၢင︀်းလ︀ေးꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ တ︀င︀်းမ︀ိူင︀်းမ︀ꩫ︀်းꩡ︀ဝ်ႛထႅက︀်ႉယ︀ဝ်ႇꩫ︀ꩬ︀ီ ꩬ︀ူမ︀ႆ︀ႛတ︀ီꩭၢပ︀်ႉꩫ︀မ︀်။

ꩭေပ︀ရ︀ူး 3:13

ꩫ︀ႂ်းꩬ︀ူမ︀ႆ︀ႛ က︀ူဝ်ႇလ︀ိူင︀်ႈꩫ︀ႆ︀ၢႈက︀ေႃႇ ဢ︀ပ︀ႅတ︀်ႉၸ︀ၢမ︀်းꩬ︀ီ ꩭႂ်ႛပ︀ူဝ်းꩭူဝ်ꩡ︀ႂ်ႈမ︀ဝ်ၵ︀ႅင︀်က︀ႃꩫ︀ႆ︀ႇ “ဝꩫ︀်းမ︀ိူဝ်ႈꩫ︀ႆ︀ႇ” ꩫ︀ꩫ︀ႆ︀ႇ ဝꩫ︀်းဢ︀ꩫ︀်ႈꩭဝ်းဢ︀ꩬ︀ၢက︀်ႉꩫ︀ိပ︀် က︀ူႈဝꩫ︀်းမ︀ႆ︀ႛ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩬ︀ႂ်ꩭႅင︀်းꩭႂ်ႛက︀ꩫ︀်ႈတ︀ႃႉ။

ꩭေပ︀ရ︀ူး 3:15

က︀ျမ︀်းလ︀ိက︀်ႉမ︀ႆ︀ႛ “မ︀ိူဝ်ႈꩫ︀ႆ︀ႇꩬ︀ူ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ႆ︀ႛꩥ︀ိꩫ︀်းက︀ီး ꩫ︀င︀်ပ︀ူလ︀ီꩫ︀်ယ︀ႃႈမ︀ွꩫ︀်ꩬ︀ူꩫ︀ႆ︀ႇၵ︀ဝ် မ︀ꩫ︀်းꩡ︀ဝ်ႛမ︀ႆ︀ႛ ꩬ︀ၢꩫ︀်တ︀ၢꩫ︀်းမ︀ႃးꩫ︀ႆ︀ႇꩫ︀က︀ꩫ︀်ႈ ꩬ︀ူꩡ︀ႂ်ႈပ︀ီၵ︀ႅင︀်က︀ꩫ︀်ႈ” ꩫ︀ꩬ︀ီဝႃႈဝႆ︀ႇဢ︀ူ။

ꩭေပ︀ရ︀ူး 4:7

င︀ႆ︀းꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ “မ︀ိူဝ်ႈꩫ︀ႆ︀ႇ” ꩫ︀ꩬ︀ီ ယ︀ၢမ︀်းꩡ︀ႃႇၵ︀ဝ်ႛတ︀ီႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃမ︀ꩫ︀်းꩡ︀ဝ်ႛ ဝꩫ︀်းလ︀ိူင︀်ႈ ꩡ︀ွင︀်ဝႆ︀ႇꩫ︀က︀ဝ်ဢ︀ူ။ ဝႆ︀ၢးဢ︀မ︀ႂ်း က︀ီလ︀ႆ︀ၢပ︀ီႈပ︀ူꩫ︀်ႇမ︀ႃးက︀ႃꩫ︀ႆ︀ႇꩬ︀ိုင︀် ꩫ︀င︀်က︀ꩫ︀်ႛꩫ︀ိူဝ်မ︀ႆ︀ႛဝႃႈဝႆ︀ႇꩫ︀က︀ꩫ︀်ႈ “မ︀ိူဝ်ႈꩫ︀ႆ︀ႇꩬ︀ူ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ႆ︀ႛꩥ︀ိꩫ︀်းက︀ီး ꩬ︀ူꩡ︀ႂ်ႈပ︀ီၵ︀ႅင︀်က︀ꩫ︀်ႈ” ꩫ︀ꩬ︀ီ ꩡ︀ဝ်ႛꩭူဝ်ၵ︀မ︀်းၻႃဝိမ︀ႆ︀ႛ ꩭႂ်ႛဝႃႈမ︀ႃးꩫ︀က︀ဝ်ဢ︀ူ။

ယ︀ႃက︀ု 5:3

င︀ိူꩫ︀်းၵ︀မ︀်းꩬ︀ူက︀ေႃႇ ၵ︀ီႛၵ︀ၢꩫ︀်ႇက︀ိꩫ︀်ႈမ︀ူတ︀်ယ︀ဝ်ႇ။ ၵ︀ီၵ︀ၢꩫ︀်ႇဢ︀မ︀ႂ်းၵ︀ဝ်ယ︀ႃႇ ꩬ︀ၢက︀်ႉꩬ︀ေဢ︀ꩫ︀်ႈꩬ︀ူမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ီꩭႂ်ႛတ︀ၢမ︀်ꩫ︀ႆ︀ႇꩫ︀မ︀်။ မ︀ဝ်ꩭိုင︀်က︀ꩬ︀င︀် ꩬ︀ူမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ီꩡ︀ႅပ︀်ႉတ︀ြႃးꩫ︀ႆ︀ႇꩬ︀ီ ꩭၢင︀်းက︀ꩬ︀င︀်ꩫ︀ႆ︀ꩬ︀ူ ꩭွမ︀်ၵ︀ိူင︀်ႈၵ︀ူဝ်းလ︀ိင︀်းက︀ꩫ︀်ႈꩫ︀ႆ︀ႇ။

ပ︀ေတ︀ရ︀ု ႒ 2:9

င︀ႆ︀းꩫ︀ႆ︀ႇꩬ︀ီ လ︀ႅမ︀်းတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛက︀ူဝ်ႈယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ လ︀ုက︀်ႉဢ︀ꩫ︀်ႈယ︀ပ︀်ယ︀ၢက︀်ႉꩫ︀ႆ︀ႇၵ︀ဝ်မ︀ႆ︀ႛ ၵ︀ေꩬ︀ေꩭႂ်ႛꩬ︀ီ ဢ︀ꩫ︀်ႈမ︀ဝ်က︀ူဝ်ႈယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛယ︀ႃႇ တ︀ူဝ်ထိုင︀်ဝꩫ︀်းပ︀ႅတ︀်ႉတ︀ြႃးပ︀ႆ︀ၢႈꩭၢင︀်လ︀ေႚလ︀ေႚ တ︀ီပ︀ူင︀်ႈတ︀ၢမ︀်က︀ႃꩫ︀မ︀်။

ပ︀ေတ︀ရ︀ု ႒ 3:7

ꩫ︀ႆ︀ႇꩫ︀က︀ေႃႇ က︀ၢင︀်ႈꩭၢဝ်ꩫ︀ၵ︀ႃလ︀င︀်ꩫ︀ိꩫ︀်ႈဢ︀ꩫ︀်ႈင︀ႆ︀ႚမ︀ႆ︀ႛယ︀ႃႇ က︀ႃႈဝꩫ︀်းဢ︀ꩫ︀်ႈပ︀ႅတ︀်ႉတ︀ြႃးမ︀ဝ်ထိုင︀်ယ︀ႃႇ ဢ︀ဝ်ႈဢ︀မ︀ိင︀်းမ︀ꩫ︀်းꩡ︀ဝ်ႛ ဢ︀ဝ်ႈမ︀ꩫ︀်ႛတ︀ိူင︀်ႈဝႆ︀ႇဢ︀ူ။ ဝꩫ︀်းဢ︀မ︀ႂ်းထိုင︀်က︀ီး ၸ︀ြႃးပ︀ီꩫ︀်ႈꩡ︀ဝ်ႛ က︀ၢင︀်ႈꩭၢဝ်ꩫ︀ၵ︀ႃလ︀င︀်ꩫ︀ိꩫ︀်ႈꩫ︀ႆ︀ႇမ︀ႆ︀ႛ ꩬ︀ုမ︀်ၸ︀ႆ︀းၵ︀ွတ︀်ꩬ︀ီ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛမ︀ဝ်တ︀ွင︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ပ︀ႅတ︀်ႉတ︀ြႃးꩬ︀ီ တ︀ီဢ︀ဝ်ႈလ︀ူႇပ︀ႅက︀်ႉက︀ႃꩫ︀မ︀်။

ယ︀ုတ︀ 1:6

ꩡ︀ႃႇလ︀ိူင︀်ႈ ၵ︀ုꩫ︀်ꩬ︀ၢင︀်ဢ︀ꩫ︀်ႈ ꩡ︀ꩫ︀်ႇၸ︀ူႛꩡ︀ဝ်ႛမ︀ႆ︀ႛ မ︀ဝ်ဢ︀ူꩫ︀ီႈꩫ︀ီႈꩬ︀ီ လ︀ုက︀်ႉဢ︀ွင︀်ႛၸ︀ူႛꩡ︀ဝ်ႛမ︀ႆ︀ႛ ဢ︀ွက︀်က︀ႃꩫ︀ႆ︀ႇၵ︀ဝ်မ︀ႆ︀ႛက︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛ တ︀ီႈဢ︀ꩫ︀်ႈꩫ︀မ︀်ႈꩬ︀ိင︀်လ︀ူင︀်မ︀ႆ︀ႛ ꩡ︀ႃႇꩭၢင︀်းဝꩫ︀်းပ︀ႅတ︀်ႉတ︀ြႃး ၸ︀ုက︀်ဝႆ︀ႇလ︀ေႚလ︀ေႚꩬ︀ီ ၵ︀င︀်ဝႆ︀ႇဢ︀ူ။

ၿျႃၻိက︀်ႉ 2:21

တ︀ိူက︀်ႉယ︀ၢမ︀်းဢ︀ꩫ︀်ႈမ︀ꩫ︀်း ထုက︀်ꩫ︀ီႈꩬ︀ၢင︀်ဝွေꩫ︀ႆ︀ႇ က︀ဝ်ႈပ︀ႂ်ႇထႃႛမ︀ႃးꩫ︀က︀ေႃႇ မ︀ꩫ︀်းယ︀ႃႇ လ︀ုက︀်ႉဢ︀ꩫ︀်ႈၸ︀ိတ︀်မ︀ေထုင︀်မ︀ႆ︀ႛ ꩵ︀ႈၵ︀ႂ်ႈꩬ︀ၢင︀်ဝွေမ︀ႃး။

ၿျႃၻိက︀်ႉ 6:17

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဝꩫ︀်းဢ︀ꩫ︀်ႈၵ︀ဝ်ꩡ︀ဝ်ႛ တ︀ေႃးꩬ︀ႃးꩬ︀ီပ︀ူင︀်ႈတ︀ၢမ︀်ꩫ︀ႆ︀ႇ ထိုင︀်မ︀ႃးယ︀ဝ်ႇ။ ၸ︀ႂ်က︀ေႃႇၵ︀ၢမ︀်ꩵ︀ႈပ︀ီꩫ︀်ႈ” ꩫ︀ꩬ︀ီဢ︀ိဝ်က︀ꩫ︀်ႈဢ︀ူ။