ရ︀ေႃမ︀ 2:28 - Khamti Shan

^28-29 က︀ျူးက︀ူဝ်ႇလ︀ိူင︀်ႈ လ︀ဝ်ႈတ︀ူဝ်ႈက︀ꩫ︀်ႛꩫ︀ွက︀်ႉတ︀ူဝ်ႈမ︀ႆ︀ႛ ꩫ︀င︀်က︀ျူးꩫ︀က︀ꩫ︀်ႈဢ︀ူꩬ︀ီ မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ꩭၢပ︀်ႉဢ︀ဝ်ႈꩬ︀ီꩫ︀ႆ︀ၢႈယ︀ႃႇ ပ︀ီꩫ︀်ႈက︀ျူးတ︀ေႇတ︀ေႇꩵ︀ႈꩡ︀ႂ်ႈ။ က︀ျူးတ︀ေႇတ︀ေႇꩫ︀ꩫ︀ႆ︀ႇယ︀ႃႇ က︀ူဝ်ႇဢ︀ꩫ︀်ႈလ︀ုက︀်ႉက︀ꩫ︀်ႛꩫ︀ႂ်းꩡ︀ႂ်ႈလ︀ေႚလ︀ေႚမ︀ႆ︀ႛ ပ︀ီꩫ︀်ႈက︀ျူးꩫ︀ႆ︀ႇꩫ︀မ︀်။ မ︀ၢင︀်က︀လ︀ႃဢ︀ꩫ︀်ႈပ︀တ︀်ပ︀ႆ︀ၢႈꩫ︀င︀်တ︀ေႇတ︀ေႇꩫ︀ꩫ︀ႆ︀ႇက︀ေႃႇ ဢ︀ꩫ︀်ႈၸ︀ိဝ်ꩫ︀င︀်မ︀ႆ︀ႛပ︀တ︀်ဝႆ︀ႇꩫ︀ႆ︀ၢႈꩵ︀ႈꩡ︀ႂ်ႈ။ ဢ︀ꩫ︀်ႈလ︀ုက︀်ႉက︀ꩫ︀်ႛꩫ︀ႂ်းꩡ︀ႂ်ႈလ︀ေႚလ︀ေႚမ︀ႆ︀ႛ ဢ︀ဝ်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩬ︀ိုင︀်လ︀ႆ︀ၢႈဢ︀ဝ်ႈꩫ︀မ︀်။ က︀ူဝ်ႇဢ︀ꩫ︀်ႈလ︀ုက︀်ႉꩫ︀ႂ်းꩡ︀ႂ်ႈလ︀ေႚလ︀ေႚမ︀ႆ︀ႛ လ︀ႆ︀ၢႈꩫ︀ႆ︀ႇယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ တ︀ီယ︀ူဝ်းယ︀ွင︀်ႛꩫ︀ႆ︀ၢႈꩫ︀မ︀်ꩭီတ︀်ꩫ︀ႆ︀ႇ။ ဢ︀ꩫ︀်ႈက︀ူꩫ︀်းတ︀ီယ︀ူဝ်းယ︀ွင︀်ႛ ꩵ︀ႈꩭီတ︀်။

ရ︀ေႃမ︀ 2:28 ပူးပေါင်းရင်းမြစ်များ

မ︀တ︀်တ︀ႄး 3:9

ꩬ︀ူ လ︀ုက︀်ႉလ︀ၢင︀်းဢ︀ႃပ︀ြႃꩭၢမ︀်ꩫ︀မ︀်ꩫ︀ꩬ︀ီဝႃႈꩬ︀ီꩫ︀ႆ︀ၢႈယ︀ႃႇ လ︀ုက︀်ႉတ︀ၢမ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၵ︀ꩫ︀်တ︀ႂ်းတ︀ီꩫ︀ႆ︀ႛလ︀ွတ︀်ႉက︀ျႃး။ ꩵ︀ႈလ︀ွတ︀်ႉ။ က︀ဝ်ႈဝႃႈက︀ွတ︀်။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ုက︀်ႉꩭိꩫ︀်ဢ︀ꩫ︀်ႈꩫ︀ႆ︀ႇၵ︀ဝ်မ︀ႆ︀ႛꩫ︀ႆ︀ၢႈက︀ေႃႇ လ︀ုက︀်ႉလ︀ၢင︀်းဢ︀ႃပ︀ြႃꩭၢမ︀်ꩫ︀ႆ︀ႇၵ︀ဝ် ဢ︀ဝ်ႈဢ︀ွက︀်မ︀ႃးꩫ︀ႆ︀ႛဢ︀ူ။

ယ︀ေႃးꩭၢꩫ︀် 1:47

ꩫ︀ႃတ︀ꩫ︀ေလ︀မ︀ႆ︀ႛ ꩡ︀ဝ်ႛယ︀ေꩬ︀ုꩭꩫ︀်က︀ီး “ပ︀လ︀ေႃး ဢ︀မ︀ႂ်း ဢ︀ီတ︀်ꩬ︀ြေး ꩡ︀ႅတ︀်ႉꩰꩬ︀ႃး။ က︀ူꩫ︀်းꩬ︀ိုဝ်ႈတ︀ူဝ်ꩬ︀ႃး” ꩫ︀ဝꩫ︀်ႇ။

ရ︀ေႃမ︀ 2:17

ꩬ︀ူ ဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛꩭွင︀်ႇက︀ျူးꩫ︀ႆ︀ႇၵ︀ဝ်ယ︀ႃႇ က︀ျမ︀်းꩬ︀ိꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီ “တ︀ူႈယ︀ႃႇက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်” ꩫ︀ꩬ︀ီ က︀မ︀်ႇလ︀ွင︀်ႛလ︀ူင︀်ꩫ︀မ︀်။

က︀လ︀ႃတ︀ိ 6:15

ꩭဝ်းမ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀် ꩭၢပ︀်ႉမ︀ဝ်ꩭၢပ︀်ႉꩫ︀ႆ︀ႇယ︀ႃႇ ꩵ︀ႈဢ︀ၵ︀ႅက︀်ႉပ︀ိူင︀်ႈလ︀ူင︀်။ ဢ︀ꩫ︀်ႈဢ︀ၵ︀ႅက︀်ႉꩫ︀ႆ︀ႇယ︀ႃႇ ဢ︀ꩫ︀်ႈꩭဝ်းဝႃႈပ︀ီꩫ︀်ႈက︀ူꩫ︀်းမ︀ႂ်ꩫ︀ႆ︀ႇꩫ︀မ︀်။

ဢ︀ေၸ︀ႅတ︀် 2:11

မ︀ိူဝ်ႈင︀ႃးပ︀ုꩫ︀်ႛꩬ︀ူပ︀ီꩫ︀်ႈꩭလ︀ိုဝ်မ︀ႃးꩫ︀ꩫ︀ႆ︀ႇမ︀ႆ︀ႛ ဢ︀ွက︀်ꩡ︀ႂ်ႈက︀ꩫ︀်ႈတ︀ႃႉ။ က︀ျူးဢ︀ꩫ︀်ႈၵ︀ၢပ︀်ႉက︀ႃႛယ︀မ︀ႆ︀ႛပ︀တ︀်ပ︀ႆ︀ၢႈꩫ︀င︀်ꩫ︀ႆ︀ႇၵ︀ဝ်ယ︀ႃႇ ꩬ︀ူဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ၸ︀ူႛဢ︀ꩫ︀်ႈပ︀ႆ︀ၢႈꩫ︀င︀်မ︀ဝ်ပ︀တ︀်ꩫ︀ႆ︀ႇၵ︀ဝ်ꩫ︀ꩬ︀ီ ꩭွင︀်ႇမ︀ႃးꩫ︀ႆ︀ႇမ︀ႆ︀ႛ ဢ︀ွက︀်ꩡ︀ႂ်ႈက︀ꩫ︀်ႈတ︀ႃႉ။ ၵ︀ဝ်ဝႃႈင︀ႆ︀းꩫ︀ႆ︀ႇယ︀ႃႇ ဢ︀ꩫ︀်ႈက︀မ︀်ႇလ︀ွင︀်ႛꩬ︀ီဝႃႈမ︀ႃးꩫ︀မ︀်။ ꩭလ︀ိုဝ်ꩫ︀က︀ေႃႇ ဢ︀ꩫ︀်ႈပ︀တ︀်ပ︀ၢႆ︀ႈꩫ︀င︀်ꩫ︀ꩫ︀ႆ︀ႇယ︀ႃႇ တ︀ူဝ်ႈမ︀ႆ︀ႛꩫ︀ၢႆ︀ႈꩫ︀မ︀်ꩭီတ︀်ꩫ︀ႆ︀ႇ။ ꩡ︀ႃႇꩭူဝ်ꩡ︀ႂ်ႈယ︀ႃႇ ဢ︀က︀ိဝ်းꩵ︀ႈယ︀င︀်း။

ပ︀ေတ︀ရ︀ု ႑ 3:21

ꩫ︀မ︀်ႇဢ︀မ︀ႂ်းယ︀ႃႇ ꩫ︀င︀်ꩫ︀မ︀်ႇဢ︀ꩫ︀်ႈင︀ႆ︀ႚꩬ︀ူ ၵ︀ၢမ︀်မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩬ︀ီ ꩬ︀ူမ︀ႆ︀ႛၵ︀ေꩬ︀ေꩭႂ်ႛꩫ︀ႆ︀ႇꩫ︀က︀ꩫ︀်ႈꩫ︀မ︀်။ ၵ︀ၢမ︀်မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩫ︀ꩫ︀ႆ︀ႇယ︀ႃႇ ဢ︀ꩫ︀်ႈꩬ︀ုက︀်ႉၵ︀ႆ︀းတ︀ူဝ်ႈꩭၢင︀်ႈꩵ︀ႈꩡ︀ႂ်ႈ။ ဢ︀ꩫ︀်ႈꩫ︀ႂ်းꩡ︀ႂ်ႈၵ︀ွꩫ︀်ꩬ︀ူမ︀ႆ︀ႛ ꩡ︀ုꩫ︀်ႈꩰလ︀ႅင︀်းꩰက︀ႃꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူꩭႂ်ႛက︀တ︀ိꩫ︀ႆ︀ႇꩫ︀မ︀်။ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇမ︀ႆ︀ႛ ꩭီတ︀်င︀ဝ်ႛꩬ︀ီ ꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇၵ︀ေꩬ︀ေꩭႂ်ႛꩫ︀မ︀်။

ၿျႃၻိက︀်ႉ 2:9

မ︀ႂ်းၵ︀ႂ်ႈလ︀ႂ်ႈယ︀ပ︀်ယ︀ၢက︀်ႉ ၵ︀ႂ်ႈလ︀ႂ်ႈၻုက︀်ႉၵ︀ꩫ︀ꩫ︀ႆ︀ႇ က︀ဝ်ႈတ︀ွင︀်းဢ︀ူ။ ဢ︀ꩫ︀်ႈတ︀ေႇတ︀ေႇက︀ီး မ︀ႂ်းယ︀ႃႇမ︀ီးဢ︀ူ။ က︀ူꩫ︀်းက︀ုမ︀်ႛၵ︀ုꩫ︀်ꩬ︀ူင︀်ဢ︀ꩫ︀်ႈꩭႅꩫ︀်းꩭီတ︀်က︀ျူးꩫ︀ႆ︀ႇၵ︀ဝ် မ︀ႂ်းမ︀ႆ︀ႛꩭလ︀ိုဝ်က︀ေးလ︀ေးꩫ︀ꩫ︀ႆ︀ႇ က︀ဝ်ႈတ︀ွင︀်းဢ︀ူ။