ရ︀ေႃမ︀ 2:27 - Khamti Shan

²⁷ က︀ူꩫ︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈဢ︀ꩫ︀်ႈပ︀ႆ︀ၢႈꩫ︀င︀်မ︀ဝ်ပ︀တ︀်ꩫ︀ႆ︀ႇၵ︀ဝ် က︀ျမ︀်းꩬ︀ိꩫ︀်က︀မ︀်ႈက︀ႅင︀်းက︀ီး ၵ︀ဝ်ꩬ︀ိုင︀် ꩬ︀ူက︀ျူးဢ︀ꩫ︀်ႈပ︀ႆ︀ၢႈꩫ︀င︀်က︀ေႃႇတ︀ႅပ︀် က︀ျမ︀်းꩬ︀ိꩫ︀်က︀ေႃႇ ꩭၢပ︀်ႉဢ︀ဝ်ႈꩬ︀ီ မ︀ဝ်က︀မ︀်ႈက︀ႅင︀်းꩫ︀ႆ︀ႇၵ︀ဝ်မ︀ႆ︀ႛ တ︀ီပ︀ႅတ︀်ႉတ︀ြႃးꩬ︀ႃး။

ရ︀ေႃမ︀ 2:27 ပူးပေါင်းရင်းမြစ်များ

မ︀တ︀်တ︀ႄး 3:15

ꩡ︀ဝ်ႛယ︀ေꩬ︀ုယ︀ႃႇ “ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛꩭီတ︀်ꩫ︀ႆ︀ႇၵ︀ဝ်တ︀င︀်းမ︀ိူင︀်း ꩭႂ်ႛပ︀ူဝ်းက︀ုမ︀်ꩫ︀ႆ︀ႇ ထုက︀်ꩫ︀ီႈꩭီတ︀်ဢ︀ူ။ င︀ႆ︀းꩫ︀ႆ︀ႇꩬ︀ီ င︀ႆ︀ႚယ︀ႃႇ မ︀ႂ်းꩬ︀ိုင︀် က︀ဝ်ႈမ︀ႆ︀ႛမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩭႂ်ႛမ︀ႃးတ︀ႃႉ” ꩫ︀ဝꩫ︀်ႇ။ င︀ႆ︀းꩬ︀ီ ꩬ︀ြႃယ︀ေႃးꩭၢꩫ︀်က︀ေႃႇ ꩡ︀ဝ်ႛယ︀ေꩬ︀ုမ︀ႆ︀ႛ မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 13:22

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ဝ်ႛꩭူဝ်ၵ︀မ︀်းꩬ︀ေႃလ︀ုမ︀ႆ︀ႛ ဢ︀ဝ်ႈလ︀ူင︀်းယ︀ဝ်ႇက︀ီး ၻႃဝိမ︀ႆ︀ႛတ︀ၢင︀်ꩭူဝ်ၵ︀မ︀်းဝႆ︀ႇဢ︀ူ။ “ၻႃဝိၸ︀ူႛလ︀ုက︀်ႉယ︀ေꩬ︀ႄးယ︀ႃႇ က︀ူဝ်ႇဢ︀ꩫ︀်ႈက︀ဝ်ႈꩥ︀ႃးꩡ︀ႂ်ႈ က︀ူဝ်ႇဢ︀ꩫ︀်ႈတ︀ီꩭီတ︀် ꩡ︀ွမ︀်းꩡ︀ႂ်ႈက︀ဝ်ႈꩫ︀မ︀်ꩫ︀ꩫ︀ႆ︀ႇ က︀ဝ်ႈꩭꩫ︀်ယ︀ဝ်ႇ” ꩫ︀ꩬ︀ီၸ︀ြႃးပ︀ီꩫ︀်ႈꩡ︀ဝ်ႛ လ︀ွင︀်ႈၻႃဝိဝႃႈဝႆ︀ႇဢ︀ူ။

ရ︀ေႃမ︀ 13:10

ꩬ︀ူပ︀ိူꩫ︀်ႈမ︀ႆ︀ႛꩭၢက︀်ႉက︀ီး ပ︀ိူꩫ︀်ႈမ︀ႆ︀ႛꩵ︀ႈၸ︀ိတ︀်ပ︀ိူင︀်ႈလ︀ူင︀်ယ︀ဝ်ႇ။ ပ︀ိူꩫ︀်ႈမ︀ႆ︀ႛꩭၢက︀်ႉက︀ီး က︀ျမ︀်းꩬ︀ိꩫ︀်တ︀င︀်းမ︀ိူင︀်းမ︀ႆ︀ႛ က︀မ︀်ႈက︀ႅင︀်းယ︀ဝ်ႇꩰ။

ရ︀ေႃမ︀ 2:15

ဢ︀ꩫ︀်ႈၵ︀ဝ်ꩭီတ︀်ꩫ︀ႆ︀ႇယ︀ႃႇ ꩫ︀ႂ်းꩡ︀ႂ်ႈၵ︀ဝ်မ︀ႆ︀ႛ က︀ျမ︀်းꩬ︀ိꩫ︀်ယ︀င︀်းဢ︀ူꩫ︀ꩫ︀ႆ︀ႇ ꩬ︀ၢက︀်ႉꩬ︀ေပ︀ျႃးဢ︀ူꩫ︀မ︀်။ ဢ︀ꩫ︀်ႈၵ︀ဝ်ꩭီတ︀်ꩫ︀ႆ︀ႇ ꩡ︀ႂ်ႈက︀ီးꩡ︀ႂ်ႈဢ︀ူꩫ︀က︀ေႃႇယ︀ႃ ၸ︀ိတ︀်က︀ီးၸ︀ိတ︀်ဢ︀ူꩫ︀က︀ေႃႇယ︀ႃ လ︀ုက︀်ႉꩫ︀ႂ်းꩡ︀ႂ်ႈၵ︀ဝ်မ︀ႆ︀ႛတ︀ူင︀်ႇဢ︀ူꩫ︀မ︀်။

ရ︀ေႃမ︀ 2:20

ၸ︀ူႛမ︀ိူက︀်ႉꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩭီတ︀်ၸ︀ူႛꩡ︀ၢင︀်ႈꩬ︀ီ ꩬ︀ွꩫ︀်ꩭႂ်ႛ၊ ဢ︀ꩫ︀်ႈꩭူဝ်ꩭၢင︀်မ︀ဝ်တ︀ွင︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩭီတ︀်ၸ︀ူႛꩡ︀ၢင︀်ႈꩬ︀ီ ꩬ︀ွꩫ︀်လ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛင︀ႆ︀းꩬ︀ီ ꩬ︀ူၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ဢ︀က︀မ︀်ပ︀ေႃႚပ︀ေႃႚက︀ꩫ︀်ႈမ︀ဝ်ꩡ︀ႂ်ႈ။ ꩬ︀ူမ︀ႆ︀ႛက︀ျမ︀်းꩬ︀ိꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀င︀်းꩫ︀ႆ︀ႇꩬ︀ီ ၵ︀ꩫ︀်တ︀ႂ်းꩬ︀ူ က︀ူႈꩡ︀ွင︀်ႈက︀ူႈလ︀ွင︀်ႈတ︀ွင︀်းမ︀ူတ︀်ꩰꩬ︀ီ က︀ႃႈꩫ︀င︀်ꩬ︀ူဝႃႈꩫ︀ႆ︀ႇ ၵ︀ꩫ︀်တ︀ႂ်းꩥ︀ႃးထက︀်ꩰမ︀ဝ်ꩡ︀ႂ်ႈ။

ရ︀ေႃမ︀ 2:25

ꩬ︀ူက︀ျူးꩫ︀ႆ︀ႇၵ︀ဝ် က︀ျမ︀်းꩬ︀ိꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀မ︀်ႈက︀ႅင︀်းက︀ီးꩬ︀ိုင︀် ဢ︀ꩫ︀်ႈꩬ︀ူ ꩭီတ︀်မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ꩫ︀ႆ︀ႇ ဢ︀က︀ိဝ်းယ︀င︀်းꩫ︀မ︀်။ မ︀ဝ်က︀မ︀်ႈက︀ႅင︀်းက︀ီး ꩬ︀ူပ︀ႆ︀ၢႈꩫ︀င︀်ပ︀တ︀်ၵ︀ႂ်ႈလ︀ႂ်ႈꩫ︀က︀ေႃႇ ၵ︀ꩫ︀်က︀ႃႈပ︀ႆ︀ၢႈꩫ︀င︀်မ︀ဝ်ပ︀တ︀်ꩫ︀က︀ꩫ︀်ႈꩫ︀မ︀်။

ရ︀ေႃမ︀ 2:26

ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်ယ︀ႃႇ မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ꩵ︀ႈꩭၢပ︀်ႉ။ ꩫ︀ႆ︀ႇꩫ︀က︀ေႃႇ ꩬ︀င︀်ဝႃႈၵ︀ဝ် က︀ျမ︀်းꩬ︀ိꩫ︀်က︀မ︀်ႈက︀ႅင︀်းက︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ဝ်မ︀ႆ︀ႛ မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ꩭၢပ︀်ႉယ︀ဝ်ႇꩫ︀က︀ꩫ︀်ႈ တ︀ီမ︀တ︀်ႉꩫ︀မ︀်။

ရ︀ေႃမ︀ 3:30

ꩡ︀ႃႇက︀ျူးတ︀မ︀ိူင︀်း၊ ꩡ︀ႃႇဢ︀ꩫ︀်ႈက︀ျူးမ︀ဝ်ꩡ︀ႂ်ႈတ︀မ︀ိူင︀်း ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူလ︀ိဝ်ႈꩫ︀ႆ︀ၢႈꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ က︀ျူးꩫ︀က︀ေႃႇယ︀ႃ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀က︀ေႃႇယ︀ႃ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈက︀ီးꩬ︀ိုင︀် ၵ︀ဝ်မ︀ႆ︀ႛမ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩫ︀မ︀်။

ရ︀ေႃမ︀ 8:4

ၸ︀ြႃးပ︀ီꩫ︀်ႈꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ ꩭႂ်ႛပ︀ူဝ်းက︀ူꩫ︀်းꩭဝ်း ꩫ︀င︀်ဢ︀လ︀ၢင︀်းꩡ︀ႂ်ႈꩫ︀ိူဝ်ႇꩫ︀ိူတ︀်ႉၸ︀ူႛꩡ︀ဝ်ႛꩫ︀က︀ꩫ︀်ႈမ︀ဝ်ဢ︀ူꩬ︀ီ ဢ︀လ︀ၢင︀်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ွမ︀်းတ︀ီမ︀်ႈꩰꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႑ 7:19

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ꩭၢပ︀်ႉပ︀တ︀ု မ︀ဝ်ꩭၢပ︀်ႉပ︀တ︀ု ဢ︀က︀ိဝ်းꩵ︀ႈယ︀င︀်း။ ꩬ︀ိꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ထွမ︀်ꩡ︀ွမ︀်းက︀ႃꩫ︀ႆ︀ႇꩬ︀င︀် ဢ︀က︀ိဝ်းယ︀င︀်းꩫ︀မ︀်။

က︀ေႃရ︀ိꩫ︀်တ︀ု ႒ 3:6

မ︀ꩫ︀်းꩡ︀ဝ်ႛꩫ︀မ︀် တ︀ူႈမ︀ႆ︀ႛတ︀ꩫ︀်းၵ︀ူဝ်းꩭႂ်ႛꩬ︀ီ ꩭႂ်ႛထၢမ︀်းဢ︀မ︀ူး ၵ︀ၢမ︀်းၵ︀တ︀်ႉမ︀ႂ်ꩫ︀ႆ︀ႇ။ ၵ︀ၢမ︀်းၵ︀တ︀်ႉꩫ︀ႆ︀ႇယ︀ႃႇ ꩬ︀ိꩫ︀်ဢ︀ꩫ︀်ႈဢ︀ဝ်ႈလ︀ိက︀်ႉတ︀ႅမ︀်ႛꩭႂ်ႛꩵ︀ႈꩡ︀ႂ်ႈ။ တ︀ြႃးဢ︀ꩫ︀်ႈ ဢ︀ဝ်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩭဝ်းမ︀ႆ︀ႛꩭႂ်ႛꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ိꩫ︀်ဢ︀ꩫ︀်ႈဢ︀ဝ်ႈလ︀ိက︀်ႉတ︀ႅမ︀်ႛꩭႂ်ႛꩫ︀ႆ︀ႇယ︀ႃႇ ꩭဝ်းမ︀ႆ︀ႛတ︀ၢင︀်းတ︀ႆ︀ၢႈꩭႂ်ႛꩬ︀ီ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းမ︀ႆ︀ႛဢ︀ꩬ︀ၢက︀်ႉꩭႂ်ႛဢ︀ူ။

က︀လ︀ႃတ︀ိ 5:14

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ူဝ်ႛꩬ︀ိꩫ︀်ဢ︀ꩫ︀်ႈ “က︀ူꩫ︀်းꩭိမ︀်းꩭိူꩫ︀်းၸ︀ူႛꩡ︀ဝ်ႛမ︀ႆ︀ႛ ꩫ︀င︀်ၸ︀ူႛꩡ︀ဝ်ႛꩫ︀က︀ꩫ︀်ႈꩭၢက︀်ႉတ︀ႃႉ” ꩫ︀ꩫ︀ႆ︀ႇမ︀ႆ︀ႛ ꩬ︀ူထွမ︀်ꩡ︀ွမ︀်းက︀ီး က︀ျမ︀်းꩬ︀ိꩫ︀်တ︀င︀်းမ︀ိူင︀်းမ︀ႆ︀ႛ ꩡ︀ွမ︀်းယ︀ဝ်ႇꩰꩫ︀က︀ꩫ︀်ႈꩫ︀မ︀်။

ဢ︀ေၸ︀ႅတ︀် 2:11

မ︀ိူဝ်ႈင︀ႃးပ︀ုꩫ︀်ႛꩬ︀ူပ︀ီꩫ︀်ႈꩭလ︀ိုဝ်မ︀ႃးꩫ︀ꩫ︀ႆ︀ႇမ︀ႆ︀ႛ ဢ︀ွက︀်ꩡ︀ႂ်ႈက︀ꩫ︀်ႈတ︀ႃႉ။ က︀ျူးဢ︀ꩫ︀်ႈၵ︀ၢပ︀်ႉက︀ႃႛယ︀မ︀ႆ︀ႛပ︀တ︀်ပ︀ႆ︀ၢႈꩫ︀င︀်ꩫ︀ႆ︀ႇၵ︀ဝ်ယ︀ႃႇ ꩬ︀ူဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ၸ︀ူႛဢ︀ꩫ︀်ႈပ︀ႆ︀ၢႈꩫ︀င︀်မ︀ဝ်ပ︀တ︀်ꩫ︀ႆ︀ႇၵ︀ဝ်ꩫ︀ꩬ︀ီ ꩭွင︀်ႇမ︀ႃးꩫ︀ႆ︀ႇမ︀ႆ︀ႛ ဢ︀ွက︀်ꩡ︀ႂ်ႈက︀ꩫ︀်ႈတ︀ႃႉ။ ၵ︀ဝ်ဝႃႈင︀ႆ︀းꩫ︀ႆ︀ႇယ︀ႃႇ ဢ︀ꩫ︀်ႈက︀မ︀်ႇလ︀ွင︀်ႛꩬ︀ီဝႃႈမ︀ႃးꩫ︀မ︀်။ ꩭလ︀ိုဝ်ꩫ︀က︀ေႃႇ ဢ︀ꩫ︀်ႈပ︀တ︀်ပ︀ၢႆ︀ႈꩫ︀င︀်ꩫ︀ꩫ︀ႆ︀ႇယ︀ႃႇ တ︀ူဝ်ႈမ︀ႆ︀ႛꩫ︀ၢႆ︀ႈꩫ︀မ︀်ꩭီတ︀်ꩫ︀ႆ︀ႇ။ ꩡ︀ႃႇꩭူဝ်ꩡ︀ႂ်ႈယ︀ႃႇ ဢ︀က︀ိဝ်းꩵ︀ႈယ︀င︀်း။

တ︀ိမ︀ေႃတ︀ေ ႒ 3:15

မ︀ႂ်းလ︀ုက︀်ႉမ︀ိူဝ်ႈဢ︀ွꩫ︀်ပ︀ုꩫ︀်ႛ က︀ျမ︀်းလ︀ိက︀်ႉꩬ︀ွꩫ︀်မ︀ႃးယ︀ဝ်ႇ။ က︀ျမ︀်းလ︀ိက︀်ႉယ︀ႃႇ တ︀ၢင︀်းꩡ︀ၢင︀်ႈဢ︀ꩫ︀်ႈꩭဝ်း ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛယ︀ုမ︀်ယ︀မ︀်ႈꩬ︀ီ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛမ︀ႆ︀ႛꩭၢပ︀်ႉဢ︀ဝ်ႈꩫ︀ႆ︀ႛꩫ︀ႆ︀ႇ ꩬ︀ွꩫ︀်ꩭႂ်ႛဢ︀ူ။

ꩭေပ︀ရ︀ူး 11:3

လ︀ႆ︀ၢးပ︀ိူဝ်ႈတ︀ၢင︀်းယ︀ုမ︀်ယ︀မ︀်ႈꩬ︀ီ တ︀မ︀်တ︀ိူင︀်းတ︀င︀်းလ︀ုက︀်ႉꩫ︀ႆ︀ႇယ︀ႃႇ ဢ︀ဝ်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩭဝ်းꩭꩫ︀်မ︀ဝ်ꩫ︀ႆ︀ႛꩫ︀ႆ︀ႇꩬ︀ိုင︀် ၸ︀ၢꩫ︀်ꩬ︀ၢင︀်းဝႆ︀ႇꩬ︀ီ ဢ︀ဝ်ႈဢ︀ꩫ︀်ႈꩭဝ်းꩭꩫ︀်ယ︀ဝ်ႇမ︀ႆ︀ႛ ပ︀ီꩫ︀်ႈမ︀ႃးꩵ︀ႈꩡ︀ႂ်ႈꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။