ရ︀ေႃမ︀ 2:19 - Khamti Shan

¹⁹ ꩬ︀ူယ︀ႃႇ ၸ︀ူႛတ︀ႃႈမ︀ွတ︀်ꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩭီတ︀်ၸ︀ူႛꩡ︀ၢင︀်ႈꩬ︀ီ ပ︀ျႃးတ︀ၢင︀်းꩭႂ်ႛ၊ ဢ︀ꩫ︀်ႈဢ︀ူက︀ꩫ︀်ႛꩫ︀ႂ်းဢ︀ꩫ︀်ႈꩫ︀မ︀်ႈꩬ︀ိင︀်ꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩭီတ︀်ၸ︀ူႛꩡ︀ၢင︀်ႈꩬ︀ီပ︀ျႃးဢ︀ꩫ︀်ႈလ︀ႅင︀်းꩭႂ်ႛ၊

ရ︀ေႃမ︀ 2:19 ပူးပေါင်းရင်းမြစ်များ

မ︀တ︀်တ︀ႄး 15:14

လ︀ႆ︀ၢးပ︀ိူဝ်ႈၸ︀ႃရ︀ိꩬ︀ႄꩫ︀ႆ︀ႇၵ︀ဝ်ꩬ︀ီ ꩬ︀ူပ︀ီက︀ပ︀်ႉꩡ︀ႂ်ႈ။ ၵ︀ဝ်ယ︀ႃႇ ၸ︀ူႛတ︀ႃႈမ︀ွတ︀် ဢ︀ꩫ︀်ႈၸ︀ူႛတ︀ႃႈမ︀ွတ︀်ꩫ︀ႆ︀ႇၵ︀ဝ်မ︀ႆ︀ႛ ဢ︀ွꩫ︀်ႈတ︀ၢင︀်းꩫ︀မ︀်။ ၸ︀ူႛတ︀ႃႈမ︀ွတ︀်မ︀ႆ︀ႛ ၸ︀ူႛတ︀ႃႈမ︀ွတ︀်ဢ︀ွꩫ︀်ႈတ︀ၢင︀်းက︀ီး တ︀င︀်းꩬ︀ွင︀်က︀ူဝ်ႇ တ︀ူက︀်ꩭွင︀်ႈက︀ႃဢ︀ူ” ꩫ︀ဝꩫ︀်ႇ။

မ︀တ︀်တ︀ႄး 4:16

က︀ူꩫ︀်းဢ︀ꩫ︀်ႈဢ︀ူက︀ꩫ︀်ႛꩫ︀ႂ်း ဢ︀ꩫ︀်ႈꩫ︀မ︀်ႈꩬ︀ိင︀်ꩫ︀ႆ︀ႇၵ︀ဝ် ဢ︀ꩫ︀်ႈလ︀ႅင︀်းလ︀ူင︀်မ︀ႆ︀ႛ ꩫ︀ႆ︀ႛꩭꩫ︀်ယ︀ဝ်ႇ။ က︀ူꩫ︀်းဢ︀ꩫ︀်ႈဢ︀ူက︀ꩫ︀်ႛတ︀ႂ်ႛတ︀ꩫ︀်းၵ︀ူဝ်းၵ︀ုꩫ︀်တ︀ႆ︀ၢႈꩫ︀ႆ︀ႇၵ︀ဝ်မ︀ႆ︀ႛ ဢ︀ꩫ︀်ႈလ︀ႅင︀်းꩭုင︀်ႈယ︀ဝ်ႇ” ꩫ︀ꩬ︀ီꩭူဝ်းဝႆ︀ႇဢ︀ူ။

မ︀တ︀်တ︀ႄး 5:14

ꩡ︀ႃႇလ︀ိူင︀်ႈ ꩬ︀ူယ︀ႃႇ ဢ︀ꩫ︀်ႈလ︀ႅင︀်းꩡ︀ႃႇမ︀ိူင︀်းက︀ၢင︀်ႈꩫ︀က︀ꩫ︀်ႈꩫ︀မ︀်။ ဝီင︀်းဢ︀ꩫ︀်ႈတ︀ေက︀ꩫ︀်ႛꩫ︀ိူဝ်ꩡ︀ိက︀်ꩫ︀ွႆ︀ႈဝႆ︀ႇမ︀ႆ︀ႛ ꩭိုဝ်လ︀ိုဝ်က︀ေႃႇလ︀ၢပ︀်ႉꩵ︀ႈꩫ︀ႆ︀ႛ။

မ︀တ︀်တ︀ႄး 6:23

ꩫ︀ႆ︀ႇꩫ︀က︀ေႃႇ တ︀ႃႈꩬ︀ူမ︀ဝ်ꩬ︀ၢက︀်က︀ီး ꩭူဝ်ꩡ︀ႂ်ႈꩬ︀ူမ︀ႆ︀ႛ ꩫ︀မ︀်ႈꩬ︀ိင︀်တ︀ိက︀်ႉꩰꩫ︀က︀ꩫ︀်ႈꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩭူဝ်ꩡ︀ႂ်ႈꩬ︀ူမ︀ႆ︀ႛꩫ︀မ︀်ႈꩬ︀ိင︀်ဢ︀ူꩬ︀ီက︀ေႃႇ ၵ︀ꩫ︀်တ︀ႂ်းꩡ︀ုꩫ︀်ႈလ︀ႅင︀်းက︀ီး ဢ︀မ︀ႂ်းယ︀ႃႇ ဢ︀ꩫ︀်ႈꩫ︀မ︀်ႈꩬ︀ိင︀်တ︀ိက︀်ႉꩰတ︀ေႇတ︀ေႇꩫ︀မ︀်။

မ︀ႃက︀ု 10:15

က︀ဝ်ႈတ︀ေႇတ︀ေႇဝႃႈက︀ွတ︀်။ ၸ︀ႂ်ꩫ︀က︀ေႃႇ မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀င︀်လ︀ၵ︀ႃꩫ︀ႆ︀ႇၵ︀ဝ်ꩭၢပ︀်ႉꩫ︀က︀ꩫ︀်ႈ မ︀ဝ်ꩭၢပ︀်ႉက︀ီး မ︀ိူင︀်းꩡ︀ဝ်ႛထႃဝရ︀ၸ︀ြႃးမ︀ႆ︀ႛ ꩵ︀ႈꩫ︀ႆ︀ႛၵ︀ဝ်ႛ” ꩫ︀ဝꩫ︀်ႇ။

လ︀ုက︀ႃ 1:79

က︀ူꩫ︀်းꩭဝ်းဢ︀ꩫ︀်ႈဢ︀ူက︀ꩫ︀်ႛꩫ︀ႂ်းဢ︀ꩫ︀်ႈꩫ︀မ︀်ႈꩬ︀ိင︀် ဢ︀ꩫ︀်ႈတ︀ၢင︀်းတ︀ႆ︀ၢႈꩭူမ︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ဢ︀ဝ်ႈတ︀ွင︀်လ︀ႅင︀်းꩭႂ်ႛင︀ႆ︀းꩬ︀ီ ꩡ︀ူဝ်ႈတ︀ႃႈဢ︀ꩬ︀ၢက︀်ႉဢ︀ꩫ︀်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃမ︀ႆ︀ႛ ဝႃႈဢ︀ဝ်ႈꩭꩫ︀်ꩭႂ်ႛꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 9:34

ꩫ︀ႆ︀ႇမ︀ႆ︀ႛၵ︀ဝ်ယ︀ႃႇ “မ︀ႂ်းꩫ︀ႆ︀ႇ လ︀ုက︀်ႉမ︀ိူဝ်ႈၸ︀ေႈပ︀ုꩫ︀်ႛ ပ︀ႃႉဢ︀ပ︀ႅတ︀်ႉမ︀ႃးꩬ︀ီက︀ေႃႇ ꩫ︀င︀်မ︀ႂ်းꩫ︀ႃႊတ︀ူႈမ︀ႆ︀ႛ ၵ︀ႂ်ႈꩬ︀ွꩫ︀်တ︀ြႃး” ꩫ︀ꩬ︀ီမ︀ꩫ︀်းမ︀ႆ︀ႛ လ︀ုက︀်ႉꩡ︀ွင︀်းꩬ︀ွꩫ︀်တ︀ြႃးမ︀ႆ︀ႛ ꩭူဝ်ႛဢ︀ွက︀်ၵ︀ွတ︀်ဢ︀ူ။

ထဝ်ꩡ︀တ︀်ႉၵ︀ဝ် 26:18

မ︀ႂ်းယ︀ႃႇ ꩭွေႛတ︀ႃႈက︀ူꩫ︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ဝႃႈက︀ႃပ︀ုတ︀်ꩭႂ်ႛဢ︀ူ။ ၵ︀ဝ်မ︀ႆ︀ႛ လ︀ုက︀်ႉဢ︀ꩫ︀်ႈꩫ︀ပ︀်ꩬ︀ိင︀်မ︀ႆ︀ႛ ဢ︀ဝ်ႈထိုင︀်ဢ︀ꩫ︀်ႈလ︀ႅင︀်းꩬ︀ီ လ︀ုက︀်ႉက︀ꩫ︀်ႛတ︀ႂ်ႛဢ︀ႃꩫ︀ႃၵ︀ုꩫ︀်ꩬ︀ူင︀်မ︀ႆ︀ႛ ဝႃႈဢ︀ဝ်ႈထိုင︀် က︀ꩫ︀်ႛတ︀ႂ်ႛဢ︀ႃꩫ︀ႃၸ︀ြႃးပ︀ီꩫ︀်ႈꩡ︀ဝ်ႛဢ︀ူ။ ꩭႂ်ႛပ︀ူဝ်းၵ︀ဝ် က︀ဝ်ႈမ︀ႆ︀ႛယ︀ုမ︀်ယ︀မ︀်ႈꩬ︀ီ ၵ︀ဝ်မ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛဢ︀ပ︀ႅတ︀်ႉပ︀ွႆ︀ꩭႂ်ႛင︀ႆ︀း က︀ုမ︀်ႛက︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ꩫ︀ႆ︀ႛၵ︀ဝ်ႛꩫ︀ႆ︀ႇ မ︀ႂ်းဝႃႈꩭီတ︀်ဢ︀ူ” ꩫ︀ꩬ︀ီဝႃႈဢ︀ူ။

ရ︀ေႃမ︀ 2:18

ꩬ︀ူမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ က︀ꩬ︀င︀်ၵ︀ႂ်ႈꩭႂ်ႛꩭီတ︀်ꩫ︀ꩫ︀ႆ︀ႇ ꩬ︀ူတ︀ွင︀်းဢ︀ူ။ ꩬ︀ူက︀ျမ︀်းꩬ︀ိꩫ︀်မ︀ႆ︀ႛ လ︀ႅမ︀်းꩫ︀ႆ︀ႇꩬ︀ီ ဢ︀ꩫ︀်ႈꩬ︀ိုဝ်ႈꩡ︀ႂ်ႈꩫ︀ႆ︀ႇက︀ꩬ︀င︀်ꩫ︀ꩫ︀ႆ︀ႇက︀ေႃႇ ꩬ︀ူတ︀ွင︀်းဢ︀ူ။

ရ︀ေႃမ︀ 2:20

ၸ︀ူႛမ︀ိူက︀်ႉꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩭီတ︀်ၸ︀ူႛꩡ︀ၢင︀်ႈꩬ︀ီ ꩬ︀ွꩫ︀်ꩭႂ်ႛ၊ ဢ︀ꩫ︀်ႈꩭူဝ်ꩭၢင︀်မ︀ဝ်တ︀ွင︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩭီတ︀်ၸ︀ူႛꩡ︀ၢင︀်ႈꩬ︀ီ ꩬ︀ွꩫ︀်လ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛင︀ႆ︀းꩬ︀ီ ꩬ︀ူၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ဢ︀က︀မ︀်ပ︀ေႃႚပ︀ေႃႚက︀ꩫ︀်ႈမ︀ဝ်ꩡ︀ႂ်ႈ။ ꩬ︀ူမ︀ႆ︀ႛက︀ျမ︀်းꩬ︀ိꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀င︀်းꩫ︀ႆ︀ႇꩬ︀ီ ၵ︀ꩫ︀်တ︀ႂ်းꩬ︀ူ က︀ူႈꩡ︀ွင︀်ႈက︀ူႈလ︀ွင︀်ႈတ︀ွင︀်းမ︀ူတ︀်ꩰꩬ︀ီ က︀ႃႈꩫ︀င︀်ꩬ︀ူဝႃႈꩫ︀ႆ︀ႇ ၵ︀ꩫ︀်တ︀ႂ်းꩥ︀ႃးထက︀်ꩰမ︀ဝ်ꩡ︀ႂ်ႈ။

က︀ေႃရ︀ိꩫ︀်တ︀ု ႑ 3:18

ꩬ︀ူၸ︀ႂ်က︀ေႃႇ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ပ︀ီၸ︀ၢမ︀်း။ ꩬ︀ူလ︀ႆ︀ၢးပ︀ိူဝ်ႈꩡ︀ၢင︀်ႈပ︀ိင︀်ꩥ︀ႃမ︀ိူင︀်းက︀ၢင︀်ႈꩬ︀ီ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛမ︀တ︀်ႉၸ︀ူႛꩭူႇတ︀ွင︀်းက︀ီး ꩭႂ်ႛပ︀ူဝ်းပ︀ီꩫ︀်ႈၸ︀ူႛꩭူႇတ︀ွင︀်းတ︀ေႇတ︀ေႇꩫ︀ႆ︀ႇ ꩫ︀င︀်ပ︀ိင︀်ꩥ︀ႃမ︀ိူင︀်းက︀ၢင︀်ႈမ︀ဝ်ꩡ︀ၢင︀်ႈꩫ︀က︀ꩫ︀်ႈဝႃႈဢ︀ူꩫ︀မ︀်။

က︀ေႃရ︀ိꩫ︀်တ︀ု ႑ 4:10

တ︀ူႈꩭူဝ်းလ︀ွင︀်ႈꩡ︀ဝ်ႛၵ︀ရ︀ီတ︀်ꩫ︀ႆ︀ႇꩬ︀ီ တ︀ူႈမ︀ႆ︀ႛယ︀ႃႇပ︀ိူꩫ︀်ႈၵ︀ꩫ︀်တ︀ႂ်း က︀ူꩫ︀်းမ︀ိူက︀်ႉꩫ︀မ︀်။ ꩬ︀ူဢ︀ူက︀ꩫ︀်ႛꩫ︀ႂ်းꩡ︀ဝ်ႛၵ︀ရ︀ီတ︀်ꩫ︀ႆ︀ႇꩬ︀ီ ꩬ︀ူၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛၵ︀ꩫ︀်တ︀ႂ်း ၸ︀ူႛꩭူႇတ︀ွင︀်းꩫ︀က︀ေႃႇ ဢ︀ꩫ︀်ႈတ︀ေႇတ︀ေႇယ︀ႃႇꩵ︀ႈꩡ︀ႂ်ႈ။ တ︀ူႈမ︀ႆ︀ႛပ︀ိူꩫ︀်ႈ ၵ︀ꩫ︀်တ︀ႂ်းတ︀ꩫ︀်းၵ︀ူဝ်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛဢ︀ေဢ︀ူ။ ꩫ︀ႆ︀ႇꩫ︀က︀ေႃႇ ꩬ︀ူယ︀ႃႇၵ︀ꩫ︀်တ︀ႂ်းꩬ︀ူတ︀ꩫ︀်းၵ︀ူဝ်းယ︀င︀်းဢ︀ူ။ ꩬ︀ူမ︀ႆ︀ႛ ပ︀ိူꩫ︀်ႈယ︀ူဝ်းယ︀ွင︀်ႛꩬ︀ီ တ︀ူႈမ︀ႆ︀ႛယ︀ႃႇ ပ︀ိူꩫ︀်ႈꩫ︀ူႈꩫ︀ၢႆ︀ႈဢ︀ူ။ ပ︀ီꩫ︀်ႈင︀ႆ︀းꩫ︀ႆ︀ႇမ︀ႆ︀ႛ ꩬ︀ူယ︀ႃႇၵ︀ꩫ︀်တ︀ႂ်းꩫ︀ီႈꩫ︀က︀ေႃႇ ဢ︀ꩫ︀်ႈတ︀ေႇတ︀ေႇယ︀ႃႇ ꩵ︀ႈꩫ︀ီႈ။

ၸ︀ိလ︀ိပ︀်ပ︀ၢႆ︀ 2:15

င︀ႆ︀းက︀ီးꩬ︀ူ မ︀ိူင︀်းက︀ၢင︀်ႈဢ︀ꩫ︀်ႈလ︀ူႇပ︀ႅက︀်ႉမ︀ႆ︀ႛ တ︀င︀်းက︀ူꩫ︀်းဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်ဢ︀ူꩫ︀က︀ေႃႇ ꩬ︀ူယ︀ႃႇ ꩫ︀င︀်လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀က︀ꩫ︀်ႈ ꩭူဝ်ꩡ︀ႂ်ႈၵ︀ၢဝ်င︀ႆ︀း ဢ︀ပ︀ႅတ︀်ႉက︀ၢင︀်းက︀ꩫ︀်ႈꩬ︀ီ ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈတ︀ီတ︀ၢင︀်ဢ︀ပ︀ႅတ︀်ႉꩵ︀ႈယ︀င︀်း။ ꩬ︀ူယ︀ႃႇ ၵ︀ဝ်မ︀ႆ︀ႛၵ︀ၢမ︀်းဢ︀ꩫ︀်ႈꩭႂ်ႛဢ︀ꩬ︀ၢက︀်ႉထႃဝရ︀ꩫ︀ႆ︀ႇၵ︀ႆ︀ႈꩭႂ်ႛꩬ︀ီ ꩭႂ်ႛပ︀ူဝ်းၵ︀ဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛတ︀ွင︀်းမ︀ႃးꩫ︀ႆ︀ႇ ဝူင︀်ႈက︀ၢင︀်ႈၵ︀ဝ်မ︀ႆ︀ႛ ꩫ︀င︀်ꩫ︀ၢဝ်ႈꩫ︀ႆ︀ႇၵ︀ဝ်ꩫ︀က︀ꩫ︀်ႈ ဝႃႈတ︀ွင︀်လ︀ႅင︀်းꩭႂ်ႛက︀ꩫ︀်ႈꩫ︀မ︀်။ င︀ႆ︀းက︀ီး ဢ︀ꩫ︀်ႈက︀ဝ်ႈꩭီတ︀်မ︀ႃးꩫ︀ႆ︀ႇၵ︀ဝ် မ︀ဝ်ၵ︀ွတ︀်ꩫ︀ႆ︀ၢႈꩫ︀ႆ︀ႇꩬ︀ီ မ︀ိူဝ်ႈꩡ︀ဝ်ႛၵ︀ရ︀ီတ︀်ပ︀ွက︀်ႉမ︀ႃးꩫ︀ႆ︀ႇ က︀ဝ်ႈတ︀ီꩫ︀ႆ︀ႛꩡ︀ူမ︀်းꩭုမ︀်လ︀ူင︀်ꩫ︀မ︀်။