ရ︀ေႃမ︀ 2:10 - Khamti Shan

¹⁰ ꩫ︀င︀်ꩫ︀ႆ︀ႇꩫ︀က︀ꩫ︀်ႈ က︀ူꩫ︀်းဢ︀ꩫ︀်ႈꩭီတ︀်လ︀ွင︀်ႈꩫ︀ီႈꩬ︀ီဢ︀ူꩫ︀ႆ︀ႇၵ︀ဝ်မ︀ႆ︀ႛယ︀ႃႇ လ︀ုက︀်ႉက︀ျူးမ︀ႆ︀ႛက︀ူဝ်ꩬ︀ီ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ၸ︀ြႃးပ︀ီꩫ︀်ႈꩡ︀ဝ်ႛ ယ︀ွင︀်ႛꩭႂ်ႛ၊ တ︀ၢင︀်ꩭုမ︀်ꩭႂ်ႛꩬ︀ီ တ︀ီဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩭႂ်ႛꩫ︀မ︀်။

ရ︀ေႃမ︀ 2:10 ပူးပေါင်းရင်းမြစ်များ

မ︀တ︀်တ︀ႄး 10:13

ꩭိူꩫ︀်းဢ︀မ︀ႂ်း ꩬ︀ူမ︀ႆ︀ႛꩭၢပ︀်ႉက︀ီး ဢ︀ꩫ︀်ႈꩬ︀ူယ︀ွꩫ︀်းꩬ︀ူးꩭႂ်ႛꩫ︀ႆ︀ႇ ꩭိူꩫ︀်းဢ︀မ︀ႂ်းမ︀ႆ︀ႛ ꩭႂ်ႛထိုင︀်က︀ႃတ︀ႃႉ။ ꩬ︀င︀်ဝႃႈꩬ︀ူမ︀ႆ︀ႛ မ︀ဝ်ꩭၢပ︀်ႉက︀ီး ၵ︀ၢမ︀်းဢ︀ꩫ︀်ႈꩬ︀ူယ︀ွꩫ︀်းꩬ︀ူးꩭႂ်ႛဝႆ︀ႇꩫ︀ႆ︀ႇ ꩬ︀ူမ︀ႆ︀ႛꩭႂ်ႛပ︀ွက︀်ႉမ︀ႃးက︀ႃတ︀ႃႉ။

လ︀ုက︀ႃ 1:79

က︀ူꩫ︀်းꩭဝ်းဢ︀ꩫ︀်ႈဢ︀ူက︀ꩫ︀်ႛꩫ︀ႂ်းဢ︀ꩫ︀်ႈꩫ︀မ︀်ႈꩬ︀ိင︀် ဢ︀ꩫ︀်ႈတ︀ၢင︀်းတ︀ႆ︀ၢႈꩭူမ︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ဢ︀ဝ်ႈတ︀ွင︀်လ︀ႅင︀်းꩭႂ်ႛင︀ႆ︀းꩬ︀ီ ꩡ︀ူဝ်ႈတ︀ႃႈဢ︀ꩬ︀ၢက︀်ႉဢ︀ꩫ︀်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃမ︀ႆ︀ႛ ဝႃႈဢ︀ဝ်ႈꩭꩫ︀်ꩭႂ်ႛꩫ︀မ︀်” ꩫ︀ဝꩫ︀်ႇ။

လ︀ုက︀ႃ 12:37

မ︀ိူဝ်ႈꩡ︀ဝ်ႛၵ︀ဝ်ပ︀ွက︀်ႉမ︀ႃးꩫ︀ႆ︀ႇ ၸ︀ူႛꩡ︀ႂ်ႇဢ︀မ︀ႂ်းၵ︀ဝ် ꩭႅမ︀်းထုက︀်ꩰဝႆ︀ႇꩬ︀ီ ထႃႛဢ︀ူꩫ︀ႆ︀ႇမ︀ႆ︀ႛꩭꩫ︀်က︀ီး ꩡ︀ႃႇၵ︀ဝ်ယ︀ႃႇꩫ︀ီႈလ︀ူင︀်ꩫ︀မ︀်။ က︀ဝ်ႈဝႃႈက︀ွတ︀်။ ꩡ︀ဝ်ႛꩫ︀ႆ︀ႇ မ︀ꩫ︀်းၸ︀ူႛꩡ︀ဝ်ႛꩬ︀ိုင︀် ၵ︀ိူင︀်ႈၸ︀ူႛမ︀ိုင︀်ႇၸ︀ိူꩫ︀်ꩫ︀ုင︀်ႈꩬ︀ီ ၸ︀ူႛꩡ︀ႂ်ႇဢ︀မ︀ႂ်းၵ︀ဝ်မ︀ႆ︀ႛ ၸ︀ိူꩫ︀်မ︀ႆ︀ႛꩭႂ်ႛꩫ︀င︀်ႈင︀ႆ︀း ꩭီတ︀်ဢ︀ၵ︀ႅက︀်ႉဢ︀ၵ︀ျႃ တ︀ီလ︀ီင︀်ႇဢ︀ွႆ︀ꩫ︀မ︀်။

လ︀ုက︀ႃ 19:42

“က︀ူꩫ︀်းဝီင︀်းယ︀ေရ︀ုꩬ︀လ︀ိမ︀်ၵ︀ဝ်ꩴ︀း ꩬ︀ူမ︀ိူဝ်ႈꩫ︀ႆ︀ႇ တ︀ၢင︀်းဢ︀ꩫ︀်ႈꩬ︀ူမ︀ႆ︀ႛ တ︀ီဢ︀ဝ်ႈက︀တ︀်ယ︀ီꩫ︀်ႈမ︀ႆ︀ႛ တ︀ွင︀်းက︀ီးꩫ︀ီႈလ︀ူင︀်ꩫ︀မ︀်။ ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ ꩬ︀ူတ︀ွင︀်းꩵ︀ႈꩫ︀ႆ︀ႛ။

လ︀ုက︀ႃ 22:14

ယ︀ၢမ︀်းထိုင︀်က︀ီး ꩡ︀ဝ်ႛယ︀ေꩬ︀ု တ︀င︀်းတ︀မ︀ၢꩫ︀်ꩡ︀ဝ်ႛၵ︀ဝ် တ︀ႆ︀ၢႛၸ︀ိူꩫ︀်မ︀ႆ︀ႛꩫ︀င︀်ႈဢ︀ူ။

လ︀ုက︀ႃ 9:48

“လ︀ႆ︀ၢးပ︀ိူဝ်ႈက︀ဝ်ႈꩬ︀ီ လ︀ၵ︀ႃꩫ︀ႆ︀ႇမ︀ႆ︀ႛ ꩬ︀ူꩭၢပ︀်ႉက︀ီး က︀ဝ်ႈမ︀ႆ︀ႛက︀ေႃႇꩭၢပ︀်ႉယ︀ဝ်ႇ။ ꩬ︀ူက︀ဝ်ႈမ︀ႆ︀ႛꩭၢပ︀်ႉက︀ီး ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛ ပ︀ွႆ︀ꩡ︀ႂ်ႇမ︀ႆ︀ႛက︀ေႃႇ ꩭၢပ︀်ႉယ︀ဝ်ႇ။ ꩫ︀ႂ်းꩬ︀ူမ︀ႆ︀ႛ က︀ူဝ်ႇဢ︀ꩫ︀်ႈၵ︀ႅꩫ︀်းက︀ွမ︀်းꩫ︀ွမ︀်းꩫ︀ႆ︀ႇ က︀ူဝ်ႇဢ︀ꩫ︀်ႈၵ︀ႅꩫ︀်းယ︀ႂ်ꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 12:26

က︀ူဝ်ႇဢ︀ꩫ︀်ႈၵ︀ႂ်ႈꩭီတ︀်ဢ︀မ︀ူးက︀ဝ်ႈꩫ︀ႆ︀ႇ ဝႃႈꩡ︀ွမ︀်းက︀ꩫ︀်ႛလ︀င︀်က︀ဝ်ႈꩫ︀မ︀်။ င︀ႆ︀းက︀ီးꩬ︀င︀် တ︀ီႈဢ︀ꩫ︀်ႈက︀ဝ်ႈဢ︀ူမ︀ႆ︀ႛ မ︀ꩫ︀်းတ︀ီꩫ︀ႆ︀ႛဢ︀ူꩫ︀မ︀်။ က︀ူဝ်ႇဢ︀ꩫ︀်ႈꩭီတ︀်ဢ︀မ︀ူးက︀ဝ်ႈမ︀ႆ︀ႛ ပ︀ူဝ်က︀ဝ်ႈက︀ေႃႇ တ︀ီယ︀ွင︀်ႛꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 14:27

ꩫ︀င︀်က︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩫ︀က︀ꩫ︀်ႈ ꩬ︀ူမ︀ႆ︀ႛ က︀ဝ်ႈဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩭႂ်ႛမ︀ႃးယ︀ဝ်ႇ။ လ︀ွင︀်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃ ဢ︀ꩫ︀်ႈက︀ဝ်ႈꩭီတ︀်ꩭႂ်ႛꩫ︀ႆ︀ႇယ︀ႃႇ ꩫ︀င︀်ၸ︀ꩫ︀်းဢ︀ꩫ︀်ႈမ︀ိူင︀်းက︀ၢင︀်ႈမ︀ႆ︀ႛယ︀င︀်းꩫ︀ႆ︀ႇꩵ︀ႈꩡ︀ႂ်ႈ။ င︀ႆ︀းꩫ︀ႆ︀ႇꩬ︀ီ လ︀ွင︀်ႈဢ︀ꩫ︀်ႈတ︀ီပ︀ီꩫ︀်ႈမ︀ႃးꩫ︀ႆ︀ႇၵ︀ဝ်မ︀ႆ︀ႛ ꩬ︀ူပ︀ီက︀ူဝ်ႈ။ ပ︀ီက︀ပ︀်ႉꩡ︀ႂ်ႈက︀ꩫ︀်ႈ။

ယ︀ေႃးꩭၢꩫ︀် 16:33

က︀ဝ်ႈꩬ︀ူမ︀ႆ︀ႛ ဢ︀ꩫ︀်ႈꩫ︀ႆ︀ႇၵ︀ဝ်ဝႃႈꩫ︀ႆ︀ႇ ꩭႂ်ႛပ︀ူဝ်းꩬ︀ူက︀ဝ်ႈမ︀ႆ︀ႛပ︀ိုင︀်ႈဢ︀ိင︀်ႈꩬ︀ီ ꩫ︀ႆ︀ႛယ︀ီꩫ︀်ႈꩡ︀ႂ်ႈယ︀ီꩫ︀်ႈၵ︀ူဝ်းꩫ︀ႆ︀ႇꩫ︀မ︀်။ မ︀ိူင︀်းက︀ၢင︀်ႈꩫ︀ႆ︀ႇ ꩬ︀ူမ︀ႆ︀ႛတ︀ီꩫ︀ိက︀်ႉꩬ︀ၢက︀်ႉꩫ︀မ︀်။ ꩫ︀ႆ︀ႇꩫ︀က︀ေႃႇ ꩭတ︀်ꩭၢꩫ︀်က︀ꩫ︀်ႈတ︀ႃႉ။ က︀ဝ်ႈတ︀ꩫ︀်းၵ︀ူဝ်းမ︀ိူင︀်းက︀ၢင︀်ႈမ︀ႆ︀ႛပ︀ေႇယ︀ဝ်ႇ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 10:35

မ︀ꩫ︀်းꩡ︀ဝ်ႛယ︀ႃႇ က︀ူꩫ︀်းၸ︀ꩫ︀်းလ︀ႂ်ႈမ︀ဝ်ဝႃႈ ဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ က︀ူဝ်ႈယ︀မ︀်ႈꩬ︀ီꩬ︀ိုဝ်ႈꩰꩫ︀ꩫ︀်ႈꩰꩫ︀ႆ︀ႇၵ︀ဝ်မ︀ႆ︀ႛ ꩭၢပ︀်ႉဢ︀ူ။

ရ︀ေႃမ︀ 14:17

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ွင︀်ႈဢ︀ꩫ︀်ႈꩡ︀ူဝ်ႈတ︀ႃႈဢ︀ꩬ︀ၢက︀်ႉꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ုပ︀်ႉပ︀ိုင︀်ꩫ︀ႆ︀ႇယ︀ႃႇ တ︀င︀်းဢ︀ꩫ︀်ႈက︀ꩬ︀င︀်ဝႃႈက︀ိꩫ︀်ႈ က︀ꩬ︀င︀်မ︀ဝ်ဝႃႈက︀ိꩫ︀်ႈꩫ︀ꩫ︀ႆ︀ႇꩵ︀ႈလ︀ႅင︀်က︀ꩫ︀်ႈ။ တ︀င︀်းဢ︀ꩫ︀်ႈပ︀ၢင︀်ႈꩫ︀ႃႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ိုဝ်ႈꩰတ︀ူဝ်ꩰꩬ︀ီဢ︀ူ၊ ဢ︀ꩫ︀်ႈတ︀င︀်းပ︀ိူꩫ︀်ႈဢ︀ဝ်ႈထုက︀်က︀ꩫ︀်ႈꩬ︀ီဢ︀ူင︀ႆ︀း ဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီ ꩭုမ︀်ꩰꩡ︀ူမ︀်းꩰဢ︀ူꩫ︀ႆ︀ႇၵ︀ဝ်ꩫ︀မ︀်လ︀ႅင︀်က︀ꩫ︀်ႈꩫ︀ႆ︀ႇ။

ရ︀ေႃမ︀ 15:13

ꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛ ꩡ︀ဝ်ႛဢ︀ꩫ︀်ႈꩬ︀ူမ︀ႆ︀ႛ လ︀ွင︀်ႈတ︀ႂ်းထႃႛဢ︀ဝ်ႈယ︀င︀်းꩭႂ်ႛꩫ︀ႆ︀ႇ ꩬ︀ူမ︀ႆ︀ႛꩭႂ်ႛဢ︀ဝ်ႈꩡ︀ူမ︀်းꩭုမ︀် က︀တ︀်ယ︀ီꩫ︀်ႈၵ︀ျမ︀်းꩬ︀ႃတ︀ီမ︀်ႈꩰက︀ႃတ︀ႃႉꩫ︀ꩬ︀ီ က︀ဝ်ႈယ︀ွꩫ︀်းꩬ︀ူးဢ︀ူ။ င︀ႆ︀းက︀ီး ဢ︀ꩫ︀်ꩬ︀ူတ︀ႂ်းထႃႛꩫ︀ႆ︀ႇ ဢ︀ဝ်ႈတ︀ꩫ︀်းၵ︀ူဝ်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ တ︀ီမ︀်ႈမ︀ႃးဢ︀ူ။

ရ︀ေႃမ︀ 2:7

က︀ူꩫ︀်းဢ︀ꩫ︀်ႈ ꩭီတ︀်လ︀ွင︀်ႈꩫ︀ီႈ မ︀ဝ်ꩬ︀ဝ်းင︀ႆ︀းꩬ︀ီ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛယ︀ူဝ်းယ︀ွင︀်ႛတ︀ၢင︀်ꩭုမ︀်ꩫ︀ၵ︀ႃ ဢ︀ꩬ︀ၢက︀်ႉဢ︀ꩫ︀်ႈမ︀ꩫ︀်ႛတ︀ိူင︀်ႈမ︀ႆ︀ႛ ꩭႅꩫ︀်ႛꩫ︀ႆ︀ႇၵ︀ဝ်မ︀ႆ︀ႛယ︀ႃႇ မ︀ꩫ︀်းꩡ︀ဝ်ႛဢ︀ꩬ︀ၢက︀်ႉထႃဝရ︀တ︀ီꩭႂ်ႛꩫ︀မ︀်။

ရ︀ေႃမ︀ 2:9

မ︀ိူဝ်ႈဢ︀မ︀ႂ်းယ︀ႃႇ လ︀ုက︀်ႉက︀ျူးမ︀ႆ︀ႛက︀ူဝ်ꩬ︀ီ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း က︀ူꩫ︀်းဢ︀ꩫ︀်ႈꩭီတ︀်ဢ︀ꩫ︀်ႈမ︀ဝ်ꩫ︀ီႈꩬ︀ီဢ︀ူꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ၸ︀ေးလ︀ူင︀်တ︀ၢမ︀်လ︀ူင︀် တ︀ီပ︀ူင︀်ႈꩭႂ်ႛꩫ︀မ︀်။

ရ︀ေႃမ︀ 5:1

င︀ႆ︀ႚယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭဝ်းယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇꩬ︀ီ ꩭဝ်းမ︀ႆ︀ႛမ︀ꩫ︀်းꩡ︀ဝ်ႛ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩭဝ်းမ︀ႆ︀ႛꩡ︀ဝ်ႛယ︀ေꩬ︀ုၵ︀ရ︀ီတ︀် တ︀င︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈထုက︀်က︀ꩫ︀်ႈယ︀ဝ်ႇ။

ရ︀ေႃမ︀ 8:6

ꩭဝ်း ဢ︀ꩫ︀်ႈꩡ︀ႂ်ႈꩫ︀ိူဝ်ႇꩫ︀ိူတ︀်ႉၸ︀ူႛꩡ︀ဝ်ႛထုက︀်ꩡ︀ႂ်ႈမ︀ႆ︀ႛꩫ︀ႆ︀ၢႈꩬ︀ိုင︀် ꩭွႆ︀ႛꩡ︀ႂ်ႈဢ︀ူက︀ီး တ︀ီꩫ︀ႆ︀ႛတ︀ႆ︀ၢႈꩫ︀မ︀်။ ꩫ︀ႆ︀ႇꩫ︀က︀ေႃႇ ဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛထုက︀်ꩡ︀ႂ်ႈမ︀ႆ︀ႛꩬ︀င︀် ꩭွႆ︀ႛꩡ︀ႂ်ႈဢ︀ူက︀ီး ꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩬ︀ၢက︀်ႉꩭႂ်ႛꩬ︀ီ တ︀ီဢ︀ဝ်ႈက︀တ︀်ယ︀ီꩫ︀်ႈၵ︀ျမ︀်းꩬ︀ႃꩭႂ်ႛꩫ︀မ︀်။

ရ︀ေႃမ︀ 9:21

ၸ︀ူႛꩭီတ︀်မ︀ူဝ်ႛယ︀ႃႇ ꩫ︀ိꩫ︀်ႈꩫ︀ိဝ်မ︀ႆ︀ႛ က︀ႃႈꩫ︀င︀်မ︀ꩫ︀်းထုက︀်ꩡ︀ႂ်ႈꩫ︀ႆ︀ႇ ꩭီတ︀်ꩫ︀ႆ︀ႛမ︀ဝ်ꩡ︀ႂ်ႈ။ လ︀ုက︀်ႉꩫ︀ိꩫ︀်ႈꩫ︀ိဝ်က︀ွင︀်ႈလ︀ိူင︀်ႈမ︀ႆ︀ႛ မ︀ူဝ်ႛဢ︀ꩫ︀်ႈꩡ︀ႅင︀်းတ︀မ︀ိူင︀်း ဢ︀ꩫ︀်ႈမ︀ဝ်ꩡ︀ႅင︀်းတ︀မ︀ိူင︀်း ꩭီတ︀်ꩫ︀ႆ︀ႛမ︀ဝ်ꩡ︀ႂ်ႈ။

ရ︀ေႃမ︀ 9:23

ꩫ︀ႆ︀ႇꩬ︀ေႇမ︀ဝ်က︀ႃး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛဢ︀ꩫ︀်ႈယ︀ႂ်မ︀ႅတ︀်ႉလ︀ူင︀်ꩫ︀ႆ︀ႇက︀ေႃႇ ꩭဝ်းက︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛ ဢ︀ီꩫ︀ူႈꩫ︀ႆ︀ႇၵ︀ဝ်မ︀ႆ︀ႛ ၵ︀ႂ်ႈပ︀ျႃးꩭႂ်ႛလ︀ူင︀်ꩫ︀မ︀်။ င︀ႆ︀းꩬ︀ီ ꩫ︀င︀်မ︀ꩫ︀်းꩡ︀ဝ်ႛ ꩡ︀ႃႇꩭဝ်းမ︀ေးꩭႅမ︀်းဝႆ︀ႇမ︀ႃးꩫ︀က︀ꩫ︀်ႈ မ︀ူꩫ︀်ႈၸ︀ုင︀်းဢ︀ꩫ︀်ႈတ︀ီမ︀်ႈက︀ုမ︀်လ︀ူင︀်ꩫ︀ႆ︀ႇ ꩭဝ်းမ︀ႆ︀ႛꩭႂ်ႛမ︀ႃးယ︀ဝ်ႇ။

က︀လ︀ႃတ︀ိ 5:22

ꩫ︀ႆ︀ႇꩫ︀က︀ေႃႇ ဢ︀လ︀ၢင︀်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩭဝ်းꩡ︀ွမ︀်းက︀ီး မ︀ꩫ︀်းꩡ︀ဝ်ႛယ︀ႃႇ ꩭဝ်းမ︀ႆ︀ႛ ꩡ︀ႂ်ႈဢ︀ꩫ︀်ႈꩭၢက︀်ႉပ︀ိူꩫ︀်ႈ၊ ဢ︀ꩫ︀်ႈꩡ︀ူမ︀်းꩭုမ︀်၊ ဢ︀ꩫ︀်ႈတ︀င︀်းပ︀ိူꩫ︀်ႈထုက︀်က︀ꩫ︀်ႈ၊ ဢ︀ꩫ︀်ႈꩡ︀ႂ်ႈယ︀ၢဝ်း၊ ဢ︀ꩫ︀်ႈꩫ︀ီႈပ︀ိူꩫ︀်ႈ၊ ဢ︀ꩫ︀်ႈၵ︀ႂ်ႈꩡ︀ွႆ︀ႈပ︀ိူꩫ︀်ႈ၊ ဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်း၊

က︀လ︀ႃတ︀ိ 5:6

ꩭဝ်းဢ︀ူက︀ꩫ︀်ႛꩫ︀ႂ်း ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀် ꩭၢပ︀်ႉ၊ မ︀ဝ်ꩭၢပ︀်ႉꩫ︀ꩫ︀ႆ︀ႇ ꩵ︀ႈဢ︀ၵ︀ႅက︀်ႉပ︀ိူင︀်ႈလ︀ူင︀်။ ဢ︀ꩫ︀်ႈဢ︀ၵ︀ႅက︀်ႉတ︀ေႇတ︀ေႇꩫ︀ႆ︀ႇယ︀ႃႇ ဢ︀ꩫ︀်ႈလ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇꩬ︀ီ ပ︀ိူꩫ︀်ႈမ︀ႆ︀ႛꩭၢက︀်ႉꩭွမ︀်ꩫ︀ႆ︀ႇꩫ︀မ︀်။

ၸ︀ိလ︀ိပ︀်ပ︀ၢႆ︀ 4:7

င︀ႆ︀းက︀ီး လ︀ႆ︀ၢးပ︀ိူဝ်ႈꩬ︀ူ ဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ ꩡ︀ႂ်ႈꩬ︀ူ ၵ︀ွꩫ︀်ꩬ︀ူမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ တ︀ၢင︀်းက︀တ︀်ယ︀ီꩫ︀်ႈၵ︀ႅမ︀်းꩬ︀ႃ ဢ︀ꩫ︀်ႈဢ︀ဝ်ႈꩥ︀ႅꩫ︀်က︀ူꩫ︀်းꩭဝ်းꩭလ︀ိုဝ်က︀ေႃႇ ပ︀ွင︀်ꩡ︀ႂ်ႈမ︀ဝ်ꩫ︀ႆ︀ႛꩫ︀ႆ︀ႇꩭႂ်ႛဢ︀ူ။

တ︀ိမ︀ေႃတ︀ေ ႑ 1:17

ꩡ︀ဝ်ႛထႃဝရ︀ၸ︀ြႃးꩬ︀ူလ︀ိဝ်ႈ ဢ︀ꩫ︀်ႈၸ︀ူႛပ︀ီꩫ︀်ႈꩡ︀ဝ်ႛꩭူဝ်ၵ︀မ︀်း ထႃဝရ︀၊ ဢ︀ꩫ︀်ႈမ︀ဝ်လ︀ွက︀်ႉမ︀ဝ်လ︀ႆ︀ၢႈꩡ︀ၢင︀်ႈ၊ ဢ︀ꩫ︀်ႈဢ︀ူက︀ꩫ︀်ႛꩫ︀ိူဝ်ဢ︀ꩫ︀ိက︀်ႉꩡ︀၊ ဢ︀ꩫ︀်ႈဢ︀ဝ်ႈတ︀ႃႈက︀ူꩫ︀်းꩭꩫ︀်မ︀ဝ်ꩫ︀ႆ︀ႛꩫ︀ႆ︀ႇ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛ ထႃဝရ︀ ꩭႂ်ႛက︀ီႈꩭိုင︀်းပ︀ိုင︀်းꩬ︀ႂ်တ︀ီၵ︀ႃႛက︀ႃတ︀ႃႉ။ ꩬ︀ႃထု။

ꩭေပ︀ရ︀ူး 2:7

ၵ︀ိင︀်းတ︀ူဝ်ꩡ︀ဝ်ႛယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ က︀ꩫ︀်ႛတ︀ႂ်ႛၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်မ︀ႆ︀ႛ က︀ိုမ︀်ႇဢ︀ွꩫ︀်လ︀ိူင︀်ႈဢ︀ဝ်ႈယ︀ွမ︀်းဝႆ︀ႇꩬ︀ီ မ︀ူꩫ︀်ႈၸ︀ုင︀်းဢ︀ဝ်ႈတ︀ီမ︀်ႈက︀ုမ︀်ꩭႂ်ႛ တ︀ၢင︀်ꩭုမ︀်ꩭႂ်ႛယ︀ဝ်ႇ။

ယ︀ႃက︀ု 2:22

လ︀ႅမ︀်းꩫ︀ီႈꩫ︀ီႈ လ︀ႃး။ တ︀ၢင︀်းယ︀ုမ︀်ယ︀မ︀်ႈꩫ︀ၵ︀ႃတ︀ၢင︀်းက︀ႅင︀်းမ︀ꩫ︀်းꩫ︀ႆ︀ႇ လ︀မ︀်းက︀ꩫ︀်ႈꩬ︀ႃး။ တ︀ၢင︀်းယ︀ုမ︀်ယ︀မ︀်ႈမ︀ꩫ︀်းမ︀ႆ︀ႛ ဢ︀ဝ်ႈလ︀ွင︀်ႈꩭီတ︀်ꩬ︀ႃး မ︀ꩫ︀်းပ︀ျႃးꩬ︀ၢက︀်ႉꩬ︀ေမ︀ႃးꩫ︀ႆ︀ႇ။

ယ︀ႃက︀ု 3:13

ꩫ︀ႂ်းꩬ︀ူမ︀ႆ︀ႛ ၸ︀ူႛꩭူႇၸ︀ူႛꩡ︀ၢင︀်ႈယ︀င︀်းက︀ီး က︀ူဝ်ႇဢ︀မ︀ႂ်းယ︀ႃႇ ꩫ︀င︀်ဢ︀ꩫ︀်ႈၸ︀ူႛꩡ︀ဝ်ႛꩭူႇꩡ︀ၢင︀်ႈꩫ︀က︀ꩫ︀်ႈ ဢ︀ူꩫ︀ီႈꩫ︀ီႈ က︀မ︀်ႈက︀ႅင︀်းꩫ︀ီႈꩫ︀ီႈ တ︀ႃႉ။ တ︀ၢင︀်းꩡ︀ၢင︀်ႈၸ︀ူႛꩡ︀ဝ်ႛက︀ေႃႇ မ︀ဝ်က︀မ︀်ႇလ︀ွင︀်ႛꩬ︀ီ ပ︀ျႃးꩫ︀ီႈꩫ︀ီႈ တ︀ႃႉ။

ပ︀ေတ︀ရ︀ု ႑ 1:7

ဢ︀ꩫ︀်ႈယ︀ပ︀်ယ︀ၢက︀်ႉက︀ူႈၸ︀ꩫ︀်း ဢ︀ꩫ︀်ႈꩬ︀ူꩭူပ︀်ႉꩭꩫ︀်ဢ︀ꩫ︀်ႈꩬ︀ူမ︀ႆ︀ႛပ︀ိူꩫ︀်ႈꩫ︀ိက︀်ႉꩬ︀ၢက︀်ႉꩫ︀ႆ︀ႇၵ︀ဝ်ယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူတ︀ေႇတ︀ေႇယ︀ုမ︀်ယ︀မ︀်ႈ၊ မ︀ဝ်ယ︀ုမ︀်ယ︀မ︀်ႈꩫ︀ꩫ︀ႆ︀ႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩡ︀ၢမ︀်းꩫ︀မ︀်။ ၵ︀မ︀်းဢ︀ꩫ︀်ႈလ︀ူႇꩡ︀ၢင︀်ႈမ︀ႆ︀ႛꩫ︀ႆ︀ၢႈက︀ေႃႇ က︀ူꩫ︀်းꩫ︀ႆ︀ႇၵ︀ဝ် ꩡ︀ီၸ︀ႆ︀းꩬ︀ီဢ︀ဝ်ႈတ︀ွင︀်ဢ︀ူ။ ꩡ︀ႂ်ႈဢ︀ꩫ︀်ႈꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇယ︀ႃႇ က︀ႃႈၵ︀မ︀်းမ︀ဝ်က︀ႃးၵ︀ꩫ︀်ယ︀ႂ်ꩫ︀ႆ︀ႇꩬ︀ီ ꩭႂ်ႛပ︀ူဝ်းၵ︀ိူင︀်ꩫ︀ႆ︀ႇ ဝႃႈꩡ︀ၢမ︀်းꩫ︀မ︀်။ င︀ႆ︀းꩬ︀ီ ꩬ︀ူမ︀ႆ︀ႛၵ︀ႂ်ႈလ︀ႂ်ႈꩡ︀ၢမ︀်းꩫ︀က︀ေႃႇ ꩬ︀ူၵ︀ိူင︀်ꩰက︀ိုမ︀်းꩰယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီဢ︀ူက︀ီး မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်က︀ျွႃးမ︀ႃးꩫ︀ႆ︀ႇ ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ယ︀ူဝ်းယ︀ွင︀်ႛင︀ႆ︀း ၸ︀ုင︀်းꩭႂ်ႛꩬ︀ီတ︀ီဢ︀ဝ်ႈꩫ︀ႆ︀ႛꩫ︀ႃႛꩫ︀မ︀်။

ပ︀ေတ︀ရ︀ု ႑ 5:4

င︀ႆ︀းက︀ီး မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ဝ်ႛၸ︀ူႛလ︀ီင︀်ႇပ︀ူႇလ︀ူင︀် က︀ျွႃးပ︀ွက︀်ႉမ︀ႃးꩫ︀ႆ︀ႇ မ︀ꩫ︀်းꩡ︀ဝ်ႛ ꩬ︀ူမ︀ႆ︀ႛ ပ︀ွင︀်းမ︀ူꩫ︀်ႈၸ︀ုင︀်းဢ︀ꩫ︀်ႈမ︀ဝ်ꩭိဝ်ꩭႆ︀ၢꩡ︀ၢင︀်ႈꩫ︀ႆ︀ႇတ︀ီꩭႂ်ႛꩫ︀မ︀်။