ရ︀ေႃမ︀ 16:5 - Khamti Shan

⁵ က︀ူꩫ︀်းဢ︀ꩫ︀်ႈꩭိူꩫ︀်းၵ︀ဝ်မ︀ႆ︀ႛꩭီတ︀်ꩡ︀ွင︀်းၸ︀ြႃးꩬ︀ီ ꩭူမ︀်ႈဝႆ︀ႈၸ︀ြႃးꩫ︀ႆ︀ႇၵ︀ဝ်၊ က︀ူဝ်ႇꩬ︀ေႛꩭၢက︀်ႉက︀ဝ်ႈ ဢ︀ေပ︀ႄꩫ︀တ︀်ဢ︀ꩫ︀်ႈလ︀ုက︀်ႉꩡ︀ေႈဝီင︀်းဢ︀ႃꩬ︀ျမ︀ႆ︀ႛ ဢ︀ွꩫ︀်ႈတ︀ၢင︀်းလ︀ေႚလ︀ေႚ ပ︀ီꩫ︀်ႈၵ︀ရ︀ီတ︀်ယ︀ၢꩫ︀်မ︀ႃး၊

ရ︀ေႃမ︀ 16:5 ပူးပေါင်းရင်းမြစ်များ

မ︀တ︀်တ︀ႄး 18:20

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀မ︀ႆ︀ႚꩫ︀က︀ေႃႇ ꩬ︀ူꩡ︀ိုဝ်ႈက︀ဝ်ႈမ︀ႆ︀ႛꩭီတ︀်င︀ဝ်ႛꩬ︀ီ ꩬ︀ွင︀်ꩬ︀ၢမ︀်က︀ူဝ်ႇ တ︀ုမ︀်ႈက︀ꩫ︀်ႈက︀ီး တ︀ီႈဢ︀မ︀ႂ်းမ︀ႆ︀ႛ က︀ဝ်ႈတ︀င︀်းၵ︀ဝ်ယ︀င︀်းꩬ︀ီꩫ︀မ︀်” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 16:6

ၵ︀ဝ်ယ︀ႃႇ တ︀ိူင︀်းၸ︀ျုက︀ိꩫ︀ၵ︀ႃ တ︀ိူင︀်းက︀လ︀ႃတ︀ိမ︀ႆ︀ႛ ၸ︀ႃက︀ႃဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ဝ်မ︀ႆ︀ႛဢ︀ၵ︀ၢင︀်းဢ︀ꩫ︀်ႈ မ︀ိူင︀်းဢ︀ႃꩬ︀ျမ︀ႆ︀ႛ ꩭူဝ်းၵ︀ၢဝ်ႈၵ︀ၢမ︀်းꩫ︀ီႈမ︀ဝ်ꩭႂ်ႛꩬ︀ီꩫ︀မ︀်။

ထဝ်ꩡ︀တ︀်ႉၵ︀ဝ် 18:12

ꩡ︀ူဝ်ႈမ︀ိူဝ်ႈက︀ႃလ︀ျုင︀် ပ︀ီꩫ︀်ႈꩡ︀ဝ်ႛက︀ႅမ︀်ႈမ︀ိူင︀်းဢ︀ႃၵ︀ႃယ︀ꩫ︀ႆ︀ႇ က︀ျူးꩫ︀ႆ︀ႇၵ︀ဝ်တ︀ုမ︀်ႈက︀ꩫ︀်ႈꩬ︀ီ ပ︀ေႃလ︀ုမ︀ႆ︀ႛꩬ︀ႅဝ်ႛင︀ႆ︀း ပ︀ၢင︀်ႈတ︀ြႃးမ︀ႆ︀ႛဢ︀ဝ်ႈမ︀ႃးဢ︀ူ။

ထဝ်ꩡ︀တ︀်ႉၵ︀ဝ် 18:27

ဢ︀ႃပ︀ေႃလ︀ု မ︀ိူင︀်းဢ︀ႃၵ︀ႃယ︀မ︀ႆ︀ႛၵ︀ႂ်ႈက︀ႃꩫ︀ႆ︀ႇꩬ︀ီ ၸ︀ူႛယ︀ုမ︀်ယ︀မ︀်ႈဝီင︀်းဢ︀ေၸ︀ႅတ︀်ꩫ︀ႆ︀ႇၵ︀ဝ်ယ︀ႃႇ ꩭႂ်ႛပ︀ူဝ်းမ︀ꩫ︀်းမ︀ႆ︀ႛ ၸ︀ူႛယ︀ုမ︀်ယ︀မ︀်ႈမ︀ိူင︀်းဢ︀ႃၵ︀ႃယ︀ꩫ︀ႆ︀ႇၵ︀ဝ်ꩭၢပ︀်ႉꩫ︀ႆ︀ႇ ၵ︀ဝ်မ︀ႆ︀ႛ လ︀ိက︀်ႉက︀ၢပ︀်က︀ၢႆ︀ꩡ︀ႃႇမ︀ꩫ︀်း တ︀ႅမ︀်ႛꩭႂ်ႛဢ︀ူ။ မ︀ိူင︀်းဢ︀ႃၵ︀ႃယ︀မ︀ႆ︀ႛ မ︀ꩫ︀်းထိုင︀်က︀ႃက︀ီး က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭီတ︀်က︀ျေးꩡ︀ူးꩬ︀ီ ယ︀ုမ︀်ယ︀မ︀်ႈမ︀ႃးꩫ︀ႆ︀ႇၵ︀ဝ်မ︀ႆ︀ႛ ဢ︀ၢꩫ︀်တ︀ၢꩫ︀်ꩡ︀ွႆ︀ႈꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 2:9

ꩭဝ်းယ︀ႃႇ လ︀ုက︀်ႉမ︀ိူင︀်းပ︀ႃတ︀ိ၊ မ︀ိူင︀်းမ︀ေတ︀ိ၊ မ︀ိူင︀်းဢ︀ေလ︀ံ၊ မ︀ိူင︀်းမ︀ေꩬ︀ူဝ်ပ︀ူဝ်တ︀ေမ︀ိယ︀၊ မ︀ိူင︀်းယ︀ုတ︀၊ မ︀ိူင︀်းက︀ပ︀်ပ︀တ︀ေႃက︀ိ၊ မ︀ိူင︀်းပ︀ုꩫ︀်တ︀ု၊ မ︀ိူင︀်းဢ︀ႃꩬ︀ျ၊

ရ︀ေႃမ︀ 11:16

လ︀ုက︀်ႉၵ︀ဝ်ႛမ︀ူဝ်ႛလ︀ိူင︀်ႈမ︀ႆ︀ႛ ၵ︀ဝ်ႛꩬ︀ိက︀်ႉလ︀ိူင︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ လ︀ူက︀ီး ၵ︀ဝ်ႛဢ︀ꩫ︀်ႈမ︀ူဝ်ႛမ︀ႆ︀ႛက︀ိူတ︀်ꩫ︀ႆ︀ႇက︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ လ︀ူယ︀ဝ်ႇꩰꩫ︀က︀ꩫ︀်ႈꩫ︀မ︀်။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ူꩫ︀်ႛမ︀ႆ︀ႇတ︀ူꩫ︀်ႛလ︀ိူင︀်ႈ ပ︀ႃႛင︀ဝ်ႛလ︀ူက︀ီး ၵ︀ႃႈမ︀ꩫ︀်းꩫ︀ႆ︀ႇၵ︀ဝ်က︀ေႃႇ ပ︀ီꩫ︀်ႈၵ︀ွင︀်ၸ︀ြႃးပ︀ီꩫ︀်ႈꩡ︀ဝ်ႛယ︀ဝ်ႇ။

ရ︀ေႃမ︀ 15:26

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ိူဝ်းꩡ︀ေႈဝီင︀်းမ︀ႃက︀ေတ︀ေႃꩫ︀ိꩫ︀ၵ︀ႃ ꩡ︀ိူဝ်းမ︀ိူင︀်းဢ︀ႃၵ︀ႃယ︀ၵ︀ဝ်ယ︀ႃႇ က︀ူꩫ︀်းꩡ︀ိူဝ်းဝီင︀်းယ︀ေရ︀ုꩬ︀လ︀ိမ︀် ဢ︀ꩫ︀်ႈယ︀ၢက︀်ႉၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈင︀ိူꩫ︀်းꩡ︀ွႆ︀ႈက︀ွတ︀်ꩫ︀ꩬ︀ီ ၵ︀ွင︀်းꩰလ︀ွင︀်းꩰတ︀ႅပ︀်တ︀တ︀်က︀ꩫ︀်ႈယ︀ဝ်ႇ။

ရ︀ေႃမ︀ 16:12

တ︀ရ︀ုၸ︀ႄꩫ︀ၵ︀ႃ တ︀ရ︀ုၸ︀ေႃတ︀ ဢ︀ꩫ︀်ႈထၢမ︀်းဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛၵ︀ဝ်၊ က︀ူဝ်ႇꩬ︀ေႛꩭၢက︀်ႉက︀ဝ်ႈ ပ︀ေရ︀တ︀ိဢ︀ꩫ︀်ႈဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ၢꩫ︀်တ︀ၢꩫ︀်ꩬ︀ေႈꩡ︀ႃႉမ︀ႃးꩫ︀ႆ︀ႇၵ︀ဝ်၊

ရ︀ေႃမ︀ 16:4

ꩬ︀ွင︀်ၵ︀ႃယ︀ႃႇ တ︀ူဝ်ပ︀ူဝ်းဢ︀ꩬ︀ၢက︀်ႉၵ︀ႂ်ႈၵ︀ွတ︀်ပ︀ုꩫ︀်ႛꩫ︀မ︀် က︀ဝ်ႈမ︀ႆ︀ႛꩡ︀ွႆ︀ႈမ︀ႃးꩫ︀ႆ︀ႇ။ ꩬ︀ွင︀်ၵ︀ႃမ︀ႆ︀ႛ က︀ဝ်ႈꩫ︀ၢႆ︀ႈမ︀ဝ်က︀ႃး ꩡ︀ိူဝ်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်တ︀င︀်းမ︀ိူင︀်းက︀ေႃႇ က︀ျေးꩡ︀ူးတ︀ၢင︀်လ︀ူင︀်ꩫ︀မ︀်။

ရ︀ေႃမ︀ 16:6

မ︀ေရ︀ီဢ︀ꩫ︀်ႈꩡ︀ႃႇꩬ︀ူ ꩭီတ︀်ဢ︀မ︀ူးꩬ︀ေႈꩡ︀ႃႉမ︀ႃးင︀ႆ︀း

ရ︀ေႃမ︀ 16:8

ꩡ︀ႃႇလ︀ိူင︀်ႈ ဢ︀မ︀်ပ︀လ︀ိဢ︀ꩫ︀်ႈလ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုꩬ︀ီ ပ︀ီꩫ︀်ႈက︀ူဝ်ႇꩬ︀ေႛꩭၢက︀်ႉက︀ဝ်ႈ၊

က︀ေႃရ︀ိꩫ︀်တ︀ု ႑ 16:15

ꩡ︀ုမ︀်ႛꩭိူꩫ︀်းꩬ︀တ︀ေၸ︀ꩫ︀်ၵ︀ဝ်မ︀ႆ︀ႛ ꩬ︀ူတ︀ွင︀်းမ︀ဝ်ꩡ︀ႂ်ႈ။ ၵ︀ဝ်ယ︀ႃႇ ဢ︀ꩫ︀်ႈလ︀ုက︀်ႉတ︀ိူင︀်းဢ︀ႃၵ︀ႃယ︀မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ွꩫ︀်ႈတ︀ၢင︀်းလ︀ေႚလ︀ေႚယ︀ုမ︀်ယ︀မ︀်ႈမ︀ႃးꩫ︀မ︀်။ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛက︀ေႃႇ ၵ︀ဝ်ꩡ︀ွႆ︀ႈလ︀ူင︀်ꩡ︀ွႆ︀ႈလ︀ၢင︀်မ︀ႃးယ︀ဝ်ႇ။ ၵ︀ႅꩫ︀်းꩫ︀က︀ွတ︀်။ ၵ︀ၢမ︀်းၵ︀ဝ်မ︀ႆ︀ႛတ︀မ︀ိူင︀်း၊ ၵ︀ၢမ︀်းက︀ူꩫ︀်းဢ︀ꩫ︀်ႈတ︀င︀်းၵ︀ဝ် ꩭူမ︀်ႈꩭီတ︀်ဢ︀မ︀ူးꩬ︀ေႈꩡ︀ႃႉꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ထွမ︀်ꩡ︀ွမ︀်းက︀ꩫ︀်ႈမ︀ႃးတ︀ႃႉ။

က︀ေႃရ︀ိꩫ︀်တ︀ု ႑ 16:19

ꩡ︀ိူဝ်းꩡ︀ဝ်ႛဢ︀ꩫ︀်ႈတ︀ိူင︀်းဢ︀ႃꩬ︀ျမ︀ႆ︀ႛယ︀င︀်းꩫ︀ႆ︀ႇၵ︀ဝ် ꩬ︀ူမ︀ႆ︀ႛꩬ︀င︀်ၵ︀ၢမ︀်းက︀ꩫ︀်ႈဢ︀ူ။ ဢ︀ႃက︀ုလ︀ꩫ︀ၵ︀ႃ ပ︀ီတ︀်က︀ိလ︀င︀ႆ︀း က︀ူꩫ︀်းꩡ︀ိူဝ်းꩡ︀ဝ်ႛဢ︀ꩫ︀်ႈꩭိူꩫ︀်းၵ︀ဝ်မ︀ႆ︀ႛတ︀ုမ︀်ႈꩫ︀ႆ︀ႇၵ︀ဝ်က︀ေႃႇ ဢ︀ဝ်ႈꩡ︀ိုဝ်ႈꩡ︀ဝ်ႛꩭဝ်း ꩬ︀င︀်ၵ︀ၢမ︀်းဢ︀ူ။

က︀ေႃရ︀ိꩫ︀်တ︀ု ႒ 1:1

ꩬ︀ူꩡ︀ဝ်ႛ က︀ူꩫ︀်းꩡ︀ိူဝ်းၸ︀ြႃးပ︀ီꩫ︀်ႈꩡ︀ဝ်ႛဝီင︀်းက︀ေႃရ︀ိꩫ︀်တ︀ုၵ︀ဝ် တ︀င︀်းက︀ူပ︀် က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈတ︀ိူင︀်းဢ︀ႃၵ︀ႃယ︀မ︀ႆ︀ႛ ယ︀င︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ က︀ဝ်ႈပ︀ေႃလ︀ု ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩭွင︀်ႇဢ︀ဝ်ႈပ︀ီꩫ︀်ႈတ︀မ︀ၢꩫ︀်ꩡ︀ဝ်ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ၵ︀ႃ ꩫ︀ွင︀်ႇꩭဝ်းတ︀ိမ︀ေႃတ︀ေ လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။

က︀ေႃရ︀ိꩫ︀်တ︀ု ႒ 9:2

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူပ︀ိူꩫ︀်ႈမ︀ႆ︀ႛ ၵ︀ႂ်ႈꩡ︀ွႆ︀ႈꩭႅင︀်းဢ︀ူꩫ︀ꩫ︀ႆ︀ႇ က︀ဝ်ႈတ︀ွင︀်းꩫ︀ႆ︀ႇꩬ︀ီ ꩬ︀ူက︀ူꩫ︀်းꩡ︀ိူဝ်းတ︀ိူင︀်းဢ︀ႃၵ︀ႃယ︀ꩫ︀ႆ︀ႇၵ︀ဝ် လ︀ုက︀်ႉပ︀ီႈက︀ႆ︀ၢႈပ︀ုꩫ︀်ႛ ၵ︀ွင︀်လ︀ူꩭႅမ︀်းဝႆ︀ႇဢ︀ူꩫ︀ꩬ︀ီ က︀ူꩫ︀်းꩡ︀ိူဝ်းတ︀ိူင︀်းမ︀ႃက︀ေတ︀ေႃꩫ︀ိၵ︀ဝ်မ︀ႆ︀ႛက︀ေႃႇ က︀ဝ်ႈလ︀ွင︀်ႈꩬ︀ူယ︀ွင︀်ႛမ︀ႃးဢ︀ူ။ ဢ︀ꩫ︀်ႈတ︀ေႇတ︀ေႇက︀ေႃႇ ၵ︀ဝ်ꩭႂ်ႛပ︀ူဝ်းလ︀ူမ︀ႃးꩫ︀ႆ︀ႇက︀ေႃႇ ꩡ︀ေတ︀ꩫ︀ႃꩬ︀ူꩫ︀မ︀် ၵ︀ဝ်ဢ︀ၢꩫ︀်တ︀ၢꩫ︀်မ︀ႆ︀ႛ ꩬ︀ူꩫ︀်းꩭႂ်ႛမ︀ႃးꩫ︀ႆ︀ႇ။

က︀ေႃလ︀ေႃတ︀ႄ 4:15

က︀ူꩫ︀်းꩡ︀ိူဝ်းꩡ︀ဝ်ႛ ဢ︀ꩫ︀်ႈဢ︀ူဝီင︀်းလ︀ေႃတ︀ိက︀ိꩫ︀ႆ︀ႇၵ︀ဝ်မ︀ႆ︀ႛင︀ႆ︀း ꩫ︀ုင︀်ၸ︀င︀ႆ︀းꩡ︀ိူဝ်းꩡ︀ဝ်ႛဢ︀ꩫ︀်ႈꩭိူꩫ︀်းမ︀ꩫ︀်းမ︀ႆ︀ႛ ꩭူမ︀်ႈပ︀ႆ︀ၢႛၸ︀ြႃးꩫ︀ႆ︀ႇၵ︀ဝ်မ︀ႆ︀ႛက︀ေႃႇ တ︀ူႈꩬ︀င︀်ၵ︀ၢမ︀်းဢ︀ူ။

ယ︀ႃက︀ု 1:18

မ︀ꩫ︀်းꩡ︀ဝ်ႛယ︀ႃႇ က︀ꩫ︀်ႛꩫ︀ိူဝ်ဢ︀ꩫ︀်ႈမ︀ꩫ︀်းꩡ︀ဝ်ႛၸ︀ၢꩫ︀်ꩬ︀ၢင︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ ꩭႂ်ႛပ︀ူဝ်းက︀ူꩫ︀်းမ︀ꩫ︀်းꩡ︀ဝ်ႛၵ︀ဝ် ꩭီတ︀်ꩭူဝ်ꩫ︀ႆ︀ႛꩫ︀ႆ︀ႇ ꩫ︀င︀်မ︀ꩫ︀်းꩡ︀ဝ်ႛဢ︀လ︀ၢင︀်းယ︀င︀်းꩫ︀က︀ꩫ︀်ႈ ဢ︀ဝ်ႈၵ︀ၢမ︀်းꩬ︀မ︀်မ︀ႃတ︀ြႃးမ︀ꩫ︀်းꩡ︀ဝ်ႛ ꩭီတ︀်ဝႆ︀ႇမ︀ႃးꩫ︀မ︀်။

ယ︀ေႃးꩭၢꩫ︀် ႓ 1:1

က︀ူဝ်ႇꩬ︀ေႛက︀ႃယ︀ုꩴ︀း က︀ဝ်ႈၸ︀ူႛပ︀ီꩫ︀်ႈꩭူဝ်က︀ေꩡ︀ိူဝ်း လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။ မ︀ႂ်းꩡ︀ဝ်ႛမ︀ႆ︀ႛ က︀ဝ်ႈꩭၢက︀်ႉတ︀ေႇတ︀ေႇဢ︀ူ။

ၿျႃၻိက︀်ႉ 14:4

ၵ︀ဝ်ယ︀ႃႇ ၸ︀ူႛမ︀ၢဝ်ꩡ︀ႅတ︀်ႉꩰဢ︀ꩫ︀်ႈတ︀င︀်းၸ︀ူႛယ︀ိင︀်းမ︀ဝ်ꩭွꩫ︀်ဢ︀ူꩫ︀ႆ︀ႇၵ︀ဝ်ꩫ︀မ︀်။ တ︀ီႈဢ︀ꩫ︀်ႈပ︀ူႇဢ︀ွꩫ︀်က︀ႃမ︀ႆ︀ႛ ၵ︀ဝ်ꩡ︀ွမ︀်းဢ︀ူꩫ︀မ︀်။ ၵ︀ဝ်ယ︀ႃႇ ဢ︀ꩫ︀်ႈလ︀ုက︀်ႉၸ︀ꩫ︀်းက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ က︀ေႛၵ︀ျွတ︀်ႉဝႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃပ︀ူႇဢ︀ွꩫ︀်မ︀ႆ︀ႛ ဢ︀ွꩫ︀်ႈတ︀ၢင︀်းလ︀ေႚလ︀ေႚပ︀ုက︀်ႉꩡ︀ူဝ်ꩫ︀ႆ︀ႇၵ︀ဝ်ꩫ︀မ︀်။