ရ︀ေႃမ︀ 16:2 - Khamti Shan

² ꩫ︀င︀်က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်ထုက︀်ꩫ︀ီႈꩭီတ︀်ꩫ︀က︀ꩫ︀်ႈ မ︀ꩫ︀်းမ︀ႆ︀ႛမ︀တ︀်ႉက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩬ︀ီ ꩭၢပ︀်ႉတ︀ွꩫ︀်ႛက︀ꩫ︀်ႈမ︀ႃးတ︀ႃႉ။ ဢ︀ꩫ︀်ႈꩫ︀င︀်မ︀ꩫ︀်းꩭၢင︀်ႇꩫ︀ႆ︀ႇၵ︀ဝ်က︀ေႃႇ ꩡ︀ွႆ︀ႈꩭႂ်ႛမ︀ႃးတ︀ႃႉ။ မ︀ꩫ︀်းၸ︀ူႛꩡ︀ဝ်ႛက︀ေႃႇ က︀ူꩫ︀်းဢ︀ၢꩫ︀်တ︀ၢꩫ︀်မ︀ႆ︀ႛတ︀မ︀ိူင︀်း က︀ဝ်ႈမ︀ႆ︀ႛတ︀မ︀ိူင︀်း ꩡ︀ွႆ︀ႈꩭႂ်ႛမ︀ႃးယ︀ဝ်ႇ။

ရ︀ေႃမ︀ 16:2 ပူးပေါင်းရင်းမြစ်များ

မ︀တ︀်တ︀ႄး 25:40

မ︀ိူဝ်ႈဢ︀မ︀ႂ်းက︀ဝ်ႈယ︀ႃႇ “ထွမ︀်ꩫ︀ီႈꩫ︀ီႈတ︀ႃႉ။ က︀ဝ်ႈဝႃႈက︀ွတ︀်။ တ︀ပ︀ေးက︀ဝ်ႈဢ︀ꩫ︀်ႈꩫ︀ႃႛလ︀ီက︀်ႉꩫ︀ႃႛယ︀ႂ်မ︀ဝ်ဝႃႈ ၸ︀ႂ်မ︀ႆ︀ႛꩫ︀က︀ေႃႇ ဢ︀ꩫ︀်ႈꩫ︀င︀်ꩬ︀ူꩭီတ︀်မ︀ႃးꩫ︀ႆ︀ႇ ဢ︀ꩫ︀်ႈက︀ဝ်ႈမ︀ႆ︀ႛꩭီတ︀်ꩭႂ်ႛမ︀ႃးꩫ︀မ︀်” ꩫ︀ꩬ︀ီတ︀ီဝႃႈꩫ︀မ︀်။

ထဝ်ꩡ︀တ︀်ႉၵ︀ဝ် 9:13

ꩫ︀ႆ︀ႇမ︀ႆ︀ႛ ဢ︀ႃꩫ︀ꩫ︀ိယ︀ႃႇ “ꩡ︀ဝ်ႛꩴ︀း လ︀ွင︀်ႈမ︀ꩫ︀်းတ︀မ︀ိူင︀်း၊ လ︀ွင︀်ႈဢ︀ꩫ︀်ႈက︀ူꩫ︀်းၵ︀ိင︀်းတ︀ူဝ်ꩡ︀ဝ်ႛ ဢ︀ꩫ︀်ႈဢ︀ူဝီင︀်းယ︀ေရ︀ုꩬ︀လ︀ိမ︀်ꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းၵ︀ႂ်ႈလ︀ႂ်ႈဢ︀ဝ်ႈယ︀ပ︀်ယ︀ၢက︀်ႉမ︀ႃးꩫ︀ꩫ︀ႆ︀ႇတ︀မ︀ိူင︀်း က︀ဝ်ႈၵ︀ႃႛမ︀ႆ︀ႛ ပ︀ိူꩫ︀်ႈဢ︀ၢꩫ︀်တ︀ၢꩫ︀်ၵ︀ႆ︀ႈꩭႂ်ႛတ︀ီၵ︀ႃႛမ︀ႃးယ︀ဝ်ႇ။

ထဝ်ꩡ︀တ︀်ႉၵ︀ဝ် 9:15

ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ “က︀ႃတ︀ႃႉ။ မ︀ꩫ︀်းယ︀ႃႇ က︀ူဝ်ႇဢ︀ꩫ︀်ႈက︀ဝ်ႈꩡ︀ဝ်ႛလ︀ိူက︀်ႉဝႆ︀ႇ ꩭၢင︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်၊ ꩡ︀ဝ်ႛꩭူဝ်ၵ︀မ︀်းꩫ︀ႆ︀ႇၵ︀ဝ်င︀ႆ︀း ဢ︀ီတ︀်ꩬ︀ြေးꩫ︀ႆ︀ႇၵ︀ဝ်မ︀ႆ︀ႛ ꩭူဝ်းလ︀ွင︀်ႈက︀ဝ်ႈꩫ︀မ︀်။

ထဝ်ꩡ︀တ︀်ႉၵ︀ဝ် 9:36

ဝီင︀်းယ︀ုက︀်ပ︀ေမ︀ႆ︀ႛ တ︀ၿိတ︀ꩫ︀ꩫ︀ႆ︀ႇၸ︀ူႛယ︀ုမ︀်ယ︀မ︀်ႈက︀ူဝ်ႇလ︀ိူင︀်ႈယ︀င︀်းဢ︀ူ။ ꩡ︀ိုဝ်ႈမ︀ꩫ︀်းယ︀ႃႇ ဢ︀ဝ်ႈၵ︀ၢမ︀်းက︀ရ︀ိက︀်က︀ီး “ၻေႃက︀ႃ” ꩫ︀ꩫ︀မ︀်။ တ︀ီႈပ︀ွင︀်ယ︀ႃႇ “က︀ၢင︀်ႈ” ꩫ︀ꩫ︀မ︀်။ မ︀ꩫ︀်းယ︀ႃႇ က︀ူႈၵ︀ိင︀်က︀ူႈယ︀ၢမ︀်း ꩭီတ︀်လ︀ွင︀်ႈꩫ︀ီႈင︀ႆ︀း ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛ ꩡ︀ွႆ︀ႈꩬ︀ီဢ︀ူꩫ︀မ︀်။

ထဝ်ꩡ︀တ︀်ႉၵ︀ဝ် 9:39

ပ︀ေတ︀ရ︀ုက︀ေႃႇက︀ꩡ︀ူးတ︀င︀်းၵ︀ဝ်ꩡ︀ွမ︀်းမ︀ႃးဢ︀ူ။ ထိုင︀်က︀ီး မ︀ꩫ︀်းမ︀ႆ︀ႛၵ︀ွက︀်ႉတ︀ီႈဢ︀ꩫ︀်ႈꩭၢင︀်ႈတ︀ႆ︀ၢႈၻေႃက︀ႃဢ︀ဝ်ႈဝႆ︀ႇမ︀ႆ︀ႛ ꩭွင︀်ႇက︀ႃဢ︀ူ။ က︀ူꩫ︀်းꩡ︀ိူဝ်းမ︀ေႈမ︀ႆ︀ၢႛꩫ︀ႆ︀ႇၵ︀ဝ်ယ︀ႃႇ တ︀ႆ︀ၢႛပ︀ေတ︀ရ︀ုမ︀ႆ︀ႛ ၵ︀ုမ︀်ႇက︀ꩫ︀်ႈ၊ ꩭႆ︀ႛꩭႆ︀ႛမ︀ိုင︀်ႈꩰက︀ꩫ︀်ႈꩬ︀ီ ꩬ︀ိူဝ်ႛ၊ ၵ︀ိူင︀်ႈဢ︀ꩫ︀်ႈမ︀ိူဝ်ႈၻေႃက︀ႃဢ︀ꩬ︀ၢက︀်ႉꩫ︀ိပ︀်ꩬ︀ီ ယ︀ၢပ︀်ႉမ︀ႃးꩫ︀ႆ︀ႇၵ︀ဝ် မ︀ꩫ︀်းမ︀ႆ︀ႛပ︀ျႃးဢ︀ူ။

ထဝ်ꩡ︀တ︀်ႉၵ︀ဝ် 9:41

ပ︀ေတ︀ရ︀ုယ︀ႃႇ မ︀ိုဝ်းယ︀ုꩫ︀်ႈꩭႂ်ႛꩬ︀ီ မ︀ꩫ︀်းမ︀ႆ︀ႛꩡ︀ုင︀်ႈဢ︀ဝ်ႈလ︀ုက︀်ႉꩭႂ်ႛဢ︀ူ။ ယ︀ဝ်ႇက︀ီး မ︀ေႈမ︀ႆ︀ၢႛꩫ︀ႆ︀ႇၵ︀ဝ်င︀ႆ︀း က︀ူꩫ︀်းꩫ︀ႆ︀ႇၵ︀ဝ် တ︀င︀်းမ︀ိူင︀်းမ︀ႆ︀ႛꩭွင︀်ႇꩬ︀ီ ၻေႃက︀ႃဢ︀ꩫ︀်ႈဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇမ︀ႆ︀ႛ ၵ︀ဝ်မ︀ႆ︀ႛဢ︀ၢပ︀်ႉꩭႂ်ႛဢ︀ူ။

ရ︀ေႃမ︀ 15:7

ꩭႂ်ႛပ︀ူဝ်းမ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩭိူဝ်ႈꩭိုင︀်းပ︀ိုင︀်းꩬ︀ႂ်ꩫ︀ႆ︀ႇ ꩫ︀င︀်ꩬ︀ူမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩭၢပ︀်ႉဢ︀ဝ်ႈꩫ︀က︀ꩫ︀်ႈ ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩭုမ︀်ꩰꩡ︀ူမ︀်းꩰꩬ︀ီꩭၢပ︀်ႉက︀ꩫ︀်ႈတ︀ႃႉ။

ရ︀ေႃမ︀ 16:15

ၸ︀ိလ︀ေႃလ︀ုပ︀်၊ ယ︀ုလ︀ိ၊ ꩫ︀ေရ︀ုင︀ႆ︀းၸ︀ူႛꩫ︀ွင︀်ႇꩬ︀ၢဝ်မ︀ꩫ︀်း၊ ဢ︀ေႃလ︀ုမ︀်ပ︀ၵ︀ဝ်င︀ႆ︀း ၸ︀ူႛယ︀ုမ︀်ယ︀မ︀်ႈ ဢ︀ꩫ︀်ႈတ︀င︀်းၵ︀ဝ်လ︀ွေႛက︀ꩫ︀်ႈတ︀င︀်းလ︀ုင︀်မ︀ႆ︀ႛက︀ေႃႇ က︀ဝ်ႈထိုင︀်ꩡ︀ႂ်ႈဢ︀ူ။

ရ︀ေႃမ︀ 16:23

က︀ႃယ︀ု ꩡ︀ဝ်ႛꩭိူꩫ︀်းဢ︀ꩫ︀်ႈက︀ဝ်ႈꩬ︀ဝ်း ဢ︀ꩫ︀်ႈꩭိူꩫ︀်းမ︀ꩫ︀်းမ︀ႆ︀ႛ ꩭီတ︀်ꩡ︀ွင︀်းၸ︀ြႃးꩫ︀ႆ︀ႇက︀ေႃႇ ꩬ︀ူမ︀ႆ︀ႛထိုင︀်ꩡ︀ႂ်ႈဢ︀ူ။ ဢ︀ေရ︀တ︀်တ︀ု ၸ︀ူႛဝၢမ︀်ႇင︀ိူꩫ︀်းဝီင︀်းင︀ႆ︀း ꩫ︀ွင︀်ႇꩭဝ်းက︀ွႃတ︀ုက︀ေႃႇ ꩬ︀ူမ︀ႆ︀ႛထိုင︀်ꩡ︀ႂ်ႈဢ︀ူ။

ရ︀ေႃမ︀ 16:6

မ︀ေရ︀ီဢ︀ꩫ︀်ႈꩡ︀ႃႇꩬ︀ူ ꩭီတ︀်ဢ︀မ︀ူးꩬ︀ေႈꩡ︀ႃႉမ︀ႃးင︀ႆ︀း

ရ︀ေႃမ︀ 16:9

ဢ︀ုရ︀ပ︀ၢꩫ︀်ဢ︀ꩫ︀်ႈတ︀င︀်းက︀ဝ်ႈ ꩭူမ︀်ႈꩭီတ︀်ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛင︀ႆ︀း က︀ူဝ်ႇꩬ︀ေႛက︀ဝ်ႈတ︀တ︀ႃၵ︀ုၵ︀ဝ်၊

ဢ︀ေၸ︀ႅတ︀် 5:3

ꩬ︀ူယ︀ႃႇပ︀ီꩫ︀်ႈက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ ဢ︀ꩫ︀်ႈၸ︀ိတ︀်က︀ႃႛမ︀၊ ဢ︀ꩫ︀်ႈꩭီတ︀်ꩭင︀်ႛꩭီတ︀်ꩭိုက︀်က︀ူႈၸ︀ꩫ︀်းင︀ႆ︀း ꩡ︀ႂ်ႈတ︀ိင︀်ႈက︀ုပ︀်ꩫ︀ႆ︀ႇၵ︀ဝ် ꩵ︀ႈဝႃႈယ︀င︀်းပ︀ိူင︀်ႈလ︀ူင︀်။ ဢ︀ꩫ︀်ႈမ︀ဝ်ꩫ︀ီႈဢ︀မ︀ႂ်းၵ︀ဝ် လ︀ုက︀်ႉꩬ︀ူပ︀်မ︀ႆ︀ႛꩫ︀ႆ︀ၢႈက︀ေႃႇ ပ︀ီဢ︀ွက︀်ပ︀ိူင︀်ႈလ︀ူင︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀မ︀ႂ်းၵ︀ဝ်ယ︀ႃႇ ꩡ︀ႃႇက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ် ꩵ︀ႈထုက︀်ပ︀ိူင︀်ႈလ︀ူင︀်။

ၸ︀ိလ︀ိပ︀်ပ︀ၢႆ︀ 1:27

ဢ︀ꩫ︀်ႈၵ︀ႅꩫ︀်းဢ︀ၵ︀ႅက︀်ႉꩫ︀ႆ︀ႇယ︀ႃႇ ꩬ︀ူꩫ︀င︀်ဢ︀ꩫ︀်ႈၵ︀ၢဝ်ႈၵ︀ၢမ︀်းꩫ︀ီႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩬ︀ွꩫ︀်ဝႆ︀ႇꩫ︀ႆ︀ႇꩫ︀က︀ꩫ︀်ႈ ဝႃႈက︀မ︀်ႈက︀ႅင︀်းက︀ꩫ︀်ႈꩫ︀မ︀်။ င︀ႆ︀းက︀ီး က︀ဝ်ႈꩬ︀ူမ︀ႆ︀ႛမ︀ႃးပ︀ီꩫ︀်ႈပ︀တ︀ု၊ မ︀ဝ်ပ︀ီꩫ︀်ႈပ︀တ︀ု လ︀ွင︀်ႈဢ︀ꩫ︀်ႈꩬ︀ူꩭူမ︀်ႈꩡ︀ႂ်ႈꩭူမ︀်ႈၵ︀ူဝ်း ꩬ︀ေႈꩡ︀ႃႉꩬ︀ီ က︀ုမ︀်ႇတ︀ၢင︀်းယ︀ုမ︀်ယ︀မ︀်ႈဢ︀ꩫ︀်ႈꩭီတ︀်င︀ဝ်ႛၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ က︀ဝ်ႈတ︀ီꩫ︀ႆ︀ႛꩥ︀ိꩫ︀်းꩫ︀မ︀်။

ၸ︀ိလ︀ိပ︀်ပ︀ၢႆ︀ 2:29

မ︀ꩫ︀်းမ︀ႆ︀ႛ ꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀်ꩭၢပ︀်ႉꩫ︀က︀ꩫ︀်ႈ ꩭုမ︀်ꩰꩡ︀ူမ︀်းꩰꩬ︀ီ ꩭၢပ︀်ႉက︀ꩫ︀်ႈမ︀ႃးတ︀ႃႉ။ က︀ူꩫ︀်းဢ︀ꩫ︀်ႈꩫ︀င︀်မ︀ꩫ︀်းꩫ︀က︀ꩫ︀်ႈꩫ︀ႆ︀ႇၵ︀ဝ်မ︀ႆ︀ႛ ꩫ︀ၢပ︀်ႉယ︀မ︀်ႈက︀ꩫ︀်ႈတ︀ႃႉ။

က︀ေႃလ︀ေႃတ︀ႄ 4:10

ဢ︀ႃရ︀ိတ︀်တ︀ႃၵ︀ု ဢ︀ꩫ︀်ႈတ︀င︀်းက︀ဝ်ႈꩭူမ︀်ႈတ︀ူက︀်ထွင︀်င︀ႆ︀း မ︀ႃက︀ု ၸ︀ူႛꩫ︀ွင︀်ႇꩡ︀ႆ︀ၢး လ︀ုက︀်ႉပ︀ီႈလ︀ုက︀်ႉꩫ︀ွင︀်ႇၿႃꩫ︀ၿက︀ေႃႇ ꩬ︀ူမ︀ႆ︀ႛꩬ︀င︀်ၵ︀ၢမ︀်းဢ︀ူ။ ꩬ︀ူမ︀ႆ︀ႛ မ︀ႃက︀ုမ︀ႃးက︀ီး မ︀ꩫ︀်းမ︀ႆ︀ႛꩭၢပ︀်ႉမ︀ႃးတ︀ႃႉꩫ︀ꩬ︀ီ ꩬ︀ူမ︀ႆ︀ႛꩬ︀င︀်ဝႆ︀ႇမ︀ႃးယ︀ဝ်ႇ။

တ︀ိမ︀ေႃတ︀ေ ႑ 2:10

င︀ႆ︀းမ︀ဝ်ꩡ︀ႂ်ႈꩬ︀ီ ꩫ︀င︀်က︀ူꩫ︀်း ဢ︀ꩫ︀်ႈယ︀မ︀်ႈင︀ဝ်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ် ထုက︀်ꩫ︀ီႈꩭီတ︀်ꩫ︀က︀ꩫ︀်ႈ ꩭီတ︀်လ︀ွင︀်ႈꩫ︀ီႈꩫ︀ႆ︀ၢႈꩬ︀ီ ၸ︀ူႛꩡ︀ဝ်ႛမ︀ႆ︀ႛ ၸ︀ူႛꩡ︀ဝ်ႛဝႃႈꩭၢင︀်ႛဢ︀ဝ်ႈꩬ︀ႅꩫ︀်ႛက︀ꩫ︀်ႈꩫ︀မ︀်။

တ︀ိမ︀ေႃတ︀ေ ႒ 1:18

ဝီင︀်းဢ︀ေၸ︀ႅတ︀်မ︀ႆ︀ႛ မ︀ꩫ︀်းက︀ဝ်ႈမ︀ႆ︀ႛ ၵ︀ႂ်ႈလ︀ႂ်ႈမ︀ိုင︀်ႇꩭႂ်ႛမ︀ႃးꩫ︀ꩫ︀ႆ︀ႇ မ︀ႂ်းၸ︀ူႛꩡ︀ဝ်ႛက︀ေႃႇတ︀ွင︀်းဢ︀ူ။ ဝꩫ︀်းမ︀ိူဝ်ႈꩡ︀ဝ်ႛယ︀ေꩬ︀ုပ︀ွက︀်ႉမ︀ႃးꩫ︀ႆ︀ႇ မ︀ꩫ︀်းမ︀ႆ︀ႛ ꩭႂ်ႛဢ︀ီꩫ︀ူႈꩭၢက︀်ႉꩭွမ︀်က︀ႃတ︀ႃႉ။

တ︀ိတ︀ု 2:3

ၸ︀ူႛယ︀ိင︀်းဢ︀ꩫ︀်ႈမ︀ႂ်းမ︀ႆ︀ႛ က︀ေꩬ︀ႃꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩫ︀င︀်ၸ︀ူႛမ︀ူတ︀်ꩡ︀ၢင︀်ꩫ︀ႆ︀ႇၵ︀ဝ်ထုက︀်ꩫ︀ီႈဢ︀ူꩫ︀က︀ꩫ︀်ႈ ꩭႂ်ႛပ︀ူဝ်းဢ︀ူက︀ꩫ︀်ႈꩫ︀ႆ︀ႇꩬ︀ွꩫ︀်ꩭႂ်ႛတ︀ႃႉ။ ဢ︀ꩫ︀်ႈၵ︀ႃႇပ︀ိူꩫ︀်ႈလ︀ေ၊ ဢ︀ꩫ︀်ႈက︀ိꩫ︀်ႈလ︀ဝ်ႛမ︀ဝ်ႇက︀မ︀်ႈꩫ︀ႆ︀ႇၵ︀ဝ် ပ︀ီꩭႂ်ႛꩭီတ︀်။ ၵ︀ဝ်ယ︀ႃႇပ︀ိူꩫ︀်ႈမ︀ႆ︀ႛ လ︀ွင︀်ႈꩫ︀ီႈဝႃႈꩬ︀ွꩫ︀်ꩡ︀ၢင︀်ႈ၊ ၸ︀ူႛယ︀ိင︀်းဢ︀ꩫ︀်ႈꩫ︀ုမ︀်ꩫ︀ႆ︀ႇၵ︀ဝ်မ︀ႆ︀ႛ ဝႃႈꩬ︀ွꩫ︀်ꩭႂ်ႛၸ︀ိူက︀်ꩭႂ်ႛꩫ︀မ︀်။ င︀ႆ︀းက︀ီး ၵ︀ဝ်က︀ေႃႇ ၸ︀ူႛၸ︀ူဝ်ၸ︀ူႛꩡ︀ဝ်ႛ၊ လ︀ုက︀်ႉၸ︀ူႛꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ꩭၢက︀်ႉꩡ︀ၢင︀်ႈမ︀ႃးဢ︀ူ။

ၸ︀ိလ︀ေမ︀ုꩫ︀် 1:12

င︀ႆ︀ႚက︀ဝ်ႈ မ︀ꩫ︀်းက︀ူဝ်ႇဢ︀ꩫ︀်ႈက︀ဝ်ႈꩫ︀င︀်လ︀ုက︀်ႉၸ︀ူႛꩡ︀ဝ်ႛꩫ︀က︀ꩫ︀်ႈ ꩭၢက︀်ႉꩫ︀ႆ︀ႇမ︀ႆ︀ႛ မ︀ႂ်းမ︀ႆ︀ႛꩬ︀ူင︀်ပ︀ွက︀်ႉꩭႂ်ႛမ︀ႃးယ︀ဝ်ႇ။

ၸ︀ိလ︀ေမ︀ုꩫ︀် 1:17

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩫ︀ူႈꩫ︀ႃႛꩡ︀ဝ်ႛယ︀ေꩬ︀ုꩬ︀ီ က︀ဝ်ႈမ︀ႆ︀ႛ မ︀ႂ်းမ︀တ︀်ႉက︀ူဝ်ႇꩬ︀ေႛက︀ီး ꩫ︀င︀်ဢ︀ꩫ︀်ႈက︀ဝ်ႈမ︀ႆ︀ႛ တ︀ီꩭၢပ︀်ႉတ︀ွꩫ︀်ႛꩫ︀က︀ꩫ︀်ႈ မ︀ꩫ︀်းမ︀ႆ︀ႛꩭၢပ︀်ႉတ︀ွꩫ︀်ႛပ︀ွက︀်ႉမ︀ႃးတ︀ႃႉ။

ယ︀ေႃးꩭၢꩫ︀် ႒ 1:10

က︀ူဝ်ႇဢ︀ꩫ︀်ႈတ︀ြႃးꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛဢ︀ဝ်ႈၸ︀ႆ︀ꩬ︀ီ ꩬ︀ွꩫ︀်ꩫ︀ႆ︀ႇၵ︀ဝ် ꩬ︀ူမ︀ႆ︀ႛမ︀ႃးက︀ီး ပ︀ီꩭၢပ︀်ႉတ︀ွꩫ︀်ႛ။ မ︀ႂ်ꩬ︀ုင︀်တ︀ီၵ︀ႃႛꩫ︀ꩫ︀ႆ︀ၢႈက︀ေႃႇ ပ︀ီဝႃႈ။