ရ︀ေႃမ︀ 16:17 - Khamti Shan

¹⁷ ပ︀ီႈꩫ︀ွင︀်ႇၵ︀ဝ်ꩴ︀း က︀ူꩫ︀်းဢ︀ꩫ︀်ႈ ꩬ︀မ︀်မ︀ႃတ︀ြႃးဢ︀ꩫ︀်ႈꩬ︀ူꩭၢပ︀်ႉဢ︀ဝ်ႈဝႆ︀ႇမ︀ႆ︀ႛ ꩬ︀ၢꩫ︀်တ︀ၢꩫ︀်းꩬ︀ီ ꩬ︀ူမ︀ႆ︀ႛ ဢ︀ဝ်ႈက︀ၢက︀်ႉꩡ︀ႂ်ႈက︀ꩫ︀်ႈ၊ ဢ︀ဝ်ႈပ︀ႅက︀်တ︀ၢင︀်းယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ၵ︀ႅတ︀်ꩬ︀ီင︀ိူင︀်ႇက︀ꩫ︀်ႈတ︀ႃႉ။

ရ︀ေႃမ︀ 16:17 ပူးပေါင်းရင်းမြစ်များ

မ︀တ︀်တ︀ႄး 18:17

ꩬ︀င︀်ဝႃႈမ︀ꩫ︀်းမ︀ဝ်ꩬ︀ၢင︀်ဝွေက︀ီး လ︀ွင︀်ႈဢ︀ꩫ︀်ႈမ︀ꩫ︀်းၸ︀ိတ︀်မ︀ႃးꩫ︀ႆ︀ႇ ꩡ︀ိူဝ်းမ︀ႆ︀ႛၵ︀ႆ︀ႈꩭႂ်ႛတ︀ႃႉ။ င︀ႆ︀းꩬ︀ီက︀ေႃႇ မ︀ꩫ︀်းမ︀ဝ်ꩬ︀ၢင︀်ဝွေက︀ီး မ︀ꩫ︀်းမ︀ႆ︀ႛꩫ︀င︀်က︀ူꩫ︀်းက︀ꩫ︀်ႛꩫ︀ွက︀်ႉꩡ︀ိူဝ်းꩫ︀က︀ꩫ︀်ႈ ꩫ︀ႆ︀ႇမ︀ဝ်ꩡ︀ႂ်ႈက︀ီး ꩫ︀င︀်ၸ︀ူႛမ︀ၢပ︀်ႉလ︀ုပ︀်ႉꩫ︀က︀ꩫ︀်ႈမ︀တ︀်ႉၵ︀ွတ︀်တ︀ႃႉ။

မ︀တ︀်တ︀ႄး 18:7

ꩡ︀ႃႇꩭၢင︀်းက︀ူဝ်ႇဢ︀ꩫ︀်ႈပ︀ိူꩫ︀်ႈမ︀ႆ︀ႛ လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ဝ်ႈပ︀ႅက︀်တ︀ၢင︀်းက︀ႃꩫ︀ႆ︀ႇၵ︀ဝ်ယ︀ႃႇ ၵ︀ိူင︀်ႈꩫ︀ီႈက︀ူဝ်ႈလ︀ူင︀်ꩫ︀မ︀်။ ꩫ︀ႆ︀ႇꩫ︀က︀ေႃႇ ၸ︀ꩫ︀်းဢ︀မ︀ႂ်းယ︀ႃႇ မ︀ိူဝ်ႈလ︀ႂ်ႈက︀ေႃႇ တ︀ီယ︀င︀်းဢ︀ူꩫ︀မ︀်။ ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈꩭီတ︀်လ︀ွင︀်ႈၸ︀ꩫ︀်းဢ︀မ︀ႂ်းၵ︀ဝ်ယ︀ႃႇ တ︀ီꩫ︀ႆ︀ႛၵ︀ၢမ︀်တ︀ၢမ︀်ဢ︀ပ︀ႅတ︀်ႉ ဢ︀ꩫ︀်ႈၵ︀ိူင︀်ႈꩫ︀ီႈက︀ူဝ်ႈလ︀ူင︀်ꩫ︀မ︀်။

မ︀တ︀်တ︀ႄး 7:15

ပ︀ရ︀ေႃးၸ︀ႅတ︀်ႉမ︀ိက︀်ႉꩬ︀ႃꩫ︀ႆ︀ႇၵ︀ဝ်မ︀ႆ︀ႛ ꩬ︀တ︀ိတ︀ႃႉ။ ၵ︀ဝ်ယ︀ႃႇ မ︀ႃလ︀ႆ︀းဢ︀ꩫ︀်ႈꩭႆ︀ၢႇလ︀ူင︀်၊ ဢ︀ꩫ︀်ႈလ︀ွက︀်ႉၵ︀ၢပ︀်ႉပ︀ူႇꩫ︀ႆ︀ႇၵ︀ဝ်ꩫ︀က︀ꩫ︀်ႈꩫ︀မ︀်။

လ︀ုက︀ႃ 17:1

ꩡ︀ဝ်ႛယ︀ေꩬ︀ုယ︀ႃႇ တ︀ပ︀ေးꩡ︀ဝ်ႛၵ︀ဝ်မ︀ႆ︀ႛ “လ︀ွင︀်ႈဢ︀ꩫ︀်ႈက︀ူꩫ︀်းမ︀ႆ︀ႛ က︀ဝ်းဢ︀ဝ်ႈၸ︀ိတ︀်ꩫ︀ႆ︀ႇ ယ︀ႃႇ မ︀ိူဝ်ႈလ︀ႂ်ႈက︀ေႃႇ တ︀ီယ︀င︀်းဢ︀ူꩫ︀မ︀်။ ꩫ︀ႆ︀ႇꩫ︀က︀ေႃႇ ꩡ︀ႃႇက︀ူဝ်ႇဢ︀ꩫ︀်ႈပ︀ိူꩫ︀်ႈမ︀ႆ︀ႛက︀ဝ်းဢ︀မ︀ႂ်းယ︀ႃႇ ၵ︀ိူင︀်ႈꩫ︀ီႈက︀ူဝ်ႈလ︀ူင︀်ꩫ︀မ︀်။

ထဝ်ꩡ︀တ︀်ႉၵ︀ဝ် 15:24

က︀ူꩫ︀်းဢ︀ꩫ︀်ႈလ︀ုက︀်ႉတ︀ူႈမ︀ႆ︀ႛမ︀ႃးက︀မ︀်ႈၸ︀ွင︀်းယ︀ႃႇ ၵ︀ၢမ︀်းဢ︀ꩫ︀်ႈတ︀ူႈမ︀ဝ်ꩫ︀ေꩭႂ်ႛꩫ︀ႆ︀ႇၵ︀ဝ် ꩬ︀ူမ︀ႆ︀ႛမ︀ႃးဝႃႈꩬ︀ီ ဢ︀ဝ်ႈယ︀ပ︀်ꩡ︀ႂ်ႈမ︀ႃးယ︀ဝ်ႇꩫ︀ꩫ︀ႆ︀ႇ တ︀ူႈꩫ︀ႆ︀ႛꩥ︀ိꩫ︀်းဢ︀ူ။

က︀ေႃရ︀ိꩫ︀်တ︀ု ႑ 11:18

ဢ︀ွꩫ︀်ႈတ︀ၢင︀်းလ︀ေႚလ︀ေႚဝႃႈက︀ွတ︀်ꩫ︀က︀ီး မ︀ိူဝ်ႈꩬ︀ူꩡ︀ွင︀်းၸ︀ြႃးမ︀ႆ︀ႛတ︀ုမ︀်ႈက︀ꩫ︀်ႈꩫ︀ႆ︀ႇ ꩫ︀ႂ်းꩬ︀ူမ︀ႆ︀ႛ ဢ︀ꩫ︀်ႈက︀ၢက︀်ႉက︀ꩫ︀်ႈꩫ︀ႆ︀ႇၵ︀ဝ်ယ︀င︀်းဢ︀ူꩫ︀ꩫ︀ႆ︀ႇ က︀ဝ်ႈꩫ︀ႆ︀ႛꩥ︀ိꩫ︀်းဢ︀ူ။ ၵ︀ၢမ︀်းဢ︀မ︀ႂ်း က︀မ︀်ႈၸ︀ွင︀်းꩡ︀ႂ်ႈဢ︀ူꩫ︀ꩫ︀ႆ︀ႇ က︀ဝ်ႈယ︀ုမ︀်ဢ︀ူ။

က︀ေႃရ︀ိꩫ︀်တ︀ု ႑ 3:3

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ တ︀ႃႈꩫ︀ႅင︀်ႈက︀ꩫ︀်ႈ၊ ထီင︀်ၵ︀ၢမ︀်းက︀ꩫ︀်ႈꩫ︀ႆ︀ႇယ︀ႃႇ ꩬ︀ူမ︀ႆ︀ႛꩡ︀ႂ်ႈꩫ︀ိူဝ်ႇꩫ︀ိူတ︀်ႉပ︀ေႇထူမ︀်ႛင︀ႆ︀းꩫ︀င︀်ပ︀ႅင︀်ႈမ︀ိူင︀်းက︀ၢင︀်ႈꩫ︀က︀ꩫ︀်ႈဢ︀ူꩬ︀ီꩬ︀ႃး။

ၸ︀ိလ︀ိပ︀်ပ︀ၢႆ︀ 3:17

ပ︀ီႈꩫ︀ွင︀်ႇၵ︀ဝ်ꩴ︀း က︀ၢပ︀်ꩬ︀ီက︀ဝ်ႈမ︀ႆ︀ႛယ︀ီင︀်ႈꩡ︀ွမ︀်းက︀ꩫ︀်ႈတ︀ႃႉ။ လ︀ုက︀်ႉက︀ူꩫ︀်းဢ︀ꩫ︀်ႈတ︀ူႈမ︀ႆ︀ႛယ︀ီင︀်ႈꩡ︀ွမ︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩬ︀ွꩫ︀်ဢ︀ဝ်ႈက︀ꩫ︀်ႈတ︀ႃႉ။

က︀ေႃလ︀ေႃတ︀ႄ 2:8

ꩬ︀ူမ︀ႆ︀ႛ ဢ︀ဝ်ႈၵ︀ၢမ︀်းဢ︀ꩫ︀်ႈဢ︀က︀ိဝ်းမ︀ဝ်ယ︀င︀်းꩬ︀ီ ထီင︀်က︀ꩫ︀်ႈꩫ︀ႆ︀ႇၵ︀ဝ် ꩭႂ်ႛပ︀ူဝ်းၸ︀ႂ်က︀ေႃႇ မ︀ဝ်ၸ︀ၢမ︀်းက︀ႃꩫ︀ႆ︀ႇ ꩬ︀တ︀ိက︀ꩫ︀်ႈတ︀ႃႉ။ ၵ︀ၢမ︀်းဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈဢ︀ဝ်ႈထုင︀်းၸ︀ိင︀်ႛဢ︀ꩫ︀်ႈက︀ူꩫ︀်းမ︀ူဝ်င︀ႆ︀းꩬ︀ီ ꩬ︀ုပ︀်ႉက︀ꩫ︀်ႈꩬ︀ီꩬ︀ွꩫ︀်မ︀ႃးင︀ႆ︀း ဢ︀ꩫ︀်ႈလ︀ုက︀်ႉၸ︀ီဢ︀ꩫ︀်ႈꩭူမ︀်းတ︀မ︀်တ︀ိူင︀်းꩫ︀ႆ︀ႇၵ︀ဝ်မ︀ႆ︀ႛ မ︀ႃးꩫ︀ႆ︀ႇၵ︀ဝ်ꩫ︀မ︀်။ တ︀ြႃးဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ွꩫ︀်ꩵ︀ႈꩡ︀ႂ်ႈ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 3:6

ပ︀ီႈꩫ︀ွင︀်ႇၵ︀ဝ်ꩴ︀း ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛပ︀ိုင︀်ႈဢ︀ိင︀်ႈꩬ︀ီ ꩬ︀ူမ︀ႆ︀ႛပ︀ꩫ︀်ႈꩬ︀တ︀ိက︀ွတ︀်။ ၸ︀ူႛယ︀ုမ︀်ယ︀မ︀်ႈဢ︀ꩫ︀်ႈၵ︀ၢꩫ︀်ႇ ဢ︀ꩫ︀်ႈတ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀င︀်တ︀ူႈꩬ︀ွꩫ︀်ꩬ︀င︀်ꩫ︀က︀ꩫ︀်ႈ မ︀ဝ်ꩡ︀ွမ︀်းက︀ႅင︀်းꩫ︀ႆ︀ႇၵ︀ဝ်မ︀ႆ︀ႛပ︀ီလ︀ွေႛ။

တ︀ိမ︀ေႃတ︀ေ ႑ 1:3

မ︀ိူဝ်ႈက︀ဝ်ႈ က︀ႃတ︀ိူင︀်းမ︀ႃက︀ေတ︀ေႃꩫ︀ိꩫ︀ႆ︀ႇ မ︀ႂ်းမ︀ႆ︀ႛက︀ဝ်ႈꩬ︀င︀်ဝႆ︀ႇꩫ︀ႆ︀ႇꩫ︀က︀ꩫ︀်ႈ ဝီင︀်းဢ︀ေၸ︀ႅတ︀်မ︀ႆ︀ႛ ဢ︀ူဢ︀ိက︀်ꩬ︀ီ ꩬ︀ြႃဢ︀ꩫ︀်ႈꩬ︀မ︀်မ︀ႃတ︀ြႃးမ︀ႆ︀ႛ ဢ︀ဝ်ႈၸ︀ႆ︀ꩬ︀ီꩬ︀ွꩫ︀်ꩫ︀ႆ︀ႇၵ︀ဝ်မ︀ႆ︀ႛ ꩡ︀တ︀်တ︀ႃႉ။

တ︀ိမ︀ေႃတ︀ေ ႒ 3:5

ၵ︀ဝ်ယ︀ႃႇ ဢ︀ဝ်ႈꩬ︀ူပ︀်ꩫ︀ႆ︀ၢႈ ၸ︀ြႃးၸ︀ြႃးꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ႃႇ ꩵ︀ႈယ︀ုမ︀်ယ︀မ︀်ႈတ︀ေႇတ︀ေႇ။ က︀ူꩫ︀်းၸ︀ꩫ︀်းဢ︀မ︀ႂ်းၵ︀ဝ်မ︀ႆ︀ႛ င︀ိူင︀်ႇတ︀ႃႉ။

တ︀ိတ︀ု 3:10

က︀ူဝ်ႇဢ︀ꩫ︀်ႈပ︀ိူꩫ︀်ႈမ︀ႆ︀ႛ ဢ︀ဝ်ႈက︀ၢက︀်ႉꩡ︀ႂ်ႈက︀ꩫ︀်ႈမ︀ႆ︀ႛယ︀ႃႇ ဢ︀ဝ်ႈထိုင︀်ꩬ︀ွင︀်ပ︀ၢꩫ︀်ႈꩡ︀တ︀်တ︀ႃႉ။ ယ︀ဝ်ႇက︀ီး က︀ူဝ်ႇဢ︀မ︀ႂ်းမ︀ႆ︀ႛ ပ︀ီꩡ︀ၢပ︀်ႉပ︀ိူင︀်ႈလ︀ူင︀်ယ︀ဝ်ႇ။

ယ︀ေႃးꩭၢꩫ︀် ႑ 2:19

က︀ူဝ်ႇဢ︀မ︀ႂ်းၵ︀ဝ်ယ︀ႃႇ တ︀င︀်းꩭဝ်းမ︀ဝ်ꩡ︀ၢပ︀်ႉလ︀ႅင︀်က︀ꩫ︀်ႈတ︀ေႇတ︀ေႇꩫ︀ႆ︀ႇꩬ︀ီ လ︀ုက︀်ႉꩭဝ်းမ︀ႆ︀ႛဢ︀ွက︀်က︀ႃယ︀ဝ်ႇ။ ꩬ︀င︀်ဝႃႈၵ︀ဝ် တ︀င︀်းꩭဝ်း ꩡ︀ၢပ︀်ႉလ︀ႅင︀်က︀ꩫ︀်ႈက︀ီး တ︀င︀်းꩭဝ်းဢ︀ူဢ︀ူ။ ၵ︀ဝ်တ︀င︀်းꩭဝ်း ꩵ︀ႈꩡ︀ၢပ︀်ႉလ︀ႅင︀်က︀ꩫ︀်ႈꩫ︀ꩫ︀ႆ︀ႇ ꩭႂ်ႛပ︀ူဝ်းꩡ︀ုꩫ︀်ႈꩫ︀ႆ︀ႇ ၵ︀ဝ်ဢ︀ွက︀်က︀ႃꩫ︀မ︀်။

ယ︀ုတ︀ 1:19

က︀ူꩫ︀်းၸ︀ꩫ︀်းဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈꩬ︀ူမ︀ႆ︀ႛဢ︀ဝ်ႈက︀ၢက︀်ႉက︀ုမ︀်ႛ၊ ဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ မ︀ဝ်ယ︀င︀်းꩬ︀ီ ꩡ︀ွမ︀်းꩡ︀ႂ်ႈꩫ︀ိူဝ်ႇꩫ︀ိူတ︀်ႉၸ︀ူႛꩡ︀ဝ်ႛꩫ︀ႆ︀ၢႈꩫ︀ႆ︀ႇၵ︀ဝ်ꩫ︀မ︀်။