ရ︀ေႃမ︀ 16:10 - Khamti Shan

¹⁰ ဢ︀ႃၿေလ︀ေ က︀ူဝ်ႇဢ︀ꩫ︀်ႈပ︀ီꩫ︀်ႈ တ︀ပ︀ေးꩡ︀ဝ်ႛယ︀ေꩬ︀ုၵ︀ရ︀ီတ︀်ꩡ︀ႅတ︀်ႉမ︀ႆ︀ႛတ︀မ︀ိူင︀်း က︀ူꩫ︀်းꩭိူꩫ︀်းဢ︀ရ︀ိတ︀်တ︀ႃပ︀ေႃလ︀ုၵ︀ဝ်၊

ရ︀ေႃမ︀ 16:10 ပူးပေါင်းရင်းမြစ်များ

ရ︀ေႃမ︀ 14:18

ꩬ︀ူင︀ႆ︀းꩬ︀ီ ဢ︀မ︀ူးꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛထၢမ︀်းက︀ီး ၸ︀ြႃးပ︀ီꩫ︀်ႈꩡ︀ဝ်ႛꩡ︀ူမ︀်းဢ︀ူ။ က︀ူꩫ︀်းꩫ︀ႆ︀ႇၵ︀ဝ်က︀ေႃႇ ꩡ︀ႂ်ႈတ︀ီပ︀ိူꩫ︀်ႈဢ︀ူꩫ︀ꩬ︀ီ ꩬ︀ူမ︀ႆ︀ႛတ︀ီယ︀ူဝ်းယ︀ွင︀်ႛက︀ꩫ︀်ႈꩫ︀မ︀်။

ရ︀ေႃမ︀ 16:3

ပ︀ီတ︀်က︀ိလ︀ꩫ︀ၵ︀ႃဢ︀ႃက︀ုလ︀ ဢ︀ꩫ︀်ႈတ︀င︀်းက︀ဝ်ႈ ꩭူမ︀်ႈထၢမ︀်းဢ︀မ︀ူးꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်းမ︀ႆ︀ႛ က︀ဝ်ႈထိုင︀်ꩡ︀ႂ်ႈဢ︀ူꩫ︀ꩫ︀ႆ︀ႇ ၵ︀ႆ︀ႈꩭႂ်ႛမ︀ႃးတ︀ႃႉ။

ရ︀ေႃမ︀ 16:7

ဢ︀ꩫ︀်တ︀ြေဢ︀ေႃꩫ︀ိက︀်ꩫ︀ၵ︀ႃ ယ︀ုꩫ︀ိ ပ︀ီႈꩫ︀ွင︀်ႇက︀ျူးဢ︀ꩫ︀်ႈတ︀င︀်းက︀ဝ်ႈ ꩫ︀ႆ︀ႛꩭူမ︀်ႈတ︀ူက︀်ထွင︀်မ︀ႃးꩫ︀ႆ︀ႇၵ︀ဝ်မ︀ႆ︀ႛက︀ေႃႇ က︀ဝ်ႈထိုင︀်ꩡ︀ႂ်ႈဢ︀ူ။ ꩬ︀ွင︀်ၵ︀ႃယ︀ႃႇ က︀ူဝ်ႇဢ︀ꩫ︀်ႈတ︀မ︀ၢꩫ︀်ꩡ︀ဝ်ႛၵ︀ဝ်က︀ေႃႇ တ︀ွင︀်းꩫ︀ီႈꩫ︀ီႈ ဢ︀ꩫ︀်ႈက︀ꩫ︀်ႛꩫ︀ႃႛက︀ဝ်ႈပ︀ုꩫ︀်ႛ ပ︀ီꩫ︀်ႈၵ︀ရ︀ီတ︀်ယ︀ၢꩫ︀်မ︀ႃးꩫ︀မ︀်။

ရ︀ေႃမ︀ 8:11

ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩫ︀ႂ်းꩡ︀ႂ်ႈꩬ︀ူမ︀ႆ︀ႛၵ︀ိင︀်းဢ︀ူက︀ီး ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈၵ︀ွꩫ︀်ဢ︀မ︀ႂ်း ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀က︀ꩫ︀်ႈ တ︀ူဝ်ႈꩬ︀ူဢ︀ꩫ︀်ႈတ︀ီတ︀ႆ︀ၢႈမ︀ႆ︀ႛက︀ေႃႇ တ︀ီဢ︀ဝ်ႈꩫ︀ိပ︀်ꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႑ 11:19

ဢ︀ꩫ︀်ႈတ︀ေႇတ︀ေႇက︀ေႃႇ လ︀ုက︀်ႉꩫ︀ႂ်းꩬ︀ူမ︀ႆ︀ႛ က︀ူꩫ︀်းဢ︀ꩫ︀်ႈၵ︀ိူင︀်ႈꩫ︀ီႈတ︀မ︀်းꩡ︀ႂ်ႈꩫ︀ႆ︀ႇၵ︀ဝ် ꩭႂ်ႛပ︀ူဝ်းပ︀ႅꩫ︀်ႈမ︀ႃးꩫ︀ႆ︀ႇယ︀ႃႇ ꩫ︀ႂ်းꩬ︀ူမ︀ႆ︀ႛ ဢ︀ꩫ︀်ႈꩡ︀ႂ်ႈက︀ၢက︀်ႉက︀ꩫ︀်ႈꩫ︀ꩫ︀ႆ︀ႇ ဝႃႈယ︀င︀်းꩫ︀မ︀်။

က︀ေႃရ︀ိꩫ︀်တ︀ု ႒ 12:2

ပ︀ူꩫ︀်ႇမ︀ႃးꩬ︀ိပ︀်ꩬ︀ီပ︀ီႈမ︀ႆ︀ႛ ၵ︀ရ︀ီတ︀်ယ︀ၢꩫ︀်က︀ူဝ်ႇလ︀ိူင︀်ႈ က︀ꩫ︀်ႛꩫ︀ိူဝ်က︀ၢင︀်ႈꩭၢဝ်ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛၵ︀ိင︀်းမ︀ႆ︀ႛ ထိုင︀်က︀ႃဢ︀ူꩫ︀ꩫ︀ႆ︀ႇ က︀ဝ်ႈတ︀ွင︀်းဢ︀ူ။ မ︀ိူဝ်ႈဢ︀မ︀ႂ်း မ︀ꩫ︀်း ဢ︀ꩫ︀်ႈꩭꩫ︀်ၿျႃၻိက︀်ႉက︀ျႃး၊ ဢ︀ꩫ︀်ႈတ︀ေႇတ︀ေႇၵ︀ိုꩫ︀်ႛက︀ႃက︀ျႃးꩫ︀ꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ၢႈꩫ︀မ︀် တ︀ွင︀်းꩫ︀ႆ︀ႇ။

က︀ေႃရ︀ိꩫ︀်တ︀ု ႒ 2:9

ꩬ︀ူမ︀ႆ︀ႛက︀ဝ်ႈလ︀ိက︀်ႉဢ︀မ︀ႂ်းတ︀ႅမ︀်ႛမ︀ႃးꩫ︀ႆ︀ႇယ︀ႃႇ ဢ︀ꩫ︀်ႈက︀ဝ်ႈꩬ︀င︀်ꩬ︀ွꩫ︀်မ︀ႃးꩫ︀ႆ︀ႇၵ︀ဝ် က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ ꩬ︀ူꩡ︀ွမ︀်းꩫ︀ီႈꩫ︀ီႈဢ︀ူလ︀ႃႊꩫ︀ꩫ︀ႆ︀ႇ ၵ︀ႂ်ႈတ︀ွင︀်းꩬ︀ီꩫ︀မ︀်။

က︀ေႃရ︀ိꩫ︀်တ︀ု ႒ 5:17

င︀ႆ︀းꩫ︀ႆ︀ႇꩬ︀ီ ၸ︀ႂ်မ︀ဝ်ဝႃႈ ဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်က︀ီး ပ︀ီꩫ︀်ႈက︀ူꩫ︀်းမ︀ႂ်မ︀ႃးယ︀ဝ်ႇ။ က︀ူဝ်ႇဢ︀မ︀ႂ်းယ︀ႃႇ ꩡ︀တ︀်ႉက︀ဝ်တ︀ႆ︀ၢႈက︀ႃꩬ︀ီ ပ︀ီꩫ︀်ႈꩡ︀တ︀်ႉမ︀ႂ်ယ︀ဝ်ႇ။

က︀ေႃရ︀ိꩫ︀်တ︀ု ႒ 8:22

ꩫ︀ႆ︀ႇꩬ︀ေႇမ︀ဝ်က︀ႃး ပ︀ီႈꩫ︀ွင︀်ႇက︀ူဝ်ႇလ︀ိူင︀်ႈမ︀ႆ︀ႛက︀ေႃႇ တ︀င︀်းၵ︀ဝ်ꩭႂ်ႛꩡ︀ွမ︀်းက︀ႃဢ︀ူ။ မ︀ꩫ︀်းမ︀ႆ︀ႛ တ︀ူႈက︀ီလ︀ႆ︀ၢၵ︀ႅက︀်ႉ ꩡ︀ႂ်းလ︀ႅမ︀်းꩫ︀က︀ေႃႇ မ︀ꩫ︀်းယ︀ႃႇမ︀ိူဝ်ႈလ︀ႂ်ႈက︀ေႃႇ ꩡ︀ႂ်ႈဢ︀ꩫ︀်ႈၵ︀ႂ်ႈꩡ︀ွႆ︀ႈပ︀ိူꩫ︀်ႈ တ︀ီမ︀်ႈတ︀ုပ︀်ꩰꩫ︀မ︀်ꩫ︀ꩫ︀ႆ︀ႇ ꩫ︀ႆ︀ႛꩭꩫ︀်ဢ︀ူ။ င︀ႆ︀ႚယ︀ႃႇ မ︀ꩫ︀်းꩬ︀ူမ︀ႆ︀ႛ တ︀မ︀်းꩡ︀ႂ်ႈလ︀ူင︀်ꩫ︀ႆ︀ႇꩬ︀ီ ꩡ︀ႂ်ႈဢ︀ꩫ︀်ႈၵ︀ႂ်ႈꩡ︀ွႆ︀ႈပ︀ိူꩫ︀်ႈ ဢ︀ေႈၵ︀ႅꩫ︀်းꩭႅင︀်းမ︀ႃးဢ︀ူ။

က︀လ︀ႃတ︀ိ 1:22

မ︀ိူဝ်ႈဢ︀မ︀ႂ်း ၵ︀ရ︀ီတ︀်ယ︀ၢꩫ︀် ဢ︀ꩫ︀်ႈတ︀ိူင︀်းယ︀ုတ︀မ︀ႆ︀ႛယ︀င︀်းꩫ︀ႆ︀ႇၵ︀ဝ်ၸ︀ူႛꩡ︀ဝ်ႛယ︀ႃႇ က︀ဝ်ႈမ︀ႆ︀ႛꩵ︀ႈꩭွꩫ︀်ꩭꩫ︀်။

ၸ︀ိလ︀ိပ︀်ပ︀ၢႆ︀ 2:22

ꩫ︀ႆ︀ႇꩫ︀က︀ေႃႇ တ︀ိမ︀ေႃတ︀ေယ︀ႃႇ က︀ူꩫ︀်းꩫ︀င︀်ꩭိုဝ်ꩫ︀ꩫ︀ႆ︀ႇ ꩬ︀ူၸ︀ူႛꩡ︀ဝ်ႛက︀ေႃႇတ︀ွင︀်းဢ︀ူ။ မ︀ꩫ︀်းယ︀ႃႇ တ︀င︀်းက︀ဝ်ႈ ꩫ︀င︀်ပ︀ူဝ်ႈလ︀ုက︀်ႉꩫ︀က︀ꩫ︀်ႈ ꩭူမ︀်ႈꩭူဝ်းၵ︀ၢဝ်ႈၵ︀ၢမ︀်းꩫ︀ီႈမ︀ႃးယ︀ဝ်ႇ။

တ︀ိမ︀ေႃတ︀ေ ႑ 3:10

င︀ႆ︀းꩫ︀ႆ︀ႇꩬ︀ီ မ︀ိူဝ်ႈတ︀ီလ︀ိူက︀်ႉတ︀ၢင︀်ၸ︀ူႛမ︀ိုင︀်ႇꩡ︀ိူဝ်းꩫ︀ႆ︀ႇ ၵ︀ဝ်မ︀ႆ︀ႛဝႃႈꩡ︀ႅပ︀်ႉꩫ︀ီႈꩫ︀ီႈ ꩡ︀ၢမ︀်းꩫ︀ီႈꩫ︀ီႈ ဢ︀ွꩫ︀်ႈꩫ︀မ︀်။ ꩡ︀ႅပ︀်ႉယ︀ဝ်ႇꩬ︀ီ လ︀ွင︀်ႈဢ︀ꩫ︀်ႈတ︀ီတ︀ၢင︀်ဢ︀ပ︀ႅတ︀်ႉ မ︀ဝ်ယ︀င︀်းက︀ႃꩫ︀ႆ︀ႇꩬ︀ိုင︀် ၵ︀ဝ်မ︀ႆ︀ႛဝႃႈလ︀ိူက︀်ႉတ︀ၢင︀်ꩫ︀မ︀်။

တ︀ိမ︀ေႃတ︀ေ ႒ 4:19

ပ︀ီတ︀်က︀ိလ︀ꩫ︀ၵ︀ႃ ဢ︀ႃက︀ုလ︀င︀ႆ︀း ꩡ︀ုမ︀်ႛꩭိူꩫ︀်းဢ︀ေႃꩫ︀ေတ︀ိၸ︀ေႃၵ︀ဝ်မ︀ႆ︀ႛ က︀ဝ်ႈထိုင︀်ꩡ︀ႂ်ႈဢ︀ူꩫ︀ꩬ︀ီ ဝႃႈꩭႂ်ႛမ︀ႃးတ︀ႃႉ။

ပ︀ေတ︀ရ︀ု ႑ 1:7

ဢ︀ꩫ︀်ႈယ︀ပ︀်ယ︀ၢက︀်ႉက︀ူႈၸ︀ꩫ︀်း ဢ︀ꩫ︀်ႈꩬ︀ူꩭူပ︀်ႉꩭꩫ︀်ဢ︀ꩫ︀်ႈꩬ︀ူမ︀ႆ︀ႛပ︀ိူꩫ︀်ႈꩫ︀ိက︀်ႉꩬ︀ၢက︀်ႉꩫ︀ႆ︀ႇၵ︀ဝ်ယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူတ︀ေႇတ︀ေႇယ︀ုမ︀်ယ︀မ︀်ႈ၊ မ︀ဝ်ယ︀ုမ︀်ယ︀မ︀်ႈꩫ︀ꩫ︀ႆ︀ႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩡ︀ၢမ︀်းꩫ︀မ︀်။ ၵ︀မ︀်းဢ︀ꩫ︀်ႈလ︀ူႇꩡ︀ၢင︀်ႈမ︀ႆ︀ႛꩫ︀ႆ︀ၢႈက︀ေႃႇ က︀ူꩫ︀်းꩫ︀ႆ︀ႇၵ︀ဝ် ꩡ︀ီၸ︀ႆ︀းꩬ︀ီဢ︀ဝ်ႈတ︀ွင︀်ဢ︀ူ။ ꩡ︀ႂ်ႈဢ︀ꩫ︀်ႈꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇယ︀ႃႇ က︀ႃႈၵ︀မ︀်းမ︀ဝ်က︀ႃးၵ︀ꩫ︀်ယ︀ႂ်ꩫ︀ႆ︀ႇꩬ︀ီ ꩭႂ်ႛပ︀ူဝ်းၵ︀ိူင︀်ꩫ︀ႆ︀ႇ ဝႃႈꩡ︀ၢမ︀်းꩫ︀မ︀်။ င︀ႆ︀းꩬ︀ီ ꩬ︀ူမ︀ႆ︀ႛၵ︀ႂ်ႈလ︀ႂ်ႈꩡ︀ၢမ︀်းꩫ︀က︀ေႃႇ ꩬ︀ူၵ︀ိူင︀်ꩰက︀ိုမ︀်းꩰယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီဢ︀ူက︀ီး မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်က︀ျွႃးမ︀ႃးꩫ︀ႆ︀ႇ ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ယ︀ူဝ်းယ︀ွင︀်ႛင︀ႆ︀း ၸ︀ုင︀်းꩭႂ်ႛꩬ︀ီတ︀ီဢ︀ဝ်ႈꩫ︀ႆ︀ႛꩫ︀ႃႛꩫ︀မ︀်။