ရ︀ေႃမ︀ 15:5 - Khamti Shan

⁵ ꩡ︀ဝ်ႛဢ︀ꩫ︀်ႈꩭဝ်းမ︀ႆ︀ႛ ꩡ︀ႂ်ႈဢ︀ဝ်ႈယ︀ၢဝ်းꩭႂ်ႛ ꩭႅင︀်းထႅမ︀်ဢ︀ဝ်ႈတ︀ီမ︀်ႈꩭႂ်ႛꩫ︀ႆ︀ႇ ꩭႂ်ႛပ︀ူဝ်းꩬ︀ူ ꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀က︀ꩫ︀်ႈပ︀ီꩫ︀်ႈꩬ︀ီ ꩫ︀ႂ်းꩬ︀ူမ︀ႆ︀ႛၸ︀ွမ︀်ႇလ︀ွမ︀်ႈက︀ꩫ︀်ႈꩫ︀ႆ︀ႇ ꩬ︀ူမ︀ႆ︀ႛꩭႂ်ႛꩡ︀ွႆ︀ႈꩭႂ်ႛက︀တ︀ႃႉ။

ရ︀ေႃမ︀ 15:5 ပူးပေါင်းရင်းမြစ်များ

ထဝ်ꩡ︀တ︀်ႉၵ︀ဝ် 4:32

ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်ယ︀ႃႇ ၸ︀ွမ︀်ႇက︀ꩫ︀်ႈလ︀ွမ︀်ႈက︀ꩫ︀်ႈပ︀ီꩫ︀်ႈꩡ︀ႂ်ႈလ︀ိူင︀်ႈꩫ︀ႆ︀ၢႈꩬ︀ီ ၸ︀ႂ်က︀ေႃႇၵ︀ွင︀်ပ︀ၢင︀်ႈꩫ︀ꩫ︀ႆ︀ႇꩵ︀ႈဝႆ︀ႇ။ င︀ႆ︀းꩬ︀ီ ၵ︀ိူင︀်ႈဢ︀ꩫ︀်ႈၵ︀ဝ်မ︀ႆ︀ႛ ယ︀င︀်းꩫ︀ႆ︀ႇတ︀င︀်းမ︀ိူင︀်း ꩭူမ︀်ႈက︀ိꩫ︀်ႈꩭူမ︀်ႈတ︀ိုဝ်းက︀ꩫ︀်ႈဢ︀ူ။

ရ︀ေႃမ︀ 12:16

က︀ူꩫ︀်းက︀ူႈက︀ူဝ်ႇမ︀ႆ︀ႛ လ︀ွေႛၵ︀ိူင︀်ႈꩰတ︀ႃႉ။ ပ︀ီက︀မ︀်ႇလ︀ွင︀်ႛ။ က︀ူꩫ︀်းဢ︀ꩫ︀်ႈꩫ︀ႃႛဢ︀ွꩫ︀်ꩫ︀ႆ︀ႇၵ︀ဝ်မ︀ႆ︀ႛ လ︀ွေႛက︀ꩫ︀်ႈတ︀ႃႉ။ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ꩡ︀ၢင︀်ႈလ︀ူင︀်ယ︀ဝ်ႇꩫ︀ꩬ︀ီ ပ︀ီၵ︀ႂ်ႈꩡ︀ႂ်ႈ။

ရ︀ေႃမ︀ 15:13

ꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛ ꩡ︀ဝ်ႛဢ︀ꩫ︀်ႈꩬ︀ူမ︀ႆ︀ႛ လ︀ွင︀်ႈတ︀ႂ်းထႃႛဢ︀ဝ်ႈယ︀င︀်းꩭႂ်ႛꩫ︀ႆ︀ႇ ꩬ︀ူမ︀ႆ︀ႛꩭႂ်ႛဢ︀ဝ်ႈꩡ︀ူမ︀်းꩭုမ︀် က︀တ︀်ယ︀ီꩫ︀်ႈၵ︀ျမ︀်းꩬ︀ႃတ︀ီမ︀်ႈꩰက︀ႃတ︀ႃႉꩫ︀ꩬ︀ီ က︀ဝ်ႈယ︀ွꩫ︀်းꩬ︀ူးဢ︀ူ။ င︀ႆ︀းက︀ီး ဢ︀ꩫ︀်ꩬ︀ူတ︀ႂ်းထႃႛꩫ︀ႆ︀ႇ ဢ︀ဝ်ႈတ︀ꩫ︀်းၵ︀ူဝ်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ တ︀ီမ︀်ႈမ︀ႃးဢ︀ူ။

ရ︀ေႃမ︀ 15:3

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛၵ︀ရ︀ီတ︀်က︀ေႃႇ ꩫ︀င︀်က︀ျမ︀်းလ︀ိက︀်ႉမ︀ႆ︀ႛ “ဢ︀ꩫ︀်ႈၵ︀ိင︀်းတ︀ူဝ်ꩡ︀ဝ်ႛမ︀ႆ︀ႛ ပ︀ိူꩫ︀်ႈꩡ︀ူဝ်က︀ႃးꩫ︀ႆ︀ႇ က︀ဝ်ႈၵ︀ႃႛမ︀ႆ︀ႛထုက︀်ဢ︀ူ” ꩫ︀ꩬ︀ီဝႃႈဝႆ︀ႇꩫ︀က︀ꩫ︀်ႈ ဢ︀လ︀ၢင︀်းမ︀ꩫ︀်းၸ︀ူႛꩡ︀ဝ်ႛမ︀ႆ︀ႛ ꩵ︀ႈꩡ︀ွမ︀်းမ︀ႃး။

က︀ေႃရ︀ိꩫ︀်တ︀ု ႑ 1:10

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇၵ︀ဝ်ꩴ︀း ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီ က︀ဝ်ႈဝွꩫ︀်းၵ︀ႅꩫ︀်းက︀ွတ︀်။ လ︀ွင︀်ႈဢ︀ꩫ︀်ႈꩬ︀ူဝႃႈက︀ꩫ︀်ႈမ︀ႆ︀ႛ ꩭႂ်ႛပ︀ူဝ်းꩡ︀ႂ်ႈမ︀ဝ်က︀ၢက︀်ႉက︀ꩫ︀်ႈꩫ︀ႆ︀ႇ ꩭီတ︀်က︀ꩬ︀င︀်ꩫ︀က︀ေႃႇ ꩡ︀ႂ်ႈၵ︀ူမ︀်က︀ꩫ︀်ႈမ︀ႃးတ︀ႃႉ။ ပ︀ီꩫ︀်ႈꩡ︀ႂ်ႈလ︀ိူင︀်ႈၵ︀ူဝ်းလ︀ိူင︀်ႈꩫ︀ၢႆ︀ႈꩬ︀ီ ၸ︀ွမ︀်ႇလ︀ွမ︀်ႈက︀ꩫ︀်ႈမ︀ႃးတ︀ႃႉ။

က︀ေႃရ︀ိꩫ︀်တ︀ု ႒ 13:11

ပ︀ီႈꩫ︀ွင︀်ႇၵ︀ဝ်ꩴ︀း ပ︀ႆ︀ၢႈꩭၢင︀်လ︀ေႚလ︀ေႚမ︀ႆ︀ႛ ၵ︀ႂ်ႈꩬ︀င︀်ꩫ︀ႆ︀ႇယ︀ႃႇ ꩡ︀ူမ︀်းꩭုမ︀်က︀ꩫ︀်ႈတ︀ႃႉ။ ꩭႂ်ႛပ︀ူဝ်းꩬ︀ူ တ︀ီမ︀်ႈက︀ုမ︀်ꩫ︀ႆ︀ႇ ꩬ︀ေႈꩡ︀ႃႉက︀ꩫ︀်ႈတ︀ႃႉ။ ꩭႂ်ႛပ︀ူဝ်းဢ︀ꩫ︀်ႈဝႃႈတ︀ၢင︀်ဢ︀ပ︀ႅတ︀်ႉမ︀ဝ်ယ︀င︀်းꩫ︀ႆ︀ႇ ꩬ︀ေႈꩡ︀ႃႉက︀ꩫ︀်ႈတ︀ႃႉ။ ဢ︀ꩫ︀်ႈက︀ဝ်ႈဝႃႈမ︀ႃးꩫ︀ႆ︀ႇၵ︀ဝ်ထွမ︀်ꩬ︀ီ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩡ︀ႂ်ႈၵ︀ူမ︀်က︀ꩫ︀်ႈင︀ႆ︀း ꩭူမ︀်ႈဢ︀ူꩫ︀ီႈꩫ︀ီႈက︀ꩫ︀်ႈတ︀ႃႉ။ င︀ႆ︀းက︀ီး ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛမ︀ႅတ︀်ႉတ︀ႃ၊ ꩡ︀ဝ်ႛက︀တ︀်ယ︀ီꩫ︀်ႈၵ︀ႅမ︀်းꩬ︀ႃ တ︀င︀်းꩬ︀ူၵ︀ိင︀်းလ︀ွေႛဢ︀ူ။

က︀ေႃရ︀ိꩫ︀်တ︀ု ႒ 7:6

ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛဢ︀ꩫ︀်ႈၸ︀ူႛꩡ︀ႂ်ႈလ︀ီက︀်ႉꩫ︀ႆ︀ႇၵ︀ဝ်မ︀ႆ︀ႛ ထႅမ︀်ꩭႅင︀်းꩭႂ်ႛꩫ︀ႆ︀ႇယ︀ႃႇ တ︀ိတ︀ုမ︀ႆ︀ႛꩬ︀ူင︀်ꩭႂ်ႛမ︀ႃးꩬ︀ီ တ︀ူႈမ︀ႆ︀ႛထႅမ︀်ꩭႅင︀်းꩭႂ်ႛမ︀ႃးဢ︀ူ။

ဢ︀ေၸ︀ႅတ︀် 5:2

ꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀က︀ꩫ︀်ႈ ꩭီတ︀်က︀ꩬ︀င︀်ꩫ︀က︀ေႃႇ ဢ︀ဝ်ႈမ︀ႅတ︀်ႉတ︀ႃꩫ︀ႆ︀ၢႈꩬ︀င︀်ꩭီတ︀်က︀ꩫ︀်ႈတ︀ႃႉ။ မ︀ꩫ︀်းꩡ︀ဝ်ႛယ︀ႃႇ ꩭဝ်းမ︀ႆ︀ႛꩭၢက︀်ႉၸ︀ႅဝ်ꩫ︀ႆ︀ႇꩬ︀ီ ဢ︀ဝ်ႈဢ︀ꩬ︀ၢက︀်ႉမ︀ꩫ︀်းꩡ︀ဝ်ႛၵ︀ႅက︀်ꩡ︀ဝ်ႛꩬ︀ီ ၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။ ဢ︀ꩫ︀်ႈမ︀ꩫ︀်းꩡ︀ဝ်ႛꩡ︀ႃႇꩭဝ်း ၵ︀ႅက︀်ꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႃးꩡ︀ႂ်ႈလ︀ူင︀်ꩫ︀မ︀်။

ၸ︀ိလ︀ိပ︀်ပ︀ၢႆ︀ 1:27

ဢ︀ꩫ︀်ႈၵ︀ႅꩫ︀်းဢ︀ၵ︀ႅက︀်ႉꩫ︀ႆ︀ႇယ︀ႃႇ ꩬ︀ူꩫ︀င︀်ဢ︀ꩫ︀်ႈၵ︀ၢဝ်ႈၵ︀ၢမ︀်းꩫ︀ီႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩬ︀ွꩫ︀်ဝႆ︀ႇꩫ︀ႆ︀ႇꩫ︀က︀ꩫ︀်ႈ ဝႃႈက︀မ︀်ႈက︀ႅင︀်းက︀ꩫ︀်ႈꩫ︀မ︀်။ င︀ႆ︀းက︀ီး က︀ဝ်ႈꩬ︀ူမ︀ႆ︀ႛမ︀ႃးပ︀ီꩫ︀်ႈပ︀တ︀ု၊ မ︀ဝ်ပ︀ီꩫ︀်ႈပ︀တ︀ု လ︀ွင︀်ႈဢ︀ꩫ︀်ႈꩬ︀ူꩭူမ︀်ႈꩡ︀ႂ်ႈꩭူမ︀်ႈၵ︀ူဝ်း ꩬ︀ေႈꩡ︀ႃႉꩬ︀ီ က︀ုမ︀်ႇတ︀ၢင︀်းယ︀ုမ︀်ယ︀မ︀်ႈဢ︀ꩫ︀်ႈꩭီတ︀်င︀ဝ်ႛၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ က︀ဝ်ႈတ︀ီꩫ︀ႆ︀ႛꩥ︀ိꩫ︀်းꩫ︀မ︀်။

ၸ︀ိလ︀ိပ︀်ပ︀ၢႆ︀ 2:2

င︀ႆ︀းꩫ︀ႆ︀ႇꩬ︀ီ ၵ︀ႅꩫ︀်းꩫ︀က︀ွတ︀် ꩭႂ်ႛပ︀ူဝ်းက︀ဝ်ႈꩡ︀ူမ︀်းꩭုမ︀်တ︀ီမ︀်ႈꩰꩫ︀ႆ︀ႇ ꩬ︀ူꩡ︀ႂ်ႈၵ︀ူမ︀်က︀ꩫ︀်ႈ၊ ꩭၢက︀်ႉꩭွမ︀်က︀ꩫ︀်ႈင︀ႆ︀းꩬ︀ီ ၸ︀ွမ︀်ႇလ︀ွမ︀်ႈက︀ꩫ︀်ႈမ︀ႃးတ︀ႃႉ။

ၸ︀ိလ︀ိပ︀်ပ︀ၢႆ︀ 3:16

ဢ︀ꩫ︀်ႈဢ︀ၵ︀ႅက︀်ႉꩫ︀ႆ︀ႇယ︀ႃႇ ꩫ︀င︀်ဢ︀ꩫ︀်ႈꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩬ︀ွꩫ︀်ꩬ︀ီ တ︀ူဝ်ထိုင︀်ဝꩫ︀်းꩫ︀ႆ︀ႇ ꩭဝ်းꩡ︀ွမ︀်းမ︀ႃးꩫ︀ႆ︀ႇꩫ︀က︀ꩫ︀်ႈ ꩡ︀ွမ︀်းꩭီတ︀်က︀ႃက︀ꩫ︀်ႈက︀ွတ︀်။

ၸ︀ိလ︀ိပ︀်ပ︀ၢႆ︀ 4:2

ဢ︀ေဝႃတ︀ိꩫ︀ၵ︀ႃꩡ︀ꩫ︀်တ︀ီၵ︀ဝ်ꩴ︀း ꩬ︀ွင︀်ၵ︀ိူဝ်ပ︀ီꩫ︀်ႈလ︀ုက︀်ႉꩬ︀ၢဝ်ၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ ꩬ︀ေႈꩡ︀ႃႉꩬ︀ီ ꩡ︀ႂ်ႈၵ︀ူမ︀်က︀ꩫ︀်ႈတ︀ႃႉ။

ပ︀ေတ︀ရ︀ု ႑ 3:20

ၵ︀ွꩫ︀်ဢ︀မ︀ႂ်းၵ︀ဝ်ယ︀ႃႇ ၵ︀ွꩫ︀်ဢ︀ꩫ︀်ႈမ︀ိူဝ်ႈꩫ︀ꩫ︀်ႇ မ︀ိူဝ်ႈꩫ︀ေႃဢ︀ေး ပ︀ူက︀်ꩬ︀ၢင︀်ႈၸ︀ူဝ်းꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛꩡ︀ႂ်ႈꩭီးꩡ︀ႂ်ႈယ︀ၢဝ်းထႃႛမ︀ႃးꩫ︀က︀ေႃႇ ဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ဝ်ထွမ︀်မ︀ႃးꩫ︀ႆ︀ႇၵ︀ဝ်ꩫ︀မ︀်။ င︀ႆ︀းꩬ︀ီ ၵ︀ဝ်တ︀င︀်းမ︀ိူင︀်းတ︀ႆ︀ၢႈꩫ︀မ︀်ႇက︀ႃꩬ︀ီ က︀ူꩫ︀်းပ︀ႅတ︀်က︀ူဝ်ႇမ︀ႆ︀ႛꩫ︀ႆ︀ၢႈꩬ︀ိုင︀် လ︀ုက︀်ႉၸ︀ေးꩫ︀မ︀်ႇမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛမ︀ႃးꩫ︀မ︀်။

ပ︀ေတ︀ရ︀ု ႑ 3:8

ပ︀ႆ︀ၢႈꩭၢင︀်လ︀ေႚလ︀ေႚမ︀ႆ︀ႛၵ︀ႂ်ႈဝႃႈꩫ︀ႆ︀ႇယ︀ႃႇ ꩬ︀ူတ︀င︀်းမ︀ိူင︀်ႈ ꩡ︀ႂ်ႈၵ︀ူမ︀်က︀ꩫ︀်ႈတ︀ႃႉ။ ꩫ︀င︀်ပ︀ီႈꩫ︀ွင︀်ႇက︀ꩫ︀်ႈꩫ︀က︀ꩫ︀်ႈ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩭၢက︀်ႉက︀ꩫ︀်ႈ၊ လ︀ႅင︀်ႇက︀ꩫ︀်ႈ၊ ဢ︀ီꩫ︀ူႈက︀ꩫ︀်ႈꩬ︀ီ က︀ွမ︀်းꩫ︀ွမ︀်းက︀ꩫ︀်ႈတ︀ႃႉ။

ပ︀ေတ︀ရ︀ု ႒ 3:15

ꩭႂ်ႛပ︀ူဝ်းက︀ူꩫ︀်းက︀ူႈက︀ူဝ်ႇ ဢ︀ꩫ︀်ႈမ︀ꩫ︀်းꩡ︀ဝ်ႛၵ︀ေꩬ︀ေꩭႂ်ႛမ︀ႆ︀ႛ ꩫ︀ႆ︀ႛꩭၢပ︀်ႉꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛꩬ︀ေးၵ︀ၢမ︀်ꩬ︀ီထႃႛဢ︀ူꩫ︀မ︀်ꩫ︀ꩫ︀ႆ︀ႇ ပ︀ီလ︀ုမ︀်းက︀ꩫ︀်ႈ။ လ︀ွင︀်ႈꩫ︀ႆ︀ႇꩫ︀မ︀် ပ︀ေႃလ︀ုꩭဝ်းက︀ေႃႇ ဢ︀ဝ်ႈꩥ︀ႅꩫ︀်ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛꩫ︀ႆ︀ႇ ꩬ︀ူမ︀ႆ︀ႛတ︀ႅမ︀်ႛမ︀ႃးꩫ︀ႆ︀ႇ။

ပ︀ေတ︀ရ︀ု ႒ 3:9

က︀ူꩫ︀်းက︀မ︀်ႈၸ︀ွင︀်းယ︀ႃႇ လ︀ွင︀်ႈဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်တ︀ီပ︀ွက︀်ႉမ︀ႃးꩫ︀ꩫ︀ႆ︀ႇမ︀ႆ︀ႛ ၵ︀ꩫ︀်တ︀ႂ်းꩫ︀ၢꩫ︀်းဢ︀ူ။ ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇꩵ︀ႈꩫ︀ၢꩫ︀်း။ ꩫ︀င︀်မ︀ꩫ︀်းꩡ︀ဝ်ႛဝႃႈဝႆ︀ႇꩫ︀က︀ꩫ︀်ႈတ︀ီꩭီတ︀်ꩫ︀မ︀်။ ꩭႂ်ႛပ︀ူဝ်း က︀ူꩫ︀်းက︀ူဝ်ႇလ︀ိူင︀်ႈꩫ︀ၢႆ︀ႈက︀ေႃႇ မ︀ဝ်လ︀ူႇပ︀ႅက︀်ႉက︀ႃꩫ︀ႆ︀ႇ ၵ︀ဝ်မ︀ႆ︀ႛၵ︀ႂ်ႈꩭႂ်ႛꩬ︀ၢင︀်ဝွေꩬ︀ီ မ︀ꩫ︀်းꩡ︀ဝ်ႛꩬ︀ေးၵ︀ၢမ︀်ꩬ︀ီဢ︀ူꩫ︀မ︀်။