ရ︀ေႃမ︀ 15:26 - Khamti Shan

²⁶ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ိူဝ်းꩡ︀ေႈဝီင︀်းမ︀ႃက︀ေတ︀ေႃꩫ︀ိꩫ︀ၵ︀ႃ ꩡ︀ိူဝ်းမ︀ိူင︀်းဢ︀ႃၵ︀ႃယ︀ၵ︀ဝ်ယ︀ႃႇ က︀ူꩫ︀်းꩡ︀ိူဝ်းဝီင︀်းယ︀ေရ︀ုꩬ︀လ︀ိမ︀် ဢ︀ꩫ︀်ႈယ︀ၢက︀်ႉၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈင︀ိူꩫ︀်းꩡ︀ွႆ︀ႈက︀ွတ︀်ꩫ︀ꩬ︀ီ ၵ︀ွင︀်းꩰလ︀ွင︀်းꩰတ︀ႅပ︀်တ︀တ︀်က︀ꩫ︀်ႈယ︀ဝ်ႇ။

ရ︀ေႃမ︀ 15:26 ပူးပေါင်းရင်းမြစ်များ

မ︀တ︀်တ︀ႄး 25:40

မ︀ိူဝ်ႈဢ︀မ︀ႂ်းက︀ဝ်ႈယ︀ႃႇ “ထွမ︀်ꩫ︀ီႈꩫ︀ီႈတ︀ႃႉ။ က︀ဝ်ႈဝႃႈက︀ွတ︀်။ တ︀ပ︀ေးက︀ဝ်ႈဢ︀ꩫ︀်ႈꩫ︀ႃႛလ︀ီက︀်ႉꩫ︀ႃႛယ︀ႂ်မ︀ဝ်ဝႃႈ ၸ︀ႂ်မ︀ႆ︀ႛꩫ︀က︀ေႃႇ ဢ︀ꩫ︀်ႈꩫ︀င︀်ꩬ︀ူꩭီတ︀်မ︀ႃးꩫ︀ႆ︀ႇ ဢ︀ꩫ︀်ႈက︀ဝ်ႈမ︀ႆ︀ႛꩭီတ︀်ꩭႂ်ႛမ︀ႃးꩫ︀မ︀်” ꩫ︀ꩬ︀ီတ︀ီဝႃႈꩫ︀မ︀်။

မ︀တ︀်တ︀ႄး 26:11

ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛယ︀ႃႇ ꩬ︀ူမ︀ိူဝ်ႈလ︀ႂ်ႈꩫ︀က︀ေႃႇ ꩡ︀ွႆ︀ႈꩫ︀ႆ︀ႛဢ︀ူ။ က︀ဝ်ႈယ︀ႃႇတ︀င︀်းꩬ︀ူ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ တ︀ီယ︀င︀်းဢ︀ူꩵ︀ႈꩡ︀ႂ်ႈ။

လ︀ုက︀ႃ 14:13

မ︀ိူဝ်ႈꩬ︀ူပ︀ၢင︀်းပ︀ွႆ︀းꩫ︀ႆ︀ႇ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်၊ ၸ︀ူႛꩬ︀ိက︀်ႉၵ︀ိင︀်းꩭၢင︀်ႇꩫ︀ႆ︀ႇၵ︀ဝ်၊ ၸ︀ူႛတ︀ိꩫ︀်ႈꩭၢꩫ︀်ႛꩫ︀ႆ︀ႇၵ︀ဝ်င︀ႆ︀း ၸ︀ူႛတ︀ႃႈမ︀ွတ︀်ꩫ︀ႆ︀ႇၵ︀ဝ်မ︀ႆ︀ႛ ပ︀ၢင︀်းတ︀ႃႉ။

လ︀ုက︀ႃ 6:20

ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ု တ︀ပ︀ေးꩡ︀ဝ်ႛၵ︀ဝ်မ︀ႆ︀ႛဝိꩫ︀်ꩬ︀ီ ဝႃႈꩫ︀ႆ︀ႇယ︀ႃႇ “ꩬ︀ူၸ︀ူႛၸ︀ၢꩫ︀်ꩫ︀ႆ︀ႇၵ︀ဝ် မ︀ၢင︀်က︀လ︀ႃယ︀င︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ိူင︀်းꩬ︀ူꩫ︀မ︀်။

ထဝ်ꩡ︀တ︀်ႉၵ︀ဝ် 16:12

လ︀ုက︀်ႉဝီင︀်းဢ︀မ︀ႂ်းမ︀ႆ︀ႛ တ︀ူႈက︀ႃဝီင︀်းၸ︀ိလ︀ိပ︀်ပ︀ၢႆ︀ဢ︀ူ။ ဝီင︀်းဢ︀မ︀ႂ်းယ︀ႃႇ ဝီင︀်းဢ︀ꩫ︀်ႈမ︀ိူင︀်းမ︀ႃက︀ေတ︀ေႃꩫ︀ိ မ︀ႆ︀ႛၵ︀ဝ်ႛက︀ီး ဢ︀ꩫ︀်ႈထိုင︀်ဢ︀ွꩫ︀်ႈ၊ ဢ︀ꩫ︀်ႈက︀ူꩫ︀်းရ︀ေႃမ︀ၵ︀ဝ် ဢ︀ုပ︀်ႉက︀ိꩫ︀်ႈꩫ︀မ︀်။ ဝီင︀်းဢ︀မ︀ႂ်းမ︀ႆ︀ႛ တ︀ူႈဢ︀ူꩭိုင︀်မ︀ႃးဢ︀ူ။

ထဝ်ꩡ︀တ︀်ႉၵ︀ဝ် 16:9

ၵ︀မ︀်ႈဢ︀မ︀ႂ်းမ︀ႆ︀ႛ ပ︀ေႃလ︀ုၿျႃၻိက︀်ႉꩭꩫ︀်ꩫ︀ႆ︀ႇ က︀ူꩫ︀်းမ︀ိူင︀်းမ︀ႃက︀ေတ︀ေႃꩫ︀ိက︀ူဝ်ႇလ︀ိူင︀်ႈꩬ︀ဝ်းꩬ︀ီ “မ︀ိူင︀်းတ︀ူႈမ︀ႆ︀ႛမ︀ႃးꩬ︀ီ တ︀ူႈၵ︀ႃႛမ︀ႆ︀ႛꩡ︀ွႆ︀ႈတ︀ီၵ︀ႃႛမ︀ႃးတ︀ႃႉ” ꩫ︀ꩬ︀ီမ︀ꩫ︀်းမ︀ႆ︀ႛ ဝွꩫ︀်းၵ︀ႅꩫ︀်းဢ︀ူ။

ထဝ်ꩡ︀တ︀်ႉၵ︀ဝ် 18:12

ꩡ︀ူဝ်ႈမ︀ိူဝ်ႈက︀ႃလ︀ျုင︀် ပ︀ီꩫ︀်ႈꩡ︀ဝ်ႛက︀ႅမ︀်ႈမ︀ိူင︀်းဢ︀ႃၵ︀ႃယ︀ꩫ︀ႆ︀ႇ က︀ျူးꩫ︀ႆ︀ႇၵ︀ဝ်တ︀ုမ︀်ႈက︀ꩫ︀်ႈꩬ︀ီ ပ︀ေႃလ︀ုမ︀ႆ︀ႛꩬ︀ႅဝ်ႛင︀ႆ︀း ပ︀ၢင︀်ႈတ︀ြႃးမ︀ႆ︀ႛဢ︀ဝ်ႈမ︀ႃးဢ︀ူ။

ထဝ်ꩡ︀တ︀်ႉၵ︀ဝ် 19:21

ဝၢႆ︀းꩫ︀ႆ︀ႇ ပ︀ေႃလ︀ုယ︀ႃႇ လ︀ုက︀်ႉမ︀ိူင︀်းမ︀ႃက︀ေတ︀ေႃꩫ︀ိင︀ႆ︀း မ︀ိူင︀်းဢ︀ႃၵ︀ႃယ︀ꩫ︀ႆ︀ႇၵ︀ဝ်မ︀ႆ︀ႛပ︀ꩫ︀်ꩬ︀ီ က︀ႃဝီင︀်းယ︀ေရ︀ုꩬ︀လ︀ိမ︀်က︀ွတ︀်ꩫ︀ꩬ︀ီ တ︀ႅပ︀်တ︀တ︀်ဢ︀ူ။ မ︀ꩫ︀်းယ︀ႃႇ “ဝီင︀်းဢ︀မ︀ႂ်းမ︀ႆ︀ႛ က︀ႃယ︀ဝ်ႇက︀ီး ဝီင︀်းရ︀ေႃမ︀မ︀ႆ︀ႛက︀ေႃႇ က︀ဝ်ႈဝႃႈက︀ႃဢ︀ူ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 9:13

ꩫ︀ႆ︀ႇမ︀ႆ︀ႛ ဢ︀ႃꩫ︀ꩫ︀ိယ︀ႃႇ “ꩡ︀ဝ်ႛꩴ︀း လ︀ွင︀်ႈမ︀ꩫ︀်းတ︀မ︀ိူင︀်း၊ လ︀ွင︀်ႈဢ︀ꩫ︀်ႈက︀ူꩫ︀်းၵ︀ိင︀်းတ︀ူဝ်ꩡ︀ဝ်ႛ ဢ︀ꩫ︀်ႈဢ︀ူဝီင︀်းယ︀ေရ︀ုꩬ︀လ︀ိမ︀်ꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းၵ︀ႂ်ႈလ︀ႂ်ႈဢ︀ဝ်ႈယ︀ပ︀်ယ︀ၢက︀်ႉမ︀ႃးꩫ︀ꩫ︀ႆ︀ႇတ︀မ︀ိူင︀်း က︀ဝ်ႈၵ︀ႃႛမ︀ႆ︀ႛ ပ︀ိူꩫ︀်ႈဢ︀ၢꩫ︀်တ︀ၢꩫ︀်ၵ︀ႆ︀ႈꩭႂ်ႛတ︀ီၵ︀ႃႛမ︀ႃးယ︀ဝ်ႇ။

က︀ေႃရ︀ိꩫ︀်တ︀ု ႑ 16:15

ꩡ︀ုမ︀်ႛꩭိူꩫ︀်းꩬ︀တ︀ေၸ︀ꩫ︀်ၵ︀ဝ်မ︀ႆ︀ႛ ꩬ︀ူတ︀ွင︀်းမ︀ဝ်ꩡ︀ႂ်ႈ။ ၵ︀ဝ်ယ︀ႃႇ ဢ︀ꩫ︀်ႈလ︀ုက︀်ႉတ︀ိူင︀်းဢ︀ႃၵ︀ႃယ︀မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ွꩫ︀်ႈတ︀ၢင︀်းလ︀ေႚလ︀ေႚယ︀ုမ︀်ယ︀မ︀်ႈမ︀ႃးꩫ︀မ︀်။ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛက︀ေႃႇ ၵ︀ဝ်ꩡ︀ွႆ︀ႈလ︀ူင︀်ꩡ︀ွႆ︀ႈလ︀ၢင︀်မ︀ႃးယ︀ဝ်ႇ။ ၵ︀ႅꩫ︀်းꩫ︀က︀ွတ︀်။ ၵ︀ၢမ︀်းၵ︀ဝ်မ︀ႆ︀ႛတ︀မ︀ိူင︀်း၊ ၵ︀ၢမ︀်းက︀ူꩫ︀်းဢ︀ꩫ︀်ႈတ︀င︀်းၵ︀ဝ် ꩭူမ︀်ႈꩭီတ︀်ဢ︀မ︀ူးꩬ︀ေႈꩡ︀ႃႉꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ထွမ︀်ꩡ︀ွမ︀်းက︀ꩫ︀်ႈမ︀ႃးတ︀ႃႉ။

က︀ေႃရ︀ိꩫ︀်တ︀ု ႑ 16:5

က︀ဝ်ႈတ︀ိူင︀်းမ︀ႃက︀ေတ︀ေႃꩫ︀ိမ︀ႆ︀ႛဝႃႈၵ︀ဝ်ႛꩫ︀ႆ︀ႇꩬ︀ီ ဢ︀မ︀ႂ်းမ︀ႆ︀ႛပ︀ꩫ︀်ယ︀ဝ်ႇက︀ီးꩬ︀ိုင︀် ꩬ︀ူမ︀ႆ︀ႛမ︀ႃးက︀ွတ︀်။

က︀ေႃရ︀ိꩫ︀်တ︀ု ႒ 11:9

မ︀ိူဝ်ႈက︀ဝ်ႈတ︀င︀်းꩬ︀ူဢ︀ူꩫ︀ႆ︀ႇ က︀ဝ်ႈက︀ꩬ︀င︀်ꩭၢင︀်ႇꩫ︀က︀ေႃႇ လ︀ုက︀်ႉꩬ︀ူမ︀ႆ︀ႛက︀ꩬ︀င︀်က︀ေႃႇ ꩵ︀ႈယ︀ွꩫ︀်းမ︀ႃး။ က︀ႃႈꩫ︀င︀်က︀ဝ်ႈꩭၢင︀်ႇꩫ︀ႆ︀ႇ က︀ူꩫ︀်းꩡ︀ိူဝ်းဢ︀ꩫ︀်ႈလ︀ုက︀်ႉ မ︀ႃက︀ေတ︀ေႃꩫ︀ိမ︀ႆ︀ႛမ︀ႃးꩫ︀ႆ︀ႇၵ︀ဝ်ꩫ︀မ︀်ဢ︀ဝ်ႈမ︀ႃးꩫ︀ႆ︀ႇ။ ꩡ︀ႃႇက︀ဝ်ႈꩫ︀က︀ီး ꩬ︀ူမ︀ႆ︀ႛမ︀ိူဝ်ႈလ︀ႂ်ႈက︀ေႃႇ က︀ဝ်ႈꩵ︀ႈဢ︀ဝ်ႈယ︀ပ︀်မ︀ႃး။ က︀ꩫ︀်ႛလ︀င︀်မ︀ႆ︀ႛက︀ေႃႇ ꩵ︀ႈဢ︀ဝ်ႈယ︀ပ︀်။

က︀ေႃရ︀ိꩫ︀်တ︀ု ႒ 2:13

ꩫ︀ႆ︀ႇꩫ︀က︀ေႃႇ ꩫ︀ွင︀်ႇက︀ဝ်ႈတ︀ိတ︀ုမ︀ႆ︀ႛ က︀ဝ်ႈမ︀ဝ်ꩭꩫ︀်က︀ီး က︀ပ︀်ႉꩡ︀ႂ်ႈꩫ︀ႆ︀ႇꩬ︀ီ ၸ︀ူႛယ︀ုမ︀်ယ︀မ︀်ႈဢ︀ꩫ︀်ႈဢ︀ူဝီင︀်းဢ︀မ︀ႂ်းၵ︀ဝ်မ︀ႆ︀ႛ ꩬ︀င︀်ၵ︀ၢမ︀်းင︀ႆ︀း က︀ႃတ︀ိူင︀်းမ︀ႃက︀ေတ︀ေႃꩫ︀ိမ︀ႃးဢ︀ူ။

က︀ေႃရ︀ိꩫ︀်တ︀ု ႒ 7:5

မ︀ိူဝ်ႈမ︀ႆ︀ႛ တ︀ူႈထိုင︀်တ︀ိူင︀်းမ︀ႃက︀ေတ︀ေႃꩫ︀ိꩫ︀ႆ︀ႇ တ︀ူႈꩵ︀ႈꩫ︀ႆ︀ႛဢ︀ူꩫ︀ီႈꩫ︀ီႈပ︀ိူင︀်ႈလ︀ူင︀်။ တ︀ူႈမ︀ႆ︀ႛ လ︀ုက︀်ႉက︀ူႈပ︀ႃႛက︀ူႈꩫ︀ႃႛမ︀ႆ︀ႛ ꩫ︀ိက︀်ႉꩬ︀ၢက︀်ႉꩫ︀ႆ︀ႇꩬ︀ီ တ︀ူႈꩫ︀ႆ︀ႛက︀ူဝ်ႈꩬ︀ီဢ︀ူမ︀ႃးꩫ︀မ︀်။

က︀ေႃရ︀ိꩫ︀်တ︀ု ႒ 9:12

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀မ︀ူးဢ︀ꩫ︀်ႈꩬ︀ူꩡ︀ွႆ︀ႈက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛၵ︀ဝ်ꩫ︀ႆ︀ႇ ဢ︀ꩫ︀်ႈၵ︀ဝ်ꩭၢင︀်ႇမ︀ႆ︀ႛ ထႅမ︀်ꩭႂ်ႛꩫ︀ႆ︀ႇꩬ︀ေႇမ︀ဝ်က︀ႃး ꩭႂ်ႛပ︀ူဝ်းက︀ူꩫ︀်းꩫ︀မ︀်ꩰလ︀ၢႆ︀လ︀ၢႆ︀ ယ︀ူဝ်းယ︀ွင︀်ႛၸ︀ြႃးပ︀ီꩫ︀်ႈꩡ︀ဝ်ႛက︀ေႃႇꩡ︀ႂ်ႈဢ︀ူ။

က︀ေႃရ︀ိꩫ︀်တ︀ု ႒ 9:2

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူပ︀ိူꩫ︀်ႈမ︀ႆ︀ႛ ၵ︀ႂ်ႈꩡ︀ွႆ︀ႈꩭႅင︀်းဢ︀ူꩫ︀ꩫ︀ႆ︀ႇ က︀ဝ်ႈတ︀ွင︀်းꩫ︀ႆ︀ႇꩬ︀ီ ꩬ︀ူက︀ူꩫ︀်းꩡ︀ိူဝ်းတ︀ိူင︀်းဢ︀ႃၵ︀ႃယ︀ꩫ︀ႆ︀ႇၵ︀ဝ် လ︀ုက︀်ႉပ︀ီႈက︀ႆ︀ၢႈပ︀ုꩫ︀်ႛ ၵ︀ွင︀်လ︀ူꩭႅမ︀်းဝႆ︀ႇဢ︀ူꩫ︀ꩬ︀ီ က︀ူꩫ︀်းꩡ︀ိူဝ်းတ︀ိူင︀်းမ︀ႃက︀ေတ︀ေႃꩫ︀ိၵ︀ဝ်မ︀ႆ︀ႛက︀ေႃႇ က︀ဝ်ႈလ︀ွင︀်ႈꩬ︀ူယ︀ွင︀်ႛမ︀ႃးဢ︀ူ။ ဢ︀ꩫ︀်ႈတ︀ေႇတ︀ေႇက︀ေႃႇ ၵ︀ဝ်ꩭႂ်ႛပ︀ူဝ်းလ︀ူမ︀ႃးꩫ︀ႆ︀ႇက︀ေႃႇ ꩡ︀ေတ︀ꩫ︀ႃꩬ︀ူꩫ︀မ︀် ၵ︀ဝ်ဢ︀ၢꩫ︀်တ︀ၢꩫ︀်မ︀ႆ︀ႛ ꩬ︀ူꩫ︀်းꩭႂ်ႛမ︀ႃးꩫ︀ႆ︀ႇ။

က︀ေႃရ︀ိꩫ︀်တ︀ု ႒ 9:4

ꩬ︀င︀်ဝႃႈ ပ︀ီႈꩫ︀ွင︀်ႇမ︀ႃက︀ေတ︀ေႃꩫ︀ိၵ︀ဝ် တ︀င︀်းက︀ဝ်ႈမ︀ႃးꩬ︀ီ ꩬ︀ူင︀ိူꩫ︀်းမ︀ဝ်ပ︀ႆ︀ꩭႅမ︀်းဝႆ︀ႇꩫ︀ႆ︀ႇမ︀ႆ︀ႛꩭꩫ︀်က︀ီး တ︀ူႈꩬ︀ူမ︀ႆ︀ႛတ︀မ︀်းꩡ︀ႂ်ႈမ︀ႃးꩫ︀ႆ︀ႇ တ︀ီꩫ︀ႆ︀ႛဢ︀ႆ︀ၢႈလ︀ူင︀်ꩫ︀မ︀်။

ၸ︀ိလ︀ိပ︀်ပ︀ၢႆ︀ 4:15

မ︀ိူဝ်ႈက︀ဝ်ႈꩬ︀ူမ︀ႆ︀ႛ ꩭႃပ︀ထမ︀မ︀ႃးꩭူဝ်းၵ︀ၢဝ်ႈၵ︀ၢမ︀်းꩫ︀ီႈꩬ︀ီ လ︀ုက︀်ႉတ︀ိူင︀်းမ︀ႃက︀ေတ︀ေႃꩫ︀ိမ︀ႆ︀ႛ ဢ︀ွက︀်တ︀ၢင︀်းက︀ႃꩫ︀ႆ︀ႇ ꩬ︀ူꩡ︀ိူဝ်းဝီင︀်းၸ︀ိလ︀ိပ︀်ပ︀ၢႆ︀ꩫ︀ႆ︀ႇၵ︀ဝ်ꩫ︀ႆ︀ၢႈꩫ︀မ︀် က︀ဝ်ႈမ︀ႆ︀ႛဢ︀ဝ်ႈင︀ိူꩫ︀်းꩡ︀ွႆ︀ႈꩬ︀ီ ဢ︀မ︀ူးဢ︀ꩫ︀်ႈက︀ဝ်ႈမ︀ႅက︀်မ︀ႆ︀ႛ တ︀င︀်းက︀ဝ်ႈꩭူမ︀်ႈမ︀ႅက︀်ꩭၢမ︀်ꩡ︀ွႆ︀ႈမ︀ႃးꩫ︀ႆ︀ႇ။ လ︀ွင︀်ႈꩫ︀ႆ︀ႇꩬ︀ူၸ︀ူႛꩡ︀ဝ်ႛက︀ေႃႇတ︀ွင︀်းဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 1:7

င︀ႆ︀းꩫ︀ႆ︀ႇꩬ︀ီꩬ︀ူယ︀ႃႇ ပ︀ၢင︀်ႈꩫ︀ႃႛၸ︀ူႛယ︀ုမ︀်ယ︀မ︀်ႈတ︀ိူင︀်းမ︀ႃက︀ေတ︀ေႃꩫ︀ိၵ︀ဝ်ꩫ︀ၵ︀ႃတ︀ိူင︀်းဢ︀ႃၵ︀ႃယ︀ၵ︀ဝ်တ︀င︀်းမ︀ိူင︀်းမ︀ႆ︀ႛ ပ︀ီꩫ︀်ႈပ︀ႅင︀်ႈꩡ︀ွမ︀်ႈက︀ႃယ︀ဝ်ႇ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 1:8

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ႆ︀ၢးပ︀ိူဝ်ႈꩬ︀ူက︀မ︀်ႈက︀ႅင︀်းင︀ႆ︀းꩫ︀ႆ︀ႇꩬ︀ီ က︀ူꩫ︀်းတ︀ိူင︀်းမ︀ႃက︀ေတ︀ေႃꩫ︀ိၵ︀ဝ်၊ က︀ူꩫ︀်းတ︀ိူင︀်းဢ︀ႃၵ︀ႃယ︀ၵ︀ဝ် ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ု ꩫ︀ႆ︀ႛꩥ︀ိꩫ︀်းက︀ႃမ︀ူတ︀်ယ︀ဝ်ႇ။ ꩫ︀ႆ︀ႇꩬ︀ေႇမ︀ဝ်က︀ႃး ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူꩭိုဝ်လ︀ိုဝ်ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ꩫ︀ႆ︀ႇက︀ေႃႇ က︀ူႈတ︀ီႈꩬ︀ႅꩫ︀်ꩫ︀ႅꩫ︀်ႈမ︀ႆ︀ႛ ꩭူင︀်က︀ꩫ︀်ႈꩫ︀ႆ︀ႇꩬ︀ီ တ︀ူႈꩫ︀ႆ︀ၢႈက︀ေႃႇ ၵ︀ဝ်မ︀ႆ︀ႛဢ︀ꩫ︀်ႈဝႃႈၵ︀ႆ︀ႈꩵ︀ႈယ︀င︀်းယ︀ဝ်ႇ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 4:10

ꩬ︀ူၸ︀ူႛꩡ︀ဝ်ႛက︀ေႃႇ ၸ︀ူႛယ︀ုမ︀်ယ︀မ︀်ႈ ဢ︀ꩫ︀်ႈဢ︀ူတ︀ိူင︀်းမ︀ႃက︀ေတ︀ေႃꩫ︀ိꩫ︀ႆ︀ႇၵ︀ဝ် တ︀င︀်းမ︀ိူင︀်းမ︀ႆ︀ႛ ꩭၢက︀်ႉꩭွမ︀်တ︀ေႇတ︀ေႇမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇၵ︀ဝ်ꩴ︀း က︀ၢပ︀်ꩬ︀ီဢ︀ေႈၵ︀ႅꩫ︀်းꩭၢက︀်ႉꩭွမ︀်က︀ꩫ︀်ႈတ︀ႃႉ။

တ︀ိမ︀ေႃတ︀ေ ႑ 1:3

မ︀ိူဝ်ႈက︀ဝ်ႈ က︀ႃတ︀ိူင︀်းမ︀ႃက︀ေတ︀ေႃꩫ︀ိꩫ︀ႆ︀ႇ မ︀ႂ်းမ︀ႆ︀ႛက︀ဝ်ႈꩬ︀င︀်ဝႆ︀ႇꩫ︀ႆ︀ႇꩫ︀က︀ꩫ︀်ႈ ဝီင︀်းဢ︀ေၸ︀ႅတ︀်မ︀ႆ︀ႛ ဢ︀ူဢ︀ိက︀်ꩬ︀ီ ꩬ︀ြႃဢ︀ꩫ︀်ႈꩬ︀မ︀်မ︀ႃတ︀ြႃးမ︀ႆ︀ႛ ဢ︀ဝ်ႈၸ︀ႆ︀ꩬ︀ီꩬ︀ွꩫ︀်ꩫ︀ႆ︀ႇၵ︀ဝ်မ︀ႆ︀ႛ ꩡ︀တ︀်တ︀ႃႉ။

ၸ︀ိလ︀ေမ︀ုꩫ︀် 1:5

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ႂ်းယ︀ႃႇ ၸ︀ူႛယ︀ုမ︀်ယ︀မ︀်ႈၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ ꩭၢက︀်ႉꩭွမ︀်ꩬ︀ီ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈလ︀ူင︀်ꩫ︀မ︀်ꩫ︀ꩫ︀ႆ︀ႇ က︀ဝ်ႈꩫ︀ႆ︀ႛꩥ︀ိꩫ︀်းꩬ︀ီꩫ︀မ︀်။