ရ︀ေႃမ︀ 13:11 - Khamti Shan

^11-12 င︀ႆ︀းꩫ︀ႆ︀ႇꩬ︀ီ ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩭၢက︀်ႉက︀ꩫ︀်ႈတ︀ႃႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ၢင︀်ႈၵ︀ိုꩫ︀်းပ︀ူꩫ︀်ႇꩬ︀ီ ၸ︀ႃႇတ︀ီလ︀ႅင︀်းယ︀ဝ်ႇꩫ︀ꩫ︀ႆ︀ႇ ꩬ︀ူတ︀ွင︀်းဢ︀ူ။ ဝꩫ︀်းဢ︀ꩫ︀်ႈꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ီၵ︀ေꩬ︀ေꩫ︀ႆ︀ႇ က︀ႂ်ႛဢ︀ႅပ︀်ꩰမ︀ႃးꩫ︀ႆ︀ႇꩬ︀ီ လ︀ုက︀်ႉတ︀ိꩫ︀်က︀ꩫ︀်ႈတ︀ႃႉ။ တ︀ၢင︀်းက︀ႅင︀်းက︀ူꩫ︀်း ဢ︀ꩫ︀်ႈတ︀ီႈꩫ︀မ︀်ႈꩬ︀ိင︀်မ︀ႆ︀ႛꩭီတ︀်က︀ိꩫ︀်ႈꩫ︀ႆ︀ႇၵ︀ဝ်ၸ︀ႃႛꩬ︀ီ တ︀ၢင︀်းက︀ႅင︀်းက︀ူꩫ︀်းဢ︀ꩫ︀်ႈတ︀ီႈလ︀ႅင︀်းမ︀ႆ︀ႛ ꩭီတ︀်က︀ိꩫ︀်ႈꩫ︀ႆ︀ႇၵ︀ဝ် က︀မ︀်ႈက︀ႅင︀်းက︀ꩫ︀်ႈတ︀ႃႉ။

ရ︀ေႃမ︀ 13:11 ပူးပေါင်းရင်းမြစ်များ

မ︀တ︀်တ︀ႄး 16:3

က︀ၢင︀်ႈလ︀ႂ်ꩡ︀ဝ်ႇꩰ မ︀ွက︀်ꩫ︀ႅင︀်ႈꩬ︀ီၸ︀ႃႇꩬ︀ဝ်ႛက︀ီး ၸ︀ူꩫ︀်တ︀ီတ︀ူက︀်ယ︀ဝ်ႇꩫ︀က︀ေႃႇယ︀ႃ ဝႃႈꩡ︀ၢင︀်ႈဢ︀ူ။ က︀ၢင︀်ႈၸ︀ႃႇမ︀ႆ︀ႛꩫ︀ူႈꩬ︀ီ ꩫ︀ႃႛၸ︀ႃႇတ︀ီပ︀ီꩫ︀်ႈꩭိုဝ်ꩫ︀ꩫ︀ႆ︀ႇယ︀ႃႇ ꩬ︀ူတ︀ွင︀်းဢ︀ူ။ ꩫ︀ႆ︀ႇꩫ︀က︀ေႃႇ လ︀ႆ︀ၢးꩫ︀ိမ︀ိက︀်ႉ ဢ︀ꩫ︀်ႈက︀ဝ်ႈꩭီတ︀်ꩫ︀ႆ︀ႇၵ︀ဝ်မ︀ႆ︀ႛ လ︀ႅမ︀်းꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ င︀ႆ︀ႚက︀ꩬ︀င︀်ꩭီတ︀်ဢ︀ူ ꩫ︀ꩫ︀ႆ︀ႇ ꩬ︀ူမ︀ဝ်တ︀ွင︀်းဢ︀ေႃ၊

လ︀ုက︀ႃ 21:28

လ︀ွင︀်ႈꩫ︀ႆ︀ႇၵ︀ဝ် က︀ူဝ်ပ︀ီꩫ︀်ႈမ︀ႃးက︀ီး ꩬ︀ူꩬ︀ဝ်းၵ︀ိူင︀်ꩰꩬ︀ီ က︀ꩫ︀်ႛꩫ︀ိူဝ်မ︀ႆ︀ႛ ꩭႅꩫ︀်ꩫ︀ူႈက︀ꩫ︀်ႈတ︀ႃႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ယ︀ၢမ︀်းဢ︀ꩫ︀်ႈꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ၵ︀ေꩬ︀ေꩫ︀ႆ︀ႇ က︀ႂ်ႛမ︀ႃးယ︀ဝ်ႇ” ꩫ︀ဝꩫ︀်ႇ။

က︀ေႃရ︀ိꩫ︀်တ︀ု ႑ 10:11

ꩫ︀ႆ︀ႇၵ︀ဝ်က︀ျမ︀်းလ︀ိက︀်ႉမ︀ႆ︀ႛ တ︀ႅမ︀်ႛဝႆ︀ႇꩫ︀ႆ︀ႇယ︀ႃႇ ꩡ︀ႃႇꩭဝ်းက︀ူꩫ︀်းꩡ︀ူဝ်ႈက︀ၢပ︀်ႉပ︀ႆ︀ၢႈꩭၢင︀်လ︀ေႚလ︀ေႚꩫ︀ႆ︀ႇၵ︀ဝ်မ︀ႆ︀ႛ ꩬ︀ွꩫ︀်ꩬ︀ီ ꩭႂ်ႛꩬ︀တ︀ိꩫ︀မ︀်။

ဢ︀ေၸ︀ႅတ︀် 5:14

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈလ︀ႅင︀်းယ︀ႃႇ တ︀င︀်းလ︀ုင︀်မ︀ႆ︀ႛဢ︀ဝ်ႈꩭꩫ︀်ꩡ︀ုꩫ︀်ႈꩰꩭႂ်ႛꩬ︀ီꩫ︀မ︀်။ င︀ႆ︀းꩫ︀ႆ︀ႇꩬ︀ီ ပ︀ိူꩫ︀်ႈဝႃႈက︀ꩫ︀်ႈꩫ︀ႆ︀ႇ “ၸ︀ူႛꩫ︀ွꩫ︀်းꩫ︀က︀်ꩴ︀း လ︀ုက︀်ႉတ︀ႃႉ။ လ︀ုက︀်ႉဢ︀ꩫ︀်ႈတ︀ႆ︀ၢႈမ︀ႆ︀ႛ ꩫ︀ိပ︀်ပ︀ွက︀်ႉတ︀ႃႉ။ င︀ႆ︀းက︀ီး က︀ꩫ︀်ႛꩫ︀ိူဝ်မ︀ႂ်းမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀် တ︀ွင︀်လ︀ႅင︀်းꩭႂ်ႛဢ︀ူ” ꩫ︀ဝꩫ︀်ႇ။

ယ︀ႃက︀ု 5:8

က︀ဝ်ႈပ︀ိူဝ်ႈꩫ︀ႆ︀ႇꩬ︀ီ ꩭဝ်းက︀ေႃႇ ဝႃႈꩡ︀ႂ်ႈꩭီးꩡ︀ႂ်ႈယ︀ၢဝ်းက︀ꩫ︀်ႈꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛတ︀ီမ︀ႃးꩡ︀မ︀်ႈယ︀ဝ်ႇ။ ꩡ︀ႂ်ႈဢ︀ဝ်ႈမ︀ꩫ︀်ႛဢ︀ဝ်ႈၵ︀ိူင︀်ꩬ︀ီ တ︀ႂ်းထႃႛက︀ꩫ︀်ႈတ︀ႃႉ။

ပ︀ေတ︀ရ︀ု ႑ 4:7

က︀မ︀်ၸ︀ႃတ︀ီꩬ︀ုတ︀်ꩡ︀မ︀်ႈꩫ︀ႆ︀ႇꩬ︀ီ ꩭႂ်ႛပ︀ူဝ်းꩬ︀ူယ︀ွꩫ︀်းꩬ︀ူးꩫ︀ႆ︀ႛꩫ︀ီႈꩫ︀ီႈꩫ︀ႆ︀ႇ တ︀ူဝ်ႈၸ︀ူႛꩡ︀ဝ်ႛမ︀ႆ︀ႛထိꩫ︀်ꩬ︀ီ ၵ︀ႅတ︀်ꩰꩫ︀ီမ︀်ꩰက︀ꩫ︀်ႈတ︀ႃႉ။

ပ︀ေတ︀ရ︀ု ႒ 3:11

ꩫ︀ႆ︀ႇၵ︀ဝ်တ︀င︀်းမ︀ိူင︀်း တ︀ီလ︀ူႇပ︀ႅက︀်ႉက︀ႃꩫ︀ႆ︀ႇꩬ︀ီ ꩬ︀ူယ︀ႃႇၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ဢ︀ဝ်ႈမ︀ူတ︀်ꩡ︀ၢင︀်ꩬ︀ီၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ၢပ︀်ႉက︀ꩫ︀်ႈတ︀ႃႉ။

ပ︀ေတ︀ရ︀ု ႒ 3:9

က︀ူꩫ︀်းက︀မ︀်ႈၸ︀ွင︀်းယ︀ႃႇ လ︀ွင︀်ႈဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်တ︀ီပ︀ွက︀်ႉမ︀ႃးꩫ︀ꩫ︀ႆ︀ႇမ︀ႆ︀ႛ ၵ︀ꩫ︀်တ︀ႂ်းꩫ︀ၢꩫ︀်းဢ︀ူ။ ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇꩵ︀ႈꩫ︀ၢꩫ︀်း။ ꩫ︀င︀်မ︀ꩫ︀်းꩡ︀ဝ်ႛဝႃႈဝႆ︀ႇꩫ︀က︀ꩫ︀်ႈတ︀ီꩭီတ︀်ꩫ︀မ︀်။ ꩭႂ်ႛပ︀ူဝ်း က︀ူꩫ︀်းက︀ူဝ်ႇလ︀ိူင︀်ႈꩫ︀ၢႆ︀ႈက︀ေႃႇ မ︀ဝ်လ︀ူႇပ︀ႅက︀်ႉက︀ႃꩫ︀ႆ︀ႇ ၵ︀ဝ်မ︀ႆ︀ႛၵ︀ႂ်ႈꩭႂ်ႛꩬ︀ၢင︀်ဝွေꩬ︀ီ မ︀ꩫ︀်းꩡ︀ဝ်ႛꩬ︀ေးၵ︀ၢမ︀်ꩬ︀ီဢ︀ူꩫ︀မ︀်။

ယ︀ေႃးꩭၢꩫ︀် ႑ 2:18

လ︀ုက︀်ႉꩭၢက︀်ႉက︀ဝ်ႈၵ︀ဝ်ꩴး က︀မ︀်ၸ︀ႃတ︀ီꩬ︀ုတ︀်ꩡ︀မ︀်ႈယ︀ဝ်ႇ။ ꩡ︀ူဝ်ႈပ︀ၢꩫ︀်ႈꩫ︀ႆ︀ႇမ︀ႆ︀ႛ ၸ︀ူႛꩬ︀ၢꩫ︀်တ︀ၢꩫ︀်းꩡ︀ဝ်ႛၵ︀ရ︀ီတ︀်ꩫ︀ႆ︀ႇ တ︀ီဢ︀ွက︀်မ︀ႃးꩫ︀မ︀်ꩫ︀ꩬ︀ီ ꩬ︀ူꩫ︀ႆ︀ႛꩥ︀ိꩫ︀်းမ︀ႃးꩫ︀က︀ꩫ︀်ႈ င︀ႆ︀ႚၸ︀ူႛꩬ︀ၢꩫ︀်တ︀ၢꩫ︀်းꩡ︀ဝ်ႛၵ︀ရ︀ီတ︀်ꩫ︀ႆ︀ႇၵ︀ဝ် ဢ︀ၢꩫ︀်တ︀ၢꩫ︀်ဢ︀ွက︀်မ︀ႃးꩫ︀ႆ︀ႇꩬ︀ီ က︀မ︀်ၸ︀ႃတ︀ီꩬ︀ုတ︀်ꩡ︀မ︀်ႈယ︀ဝ်ႇꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။

ၿျႃၻိက︀်ႉ 1:3

လ︀ွင︀်ႈꩫ︀ႆ︀ႇၵ︀ဝ် မ︀ဝ်ꩭိုင︀်က︀ꩬ︀င︀် တ︀ီပ︀ီꩫ︀်ႈမ︀ႃးꩫ︀ႆ︀ႇꩬ︀ီ က︀ူဝ်ႇဢ︀ꩫ︀်ႈပ︀ၢပ︀်ႉၿျႃၻိက︀်ႉꩫ︀ႆ︀ႇမ︀ႆ︀ႛဢ︀ၢꩫ︀်၊ က︀ူဝ်ႈဢ︀ꩫ︀်ႈၵ︀ၢဝ်ႈၵ︀ၢမ︀်ႈဢ︀ꩫ︀်ႈမ︀ႆ︀ႛ တ︀ႅမ︀်ႛဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ထွမ︀်ꩬ︀ီ ꩡ︀ွမ︀်းက︀ႅင︀်းꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀က︀ိဝ်းတ︀ီပ︀ူင︀်ႈꩭႂ်ႛꩫ︀မ︀်။

ၿျႃၻိက︀်ႉ 22:10

ယ︀ဝ်ႇက︀ီး မ︀ꩫ︀်းဝႃႈꩫ︀ႆ︀ႇ “ၵ︀ၢမ︀်းၿျႃၻိက︀်ႉဢ︀ꩫ︀်ႈပ︀ၢပ︀်ႉꩫ︀ႆ︀ႇမ︀ႆ︀ႛ တ︀ႅမ︀်ႛဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ပ︀ီဢ︀ဝ်ႈမ︀ႅပ︀်ဝႆ︀ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩫ︀ႆ︀ႇၵ︀ဝ် တ︀ီပ︀ီꩫ︀်ႈမ︀ႃးꩡ︀မ︀်ႈယ︀ဝ်ႇ။

ၿျႃၻိက︀်ႉ 22:12

ꩡ︀ဝ်ႛယ︀ေꩬ︀ုဝႃႈꩫ︀ႆ︀ႇ “ထွမ︀်တ︀ႃႉ။ က︀ဝ်ႈꩡ︀ိဝ်းꩰတ︀ီမ︀ႃးꩫ︀မ︀်။ မ︀ိူဝ်ႈက︀ဝ်ႈမ︀ႃးꩫ︀ႆ︀ႇ က︀ူꩫ︀်းက︀ူႈက︀ူဝ်ႇမ︀ႆ︀ႛ ဢ︀ꩫ︀်ႈꩫ︀င︀်ၸ︀ႂ်မ︀ꩫ︀်းꩭီတ︀်မ︀ႃးꩫ︀ႆ︀ႇ က︀ဝ်ႈဢ︀က︀ိဝ်းဢ︀ပ︀ႅတ︀်ႉ တ︀ီပ︀ူင︀်ႈꩭႂ်ႛပ︀ွက︀်ႉꩫ︀မ︀်။

ၿျႃၻိက︀်ႉ 22:20

ꩡ︀ဝ်ႛဢ︀ꩫ︀်ႈၵ︀ၢဝ်ႈၵ︀ၢမ︀်းဢ︀ꩫ︀်ႈꩫ︀ႆ︀ႇၵ︀ဝ် ပ︀ူင︀်ႈꩭႂ်ႛꩫ︀ႆ︀ႇယ︀ႃႇ “ꩡ︀ႂ်ႈဢ︀ူ။ က︀ဝ်ႈတ︀ီမ︀ႃးꩡ︀မ︀်ႈတ︀ေႇတ︀ေႇယ︀ဝ်ႇ” ꩫ︀ဝꩫ︀်ႇ။ ꩬ︀ႃႈထု။ ꩡ︀ဝ်ႛယ︀ေꩬ︀ု က︀ျွႃးမ︀ႃးတ︀ီၵ︀ႃႛတ︀ႃႉ။