ရ︀ေႃမ︀ 12:6 - Khamti Shan

⁶ င︀ႆ︀းꩫ︀ႆ︀ႇꩬ︀ီ ꩭဝ်းက︀ေႃႇ ꩬ︀ူးဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩫ︀င︀်က︀ျေးꩡ︀ူးမ︀ꩫ︀်းꩡ︀ဝ်ႛꩫ︀က︀ꩫ︀်ႈ ပ︀ူင︀်ႈꩭႂ်ႛꩫ︀ႆ︀ႇၵ︀ဝ် တ︀ိုဝ်းက︀ꩫ︀်ႈတ︀ႃႉ။ ၸ︀ူႛꩡ︀ဝ်ႛမ︀ႆ︀ႛ ꩬ︀ူးဢ︀ꩫ︀်ႈꩭူဝ်းၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛယ︀င︀်းက︀ီး က︀ႃႈꩫ︀င︀်ၸ︀ူႛꩡ︀ဝ်ႛယ︀ုမ︀်ယ︀မ︀်ႈꩫ︀ႆ︀ႇ ꩭူဝ်းတ︀ႃႉ။

ရ︀ေႃမ︀ 12:6 ပူးပေါင်းရင်းမြစ်များ

မ︀တ︀်တ︀ႄး 23:34

က︀ဝ်ႈဝႃႈက︀ွတ︀်။ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်၊ ၸ︀ူႛꩭူႇꩭꩫ︀်ꩫ︀ႆ︀ႇၵ︀ဝ်၊ ꩬ︀ြႃꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈတ︀ီပ︀ွႆ︀ꩡ︀ႂ်ႇမ︀ႃးꩫ︀မ︀်။ ꩬ︀ူယ︀ႃႇၵ︀ဝ်မ︀ႆ︀ႛ ဢ︀ꩫ︀်ႈဢ︀ဝ်ႈတ︀ႆ︀ၢႈꩫ︀ႆ︀ႇဢ︀ဝ်ႈတ︀ႆ︀ၢႈ၊ ဢ︀ꩫ︀်ႈတ︀ွက︀်ꩬ︀ဝ်ဝႃးမ︀ိုဝ်းꩫ︀ႆ︀ႇတ︀ွက︀်င︀ႆ︀း က︀မ︀်ႈၸ︀ွင︀်းမ︀ႆ︀ႛယ︀ႃႇ က︀ꩫ︀်ႛꩫ︀ႂ်းꩡ︀ွင︀်းꩬ︀ွꩫ︀်တ︀ြႃးꩫ︀ႆ︀ႇၵ︀ဝ်မ︀ႆ︀ႛ တ︀ုက︀်ႉꩰပ︀ူဝ်ႇꩰꩬ︀ီ က︀မ︀်ႈၸ︀ွင︀်းမ︀ႆ︀ႛယ︀ႃႇ ဝီင︀်းလ︀ိူင︀်ႈယ︀ဝ်ႇဝီင︀်းလ︀ိူင︀်ႈတ︀ီꩭုပ︀်ႉလ︀ေက︀ꩫ︀်ႈꩫ︀မ︀်။

မ︀တ︀်တ︀ႄး 25:22

ၸ︀ူႛꩡ︀ႂ်ႇဢ︀ꩫ︀်ႈၵ︀မ︀်းꩬ︀ွင︀်ꩡ︀ွႆ︀ႇꩭၢပ︀်ႉဝႆ︀ႇꩫ︀ႆ︀ႇက︀ေႃႇမ︀ႃးꩬ︀ီ “ꩡ︀ဝ်ႛꩴ︀း မ︀ႂ်းꩡ︀ဝ်ႛက︀ဝ်ႈၵ︀ႃႛမ︀ႆ︀ႛ ၵ︀မ︀်းꩬ︀ွင︀်ꩡ︀ွႆ︀ႇဢ︀ၢပ︀်ႉဝႆ︀ႇꩫ︀ႆ︀ႇ၊ ပ︀လ︀ေႃး ၵ︀မ︀်းꩬ︀ွင︀်ꩡ︀ွႆ︀ႇဢ︀ဝ်ႈꩫ︀ႆ︀ႛဢ︀ိက︀်မ︀ႃးတ︀ီၵ︀ႃႛယ︀ဝ်ႇ” ꩫ︀ꩬ︀ီ ၵ︀မ︀်းဢ︀မ︀ႂ်းၵ︀ဝ်တ︀င︀်းမ︀ိူင︀်းဢ︀ၢပ︀်ႉꩭႂ်ႛပ︀ွက︀်ႉဢ︀ူ။

လ︀ုက︀ႃ 11:49

င︀ႆ︀းꩬ︀ီꩫ︀မ︀် ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ဝ်ႈꩥ︀ၢꩫ︀်မ︀ꩫ︀်းꩡ︀ဝ်ႛ “ၵ︀ဝ်မ︀ႆ︀ႛက︀ဝ်ႈ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ် တ︀မ︀ၢꩫ︀်ꩡ︀ဝ်ႛꩫ︀ႆ︀ႇၵ︀ဝ် တ︀ီပ︀ွႆ︀ꩡ︀ႂ်ႇꩫ︀မ︀်။ မ︀ိူဝ်ႈဢ︀မ︀ႂ်း ၵ︀ဝ်က︀မ︀်ႈၸ︀ွင︀်းမ︀ႆ︀ႛ ꩫ︀ိက︀်ႉꩬ︀ၢက︀်ႉꩬ︀ီ က︀မ︀်ႈၸ︀ွင︀်းမ︀ႆ︀ႛတ︀ီဢ︀ဝ်ႈတ︀ႆ︀ၢႈꩫ︀မ︀်” ꩫ︀ꩬ︀ီဝႃႈဝႆ︀ႇꩫ︀ႆ︀ႇ။

ထဝ်ꩡ︀တ︀်ႉၵ︀ဝ် 13:1

ꩡ︀ိူဝ်းꩡ︀ဝ်ႛဝီင︀်းဢ︀ꩫ︀်တ︀ိဢ︀ုက︀်မ︀ႆ︀ႛ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်၊ ꩬ︀ြႃꩫ︀ႆ︀ႇၵ︀ဝ်ယ︀င︀်းဢ︀ူ။ ၵ︀ဝ်ယ︀ႃႇ ၿႃꩫ︀ၿ၊ ꩬ︀ုမ︀ွင︀်ဢ︀ꩫ︀်ႈꩭွင︀်ႇꩫ︀ိက︀ႃ၊ လ︀ုက︀ိက︀ူꩫ︀်းမ︀ိူင︀်းက︀ုရ︀ေꩫ︀ေ၊ မ︀ႃႈꩫ︀ီꩫ︀် ၸ︀ူႛတ︀ႆ︀းက︀ူဝ်ႇက︀ဝ် ꩡ︀ဝ်ႛၸ︀ႃႇꩭေရ︀ုတ︀်ဢ︀ꩫ︀်တ︀ိပ︀င︀ႆ︀း ꩬ︀ေႃလ︀ုၵ︀ဝ်ꩫ︀မ︀်။

ထဝ်ꩡ︀တ︀်ႉၵ︀ဝ် 15:32

ယ︀ုတ︀ꩫ︀ၵ︀ႃတ︀ိလ︀ၵ︀ဝ်ယ︀ႃႇ ꩫ︀င︀်ဢ︀ꩫ︀်ႈပ︀ီꩫ︀်ႈပ︀ရ︀ေႃးၸ︀ႅတ︀်ႉꩫ︀က︀ꩫ︀်ႈ ၵ︀ဝ်မ︀ႆ︀ႛဢ︀ဝ်ႈꩭိုင︀်ꩰꩬ︀ႂ်ꩭႅင︀်းꩭႂ်ႛꩬ︀ီ ဢ︀ဝ်ႈၵ︀ိူင︀်က︀ိုမ︀်းꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 2:17

“ၸ︀ြႃးပ︀ီꩫ︀်ႈꩡ︀ဝ်ႛဝႃႈꩫ︀ႆ︀ႇ “ဝꩫ︀်းပ︀ႆ︀ၢႈꩭၢင︀်မ︀ႆ︀ႛယ︀ႃႇ က︀ူꩫ︀်းက︀ူႈၸ︀ꩫ︀်းမ︀ႆ︀ႛ ၵ︀ွꩫ︀်က︀ဝ်ႈတ︀ီလ︀ူဝ်ꩭႂ်ႛꩫ︀မ︀်။ လ︀ုက︀်ႉလ︀ၢင︀်းꩬ︀ူꩫ︀ႆ︀ႇၵ︀ဝ်ယ︀ႃႇ ၵ︀ၢမ︀်းတ︀ြႃးက︀ဝ်ႈ တ︀ီꩭူဝ်းက︀ꩫ︀်ႈꩫ︀မ︀်။ က︀ူꩫ︀်းꩫ︀ုမ︀်ꩫ︀ႆ︀ႇၵ︀ဝ် တ︀ီꩭꩫ︀်ၿျႃၻိက︀်ႉက︀ꩫ︀်ႈꩫ︀မ︀်။ က︀ူꩫ︀်းထဝ်ႛꩫ︀ႆ︀ႇၵ︀ဝ်ယ︀ႃႇ တ︀ီၸ︀ꩫ︀်ꩭꩫ︀်က︀ꩫ︀်ႈꩫ︀မ︀်။

ထဝ်ꩡ︀တ︀်ႉၵ︀ဝ် 21:9

မ︀ꩫ︀်းမ︀ႆ︀ႛ လ︀ုက︀်ႉꩬ︀ၢဝ်ဢ︀ꩫ︀်ႈꩵ︀ႈပ︀ႆ︀ပ︀ီꩫ︀်ႈꩭိူꩫ︀်း ꩬ︀ီက︀ူဝ်ႇယ︀င︀်းꩬ︀ီ ၵ︀ဝ်က︀ေႃႇ ၵ︀ၢဝ်ႈၵ︀ၢမ︀်းꩫ︀ီႈꩭူဝ်းဢ︀ူ။

ရ︀ေႃမ︀ 1:11

က︀ဝ်ႈꩬ︀ူမ︀ႆ︀ႛၵ︀ႂ်ႈꩭꩫ︀်လ︀ူင︀်ꩫ︀မ︀်။ ꩬ︀ူမ︀ႆ︀ႛ ဢ︀က︀ိဝ်းၵ︀ွꩫ︀်ပ︀ꩫ︀်ႈꩬ︀ီ ၵ︀ႂ်ႈဢ︀ဝ်ႈၵ︀ိူင︀်ꩭႂ်ႛလ︀ူင︀်ꩫ︀မ︀်။

ရ︀ေႃမ︀ 12:3

က︀ဝ်ႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူးက︀ျေးꩡ︀ူးꩭႂ်ႛဝႆ︀ႇꩫ︀ႆ︀ႇꩬ︀ီ ꩬ︀ူတ︀င︀်းမ︀ိူင︀်းမ︀ႆ︀ႛ က︀ဝ်ႈဝႃႈက︀ွတ︀်။ ꩬ︀ူ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ပ︀ီꩭꩫ︀်ပ︀ူꩫ︀်ႇ။ ꩫ︀င︀်ၸ︀ူႛꩡ︀ဝ်ႛပ︀ီꩫ︀်ႈတ︀ေႇတ︀ေႇꩫ︀က︀ꩫ︀်ႈ ꩭꩫ︀်ꩬ︀ိုဝ်ႈꩰက︀ꩫ︀်ႈတ︀ႃႉ။ ꩫ︀င︀်ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ꩭႅင︀်းꩡ︀ႂ်ႈဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇ ꩭႂ်ႛဝႆ︀ႇꩫ︀က︀ꩫ︀်ႈ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ တ︀ွင︀်းက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 12:18

ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩫ︀င︀်မ︀ꩫ︀်းꩡ︀ဝ်ႛထုက︀်ꩡ︀ႂ်ႈꩫ︀က︀ꩫ︀်ႈ တ︀ူဝ်ႈꩭဝ်းမ︀ႆ︀ႛ ꩬ︀ိက︀်ႉတ︀ူဝ်ႈဢ︀ꩫ︀်ႈမ︀ဝ်မ︀ိူꩫ︀်က︀ꩫ︀်ႈꩫ︀ႆ︀ႇၵ︀ဝ် ꩬ︀ႂ်ဝႆ︀ႇဢ︀ူ။

က︀ေႃရ︀ိꩫ︀်တ︀ု ႑ 13:2

က︀ဝ်ႈမ︀ႆ︀ႛ ꩬ︀ူးဢ︀ꩫ︀်ႈꩭူဝ်းၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛယ︀င︀်းꩬ︀ီ တ︀ြႃးမ︀ꩫ︀်းꩡ︀ဝ်ႛဢ︀ꩫ︀်ႈလ︀ိူက︀်ႉလ︀မ︀်ꩫ︀ႆ︀ႇၵ︀ဝ် ပ︀ွင︀်ꩡ︀ႂ်ႈꩡ︀ၢင︀်ႈင︀ႆ︀း တ︀ၢင︀်းꩭူႇတ︀ၢင︀်းꩡ︀ၢင︀်ႈတ︀င︀်းမ︀ိူင︀်းယ︀င︀်းꩫ︀က︀ေႃႇ၊ တ︀ၢင︀်းယ︀ုမ︀်ယ︀မ︀်ႈက︀ဝ်ႈယ︀ႂ်ꩬ︀ီ ꩫ︀ွႆ︀ႈမ︀ႆ︀ႛတ︀မ︀ိူင︀်း ဢ︀ဝ်ႈၵ︀ႆ︀ၢႇပ︀ီꩫ︀်ႈꩫ︀က︀ေႃႇ မ︀ႅတ︀်ႉတ︀ႃမ︀ဝ်ယ︀င︀်းက︀ီး က︀ဝ်ႈက︀ꩬ︀င︀်က︀ေႃႇꩵ︀ႈꩡ︀ႂ်ႈ။

က︀ေႃရ︀ိꩫ︀်တ︀ု ႑ 14:1

မ︀ႅတ︀်ႉတ︀ႃမ︀ႆ︀ႛ ꩭီတ︀်ဢ︀ꩫ︀်ႈၵ︀ႅꩫ︀်းလ︀ႅင︀်ႇက︀ꩫ︀်ႈ တ︀ႃႉ။ ꩬ︀ူးၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩭႅꩫ︀်ႛဢ︀ၵ︀ႅက︀်ႉက︀ꩫ︀်ႈတ︀ႃႉ။ ꩫ︀ႂ်းဢ︀မ︀ႂ်းၵ︀ဝ်မ︀ႆ︀ႛ ꩬ︀ူးဢ︀ꩫ︀်ႈꩭူဝ်းၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၵ︀ႅꩫ︀်းꩭႅꩫ︀်ႛက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 14:24

ꩫ︀ႆ︀ႇꩫ︀က︀ေႃႇ ꩬ︀င︀်ဝႃႈ မ︀ိူဝ်ႈꩬ︀ူတ︀င︀်းလ︀ုင︀် ꩭူဝ်းၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛꩬ︀ီဢ︀ူꩫ︀ႆ︀ႇ ၸ︀ူႛဢ︀ꩫ︀်ႈမ︀ဝ်ယ︀ုမ︀်ယ︀မ︀်ႈပ︀တ︀ု ၸ︀ူႛဢ︀ꩫ︀်ႈမ︀ဝ်ပ︀ွင︀်ꩡ︀ႂ်ႈပ︀တ︀ု ၵ︀ဝ်ႛမ︀ႃးက︀ီး လ︀ႆ︀ၢးပ︀ိူဝ်ႈၵ︀ၢမ︀်းဢ︀ꩫ︀်ႈꩬ︀ူꩭူဝ်းꩫ︀ႆ︀ႇꩬ︀ီ ဢ︀ပ︀ႅတ︀်ႉမ︀ꩫ︀်းမ︀ႆ︀ႛ မ︀ꩫ︀်းၸ︀ူႛꩡ︀ဝ်ႛတ︀ွင︀်းက︀ႃꩬ︀ီ ဢ︀ꩫ︀်ႈꩬ︀ူဝႃႈꩫ︀ႆ︀ႇ မ︀ꩫ︀်းမ︀ႆ︀ႛပ︀ႅတ︀်ႉတ︀ြႃးဢ︀ူ။

က︀ေႃရ︀ိꩫ︀်တ︀ု ႑ 14:29

ၸ︀ူႛꩭူဝ်းၵ︀ၢမ︀်းၸ︀ြႃးꩫ︀ႆ︀ႇၵ︀ဝ်က︀ေႃႇ ꩬ︀ွင︀်ꩬ︀ၢမ︀်က︀ူဝ်ႇလ︀ိူင︀်ႈꩭူဝ်းင︀ႆ︀းꩬ︀ီ တ︀ၢင︀်က︀ူဝ်ႇယ︀ႃႇ ၵ︀ၢမ︀်းဢ︀မ︀ႂ်းမ︀ႆ︀ႛ ဝႃႈတ︀ႅပ︀်တ︀တ︀်ꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႑ 3:5

ꩬ︀ူဝႃႈင︀ႆ︀းက︀ီး ဢ︀ႃပ︀ေႃလ︀ုꩫ︀ꩫ︀ႆ︀ႇၵ︀ꩫ︀်တ︀ႂ်းၸ︀ႂ်ꩫ︀ႆ︀။ ပ︀ေႃလ︀ုꩫ︀ꩫ︀ႆ︀ႇက︀ေႃႇၵ︀ꩫ︀်တ︀ႂ်း ၸ︀ႂ်ꩫ︀ႆ︀။ ꩭၢင︀်းၵ︀ိူဝ်ယ︀ႃႇ ၸ︀ူႛꩡ︀ႂ်ႇၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩬ︀ူမ︀ႆ︀ႛꩡ︀ွႆ︀ႈဢ︀ဝ်ႈယ︀ုမ︀်ယ︀မ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ၢႈꩬ︀ႃး။ ꩭၢင︀်းၵ︀ိူဝ်ယ︀ႃႇ ဢ︀ꩫ︀်ႈꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛꩡ︀ႂ်ႇꩫ︀ႆ︀ႇ ꩭီတ︀်ꩫ︀ႆ︀ၢႈꩬ︀ႃး။

က︀ေႃရ︀ိꩫ︀်တ︀ု ႑ 7:7

ဢ︀ꩫ︀်ႈတ︀ေႇတ︀ေႇက︀ီး က︀ူꩫ︀်းတ︀င︀်းမ︀ိူင︀်းမ︀ႆ︀ႛ ꩫ︀င︀်က︀ဝ်ႈꩫ︀က︀ꩫ︀်ႈၵ︀ႂ်ႈꩭႂ်ႛပ︀ီꩫ︀်ႈဢ︀ူ။ ꩫ︀ႆ︀ႇꩫ︀က︀ေႃႇ က︀ူꩫ︀်းက︀ူႈက︀ူဝ်ႇမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူးဢ︀ꩫ︀်ႈမ︀ဝ်မ︀ိူꩫ︀်က︀ꩫ︀်ႈꩫ︀ႆ︀ႇ ꩡ︀ႃႇၸ︀ႂ်ꩡ︀ႃႇမ︀ꩫ︀်း ꩭႂ်ႛဝႆ︀ႇဢ︀ူ။

က︀ေႃရ︀ိꩫ︀်တ︀ု ႒ 8:12

ꩬ︀ူဢ︀ဝ်ႈꩡ︀ေတ︀ꩫ︀ႃလ︀ူက︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ꩫ︀်ႈꩬ︀ူပ︀ီꩫ︀်ႈပ︀ေႇꩬ︀ီ လ︀ူမ︀ႆ︀ႛꩫ︀မ︀်ꩭၢပ︀်ႉꩫ︀ႆ︀ႇ။ ဢ︀ꩫ︀်ႈꩬ︀ူမ︀ဝ်ပ︀ီꩫ︀်ႈပ︀ေႇမ︀ႆ︀ႛ မ︀ꩫ︀်းꩡ︀ဝ်ႛꩵ︀ႈꩫ︀ူႈ။

ဢ︀ေၸ︀ႅတ︀် 3:5

မ︀ိူဝ်ႈင︀ႃးပ︀ုꩫ︀်ႛယ︀ႃႇ မ︀ꩫ︀်းꩡ︀ဝ်ႛလ︀ွင︀်ႈဢ︀ꩫ︀်ႈလ︀ိူက︀်ႉလ︀မ︀်ꩫ︀ႆ︀ႇ က︀ူꩫ︀်းꩭဝ်းမ︀ႆ︀ႛ မ︀ဝ်ပ︀ုတ︀်ပ︀ျႃးမ︀ႃးꩫ︀က︀ေႃႇ င︀ႆ︀ႚယ︀ႃႇ တ︀မ︀ၢꩫ︀်ꩡ︀ဝ်ႛꩫ︀ႆ︀ႇၵ︀ဝ်င︀ႆ︀း ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛ ပ︀ုတ︀်ပ︀ျႃးꩭႂ်ႛမ︀ႃးယ︀ဝ်ႇ။

ဢ︀ေၸ︀ႅတ︀် 4:11

မ︀ꩫ︀်းꩡ︀ဝ်ႛ က︀ူꩫ︀်းꩡ︀ိူဝ်းꩫ︀ႆ︀ႇၵ︀ဝ်မ︀ႆ︀ႛ ꩬ︀ူးပ︀ႃရ︀မ︀ီပ︀ူင︀်ႈꩭႂ်ႛꩬ︀ီ က︀မ︀်ႈၸ︀ွင︀်းမ︀ႆ︀ႛ တ︀မ︀ၢꩫ︀်ꩡ︀ဝ်ႛ၊ က︀မ︀်ႈၸ︀ွင︀်းမ︀ႆ︀ႛပ︀ရ︀ေႃးၸ︀ႅတ︀်ႉ၊ က︀မ︀်ႈၸ︀ွင︀်းမ︀ႆ︀ႛၸ︀ူႛꩭူဝ်းၵ︀ၢဝ်ႈၵ︀ၢမ︀်းꩫ︀ီႈ၊ က︀မ︀်ႈၸ︀ွင︀်းမ︀ႆ︀ႛ ၸ︀ူႛင︀မ︀်းꩡ︀ိူဝ်းင︀ႆ︀း က︀မ︀်ႈၸ︀ွင︀်းမ︀ႆ︀ႛဢ︀ဝ်ႈပ︀ီꩫ︀်ႈꩬ︀ြႃဢ︀ူ။

ၸ︀ိလ︀ိပ︀်ပ︀ၢႆ︀ 3:15

ꩭဝ်းၸ︀ူႛဢ︀ꩫ︀်ႈပ︀ႃႛၵ︀ွꩫ︀်မ︀ႆ︀ႛ ယ︀ႂ်က︀ေꩫ︀ႆ︀ႇၵ︀ဝ်တ︀င︀်းမ︀ိူင︀်းယ︀ႃႇ ꩭူဝ်ꩡ︀ႂ်ႈၸ︀ꩫ︀်းꩫ︀င︀်င︀ႆ︀း ဝႃႈယ︀င︀်းက︀ꩫ︀်ႈꩫ︀မ︀်။ ꩫ︀ႆ︀ႇꩫ︀က︀ေႃႇ ꩬ︀င︀်ဝႃႈꩭူဝ်ꩡ︀ႂ်ႈꩬ︀ူက︀မ︀်ႈၸ︀ွင︀်း ပ︀ီꩫ︀်ႈတ︀ၢင︀်ၸ︀ꩫ︀်းက︀ီး ꩭႂ်ႛပ︀ူဝ်းꩬ︀ူပ︀ွင︀်ꩡ︀ႂ်ႈꩫ︀ီႈꩫ︀ီႈꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛ ꩫ︀ေꩭႂ်ႛဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 5:20

ၵ︀ၢမ︀်းဢ︀ꩫ︀်ႈ ဢ︀ဝ်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩭူဝ်းၿျႃၻိက︀်ႉꩫ︀ႆ︀ႇၵ︀ဝ်မ︀ႆ︀ႛ ပ︀ီမ︀ဝ်ၵ︀ၢꩫ︀်း။

ပ︀ေတ︀ရ︀ု ႒ 1:20

ꩫ︀ႆ︀ႇꩫ︀က︀ေႃႇ ၵ︀ၢမ︀်းပ︀ရ︀ေႃးၸ︀ႅတ︀်ႉ ဢ︀ꩫ︀်ႈက︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇၵ︀ဝ်မ︀ႆ︀ႛယ︀ႃႇ က︀ူꩫ︀်းꩭဝ်းၸ︀ႂ်က︀ေႃႇ ဢ︀ဝ်ႈꩥ︀ႅꩫ︀်ၸ︀ူႛꩡ︀ဝ်ႛ ဢ︀ဝ်ႈပ︀ွင︀်ꩡ︀ႂ်ႈꩵ︀ႈꩫ︀ႆ︀ႛꩫ︀ꩫ︀ႆ︀ႇ တ︀ွင︀်းက︀ꩫ︀်ႈတ︀ႃႉ။