ရ︀ေႃမ︀ 11:28 - Khamti Shan

²⁸ က︀ျူးꩫ︀ႆ︀ႇၵ︀ဝ် ၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ ပ︀ႆ︀ဝႆ︀ႇꩫ︀ႆ︀ႇꩬ︀ီ ပ︀ီꩫ︀်ႈလ︀ꩫ︀်ꩬ︀ူၸ︀ြႃးပ︀ီꩫ︀်ႈꩡ︀ဝ်ႛက︀ႃယ︀ဝ်ႇ။ ပ︀ီꩫ︀်ႈင︀ႆ︀းက︀ႃꩫ︀ႆ︀ႇ ꩡ︀ႃႇꩬ︀ူဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်ယ︀ႃႇ ပ︀ီꩫ︀်ႈဢ︀က︀ိဝ်းလ︀ူင︀်က︀ႃꩫ︀မ︀်။ ꩫ︀ႆ︀ႇꩫ︀က︀ေႃႇ လ︀ႆ︀ၢးပ︀ိူဝ်ႈပ︀ူလ︀ီꩫ︀်ၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭၢက︀်ႉꩫ︀ႆ︀ႇꩬ︀ီ က︀ျူးꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛလ︀ိူက︀်ႉဝႆ︀ႇꩫ︀မ︀်။

ရ︀ေႃမ︀ 11:28 ပူးပေါင်းရင်းမြစ်များ

မ︀တ︀်တ︀ႄး 21:43

က︀ဝ်ႈဝႃႈက︀ွတ︀်။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ုက︀်ႉꩬ︀ူမ︀ႆ︀ႛ မ︀ိူင︀်းမ︀ꩫ︀်းꩡ︀ဝ်ႛယ︀ုတ︀်ပ︀ွက︀်ႉꩬ︀ီ က︀ူꩫ︀်းဢ︀ꩫ︀်ႈၵ︀ၢမ︀်းမ︀ꩫ︀်းꩡ︀ဝ်ႛမ︀ႆ︀ႛထွမ︀်တ︀ေႇတ︀ေႇꩫ︀ႆ︀ႇၵ︀ဝ်မ︀ႆ︀ႛ တ︀ီပ︀ႆ︀ꩭႂ်ႛꩫ︀မ︀်” ꩫ︀ဝꩫ︀်ႇ။

လ︀ုက︀ႃ 1:54

ꩫ︀င︀်မ︀ꩫ︀်းꩡ︀ဝ်ႛ ပ︀ူလ︀ီꩫ︀်ꩭဝ်းၵ︀ဝ်မ︀ႆ︀ႛ က︀တ︀ိꩭႂ်ႛဝႆ︀ႇꩫ︀ႆ︀ႇꩫ︀က︀ꩫ︀်ႈ ၸ︀ꩫ︀်းဢ︀ီတ︀်ꩬ︀ြေး ဢ︀ꩫ︀်ႈပ︀ီꩫ︀်ႈၸ︀ူႛꩡ︀ႂ်ႇမ︀ꩫ︀်းꩡ︀ဝ်ႛမ︀ႆ︀ႛ ꩡ︀ွႆ︀ႈꩭႂ်ႛမ︀ႃးယ︀ဝ်ႇ။

ထဝ်ꩡ︀တ︀်ႉၵ︀ဝ် 14:2

ꩫ︀ႆ︀ႇꩫ︀က︀ေႃႇ က︀ျူးဢ︀ꩫ︀်ႈမ︀ဝ်ယ︀ုမ︀်ꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛယ︀ူဝ်ႇꩬ︀ူꩫ︀်းꩬ︀ီ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛꩬ︀ၢꩫ︀်တ︀ၢꩫ︀်းက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 18:6

က︀ျူးꩫ︀ႆ︀ႇၵ︀ဝ်မ︀ꩫ︀်းမ︀ႆ︀ႛ ထီင︀်ပ︀ွက︀်ႉꩬ︀ီတ︀ၢꩫ︀်ႛပ︀ုက︀်ႉꩬ︀ုက︀်ႉပ︀က︀်ႉꩬ︀က︀်ႉက︀ီး ပ︀ေႃလ︀ုယ︀ႃႇ “ꩬ︀ူတ︀ၢႆ︀ႈက︀ီးꩫ︀ႃႛတ︀ီႈꩬ︀ူၸ︀ူႛꩡ︀ဝ်ႛꩫ︀မ︀်။ က︀ဝ်ႈယ︀ႃႇꩫ︀ႃႛတ︀ီႈပ︀ေယ︀ဝ်ႇ။ လ︀ꩭႃꩫ︀ႆ︀ႇက︀ဝ်ႈယ︀ႃႇ က︀ႃဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်ꩫ︀မ︀်” ꩫ︀ꩬ︀ီ ၸ︀ွင︀်ၵ︀ိူင︀်ႈယ︀ၢင︀်ꩬ︀ီဝႃႈဢ︀ူ။

ရ︀ေႃမ︀ 11:11

ꩫ︀ႆ︀ႇက︀ီး က︀ျူးꩫ︀ႆ︀ႇၵ︀ဝ် တ︀ွင︀်ႛꩬ︀ီလ︀ူမ︀်ႇꩬ︀ုမ︀်းလ︀ေႚလ︀ေႚက︀ႃက︀ျႃးꩫ︀ꩬ︀ီ ဢ︀ꩫ︀်ႈဝႃႈထၢမ︀်ယ︀င︀်းဢ︀ူ။ ꩵ︀ႈလ︀ူမ︀်ႇꩬ︀ုမ︀်းက︀ႃလ︀ေႚလ︀ေႚ။ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေမ︀ႆ︀ႛ ၵ︀ဝ်မ︀ဝ်ꩭၢပ︀်ႉမ︀ႃးꩫ︀ႆ︀ႇꩬ︀ီ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ် ꩫ︀ႆ︀ႛꩭၢပ︀်ႉမ︀ႃးꩫ︀မ︀်။ ꩫ︀ႆ︀ႇမ︀ႆ︀ႛ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ၵ︀ဝ်တ︀ႃႈꩫ︀ႅင︀်ႈမ︀ႃးက︀ꩫ︀်ႈꩫ︀မ︀်။

ရ︀ေႃမ︀ 11:30

ꩬ︀ူဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်ယ︀ႃႇ မ︀ိူဝ်ႈင︀ႃးပ︀ုꩫ︀်ႛ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛꩵ︀ႈထွမ︀်မ︀ႃး။ ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇလ︀ႆ︀ၢးပ︀ိူဝ်ႈက︀ျူးꩫ︀ႆ︀ႇၵ︀ဝ် ၵ︀ၢမ︀်းမ︀ꩫ︀်းꩡ︀ဝ်ႛမ︀ဝ်ထွမ︀်ꩫ︀ႆ︀ႇꩬ︀ီ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛဢ︀ီꩫ︀ူႈမ︀ႆ︀ႛ ꩬ︀ူ ꩫ︀ႆ︀ႛꩭၢပ︀်ႉယ︀ဝ်ႇ။

ရ︀ေႃမ︀ 11:7

င︀ႆ︀းꩫ︀ႆ︀ႇꩬ︀ီ ၸ︀ꩫ︀်းဢ︀ီတ︀်ꩬ︀ြေးယ︀ႃႇ ဢ︀ꩫ︀်ႈၵ︀ဝ်ꩭီတ︀်ဢ︀ၵ︀ႅက︀်ႉꩬ︀ီၵ︀ႃက︀ꩫ︀်ႈမ︀ႆ︀ႛ ꩵ︀ႈထိူပ︀်။ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇ ꩡ︀ွꩫ︀်လ︀ိူင︀်ႈꩫ︀ႆ︀ၢႈꩫ︀မ︀်ၵ︀ႃထိူပ︀်ꩫ︀ႆ︀ႇ။ လ︀ိူဝ်တ︀ီꩫ︀ႆ︀ႇယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭွင︀်ႇမ︀ႆ︀ႛ ꩵ︀ႈတ︀ုမ︀်ႛပ︀ိူင︀်ႈလ︀ူင︀်။

ရ︀ေႃမ︀ 5:10

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းꩭဝ်းပ︀ီꩫ︀်ႈလ︀ꩫ︀်ꩬ︀ူၵ︀ႂ်ႈလ︀ႂ်ႈꩫ︀က︀ေႃႇ က︀ွပ︀်ႉပ︀ိူဝ်ႈလ︀ုက︀်ႉမ︀ꩫ︀်းꩡ︀ဝ်ႛၵ︀ၢမ︀်တ︀ႆ︀ၢႈက︀ႃꩫ︀ႆ︀ႇꩬ︀ီ ꩭဝ်းမ︀ႆ︀ႛ တ︀င︀်းမ︀ꩫ︀်းꩡ︀ဝ်ႛဢ︀ဝ်ႈထုက︀်က︀ꩫ︀်ႈပ︀ွက︀်ႉမ︀ႃးယ︀ဝ်ႇ။ ꩫ︀ႆ︀ႇꩬ︀ေႇမ︀ဝ်က︀ႃး ꩡ︀ဝ်ႛယ︀ေꩬ︀ုၵ︀ရ︀ီတ︀်ဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇꩬ︀ီ ꩭဝ်းမ︀ႆ︀ႛဢ︀ေႈၵ︀ႅꩫ︀်းတ︀ီၵ︀ေꩬ︀ေꩭႂ်ႛꩫ︀မ︀်။

ရ︀ေႃမ︀ 9:5

ၵ︀ဝ်ယ︀ႃႇ ꩡ︀ိူဝ်ႇၵ︀ိူဝ်း ဢ︀ꩫ︀်ႈလ︀ုက︀်ႉပ︀ူလ︀ီꩫ︀်ꩭေပ︀ရ︀ူး ဢ︀ꩫ︀်ႈꩡ︀ိုဝ်ႈယ︀ႂ်ꩫ︀ႆ︀ႇၵ︀ဝ်မ︀ႆ︀ႛ ၵ︀ိူဝ်းမ︀ႃးꩫ︀မ︀်။ ꩡ︀ွမ︀်းꩬ︀ႆ︀ၢက︀ူꩫ︀်းက︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်တ︀မ︀ိူင︀်းက︀ေႃႇ ၸ︀ꩫ︀်းၵ︀ဝ်ꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈဢ︀ုပ︀်ႉပ︀ိုင︀်တ︀င︀်းမ︀ိူင︀်းမ︀ႆ︀ႛ က︀ူꩫ︀်းတ︀င︀်းမ︀ိူင︀်း မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩭႂ်ႛယ︀ူဝ်းယ︀ွင︀်ႛက︀ꩫ︀်ႈက︀တ︀ႃႉ။ ꩬ︀ႃႈထု။