ရ︀ေႃမ︀ 10:17 - Khamti Shan

¹⁷ င︀ႆ︀းꩫ︀ႆ︀ႇꩬ︀ီ က︀ူꩫ︀်းꩫ︀ႆ︀ႇၵ︀ဝ် ၵ︀ၢဝ်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀ႆ︀ႛꩥ︀ိꩫ︀်းဢ︀ွꩫ︀်ႈက︀ီးꩬ︀င︀် ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩫ︀မ︀်။ လ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩭူဝ်းက︀ီးꩬ︀င︀် က︀ူꩫ︀်းꩫ︀ႆ︀ႇၵ︀ဝ် ၵ︀ၢဝ်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႛꩥ︀ိꩫ︀်းꩫ︀မ︀်။

ရ︀ေႃမ︀ 10:17 ပူးပေါင်းရင်းမြစ်များ

မ︀ႃက︀ု 4:24

ယ︀ဝ်ႇက︀ီး “ဢ︀ꩫ︀်ႈꩫ︀င︀်ꩬ︀ူꩫ︀ႆ︀ႛꩥ︀ိꩫ︀်းꩫ︀ႆ︀ႇ ထွမ︀်က︀ꩫ︀်ႈတ︀ႃႉ။ ဢ︀ꩫ︀်ႈꩫ︀င︀်ꩬ︀ူ ပ︀ိူꩫ︀်ႈမ︀ႆ︀ႛပ︀ႅတ︀်ႉတ︀ြႃးꩫ︀က︀ꩫ︀်ႈ ꩬ︀ူမ︀ႆ︀ႛက︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ႅတ︀်ႉတ︀ြႃးပ︀ွက︀်ႉꩫ︀မ︀်။ ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛၵ︀ႆ︀ႇမ︀ဝ်က︀ႃးတ︀ီꩡ︀ႅပ︀်ႉက︀တ︀်ႉꩰꩫ︀မ︀်။

လ︀ုက︀ႃ 11:28

ꩫ︀ႆ︀ႇꩫ︀က︀ေႃႇ ꩡ︀ဝ်ႛယ︀ေꩬ︀ုယ︀ႃႇ “က︀ူဝ်ႇဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ႆ︀ႛꩥ︀ိꩫ︀်းꩬ︀ီထွမ︀်ꩡ︀ွမ︀်းꩫ︀ႆ︀ႇꩫ︀မ︀် မ︀ၢင︀်က︀လ︀ႃယ︀င︀်းတ︀ေႇတ︀ေႇꩫ︀ႆ︀ႇ” ꩫ︀ဝꩫ︀်ႇ။

လ︀ုက︀ႃ 8:11

တ︀ီႈပ︀ွင︀်ပ︀ုင︀်ၵ︀ိူင︀်ႈၵ︀ၢမ︀်းဢ︀မ︀ႂ်းယ︀ႃႇ င︀ႆ︀းꩫ︀မ︀်။ ꩭွေၸ︀ꩫ︀်းယ︀ႃႇ ၵ︀ၢဝ်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။

လ︀ုက︀ႃ 8:21

ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုယ︀ႃႇ “မ︀ေက︀ဝ်ႈ၊ ꩫ︀ွင︀်ႇက︀ဝ်ႈၵ︀ဝ်ယ︀ႃႇ က︀ူဝ်ႇဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ႆ︀ႛꩥ︀ိꩫ︀်းꩬ︀ီထွမ︀်ꩡ︀ွမ︀်းꩫ︀ႆ︀ႇၵ︀ဝ်ꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 1:37

ꩫ︀ႆ︀ႇမ︀ႆ︀ႛ ၸ︀ူႛတ︀ပ︀ေးမ︀ꩫ︀်းꩫ︀ၵ︀ႃ ꩫ︀ႆ︀ႛꩥ︀ိꩫ︀်းက︀ီး ꩬ︀ွင︀်ၵ︀ႃက︀ေႃႇ ꩡ︀ွမ︀်းက︀ꩫ︀်ႛလ︀င︀်ꩡ︀ဝ်ႛယ︀ေꩬ︀ုက︀ႃဢ︀ူ။

ရ︀ေႃမ︀ 1:16

ၵ︀ၢဝ်ႈၵ︀ၢမ︀်းꩫ︀ီႈယ︀ႃႇ တ︀ၢင︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛယ︀ုမ︀်ယ︀မ︀်ႈလ︀ုက︀်ႉၸ︀ꩫ︀်းက︀ျူးမ︀ႆ︀ႛက︀ူဝ်ꩬ︀ီ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်တ︀င︀်းလ︀ုင︀်မ︀ႆ︀ႛ ၵ︀ေꩬ︀ေꩭႂ်ႛꩫ︀မ︀်ꩫ︀ꩫ︀ႆ︀ႇ က︀ဝ်ႈဢ︀က︀မ︀်ထက︀်ꩰꩫ︀မ︀်။

ရ︀ေႃမ︀ 10:14

ꩫ︀ႆ︀ႇꩫ︀က︀ေႃႇ ꩬ︀င︀်ဝႃႈက︀ူꩫ︀်းꩫ︀ႆ︀ႇၵ︀ဝ် ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်ယ︀ုမ︀်ယ︀မ︀်ႈက︀ီး ꩭလ︀ိုဝ်က︀ေႃႇယ︀ွꩫ︀်းꩬ︀ူးꩵ︀ႈꩫ︀ႆ︀ႛ။ ၵ︀ၢဝ်ႈၵ︀ၢမ︀်းမ︀ꩫ︀်းꩡ︀ဝ်ႛမ︀ႆ︀ႛ မ︀ဝ်ꩫ︀ႆ︀ႛꩥ︀ိꩫ︀်းက︀ီးက︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩵ︀ႈꩫ︀ႆ︀ႛ။ ၸ︀ူႛꩭူဝ်းၵ︀ၢဝ်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ မ︀ဝ်ယ︀င︀်းက︀ီးက︀ေႃႇ က︀ူꩫ︀်းꩫ︀ႆ︀ႇၵ︀ဝ် ꩵ︀ႈꩫ︀ႆ︀ႛꩥ︀ိꩫ︀်း။

က︀ေႃရ︀ိꩫ︀်တ︀ု ႒ 2:17

တ︀ူႈယ︀ႃႇ ꩫ︀င︀်ပ︀ိူꩫ︀်ႈက︀ꩫ︀်ႛꩫ︀မ︀်ꩫ︀က︀ꩫ︀်ႈ ၵ︀ႂ်ႈꩫ︀ႆ︀ႛဢ︀က︀ိဝ်းပ︀ၢင︀်ႈꩬ︀ီ ၵ︀ၢဝ်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၸ︀ႆ︀ꩬ︀ီꩵ︀ႈꩭူဝ်း။ ꩫ︀ႆ︀ႇꩫ︀က︀ေႃႇ တ︀ူႈမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇꩫ︀ႆ︀ႇꩬ︀ီ ပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ ဢ︀ဝ်ႈဢ︀ႃꩫ︀ႃꩡ︀ဝ်ႛၵ︀ရ︀ီတ︀် ꩬ︀ိုဝ်ႈꩰတ︀ူဝ်ꩰꩭူဝ်းꩫ︀မ︀်။

က︀လ︀ႃတ︀ိ 3:2

က︀ဝ်ႈထၢမ︀်က︀ွတ︀်။ ꩬ︀ူၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႛꩭၢပ︀်ႉဢ︀ဝ်ႈꩫ︀ႆ︀ႇ က︀မ︀်ႈက︀ျမ︀်းꩬ︀ိꩫ︀်ꩬ︀ီက︀ျႃး။ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩫ︀်ႈꩬ︀ူꩫ︀ႆ︀ႛꩥ︀ိꩫ︀်းမ︀ႃးမ︀ႆ︀ႛ ယ︀ုမ︀်ယ︀မ︀်ႈꩬ︀ီမ︀ဝ်ꩡ︀ႂ်ႈက︀ျႃး။

က︀လ︀ႃတ︀ိ 3:5

ၵ︀ိုꩫ︀်းꩫ︀က︀ဝ် ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛၵ︀ွꩫ︀်မ︀ꩫ︀်းꩡ︀ဝ်ႛꩭႂ်ႛꩬ︀ီ ꩫ︀ႂ်းꩬ︀ူမ︀ႆ︀ႛ ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ်ꩭီတ︀်ဢ︀ူꩫ︀ႆ︀ႇ လ︀ႆ︀ၢးပ︀ိူဝ်ႈꩬ︀ူက︀မ︀်ႈက︀ျမ︀်းꩬ︀ိꩫ︀်ꩬ︀ီက︀ျႃး။ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ဢ︀ꩫ︀်ႈꩬ︀ူ ꩫ︀ႆ︀ႛꩥ︀ိꩫ︀်းမ︀ႃးမ︀ႆ︀ႛ ယ︀ုမ︀်ယ︀မ︀်ႈꩬ︀ီမ︀ဝ်ꩡ︀ႂ်ႈက︀ျႃး။

က︀ေႃလ︀ေႃတ︀ႄ 3:16

က︀ꩫ︀်ႛꩫ︀ႂ်းꩭူဝ်ꩡ︀ႂ်ႈꩬ︀ူမ︀ႆ︀ႛ ၵ︀ၢမ︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ꩬ︀ႂ်ဢ︀ဝ်ႈတ︀ီမ︀်ႈꩰဝႆ︀ႇက︀ꩫ︀်ႈတ︀ႃႉ။ ၵ︀ၢမ︀်းဢ︀မ︀ႂ်း က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈက︀ေႃႇ က︀ႃႈꩫ︀င︀်ꩥ︀ႅꩫ︀်ယ︀င︀်းꩫ︀ႆ︀ႇ ꩬ︀ွꩫ︀်က︀ꩫ︀်ႈ၊ ꩥ︀ႅပ︀်ႉက︀ꩫ︀်ႈတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ဝ်ႈၵ︀ၢမ︀်းꩬ︀ႃလ︀ၢမ︀်၊ ဢ︀ဝ်ႈၵ︀ၢမ︀်းဢ︀ꩫ︀်ႈယ︀ူဝ်းယ︀ွင︀်ႛ က︀ူႈၸ︀ꩫ︀်းꩰဢ︀ွေꩬ︀ီ လ︀ုက︀်ႉꩫ︀ႂ်းꩡ︀ႂ်ႈꩬ︀ူမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 2:13

ꩡ︀ႃႇလ︀ိူင︀်ႈ မ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ တ︀ူႈယ︀ူဝ်းယ︀ွင︀်ႛꩬ︀ီဢ︀ူꩫ︀ႆ︀ႇ လ︀ွင︀်ႈလ︀ိူင︀်ႈယ︀င︀်းဢ︀ူ။ ဢ︀မ︀ႂ်းယ︀ႃႇ က︀ွပ︀်ႉပ︀ိူဝ်ႈ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈတ︀ူႈꩬ︀ူမ︀ႆ︀ႛ ꩬ︀ွꩫ︀်ꩬ︀င︀်မ︀ႃးꩫ︀ႆ︀ႇ ၵ︀ၢမ︀်းက︀ူꩫ︀်းꩵ︀ႈꩡ︀ႂ်ႈ။ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛꩡ︀ႅတ︀်ႉꩰꩫ︀မ︀် ꩫ︀ꩬ︀ီ ꩬ︀ူꩭၢပ︀်ႉဢ︀ဝ်ႈမ︀ႃးꩫ︀ႆ︀ႇꩬ︀ီꩫ︀မ︀်။ ဢ︀မ︀ႂ်းၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛတ︀ေႇတ︀ေႇꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ူဝ်ႈတ︀ႃႈဢ︀ꩬ︀ၢက︀်ႉꩬ︀ူမ︀ႆ︀ႛ ဢ︀ဝ်ႈၵ︀ၢဝ်ႈၵ︀ၢမ︀်းဢ︀မ︀ႂ်း ဢ︀ဝ်ႈꩫ︀ီႈꩭႂ်ႛꩬ︀ီဢ︀ူꩫ︀မ︀်။

ꩭေပ︀ရ︀ူး 4:2

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩫ︀င︀်ၵ︀ဝ်ꩫ︀က︀ꩫ︀်ႈ ꩭဝ်းက︀ေႃႇ ၵ︀ၢဝ်ႈၵ︀ၢမ︀်းꩫ︀ီႈ ꩫ︀ႆ︀ႛꩥ︀ိꩫ︀်းမ︀ႃးယ︀ဝ်ႇ။ ꩫ︀ႆ︀ႇꩫ︀က︀ေႃႇ ၵ︀ဝ်ယ︀ႃႇ ꩫ︀ႆ︀ႛꩥ︀ိꩫ︀်းꩬ︀ီက︀ေႃႇ ဢ︀ဝ်ႈꩡ︀ႂ်ႈဢ︀ꩫ︀်ႈယ︀ုမ︀်ယ︀မ︀်ႈ မ︀ဝ်ꩭၢပ︀်ႉမ︀ႃးꩫ︀ႆ︀ႇꩬ︀ီ ၵ︀ဝ်မ︀ႆ︀ႛဢ︀က︀ိဝ်းꩵ︀ႈယ︀င︀်းမ︀ႃး။

ပ︀ေတ︀ရ︀ု ႑ 1:23

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛ ဢ︀ဝ်ႈၵ︀ၢမ︀်းမ︀ꩫ︀်းꩡ︀ဝ်ႛ ဢ︀ꩫ︀်ႈꩭႂ်ႛဢ︀ꩬ︀ၢက︀်ႉ၊ ဢ︀ꩫ︀်ႈထႃဝရ︀ယ︀င︀်းဢ︀ူꩫ︀ႆ︀ႇ ဢ︀ဝ်ႈၸ︀ႃးပ︀ီꩫ︀်ႈꩡ︀ူဝ်ႈတ︀ႃႈဢ︀ꩬ︀ၢက︀်ႉမ︀ႂ် ဢ︀ꩫ︀်ႈမ︀ဝ်တ︀ႆ︀ၢႈꩡ︀ၢင︀်ႈ ဢ︀ꩫ︀်ႈမ︀ꩫ︀်ႛတ︀ိူင︀်ႈမ︀ႃးယ︀ဝ်ႇ။

ၿျႃၻိက︀်ႉ 1:9

က︀ဝ်ႈယ︀ႃႇ ပ︀ီႈꩫ︀ွင︀်ႇꩬ︀ူ ယ︀ေႃးꩭၢꩫ︀် ဢ︀ꩫ︀်ႈꩫ︀င︀်ꩬ︀ူꩫ︀က︀ꩫ︀်ႈ ပ︀ီꩫ︀်ႈတ︀ပ︀ေးꩡ︀ဝ်ႛယ︀ေꩬ︀ုꩫ︀မ︀်။ က︀ဝ်ႈက︀ေႃႇ ꩫ︀င︀်က︀ူဝ်ႇဢ︀ꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛ မ︀တ︀်ႉꩡ︀ဝ်ႛꩭူဝ်ၵ︀မ︀်းꩫ︀ႆ︀ႇၵ︀ဝ် ꩫ︀ႆ︀ႛၵ︀ၢမ︀်ꩫ︀ိက︀်ႉꩬ︀ၢက︀်ႉꩫ︀က︀ꩫ︀်ႈ ꩫ︀ႆ︀ႛၵ︀ၢမ︀်င︀ႆ︀း ꩫ︀ႆ︀ႛက︀ꩫ︀်ႛဢ︀ူꩫ︀မ︀်။ လ︀ႆ︀ၢးပ︀ိူဝ်ႈက︀ဝ်ႈ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ꩬ︀မ︀်မ︀ႃတ︀ြႃးဢ︀ꩫ︀်ႈꩡ︀ဝ်ႛယ︀ေꩬ︀ု ပ︀ုတ︀်ပ︀ျႃးꩭႂ်ႛꩫ︀ႆ︀ႇ တ︀ႅဝ်လ︀ေꩫ︀ႆ︀ႇꩬ︀ီ က︀ဝ်ႈမ︀ႆ︀ႛင︀ွꩫ︀်ႈပ︀ၢတ︀်မ︀ုမ︀ႆ︀ႛ ꩬ︀ူင︀်ၵ︀ွတ︀်ဝႆ︀ႇꩫ︀မ︀်။