ရ︀ေႃမ︀ 1:4 - Khamti Shan

⁴ ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်ꩫ︀ꩫ︀ႆ︀ႇ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ဢ︀ဝ်ႈတ︀ꩫ︀်းၵ︀ူဝ်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩫ︀ိပ︀်ပ︀ွက︀်ႉꩬ︀ီ ꩬ︀ၢက︀်ႉꩬ︀ေပ︀ျႃးမ︀ႃးယ︀ဝ်ႇ။

ရ︀ေႃမ︀ 1:4 ပူးပေါင်းရင်းမြစ်များ

မ︀တ︀်တ︀ႄး 4:3

ꩫ︀ႆ︀ႇမ︀ႆ︀ႛ ၵ︀ုꩫ︀်ꩬ︀ူင︀်ꩫ︀ႆ︀ႇ ꩡ︀ဝ်ႛယ︀ေꩬ︀ုမ︀ႆ︀ႛမ︀ႃးꩬ︀ီ “မ︀ႂ်းꩡ︀ဝ်ႛပ︀ီꩫ︀်ႈၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛက︀ီး ꩭိꩫ︀်ꩫ︀ႆ︀ႇမ︀ႆ︀ႛ ဢ︀မ︀ိင︀်းꩭႂ်ႛꩬ︀ီ ဢ︀ဝ်ႈပ︀ီꩫ︀်ႈၵ︀ဝ်ႛမ︀ုꩫ︀်းလ︀ႃး” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 17:31

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဝꩫ︀်းဢ︀ꩫ︀်ႈက︀ူꩫ︀်းတ︀င︀်းမ︀ိူင︀်းမ︀ႆ︀ႛ ဢ︀ဝ်ႈꩡ︀ဝ်ႛဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇꩫ︀ႆ︀ႇ ꩬ︀ိုဝ်ႈꩰꩫ︀ꩫ︀်ႈꩰတ︀ီꩡ︀ႅပ︀်ႉတ︀ြႃးꩫ︀ႆ︀ႇ ꩡ︀ွင︀်ဝႆ︀ႇယ︀ဝ်ႇꩰꩬ︀ီꩫ︀မ︀်။ ꩫ︀င︀်ꩫ︀ႆ︀ႇꩫ︀က︀ꩫ︀်ႈတ︀ီပ︀ီꩫ︀်ႈမ︀ႃးꩫ︀မ︀်ꩫ︀ꩫ︀ႆ︀ႇက︀ေႃႇ ꩡ︀ဝ်ႛဢ︀မ︀ႂ်းမ︀ႆ︀ႛ လ︀ုက︀်ႉတ︀ၢင︀်းတ︀ၢႆ︀ႈမ︀ႆ︀ႛ ဢ︀ဝ်ႈꩫ︀ိပ︀်ပ︀ွက︀်ႉꩭႂ်ႛꩬ︀ီ ꩬ︀ၢက︀်ႉꩬ︀ေပ︀ျႃးမ︀ႃးယ︀ဝ်ႇ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 2:24

ꩫ︀ႆ︀ႇꩫ︀က︀ေႃႇ မ︀ꩫ︀်းꩡ︀ဝ်ႛမ︀ႆ︀ႛၵ︀ုꩫ︀်တ︀ႆ︀ၢႈꩫ︀ႆ︀ႇ ၸ︀ုက︀်ဝႆ︀ႇလ︀ေႚလ︀ေႚꩵ︀ႈပ︀ီꩫ︀်ႈ။ င︀ႆ︀းꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ လ︀ုက︀်ႉတ︀ꩫ︀်းၵ︀ူဝ်းၵ︀ုꩫ︀်တ︀ႆ︀ၢႈမ︀ႆ︀ႛ ဢ︀ဝ်ႈလ︀ွတ︀်ႉဢ︀ွက︀်ꩬ︀ီ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးယ︀ဝ်ႇ။

ထဝ်ꩡ︀တ︀်ႉၵ︀ဝ် 2:32

ꩡ︀ဝ်ႛယ︀ေꩬ︀ု ꩡ︀ဝ်ႛမ︀ေꩬ︀ိယ︀ꩫ︀ႆ︀ႇမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈꩫ︀ိပ︀်ပ︀ွက︀်ႉမ︀ႃးယ︀ဝ်ႇꩫ︀ꩫ︀ႆ︀ႇ တ︀ူႈတ︀င︀်းမ︀ိူင︀်း ꩬ︀ၢက︀်ႉꩬ︀ေꩫ︀မ︀်။

ထဝ်ꩡ︀တ︀်ႉၵ︀ဝ် 3:15

ꩡ︀ဝ်ႛဢ︀ꩬ︀ၢက︀်ႉမ︀ႆ︀ႛ ꩬ︀ူꩭႂ်ႛဢ︀ဝ်ႈတ︀ႆ︀ၢႈမ︀ႃးꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇꩡ︀ဝ်ႛဢ︀မ︀ႂ်းမ︀ႆ︀ႛ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးယ︀ဝ်ႇ။ လ︀ွင︀်ႈꩫ︀ႆ︀ႇမ︀ႆ︀ႛ တ︀ူႈယ︀ႃႇꩬ︀ၢက︀်ႉꩬ︀ေꩫ︀မ︀်။

ရ︀ေႃမ︀ 1:3

ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇယ︀ႃႇ လ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်း ၸ︀ူႛပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈလ︀ုက︀်ႉၵ︀ိူဝ်းꩡ︀ဝ်ႛꩭူဝ်ၵ︀မ︀်းၻႃဝိမ︀ႆ︀ႛ ၸ︀ႃးပ︀ီꩫ︀်ႈက︀ူꩫ︀်းမ︀ႃးꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႒ 13:4

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းꩡ︀ဝ်ႛယ︀ႃႇ မ︀ိူဝ်ႈက︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ ꩫ︀ႆ︀ႛၵ︀ၢမ︀်တ︀ွက︀်တ︀ႆ︀ၢႈꩫ︀ႆ︀ႇ ꩭႅင︀်းဢ︀ေꩫ︀က︀ေႃႇ င︀ႆ︀ႚယ︀ႃႇဢ︀ဝ်ႈတ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀် ဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇ။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ တ︀ူႈက︀ေႃႇတ︀င︀်းꩡ︀ဝ်ႛၵ︀ရ︀ီတ︀်လ︀ွမ︀်ႈလ︀မ︀်းက︀ꩫ︀်ႈꩬ︀ီ ꩭႅင︀်းဢ︀ေဢ︀ူ။ ꩫ︀ႆ︀ႇꩫ︀က︀ေႃႇ ꩫ︀င︀်မ︀ꩫ︀်းꩡ︀ဝ်ႛင︀ႆ︀ႚပ︀ီꩫ︀်ႈဢ︀ူꩫ︀က︀ꩫ︀်ႈ တ︀ူႈက︀ေႃႇ ဢ︀ဝ်ႈတ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ႂ်းꩬ︀ူမ︀ႆ︀ႛ တ︀ီဢ︀ူꩫ︀မ︀်။

ꩭေပ︀ရ︀ူး 9:14

ꩫ︀ိူတ︀်ႉꩡ︀ဝ်ႛၵ︀ရ︀ီတ︀်ယ︀ႃႇ ၵ︀ႆ︀ႇမ︀ဝ်က︀ႃးပ︀ီꩫ︀်ႈပ︀ေႇဢ︀ူ။ မ︀ꩫ︀်းꩡ︀ဝ်ႛယ︀ႃႇ ဢ︀ဝ်ႈတ︀ူဝ်ႈမ︀ꩫ︀်းၸ︀ူႛꩡ︀ဝ်ႛ ꩭီတ︀်ၵ︀ႅက︀်ဢ︀ꩫ︀်ႈတ︀ီမ︀်ႈက︀ုမ︀်ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ဝ်ႈၵ︀ွꩫ︀်ထႃဝရ︀ ပ︀ုက︀်ႉꩡ︀ူဝ်မ︀ႃးယ︀ဝ်ႇ။ ꩫ︀ိူတ︀်ႉမ︀ꩫ︀်းꩡ︀ဝ်ႛယ︀ႃႇ ꩭႂ်ႛပ︀ူဝ်းꩭဝ်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈဢ︀ꩬ︀ၢက︀်ႉꩫ︀ိပ︀်မ︀ႆ︀ႛ မ︀ိုင︀်ႇꩫ︀ႆ︀ႛꩫ︀ႆ︀ႇ ꩡ︀ႂ်ႈၵ︀ွꩫ︀်ꩭဝ်းမ︀ႆ︀ႛ တ︀ၢင︀်းက︀ႅင︀်း ဢ︀ꩫ︀်ႈဢ︀က︀ိဝ်းမ︀ဝ်ယ︀င︀်းꩫ︀ႆ︀ႇၵ︀ဝ် ꩬ︀ုက︀်ႉဢ︀ဝ်ႈတ︀ွင︀်ꩭႂ်ႛဢ︀ူ။

ပ︀ေတ︀ရ︀ု ႑ 1:11

ꩡ︀ဝ်ႛꩬ︀ေꩬ︀ုၵ︀ရ︀ီတ︀်ယ︀ႃႇ မ︀ꩫ︀်းꩡ︀ဝ်ႛꩭိုဝ်လ︀ိုဝ်တ︀ီꩫ︀ႆ︀ႛၵ︀ၢမ︀်ၻုက︀်ႉၵ︀၊ ယ︀ဝ်ႇက︀ီးꩭိုဝ်လ︀ိုဝ်တ︀ီꩫ︀ႆ︀ႛမ︀ူꩫ︀်ႈၸ︀ုင︀်းလ︀ူင︀်ꩫ︀ꩫ︀ႆ︀ႇၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ွႆ︀ꩡ︀ႂ်ႇꩬ︀ီ က︀ꩫ︀်ႛꩫ︀ႂ်းပ︀ရ︀ေႃးၸ︀ႅတ︀်ႉဢ︀မ︀ႂ်းၵ︀ဝ်မ︀ႆ︀ႛၵ︀ိင︀်းꩫ︀ႆ︀ႇ ၵ︀ဝ်မ︀ႆ︀ႛꩭႂ်ႛၵ︀ႆ︀ႈမ︀ႃးဢ︀ူ။ မ︀ိူဝ်ႈဢ︀မ︀ႂ်း ၵ︀ဝ်ယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ီꩫ︀်ႈၸ︀ႂ်၊ လ︀ွင︀်ႈဢ︀မ︀ႂ်းမ︀ိူဝ်ႈလ︀ႂ်ႈတ︀ီပ︀ီꩫ︀်ႈမ︀ႃးꩫ︀ꩫ︀ႆ︀ႇ ꩭီတ︀်ဢ︀ၵ︀ႅက︀်ႉꩬ︀ီ ꩬ︀ွက︀်ႉတ︀ႆ︀မ︀ႃးဢ︀ူ။

ပ︀ေတ︀ရ︀ု ႒ 1:21

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ၢမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈလ︀ုက︀်ႉꩥ︀ႅꩫ︀်က︀ူꩫ︀်းမ︀ႆ︀ႛ ဢ︀ွက︀်မ︀ႃးꩵ︀ႈꩡ︀ႂ်ႈ။ ꩫ︀င︀်ဢ︀ꩫ︀်ႈၵ︀ဝ်မ︀ႆ︀ႛၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ေꩭႂ်ႛꩫ︀ႆ︀ႇꩫ︀က︀ꩫ︀်ႈ ၵ︀ဝ်ꩭူဝ်းမ︀ႃးꩫ︀မ︀်။

ၿျႃၻိက︀်ႉ 1:18

ꩡ︀ဝ်ႛဢ︀ꩫ︀်ႈဢ︀ꩬ︀ၢက︀်ႉꩫ︀ိပ︀်ꩫ︀မ︀်။ က︀ဝ်ႈ တ︀ႆ︀ၢႈမ︀ႃးယ︀ဝ်ႇ။ ꩫ︀ႆ︀ႇꩫ︀က︀ေႃႇ င︀ႆ︀ႚꩫ︀ိပ︀်ꩬ︀ီ ထႃဝရ︀ ယ︀င︀်းဢ︀ူꩫ︀မ︀်။ ၵ︀ုꩫ︀်တ︀ၢႆ︀ႈမ︀ႆ︀ႛတ︀မ︀ိူင︀်း၊ ၵ︀ူင︀်းတ︀ႆ︀ၢႈမ︀ႆ︀ႛတ︀မ︀ိူင︀်း က︀ဝ်ႈဢ︀ုပ︀်ႉပ︀ိုင︀်ဢ︀ူ။

ၿျႃၻိက︀်ႉ 19:10

ꩫ︀ႆ︀ႇမ︀ႆ︀ႛ က︀ဝ်ႈယ︀ႃႇ တ︀ႆ︀ၢႛတ︀ိꩫ︀်ႈမ︀ꩫ︀်းမ︀ႆ︀ႛ ပ︀ႅပ︀်ႉၵ︀ုပ︀်ႉꩬ︀ီ ပ︀ႆ︀ၢႛဝႆ︀ႈက︀ွတ︀်ꩫ︀က︀ီး မ︀ꩫ︀်းယ︀ႃႇ “က︀ဝ်ႈမ︀ႆ︀ႛ ပ︀ီပ︀ႆ︀ၢႛ။ က︀ဝ်ႈက︀ေႃႇ ꩫ︀င︀်မ︀ႂ်းꩫ︀က︀ꩫ︀်ႈꩫ︀မ︀်။ ၸ︀ူႛယ︀ုမ︀်ယ︀မ︀်ႈတ︀ၢင︀်က︀ူဝ်ႇꩫ︀ႆ︀ႇၵ︀ဝ်၊ ၸ︀ူႛဢ︀ꩫ︀်ႈꩬ︀မ︀်မ︀ႃတ︀ြႃးမ︀ႆ︀ႛ ပ︀ꩫ︀်ႛဝႆ︀ႇꩫ︀ႆ︀ႇၵ︀ဝ်င︀ႆ︀း ꩭဝ်းတ︀င︀်းမ︀ိူင︀်းယ︀ႃႇ ၸ︀ူႛꩡ︀ႂ်ႇၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ၢႈꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀ိုင︀် ပ︀ႆ︀ၢႛဝႆ︀ႈတ︀ႃႉ” ꩫ︀ဝꩫ︀်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀မ︀်မ︀ႃတ︀ြႃး ဢ︀ꩫ︀်ႈꩡ︀ဝ်ႛယ︀ေꩬ︀ုပ︀ုတ︀်ပ︀ျႃးꩫ︀ႆ︀ႇယ︀ႃႇ ဢ︀ꩫ︀်ႈပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ꩫ︀ေꩭႂ်ႛမ︀ႃးꩫ︀ႆ︀ႇꩫ︀မ︀်။