ရ︀ေႃမ︀ 1:28 - Khamti Shan

²⁸ ၸ︀ြႃးပ︀ီꩫ︀်ႈꩡ︀ဝ်ႛပ︀ီꩫ︀်ႈꩫ︀င︀်ꩭိုဝ်တ︀ေႇတ︀ေႇꩫ︀ꩫ︀ႆ︀ႇမ︀ႆ︀ႛ ၵ︀ဝ်မ︀ဝ်ၵ︀ႂ်ႈꩡ︀ႂ်ႈပ︀ိူင︀်ႈလ︀ူင︀်ꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇၵ︀ဝ်မ︀ႆ︀ႛ ၵ︀ွတ︀်ꩬ︀ီ ꩡ︀ႂ်ႈမ︀ိူက︀်ႉၵ︀ဝ်ꩫ︀ႆ︀ႇ ၵ︀ဝ်မ︀ႆ︀ႛပ︀ေႇထူမ︀်ႛက︀ႃꩫ︀မ︀်။ င︀ႆ︀းꩫ︀ႆ︀ႇꩬ︀ီ ၵ︀ဝ်ဢ︀ူမ︀ဝ်ꩫ︀ႆ︀ႛꩬ︀ီ ဢ︀ꩫ︀်ႈꩭင︀်ႛဢ︀ꩫ︀်ႈꩭိုက︀်ꩫ︀ႆ︀ႇၵ︀ဝ်တ︀င︀်းမ︀ိူင︀်းꩭီတ︀်ဢ︀ူꩫ︀မ︀်။

ရ︀ေႃမ︀ 1:28 ပူးပေါင်းရင်းမြစ်များ

ထဝ်ꩡ︀တ︀်ႉၵ︀ဝ် 17:23

မ︀ိူဝ်ႈက︀ဝ်ႈၵ︀ႃႛဝီင︀်းꩬ︀ူမ︀ႆ︀ႛပ︀ꩫ︀်ꩬ︀ီ တ︀ီႈဢ︀ꩫ︀်ႈꩬ︀ူꩡ︀ဝ်ႛပ︀ႆ︀ၢႛၸ︀ြႃးꩫ︀ႆ︀ႇၵ︀ဝ်မ︀ႆ︀ႛလ︀ႅမ︀်းꩫ︀ႆ︀ႇ ၵ︀ီင︀်ၸ︀ီဢ︀ꩫ︀်ႈ “ꩡ︀ႃႇၸ︀ြႃးဢ︀ꩫ︀်ႈတ︀ူႈမ︀ဝ်တ︀ွင︀်း” ꩫ︀ꩬ︀ီတ︀ႅမ︀်ႛဝႆ︀ႇꩫ︀ႆ︀ႇမ︀ႆ︀ႛ က︀ဝ်ႈၵ︀ႃႛꩭꩫ︀်ဢ︀ူ။ င︀ႆ︀ႚက︀ဝ်ႈၵ︀ႃႛယ︀ႃႇ လ︀ွင︀်ႈၸ︀ြႃးဢ︀ꩫ︀်ႈꩬ︀ူမ︀ဝ်တ︀ွင︀်းꩬ︀ီ ပ︀ၢႆ︀ႛဝႆ︀ႈဢ︀မ︀ႂ်းꩫ︀မ︀်ၵ︀ႆ︀ႈꩫ︀ႆ︀ႇ။

ထဝ်ꩡ︀တ︀်ႉၵ︀ဝ် 17:32

က︀ူꩫ︀်းက︀မ︀်ႈၸ︀ွင︀်းယ︀ႃႇ လ︀ွင︀်ႈဢ︀ꩫ︀်ႈၸ︀ူႛတ︀ၢႆ︀ႈꩫ︀ႆ︀ႇၵ︀ဝ်ꩫ︀ိပ︀်ပ︀ွက︀်ႉꩫ︀ႆ︀ႇꩫ︀ႆ︀ႛꩥ︀ိꩫ︀်းက︀ီး ꩭီတ︀်ꩬ︀ွင︀်းၵ︀ူဝ်က︀ꩫ︀်ႈဢ︀ူ။ ꩫ︀ႆ︀ႇꩫ︀က︀ေႃႇက︀မ︀်ႈၸ︀ွင︀်းယ︀ႃႇ “လ︀ွင︀်ႈဢ︀ꩫ︀်ႈꩬ︀ူဝႃႈꩫ︀ႆ︀ႇ တ︀ူႈၵ︀ႂ်ႈꩫ︀ႆ︀ႛꩥ︀ိꩫ︀်းဢ︀ိက︀်ဢ︀ူ” ꩫ︀ဝꩫ︀်ႇ။

ရ︀ေႃမ︀ 1:18

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ွပ︀်ႉပ︀ိူဝ်ႈက︀ူꩫ︀်းꩫ︀ႆ︀ႇၵ︀ဝ် မ︀ꩫ︀်းꩡ︀ဝ်ႛမ︀ႆ︀ႛမ︀ဝ်က︀ူဝ်ႈယ︀မ︀်ႈင︀ႆ︀း ꩭီတ︀်ဢ︀ꩫ︀်ႈမ︀ဝ်တ︀ြႃးꩫ︀ႆ︀ႇꩬ︀ီ ဢ︀ꩫ︀်ႈꩬ︀ိုဝ်ႈꩡ︀ႂ်ႈမ︀ꩫ︀်းꩡ︀ဝ်ႛမ︀ႆ︀ႛ လ︀ၢပ︀်ႉဝႆ︀ႇꩫ︀ႆ︀ႇမ︀ႆ︀ႛ မ︀ꩫ︀်းꩡ︀ဝ်ႛၵ︀ႂ်ႈလ︀ႂ်ႈတ︀ေႃးꩬ︀ႃးꩫ︀ꩫ︀ႆ︀ႇ လ︀ုက︀်ႉက︀ၢင︀်ႈꩭၢဝ်မ︀ႆ︀ႛ ပ︀ုတ︀်ၵ︀ႆ︀ႈဝႆ︀ႇဢ︀ူ။

ရ︀ေႃမ︀ 1:21

ၵ︀ဝ်ယ︀ႃႇ လ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛတ︀ွင︀်းꩫ︀က︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ ꩫ︀င︀်ဢ︀ꩫ︀်ႈထုက︀်ယ︀ူဝ်းယ︀ွင︀်ႛꩫ︀က︀ꩫ︀်ႈ ꩵ︀ႈယ︀ူဝ်းယ︀ွင︀်ႛ။ က︀ျေးꩡ︀ူးက︀ေႃႇꩵ︀ႈတ︀ၢင︀်။ ၵ︀ဝ်ယ︀ႃႇ ဢ︀ꩫ︀်ႈက︀ꩬ︀င︀်မ︀ဝ်ꩡ︀ႂ်ႈꩫ︀ႆ︀ႇၵ︀ဝ်ꩫ︀ႆ︀ၢႈꩬ︀ိုင︀်ၵ︀ႂ်ႈꩡ︀ႂ်ႈက︀ꩫ︀်ႈꩬ︀ီ၊ ꩡ︀ႂ်ႈၵ︀ဝ်ယ︀ႃႇ ꩫ︀မ︀်ႈꩬ︀ိင︀်တ︀ိက︀်ႉꩰက︀ꩫ︀်ႈꩫ︀မ︀်။

ရ︀ေႃမ︀ 1:24

င︀ႆ︀းꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ ဢ︀ꩫ︀်ႈꩫ︀င︀်ၵ︀ဝ်ထုက︀်ꩡ︀ႂ်ႈမ︀ႆ︀ႛ ပ︀ွႆ︀ၵ︀ွတ︀်ဢ︀ူ။ င︀ႆ︀းꩬ︀ီ ၵ︀ဝ်က︀ေႃႇ ဢ︀ꩫ︀်ႈꩫ︀င︀်ၵ︀ဝ်ၵ︀ႂ်ႈꩭင︀်ႛꩫ︀က︀ꩫ︀်ႈ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ လ︀ွင︀်ႈက︀ႃမ︀မ︀ႆ︀ႛ ဢ︀ꩫ︀်ႈက︀ူဝ်ႈဢ︀ꩫ︀်ႈဢ︀ႆ︀ၢႈမ︀ဝ်ယ︀င︀်းꩬ︀ီ ꩭီတ︀် ꩬ︀ုက︀်ႉꩭီတ︀်ꩬ︀က︀်ႉက︀ꩫ︀်ႈဢ︀ူ။

ရ︀ေႃမ︀ 1:26

လ︀ႆ︀ၢးပ︀ိူဝ်ႈၵ︀ဝ်ꩭီတ︀်င︀ႆ︀းꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ဝ်မ︀ႆ︀ႛꩭႂ်ႛꩡ︀ွမ︀်းꩡ︀ႂ်ႈꩭင︀်ႛၵ︀ဝ်ၸ︀ူႛꩡ︀ဝ်ႛက︀ႃꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩡ︀ိူမ︀်ႈက︀ႃႈၸ︀ူႛယ︀ိင︀်းၵ︀ဝ်ꩫ︀ႆ︀ႇၵ︀ဝ်တ︀မ︀ိူင︀်းက︀ေႃႇ ꩬ︀ပ︀ႃဝမ︀ႆ︀ႛပ︀ိꩫ︀်ႛတ︀ၢဝ်ႈꩬ︀ီ ၸ︀ူႛယ︀ိင︀်းꩫ︀ႆ︀ၢႈၸ︀ူႛယ︀ိင︀်းꩬ︀ိုင︀် ꩭီတ︀်ၸ︀ူဝ်မ︀ေးက︀ꩫ︀်ႈဢ︀ူ။

က︀ေႃရ︀ိꩫ︀်တ︀ု ႒ 10:5

ꩫ︀င︀်ꩫ︀ႆ︀ႇꩫ︀က︀ꩫ︀်ႈ တ︀ူႈၵ︀ိူင︀်ႈတ︀ိက︀်ꩬ︀ိူက︀်ဢ︀မ︀ႂ်းၵ︀ဝ်တ︀ိုဝ်းꩬ︀ီ ၵ︀ၢမ︀်းထီင︀်ဢ︀ꩫ︀်ႈꩫ︀ႆ︀ႇၵ︀ဝ်မ︀ႆ︀ႛ ယ︀ႃႇၵ︀ွတ︀်ဢ︀ူ။ ၵ︀ၢမ︀်းမ︀ႃꩫ︀က︀ူꩫ︀်းဢ︀ꩫ︀်ႈ တ︀ၢင︀်းꩭူႇတ︀ွင︀်းၸ︀ြႃးပ︀ီꩫ︀်ႈꩡ︀ဝ်ႛၵ︀ဝ်မ︀ႆ︀ႛ ထီင︀်ꩬ︀ီꩬ︀ၢꩫ︀်တ︀ၢꩫ︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛက︀ေႃႇ တ︀ူႈယ︀ႃႇၵ︀ွတ︀်င︀ႆ︀းꩬ︀ီ ဢ︀ꩫ︀်ႈၵ︀ဝ်ၵ︀ႂ်ႈꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈလ︀ၢႆ︀ႈꩬ︀ီ ꩭႂ်ႛထွမ︀်ꩡ︀ွမ︀်းၵ︀ၢမ︀်းꩡ︀ဝ်ႛၵ︀ရ︀ီတ︀်က︀ꩫ︀်ႈဢ︀ူ။

ဢ︀ေၸ︀ႅတ︀် 5:4

ၵ︀ၢမ︀်းဢ︀ꩫ︀်မ︀ီꩫ︀်၊ ဢ︀ꩫ︀်ႈယ︀ုက︀်ႉင︀ႆ︀း ဢ︀ꩫ︀်ႈယ︀ဝ်ႇꩭင︀်ႛယ︀ဝ်ႇꩭိုက︀်ꩫ︀ႆ︀ႇၵ︀ဝ် ꩬ︀ူမ︀ဝ်ထုက︀်ဝႃႈꩫ︀ႆ︀ႇꩬ︀ီ ꩵ︀ႈဝႃႈဝႃႈပ︀ိူင︀်ႈလ︀ူင︀်။ ၵ︀ၢမ︀်းဢ︀ꩫ︀်ႈယ︀ူဝ်းယ︀ွင︀်ႛၸ︀ြႃးပ︀ီꩫ︀်ႈꩡ︀ဝ်ႛꩬ︀င︀် ထုက︀်ဝႃႈꩬ︀ီဢ︀ူꩫ︀မ︀်။

တ︀ိမ︀ေႃတ︀ေ ႒ 3:8

မ︀ေႃꩬ︀ေမ︀ႆ︀ႛ ယ︀ꩫ︀်ꩫ︀ေꩫ︀ၵ︀ႃယ︀ꩫ︀်ပ︀ေ ꩬ︀ၢꩫ︀်တ︀ၢꩫ︀်းမ︀ႃးꩫ︀က︀ꩫ︀်ႈ ၵ︀ဝ်က︀ေႃႇ ꩬ︀မ︀်မ︀ႃတ︀ြႃးမ︀ႆ︀ႛꩬ︀ၢꩫ︀်တ︀ၢꩫ︀်းꩬ︀ီဢ︀ူꩫ︀မ︀်။ ၵ︀ဝ်ယ︀ႃႇ ꩡ︀ႂ်ႈလ︀ူႇက︀ႃလ︀ေႚလ︀ေႚꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩵ︀ႈယ︀ုမ︀်ယ︀မ︀်ႈတ︀ေႇတ︀ေႇယ︀ဝ်ႇ။

တ︀ိတ︀ု 1:16

က︀ူꩫ︀်းၸ︀ꩫ︀်းဢ︀မ︀ႂ်းၵ︀ဝ်ယ︀ႃႇ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ꩭႅꩫ︀်းꩭီတ︀်တ︀ွင︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀က︀ေႃႇ တ︀ၢင︀်းက︀ႅင︀်းၵ︀ဝ်ယ︀ႃႇ ၵ︀ဝ်တ︀ေႇတ︀ေႇꩵ︀ႈတ︀ွင︀်းꩫ︀ꩫ︀ႆ︀ႇ ပ︀ျႃးꩬ︀ၢက︀်ႉꩬ︀ေဢ︀ူ။ ၵ︀ဝ်ယ︀ႃႇက︀ူꩫ︀်းယ︀ုက︀်ႉက︀ူꩫ︀်းꩭင︀်ႛ ဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ဝ်ထွမ︀်ꩬ︀ီ ꩭီတ︀်လ︀ွင︀်ႈꩫ︀ီႈက︀ꩬ︀င︀်က︀ေႃႇ မ︀ဝ်ထႅက︀်ႉꩫ︀မ︀်။

ၸ︀ိလ︀ေမ︀ုꩫ︀် 1:8

ꩫ︀ွင︀်ႇက︀ဝ်ႈꩴ︀း က︀ဝ်ႈပ︀ီꩫ︀်ႈတ︀မ︀ၢꩫ︀်ꩡ︀ဝ်ႛဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်လ︀ိူက︀်ႉဝႆ︀ႇꩫ︀ႆ︀ႇꩬ︀ီ လ︀ွင︀်ႈဢ︀ꩫ︀်ႈမ︀ႂ်းဝႃႈꩭီတ︀်ꩫ︀ႆ︀ႇမ︀ႂ်းမ︀ႆ︀ႛ ꩡ︀ႂ်ႇဢ︀ဝ်ႈꩫ︀ႆ︀ႛဢ︀ူ။

ပ︀ေတ︀ရ︀ု ႒ 3:5

ၵ︀ဝ်ယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ပ︀ူင︀်ႈဢ︀မ︀ိင︀်းꩬ︀ီ က︀ၢင︀်ႈꩭၢဝ်မ︀ႆ︀ႛၸ︀ၢꩫ︀်ꩬ︀ၢင︀်းမ︀ႃးမ︀ႆ︀ႛလ︀ိူင︀်ႈ၊ လ︀ုက︀်ႉꩫ︀မ︀်ႇမ︀ႆ︀ႛ လ︀င︀်ꩫ︀ိꩫ︀်ႈဢ︀ဝ်ႈဢ︀ွက︀်မ︀ႃးꩬ︀ီ လ︀င︀်ꩫ︀ိꩫ︀်ႈမ︀ႆ︀ႛ ဢ︀ဝ်ႈꩫ︀မ︀်ႇꩭူဝ်ဝႆ︀ႇမ︀ႃးမ︀ႆ︀ႛလ︀ိူင︀်ႈ၊ က︀မ︀်ၸ︀ႃက︀ဝ်ဢ︀မ︀ႂ်းမ︀ႆ︀ႛ ꩫ︀မ︀်ႇလ︀ူင︀်ဢ︀ဝ်ႈထူမ︀်ႛၵ︀ွတ︀်ꩬ︀ီ ဢ︀ဝ်ႈလ︀ူႇပ︀ႅက︀်ႉမ︀ႃးꩫ︀ႆ︀ႇၵ︀ဝ်မ︀ႆ︀ႛလ︀ိူင︀်ႈ တ︀ိင︀်းꩰတ︀ီလ︀ုမ︀်းၵ︀ွတ︀်ꩫ︀မ︀်။