ရ︀ေႃမ︀ 1:20 - Khamti Shan

²⁰ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛၸ︀ၢꩫ︀်ꩬ︀ၢင︀်းဝႆ︀ႇꩫ︀ႆ︀ႇၵ︀ဝ်မ︀ႆ︀ႛလ︀ႅမ︀်းꩬ︀ီ တ︀ꩫ︀်းၵ︀ူဝ်းထႃဝရ︀မ︀ꩫ︀်းꩡ︀ဝ်ႛꩫ︀ၵ︀ႃ ꩬ︀ပ︀ႃဝမ︀ꩫ︀်းꩡ︀ဝ်ႛ ဢ︀ꩫ︀်ႈ က︀ူꩫ︀်းꩭဝ်းꩭꩫ︀်မ︀ဝ်ꩫ︀ႆ︀ႛꩫ︀ႆ︀ႇၵ︀ဝ်ယ︀ႃႇ ꩡ︀ုꩫ︀်ႈꩬ︀ႃႚꩬ︀ႃႚꩬ︀ီဢ︀ူꩫ︀မ︀်။ င︀ႆ︀းꩫ︀ႆ︀ႇꩬ︀ီ ၵ︀ဝ်ယ︀ႃႇ ဢ︀ꩫ︀်ႈတ︀ီပ︀ိꩫ︀်ႇပ︀ႆ︀ ꩵ︀ႈယ︀င︀်းပ︀ိူင︀်ႈလ︀ူင︀်ယ︀ဝ်ႇ။

ရ︀ေႃမ︀ 1:20 ပူးပေါင်းရင်းမြစ်များ

မ︀တ︀်တ︀ႄး 5:45

င︀ႆ︀းက︀ီး ꩬ︀ူပ︀ီꩫ︀်ႈလ︀ုက︀်ႉပ︀ူဝ်ꩡ︀ဝ်ႛက︀ၢင︀်ႈꩭၢဝ်ꩬ︀ူဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ပ︀ူဝ်ꩡ︀ဝ်ႛက︀ၢင︀်ႈꩭၢဝ်ယ︀ႃႇ က︀ူꩫ︀်းꩬ︀ိုဝ်ႈတ︀ူဝ် က︀ူꩫ︀်းꩭႆ︀ၢႇမ︀ဝ်ဝႃႈ တ︀င︀်းမ︀ိူင︀်းမ︀ႆ︀ႛ ၸ︀ူꩫ︀်ဢ︀ဝ်ႈတ︀ူက︀်ꩭႂ်ႛ၊ ၸ︀ႃႇဢ︀ဝ်ႈꩫ︀ႅတ︀်ꩭႂ်ႛꩬ︀ီꩫ︀မ︀်။

မ︀ႃက︀ု 10:6

ꩫ︀ႆ︀ႇꩫ︀က︀ေႃႇ ꩫ︀င︀်က︀ျမ︀်းလ︀ိက︀်ႉမ︀ႆ︀ႛတ︀ႅမ︀်ႛဝႆ︀ႇꩫ︀က︀ꩫ︀်ႈ ꩡ︀ဝ်ႛထႃဝရ︀ၸ︀ြႃးယ︀ႃႇ မ︀ိူဝ်ႈꩬ︀င︀်က︀ူဝ်မ︀ိူင︀်းက︀ၢင︀်ႈမ︀ႆ︀ႛ ၸ︀ၢꩫ︀်ꩬ︀ၢင︀်းꩫ︀ႆ︀ႇပ︀ုꩫ︀်ႛ ၸ︀ူႛꩡ︀ၢႆ︀းꩫ︀ၵ︀ႃၸ︀ူႛယ︀ိင︀်းမ︀ႆ︀ႛ ၸ︀ၢꩫ︀်ꩬ︀ၢင︀်းဝႆ︀ႇမ︀ႃးꩫ︀မ︀်။

ယ︀ေႃးꩭၢꩫ︀် 1:18

ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၸ︀ႂ်က︀ေႃႇꩵ︀ႈꩭွꩫ︀်ꩭꩫ︀်။ ꩫ︀ႆ︀ႇꩫ︀က︀ေႃႇ လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩬ︀ူလ︀ိဝ်ႈယ︀ႃႇ ꩭႂ်ႛပ︀ူဝ်းက︀ူꩫ︀်းꩭဝ်း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛတ︀ွင︀်းꩫ︀ႆ︀ႇ ပ︀ျႃးꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛက︀ေႃႇ ပ︀ီꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩬ︀ီ တ︀င︀်းပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩭူမ︀်ႈၵ︀ိင︀်းꩬ︀ီဢ︀ူꩫ︀မ︀်။

ယ︀ေႃးꩭၢꩫ︀် 15:22

က︀ဝ်ႈက︀ျွႃးမ︀ႃးꩬ︀ီ လ︀ွင︀်ႈꩬ︀မ︀်မ︀ႃတ︀ြႃးပ︀ူဝ်းမ︀ဝ်ဝႃႈက︀ီး ၵ︀ဝ်မ︀ႆ︀ႛဢ︀ပ︀ႅတ︀်ႉꩵ︀ႈယ︀င︀်း။ ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ ၵ︀ဝ်မ︀ႆ︀ႛလ︀ွင︀်ႈꩬ︀မ︀်မ︀ႃတ︀ြႃးဝႃႈယ︀ဝ်ႇꩰꩫ︀ႆ︀ႇꩬ︀ီ ၵ︀ဝ်ဢ︀ပ︀ႅတ︀်ႉꩵ︀ႈယ︀င︀်းꩫ︀ꩫ︀ႆ︀ႇ ꩭိုဝ်လ︀ိုဝ်က︀ေႃႇပ︀ိꩫ︀်ႇ ꩵ︀ႈꩫ︀ႆ︀ႛယ︀ဝ်ႇ။

ထဝ်ꩡ︀တ︀်ႉၵ︀ဝ် 17:29

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩫ︀င︀်က︀ူꩫ︀်းꩭဝ်း ပ︀ီꩫ︀်ႈၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩫ︀က︀ꩫ︀်ႈ ꩭုꩫ︀်ꩭၢင︀်ႈ င︀ိူꩫ︀်း၊ ၵ︀မ︀်း၊ ꩭိꩫ︀်ဢ︀ꩫ︀်ႈဢ︀ဝ်ႈတ︀ၢင︀်းꩡ︀ၢင︀်ႈက︀ူꩫ︀်း၊ ဢ︀ဝ်ႈꩥ︀ၢꩫ︀်က︀ူꩫ︀်းꩡ︀ီꩫ︀်ႈဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩫ︀ꩬ︀ီ ꩭဝ်းꩵ︀ႈထုက︀်မ︀တ︀်ႉ။

ထဝ်ꩡ︀တ︀်ႉၵ︀ဝ် 22:1

“ပ︀ူဝ်မ︀ေပ︀ီႈꩫ︀ွင︀်ႇၵ︀ဝ်ꩴ︀း ၵ︀ၢမ︀်းဢ︀ꩫ︀်ႈက︀ဝ်ႈၵ︀ႃႛ တ︀ီက︀ေႛတ︀ွပ︀်ꩫ︀ႆ︀ႇမ︀ႆ︀ႛ ထွမ︀်က︀ꩫ︀်ႈတ︀ီၵ︀ႃႛမ︀ႃးတ︀ႃႉ” ꩫ︀ဝꩫ︀်ႇ။

ရ︀ေႃမ︀ 1:19

ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛပ︀ုတ︀်ၵ︀ႆ︀ႈဝႆ︀ႇꩫ︀ႆ︀ႇꩬ︀ီ လ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈက︀ူꩫ︀်းꩭဝ်းတ︀ွင︀်းꩫ︀ႆ︀ႛꩫ︀ႆ︀ႇ က︀ူꩫ︀်းꩫ︀ႆ︀ႇၵ︀ဝ် တ︀ွင︀်းꩡ︀ုꩫ︀်ႈꩰယ︀ဝ်ႇ။

ရ︀ေႃမ︀ 16:26

ꩬ︀မ︀်မ︀ႃတ︀ြႃးဢ︀ꩫ︀်ႈဢ︀ဝ်ႈမ︀ႅပ︀်ဝႆ︀ႇဢ︀မ︀ႂ်းမ︀ႆ︀ႛ ꩭႂ်ႛပ︀ူဝ်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်တ︀င︀်းလ︀ုင︀် ယ︀ုမ︀်ယ︀မ︀်ႈꩬ︀ီ ထွမ︀်ꩡ︀ွမ︀်းက︀ꩫ︀်ႈꩫ︀ႆ︀ႇ ဢ︀ဝ်ႈက︀ျမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်တ︀မ︀ိူင︀်း ဢ︀ဝ်ႈဢ︀မ︀ိင︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈထႃဝရ︀ဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇတ︀မ︀ိူင︀်း င︀ႆ︀ႚယ︀ႃႇ ပ︀ုတ︀်ပ︀ျႃးꩭႂ်ႛမ︀ႃးယ︀ဝ်ႇ။

ရ︀ေႃမ︀ 2:1

င︀ႆ︀းꩫ︀ႆ︀ႇꩬ︀ီ ꩬ︀ူပ︀ီꩫ︀်ႈၸ︀ႂ်ꩫ︀က︀ေႃႇ ဢ︀ꩫ︀်ႈတ︀ီပ︀ိꩫ︀်ႇပ︀ႆ︀ ꩵ︀ႈယ︀င︀်းပ︀ိူင︀်ႈလ︀ူင︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ိူဝ်ႈꩬ︀ူပ︀ိူꩫ︀်ႈမ︀ႆ︀ႛ ပ︀ႅတ︀်ႉတ︀ြႃးꩫ︀ႆ︀ႇ ꩬ︀ူၸ︀ူႛꩡ︀ဝ်ႛက︀ေႃႇ ꩭီတ︀်ဢ︀ꩫ︀်ႈမ︀ဝ်ꩫ︀ီႈဢ︀ူꩫ︀မ︀်ꩫ︀က︀ီး ဢ︀ꩫ︀်ႈꩬ︀ူ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛပ︀ႅတ︀်ႉတ︀ြႃးꩫ︀မ︀်။

ရ︀ေႃမ︀ 2:15

ဢ︀ꩫ︀်ႈၵ︀ဝ်ꩭီတ︀်ꩫ︀ႆ︀ႇယ︀ႃႇ ꩫ︀ႂ်းꩡ︀ႂ်ႈၵ︀ဝ်မ︀ႆ︀ႛ က︀ျမ︀်းꩬ︀ိꩫ︀်ယ︀င︀်းဢ︀ူꩫ︀ꩫ︀ႆ︀ႇ ꩬ︀ၢက︀်ႉꩬ︀ေပ︀ျႃးဢ︀ူꩫ︀မ︀်။ ဢ︀ꩫ︀်ႈၵ︀ဝ်ꩭီတ︀်ꩫ︀ႆ︀ႇ ꩡ︀ႂ်ႈက︀ီးꩡ︀ႂ်ႈဢ︀ူꩫ︀က︀ေႃႇယ︀ႃ ၸ︀ိတ︀်က︀ီးၸ︀ိတ︀်ဢ︀ူꩫ︀က︀ေႃႇယ︀ႃ လ︀ုက︀်ႉꩫ︀ႂ်းꩡ︀ႂ်ႈၵ︀ဝ်မ︀ႆ︀ႛတ︀ူင︀်ႇဢ︀ူꩫ︀မ︀်။

က︀ေႃရ︀ိꩫ︀်တ︀ု ႑ 1:20

င︀ႆ︀းꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ ပ︀ႆ︀ၵ︀ွတ︀်က︀ီး ၸ︀ူႛꩭူႇတ︀ွင︀်းꩫ︀ႆ︀ႇၵ︀ဝ်၊ ၸ︀ူႛꩡ︀ၢင︀်ႈꩫ︀ႆ︀ႇၵ︀ဝ်၊ ဢ︀ꩫ︀်ႈမ︀ိူင︀်းက︀ၢင︀်ႈမ︀ႆ︀ႛ ꩭီတ︀်ၸ︀ူႛဢ︀မ︀်ꩬ︀ီထီင︀်ꩭႆ︀ၢႇꩫ︀ႆ︀ႇၵ︀ဝ် ဢ︀ꩬ︀ုင︀်းက︀ꩬ︀င︀်ꩫ︀ႆ︀တ︀ီယ︀င︀်းꩫ︀ႆ︀ႇ။ ꩥ︀ႅꩫ︀်မ︀ိူင︀်းက︀ၢင︀်ႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ မ︀တ︀်ႉတ︀ၢင︀်းမ︀ိူက︀်ႉၵ︀ွတ︀်တ︀ေႇတ︀ေႇယ︀ဝ်ႇ။

က︀ေႃလ︀ေႃတ︀ႄ 1:15

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩡ︀ႃတ︀ိႉၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩭဝ်းꩭꩫ︀်မ︀ဝ်ꩫ︀ႆ︀ႛꩫ︀ႆ︀ႇꩫ︀က︀ꩫ︀်ႈꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ပ︀ီꩫ︀်ႈလ︀ုက︀်ႉꩡ︀ႆ︀ၢးလ︀ူင︀်ၸ︀ြႃးပ︀ီꩫ︀်ႈꩡ︀ဝ်ႛꩬ︀ီ ဢ︀ꩫ︀်ႈက︀ႃႈꩡ︀ိုဝ်ႈၸ︀ြႃးပ︀ီꩫ︀်ႈꩡ︀ဝ်ႛ ၸ︀ၢꩫ︀်ꩬ︀ၢင︀်းဝႆ︀ႇတ︀င︀်းလ︀ုင︀်မ︀ႆ︀ႛ ယ︀ႂ်မ︀ႅတ︀်ႉꩬ︀ႃဢ︀ူ။

က︀ေႃလ︀ေႃတ︀ႄ 2:9

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ မ︀ိူဝ်ႈမ︀ꩫ︀်းꩡ︀ဝ်ႛပ︀ီꩫ︀်ႈက︀ူꩫ︀်းမ︀ႃးꩫ︀ႆ︀ႇ မ︀ꩫ︀်းꩡ︀ဝ်ႛမ︀ႆ︀ႛ ꩡ︀ႃတ︀ိႉၸ︀ြႃးပ︀ီꩫ︀်ႈꩡ︀ဝ်ႛလ︀ွေႛတ︀ီမ︀်ႈꩰမ︀ႃးဢ︀ူ။

တ︀ိမ︀ေႃတ︀ေ ႑ 1:17

ꩡ︀ဝ်ႛထႃဝရ︀ၸ︀ြႃးꩬ︀ူလ︀ိဝ်ႈ ဢ︀ꩫ︀်ႈၸ︀ူႛပ︀ီꩫ︀်ႈꩡ︀ဝ်ႛꩭူဝ်ၵ︀မ︀်း ထႃဝရ︀၊ ဢ︀ꩫ︀်ႈမ︀ဝ်လ︀ွက︀်ႉမ︀ဝ်လ︀ႆ︀ၢႈꩡ︀ၢင︀်ႈ၊ ဢ︀ꩫ︀်ႈဢ︀ူက︀ꩫ︀်ႛꩫ︀ိူဝ်ဢ︀ꩫ︀ိက︀်ႉꩡ︀၊ ဢ︀ꩫ︀်ႈဢ︀ဝ်ႈတ︀ႃႈက︀ူꩫ︀်းꩭꩫ︀်မ︀ဝ်ꩫ︀ႆ︀ႛꩫ︀ႆ︀ႇ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛ ထႃဝရ︀ ꩭႂ်ႛက︀ီႈꩭိုင︀်းပ︀ိုင︀်းꩬ︀ႂ်တ︀ီၵ︀ႃႛက︀ႃတ︀ႃႉ။ ꩬ︀ႃထု။

တ︀ိမ︀ေႃတ︀ေ ႑ 6:16

ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူလ︀ိဝ်ႈပ︀ႃးလ︀ိဝ်ႈꩫ︀ႆ︀ၢႈꩫ︀မ︀် တ︀ၢင︀်းတ︀ႆ︀ၢႈက︀ၢင︀်းꩫ︀ႆ︀ႇ။ မ︀ꩫ︀်းꩡ︀ဝ်ႛယ︀ႃႇ က︀ꩫ︀်ႛꩫ︀ႂ်းဢ︀ꩫ︀်ႈလ︀ႅင︀်း ဢ︀ꩫ︀်ႈၸ︀ႂ်က︀ေႃႇ က︀ႂ်ႛမ︀ဝ်ပ︀ီꩫ︀်ႈမ︀ႆ︀ႛၵ︀ိင︀်းဢ︀ူꩬ︀ီ၊ မ︀ꩫ︀်းꩡ︀ဝ်ႛမ︀ႆ︀ႛၸ︀ႂ်က︀ေႃႇ မ︀ဝ်ꩭွꩫ︀်ꩭꩫ︀်၊ ꩭꩫ︀်က︀ေႃႇမ︀ဝ်ꩫ︀ႆ︀ႛꩫ︀မ︀်။ မ︀ူꩫ︀်ႈပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ꩭိူဝ်ႈꩭိုင︀်းပ︀ိုင︀်းꩬ︀ႂ်ꩬ︀ီ ၸ︀ုင︀်းတ︀ꩫ︀်းၵ︀ူဝ်းမ︀ꩫ︀်းꩡ︀ဝ်ႛ ထႃဝရ︀ꩭႂ်ႛယ︀ႂ်တ︀ီၵ︀ႃႛက︀ႃတ︀ႃႉ။ ꩬ︀ႃထု။

ꩭေပ︀ရ︀ူး 11:27

လ︀ႆ︀ၢးပ︀ိူဝ်ႈတ︀ၢင︀်းယ︀ုမ︀်ယ︀မ︀်ႈꩬ︀ီ မ︀ꩫ︀်းယ︀ႃႇ ဢ︀ꩫ︀်ႈꩡ︀ဝ်ႛꩭူဝ်ၵ︀မ︀်းတ︀ေႃးꩬ︀ႃးမ︀ႆ︀ႛ မ︀ဝ်က︀ူဝ်ႈꩬ︀ီ လ︀ုက︀်ႉမ︀ိူင︀်းဢ︀ီက︀ျီပ︀်မ︀ႆ︀ႛ ဢ︀ွက︀်က︀ႃင︀ႆ︀း ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩭꩫ︀်မ︀ဝ်ꩫ︀ႆ︀ႛမ︀ႆ︀ႛ ꩫ︀ႆ︀ႛꩭꩫ︀်ဢ︀ူꩫ︀က︀ꩫ︀်ႈ က︀ၢပ︀်ꩬ︀ီက︀ႃဢ︀ူ။

ꩭေပ︀ရ︀ူး 9:14

ꩫ︀ိူတ︀်ႉꩡ︀ဝ်ႛၵ︀ရ︀ီတ︀်ယ︀ႃႇ ၵ︀ႆ︀ႇမ︀ဝ်က︀ႃးပ︀ီꩫ︀်ႈပ︀ေႇဢ︀ူ။ မ︀ꩫ︀်းꩡ︀ဝ်ႛယ︀ႃႇ ဢ︀ဝ်ႈတ︀ူဝ်ႈမ︀ꩫ︀်းၸ︀ူႛꩡ︀ဝ်ႛ ꩭီတ︀်ၵ︀ႅက︀်ဢ︀ꩫ︀်ႈတ︀ီမ︀်ႈက︀ုမ︀်ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ဝ်ႈၵ︀ွꩫ︀်ထႃဝရ︀ ပ︀ုက︀်ႉꩡ︀ူဝ်မ︀ႃးယ︀ဝ်ႇ။ ꩫ︀ိူတ︀်ႉမ︀ꩫ︀်းꩡ︀ဝ်ႛယ︀ႃႇ ꩭႂ်ႛပ︀ူဝ်းꩭဝ်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈဢ︀ꩬ︀ၢက︀်ႉꩫ︀ိပ︀်မ︀ႆ︀ႛ မ︀ိုင︀်ႇꩫ︀ႆ︀ႛꩫ︀ႆ︀ႇ ꩡ︀ႂ်ႈၵ︀ွꩫ︀်ꩭဝ်းမ︀ႆ︀ႛ တ︀ၢင︀်းက︀ႅင︀်း ဢ︀ꩫ︀်ႈဢ︀က︀ိဝ်းမ︀ဝ်ယ︀င︀်းꩫ︀ႆ︀ႇၵ︀ဝ် ꩬ︀ုက︀်ႉဢ︀ဝ်ႈတ︀ွင︀်ꩭႂ်ႛဢ︀ူ။