ရ︀ေႃမ︀ 1:2 - Khamti Shan

² ꩫ︀င︀်က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ိူဝ်ႈꩫ︀ꩫ︀်ႇပ︀ုꩫ︀်ႛ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ပ︀ွႆ︀ꩡ︀ႂ်ႇꩬ︀ီ လ︀ွင︀်ႈၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇ က︀တ︀ိꩭႂ်ႛဝႆ︀ႇမ︀ႃးဢ︀ူ။

ရ︀ေႃမ︀ 1:2 ပူးပေါင်းရင်းမြစ်များ

မ︀တ︀်တ︀ႄး 1:22

ဢ︀ꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈꩫ︀င︀်မ︀ိူဝ်ႈင︀ႃးပ︀ုꩫ︀်ႛ ꩡ︀ဝ်ႛထႃဝရ︀ၸ︀ြႃး ပ︀ရ︀ေႃးၸ︀ႅတ︀်ႉပ︀ႃးလ︀ိူင︀်ႈမ︀ႆ︀ႛ ပ︀ွႆ︀ꩡ︀ႂ်ႇꩬ︀ီ ꩭႂ်ႛဝႃႈမ︀ႃးꩫ︀ႆ︀ႇꩫ︀က︀ꩫ︀်ႈ ပ︀ီꩫ︀်ႈမ︀ႃးꩫ︀မ︀်။

ထဝ်ꩡ︀တ︀်ႉၵ︀ဝ် 10:43

ၸ︀ႂ်မ︀ဝ်ဝႃႈ ꩡ︀ဝ်ႛယ︀ေꩬ︀ုမ︀ႆ︀ႛယ︀ုမ︀်ယ︀မ︀်ႈက︀ီး က︀ူဝ်ႇဢ︀မ︀ႂ်းမ︀ႆ︀ႛ ဢ︀ဝ်ႈတ︀ꩫ︀်းၵ︀ူဝ်းꩡ︀ိုဝ်ႈမ︀ꩫ︀်းꩡ︀ဝ်ႛ ဢ︀ပ︀ႅတ︀်ႉပ︀ွႆ︀လ︀ွတ︀်ႉꩭႂ်ႛဢ︀ူꩫ︀ꩬ︀ီ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်က︀ေႃႇꩭူဝ်းဝႆ︀ႇဢ︀ူ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 13:32

က︀ျမ︀်းꩬ︀ႃလ︀ၢံၵ︀ွက︀်ႉꩬ︀ွင︀်မ︀ႆ︀ႛ “မ︀ႂ်းယ︀ႃႇလ︀ုက︀်ႉꩡ︀ႆ︀ၢးက︀ဝ်ႈꩫ︀မ︀်။ မ︀ိူဝ်ႈꩫ︀ႆ︀ႇတ︀ေႇတ︀ေႇ မ︀ႂ်းမ︀ႆ︀ႛဢ︀ဝ်ႈပ︀ီꩫ︀်ႈလ︀ုက︀်ႉက︀ဝ်ႈယ︀ဝ်ႇ” ꩫ︀ꩬ︀ီဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛဢ︀ဝ်ႈꩫ︀ိပ︀်ပ︀ွက︀်ႉꩬ︀ီ က︀တ︀ိဢ︀ꩫ︀်ႈပ︀ူလ︀ီꩫ︀်ꩭဝ်းၵ︀ဝ်မ︀ႆ︀ႛꩭႂ်ႛဝႆ︀ႇꩫ︀ႆ︀ႇ ꩭဝ်းၸ︀ူႛပ︀ီꩫ︀်ႈလ︀ုက︀်ႉလ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈပ︀ီꩫ︀်ႈꩭႂ်ႛမ︀ႃးယ︀ဝ်ႇ။ တ︀ူႈယ︀ႃႇ ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇ ꩬ︀ူꩡ︀ဝ်ႛမ︀ႆ︀ႛ ၵ︀ႆ︀ႈꩭႂ်ႛက︀ွတ︀်ꩫ︀ꩬ︀ီ ထိုင︀်မ︀ႃးꩫ︀မ︀်။

ထဝ်ꩡ︀တ︀်ႉၵ︀ဝ် 26:6

က︀ဝ်ႈၵ︀ႃႛမ︀ႆ︀ႛ င︀ႆ︀ႚၵ︀ဝ်ထိုင︀်တ︀ြႃးက︀ꩫ︀်ႈꩫ︀ႆ︀ႇ လ︀ၢႆ︀းပ︀ိူဝ်ႈ က︀တ︀ိဢ︀ꩫ︀်ႈပ︀ူလ︀ီꩫ︀်တ︀ူႈၵ︀ႃႛၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛဝႆ︀ႇꩫ︀ႆ︀ႇမ︀ႆ︀ႛ က︀ဝ်ႈၵ︀ႃႛတ︀ႂ်းထႃႛꩬ︀ီတ︀ီၵ︀ႃႛꩫ︀မ︀်။

ရ︀ေႃမ︀ 16:26

ꩬ︀မ︀်မ︀ႃတ︀ြႃးဢ︀ꩫ︀်ႈဢ︀ဝ်ႈမ︀ႅပ︀်ဝႆ︀ႇဢ︀မ︀ႂ်းမ︀ႆ︀ႛ ꩭႂ်ႛပ︀ူဝ်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်တ︀င︀်းလ︀ုင︀် ယ︀ုမ︀်ယ︀မ︀်ႈꩬ︀ီ ထွမ︀်ꩡ︀ွမ︀်းက︀ꩫ︀်ႈꩫ︀ႆ︀ႇ ဢ︀ဝ်ႈက︀ျမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်တ︀မ︀ိူင︀်း ဢ︀ဝ်ႈဢ︀မ︀ိင︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈထႃဝရ︀ဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇတ︀မ︀ိူင︀်း င︀ႆ︀ႚယ︀ႃႇ ပ︀ုတ︀်ပ︀ျႃးꩭႂ်ႛမ︀ႃးယ︀ဝ်ႇ။

ရ︀ေႃမ︀ 3:2

ပ︀ီꩫ︀်ႈက︀ျူးꩫ︀ႆ︀ႇ ဢ︀က︀ိဝ်းယ︀ႃႇ ယ︀င︀်းတ︀ေႇတ︀ေႇဢ︀ူ။ ဢ︀က︀ိဝ်းဢ︀ꩫ︀်ႈၵ︀ႅꩫ︀်းမ︀ႅတ︀်ႉယ︀ႃႇ က︀ျူးꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ က︀ျမ︀်းလ︀ိက︀်ႉပ︀ူင︀်ႈဢ︀ၢပ︀်ႉꩭႂ်ႛမ︀ႃးꩫ︀ႆ︀ႇꩫ︀မ︀်။

ရ︀ေႃမ︀ 3:21

ꩡ︀ႃႇလ︀ိူင︀်ႈ တ︀င︀်းက︀ျမ︀်းꩬ︀ိꩫ︀်မ︀ဝ်ꩡ︀ၢပ︀်ႉလ︀ႅင︀်ꩬ︀ီ က︀ူꩫ︀်းꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩭလ︀ိုဝ်မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩫ︀ꩫ︀ႆ︀ႇ မ︀ꩫ︀်းꩡ︀ဝ်ႛပ︀ုတ︀်ၵ︀ႆ︀ႈꩭႂ်ႛမ︀ႃးယ︀ဝ်ႇ။ လ︀ွင︀်ႈꩫ︀ႆ︀ႇမ︀ႆ︀ႛ က︀ျမ︀်းꩬ︀ိꩫ︀်ꩫ︀ၵ︀ႃက︀ျမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်က︀ေႃႇ ꩭီတ︀်ꩬ︀ၢက︀်ႉꩬ︀ေဝႆ︀ႇဢ︀ူ။

တ︀ိတ︀ု 1:2

ꩬ︀မ︀်မ︀ႃတ︀ြႃးဢ︀မ︀ႂ်းယ︀ႃႇ ꩫ︀င︀်လ︀ုက︀်ႉမ︀ိူဝ်ႈက︀မ︀်ၸ︀ႃမ︀ႆ︀ႛ ꩵ︀ႈပ︀ႆ︀ၸ︀ၢꩫ︀်ꩬ︀ၢင︀်းပ︀ုꩫ︀်ႛ ၸ︀ြႃးပ︀ီꩫ︀်ႈꩡ︀ဝ်ႛက︀တ︀ိꩭႂ်ႛဝႆ︀ႇꩫ︀က︀ꩫ︀်ႈ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇꩫ︀ႆ︀ႇၵ︀ဝ် ဢ︀ꩬ︀ၢက︀်ႉထႃဝရ︀တ︀ီꩫ︀ႆ︀ႛꩫ︀မ︀်ꩫ︀ꩫ︀ႆ︀ႇမ︀ႆ︀ႛ ဢ︀ဝ်ႈဢ︀က︀မ︀်ꩭႂ်ႛဢ︀ူ။ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ꩫ︀်ႛတ︀ိူင︀်ႈဢ︀ူ။