ရ︀ေႃမ︀ 1:14 - Khamti Shan

¹⁴ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူꩫ︀်းဝီင︀်း၊ က︀ူꩫ︀်းမ︀ၢꩫ︀်ႛထိူꩫ︀်မ︀ဝ်ဝႃႈ၊ က︀ူꩫ︀်းဢ︀ꩫ︀်ႈလ︀ိက︀်ႉလ︀ၢႆ︀းꩡ︀ၢင︀်ႈ၊ ဢ︀ꩫ︀်ႈလ︀ိက︀်ႉလ︀ၢႆ︀းမ︀ဝ်ꩡ︀ၢင︀်ႈမ︀ဝ်ဝႃႈ ꩡ︀ႃႇက︀ူꩫ︀်းတ︀င︀်းမ︀ိူင︀်း က︀ဝ်ႈမ︀ႆ︀ႛꩫ︀ႃႛတ︀ီႈယ︀င︀်းဢ︀ူ။

ရ︀ေႃမ︀ 1:14 ပူးပေါင်းရင်းမြစ်များ

မ︀တ︀်တ︀ႄး 11:25

ယ︀ဝ်ႇက︀ီး ꩡ︀ဝ်ႛယ︀ေꩬ︀ုယ︀ွꩫ︀်းꩬ︀ူးꩫ︀ႆ︀ႇ “ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛက︀ၢင︀်ႈꩭၢဝ်ꩫ︀ၵ︀ႃမ︀ိူင︀်းက︀ၢင︀်ႈတ︀ီၵ︀ႃႛ လ︀ွင︀်ႈဢ︀ꩫ︀်ႈလ︀ိူက︀်ႉလ︀မ︀် ဢ︀ꩫ︀်ႈၸ︀ူႛပ︀ိင︀်ꩥ︀ႃယ︀င︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈမ︀ႅပ︀်ဝႆ︀ႇꩫ︀ႆ︀ႇ က︀ူꩫ︀်းဢ︀ꩫ︀်ႈပ︀ိင︀်ꩥ︀ႃမ︀ဝ်ယ︀င︀်းꩫ︀ႆ︀ႇၵ︀ဝ်မ︀ႆ︀ႛ ပ︀ုတ︀်ပ︀ျႃးꩭႂ်ႛꩬ︀ီ က︀ျေးꩡ︀ူးတ︀ၢင︀်လ︀ူင︀်တ︀ီၵ︀ႃႛꩫ︀မ︀်။

လ︀ုက︀ႃ 10:21

မ︀ိူဝ်ႈဢ︀မ︀ႂ်း ꩡ︀ဝ်ႛယ︀ေꩬ︀ု တ︀ၢင︀်းꩡ︀ူမ︀်းꩭုမ︀် ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႛꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛꩫ︀ႆ︀ႇယ︀ႃႇ “ပ︀ူဝ်ꩡ︀ဝ်ႛဢ︀ꩫ︀်ႈက︀ၢင︀်ႈꩭၢဝ်လ︀င︀်ꩫ︀ိꩫ︀်ႈမ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇတ︀ီၵ︀ႃႛ က︀ူꩫ︀်းဢ︀ꩫ︀်ႈပ︀ိင︀်ꩥ︀ႃယ︀င︀်းꩫ︀ႆ︀ႇၵ︀ဝ်၊ ဢ︀ꩫ︀်ႈလ︀ိက︀်ႉလ︀ၢႆ︀းꩡ︀ၢင︀်ႈꩫ︀ႆ︀ႇၵ︀ဝ်မ︀ႆ︀ႛယ︀ႃႇ လ︀ွင︀်ႈꩫ︀ႆ︀ႇၵ︀ဝ် ဢ︀ဝ်ႈမ︀ႅပ︀်ဝႆ︀ႇꩬ︀ီ က︀ူꩫ︀်းဢ︀ꩫ︀်ႈမ︀ဝ်ၵ︀ႂ်ႈလ︀ႂ်ႈꩫ︀ႆ︀ႇၵ︀ဝ်မ︀ႆ︀ႛꩬ︀ိုင︀် ပ︀ုတ︀်ပ︀ျႃးꩫ︀ႆ︀ႇꩬ︀ီ က︀ျေးꩡ︀ူးတ︀ၢင︀်တ︀ီၵ︀ႃႛဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ပ︀ီꩫ︀်ႈင︀ႆ︀းꩫ︀ႆ︀ႇမ︀ႆ︀ႛ ၵ︀ိင︀်းတ︀ူဝ်ꩡ︀ဝ်ႛမ︀ႃးꩡ︀ႂ်ႈတ︀ီၵ︀ႃႛဢ︀ူ။

ထဝ်ꩡ︀တ︀်ႉၵ︀ဝ် 22:21

င︀ႆ︀းက︀ီး ꩡ︀ဝ်ႛယ︀ေꩬ︀ုယ︀ႃႇ “က︀ႃတ︀ႃႉ။ က︀ဝ်ႈမ︀ႂ်းမ︀ႆ︀ႛ တ︀ီႈက︀ႆ︀ႈ ပ︀ႃႛဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ပ︀ွႆ︀ꩡ︀ႂ်ႇက︀ွတ︀်” ꩫ︀ဝꩫ︀်ႇ”။

ထဝ်ꩡ︀တ︀်ႉၵ︀ဝ် 28:2

က︀ူꩫ︀်းင︀ွꩫ︀်ႈဢ︀မ︀ႂ်းၵ︀ဝ်ယ︀ႃႇ တ︀ူႈမ︀ႆ︀ႛဢ︀ီꩫ︀ူႈꩬ︀ီ မ︀ိုင︀်ႇꩭႂ်ႛꩫ︀ီႈꩫ︀ီႈ က︀ꩫ︀်ႈဢ︀ူ။ ၸ︀ူꩫ︀်တ︀ူက︀်မ︀ႃးꩬ︀ီ တ︀ူႈꩫ︀ၢဝ်မ︀ႃးက︀ီး ၵ︀ဝ်ယ︀ႃႇၸ︀ႆ︀းပ︀ဝ်င︀ႆ︀း တ︀ူႈမ︀ႆ︀ႛꩭၢပ︀်ႉတ︀ွꩫ︀်ႛက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 28:4

င︀ူးဢ︀ꩫ︀်ႈꩭွႆ︀ႛတ︀ုင︀်ꩡ︀ုင︀်ႈဢ︀မ︀ႂ်းမ︀ႆ︀ႛ က︀ူꩫ︀်းင︀ွꩫ︀်ႈꩫ︀ႆ︀ႇၵ︀ဝ်ꩭꩫ︀်က︀ီး “က︀ူဝ်ႇꩫ︀ႆ︀ႇယ︀ႃႇ ꩭိုဝ်လ︀ိုဝ်က︀ေႃႇ ၸ︀ူႛဢ︀ဝ်ႈတ︀ၢႆ︀ႈက︀ူꩫ︀်းꩫ︀မ︀်။ မ︀ꩫ︀်းလ︀ုက︀်ႉပ︀ၢင︀်လ︀ၢႆ︀မ︀ႆ︀ႛ လ︀ွတ︀်ႉတ︀ၢင︀်းတ︀ၢႆ︀ႈမ︀ႃးꩫ︀က︀ေႃႇ လ︀ႆ︀ၢးꩭူဝ်မ︀ꩫ︀်းယ︀ႃႇ မ︀ꩫ︀်းမ︀ႆ︀ႛဢ︀ꩬ︀ၢက︀်ႉꩵ︀ႈꩭႂ်ႛꩫ︀ိပ︀်” ꩫ︀ꩬ︀ီၵ︀ဝ်ၸ︀ူႛꩡ︀ဝ်ႛꩫ︀ၢႆ︀ႈဝႃႈက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 9:15

ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ “က︀ႃတ︀ႃႉ။ မ︀ꩫ︀်းယ︀ႃႇ က︀ူဝ်ႇဢ︀ꩫ︀်ႈက︀ဝ်ႈꩡ︀ဝ်ႛလ︀ိူက︀်ႉဝႆ︀ႇ ꩭၢင︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်၊ ꩡ︀ဝ်ႛꩭူဝ်ၵ︀မ︀်းꩫ︀ႆ︀ႇၵ︀ဝ်င︀ႆ︀း ဢ︀ီတ︀်ꩬ︀ြေးꩫ︀ႆ︀ႇၵ︀ဝ်မ︀ႆ︀ႛ ꩭူဝ်းလ︀ွင︀်ႈက︀ဝ်ႈꩫ︀မ︀်။

ရ︀ေႃမ︀ 1:22

ၵ︀ဝ်ၸ︀ူႛꩡ︀ဝ်ႛမ︀ႆ︀ႛ ၵ︀ဝ်ၵ︀ꩫ︀်တ︀ႂ်းပ︀ိင︀်ꩥ︀ႃယ︀င︀်းၵ︀ႂ်ႈလ︀ႂ်ႈꩫ︀က︀ေႃႇ ၵ︀ဝ်ယ︀ႃႇမ︀ိူက︀်ႉလ︀ူင︀်ꩫ︀မ︀်။

ရ︀ေႃမ︀ 11:25

ပ︀ီႈꩫ︀ွင︀်ႇၵ︀ဝ်ꩴ︀း ꩭႂ်ႛပ︀ူဝ်းꩬ︀ူမ︀ဝ်က︀မ︀်ႇလ︀ွင︀်ႛꩫ︀ႆ︀ႇ လ︀ွင︀်ႈဢ︀ꩫ︀်ႈလ︀ိူက︀်ႉလ︀မ︀် ဢ︀ꩫ︀်ႈင︀ႆ︀ႚꩬ︀ိုင︀်ၸ︀ြႃးပ︀ီꩫ︀်ႈꩡ︀ဝ်ႛပ︀ုတ︀်ၵ︀ႆ︀ႈမ︀ႃးꩫ︀ႆ︀ႇ ꩬ︀ူမ︀ႆ︀ႛၵ︀ႂ်ႈꩭႂ်ႛတ︀ွင︀်းဢ︀ူ။ ဢ︀ꩫ︀်ႈဢ︀ီတ︀်ꩬ︀ြေးၵ︀ဝ် တ︀ၢꩫ︀်ႛယ︀ပ︀်ꩫ︀ႆ︀ႇယ︀ႃႇ ꩡ︀ူဝ်ႈဢ︀ꩬ︀ၢက︀်ႉꩵ︀ႈꩡ︀ႂ်ႈ။ ꩡ︀ူဝ်ႈက︀ႃႈဢ︀ꩫ︀်ႈက︀ျူးမ︀ဝ်ꩡ︀ႂ်ႈဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ တ︀ီယ︀ုမ︀်ယ︀မ︀်ႈမ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်း မ︀ဝ်ပ︀ႆ︀ယ︀ုမ︀်ယ︀မ︀်ႈမ︀ႃးꩫ︀ႆ︀ၢႈꩫ︀မ︀်။

ရ︀ေႃမ︀ 12:16

က︀ူꩫ︀်းက︀ူႈက︀ူဝ်ႇမ︀ႆ︀ႛ လ︀ွေႛၵ︀ိူင︀်ႈꩰတ︀ႃႉ။ ပ︀ီက︀မ︀်ႇလ︀ွင︀်ႛ။ က︀ူꩫ︀်းဢ︀ꩫ︀်ႈꩫ︀ႃႛဢ︀ွꩫ︀်ꩫ︀ႆ︀ႇၵ︀ဝ်မ︀ႆ︀ႛ လ︀ွေႛက︀ꩫ︀်ႈတ︀ႃႉ။ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ꩡ︀ၢင︀်ႈလ︀ူင︀်ယ︀ဝ်ႇꩫ︀ꩬ︀ီ ပ︀ီၵ︀ႂ်ႈꩡ︀ႂ်ႈ။

ရ︀ေႃမ︀ 13:8

ဢ︀ꩫ︀်ႈꩬ︀ူထုက︀်ꩭီတ︀်ꩫ︀ႆ︀ႇ တ︀င︀်းမ︀ိူင︀်းꩭီတ︀်ဢ︀ဝ်ႈယ︀ဝ်ႇတ︀ႃႉ။ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩡ︀ူဝ်ႈဢ︀ꩬ︀ၢက︀်ႉ ꩭၢက︀်ႉက︀ꩫ︀်ႈက︀ႃတ︀ႃႉ။ က︀ူဝ်ႇဢ︀ꩫ︀်ႈပ︀ိူꩫ︀်ႈမ︀ႆ︀ႛꩭၢက︀်ႉꩫ︀ႆ︀ႇယ︀ႃႇ က︀ျမ︀်းꩬ︀ိꩫ︀်တ︀င︀်းမ︀ိူင︀်းမ︀ႆ︀ႛꩡ︀ွမ︀်းယ︀ဝ်ႇꩰ။

ရ︀ေႃမ︀ 16:19

ꩬ︀ူ ၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ ယ︀ုမ︀်ယ︀မ︀်ႈၵ︀ိူင︀်ꩰဢ︀ူꩫ︀ꩫ︀ႆ︀ႇ ꩭူင︀်က︀ꩫ︀်ႈꩫ︀ႆ︀ႇꩬ︀ီ က︀ဝ်ႈလ︀ႆ︀ၢးပ︀ိူဝ်ႈꩬ︀ူꩡ︀ူမ︀်းလ︀ူင︀်ꩫ︀မ︀်။ င︀ႆ︀းꩫ︀က︀ေႃႇ ꩬ︀ူ လ︀ွင︀်ႈꩫ︀ီႈမ︀ႆ︀ႛ ဢ︀ဝ်ႈꩡ︀ၢင︀်ႈꩬ︀ႃက︀ꩫ︀်ႈတ︀ႃႉ။ တ︀င︀်းလ︀ွင︀်ႈꩡ︀ႃႇယ︀ႃႇ ꩬ︀ူမ︀ႆ︀ႛꩵ︀ႈၵ︀ႂ်ႈꩭႂ်ႛꩡ︀ၢပ︀်ႉပ︀ိူင︀်ႈလ︀ူင︀်။

ရ︀ေႃမ︀ 8:12

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇၵ︀ဝ်ꩴ︀း ꩭဝ်းယ︀ႃႇ ဢ︀ꩫ︀်ႈဝႃႈꩡ︀ွမ︀်းꩡ︀ႂ်ႈꩫ︀ိူဝ်ႇꩫ︀ိူတ︀်ႉꩵ︀ႈယ︀င︀်း။

က︀ေႃရ︀ိꩫ︀်တ︀ု ႑ 14:11

ꩫ︀ႆ︀ႇꩫ︀က︀ေႃႇ ၵ︀ၢမ︀်းဢ︀ꩫ︀်ႈက︀ဝ်ႈမ︀ႆ︀ႛ ပ︀ိူꩫ︀်ႈတ︀ၢꩫ︀်ႛမ︀ႃးꩫ︀ႆ︀ႇ က︀ဝ်ႈမ︀ဝ်တ︀ွင︀်းက︀ီး က︀ဝ်ႈယ︀ႃႇꩡ︀ႃႇက︀ူဝ်ႇဢ︀မ︀ႂ်း ပ︀ီꩫ︀်ႈက︀ူꩫ︀်းတ︀ၢင︀်မ︀ိူင︀်းꩫ︀က︀ꩫ︀်ႈꩫ︀မ︀်။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ က︀ူဝ်ႇဢ︀မ︀ႂ်းက︀ေႃႇ ꩡ︀ႃႇက︀ဝ်ႈပ︀ီꩫ︀်ႈက︀ူꩫ︀်းတ︀ၢင︀်မ︀ိူင︀်းꩫ︀က︀ꩫ︀်ႈꩫ︀မ︀်။

က︀ေႃရ︀ိꩫ︀်တ︀ု ႑ 14:16

ꩫ︀ႆ︀ႇမ︀ဝ်ꩡ︀ႂ်ႈက︀ီး မ︀ိူဝ်ႈꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ဝ်ႈၵ︀ွꩫ︀်ꩫ︀ႆ︀ၢႈယ︀ူဝ်းယ︀ွင︀်ႛꩫ︀ႆ︀ႇ က︀ူꩫ︀်းဢ︀ꩫ︀်ႈမ︀ဝ်ပ︀ွင︀်ꩡ︀ႂ်ႈလ︀ွေႛက︀ီး မ︀ꩫ︀်းယ︀ႃႇ ၵ︀ၢမ︀်းဢ︀ꩫ︀်ႈꩬ︀ူယ︀ူဝ်းယ︀ွင︀်ႛမ︀ႆ︀ႛ “ꩬ︀ႃႈထု” ꩫ︀ꩬ︀ီ ဝႃႈꩵ︀ႈꩫ︀ႆ︀ႛ။

က︀ေႃရ︀ိꩫ︀်တ︀ု ႑ 2:13

င︀ႆ︀းꩫ︀ႆ︀ႇꩬ︀ီ ၵ︀ၢမ︀်းဢ︀ꩫ︀်ႈတ︀ူႈတ︀ၢꩫ︀်ႛꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩬ︀ွꩫ︀်ꩭႂ်ႛꩫ︀ႆ︀ႇၵ︀ဝ်ꩫ︀မ︀်။ ဢ︀ꩫ︀်ႈဢ︀ဝ်ႈꩥ︀ႅꩫ︀်က︀ူꩫ︀်းꩬ︀ွꩫ︀်ꩭႂ်ႛ ꩵ︀ႈꩡ︀ႂ်ႈ။ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛဢ︀မ︀ႂ်း တ︀ူႈမ︀ႆ︀ႛꩬ︀ွꩫ︀်ꩭႂ်ႛꩬ︀ီ တ︀ူႈက︀ေႃႇ က︀ူꩫ︀်းဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀င︀်းꩫ︀ႆ︀ႇၵ︀ဝ်မ︀ႆ︀ႛ ꩬ︀မ︀်မ︀ႃတ︀ြႃးလ︀ွင︀်ႈၵ︀ွꩫ︀်ꩫ︀ႆ︀ႇၵ︀ဝ်ၵ︀ႆ︀ႈပ︀ျႃးꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႑ 3:18

ꩬ︀ူၸ︀ႂ်က︀ေႃႇ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ပ︀ီၸ︀ၢမ︀်း။ ꩬ︀ူလ︀ႆ︀ၢးပ︀ိူဝ်ႈꩡ︀ၢင︀်ႈပ︀ိင︀်ꩥ︀ႃမ︀ိူင︀်းက︀ၢင︀်ႈꩬ︀ီ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛမ︀တ︀်ႉၸ︀ူႛꩭူႇတ︀ွင︀်းက︀ီး ꩭႂ်ႛပ︀ူဝ်းပ︀ီꩫ︀်ႈၸ︀ူႛꩭူႇတ︀ွင︀်းတ︀ေႇတ︀ေႇꩫ︀ႆ︀ႇ ꩫ︀င︀်ပ︀ိင︀်ꩥ︀ႃမ︀ိူင︀်းက︀ၢင︀်ႈမ︀ဝ်ꩡ︀ၢင︀်ႈꩫ︀က︀ꩫ︀်ႈဝႃႈဢ︀ူꩫ︀မ︀်။

က︀ေႃရ︀ိꩫ︀်တ︀ု ႒ 10:12

ယ︀ိူင︀်းက︀ꩫ︀်ႈတ︀ေႇတ︀ေႇက︀ွတ︀်ꩫ︀က︀ီး တ︀ူႈယ︀ႃႇ တ︀င︀်းက︀ူꩫ︀်းဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛယ︀ူဝ်းယ︀ွင︀်ႛꩫ︀ႆ︀ႇၵ︀ဝ် ဢ︀ꩫ︀်ႈဝႃႈယ︀ိူင︀်းꩵ︀ႈယ︀င︀်း။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ဝ်ယ︀ႃႇ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛꩭီတ︀်ပ︀ႅင︀်ႈꩡ︀ွမ︀်ႈင︀ႆ︀းꩬ︀ီ ၵ︀ဝ်ၸ︀ူႛꩡ︀ဝ်ႛꩫ︀ႆ︀ၢႈ ယ︀ိူင︀်းက︀ꩫ︀်ႈၵ︀ီင︀်က︀ꩫ︀်ႈင︀ႆ︀းꩬ︀ီ မ︀ိူက︀်ႉလ︀ူင︀်တ︀ေႇတ︀ေႇꩫ︀မ︀်။

က︀ေႃရ︀ိꩫ︀်တ︀ု ႒ 11:19

ꩬ︀ူယ︀ႃႇ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ၵ︀ꩫ︀်တ︀ႂ်းပ︀ိင︀်ꩥ︀ႃယ︀င︀်းလ︀ူင︀်ꩫ︀မ︀်။ ꩭလ︀ိုဝ်ꩫ︀ႆ︀ ၸ︀ူႛမ︀ိူက︀်ႉꩫ︀ႆ︀ႇၵ︀ဝ်မ︀ႆ︀ႛꩬ︀လ︀ႂ်ႈ ꩬ︀ူꩡ︀ူမ︀်းꩰꩭုမ︀်ꩰက︀ꩫ︀်ႛꩭႂ်ႛက︀ꩫ︀်ႈꩫ︀ႆ︀ႇ။

က︀ေႃလ︀ေႃတ︀ႄ 3:11

င︀ႆ︀းꩫ︀ႆ︀ႇꩬ︀ီ က︀ျူးင︀ႆ︀းဢ︀ꩫ︀်ႈက︀ျူးမ︀ဝ်ꩡ︀ႂ်ႈ၊ က︀ူꩫ︀်ႈဢ︀ꩫ︀်ႈမ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ꩭၢပ︀်ႉဢ︀ဝ်ႈင︀ႆ︀း ဢ︀ꩫ︀်ႈမ︀ဝ်ꩭၢပ︀်ႉဢ︀ဝ်ႈ၊ က︀ူꩫ︀်းမ︀ိူင︀်းပ︀ိူꩫ︀်ႈ၊ က︀ူꩫ︀်းꩭေ၊ ၸ︀ူႛၵ︀ႃႛ၊ က︀ူꩫ︀်းလ︀ွတ︀်ႉꩫ︀ꩫ︀ႆ︀ႇၵ︀ဝ်ꩵ︀ႈယ︀င︀်းယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩫ︀ိူဝ်တ︀င︀်းမ︀ိူင︀်းမ︀ႆ︀ႛ ပ︀ီꩫ︀်ႈဢ︀ꩫ︀်ႈၵ︀ႅꩫ︀်းလ︀ႅင︀်ႇꩬ︀ီ က︀ꩫ︀်ႛꩫ︀ႂ်းꩬ︀ူက︀ူႈက︀ူဝ်ႇမ︀ႆ︀ႛၵ︀ိင︀်းꩬ︀ီဢ︀ူꩫ︀ႆ︀ႇꩫ︀မ︀်။

တ︀ိမ︀ေႃတ︀ေ ႒ 2:10

င︀ႆ︀းꩫ︀ႆ︀ႇꩬ︀ီ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ လ︀ိူက︀်ႉဝႆ︀ႇꩫ︀ႆ︀ႇၵ︀ဝ်က︀ေႃႇ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ၵ︀ေꩬ︀ေꩭႂ်ႛꩫ︀ႆ︀ႇမ︀ႆ︀ႛꩭၢပ︀်ႉဢ︀ဝ်ႈꩬ︀ီ ꩭႂ်ႛပ︀ူဝ်းမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩫ︀ႆ︀ႛꩭၢပ︀်ႉက︀ႃꩫ︀ႆ︀ႇ က︀ဝ်ႈၻုက︀်ႉၵ︀က︀ꩬ︀င︀်ဝႃႈၵ︀ၢမ︀်ꩫ︀က︀ေႃႇ ၵ︀ႂ်ႈၵ︀ၢမ︀်ဢ︀ူ။

တ︀ိတ︀ု 3:3

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်းၸ︀ူႛꩡ︀ဝ်ႛက︀ေႃႇ မ︀ိူဝ်ႈင︀ႃးပ︀ုꩫ︀်ႛ ꩭွꩫ︀်မ︀ိူက︀်ႉမ︀ႃး၊ ꩭွꩫ︀်တ︀ၢꩫ︀်ႛမ︀ဝ်ထွမ︀်ဝႃႈမ︀ဝ်ꩡ︀ူးမ︀ႃးဢ︀ူ။ ၵ︀ႆ︀ႇမ︀ဝ်က︀ႃး ꩭွꩫ︀်ပ︀ီꩫ︀်ႈၸ︀ူႛၵ︀ႃႛက︀ူႈၸ︀ꩫ︀်းꩫ︀က︀ꩫ︀်ႈ တ︀ၢင︀်းပ︀ိဝ်က︀ူႈၸ︀ꩫ︀်း၊ ဢ︀လ︀ၢင︀်းက︀ူႈၸ︀ꩫ︀်းက︀ေႃႇ ꩭဝ်းမ︀ႆ︀ႛꩭီတ︀်ꩡ︀ဝ်ႛမ︀ႃးဢ︀ူ။ င︀ႆ︀းꩫ︀ႆ︀ႇꩬ︀ီ ꩭဝ်းꩭႆ︀ၢႇꩰꩡ︀ႃႇꩰမ︀ႃးဢ︀ူ။ ပ︀ိူꩫ︀်ႈမ︀ႆ︀ႛက︀ေႃႇꩭဝ်းတ︀ႃႈꩫ︀ႅင︀်ႈꩬ︀ီ ပ︀ိူꩫ︀်ႈက︀ေႃႇꩭဝ်းမ︀ႆ︀ႛꩡ︀င︀်း၊ ꩭဝ်းက︀ေႃႇပ︀ိူꩫ︀်ႈမ︀ႆ︀ႛꩡ︀င︀်းမ︀ႃးဢ︀ူ။