ရ︀ေႃမ︀ 1:13 - Khamti Shan13 ပ︀ီႈꩫ︀ွင︀်ႇၵ︀ဝ်ꩴ︀း က︀ဝ်ႈꩬ︀ူမ︀ႆ︀ႛမ︀ႃးက︀ွတ︀်ꩫ︀ꩬ︀ီ က︀ီလ︀ႆ︀ၢပ︀ၢꩫ︀်ႈꩬ︀ၢင︀်မ︀ႃးၵ︀ႂ်ႈလ︀ႂ်ႈꩫ︀က︀ေႃႇ ဢ︀ꩫ︀်ႈက︀ဝ်ႈမ︀ႆ︀ႛꩭေႇဝႆ︀ႇꩫ︀ႆ︀ႇယ︀င︀်းꩬ︀ီ မ︀ႃးမ︀ဝ်ꩫ︀ႆ︀ႛꩫ︀ႆ︀ႇ ꩬ︀ူမ︀ႆ︀ႛၵ︀ႂ်ႈꩭႂ်ႛတ︀ွင︀်းဢ︀ူ။ ꩫ︀င︀်က︀ူꩫ︀်းတ︀ၢင︀်မ︀ိူင︀်း ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛပ︀ူဝ်းၵ︀ဝ် ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈမ︀ႃးꩫ︀ႆ︀ႇ က︀ဝ်ႈꩭီတ︀်မ︀ႃးꩫ︀က︀ꩫ︀်ႈ ꩬ︀ူမ︀ႆ︀ႛက︀ေႃႇမ︀ႃးꩬ︀ီ ၵ︀ႂ်ႈꩭီတ︀်ꩭႂ်ႛဢ︀ူ။ အခန်းကိုကြည့်ပါ။ |
ဝီင︀်းဢ︀ꩫ︀်တ︀ိဢ︀ုက︀်မ︀ႆ︀ႛထိုင︀်က︀ီး ꩬ︀ွင︀်ၵ︀ႃယ︀ႃႇက︀ူꩫ︀်းꩡ︀ိူဝ်းꩫ︀ႆ︀ႇၵ︀ဝ်မ︀ႆ︀ႛꩭွင︀်ႇတ︀ုမ︀်ႈꩬ︀ီ ဢ︀မ︀ူးဢ︀ꩫ︀်ႈၵ︀ဝ်ꩭီတ︀်မ︀ႃးꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭိုဝ်လ︀ိုဝ်ꩡ︀ွႆ︀ႈမ︀ႃးꩫ︀ꩫ︀ႆ︀ႇၵ︀ဝ်င︀ႆ︀း ꩭႂ်ႛပ︀ူဝ်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ် ယ︀ုမ︀်ယ︀မ︀်ႈမ︀ႃးꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛꩭိုဝ်လ︀ိုဝ်ပ︀ုတ︀်တ︀ၢင︀်းꩭႂ်ႛမ︀ႃးꩫ︀ꩫ︀ႆ︀ႇၵ︀ဝ် ၵ︀ႆ︀ႈꩭႂ်ႛဢ︀ူ။
ပ︀ီႈꩫ︀ွင︀်ႇၵ︀ဝ်ꩴ︀း ꩭႂ်ႛပ︀ူဝ်းꩬ︀ူမ︀ဝ်က︀မ︀်ႇလ︀ွင︀်ႛꩫ︀ႆ︀ႇ လ︀ွင︀်ႈဢ︀ꩫ︀်ႈလ︀ိူက︀်ႉလ︀မ︀် ဢ︀ꩫ︀်ႈင︀ႆ︀ႚꩬ︀ိုင︀်ၸ︀ြႃးပ︀ီꩫ︀်ႈꩡ︀ဝ်ႛပ︀ုတ︀်ၵ︀ႆ︀ႈမ︀ႃးꩫ︀ႆ︀ႇ ꩬ︀ူမ︀ႆ︀ႛၵ︀ႂ်ႈꩭႂ်ႛတ︀ွင︀်းဢ︀ူ။ ဢ︀ꩫ︀်ႈဢ︀ီတ︀်ꩬ︀ြေးၵ︀ဝ် တ︀ၢꩫ︀်ႛယ︀ပ︀်ꩫ︀ႆ︀ႇယ︀ႃႇ ꩡ︀ူဝ်ႈဢ︀ꩬ︀ၢက︀်ႉꩵ︀ႈꩡ︀ႂ်ႈ။ ꩡ︀ူဝ်ႈက︀ႃႈဢ︀ꩫ︀်ႈက︀ျူးမ︀ဝ်ꩡ︀ႂ်ႈဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ တ︀ီယ︀ုမ︀်ယ︀မ︀်ႈမ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်း မ︀ဝ်ပ︀ႆ︀ယ︀ုမ︀်ယ︀မ︀်ႈမ︀ႃးꩫ︀ႆ︀ၢႈꩫ︀မ︀်။
ꩭုမ︀်းꩬ︀ီဝႃႈက︀ွတ︀်ꩫ︀က︀ီး မ︀ိူဝ်ႈꩬ︀ူတ︀ုမ︀်ႈက︀ꩫ︀်ႈꩬ︀ီ ဝႆ︀ႈၸ︀ြႃးꩫ︀ႆ︀ႇ က︀ူဝ်ႇလ︀ိူင︀်ႈယ︀ႃႇ ဢ︀ွေၵ︀ၢမ︀်းꩬ︀ီယ︀ူဝ်းယ︀ွင︀်ႛ၊ က︀ူဝ်ႇလ︀ိူင︀်ႈယ︀ႃႇ ꩬ︀ွꩫ︀်တ︀ြႃး၊ က︀ူဝ်ႇလ︀ိူင︀်ႈယ︀ႃႇ ꩭူဝ်းၿျႃၻိက︀်ႉ၊ က︀ူဝ်ႇလ︀ိူင︀်ႈယ︀ႃႇ ၵ︀ၢမ︀်းလ︀ၢက︀်လ︀ၢႆ︀းဝႃႈင︀ႆ︀း တ︀ၢင︀်က︀ူဝ်ႇယ︀ႃႇ ၵ︀ၢမ︀်းလ︀ၢက︀်လ︀ၢႆ︀းဢ︀မ︀ႂ်းမ︀ႆ︀ႛ ၸ︀ုꩫ︀်ႇꩭႂ်ႛင︀ႆ︀းတ︀ႃႉ။ တ︀င︀်းလ︀ုင︀်ယ︀ႃႇ ꩭၢင︀်းꩡ︀ိူဝ်းꩡ︀ဝ်ႛမ︀ႆ︀ႛ ဢ︀ဝ်ႈၵ︀ိုꩫ︀်ႛꩬ︀ုင︀်ꩫ︀ႆ︀ၢႈꩬ︀ိုင︀်ꩭီတ︀်က︀ꩫ︀်ႈတ︀ႃႉ။
ꩫ︀ႆ︀ႇꩫ︀က︀ေႃႇ တ︀ူႈယ︀ႃႇ ဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ တ︀ူႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဢ︀ဝ်ႈပ︀ီꩫ︀်ႈလ︀ႆ︀ၢးမ︀ꩫ︀်းꩡ︀ဝ်ႛꩭႂ်ႛꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ တ︀ူႈက︀ျေးꩡ︀ူးတ︀ၢင︀်လ︀ူင︀်ꩫ︀မ︀်။ လ︀ႆ︀ၢးဢ︀မ︀ႂ်းယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ပ︀ီꩫ︀်ႈꩡ︀ဝ်ႛပ︀ေႇဢ︀ွင︀်င︀ႆ︀းꩬ︀ီ တ︀ူႈယ︀ႃႇ ပ︀ီꩫ︀်ႈၸ︀ူႛꩬ︀ုမ︀်းꩬ︀ိူက︀်င︀ႆ︀းꩫ︀က︀ꩫ︀်ႈꩫ︀မ︀်။ ꩫ︀ႆ︀ႇꩬ︀ေႇမ︀ဝ်က︀ႃး ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ် ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛတ︀ွင︀်းမ︀ႃးꩫ︀ႆ︀ႇက︀ေႃႇ ꩫ︀င︀်ပ︀ွႆ︀ဢ︀ႆ︀ၢႈꩫ︀မ︀်ႇꩭွမ︀်ꩫ︀က︀ꩫ︀်ႈ ꩭႂ်ႛပ︀ူဝ်းက︀ူႈတ︀ီႈမ︀ႆ︀ႛ တ︀ူႈက︀ႃယ︀ႃးꩫ︀ႆ︀ႛꩫ︀ႆ︀ႇ တ︀ူႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩡ︀ွႆ︀ႈꩭႂ်ႛꩬ︀ီဢ︀ူꩫ︀မ︀်။
ပ︀ီႈꩫ︀ွင︀်ႇၵ︀ဝ်ꩴ︀း ဢ︀ဝ်ႈၵ︀ိူင︀်ႈၵ︀ၢမ︀်းဢ︀ꩫ︀်ႈက︀ူႈက︀ူဝ်ႇတ︀ွင︀်းꩫ︀ႆ︀ႇဝႃႈက︀ွတ︀်။ က︀ူꩫ︀်းꩬ︀ွင︀်က︀ူဝ်ႇ လ︀ွင︀်ႈဢ︀ꩫ︀်ႈလ︀ိူင︀်ႈမ︀ႆ︀ႛ ꩡ︀ႂ်ႈၵ︀ူမ︀်က︀ꩫ︀်ႈꩬ︀ီ လ︀ိက︀်ႉၵ︀တ︀်ႉမ︀ႆ︀ႛ လ︀ႆ︀ၢးမ︀ိုဝ်းꩭူမ︀်ႈတ︀ွက︀်ယ︀ဝ်ႇꩫ︀က︀ီး ဢ︀ꩫ︀်ႈလ︀ိက︀်ႉၵ︀တ︀်ႉဢ︀မ︀ႂ်းမ︀ႆ︀ႛလ︀ွေႛꩫ︀ႆ︀ႇ ၸ︀ႂ်က︀ေႃႇ ယ︀ုတ︀်ꩵ︀ႈꩫ︀ႆ︀ႛ၊ က︀ꩬ︀င︀်က︀ေႃႇ ဢ︀ိက︀်ꩵ︀ႈꩫ︀ႆ︀ႛယ︀ဝ်ႇ။
ၵ︀ၢဝ်ႈၵ︀ၢမ︀်းꩫ︀ီႈဢ︀ꩫ︀်ႈꩬ︀ူꩫ︀ႆ︀ႛꩥ︀ိꩫ︀်းမ︀ႃးꩫ︀ႆ︀ႇ င︀ႆ︀ႚတ︀င︀်းက︀မ︀်ၸ︀ႃမ︀ႆ︀ႛ ꩭူင︀်က︀ႃယ︀ဝ်ႇ။ လ︀ုက︀်ႉက︀ႃႈꩬ︀ူၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႛꩥ︀ိꩫ︀်းမ︀ႃးꩬ︀ီ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛတ︀ေႇတ︀ေႇမ︀ႆ︀ႛ ပ︀ွင︀်ꩡ︀ႂ်ႈမ︀ႃးꩫ︀ႆ︀ႇ ꩡ︀ူဝ်ႈတ︀ႃႈဢ︀ꩬ︀ၢက︀်ႉꩬ︀ူ လ︀ႆ︀ၢႈမ︀ႃးက︀ꩫ︀်ႈယ︀ဝ်ႇ။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ က︀ူႈတ︀ီႈမ︀ႆ︀ႛက︀ေႃႇ ဢ︀က︀ိဝ်းဢ︀မ︀ႂ်းထိုင︀်က︀ႃꩬ︀ီ က︀ူꩫ︀်းꩫ︀ႆ︀ႇၵ︀ဝ် ꩡ︀ူဝ်ႈတ︀ႃႈဢ︀ꩬ︀ၢက︀်ႉ လ︀ႆ︀ၢႈမ︀ႃးက︀ꩫ︀်ႈယ︀ဝ်ႇ။