ရ︀ေႃမ︀ 1:11 - Khamti Shan11 က︀ဝ်ႈꩬ︀ူမ︀ႆ︀ႛၵ︀ႂ်ႈꩭꩫ︀်လ︀ူင︀်ꩫ︀မ︀်။ ꩬ︀ူမ︀ႆ︀ႛ ဢ︀က︀ိဝ်းၵ︀ွꩫ︀်ပ︀ꩫ︀်ႈꩬ︀ီ ၵ︀ႂ်ႈဢ︀ဝ်ႈၵ︀ိူင︀်ꩭႂ်ႛလ︀ူင︀်ꩫ︀မ︀်။ အခန်းကိုကြည့်ပါ။ |
ရ︀ေႃမ︀ 1:11
32 ပူးပေါင်းရင်းမြစ်များ
ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ တ︀ူင︀်ႈတ︀ၢင︀်ႇꩫ︀ႆ︀ႇမ︀ႆ︀ႛ ဢ︀မ︀ူးဢ︀ꩫ︀်ႈက︀ဝ်ႈဝႃႈꩭီတ︀်ꩫ︀ႆ︀ႇယ︀ဝ်ႇꩰ။ ꩫ︀င︀်က︀ဝ်ႈꩬ︀ူမ︀ႆ︀ႛမ︀ႃးက︀ွတ︀်ꩫ︀ꩬ︀ီ က︀ီလ︀ႆ︀ၢပ︀ီႈထႃႛမ︀ႃးꩫ︀က︀ꩫ︀်ႈ င︀ႆ︀ႚယ︀ႃႇ မ︀ႃးပ︀ီꩫ︀်ႈက︀ႃꩵ︀ထၢင︀်ႇ။ က︀ဝ်ႈက︀ႃꩡ︀ႃႉက︀ႃမ︀ိူင︀်းꩡ︀ပ︀ိꩫ︀်ꩫ︀ႆ︀ႇ ꩬ︀ူမ︀ႆ︀ႛၵ︀ႂ်ႈမ︀ႃးꩭꩫ︀်ဢ︀ူ။ တ︀င︀်းꩬ︀ူက︀ိုမ︀်ႇလ︀ိူင︀်ႈဢ︀ူꩬ︀ီၵ︀ဝ်ႛၵ︀ွꩫ︀်က︀ꩫ︀်ႈယ︀ဝ်ႇꩬ︀ီ က︀ဝ်ႈက︀ႃမ︀ိူင︀်းꩡ︀ပ︀ိꩫ︀်က︀ီး ꩬ︀ူမ︀ႆ︀ႛၵ︀ႂ်ႈꩭႂ်ႛꩬ︀ူင︀်ꩡ︀ွႆ︀ႈဢ︀ူ။
ပ︀ႆ︀ႉꩭဝ်း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ꩫ︀င︀်ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩫ︀်ႈက︀ဝ်ႈꩭူဝ်းꩫ︀ႆ︀ႇꩫ︀က︀ꩫ︀်ႈ ဢ︀ꩫ︀်ႈꩬ︀ူယ︀ုမ︀်ယ︀မ︀်ႈဝႆ︀ႇမ︀ႆ︀ႛ ဢ︀ဝ်ႈၵ︀ိူင︀်က︀ိုမ︀်းꩭႂ်ႛပ︀ီꩫ︀်ႈဢ︀ူ။ ၵ︀ၢဝ်ႈၵ︀ၢမ︀်းꩫ︀ီႈဢ︀မ︀ႂ်းယ︀ႃႇ ꩬ︀မ︀်မ︀ႃတ︀ြႃးဢ︀ꩫ︀်ႈက︀ီလ︀ႆ︀ၢꩡ︀ူဝ်ႈပ︀ၢꩫ︀်ႈ ဢ︀ဝ်ႈမ︀ႅပ︀်ဝႆ︀ႇမ︀ႃးꩬ︀ီ င︀ႆ︀ႚꩬ︀ိုင︀်မ︀ꩫ︀်းꩡ︀ဝ်ႛ ပ︀ုတ︀်ပ︀ျႃးမ︀ႃးꩫ︀ႆ︀ႇꩫ︀မ︀်။
ꩬ︀ူမ︀ႆ︀ႛ က︀ဝ်ႈတ︀မ︀်းꩡ︀ႂ်ႈꩫ︀င︀်င︀ႆ︀းꩫ︀ႆ︀ႇꩬ︀ီ ꩭႂ်ႛပ︀ူဝ်းꩬ︀ူ ဢ︀က︀ိဝ်းꩬ︀ွင︀်ꩡ︀ူဝ်ႈꩫ︀ႆ︀ႛꩫ︀ႆ︀ႇ ꩬ︀ူမ︀ႆ︀ႛမ︀ႃးက︀ွတ︀်ꩫ︀ꩬ︀ီ က︀ဝ်ႈꩬ︀ၢင︀်မ︀ႃးဢ︀ူ။ ဢ︀မ︀ႂ်းယ︀ႃႇ မ︀ိူဝ်ႈက︀ဝ်ႈက︀ႃတ︀ိူင︀်းမ︀ႃက︀ေတ︀ေႃꩫ︀ိꩫ︀ႆ︀ႇ မ︀ိူဝ်ႈက︀ႃတ︀မ︀ိူင︀်း မ︀ိူဝ်ႈပ︀ွက︀်ႉတ︀မ︀ိူင︀်း ꩬ︀ူမ︀ႆ︀ႛၵ︀ဝ်ႛက︀ွတ︀်။ မ︀ိူဝ်ႈလ︀ုက︀်ႉꩬ︀ူမ︀ႆ︀ႛ ပ︀ွက︀်ႉက︀ႃတ︀ိူင︀်းယ︀ုတ︀ꩫ︀ႆ︀ႇက︀ေႃႇ ꩬ︀ူမ︀ႆ︀ႛꩭႂ်ႛꩡ︀ွႆ︀ႈꩬ︀ူင︀်က︀ွတ︀်ꩫ︀ꩫ︀မ︀်။
ꩡ︀ႃႇလ︀ိူင︀်ႈ ꩡ︀ဝ်ႛဢ︀ꩫ︀်ႈꩬ︀ူꩫ︀ၵ︀ႃတ︀ူႈမ︀ႆ︀ႛ က︀ꩫ︀်ႛꩫ︀ႂ်းꩡ︀ဝ်ႛၵ︀ရ︀ီတ︀်မ︀ႆ︀ႛ ဢ︀ဝ်ႈယ︀ုမ︀်ယ︀မ︀်ႈၵ︀ိူင︀်ꩰꩭႂ်ႛꩫ︀ႆ︀ႇယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ꩭဝ်းမ︀ႆ︀ႛလ︀ိူက︀်ႉဢ︀ဝ်ႈင︀ႆ︀း တ︀ွက︀်ꩡ︀ုမ︀်ႛဢ︀ဝ်ႈပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛꩬ︀ီ က︀ꩫ︀်ႛꩫ︀ႂ်းꩭူဝ်ꩡ︀ႂ်ႈꩭဝ်းမ︀ႆ︀ႛ ၵ︀ွꩫ︀်မ︀ꩫ︀်းꩡ︀ဝ်ႛꩬ︀ႂ်ꩭႂ်ႛဢ︀ူ။ ၵ︀ွꩫ︀်ဢ︀မ︀ႂ်းယ︀ႃႇ ဢ︀ႃမ︀ၵ︀ၢမ︀်ꩡ︀ႃႇꩭၢင︀်း ဢ︀ꩫ︀်ႈꩭဝ်းမ︀ႆ︀ႛမ︀ꩫ︀်းꩡ︀ဝ်ႛ က︀တ︀ိꩭႂ်ႛဝႆ︀ႇꩫ︀ႆ︀ႇၵ︀ဝ်တ︀င︀်းမ︀ိူင︀်းꩫ︀မ︀်။
ꩬ︀ူမ︀ႆ︀ႛတ︀ူႈၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ၵ︀ႆ︀ႈꩬ︀ီ ꩬ︀ူၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ၵ︀ၢဝ်ႈၵ︀ၢမ︀်းမ︀ꩫ︀်းꩡ︀ဝ်ႛမ︀ႆ︀ႛ ꩭၢပ︀်ႉဢ︀ဝ်ႈယ︀ဝ်ႇ။ ꩫ︀ႆ︀ႇꩫ︀က︀ေႃႇ ꩬ︀ူယ︀ႃႇ ပ︀ိူꩫ︀်ႈတ︀ၢင︀်က︀ူဝ်ႇ မ︀ႃးၵ︀ႆ︀ႈလ︀ွင︀်ႈꩡ︀ဝ်ႛယ︀ေꩬ︀ုတ︀ၢင︀်ၸ︀ꩫ︀်းက︀ီး ꩭုမ︀်ꩰꩡ︀ူမ︀်းꩰꩭၢပ︀်ႉတ︀ွꩫ︀်ႛꩬ︀ီ ၵ︀ွꩫ︀်တ︀ၢင︀်ၸ︀ꩫ︀်း ၵ︀ၢဝ်ႈၵ︀ၢမ︀်းတ︀ၢင︀်ၸ︀ꩫ︀်းမ︀ႆ︀ႛꩭၢပ︀်ႉဢ︀ဝ်ႈꩫ︀က︀ဝ်ဢ︀ူ။
တ︀ိမ︀ေႃတ︀ေမ︀ႆ︀ႛꩫ︀ႆ︀ၢႈ ꩭႂ်ႛမ︀ႃးမ︀ႃးꩫ︀မ︀်။ မ︀ꩫ︀်းယ︀ႃႇ က︀ူဝ်ႇꩬ︀ေႛဢ︀ꩫ︀်ႈတ︀င︀်းတ︀ူႈ ꩭူမ︀်ႈꩭူဝ်းၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်။ ꩬ︀ူမ︀ႆ︀ႛပ︀ိူꩫ︀်ႈက︀ေးလ︀ေးꩫ︀ိက︀်ႉꩬ︀ၢက︀်ႉၵ︀ႂ်ႈလ︀ႂ်ႈꩫ︀က︀ေႃႇ ꩭႂ်ႛပ︀ူဝ်းꩬ︀ူၸ︀ႂ်က︀ေႃႇ ꩡ︀ႂ်ႈဢ︀ꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇ မ︀ဝ်ၸ︀ေႛက︀ႃꩬ︀ေႇမ︀ဝ်က︀ႃး ꩭႂ်ႛပ︀ူဝ်းၵ︀ိူင︀်က︀ိုမ︀်းမ︀ႃးꩫ︀ႆ︀ႇ ꩬ︀ူမ︀ႆ︀ႛꩭႂ်ႛထႅမ︀်ꩭႅင︀်းက︀ွတ︀်ꩫ︀ꩬ︀ီ မ︀ꩫ︀်းမ︀ႆ︀ႛပ︀ွႆ︀မ︀ႃးꩫ︀မ︀်။ ပ︀ီႈꩫ︀ွင︀်ႇၵ︀ဝ်ꩴ︀း ဢ︀ꩫ︀်ႈꩭဝ်းမ︀ႆ︀ႛ ပ︀ိူꩫ︀်ႈက︀ေးလ︀ေးꩫ︀ိက︀်ႉꩬ︀ၢက︀်ႉꩫ︀ႆ︀ႇၵ︀ဝ်ယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ၵ︀ၢင︀်းꩭႂ်ႛꩬ︀ီꩫ︀မ︀်ꩫ︀ꩫ︀ႆ︀ႇ ꩬ︀ူၸ︀ူႛꩡ︀ဝ်ႛက︀ေႃႇတ︀ွင︀်းဢ︀ူ။
တ︀ြႃးဢ︀ꩫ︀်ႈမ︀ႂ် ဢ︀ꩫ︀်ႈလ︀ၢက︀်ꩰလ︀ႆ︀ၢးꩰꩫ︀ႆ︀ႇၵ︀ဝ်မ︀ႆ︀ႛ ထွမ︀်ꩬ︀ီ ꩬ︀ူလ︀ုက︀်ႉꩬ︀မ︀်မ︀ႃတ︀ြႃးမ︀ႆ︀ႛ ပ︀ီၸ︀ႆ︀က︀ႃ။ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီ ဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇꩬ︀ိုင︀် ꩡ︀ႃႇၵ︀ွꩫ︀်ꩭဝ်း ဢ︀က︀ိဝ်းယ︀င︀်းတ︀ေႇတ︀ေႇꩫ︀မ︀်။ ထုင︀်းၸ︀ိင︀်ႛ ဢ︀ꩫ︀်ႈက︀ꩬ︀င︀်ဝႃႈက︀ိꩫ︀်ႈ က︀ꩬ︀င︀်ဝႃႈင︀ိူင︀်ႇ ꩫ︀ꩫ︀ႆ︀ႇၵ︀ဝ်မ︀ႆ︀ႛ ꩭီတ︀်င︀ဝ်ႛꩬ︀ီ ဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇယ︀ႃႇ ဢ︀က︀ိဝ်းꩵ︀ႈယ︀င︀်း။
ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛဢ︀ီꩫ︀ူႈꩬ︀ီ မ︀ူꩫ︀်ႈထႃဝရ︀မ︀ꩫ︀်းꩡ︀ဝ်ႛမ︀ႆ︀ႛ ၵ︀ႂ်ႈꩭႂ်ႛꩫ︀ႆ︀ႛꩭၢပ︀်ႉဢ︀ူ။ င︀ႆ︀းꩬ︀ီ ꩬ︀ူဢ︀ꩫ︀်ႈဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛꩭွင︀်ႇဢ︀ဝ်ႈမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ င︀ႆ︀ႚ ꩬ︀ူက︀ိုမ︀်ႇလ︀ိူင︀်ႈꩫ︀ႆ︀ႛၵ︀ၢမ︀်ၻုက︀်ႉၵ︀ယ︀ဝ်ႇက︀ီး မ︀ꩫ︀်းꩡ︀ဝ်ႛꩬ︀ူမ︀ႆ︀ႛ မ︀ေးထႅမ︀်ဢ︀ဝ်ႈတ︀ီမ︀်ႈက︀ုမ︀်ꩭႂ်ႛ၊ က︀မ︀်ႇထွက︀်ႉꩭႂ်ႛ၊ ꩭႅင︀်းꩬ︀ႂ်ꩭႂ်ႛꩬ︀ီ တ︀ီဢ︀ဝ်ႈၵ︀ိူင︀်က︀ိုမ︀်းꩭႂ်ႛꩫ︀မ︀်။
က︀ဝ်ႈလ︀ိက︀်ႉꩫ︀ႆ︀ႇ ꩬ︀ီလ︀ ၸ︀ူႛယ︀ုမ︀်ယ︀မ︀်ႈဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်းလ︀ူင︀်မ︀ႆ︀ႛꩫ︀မ︀် ꩭႂ်ႛꩡ︀ွႆ︀ႈတ︀ႅမ︀်ႛꩬ︀ီၸ︀ၢက︀်မ︀ႃးꩫ︀ႆ︀ႇ။ ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူမ︀ႆ︀ႛၵ︀ႂ်ႈꩬ︀ႂ်ꩭႅင︀်းꩭႂ်ႛꩬ︀ီလ︀ိူင︀်ႈ၊ င︀ႆ︀ႚꩬ︀ူက︀ꩬ︀င︀်ꩭူပ︀်ႉꩭꩫ︀်ꩬ︀ီဢ︀ူꩫ︀က︀ေႃႇ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛယ︀င︀်းꩬ︀ီဢ︀ူꩫ︀မ︀်ꩫ︀ꩫ︀ႆ︀ႇ ၵ︀ႂ်ႈꩭႂ်ႛတ︀ွင︀်းꩫ︀ီႈꩫ︀ီႈꩬ︀ီလ︀ိူင︀်ႈ လ︀ိက︀်ႉꩫ︀ႆ︀ႇတ︀ႅမ︀်ႛမ︀ႃးꩫ︀မ︀်။ က︀ꩫ︀်ႛꩫ︀ႂ်းက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ဝ်းၵ︀ိူင︀်ꩰက︀ꩫ︀်ႈတ︀ႃႉ။
ကြော်ငြာတွေ