ၿျႃၻိက︀်ႉ 7:2 - Khamti Shan2 ယ︀ဝ်ႇက︀ီး ၵ︀ုꩫ︀်ꩬ︀ၢင︀်တ︀ၢင︀်ပ︀ႃးယ︀ႃႇ ꩡ︀ုမ︀်ႛၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈဢ︀ꩬ︀ၢက︀်ႉꩫ︀ိပ︀်မ︀ႆ︀ႛ တ︀ိုဝ်းꩬ︀ီ လ︀ုက︀်ႉဝꩫ︀်းဢ︀ွက︀်မ︀ႆ︀ႛ ဢ︀ွက︀်မ︀ႃးꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်ဢ︀ူ။ မ︀ꩫ︀်းယ︀ႃႇ ၵ︀ုꩫ︀်ꩬ︀ၢင︀်ꩬ︀ီပ︀ႃး ဢ︀ꩫ︀်ႈတ︀ꩫ︀်းၵ︀ူဝ်းꩫ︀ႆ︀ႛဝႆ︀ႇꩬ︀ီ က︀မ︀်ၸ︀ႃꩫ︀ၵ︀ႃ ပ︀ၢင︀်လ︀ႆ︀ၢမ︀ႆ︀ႛ ꩭီတ︀်ၸ︀ေးပ︀ီꩫ︀်ႈꩫ︀ႆ︀ႇၵ︀ဝ်မ︀ႆ︀ႛ ဢ︀ိဝ်ꩬ︀ီ အခန်းကိုကြည့်ပါ။ |
ꩬ︀ူ ꩡ︀ႃႇၵ︀ဝ်ႛဢ︀ꩫ︀်ႈꩫ︀ဝ်ႈꩫ︀ွက︀်ꩡ︀ၢင︀်ႈꩫ︀ႆ︀ႇ ပ︀ီꩭီတ︀်၊ ꩡ︀ႃႇၵ︀ဝ်ႛဢ︀ꩫ︀်ႈꩭႂ်ႛဢ︀ꩬ︀ၢက︀်ႉထႃဝရ︀ꩫ︀ႆ︀ႇꩬ︀ိုင︀် ꩭီတ︀်က︀ꩫ︀်ႈတ︀ႃႉ။ ၵ︀ဝ်ႛဢ︀မ︀ႂ်းယ︀ႃႇ ဢ︀ꩫ︀်ႈꩬ︀ူမ︀ႆ︀ႛ က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းတ︀ီꩭႂ်ႛꩫ︀ႆ︀ႇꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ုက︀်ႉက︀ူꩫ︀်းမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇꩫ︀ႆ︀ႇ ꩭၢင︀်းꩭီတ︀်လ︀ွင︀်ႈꩫ︀ႆ︀ႇꩫ︀မ︀်” ꩫ︀ဝꩫ︀်ႇ။
ꩡ︀ႃႇလ︀ိူင︀်ႈ ꩬ︀ူဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်က︀ေႃႇ ꩬ︀မ︀်မ︀ႃတ︀ြႃး ၵ︀ၢဝ်ႈၵ︀ၢမ︀်းꩫ︀ီႈဢ︀ꩫ︀်ႈꩬ︀ူမ︀ႆ︀ႛၵ︀ေꩬ︀ေꩭႂ်ႛမ︀ႆ︀ႛ ယ︀ုမ︀်ယ︀မ︀်ႈမ︀ႃးꩬ︀ီ ပ︀ီꩫ︀်ႈက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႃးက︀ꩫ︀်ႈယ︀ဝ်ႇ။ ꩬ︀ူ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈမ︀ႃးꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ွꩫ︀်မ︀ꩫ︀်းꩡ︀ဝ်ႛ ဢ︀ꩫ︀်ႈမ︀ိူဝ်ႈင︀ႃးပ︀ုꩫ︀်ႛက︀တ︀ိꩭႂ်ႛဝႆ︀ႇ ဢ︀ꩫ︀်ႈꩬ︀ူမ︀ႆ︀ႛတ︀ွက︀်ꩡ︀ုမ︀်ႛꩬ︀ီ ဢ︀ဝ်ႈပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛꩫ︀ႆ︀ႇ ꩬ︀ူမ︀ႆ︀ႛ ပ︀ူင︀်ႈꩭႂ်ႛမ︀ႃးယ︀ဝ်ႇ။
ꩫ︀ႆ︀ႇꩫ︀က︀ေႃႇ ꩬ︀မ︀်မ︀ႃတ︀ြႃးၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩫ︀င︀်ၸ︀ႃꩭိꩫ︀်လ︀ူင︀်ꩫ︀က︀ꩫ︀်ႈ မ︀ဝ်လ︀ွက︀်ႉမ︀ဝ်လ︀ႆ︀ၢႈꩡ︀ၢင︀်ႈꩫ︀မ︀်။ ꩬ︀မ︀်မ︀ႃတ︀ြႃးဢ︀မ︀ႂ်းမ︀ႆ︀ႛဝႃႈဝႆ︀ႇꩫ︀ႆ︀ႇ “ꩡ︀ဝ်ႛထႃဝရ︀ၸ︀ြႃးယ︀ႃႇ က︀ူꩫ︀်းမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛတ︀ွင︀်းဢ︀ူ” ꩫ︀ဝꩫ︀်ႇ။ ယ︀ဝ်ႇက︀ီး “က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ႆ︀ၢႛဝႆ︀ႈꩫ︀ႆ︀ႇၵ︀ဝ်ယ︀ႃႇ လ︀ွင︀်ႈꩭီတ︀်ဢ︀ꩫ︀်ႈမ︀ဝ်ꩫ︀ီႈတ︀င︀်းလ︀ုင︀် ဝႃႈၸ︀ႃႛဢ︀ူ” ꩫ︀ဝꩫ︀်ႇ။
ဝႆ︀ၢးꩫ︀ႆ︀ႇက︀ဝ်ႈလ︀ႅမ︀်းက︀ီး ၵ︀ုꩫ︀်ꩬ︀ၢင︀်ဢ︀ꩫ︀်ႈတ︀ꩫ︀်းၵ︀ူဝ်းယ︀ႂ်ပ︀ႃးလ︀ိူင︀်ႈ လ︀ုက︀်ႉက︀ၢင︀်ႈꩭၢဝ်မ︀ႆ︀ႛ မ︀ွက︀်ၸ︀ူꩫ︀်ꩫ︀ုင︀်ႈင︀ႆ︀း လ︀ူင︀်းမ︀ႃးꩫ︀ႆ︀ႇမ︀ႆ︀ႛꩭꩫ︀်ဢ︀ူ။ က︀ုမ︀်ꩭူဝ်မ︀ꩫ︀်းမ︀ႆ︀ႛယ︀ႃႇ ꩭုင︀်းက︀ိꩫ︀်ႈꩫ︀မ︀်ႇၸ︀ွတ︀်ႉဝႆ︀ႇင︀ႆ︀း၊ ꩫ︀ႃႛမ︀ꩫ︀်းယ︀ႃႇ ꩫ︀င︀်က︀ၢင︀်ႈဝꩫ︀်းꩫ︀က︀ꩫ︀်ႈ၊ တ︀ိꩫ︀်ႈမ︀ꩫ︀်းယ︀ႃႇ ꩫ︀င︀်ꩬ︀ဝ်မ︀ုက︀်ႉၸ︀ႆ︀းꩫ︀က︀ꩫ︀်ႈꩫ︀မ︀်။
ၵ︀ုꩫ︀်ꩬ︀ၢင︀်တ︀ၢင︀်ပ︀ႃးယ︀ႃႇ လ︀ၢင︀်ပ︀ၢꩫ︀်းၵ︀မ︀်းဢ︀ꩫ︀်ႈꩬ︀ႂ်ꩬ︀မ︀ီးꩭွမ︀်တ︀ိုဝ်းင︀ႆ︀း ၵ︀ီင︀်ꩡ︀ဝ်ႛမ︀ႆ︀ႛ မ︀ႃးꩬ︀ဝ်းဢ︀ူ။ မ︀ꩫ︀်းမ︀ႆ︀ႛꩬ︀မ︀ီးꩭွမ︀်ဢ︀ၢꩫ︀်တ︀ၢꩫ︀်ꩭႂ်ႛဝႆ︀ႇဢ︀ူ။ ꩬ︀မ︀ီးꩭွမ︀် ဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈက︀ꩫ︀်ႛꩫ︀ိူဝ်ၵ︀ီင︀်ၵ︀မ︀်းꩡ︀ဝ်ႛ ဢ︀ꩫ︀်ႈပ︀ၢင︀်ႈꩫ︀ႃႛပ︀လ︀ၢင︀်မ︀ႆ︀ႛ တ︀င︀်းၵ︀ၢမ︀်းယ︀ွꩫ︀်းꩬ︀ူး က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ် ဝႃႈပ︀ုက︀်ႉꩡ︀ူဝ်ꩫ︀ႆ︀ႇꩫ︀မ︀်။