ၿျႃၻိက︀်ႉ 7:13 - Khamti Shan

¹³ ဝႆ︀ၢးꩫ︀ႆ︀ႇ က︀ေထဝ်ႛပ︀ႃးလ︀ိူင︀်ႈယ︀ႃႇ က︀ဝ်ႈမ︀ႆ︀ႛ “က︀ူꩫ︀်းဢ︀ꩫ︀်ႈꩫ︀ုင︀်ႈၵ︀ိူင︀်ႈၵ︀ၢဝ်ꩫ︀ႆ︀ႇၵ︀ဝ်ယ︀ႃႇ ၸ︀ႂ်ꩫ︀ႆ︀။ လ︀ုက︀်ႉပ︀ႃႛလ︀ႂ်ႈꩫ︀ႆ︀မ︀ႃးꩫ︀ႆ︀ႇ” ꩫ︀ꩬ︀ီထၢမ︀်ဢ︀ူ။

ၿျႃၻိက︀်ႉ 7:13 ပူးပေါင်းရင်းမြစ်များ

ယ︀ေႃးꩭၢꩫ︀် 7:28

မ︀ိူဝ်ႈꩡ︀ဝ်ႛယ︀ေꩬ︀ု က︀ꩫ︀်ႛꩫ︀ႂ်းꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛ ꩬ︀င︀်ꩬ︀ွꩫ︀်ꩬ︀ီဢ︀ူꩫ︀ႆ︀ႇ မ︀ꩫ︀်းꩡ︀ဝ်ႛဝႃႈꩫ︀ႆ︀ႇ “က︀ဝ်ႈပ︀ီꩫ︀်ႈၸ︀ႂ် က︀ဝ်ႈလ︀ုက︀်ႉဢ︀မ︀ႆ︀ႚမ︀ႃးꩫ︀ꩫ︀ႆ︀ႇ ꩬ︀ူတ︀ွင︀်းတ︀ေႇတ︀ေႇဢ︀ေႃး။ က︀ဝ်ႈယ︀ႃႇ ဢ︀ဝ်ႈဢ︀ႃꩫ︀ႃၸ︀ူႛꩡ︀ဝ်ႛမ︀ႃးꩵ︀ႈꩡ︀ႂ်ႈ။ က︀ဝ်ႈမ︀ႃးꩫ︀ႆ︀ႇ တ︀ၢင︀်ႈတ︀ူဝ်ႈꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛပ︀ွႆ︀ꩡ︀ႂ်ႇꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ꩬ︀ႅတ︀်ႉꩡ︀ႃယ︀င︀်းဢ︀ူ။ ꩡ︀ဝ်ႛဢ︀မ︀ႂ်းမ︀ႆ︀ႛ ꩬ︀ူꩵ︀ႈတ︀ွင︀်း။

ထဝ်ꩡ︀တ︀်ႉၵ︀ဝ် 3:12

ပ︀ေတ︀ရ︀ုယ︀ႃႇ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛꩭꩫ︀်က︀ီး “ဢ︀ီတ︀်ꩬ︀ြေးၵ︀ဝ် ꩭီတ︀်က︀ꩬ︀င︀်ꩫ︀ႆ︀တ︀ူႈမ︀ႆ︀ႛ တ︀ႃႈလ︀ိူက︀်ꩬ︀ီꩫ︀ူႈက︀ꩫ︀်ႈꩫ︀ႆ︀ႇ။ ၵ︀ꩫ︀်တ︀ႂ်းဢ︀ဝ်ႈတ︀ꩫ︀်းၵ︀ူဝ်းတ︀ူႈ၊ ဢ︀ဝ်ႈꩬ︀ိꩫ︀်တ︀ူႈက︀ျႃး မ︀ꩫ︀်းမ︀ႆ︀ႛ ဢ︀ဝ်ႈၸ︀ႆ︀ၢႛပ︀ီꩫ︀်ႈꩫ︀ႆ︀ႇ။ ꩵ︀ႈꩡ︀ႂ်ႈ။ ထွမ︀်က︀ꩫ︀်ႈတ︀ႃႉ။ က︀ဝ်ႈၵ︀ႆ︀ႈက︀ွတ︀်။

ၿျႃၻိက︀်ႉ 3:4

ꩫ︀ႆ︀ႇꩫ︀က︀ေႃႇ ꩫ︀ႂ်းꩬ︀ူꩡ︀ိူဝ်းꩬ︀ႃတ︀ိမ︀ႆ︀ႛ က︀ူဝ်ႇဢ︀ꩫ︀်ႈၵ︀ိူင︀်ႈၸ︀ူႛꩡ︀ဝ်ႛမ︀ႆ︀ႛ တ︀င︀်းဢ︀ပ︀ႅတ︀်ႉ မ︀ဝ်ဢ︀ဝ်ႈꩭင︀်ႛꩫ︀ႆ︀ႇ ꩡ︀ွꩫ︀်လ︀ိူင︀်ႈယ︀င︀်းဢ︀ူ။ က︀ူဝ်ႇဢ︀မ︀ႂ်းၵ︀ဝ်ယ︀ႃႇ ထႅက︀်ႉꩫ︀ႆ︀ႇꩬ︀ီ ꩫ︀ုင︀်ႈၵ︀ိူင︀်ႈၵ︀ၢဝ်င︀ႆ︀း တ︀င︀်းက︀ဝ်ႈတ︀ီꩫ︀ႆ︀ႛꩭူမ︀်ႈက︀ႃꩭူမ︀်ႈမ︀ႃးꩫ︀မ︀်။

ၿျႃၻိက︀်ႉ 4:10

က︀ေထဝ်ႛꩬ︀ၢဝ်းꩬ︀ီပ︀ႃးယ︀ႃႇ ꩡ︀ဝ်ႛဢ︀ꩫ︀်ႈꩫ︀င︀်ႈပ︀လ︀ၢင︀်၊ ဢ︀ꩫ︀်ႈထႃဝရ︀ဢ︀ꩬ︀ၢက︀်ႉꩫ︀ိပ︀်မ︀ႆ︀ႛ ၵ︀ုပ︀်ႉၵ︀ဝ်ꩬ︀ီ ပ︀ႆ︀ၢႛဝႆ︀ႈက︀ꩫ︀်ႈဢ︀ူ။ ၵ︀ဝ်ယ︀ႃႇ ပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ ပ︀ွင︀်းၵ︀ဝ်တ︀မ︀်းင︀ႆ︀းꩬ︀ီ

ၿျႃၻိက︀်ႉ 4:4

ꩭိမ︀်းပ︀လ︀ၢင︀်ဢ︀မ︀ႂ်းမ︀ႆ︀ႛ ပ︀လ︀ၢင︀်ꩬ︀ၢဝ်းꩬ︀ီဢ︀ꩫ︀်ႈ ၵ︀ုမ︀်ႇပ︀ꩫ︀်င︀ႆ︀းယ︀င︀်းဢ︀ူ။ က︀ꩫ︀်ႛꩫ︀ိူဝ်ပ︀လ︀ၢင︀်ဢ︀မ︀ႂ်းၵ︀ဝ်မ︀ႆ︀ႛ က︀ေထဝ်ႛꩬ︀ၢဝ်းꩬ︀ီပ︀ႃး ဢ︀ꩫ︀်ႈꩫ︀ုင︀်ႈၵ︀ိူင︀်ႈၵ︀ၢဝ်ꩬ︀ီ ပ︀ွင︀်းၵ︀မ︀်းꩬ︀ုပ︀်ဝႆ︀ႇꩫ︀ႆ︀ႇၵ︀ဝ် ꩫ︀င︀်ႈက︀ꩫ︀်ႈဢ︀ူ။

ၿျႃၻိက︀်ႉ 5:11

ဝႆ︀ၢးဢ︀မ︀ႂ်း က︀ဝ်ႈလ︀ႅမ︀်းက︀ီး ꩬ︀ီင︀်ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ် ဢ︀ၢꩫ︀်တ︀ၢꩫ︀်မ︀ႆ︀ႛ ꩫ︀ႆ︀ႛꩥ︀ိꩫ︀်းဢ︀ူ။ ၵ︀ုꩫ︀်ꩬ︀ၢင︀်ဢ︀မ︀ႂ်းၵ︀ဝ်ယ︀ႃႇ က︀ုက︀်ႉတ︀ေ၊ ꩬ︀ၢင︀်ၵ︀ေမ︀ဝ်က︀ႃးꩫ︀မ︀်ꩬ︀ီ ပ︀လ︀ၢင︀်င︀ႆ︀း၊ ꩬ︀တ︀်ႉတ︀ဝႃꩬ︀ီပ︀ႃးင︀ႆ︀း၊ က︀ေထဝ်ႛၵ︀ဝ်မ︀ႆ︀ႛ ꩬ︀ဝ်းၵ︀ုမ︀်ႇက︀ꩫ︀်ႈဢ︀ူ။

ၿျႃၻိက︀်ႉ 5:5

က︀ေထဝ်ႛပ︀ႃးလ︀ိူင︀်ႈယ︀ႃႇ က︀ဝ်ႈမ︀ႆ︀ႛ “ပ︀ီꩭႆ︀ႛယ︀ဝ်ႇ။ လ︀ႅမ︀်းတ︀ႃႉ။ ꩡ︀ဝ်ႛဢ︀ꩫ︀်ႈ “ၵ︀ၢင︀်ꩬ︀ီႛၵ︀ိူဝ်းယ︀ုတ︀ ဢ︀ꩫ︀်ႈꩫ︀ႂ်း လ︀ုက︀်ႉလ︀ၢꩫ︀်ꩡ︀ဝ်ႛꩭူဝ်ၵ︀မ︀်းၻႃဝိမ︀ႆ︀ႛ တ︀ꩫ︀်းၵ︀ူဝ်းယ︀ႂ်” ꩫ︀ꩫ︀ႆ︀ႇ ပ︀ေႇဢ︀ွင︀်ယ︀ဝ်ႇ။ မ︀ꩫ︀်းꩡ︀ဝ်ႛ ꩡ︀ုမ︀်ႛꩡ︀ီတ︀်ဢ︀ꩫ︀်ႈဢ︀မ︀ႂ်းက︀ေႛꩬ︀ီ ၸ︀ုꩫ︀်လ︀ိက︀်ႉဢ︀မ︀ႂ်းပ︀ုတ︀်ပ︀ီꩫ︀်ႈဢ︀ူ” ꩫ︀ဝꩫ︀်ႇ။

ၿျႃၻိက︀်ႉ 7:9

ဝႆ︀ၢးꩫ︀ႆ︀ႇ က︀ဝ်ႈလ︀ႅမ︀်းက︀ီး ၸ︀ုင︀်က︀ူꩫ︀်းလ︀ူင︀် ဢ︀ꩫ︀်ႈၸ︀ႂ်က︀ေႃႇၵ︀ၢꩫ︀်းမ︀ဝ်ပ︀ီꩫ︀်ႈꩫ︀ႆ︀ႇမ︀ႆ︀ႛ ꩭꩫ︀်ဢ︀ူ။ က︀ူꩫ︀်းဢ︀မ︀ႂ်းၵ︀ဝ်ယ︀ႃႇ လ︀ုက︀်ႉက︀ူႈၵ︀ိူဝ်း၊ က︀ူႈၸ︀ꩫ︀်း၊ က︀ူႈမ︀ိူင︀်းမ︀ႆ︀ႛ ဢ︀ꩫ︀်ႈတ︀ၢꩫ︀်ႛၵ︀ၢမ︀်းက︀ူႈၸ︀ꩫ︀်းꩫ︀ႆ︀ႇၵ︀ဝ်ꩫ︀မ︀်။ ၵ︀ဝ်ယ︀ႃႇ ၵ︀ိူင︀်ႈၵ︀ၢဝ်ꩫ︀ုင︀်ႈင︀ႆ︀း ၵ︀ႃႈမ︀ွက︀်ယ︀ႃႛꩫ︀ႆ︀ႇၵ︀ဝ်တ︀ိုဝ်းဝႆ︀ႇက︀ꩫ︀်ႈꩬ︀ီ ပ︀ၢင︀်ႈꩫ︀ႃႛပ︀လ︀ၢင︀်ပ︀ူႇဢ︀ွꩫ︀်မ︀ႆ︀ႛ ꩬ︀ဝ်းက︀ꩫ︀်ႈင︀ႆ︀း