Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ၿျႃၻိက︀်ႉ 5:8 - Khamti Shan

8 တ︀ူဝ်ႈꩬ︀တ︀်ႉꩬ︀ီပ︀ႃးင︀ႆ︀း က︀ေထဝ်ႛꩬ︀ၢဝ်းꩬ︀ီပ︀ႃးယ︀ႃႇ မ︀ꩫ︀်းမ︀ႆ︀ႛၵ︀ုပ︀်ႉၵ︀ဝ်က︀ꩫ︀်ႈဢ︀ူ။ ၵ︀ဝ်က︀ူႈပ︀ႃးယ︀ႃႇ တ︀ိင︀်င︀ွက︀်ဢ︀ေႈဢ︀ꩫ︀်ႈꩰင︀ႆ︀း က︀ွက︀်ၵ︀မ︀်းလ︀ူင︀် ဢ︀ꩫ︀်ႈꩬ︀မ︀ီးꩭွမ︀်ထႅမ︀်တ︀ီမ︀်ႈꩰဝႆ︀ႇꩫ︀ႆ︀ႇ ဢ︀ေႈဢ︀ꩫ︀်ႈꩰတ︀ိုဝ်းဝႆ︀ႇဢ︀ူ။ ꩬ︀မ︀ီးꩭွမ︀်ဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛၵ︀ဝ် ယ︀ွꩫ︀်းꩬ︀ူးꩫ︀ႆ︀ႇꩫ︀မ︀်။

အခန်းကိုကြည့်ပါ။ ကော်ပီ




ၿျႃၻိက︀်ႉ 5:8
27 ပူးပေါင်းရင်းမြစ်များ  

ꩫ︀င︀်မ︀ိူဝ်ႈꩭုက︀်ႉ ꩡ︀ဝ်ႛယ︀ေꩬ︀ုက︀ျွႃးမ︀ႃးꩫ︀ႆ︀ႇမ︀ႆ︀ႛ ꩬ︀ြႃယ︀ေႃးꩭၢꩫ︀်ꩭꩫ︀်က︀ီး “ပ︀ူႇဢ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈပ︀ႃႉဢ︀ပ︀ႅတ︀်ႉမ︀ိူင︀်းက︀ၢင︀်ႈက︀ႃꩫ︀ႆ︀ႇမ︀ႆ︀ႛ လ︀ႅမ︀်းလ︀ႃး။


က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ က︀ူꩫ︀်းꩫ︀ႆ︀ႇၵ︀ဝ် ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀ၢပ︀်ႉယ︀မ︀်ႈꩫ︀က︀ꩫ︀်ႈ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛက︀ေႃႇ ဝႃႈꩫ︀ၢပ︀်ႉယ︀မ︀်ႈက︀ꩫ︀်ႈꩫ︀မ︀်။ က︀ူဝ်ႇဢ︀ꩫ︀်ႈလ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ မ︀ဝ်ꩫ︀ၢပ︀်ႉယ︀မ︀်ႈꩫ︀ႆ︀ႇယ︀ႃႇ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛၸ︀ူႛပ︀ွႆ︀ꩡ︀ႂ်ႇလ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛက︀ေႃႇ ꩵ︀ႈꩫ︀ၢပ︀်ႉယ︀မ︀်ႈ။


ꩫ︀ႆ︀ႇꩫ︀က︀ေႃႇ မ︀ိူဝ်ႈလ︀ုက︀်ႉꩭူဝ်လ︀ႃႈမ︀ꩫ︀်းꩡ︀ဝ်ႛမ︀ႆ︀ႛ မ︀ိူင︀်းက︀ၢင︀်ႈမ︀ႆ︀ႛꩭွင︀်ႇမ︀ႃးꩫ︀ႆ︀ႇယ︀ႃႇ “ꩡ︀ဝ်ႛꩫ︀ႆ︀ႇမ︀ႆ︀ႛ ၵ︀ုꩫ︀်ꩬ︀ၢင︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်တ︀င︀်းမ︀ိူင︀်း ပ︀ႆ︀ၢႛဝႆ︀ႈက︀ꩫ︀်ႈတ︀ႃႉ” ꩫ︀ဝꩫ︀်ႇ။


က︀ူꩫ︀်းဢ︀ꩫ︀်ႈပ︀ၢပ︀်ႉဢ︀ꩬ︀ၢက︀်ႉပ︀ူႇဢ︀ွꩫ︀် ဢ︀ꩫ︀်ႈပ︀ိူꩫ︀်ႈဢ︀ဝ်ႈတ︀ႆ︀ၢႈက︀ႃမ︀ႆ︀ႛ ဢ︀ꩫ︀်ႈလ︀ုက︀်ႉမ︀ိူဝ်ႈက︀မ︀်ၸ︀ႃတ︀ေပ︀ုꩫ︀်ႛ ꩡ︀ိုဝ်ႈမ︀ဝ်လ︀ွေႛꩫ︀ႆ︀ႇၵ︀ဝ်တ︀င︀်းမ︀ိူင︀်းယ︀ႃႇ တ︀ူဝ်ႈꩭႆ︀ၢႇဢ︀မ︀ႂ်းမ︀ႆ︀ႛ တ︀ီပ︀ႆ︀ၢႛဝႆ︀ႈက︀ꩫ︀်ႈꩫ︀မ︀်။


ဝၢႆ︀းꩫ︀ႆ︀ႇ ꩫ︀ွင︀်ၸ︀ၢꩫ︀် ဢ︀ꩫ︀်ႈတ︀င︀်းၸ︀ႆ︀းၵ︀ူꩫ︀်းက︀ꩫ︀်ႈꩫ︀က︀ꩫ︀်ႈမ︀ႆ︀ႛက︀ေႃႇ က︀ဝ်ႈꩭꩫ︀်ဢ︀ူ။ က︀ူꩫ︀်းဢ︀ꩫ︀်ႈတ︀ူဝ်ႈꩭႆ︀ၢႇꩫ︀ၵ︀ႃ ꩭုꩫ︀်ꩭၢင︀်ႈမ︀ꩫ︀်းမ︀ႆ︀ႛ မ︀ဝ်ပ︀ႆ︀ၢႛဝႆ︀ႈ၊ တ︀ူဝ်ႈၵ︀ၢꩫ︀်းꩡ︀ိုဝ်ႈတ︀ူဝ်ႈꩭႆ︀ၢႇက︀ေႃႇ မ︀ဝ်ꩭၢပ︀်ႉဢ︀ဝ်ႈꩫ︀ႆ︀ႇၵ︀ဝ်ယ︀ႃႇ တ︀ိင︀်င︀ွက︀်ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛꩫ︀ႆ︀ႇၵ︀ဝ်တ︀ိုဝ်းင︀ႆ︀း တ︀ႆ︀ၢႛꩫ︀ွင︀်ၸ︀ၢꩫ︀်ဢ︀မ︀ႂ်းမ︀ႆ︀ႛ ꩬ︀ဝ်းဢ︀ူက︀ꩫ︀်ႈꩫ︀ႆ︀ႇမ︀ႆ︀ႛက︀ေႃႇ ꩭꩫ︀်ဢ︀ူ။


ꩫ︀ႆ︀ႇမ︀ႆ︀ႛ ꩬ︀တ︀်ႉတ︀ဝႃꩬ︀ီပ︀ႃးမ︀ႆ︀ႛ ပ︀ႃးလ︀ိူင︀်ႈယ︀ႃႇ ၵ︀ုꩫ︀်ꩬ︀ၢင︀်ꩡ︀ီတ︀်ပ︀ႃးမ︀ႆ︀ႛ က︀ွက︀်ၵ︀မ︀်းဢ︀ေႈလ︀ုက︀်ႉꩰꩭႂ်ႛဢ︀ူ။ က︀ွက︀်ဢ︀မ︀ႂ်းၵ︀ဝ်မ︀ႆ︀ႛ တ︀ေႃးꩬ︀ႃးၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛဢ︀ꩫ︀်ႈထႃဝရ︀ဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇ တ︀ီမ︀်ႈတ︀ုပ︀်ꩰꩫ︀မ︀်။


က︀ေထဝ်ႛ ꩬ︀ၢဝ်းꩬ︀ီပ︀ႃးင︀ႆ︀း ꩬ︀တ︀်ႉတ︀ဝႃꩬ︀ီပ︀ႃးၵ︀ဝ်က︀ေႃႇ ပ︀ႅပ︀်ႉၵ︀ုပ︀်ႉꩬ︀ီ “ꩬ︀ႃႈထု၊ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛတ︀ီၵ︀ႃႛဢ︀ူ” ꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩫ︀င︀်ႈပ︀လ︀ၢင︀်မ︀ႆ︀ႛ ပ︀ႆ︀ၢႛဝႆ︀ႈက︀ꩫ︀်ႈဢ︀ူ။


က︀ေထဝ်ႛꩬ︀ၢဝ်းꩬ︀ီပ︀ႃးယ︀ႃႇ ꩡ︀ဝ်ႛဢ︀ꩫ︀်ႈꩫ︀င︀်ႈပ︀လ︀ၢင︀်၊ ဢ︀ꩫ︀်ႈထႃဝရ︀ဢ︀ꩬ︀ၢက︀်ႉꩫ︀ိပ︀်မ︀ႆ︀ႛ ၵ︀ုပ︀်ႉၵ︀ဝ်ꩬ︀ီ ပ︀ႆ︀ၢႛဝႆ︀ႈက︀ꩫ︀်ႈဢ︀ူ။ ၵ︀ဝ်ယ︀ႃႇ ပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ ပ︀ွင︀်းၵ︀ဝ်တ︀မ︀်းင︀ႆ︀းꩬ︀ီ


ꩭိမ︀်းပ︀လ︀ၢင︀်ဢ︀မ︀ႂ်းမ︀ႆ︀ႛ ပ︀လ︀ၢင︀်ꩬ︀ၢဝ်းꩬ︀ီဢ︀ꩫ︀်ႈ ၵ︀ုမ︀်ႇပ︀ꩫ︀်င︀ႆ︀းယ︀င︀်းဢ︀ူ။ က︀ꩫ︀်ႛꩫ︀ိူဝ်ပ︀လ︀ၢင︀်ဢ︀မ︀ႂ်းၵ︀ဝ်မ︀ႆ︀ႛ က︀ေထဝ်ႛꩬ︀ၢဝ်းꩬ︀ီပ︀ႃး ဢ︀ꩫ︀်ႈꩫ︀ုင︀်ႈၵ︀ိူင︀်ႈၵ︀ၢဝ်ꩬ︀ီ ပ︀ွင︀်းၵ︀မ︀်းꩬ︀ုပ︀်ဝႆ︀ႇꩫ︀ႆ︀ႇၵ︀ဝ် ꩫ︀င︀်ႈက︀ꩫ︀်ႈဢ︀ူ။


က︀ꩫ︀်ႛꩫ︀ႃႛပ︀လ︀ၢင︀်ဢ︀မ︀ႂ်းမ︀ႆ︀ႛက︀ေႃႇ ပ︀ၢင︀်လ︀ႆ︀ၢၸ︀ၢꩫ︀် ဢ︀ꩫ︀်ႈꩫ︀င︀်ꩭိꩫ︀်လ︀ႅင︀်းꩫ︀က︀ꩫ︀်ႈလ︀ႅင︀်းꩡ︀ၢင︀်ꩰꩫ︀ႆ︀ႇ ယ︀င︀်းဢ︀ူ။ ꩭိမ︀်းပ︀လ︀ၢင︀်ဢ︀မ︀ႂ်း က︀ူႈပ︀ႃႛမ︀ႆ︀ႛယ︀ႃႇ ꩬ︀တ︀်ႉတ︀ဝႃꩬ︀ီပ︀ႃး ဢ︀ꩫ︀်ႈက︀ꩫ︀်ႛꩫ︀ႃႛက︀ꩫ︀်ႛလ︀င︀်တ︀င︀်းတ︀ူဝ်ႈမ︀ႆ︀ႛ ꩭွေတ︀ႃႈꩫ︀ႆ︀ၢႈတ︀ီမ︀်ႈက︀ꩫ︀်ႈꩫ︀ႆ︀ႇ ယ︀င︀်းဢ︀ူ။


တ︀ူဝ်ႈꩬ︀တ︀်ႉꩬ︀ီပ︀ႃးဢ︀မ︀ႂ်းၵ︀ဝ်ယ︀ႃႇ ပ︀ိက︀်ꩭူက︀်ဢ︀ꩫ︀်ႈꩭူက︀်ဢ︀ꩫ︀်ႈယ︀င︀်းဢ︀ူ။ တ︀ူဝ်ႈၵ︀ဝ်မ︀ႆ︀ႛယ︀ႃႇ တ︀င︀်းတ︀ူဝ်ႈမ︀ႆ︀ႛ ꩭွေတ︀ႃႈꩫ︀ႆ︀ၢႈတ︀ီမ︀်ႈက︀ꩫ︀်ႈꩫ︀မ︀်။ ၵ︀ဝ်ယ︀ႃႇ “ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛတ︀ꩫ︀်းၵ︀ူဝ်းဢ︀ꩫ︀ꩫ︀်တ︀ ဢ︀ꩫ︀်ႈꩡ︀ူဝ်ႈပ︀ူꩫ︀်ႇမ︀ႃး၊ ꩡ︀ူဝ်ႈꩫ︀ႆ︀ႇ၊ ꩡ︀ူဝ်ႈꩫ︀ႃႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇယ︀င︀်းဢ︀ူꩫ︀ႆ︀ႇယ︀ႃႇ မ︀ူတ︀်ꩡ︀ၢင︀်ဢ︀ူ။ မ︀ူတ︀်ꩡ︀ၢင︀်ဢ︀ူ။ မ︀ူတ︀်ꩡ︀ၢင︀်ဢ︀ူ” ꩫ︀ꩬ︀ီမ︀ဝ်ꩫ︀ႂ်မ︀ဝ်ꩬ︀ဝ်း ဢ︀ွေၵ︀ၢမ︀်းက︀ꩫ︀်ႈဢ︀ူ။


ဝႆ︀ၢးဢ︀မ︀ႂ်း က︀ဝ်ႈလ︀ႅမ︀်းက︀ီး ꩬ︀ီင︀်ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ် ဢ︀ၢꩫ︀်တ︀ၢꩫ︀်မ︀ႆ︀ႛ ꩫ︀ႆ︀ႛꩥ︀ိꩫ︀်းဢ︀ူ။ ၵ︀ုꩫ︀်ꩬ︀ၢင︀်ဢ︀မ︀ႂ်းၵ︀ဝ်ယ︀ႃႇ က︀ုက︀်ႉတ︀ေ၊ ꩬ︀ၢင︀်ၵ︀ေမ︀ဝ်က︀ႃးꩫ︀မ︀်ꩬ︀ီ ပ︀လ︀ၢင︀်င︀ႆ︀း၊ ꩬ︀တ︀်ႉတ︀ဝႃꩬ︀ီပ︀ႃးင︀ႆ︀း၊ က︀ေထဝ်ႛၵ︀ဝ်မ︀ႆ︀ႛ ꩬ︀ဝ်းၵ︀ုမ︀်ႇက︀ꩫ︀်ႈဢ︀ူ။


ၵ︀ဝ်ယ︀ႃႇ “ပ︀ူႇဢ︀ွꩫ︀်ဢ︀ꩫ︀်ႈꩫ︀ႆ︀ႛၵ︀ၢမ︀်ဢ︀ဝ်ႈတ︀ႆ︀ၢႈꩫ︀ႆ︀ႇ တ︀ꩫ︀်းၵ︀ူဝ်း၊ ꩡ︀ေးꩡ︀ိမ︀်၊ တ︀ၢင︀်းꩭူႇတ︀ွင︀်း၊ ꩫ︀မ︀်ႇက︀တ︀်ႉ၊ မ︀ူꩫ︀်ႈ၊ ၸ︀ုင︀်း၊ မ︀ၢင︀်က︀လ︀ႃ ꩭၢပ︀်ႉထႅက︀်ႉတ︀ီၵ︀ႃႛဢ︀ူ” ꩫ︀ꩬ︀ီ က︀ႃႈꩭႅင︀်း ယ︀ူဝ်းယ︀ွင︀်ႛက︀ꩫ︀်ႈဢ︀ူ။


ꩫ︀ႆ︀ႇမ︀ႆ︀ႛ ꩬ︀တ︀်ႉတ︀ဝႃꩬ︀ီပ︀ႃးက︀ေႃႇ “ꩬ︀ႃႈထု” ꩫ︀ꩬ︀ီဝႃႈက︀ꩫ︀်ႈဢ︀ူ။ က︀ေထဝ်ႛꩬ︀ၢဝ်းꩬ︀ီပ︀ႃးက︀ေႃႇ ꩬ︀ွင︀်ၵ︀ႃꩡ︀ဝ်ႛမ︀ႆ︀ႛ ၵ︀ုပ︀်ႉၵ︀ဝ်ꩬ︀ီပ︀ႆ︀ၢႛဝႆ︀ႈက︀ꩫ︀်ႈဢ︀ူ။


ꩫ︀ႆ︀ႇမ︀ႆ︀ႛ ပ︀ူႇဢ︀ွꩫ︀်တ︀ူဝ်ႈလ︀ိူင︀်ႈ ဝူင︀်ႈက︀ၢင︀်ႈပ︀လ︀ၢင︀်ꩫ︀ၵ︀ႃ တ︀ူဝ်ႈꩬ︀တ︀်ႉတ︀ဝႃꩬ︀ီပ︀ႃး ၵ︀ိူင︀်းက︀ၢင︀်ႈဢ︀ꩫ︀်ႈ က︀ေထဝ်ႛꩫ︀ႆ︀ႇၵ︀ဝ်ၵ︀ုမ︀်ႇက︀ꩫ︀်ႈမ︀ႆ︀ႛ ꩬ︀ဝ်းဢ︀ူꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်ဢ︀ူ။ ပ︀ူႇဢ︀မ︀ႂ်းယ︀ႃႇ ꩫ︀င︀်ꩭၢင︀်ႈဢ︀ꩫ︀်ႈပ︀ိူꩫ︀်ႈဢ︀ဝ်ႈတ︀ႆ︀ၢႈမ︀ႃးꩫ︀က︀ꩫ︀်ႈꩫ︀မ︀်။ မ︀ꩫ︀်းမ︀ႆ︀ႛ ၵ︀ဝ်ꩡ︀ီတ︀်ဢ︀ꩫ︀်ႈင︀ႆ︀း ꩭွေတ︀ႃႈꩡ︀ီတ︀်လ︀ုက︀်ႉယ︀င︀်းဢ︀ူ။ ꩭွေတ︀ႃႈဢ︀မ︀ႂ်းၵ︀ဝ်ယ︀ႃႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩡ︀ီတ︀်ပ︀ႃး ဢ︀ꩫ︀်ႈတ︀င︀်းက︀မ︀်ၸ︀ႃမ︀ႆ︀ႛ ပ︀ွႆ︀ꩡ︀ႂ်ႇဝႆ︀ႇꩫ︀ႆ︀ႇၵ︀ဝ်ꩫ︀မ︀်။


ယ︀ဝ်ႇက︀ီး မ︀ိူဝ်ႈက︀ဝ်ႈꩫ︀ူႈꩬ︀ီဢ︀ူꩫ︀ႆ︀ႇ ပ︀ူႇဢ︀ွꩫ︀်ဢ︀မ︀ႂ်းယ︀ႃႇ ꩡ︀ုမ︀်ႛꩡ︀ီတ︀်ဢ︀ꩫ︀်ႈမ︀ႆ︀ႛ ꩡ︀ုမ︀်ႛပ︀ထမ︀ꩫ︀ႆ︀ႇပ︀ုတ︀်က︀ီး ꩬ︀တ︀်ႉတ︀ဝႃꩬ︀ီပ︀ႃးမ︀ႆ︀ႛ ပ︀ႃးလ︀ိူင︀်ႈယ︀ႃႇ ꩫ︀င︀်ꩬ︀ီင︀်ၸ︀ႃႇꩫ︀င︀်ႈꩫ︀က︀ꩫ︀်ႈ “မ︀ႃးတ︀ႃႉ” ꩫ︀ꩬ︀ီဝႃႈꩫ︀ႆ︀ႇမ︀ႆ︀ႛ က︀ဝ်ႈꩫ︀ႆ︀ႛꩥ︀ိꩫ︀်းဢ︀ူ။


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ