ၿျႃၻိက︀်ႉ 5:6 - Khamti Shan

⁶ ꩫ︀ႆ︀ႇမ︀ႆ︀ႛ ပ︀ူႇဢ︀ွꩫ︀်တ︀ူဝ်ႈလ︀ိူင︀်ႈ ဝူင︀်ႈက︀ၢင︀်ႈပ︀လ︀ၢင︀်ꩫ︀ၵ︀ႃ တ︀ူဝ်ႈꩬ︀တ︀်ႉတ︀ဝႃꩬ︀ီပ︀ႃး ၵ︀ိူင︀်းက︀ၢင︀်ႈဢ︀ꩫ︀်ႈ က︀ေထဝ်ႛꩫ︀ႆ︀ႇၵ︀ဝ်ၵ︀ုမ︀်ႇက︀ꩫ︀်ႈမ︀ႆ︀ႛ ꩬ︀ဝ်းဢ︀ူꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်ဢ︀ူ။ ပ︀ူႇဢ︀မ︀ႂ်းယ︀ႃႇ ꩫ︀င︀်ꩭၢင︀်ႈဢ︀ꩫ︀်ႈပ︀ိူꩫ︀်ႈဢ︀ဝ်ႈတ︀ႆ︀ၢႈမ︀ႃးꩫ︀က︀ꩫ︀်ႈꩫ︀မ︀်။ မ︀ꩫ︀်းမ︀ႆ︀ႛ ၵ︀ဝ်ꩡ︀ီတ︀်ဢ︀ꩫ︀်ႈင︀ႆ︀း ꩭွေတ︀ႃႈꩡ︀ီတ︀်လ︀ုက︀်ႉယ︀င︀်းဢ︀ူ။ ꩭွေတ︀ႃႈဢ︀မ︀ႂ်းၵ︀ဝ်ယ︀ႃႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩡ︀ီတ︀်ပ︀ႃး ဢ︀ꩫ︀်ႈတ︀င︀်းက︀မ︀်ၸ︀ႃမ︀ႆ︀ႛ ပ︀ွႆ︀ꩡ︀ႂ်ႇဝႆ︀ႇꩫ︀ႆ︀ႇၵ︀ဝ်ꩫ︀မ︀်။

ၿျႃၻိက︀်ႉ 5:6 ပူးပေါင်းရင်းမြစ်များ

လ︀ုက︀ႃ 1:69

မ︀ꩫ︀်းꩡ︀ဝ်ႛ လ︀ုက︀်ႉလ︀ꩫ︀်ꩬ︀ူꩭဝ်းꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ ၵ︀ေꩬ︀ေꩭႂ်ႛက︀ွတ︀်ꩫ︀ꩬ︀ီ ပ︀ရ︀ေႃးၸ︀ႅတ︀်ႉမ︀ိူဝ်ႈꩫ︀ꩫ︀်ႇ ဢ︀ꩫ︀်ႈမ︀ူတ︀်ꩡ︀ၢင︀်ꩫ︀ႆ︀ႇၵ︀ဝ် က︀တ︀ိꩭႂ်ႛမ︀ႃးꩫ︀က︀ꩫ︀်ႈ ꩭဝ်းမ︀ႆ︀ႛ လ︀ုက︀်ႉၵ︀ိူဝ်းၸ︀ူႛꩡ︀ႂ်ႇမ︀ꩫ︀်း ၻႃဝိမ︀ႆ︀ႛ ꩡ︀ဝ်ႛၵ︀ေꩬ︀ေဢ︀ꩫ︀်ႈတ︀ꩫ︀်းၵ︀ူဝ်းယ︀ႂ် ပ︀ွႆ︀ꩡ︀ႂ်ႇꩭႂ်ႛမ︀ႃးယ︀ဝ်ႇ။

ယ︀ေႃးꩭၢꩫ︀် 1:29

ꩫ︀င︀်မ︀ိူဝ်ႈꩭုက︀်ႉ ꩡ︀ဝ်ႛယ︀ေꩬ︀ုက︀ျွႃးမ︀ႃးꩫ︀ႆ︀ႇမ︀ႆ︀ႛ ꩬ︀ြႃယ︀ေႃးꩭၢꩫ︀်ꩭꩫ︀်က︀ီး “ပ︀ူႇဢ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈပ︀ႃႉဢ︀ပ︀ႅတ︀်ႉမ︀ိူင︀်းက︀ၢင︀်ႈက︀ႃꩫ︀ႆ︀ႇမ︀ႆ︀ႛ လ︀ႅမ︀်းလ︀ႃး။

ယ︀ေႃးꩭၢꩫ︀် 1:36

ꩡ︀ဝ်ႛယ︀ေꩬ︀ု က︀ျွႃးမ︀ႃးꩫ︀ႆ︀ႇမ︀ႆ︀ႛꩭꩫ︀်က︀ီး ꩬ︀ြႃယ︀ေႃးꩭၢꩫ︀်ယ︀ႃႇ “ပ︀လ︀ေႃး ꩡ︀ဝ်ႛဢ︀မ︀ႂ်းꩬ︀ႃး ပ︀ူႇဢ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 8:32

လ︀ွင︀်ႈဢ︀ꩫ︀်ႈမ︀ꩫ︀်းဢ︀ၢꩫ︀်ꩬ︀ီဢ︀ူꩫ︀ႆ︀ႇယ︀ႃႇ “ꩫ︀င︀်ပ︀ူႇဢ︀ꩫ︀်ႈတ︀ီဢ︀ဝ်ႈက︀ႃပ︀ူဝ်ႇꩫ︀က︀ꩫ︀်ႈ မ︀ꩫ︀်းꩡ︀ဝ်ႛမ︀ႆ︀ႛပ︀ိူꩫ︀်ႈ ဢ︀ဝ်ႈက︀ႃယ︀ဝ်ႇ။ မ︀ိူဝ်ႈꩭိပ︀်ၵ︀ူꩫ︀်ꩫ︀ႆ︀ႇ ပ︀ူႇဢ︀ွꩫ︀်မ︀ဝ်ꩭွင︀်ႇတ︀ႆ︀ၢႈꩫ︀က︀ꩫ︀်ႈ မ︀ꩫ︀်းꩡ︀ဝ်ႛက︀ေႃႇ တ︀ီတ︀်ꩡ︀ိပ︀်ႉꩰꩬ︀ီဢ︀ူဢ︀ူ။

ၿျႃၻိက︀်ႉ 1:4

က︀ဝ်ႈယ︀ေႃးꩭၢꩫ︀် ꩡ︀ိူဝ်းꩡ︀ဝ်ႛꩡ︀ေႈဝီင︀်းဢ︀ႃꩬ︀ျ ꩡ︀ီတ︀်ပ︀ႃးမ︀ႆ︀ႛ လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩡ︀ူဝ်ႈပ︀ူꩫ︀်ႇမ︀ႃး၊ ꩡ︀ူဝ်ႈꩫ︀ႆ︀ႇ၊ ꩡ︀ူဝ်ႈꩫ︀ႃႛ မ︀ိူဝ်ႈလ︀ႂ်ႈက︀ေႃႇယ︀င︀်းꩬ︀ီဢ︀ူꩫ︀ႆ︀ႇင︀ႆ︀း ၵ︀ွꩫ︀်ꩡ︀ီတ︀်ပ︀ႃး ဢ︀ꩫ︀်ႈဢ︀ူပ︀ၢင︀်ႈꩫ︀ႃႛပ︀လ︀ၢင︀်မ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ် ꩬ︀ူꩡ︀ဝ်ႛတ︀င︀်းလ︀ုင︀်မ︀ႆ︀ႛ ဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃက︀တ︀ႃႉ။

ၿျႃၻိက︀်ႉ 12:11

ၵ︀ုꩫ︀်ꩬ︀ူင︀်ဢ︀ꩫ︀်ႈ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ တ︀ၢင︀်ဢ︀ပ︀ႅတ︀်ႉမ︀ႆ︀ႛ ဢ︀ဝ်ႈꩫ︀ိူတ︀်ႉပ︀ူႇဢ︀ွꩫ︀်ꩫ︀ၵ︀ႃ ဢ︀ဝ်ႈၵ︀ၢဝ်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈၵ︀ဝ်တ︀ႅဝ်ꩫ︀ႆ︀ႇ ပ︀ေႇဢ︀ွင︀်ယ︀ဝ်ႇ။ ၵ︀ဝ်ယ︀ႃႇ ꩬ︀င︀်ဝႃႈထုက︀်ꩫ︀ီႈတ︀ႆ︀ၢႈက︀ီး ၵ︀ၢမ︀်တ︀ႆ︀ၢႈက︀ွတ︀်ꩫ︀ꩬ︀ီတ︀မ︀ိူင︀်း ꩭႅမ︀်းဝႆ︀ႇက︀ꩫ︀်ႈဢ︀ူ။

ၿျႃၻိက︀်ႉ 13:8

က︀ူꩫ︀်းဢ︀ꩫ︀်ႈပ︀ၢပ︀်ႉဢ︀ꩬ︀ၢက︀်ႉပ︀ူႇဢ︀ွꩫ︀် ဢ︀ꩫ︀်ႈပ︀ိူꩫ︀်ႈဢ︀ဝ်ႈတ︀ႆ︀ၢႈက︀ႃမ︀ႆ︀ႛ ဢ︀ꩫ︀်ႈလ︀ုက︀်ႉမ︀ိူဝ်ႈက︀မ︀်ၸ︀ႃတ︀ေပ︀ုꩫ︀်ႛ ꩡ︀ိုဝ်ႈမ︀ဝ်လ︀ွေႛꩫ︀ႆ︀ႇၵ︀ဝ်တ︀င︀်းမ︀ိူင︀်းယ︀ႃႇ တ︀ူဝ်ႈꩭႆ︀ၢႇဢ︀မ︀ႂ်းမ︀ႆ︀ႛ တ︀ီပ︀ႆ︀ၢႛဝႆ︀ႈက︀ꩫ︀်ႈꩫ︀မ︀်။

ၿျႃၻိက︀်ႉ 14:1

ဝၢႆ︀းꩫ︀ႆ︀ႇ က︀ဝ်ႈလ︀ႅမ︀်းက︀ီး က︀ꩫ︀်ႛꩫ︀ိူဝ်ꩫ︀ွႆ︀ႈꩡ︀ီဢ︀ုꩫ︀်မ︀ႆ︀ႛ ပ︀ူႇဢ︀ွꩫ︀်ꩬ︀ဝ်းဢ︀ူဢ︀ူ။ က︀ူꩫ︀်းဢ︀ꩫ︀်ႈ ꩫ︀ႃႛၸ︀က︀်မ︀ႆ︀ႛ ꩡ︀ိုဝ်ႈမ︀ꩫ︀်းꩡ︀ဝ်ႛꩫ︀ၵ︀ႃ ꩡ︀ိုဝ်ႈပ︀ူဝ်မ︀ꩫ︀်းꩡ︀ဝ်ႛ တ︀ႅမ︀်ႛဝႆ︀ႇꩫ︀ႆ︀ႇၵ︀ဝ် ႑႔႔႐႐႐ က︀ူဝ်ႇက︀ေႃႇ တ︀င︀်းမ︀ꩫ︀်းꩡ︀ဝ်ႛဢ︀ူဢ︀ူ။

ၿျႃၻိက︀်ႉ 17:14

ꩡ︀ဝ်ႛꩭူဝ်ၵ︀မ︀်းꩫ︀ႆ︀ႇၵ︀ဝ် ပ︀ူႇဢ︀ွꩫ︀်မ︀ႆ︀ႛ တ︀ီတ︀ိက︀်ꩬ︀ိူက︀်ꩫ︀မ︀်။ ꩫ︀ႆ︀ႇꩫ︀က︀ေႃႇ ပ︀ူႇဢ︀ွꩫ︀်ယ︀ႃႇ ပ︀ီꩫ︀်ႈꩡ︀ဝ်ႛꩫ︀ိူဝ်ꩡ︀ဝ်ႛတ︀င︀်းမ︀ိူင︀်း၊ ꩡ︀ဝ်ႛꩭူဝ်ၵ︀မ︀်းꩫ︀ိူဝ်ꩡ︀ဝ်ႛꩭူဝ်ၵ︀မ︀်းတ︀င︀်းမ︀ိူင︀်းꩫ︀ႆ︀ႇꩬ︀ီ ၵ︀ဝ်မ︀ႆ︀ႛတ︀ီပ︀ေႇꩫ︀မ︀်။ က︀ူꩫ︀်းမ︀ꩫ︀်းꩡ︀ဝ်ႛ ဢ︀ꩫ︀်ႈမ︀ꩫ︀်းꩡ︀ဝ်ႛꩭွင︀်ႇဝႆ︀ႇ၊ လ︀ိူက︀်ႉဝႆ︀ႇꩬ︀ီ ꩬ︀ႅတ︀်ႉꩡ︀ႃယ︀င︀်းꩫ︀ႆ︀ႇၵ︀ဝ်က︀ေႃႇ တ︀င︀်းမ︀ꩫ︀်းꩡ︀ဝ်ႛ တ︀ီꩭူမ︀်ႈပ︀ေႇဢ︀ွင︀်ꩫ︀မ︀်” ꩫ︀ဝꩫ︀်ႇ။

ၿျႃၻိက︀်ႉ 21:22

ဝီင︀်းဢ︀မ︀ႂ်းမ︀ႆ︀ႛ ꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛယ︀ႃႇ က︀ဝ်ႈꩵ︀ႈꩭꩫ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛတ︀ꩫ︀်းၵ︀ူဝ်းဢ︀ꩫ︀ꩫ︀်တ︀ꩫ︀ၵ︀ႃ ပ︀ူႇဢ︀ွꩫ︀်ꩡ︀ဝ်ႛယ︀ႃႇ ꩡ︀ွင︀်းၿိက︀်ႉမ︀ၢꩫ︀်ဝီင︀်းဢ︀မ︀ႂ်းꩫ︀မ︀်။

ၿျႃၻိက︀်ႉ 21:23

မ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ တ︀င︀်းဝီင︀်းမ︀ႆ︀ႛ ဢ︀ဝ်ႈလ︀ႅင︀်းꩭႂ်ႛင︀ႆ︀း ပ︀ူႇဢ︀ွꩫ︀်က︀ေႃႇ ဝၢꩫ︀်ၸ︀ႆ︀းဝီင︀်းဢ︀မ︀ႂ်းꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩡ︀ႃႇဝီင︀်းဢ︀မ︀ႂ်းယ︀ႃႇ ꩭႂ်ႛပ︀ူဝ်းလ︀ႅင︀်းꩫ︀ႆ︀ႇ ꩫ︀ႅတ︀်က︀ေႃႇꩵ︀ႈꩭၢင︀်ႇ။ ꩫ︀ိူꩫ︀်ႈက︀ေႃႇꩵ︀ႈꩭၢင︀်ႇ။

ၿျႃၻိက︀်ႉ 22:1

ဝႆ︀ၢးꩫ︀ႆ︀ႇ ၵ︀ုꩫ︀်ꩬ︀ၢင︀်ယ︀ႃႇ ꩫ︀မ︀်ႇၵ︀ေးဢ︀ꩫ︀်ႈꩭႂ်ႛဢ︀ꩬ︀ၢက︀်ႉꩫ︀ႆ︀ႇ က︀ဝ်ႈမ︀ႆ︀ႛပ︀ျႃးဢ︀ူ။ ꩫ︀မ︀်ႇဢ︀မ︀ႂ်းယ︀ႃႇ ဢ︀ꩫ︀်ႈꩫ︀င︀်ꩭိꩫ︀်လ︀ႅင︀်းꩫ︀က︀ꩫ︀်ႈ လ︀ႅင︀်းꩡ︀ၢင︀်ꩰꩬ︀ီ လ︀ုက︀်ႉပ︀လ︀ၢင︀်ဢ︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃပ︀ူႇဢ︀ွꩫ︀်ꩫ︀င︀်ႈမ︀ႆ︀ႛ လ︀ႆ︀ဢ︀ွက︀်မ︀ႃးင︀ႆ︀း

ၿျႃၻိက︀်ႉ 22:3

က︀ꩫ︀်ႛꩫ︀ႂ်းဝီင︀်းဢ︀မ︀ႂ်းမ︀ႆ︀ႛယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ဝ်ꩭၢပ︀်ႉꩫ︀ꩫ︀ႆ︀ႇ က︀ꩬ︀င︀်က︀ေႃႇ ꩵ︀ႈယ︀င︀်းယ︀ဝ်ႇ။ ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ပ︀ူႇဢ︀ွꩫ︀်ယ︀ႃႇ ꩫ︀ႂ်းဝီင︀်းဢ︀မ︀ႂ်းမ︀ႆ︀ႛ ꩫ︀င︀်ႈပ︀လ︀ၢင︀်ꩬ︀ီ ၸ︀ူႛꩡ︀ႂ်ႇမ︀ꩫ︀်းꩡ︀ဝ်ႛၵ︀ဝ်က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ီပ︀ႆ︀ၢႛဝႆ︀ႈက︀ꩫ︀်ႈꩫ︀မ︀်။

ၿျႃၻိက︀်ႉ 4:8

တ︀ူဝ်ႈꩬ︀တ︀်ႉꩬ︀ီပ︀ႃးဢ︀မ︀ႂ်းၵ︀ဝ်ယ︀ႃႇ ပ︀ိက︀်ꩭူက︀်ဢ︀ꩫ︀်ႈꩭူက︀်ဢ︀ꩫ︀်ႈယ︀င︀်းဢ︀ူ။ တ︀ူဝ်ႈၵ︀ဝ်မ︀ႆ︀ႛယ︀ႃႇ တ︀င︀်းတ︀ူဝ်ႈမ︀ႆ︀ႛ ꩭွေတ︀ႃႈꩫ︀ႆ︀ၢႈတ︀ီမ︀်ႈက︀ꩫ︀်ႈꩫ︀မ︀်။ ၵ︀ဝ်ယ︀ႃႇ “ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛတ︀ꩫ︀်းၵ︀ူဝ်းဢ︀ꩫ︀ꩫ︀်တ︀ ဢ︀ꩫ︀်ႈꩡ︀ူဝ်ႈပ︀ူꩫ︀်ႇမ︀ႃး၊ ꩡ︀ူဝ်ႈꩫ︀ႆ︀ႇ၊ ꩡ︀ူဝ်ႈꩫ︀ႃႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇယ︀င︀်းဢ︀ူꩫ︀ႆ︀ႇယ︀ႃႇ မ︀ူတ︀်ꩡ︀ၢင︀်ဢ︀ူ။ မ︀ူတ︀်ꩡ︀ၢင︀်ဢ︀ူ။ မ︀ူတ︀်ꩡ︀ၢင︀်ဢ︀ူ” ꩫ︀ꩬ︀ီမ︀ဝ်ꩫ︀ႂ်မ︀ဝ်ꩬ︀ဝ်း ဢ︀ွေၵ︀ၢမ︀်းက︀ꩫ︀်ႈဢ︀ူ။

ၿျႃၻိက︀်ႉ 5:11

ဝႆ︀ၢးဢ︀မ︀ႂ်း က︀ဝ်ႈလ︀ႅမ︀်းက︀ီး ꩬ︀ီင︀်ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ် ဢ︀ၢꩫ︀်တ︀ၢꩫ︀်မ︀ႆ︀ႛ ꩫ︀ႆ︀ႛꩥ︀ိꩫ︀်းဢ︀ူ။ ၵ︀ုꩫ︀်ꩬ︀ၢင︀်ဢ︀မ︀ႂ်းၵ︀ဝ်ယ︀ႃႇ က︀ုက︀်ႉတ︀ေ၊ ꩬ︀ၢင︀်ၵ︀ေမ︀ဝ်က︀ႃးꩫ︀မ︀်ꩬ︀ီ ပ︀လ︀ၢင︀်င︀ႆ︀း၊ ꩬ︀တ︀်ႉတ︀ဝႃꩬ︀ီပ︀ႃးင︀ႆ︀း၊ က︀ေထဝ်ႛၵ︀ဝ်မ︀ႆ︀ႛ ꩬ︀ဝ်းၵ︀ုမ︀်ႇက︀ꩫ︀်ႈဢ︀ူ။

ၿျႃၻိက︀်ႉ 5:12

ၵ︀ဝ်ယ︀ႃႇ “ပ︀ူႇဢ︀ွꩫ︀်ဢ︀ꩫ︀်ႈꩫ︀ႆ︀ႛၵ︀ၢမ︀်ဢ︀ဝ်ႈတ︀ႆ︀ၢႈꩫ︀ႆ︀ႇ တ︀ꩫ︀်းၵ︀ူဝ်း၊ ꩡ︀ေးꩡ︀ိမ︀်၊ တ︀ၢင︀်းꩭူႇတ︀ွင︀်း၊ ꩫ︀မ︀်ႇက︀တ︀်ႉ၊ မ︀ူꩫ︀်ႈ၊ ၸ︀ုင︀်း၊ မ︀ၢင︀်က︀လ︀ႃ ꩭၢပ︀်ႉထႅက︀်ႉတ︀ီၵ︀ႃႛဢ︀ူ” ꩫ︀ꩬ︀ီ က︀ႃႈꩭႅင︀်း ယ︀ူဝ်းယ︀ွင︀်ႛက︀ꩫ︀်ႈဢ︀ူ။

ၿျႃၻိက︀်ႉ 5:13

ယ︀ဝ်ႇက︀ီး ꩬ︀တ︀်ႉတ︀ဝႃဢ︀ꩫ︀်ႈ က︀ၢင︀်ႈꩭၢဝ်မ︀ႆ︀ႛတ︀မ︀ိူင︀်း၊ က︀ꩫ︀်ႛꩫ︀ိူဝ်လ︀င︀်ꩫ︀ိꩫ︀်ႈမ︀ႆ︀ႛတ︀မ︀ိူင︀်း၊ က︀ꩫ︀်ႛတ︀ႂ်ႛလ︀င︀်ꩫ︀ိꩫ︀်ႈမ︀ႆ︀ႛတ︀မ︀ိူင︀်း၊ ꩫ︀မ︀်ႇပ︀ၢင︀်လ︀ႆ︀ၢမ︀ႆ︀ႛတ︀မ︀ိူင︀်းယ︀င︀်းꩫ︀ႆ︀ႇၵ︀ဝ် တ︀င︀်းမ︀ိူင︀်းက︀ေႃႇ “ꩡ︀ဝ်ႛဢ︀ꩫ︀်ႈပ︀လ︀ၢင︀်မ︀ႆ︀ႛꩫ︀င︀်ႈꩫ︀ႆ︀ႇꩫ︀ၵ︀ႃ ပ︀ူႇဢ︀ွꩫ︀်ယ︀ႃႇ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ မ︀ၢင︀်က︀လ︀ႃ၊ မ︀ူꩫ︀်ႈ၊ ၸ︀ုင︀်း၊ ꩫ︀မ︀်ႇက︀တ︀်ႉ ꩭႂ်ႛယ︀င︀်းတ︀ီၵ︀ႃႛက︀တ︀ႃႉ” ꩫ︀ꩬ︀ီဢ︀ိဝ်က︀ꩫ︀်ႈꩫ︀ႆ︀ႇမ︀ႆ︀ႛ က︀ဝ်ႈꩫ︀ႆ︀ႛꩥ︀ိꩫ︀်းဢ︀ူ။

ၿျႃၻိက︀်ႉ 5:14

ꩫ︀ႆ︀ႇမ︀ႆ︀ႛ ꩬ︀တ︀်ႉတ︀ဝႃꩬ︀ီပ︀ႃးက︀ေႃႇ “ꩬ︀ႃႈထု” ꩫ︀ꩬ︀ီဝႃႈက︀ꩫ︀်ႈဢ︀ူ။ က︀ေထဝ်ႛꩬ︀ၢဝ်းꩬ︀ီပ︀ႃးက︀ေႃႇ ꩬ︀ွင︀်ၵ︀ႃꩡ︀ဝ်ႛမ︀ႆ︀ႛ ၵ︀ုပ︀်ႉၵ︀ဝ်ꩬ︀ီပ︀ႆ︀ၢႛဝႆ︀ႈက︀ꩫ︀်ႈဢ︀ူ။

ၿျႃၻိက︀်ႉ 6:16

ၵ︀ဝ်ယ︀ႃႇ ꩫ︀ွႆ︀ႈꩫ︀ႆ︀ႇၵ︀ဝ်၊ ၸ︀ႃꩭိꩫ︀်ꩫ︀ႆ︀ႇၵ︀ဝ်မ︀ႆ︀ႛ “က︀ꩫ︀်ႛꩫ︀ိူဝ်တ︀ူႈမ︀ႆ︀ႛ တ︀ူက︀်တ︀ီင︀်ႈမ︀ႃးတ︀ႃႉ။ ꩭႂ်ႛပ︀ူဝ်းꩡ︀ဝ်ႛဢ︀ꩫ︀်ႈꩫ︀င︀်ႈပ︀လ︀ၢင︀်ꩫ︀ႆ︀ႇ တ︀ူႈမ︀ႆ︀ႛမ︀ဝ်ꩭꩫ︀်ꩫ︀ႆ︀ႇ ပ︀ူႇဢ︀ွꩫ︀်ပ︀ူင︀်ႈတ︀ၢမ︀်က︀ီး ꩭႂ်ႛပ︀ူဝ်းတ︀ူႈမ︀ႆ︀ႛမ︀ဝ်ထုက︀်ꩫ︀ႆ︀ႇ တ︀ူႈမ︀ႆ︀ႛက︀ုမ︀်ႈꩭႂ်ႛမ︀ႃးတ︀ႃႉ။