ၿျႃၻိက︀်ႉ 3:12 - Khamti Shan

¹² က︀ူဝ်ႇဢ︀ꩫ︀်ႈပ︀ေႇဢ︀ွင︀်ꩫ︀ႆ︀ႇၵ︀ဝ်မ︀ႆ︀ႛယ︀ႃႇ ꩡ︀ွင︀်းၿိက︀်ႉမ︀ၢꩫ︀်ၸ︀ြႃးက︀ဝ်ႈမ︀ႆ︀ႛ တ︀ီဢ︀ဝ်ႈပ︀ီꩫ︀်ႈꩬ︀ဝ်ꩫ︀မ︀်။ ၵ︀ဝ်မ︀ႆ︀ႛမ︀ိူဝ်ႈလ︀ႂ်ႈက︀ေႃႇ လ︀ုက︀်ႉꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛ ꩵ︀ႈဢ︀ဝ်ႈဢ︀ွက︀်ယ︀ဝ်ႇ။ က︀ꩫ︀်ႛꩫ︀ိူဝ်ၵ︀ဝ်မ︀ႆ︀ႛ ꩡ︀ိုဝ်ႈၸ︀ြႃးက︀ဝ်ႈ၊ ꩡ︀ိုဝ်ႈဝီင︀်းၸ︀ြႃးက︀ဝ်ႈ ဝီင︀်းယ︀ေရ︀ုꩬ︀လ︀ိမ︀်မ︀ႂ် ဢ︀ꩫ︀်ႈလ︀ုက︀်ႉက︀ၢင︀်ႈꩭၢဝ် လ︀ုက︀်ႉၸ︀ြႃးက︀ဝ်ႈမ︀ႆ︀ႛ ဢ︀ွက︀်မ︀ႃးꩫ︀ႆ︀ႇ တ︀ီတ︀ႅမ︀်ႛꩭႂ်ႛꩫ︀မ︀်။ ꩡ︀ိုဝ်ႈမ︀ႂ်က︀ဝ်ႈက︀ေႃႇ တ︀ီတ︀ႅမ︀်ႛꩭႂ်ႛꩫ︀မ︀်။

ၿျႃၻိက︀်ႉ 3:12 ပူးပေါင်းရင်းမြစ်များ

မ︀ႃက︀ု 12:16

ၵ︀ဝ်က︀ေႃႇင︀ိူꩫ︀်းဢ︀ဝ်ႈမ︀ႃးက︀ီး မ︀ꩫ︀်းꩡ︀ဝ်ႛယ︀ႃႇ “င︀ိူꩫ︀်းꩫ︀ႆ︀ႇမ︀ႆ︀ႛꩭၢင︀်ႈၸ︀ႂ်၊ ꩡ︀ိုဝ်ႈၸ︀ႂ်ꩫ︀ႆ︀ တ︀ွက︀်ဝႆ︀ႇꩫ︀ႆ︀ႇ” ꩫ︀ꩬ︀ီၵ︀ဝ်မ︀ႆ︀ႛထၢမ︀်ဢ︀ူ။ ၵ︀ဝ်ယ︀ႃႇ “ꩭၢင︀်ႈꩡ︀ဝ်ႛꩭူဝ်ꩬ︀ႅင︀်ရ︀ေႃမ︀၊ ꩡ︀ိုဝ်ႈꩡ︀ဝ်ႛဝွင︀်ႇရ︀ေႃမ︀တ︀ီၵ︀ႃႛꩫ︀မ︀်” ꩫ︀ဝꩫ︀်ႇ။

က︀လ︀ႃတ︀ိ 2:9

ယ︀ႃက︀ု၊ ပ︀ေတ︀ရ︀ုင︀ႆ︀း ယ︀ေႃးꩭၢꩫ︀် ၸ︀ူႛဢ︀ꩫ︀်ႈ ꩭီတ︀်ꩭူဝ်ꩫ︀ႆ︀ႇၵ︀ဝ်ယ︀ႃႇ က︀ဝ်ႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀မ︀ူးလ︀ူင︀်ꩫ︀ႆ︀ႇပ︀ူင︀်ႈꩭႂ်ႛမ︀ႃးယ︀ဝ်ႇꩫ︀ꩫ︀ႆ︀ႇꩭၢပ︀်ႉၵ︀ၢမ︀်င︀ႆ︀းꩬ︀ီ ꩭၢင︀်းၵ︀ိူဝ်ၿႃꩫ︀ၿမ︀ႆ︀ႛ က︀တ︀ွက︀်ႉမ︀ိုဝ်းꩬ︀ီ ꩫ︀င︀်ၸ︀ူႛꩭူမ︀်ႈထၢမ︀်းဢ︀မ︀ူးꩫ︀က︀ꩫ︀်ႈ ꩭၢပ︀်ႉတ︀ွꩫ︀်ႛက︀ꩫ︀်ႈဢ︀ူ။ ꩫ︀ႆ︀ႇယ︀ႃႇ ꩫ︀င︀်ၵ︀ဝ်ꩫ︀ႂ်းက︀ျူးမ︀ႆ︀ႛ ꩭီတ︀်ဢ︀မ︀ူးꩫ︀က︀ꩫ︀်ႈ တ︀ူႈက︀ေႃႇꩫ︀ႂ်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ꩭီတ︀်က︀ွတ︀်ꩫ︀ꩬ︀ီ ꩡ︀ႂ်ႈၵ︀ူမ︀်က︀ꩫ︀်ႈꩫ︀ႆ︀ႇꩫ︀မ︀်။

ꩭေပ︀ရ︀ူး 12:22

ꩫ︀ႆ︀ႇꩫ︀က︀ေႃႇ ꩬ︀ူယ︀ႃႇ ꩫ︀ွႆ︀ႈꩡ︀ီဢ︀ုꩫ︀်ꩫ︀ၵ︀ႃ ဝီင︀်းယ︀ေရ︀ုꩬ︀လ︀ိမ︀်က︀ၢင︀်ႈꩭၢဝ် ဝီင︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈဢ︀ꩬ︀ၢက︀်ႉꩫ︀ိပ︀်မ︀ႆ︀ႛ ထိုင︀်မ︀ႃးယ︀ဝ်ႇ။ ဝီင︀်းဢ︀မ︀ႂ်းမ︀ႆ︀ႛ ꩬ︀ူတ︀င︀်းၵ︀ုꩫ︀်ꩬ︀ၢင︀်ၸ︀ြႃးပ︀ီꩫ︀်ႈꩡ︀ဝ်ႛ ꩫ︀မ︀်ꩰလ︀ၢႆ︀လ︀ၢႆ︀င︀ႆ︀း

ꩭေပ︀ရ︀ူး 13:14

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ိူင︀်းက︀ၢင︀်ႈꩫ︀ႆ︀ႇမ︀ႆ︀ႛယ︀ႃႇ ဝီင︀်းဢ︀ꩫ︀်ႈမ︀ꩫ︀်ႛတ︀ိူင︀်ႈꩡ︀ႃႇꩭဝ်းꩵ︀ႈယ︀င︀်း။ ꩭဝ်းယ︀ႃႇ ဝီင︀်းဢ︀ꩫ︀်ႈတ︀ီမ︀ႃးမ︀ႆ︀ႛꩫ︀မ︀် တ︀ႂ်းထႃႛက︀ꩫ︀်ႈဢ︀ူꩫ︀ႆ︀ႇ။

ယ︀ေႃးꩭၢꩫ︀် ႑ 4:4

ꩫ︀ႆ︀ႇꩫ︀က︀ေႃႇ လ︀ုက︀်ႉꩭၢက︀်ႉက︀ဝ်ႈၵ︀ဝ်ꩴး ꩬ︀ူပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ ပ︀ရ︀ေႃးၸ︀ႅတ︀်ႉမ︀ိက︀်ႉꩬ︀ႃဢ︀မ︀ႂ်းၵ︀ဝ်မ︀ႆ︀ႛ ပ︀ေႇဢ︀ွင︀်ယ︀ဝ်ႇ။ က︀ွပ︀်ႉပ︀ိူဝ်က︀ꩬ︀င︀်ꩫ︀ႆ︀ꩫ︀က︀ီး ၵ︀ွꩫ︀်ဢ︀ꩫ︀်ႈက︀ꩫ︀်ႛꩫ︀ႂ်းꩬ︀ူမ︀ႆ︀ႛၵ︀ိင︀်းꩫ︀ႆ︀ႇယ︀ႃႇ ၵ︀ွꩫ︀်ဢ︀ꩫ︀်ႈဢ︀ူပ︀ႃႛက︀ူꩫ︀်းမ︀ိူင︀်းက︀ၢင︀်ႈၵ︀ဝ်မ︀ႆ︀ႛ တ︀ꩫ︀်းၵ︀ူဝ်းယ︀ႂ်ꩬ︀ႃꩬ︀ီꩫ︀မ︀်။

ၿျႃၻိက︀်ႉ 14:1

ဝၢႆ︀းꩫ︀ႆ︀ႇ က︀ဝ်ႈလ︀ႅမ︀်းက︀ီး က︀ꩫ︀်ႛꩫ︀ိူဝ်ꩫ︀ွႆ︀ႈꩡ︀ီဢ︀ုꩫ︀်မ︀ႆ︀ႛ ပ︀ူႇဢ︀ွꩫ︀်ꩬ︀ဝ်းဢ︀ူဢ︀ူ။ က︀ူꩫ︀်းဢ︀ꩫ︀်ႈ ꩫ︀ႃႛၸ︀က︀်မ︀ႆ︀ႛ ꩡ︀ိုဝ်ႈမ︀ꩫ︀်းꩡ︀ဝ်ႛꩫ︀ၵ︀ႃ ꩡ︀ိုဝ်ႈပ︀ူဝ်မ︀ꩫ︀်းꩡ︀ဝ်ႛ တ︀ႅမ︀်ႛဝႆ︀ႇꩫ︀ႆ︀ႇၵ︀ဝ် ႑႔႔႐႐႐ က︀ူဝ်ႇက︀ေႃႇ တ︀င︀်းမ︀ꩫ︀်းꩡ︀ဝ်ႛဢ︀ူဢ︀ူ။

ၿျႃၻိက︀်ႉ 17:14

ꩡ︀ဝ်ႛꩭူဝ်ၵ︀မ︀်းꩫ︀ႆ︀ႇၵ︀ဝ် ပ︀ူႇဢ︀ွꩫ︀်မ︀ႆ︀ႛ တ︀ီတ︀ိက︀်ꩬ︀ိူက︀်ꩫ︀မ︀်။ ꩫ︀ႆ︀ႇꩫ︀က︀ေႃႇ ပ︀ူႇဢ︀ွꩫ︀်ယ︀ႃႇ ပ︀ီꩫ︀်ႈꩡ︀ဝ်ႛꩫ︀ိူဝ်ꩡ︀ဝ်ႛတ︀င︀်းမ︀ိူင︀်း၊ ꩡ︀ဝ်ႛꩭူဝ်ၵ︀မ︀်းꩫ︀ိူဝ်ꩡ︀ဝ်ႛꩭူဝ်ၵ︀မ︀်းတ︀င︀်းမ︀ိူင︀်းꩫ︀ႆ︀ႇꩬ︀ီ ၵ︀ဝ်မ︀ႆ︀ႛတ︀ီပ︀ေႇꩫ︀မ︀်။ က︀ူꩫ︀်းမ︀ꩫ︀်းꩡ︀ဝ်ႛ ဢ︀ꩫ︀်ႈမ︀ꩫ︀်းꩡ︀ဝ်ႛꩭွင︀်ႇဝႆ︀ႇ၊ လ︀ိူက︀်ႉဝႆ︀ႇꩬ︀ီ ꩬ︀ႅတ︀်ႉꩡ︀ႃယ︀င︀်းꩫ︀ႆ︀ႇၵ︀ဝ်က︀ေႃႇ တ︀င︀်းမ︀ꩫ︀်းꩡ︀ဝ်ႛ တ︀ီꩭူမ︀်ႈပ︀ေႇဢ︀ွင︀်ꩫ︀မ︀်” ꩫ︀ဝꩫ︀်ႇ။

ၿျႃၻိက︀်ႉ 2:11

ꩭူယ︀င︀်းက︀ီး ၵ︀ၢမ︀်းဢ︀ꩫ︀်ႈꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛဝႃႈꩫ︀ႆ︀ႇ ထွမ︀်က︀ꩫ︀်ႈတ︀ႃႉ။ က︀ူဝ်ႇဢ︀ꩫ︀်ႈပ︀ေႇဢ︀ွင︀်ꩫ︀ႆ︀ႇၵ︀ဝ်ယ︀ႃႇ တ︀ၢင︀်းတ︀ႆ︀ၢႈၵ︀ွꩫ︀်မ︀ႆ︀ႛꩫ︀ႆ︀ႛလ︀ွတ︀်ႉဢ︀ူ” ꩫ︀ဝꩫ︀်ႇ။

ၿျႃၻိက︀်ႉ 2:17

ꩭူယ︀င︀်းက︀ီး ၵ︀ၢမ︀်းဢ︀ꩫ︀်ႈꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛဝႃႈꩫ︀ႆ︀ႇ ထွမ︀်က︀ꩫ︀်ႈတ︀ႃႉ။ က︀ူဝ်ႇဢ︀ꩫ︀်ႈပ︀ေႇဢ︀ွင︀်ꩫ︀ႆ︀ႇၵ︀ဝ်မ︀ႆ︀ႛယ︀ႃႇ ၵ︀ဝ်ႛမ︀ုꩫ︀်းမ︀ၢꩫ︀်ꩫ︀ဢ︀ꩫ︀်ႈဢ︀ဝ်ႈပ︀ႆ︀ၢႈမ︀ႅပ︀်ဝႆ︀ႇꩫ︀ႆ︀ႇ တ︀ီꩭႂ်ႛꩫ︀မ︀်။ ၵ︀ဝ်မ︀ႆ︀ႛ ꩭိꩫ︀်ၸ︀ိူက︀်ဢ︀ꩫ︀်ႈꩡ︀ိုဝ်ႈမ︀ႂ်တ︀ႅမ︀်ႛဝႆ︀ႇ ဢ︀ꩫ︀်ႈၸ︀ႂ်က︀ေႃႇဢ︀ၢꩫ︀်မ︀ဝ်ꩡ︀ၢင︀်ႈꩫ︀ႆ︀ႇ တ︀ီꩭႂ်ႛꩫ︀မ︀်။ ꩡ︀ိုဝ်ႈဢ︀မ︀ႂ်းယ︀ႃႇ ၵ︀ဝ်က︀ူဝ်ႇဢ︀ꩫ︀်ႈꩭိꩫ︀်ဢ︀မ︀ႂ်းꩭၢပ︀်ႉဢ︀ဝ်ႈꩫ︀ႆ︀ႇၵ︀ဝ်ꩫ︀ႆ︀ၢႈꩫ︀မ︀် ဢ︀ၢꩫ︀်ꩡ︀ၢင︀်ႈꩫ︀ႆ︀ႇ” ꩫ︀ဝꩫ︀်ႇ။

ၿျႃၻိက︀်ႉ 2:7

ꩭူယ︀င︀်းက︀ီး ၵ︀ၢမ︀်းဢ︀ꩫ︀်ႈꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဝႃႈꩫ︀ႆ︀ႇ ထွမ︀်က︀ꩫ︀်ႈတ︀ႃႉ။ က︀ူဝ်ႇဢ︀ꩫ︀်ႈပ︀ေႇဢ︀ွင︀်ꩫ︀ႆ︀ႇၵ︀ဝ်မ︀ႆ︀ႛယ︀ႃႇ က︀ဝ်ႈမ︀က︀်ဢ︀ꩬ︀ၢက︀်ႉဢ︀ꩫ︀်ႈꩬ︀ူꩫ︀်ဢ︀ေတ︀ီꩫ︀်မ︀ႆ︀ႛယ︀င︀်းꩫ︀ႆ︀ႇ တ︀ီꩭႂ်ႛꩫ︀ႆ︀ႛက︀ိꩫ︀်ႈꩫ︀မ︀်” ꩫ︀ဝꩫ︀်ႇ။

ၿျႃၻိက︀်ႉ 21:2

ꩫ︀ႆ︀ႇမ︀ႆ︀ႛ ဝီင︀်းလ︀ူင︀်ဢ︀ꩫ︀်ႈမ︀ူတ︀်ꩡ︀ၢင︀် ဝီင︀်းယ︀ေရ︀ုꩬ︀လ︀ိမ︀်မ︀ႂ်ꩫ︀ႆ︀ႇ ꩫ︀င︀်ၸ︀ူႛꩬ︀ၢဝ်မ︀ႂ် ဢ︀ꩫ︀်ႈꩡ︀ႃႇၸ︀ူႛမ︀ၢဝ်မ︀ႂ် ꩭၢင︀်ႛၵ︀ိူင︀်ႈဝႆ︀ႇꩫ︀က︀ꩫ︀်ႈ လ︀ုက︀်ႉက︀ၢင︀်ႈꩭၢဝ် တ︀ီႈဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛၵ︀ိင︀်းမ︀ႆ︀ႛ လ︀ူင︀်းမ︀ႃးꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်ဢ︀ူ။

ၿျႃၻိက︀်ႉ 22:4

ꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛက︀ေႃႇ ၵ︀ဝ်တ︀ီꩫ︀ႆ︀ႛꩭꩫ︀်က︀ꩫ︀်ႈꩫ︀မ︀်။ ꩡ︀ိုဝ်ႈၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ ꩫ︀ႃႛၸ︀က︀်ၵ︀ဝ်မ︀ႆ︀ႛ တ︀ီတ︀ႅမ︀်ႛဝႆ︀ႇꩫ︀မ︀်။

ၿျႃၻိက︀်ႉ 3:5

က︀ူဝ်ႇဢ︀ꩫ︀်ႈပ︀ေႇဢ︀ွင︀်ꩫ︀ႆ︀ႇၵ︀ဝ်ယ︀ႃႇ ꩫ︀င︀်င︀ႆ︀းꩫ︀က︀ꩫ︀်ႈ ၵ︀ိူင︀်ႈၵ︀ၢဝ်တ︀ီꩫ︀ႆ︀ႛꩫ︀ုင︀်ႈꩫ︀မ︀်။ ꩡ︀ိုဝ်ႈၵ︀ဝ်မ︀ႆ︀ႛ က︀ဝ်ႈလ︀ုက︀်ႉပ︀ၢပ︀်ႉဢ︀ꩬ︀ၢက︀်ႉမ︀ႆ︀ႛ ꩵ︀ႈလ︀ုပ︀်ႉမ︀ွတ︀်ပ︀ိူင︀်ႈလ︀ူင︀်။ ၵ︀ဝ်ပ︀ီꩫ︀်ႈက︀ူꩫ︀်းက︀ဝ်ႈꩫ︀မ︀်ꩫ︀ꩫ︀ႆ︀ႇ ပ︀ၢင︀်ႈꩫ︀ႃႛပ︀ူဝ်က︀ဝ်ႈꩫ︀ၵ︀ႃ ၵ︀ုꩫ︀်ꩬ︀ၢင︀်မ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ က︀ဝ်ႈတ︀ီတ︀ႅဝ်ꩡ︀ုꩫ︀်ႈꩰလ︀ႅင︀်းꩰꩫ︀မ︀်။