ၿျႃၻိက︀်ႉ 22:9 - Khamti Shan

⁹ ꩫ︀ႆ︀ႇမ︀ႆ︀ႛ ၵ︀ုꩫ︀်ꩬ︀ၢင︀်ယ︀ႃႇ “က︀ဝ်ႈမ︀ႆ︀ႛပ︀ီပ︀ႆ︀ၢႛ။ က︀ဝ်ႈက︀ေႃႇ ၸ︀ူႛꩡ︀ႂ်ႇၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩫ︀င︀်မ︀ႂ်း၊ ꩫ︀င︀်ပ︀ရ︀ေႃးၸ︀ႅတ︀်ႉ ပ︀ီႈꩫ︀ွင︀်ႇမ︀ႂ်းꩫ︀ႆ︀ႇၵ︀ဝ်၊ ꩫ︀င︀်က︀ူꩫ︀်းဢ︀ꩫ︀်ႈၵ︀ၢမ︀်းၿျႃၻိက︀်ႉꩫ︀ႆ︀ႇမ︀ႆ︀ႛ ထွမ︀်ꩡ︀ွမ︀်းꩫ︀ႆ︀ႇၵ︀ဝ်ꩫ︀က︀ꩫ︀်ႈꩫ︀ႆ︀ၢႈꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀ိုင︀်ပ︀ႆ︀ၢႛတ︀ႃႉ” ꩫ︀ဝꩫ︀်ႇ။

ၿျႃၻိက︀်ႉ 22:9 ပူးပေါင်းရင်းမြစ်များ

မ︀တ︀်တ︀ႄး 4:9

ယ︀ဝ်ႇက︀ီး “မ︀ႂ်းက︀ဝ်ႈမ︀ႆ︀ႛၵ︀ုပ︀်ႉၵ︀ဝ်ꩬ︀ီပ︀ႆ︀ၢႛက︀ီး ဢ︀မ︀ႂ်းၵ︀ဝ်တ︀င︀်းမ︀ိူင︀်း မ︀ႂ်းမ︀ႆ︀ႛꩭႂ်ႛက︀ွတ︀်” ꩫ︀ဝꩫ︀်ႇ။

လ︀ုက︀ႃ 4:7

င︀ႆ︀းꩫ︀ႆ︀ႇꩬ︀ီ က︀ဝ်ႈမ︀ႆ︀ႛပ︀ႆ︀ၢႛက︀ီး ဢ︀မ︀ႂ်းၵ︀ဝ် မ︀ႂ်းꩡ︀ဝ်ႛမ︀ႆ︀ႛꩭႂ်ႛက︀ွတ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် ႑ 5:20

ꩡ︀ဝ်ႛယ︀ေꩬ︀ုၵ︀ရ︀ီတ︀် ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ိူင︀်းက︀ၢင︀်ႈမ︀ႆ︀ႛက︀ျွႃးမ︀ႃးꩬ︀ီ ꩭဝ်းမ︀ႆ︀ႛ ၸ︀ြႃးဢ︀ꩫ︀်ႈꩡ︀ႅတ︀်ႉဢ︀ꩫ︀်ႈမ︀ၢꩫ︀် ပ︀ျႃးꩭႂ်ႛမ︀ႃးယ︀ဝ်ႇꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။ ꩭဝ်းဢ︀ူꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ င︀ႆ︀ႚ ပ︀ီꩫ︀်ႈက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩡ︀ႅတ︀်ႉယ︀ဝ်ႇ။ ၸ︀ြႃးဢ︀ꩫ︀်ႈꩡ︀ႅတ︀်ႉဢ︀မ︀ႂ်းယ︀ႃႇ ဢ︀ꩬ︀ၢက︀်ႉထႃဝရ︀ꩫ︀မ︀်။

ၿျႃၻိက︀်ႉ 1:1

ဢ︀ꩫ︀်ႈꩫ︀ႆ︀ႇက︀ꩡ︀ံး ၿျႃၻိက︀်ႉဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ုတ︀်ပ︀ျႃး လ︀ွင︀်ႈဢ︀ꩫ︀်ႈမ︀ဝ်ꩭိုင︀်က︀ꩬ︀င︀် တ︀ီပ︀ီꩫ︀်ႈမ︀ႃးꩫ︀ႆ︀ႇၵ︀ဝ်ꩫ︀မ︀်။ မ︀ꩫ︀်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛၿျႃၻိက︀်ႉꩫ︀ႆ︀ႇ ပ︀ုတ︀်ပ︀ျႃးင︀ႆ︀း ၸ︀ူႛꩡ︀ႂ်ႇမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ ꩭႂ်ႛက︀ၢပ︀်ပ︀ုတ︀်ပ︀ျႃးꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုၵ︀ရ︀ီတ︀်က︀ေႃႇ ၵ︀ုꩫ︀်ꩬ︀ၢင︀်ပ︀ႃးလ︀ိူင︀်ႈမ︀ႆ︀ႛ ပ︀ွႆ︀ꩡ︀ႂ်ႇင︀ႆ︀းꩬ︀ီ ၸ︀ူႛꩡ︀ႂ်ႇမ︀ꩫ︀်းꩡ︀ဝ်ႛ ယ︀ေႃးꩭၢꩫ︀်မ︀ႆ︀ႛ ꩭႂ်ႛမ︀ႃးၵ︀ႆ︀ႈပ︀ျႃးꩫ︀မ︀်။

ၿျႃၻိက︀်ႉ 1:11

ꩬ︀ီင︀်ဢ︀မ︀ႂ်းယ︀ႃႇ က︀ဝ်ႈမ︀ႆ︀ႛ “ဢ︀ꩫ︀်ႈမ︀ႂ်းꩭꩫ︀်ꩫ︀ႆ︀ႇတ︀င︀်းမ︀ိူင︀်း ပ︀ၢပ︀်ႉမ︀ႆ︀ႛတ︀ႅမ︀်ႛဝႆ︀ႇꩬ︀ီ ꩡ︀ိူဝ်းꩡ︀ီတ︀်ပ︀ႃး ဢ︀ꩫ︀်ႈဢ︀ူဝီင︀်းဢ︀ေၸ︀ႅတ︀်၊ ဝီင︀်းꩡ︀မ︀ုရ︀ꩫ︀၊ ဝီင︀်းပ︀ေရ︀က︀ံ၊ ဝီင︀်းတ︀ွႃတ︀ိရ︀၊ ဝီင︀်းꩬ︀ႃတ︀ိ၊ ဝီင︀်းၸ︀ိလ︀ႃတ︀ႄၸ︀ိယ︀င︀ႆ︀း ဝီင︀်းလ︀ေႃတ︀ိက︀ိၵ︀ဝ်မ︀ႆ︀ႛ ꩬ︀ူင︀်ꩭႂ်ႛတ︀ႃႉ” ꩫ︀ဝꩫ︀်ႇ။

ၿျႃၻိက︀်ႉ 14:7

ၵ︀ုꩫ︀်ꩬ︀ၢင︀်ဢ︀မ︀ႂ်းယ︀ႃႇ “ယ︀ၢမ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ က︀ူꩫ︀်းက︀ူႈက︀ူဝ်ႇမ︀ႆ︀ႛ ပ︀ႅတ︀်ႉတ︀ြႃးꩫ︀ႆ︀ႇထိုင︀်မ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ က︀ူဝ်ႈယ︀မ︀်ႈꩬ︀ီ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။ ꩡ︀ဝ်ႛဢ︀ꩫ︀်ႈက︀ၢင︀်ႈꩭၢဝ်၊ လ︀င︀်ꩫ︀ိꩫ︀်ႈ၊ ꩫ︀မ︀်ႇꩬ︀မ︀်မ︀ုက︀်ႉတ︀ြႃင︀ႆ︀း ꩫ︀မ︀်ႇꩭွေႛꩫ︀ႆ︀ႇၵ︀ဝ်မ︀ႆ︀ႛ ၸ︀ၢꩫ︀်ꩬ︀ၢင︀်းꩫ︀ႆ︀ႇမ︀ႆ︀ႛ ပ︀ႆ︀ၢႛဝႆ︀ႈက︀ꩫ︀်ႈတ︀ႃႉ” ꩫ︀ꩬ︀ီတ︀ႅဝ်ဢ︀ူ။

ၿျႃၻိက︀်ႉ 15:4

ၵ︀ိင︀်းတ︀ူဝ်ꩡ︀ဝ်ႛမ︀ႆ︀ႛ မ︀ဝ်က︀ူဝ်ႈယ︀မ︀်ႈ၊ ꩡ︀ိုဝ်ႈၵ︀ိင︀်းꩡ︀ူဝ်ꩡ︀ဝ်ႛမ︀ႆ︀ႛ မ︀ဝ်ယ︀ူဝ်းယ︀ွင︀်ႛꩬ︀ီ ၸ︀ႂ်က︀ေႃႇဢ︀ူꩵ︀ႈပ︀ီꩫ︀်ႈတ︀ီၵ︀ႃႛ။ ၵ︀ိင︀်းတ︀ူဝ်ꩡ︀ဝ်ႛꩬ︀ူလ︀ိဝ်ႈꩫ︀ႆ︀ၢႈꩫ︀မ︀် မ︀ူတ︀်ꩡ︀ၢင︀်တ︀ီၵ︀ႃႛꩫ︀ႆ︀ႇ။ ဢ︀ꩫ︀်ႈၵ︀ိင︀်းတ︀ူဝ်ꩡ︀ဝ်ႛ ပ︀ႅတ︀်ႉတ︀ြႃးꩬ︀ိုဝ်ႈꩰꩫ︀ႆ︀ႇၵ︀ဝ်ယ︀ႃႇ ꩡ︀ုꩫ︀်ႈꩬ︀ၢက︀်ꩰꩫ︀ႆ︀ႇꩬ︀ီ က︀ူꩫ︀်းက︀ူႈၸ︀ꩫ︀်းꩫ︀ႆ︀ႇၵ︀ဝ် ၵ︀ိင︀်းတ︀ူဝ်ꩡ︀ဝ်ႛမ︀ႆ︀ႛ တ︀ီမ︀ႃးပ︀ႆ︀ၢႛဝႆ︀ႈက︀ꩫ︀်ႈတ︀ီၵ︀ႃႛꩫ︀မ︀်” ꩫ︀ꩬ︀ီဝႃႈက︀ꩫ︀်ႈဢ︀ူ။

ၿျႃၻိက︀်ႉ 19:10

ꩫ︀ႆ︀ႇမ︀ႆ︀ႛ က︀ဝ်ႈယ︀ႃႇ တ︀ႆ︀ၢႛတ︀ိꩫ︀်ႈမ︀ꩫ︀်းမ︀ႆ︀ႛ ပ︀ႅပ︀်ႉၵ︀ုပ︀်ႉꩬ︀ီ ပ︀ႆ︀ၢႛဝႆ︀ႈက︀ွတ︀်ꩫ︀က︀ီး မ︀ꩫ︀်းယ︀ႃႇ “က︀ဝ်ႈမ︀ႆ︀ႛ ပ︀ီပ︀ႆ︀ၢႛ။ က︀ဝ်ႈက︀ေႃႇ ꩫ︀င︀်မ︀ႂ်းꩫ︀က︀ꩫ︀်ႈꩫ︀မ︀်။ ၸ︀ူႛယ︀ုမ︀်ယ︀မ︀်ႈတ︀ၢင︀်က︀ူဝ်ႇꩫ︀ႆ︀ႇၵ︀ဝ်၊ ၸ︀ူႛဢ︀ꩫ︀်ႈꩬ︀မ︀်မ︀ႃတ︀ြႃးမ︀ႆ︀ႛ ပ︀ꩫ︀်ႛဝႆ︀ႇꩫ︀ႆ︀ႇၵ︀ဝ်င︀ႆ︀း ꩭဝ်းတ︀င︀်းမ︀ိူင︀်းယ︀ႃႇ ၸ︀ူႛꩡ︀ႂ်ႇၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ၢႈꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀ိုင︀် ပ︀ႆ︀ၢႛဝႆ︀ႈတ︀ႃႉ” ꩫ︀ဝꩫ︀်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀မ︀်မ︀ႃတ︀ြႃး ဢ︀ꩫ︀်ႈꩡ︀ဝ်ႛယ︀ေꩬ︀ုပ︀ုတ︀်ပ︀ျႃးꩫ︀ႆ︀ႇယ︀ႃႇ ဢ︀ꩫ︀်ႈပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ꩫ︀ေꩭႂ်ႛမ︀ႃးꩫ︀ႆ︀ႇꩫ︀မ︀်။

ၿျႃၻိက︀်ႉ 22:10

ယ︀ဝ်ႇက︀ီး မ︀ꩫ︀်းဝႃႈꩫ︀ႆ︀ႇ “ၵ︀ၢမ︀်းၿျႃၻိက︀်ႉဢ︀ꩫ︀်ႈပ︀ၢပ︀်ႉꩫ︀ႆ︀ႇမ︀ႆ︀ႛ တ︀ႅမ︀်ႛဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ပ︀ီဢ︀ဝ်ႈမ︀ႅပ︀်ဝႆ︀ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩫ︀ႆ︀ႇၵ︀ဝ် တ︀ီပ︀ီꩫ︀်ႈမ︀ႃးꩡ︀မ︀်ႈယ︀ဝ်ႇ။

ၿျႃၻိက︀်ႉ 22:18

က︀ဝ်ႈယ︀ေႃးꩭၢꩫ︀် ꩬ︀ူꩡ︀ဝ်ႛက︀ူꩫ︀်းဢ︀ꩫ︀်ႈၵ︀ၢမ︀်းၿျႃၻိက︀်ႉ ဢ︀ꩫ︀်ႈပ︀ၢပ︀်ႉꩫ︀ႆ︀ႇမ︀ႆ︀ႛတ︀ႅမ︀်ႛဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ꩫ︀ႆ︀ႛꩥ︀ိꩫ︀်းꩫ︀ႆ︀ႇၵ︀ဝ်က︀ူႈက︀ူဝ်ႇမ︀ႆ︀ႛ ပ︀ꩫ︀်ႈꩬ︀တ︀ိ​ပ︀ေႇပ︀ေႇက︀ွတ︀်။ က︀ူဝ်ႇဢ︀ꩫ︀်ႈၵ︀ၢမ︀်းၿျႃၻိက︀်ႉꩫ︀ႆ︀ႇမ︀ႆ︀ႛ ထႅမ︀်ဢ︀ိက︀်ꩫ︀ႆ︀ႇမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ၸ︀ေးဢ︀ꩫ︀်ႈပ︀ၢပ︀်ႉꩫ︀ႆ︀ႇမ︀ႆ︀ႛ တ︀ႅမ︀်ႛဝႆ︀ႇꩫ︀ႆ︀ႇၵ︀ဝ် တ︀ီပ︀ူင︀်ႈဢ︀ိက︀်ꩭႂ်ႛꩫ︀မ︀်။

ၿျႃၻိက︀်ႉ 22:7

ꩡ︀ဝ်ႛယ︀ေꩬ︀ုက︀ေႃႇ “ထွမ︀်တ︀ႃႉ။ က︀ဝ်ႈမ︀ဝ်ꩭိုင︀်က︀ꩬ︀င︀်တ︀ီမ︀ႃးꩫ︀မ︀်။ က︀ူဝ်ႇဢ︀ꩫ︀်ႈ ၵ︀ၢမ︀်းၿျႃၻိက︀်ႉꩫ︀ႆ︀ႇမ︀ႆ︀ႛ ထွမ︀်ꩡ︀ွမ︀်းꩫ︀ႆ︀ႇ မ︀ၢင︀်က︀လ︀ႃယ︀င︀်းဢ︀ူ” ꩫ︀ဝꩫ︀်ႇ။

ၿျႃၻိက︀်ႉ 4:10

က︀ေထဝ်ႛꩬ︀ၢဝ်းꩬ︀ီပ︀ႃးယ︀ႃႇ ꩡ︀ဝ်ႛဢ︀ꩫ︀်ႈꩫ︀င︀်ႈပ︀လ︀ၢင︀်၊ ဢ︀ꩫ︀်ႈထႃဝရ︀ဢ︀ꩬ︀ၢက︀်ႉꩫ︀ိပ︀်မ︀ႆ︀ႛ ၵ︀ုပ︀်ႉၵ︀ဝ်ꩬ︀ီ ပ︀ႆ︀ၢႛဝႆ︀ႈက︀ꩫ︀်ႈဢ︀ူ။ ၵ︀ဝ်ယ︀ႃႇ ပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ ပ︀ွင︀်းၵ︀ဝ်တ︀မ︀်းင︀ႆ︀းꩬ︀ီ

ၿျႃၻိက︀်ႉ 9:20

က︀ူꩫ︀်းဢ︀ꩫ︀်ႈက︀ိူတ︀်ဢ︀ꩫ︀်ႈလ︀ွတ︀်ႉၸ︀ေးဢ︀မ︀ႂ်းၵ︀ဝ်ꩬ︀ီ မ︀ဝ်တ︀ႆ︀ၢႈꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈၵ︀ဝ်ꩭီတ︀်ꩭုꩫ︀်ꩭၢင︀်ႈင︀ႆ︀း ပ︀ႆ︀ၢႛဝႆ︀ႈၸ︀ီꩫ︀ႆ︀ႇၵ︀ဝ်မ︀ႆ︀ႛ မ︀ဝ်ꩬ︀ၢင︀်ဝွေꩬ︀ီ ꩭုꩫ︀်ꩭၢင︀်ႈဢ︀ꩫ︀်ႈဢ︀ဝ်ႈ ၵ︀မ︀်း၊ င︀ိူꩫ︀်း၊ တ︀ွင︀်း၊ ꩭိꩫ︀်င︀ႆ︀း ဢ︀ဝ်ႈမ︀ႆ︀ႇꩭီတ︀်ဝႆ︀ႇ ဢ︀ꩫ︀်ႈတ︀ႃႈမ︀ဝ်ꩭꩫ︀်၊ ꩭူမ︀ဝ်ꩫ︀ႆ︀ႛꩥ︀ိꩫ︀်း၊ ၸ︀ႆ︀ၢႛမ︀ဝ်ꩫ︀ႆ︀ႛꩫ︀ႆ︀ႇၵ︀ဝ်မ︀ႆ︀ႛ က︀ၢပ︀်ꩬ︀ီပ︀ႆ︀ၢႛဝႆ︀ႈဢ︀ူꩫ︀မ︀်။