ၿျႃၻိက︀်ႉ 22:20 - Khamti Shan

²⁰ ꩡ︀ဝ်ႛဢ︀ꩫ︀်ႈၵ︀ၢဝ်ႈၵ︀ၢမ︀်းဢ︀ꩫ︀်ႈꩫ︀ႆ︀ႇၵ︀ဝ် ပ︀ူင︀်ႈꩭႂ်ႛꩫ︀ႆ︀ႇယ︀ႃႇ “ꩡ︀ႂ်ႈဢ︀ူ။ က︀ဝ်ႈတ︀ီမ︀ႃးꩡ︀မ︀်ႈတ︀ေႇတ︀ေႇယ︀ဝ်ႇ” ꩫ︀ဝꩫ︀်ႇ။ ꩬ︀ႃႈထု။ ꩡ︀ဝ်ႛယ︀ေꩬ︀ု က︀ျွႃးမ︀ႃးတ︀ီၵ︀ႃႛတ︀ႃႉ။

ၿျႃၻိက︀်ႉ 22:20 ပူးပေါင်းရင်းမြစ်များ

ယ︀ေႃးꩭၢꩫ︀် 21:25

ဢ︀ꩫ︀်ႈꩡ︀ဝ်ႛယ︀ေꩬ︀ုꩭီတ︀်မ︀ႃးꩫ︀ႆ︀ႇၵ︀ဝ် တ︀ၢင︀်ဢ︀ꩫ︀်ႈဢ︀ၢꩫ︀်တ︀ၢꩫ︀်ယ︀င︀်းဢ︀ိက︀်ဢ︀ူ။ ဢ︀မ︀ႂ်းၵ︀ဝ်က︀ႃႈꩫ︀င︀်ယ︀င︀်းꩫ︀ႆ︀ႇတ︀ႅမ︀်ႛမ︀တ︀်ႉဝႆ︀ႇက︀ွတ︀်ꩫ︀က︀ီး တ︀ီႈဢ︀ꩫ︀်ႈတ︀ီဝႆ︀ႇပ︀ၢပ︀်ႉဢ︀မ︀ႂ်းၵ︀ဝ်ꩫ︀ႆ︀ၢႈက︀ေႃႇ တ︀ီပ︀ူဝ်းꩵ︀ႈꩡ︀ႂ်ႈ။

က︀ေႃရ︀ိꩫ︀်တ︀ု ႑ 16:22

က︀ူဝ်ႇဢ︀ꩫ︀်ႈꩡ︀ဝ်ႛꩭဝ်းမ︀ႆ︀ႛ မ︀ဝ်ꩭၢက︀်ႉꩫ︀ႆ︀ႇမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛပ︀ူဝ်းတ︀ၢမ︀်က︀တ︀ႃႉ။ ꩡ︀ဝ်ႛꩴး က︀ျွႃးမ︀ႃးတ︀ီၵ︀ႃႛမ︀ႃးတ︀ႃႉ။

တ︀ိမ︀ေႃတ︀ေ ႒ 4:8

င︀ႆ︀းꩫ︀ႆ︀ႇꩬ︀ီ ꩬ︀ူးပ︀ွင︀်းꩬ︀ႅင︀်ꩡ︀ႃႇက︀ဝ်ႈ ၸ︀ြႃးပ︀ီꩫ︀်ႈꩡ︀ဝ်ႛꩭႅမ︀်းဝႆ︀ႇယ︀ဝ်ႇꩰ။ ꩬ︀ူးဢ︀မ︀ႂ်းယ︀ႃႇ ꩡ︀ႃႇꩭၢင︀်းက︀ူꩫ︀်း ဢ︀ꩫ︀်ႈꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛထုက︀်ꩡ︀ႂ်ႈꩫ︀က︀ꩫ︀်ႈ ဢ︀ူမ︀ႃးꩫ︀ႆ︀ႇၵ︀ဝ်ꩫ︀မ︀်။ မ︀ိူဝ်ႈꩡ︀ဝ်ႛယ︀ေꩬ︀ု၊ ꩡ︀ဝ်ႛတ︀ြႃးဢ︀ꩫ︀်ႈꩬ︀ိုဝ်ႈတ︀ူဝ်က︀ျွႃးမ︀ႃးꩫ︀ႆ︀ႇ က︀ဝ်ႈမ︀ႆ︀ႛ ꩬ︀ူးဢ︀မ︀ႂ်း တ︀ီꩭႂ်ႛꩫ︀မ︀်။ က︀ူဝ်ႇဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ပ︀ႂ်ႇထႃႛင︀ွက︀်ႉꩰꩫ︀ႆ︀ႇၵ︀ဝ်တ︀င︀်းလ︀ုင︀်မ︀ႆ︀ႛက︀ေႃႇ ꩬ︀ူးဢ︀မ︀ႂ်းတ︀ီꩭႂ်ႛꩫ︀မ︀်။

ꩭေပ︀ရ︀ူး 10:37

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ျမ︀်းလ︀ိက︀်ႉမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဝႃႈဝႆ︀ႇꩫ︀ႆ︀ႇ “ꩡ︀ဝ်ႛဢ︀ꩫ︀်ႈတ︀ီက︀ျွႃးမ︀ႃးꩫ︀ႆ︀ႇ မ︀ဝ်ꩭိုဝ်က︀ꩬ︀င︀်တ︀ီက︀ျွႃးမ︀ႃးꩫ︀မ︀်။ မ︀ꩫ︀်းꩡ︀ဝ်ႛꩵ︀ႈꩫ︀ၢꩫ︀်း။”

ꩭေပ︀ရ︀ူး 9:28

ꩫ︀င︀်ꩫ︀ႆ︀ႇꩫ︀က︀ꩫ︀်ႈ ꩡ︀ဝ်ႛၵ︀ရ︀ီတ︀်က︀ေႃႇ ꩭႂ်ႛပ︀ူဝ်းဢ︀ပ︀ႅတ︀်ႉက︀ူꩫ︀်းဢ︀ၢꩫ︀်တ︀ၢꩫ︀်မ︀ႆ︀ႛ ဢ︀ဝ်ႈၵ︀ွတ︀်ꩫ︀ႆ︀ႇ ဢ︀ဝ်ႈတ︀ူဝ်ႈမ︀ꩫ︀်းၸ︀ူႛꩡ︀ဝ်ႛ ပ︀ၢꩫ︀်ႈလ︀ိူင︀်ႈꩫ︀ႆ︀ၢႈ ပ︀ုက︀်ႉꩡ︀ူဝ်ယ︀ဝ်ႇက︀ီး တ︀င︀်းဢ︀ပ︀ႅတ︀်ႉမ︀ဝ်ꩡ︀ၢပ︀်ႉလ︀ႅင︀်ꩬ︀ီ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ တ︀ႂ်းထႃႛꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛပ︀ူဝ်းꩫ︀ႆ︀ႛၵ︀ေꩬ︀ေꩫ︀ႆ︀ႇ တ︀ီပ︀ွက︀်ႉမ︀ႃးꩫ︀မ︀်။

ၿျႃၻိက︀်ႉ 1:18

ꩡ︀ဝ်ႛဢ︀ꩫ︀်ႈဢ︀ꩬ︀ၢက︀်ႉꩫ︀ိပ︀်ꩫ︀မ︀်။ က︀ဝ်ႈ တ︀ႆ︀ၢႈမ︀ႃးယ︀ဝ်ႇ။ ꩫ︀ႆ︀ႇꩫ︀က︀ေႃႇ င︀ႆ︀ႚꩫ︀ိပ︀်ꩬ︀ီ ထႃဝရ︀ ယ︀င︀်းဢ︀ူꩫ︀မ︀်။ ၵ︀ုꩫ︀်တ︀ၢႆ︀ႈမ︀ႆ︀ႛတ︀မ︀ိူင︀်း၊ ၵ︀ူင︀်းတ︀ႆ︀ၢႈမ︀ႆ︀ႛတ︀မ︀ိူင︀်း က︀ဝ်ႈဢ︀ုပ︀်ႉပ︀ိုင︀်ဢ︀ူ။

ၿျႃၻိက︀်ႉ 1:2

ယ︀ေႃးꩭၢꩫ︀်က︀ေႃႇ ၵ︀ၢဝ်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛင︀ႆ︀း လ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩫ︀်ႈမ︀ꩫ︀်းမ︀ႆ︀ႛပ︀ုတ︀်ပ︀ျႃးꩭႂ်ႛမ︀ႃးꩫ︀ႆ︀ႇၵ︀ဝ် က︀ႃႈꩫ︀င︀်မ︀ꩫ︀်းꩫ︀ႆ︀ႛꩥ︀ိꩫ︀်းမ︀ႃး ꩭꩫ︀်မ︀ႃးꩫ︀ႆ︀ႇတ︀င︀်းမ︀ိူင︀်း ပ︀ၢပ︀်ႉꩫ︀ႆ︀ႇမ︀ႆ︀ႛ တ︀ႅမ︀်ႛမ︀တ︀်ႉဝႆ︀ႇဢ︀ူ။

ၿျႃၻိက︀်ႉ 2:16

င︀ႆ︀းꩫ︀ႆ︀ႇꩬ︀ီ မ︀ႂ်းꩬ︀ၢင︀်ဝွေတ︀ႃႉ။ ꩫ︀ႆ︀ႇမ︀ဝ်ꩡ︀ႂ်ႈက︀ီး က︀ဝ်ႈꩡ︀ိဝ်းꩰမ︀ႃးꩬ︀ီ က︀ူꩫ︀်းဢ︀မ︀ႂ်းၵ︀ဝ်မ︀ႆ︀ႛ ဢ︀ဝ်ႈၸ︀ႃႇလ︀ၢမ︀်ပ︀ႃဢ︀ꩫ︀်ႈလ︀ုက︀်ႉꩬ︀ူပ︀်က︀ဝ်ႈမ︀ႆ︀ႛ ဢ︀ွက︀်ꩫ︀ႆ︀ႇ တ︀ီတ︀ိက︀်ꩫ︀မ︀်။

ၿျႃၻိက︀်ႉ 22:10

ယ︀ဝ်ႇက︀ီး မ︀ꩫ︀်းဝႃႈꩫ︀ႆ︀ႇ “ၵ︀ၢမ︀်းၿျႃၻိက︀်ႉဢ︀ꩫ︀်ႈပ︀ၢပ︀်ႉꩫ︀ႆ︀ႇမ︀ႆ︀ႛ တ︀ႅမ︀်ႛဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ပ︀ီဢ︀ဝ်ႈမ︀ႅပ︀်ဝႆ︀ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩫ︀ႆ︀ႇၵ︀ဝ် တ︀ီပ︀ီꩫ︀်ႈမ︀ႃးꩡ︀မ︀်ႈယ︀ဝ်ႇ။

ၿျႃၻိက︀်ႉ 22:12

ꩡ︀ဝ်ႛယ︀ေꩬ︀ုဝႃႈꩫ︀ႆ︀ႇ “ထွမ︀်တ︀ႃႉ။ က︀ဝ်ႈꩡ︀ိဝ်းꩰတ︀ီမ︀ႃးꩫ︀မ︀်။ မ︀ိူဝ်ႈက︀ဝ်ႈမ︀ႃးꩫ︀ႆ︀ႇ က︀ူꩫ︀်းက︀ူႈက︀ူဝ်ႇမ︀ႆ︀ႛ ဢ︀ꩫ︀်ႈꩫ︀င︀်ၸ︀ႂ်မ︀ꩫ︀်းꩭီတ︀်မ︀ႃးꩫ︀ႆ︀ႇ က︀ဝ်ႈဢ︀က︀ိဝ်းဢ︀ပ︀ႅတ︀်ႉ တ︀ီပ︀ူင︀်ႈꩭႂ်ႛပ︀ွက︀်ႉꩫ︀မ︀်။

ၿျႃၻိက︀်ႉ 22:18

က︀ဝ်ႈယ︀ေႃးꩭၢꩫ︀် ꩬ︀ူꩡ︀ဝ်ႛက︀ူꩫ︀်းဢ︀ꩫ︀်ႈၵ︀ၢမ︀်းၿျႃၻိက︀်ႉ ဢ︀ꩫ︀်ႈပ︀ၢပ︀်ႉꩫ︀ႆ︀ႇမ︀ႆ︀ႛတ︀ႅမ︀်ႛဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ꩫ︀ႆ︀ႛꩥ︀ိꩫ︀်းꩫ︀ႆ︀ႇၵ︀ဝ်က︀ူႈက︀ူဝ်ႇမ︀ႆ︀ႛ ပ︀ꩫ︀်ႈꩬ︀တ︀ိ​ပ︀ေႇပ︀ေႇက︀ွတ︀်။ က︀ူဝ်ႇဢ︀ꩫ︀်ႈၵ︀ၢမ︀်းၿျႃၻိက︀်ႉꩫ︀ႆ︀ႇမ︀ႆ︀ႛ ထႅမ︀်ဢ︀ိက︀်ꩫ︀ႆ︀ႇမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ၸ︀ေးဢ︀ꩫ︀်ႈပ︀ၢပ︀်ႉꩫ︀ႆ︀ႇမ︀ႆ︀ႛ တ︀ႅမ︀်ႛဝႆ︀ႇꩫ︀ႆ︀ႇၵ︀ဝ် တ︀ီပ︀ူင︀်ႈဢ︀ိက︀်ꩭႂ်ႛꩫ︀မ︀်။

ၿျႃၻိက︀်ႉ 22:7

ꩡ︀ဝ်ႛယ︀ေꩬ︀ုက︀ေႃႇ “ထွမ︀်တ︀ႃႉ။ က︀ဝ်ႈမ︀ဝ်ꩭိုင︀်က︀ꩬ︀င︀်တ︀ီမ︀ႃးꩫ︀မ︀်။ က︀ူဝ်ႇဢ︀ꩫ︀်ႈ ၵ︀ၢမ︀်းၿျႃၻိက︀်ႉꩫ︀ႆ︀ႇမ︀ႆ︀ႛ ထွမ︀်ꩡ︀ွမ︀်းꩫ︀ႆ︀ႇ မ︀ၢင︀်က︀လ︀ႃယ︀င︀်းဢ︀ူ” ꩫ︀ဝꩫ︀်ႇ။