ၿျႃၻိက︀်ႉ 21:27 - Khamti Shan

²⁷ ဝီင︀်းဢ︀မ︀ႂ်းမ︀ႆ︀ႛ က︀ူꩫ︀်းꩭင︀်ႛꩫ︀ႆ︀ႇၵ︀ဝ်၊ က︀ူꩫ︀်းဢ︀ꩫ︀်ႈꩭီတ︀်ဢ︀ꩫ︀်ႈၵ︀ိူင︀်ႈꩫ︀ီႈဢ︀ႆ︀ၢႈꩫ︀ႆ︀ႇၵ︀ဝ်၊ က︀ူꩫ︀်းဢ︀ꩫ︀်ႈၸ︀ႅတ︀်ႉꩫ︀ႆ︀ႇၵ︀ဝ် ꩵ︀ႈꩫ︀ႆ︀ႛၵ︀ဝ်ႛ။ က︀ူꩫ︀်းဢ︀ꩫ︀်ႈ ပ︀ၢပ︀်ႉပ︀ူႇဢ︀ွꩫ︀် ပ︀ၢပ︀်ႉဢ︀ꩬ︀ၢက︀်ႉမ︀ႆ︀ႛ ꩡ︀ိုဝ်ႈလ︀ွေႛꩫ︀ႆ︀ႇၵ︀ဝ်ꩫ︀ႆ︀ၢႈꩬ︀ိုင︀် တ︀ီꩫ︀ႆ︀ႛၵ︀ဝ်ႛꩫ︀မ︀်။

ၿျႃၻိက︀်ႉ 21:27 ပူးပေါင်းရင်းမြစ်များ

မ︀တ︀်တ︀ႄး 13:41

က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းယ︀ႃႇ ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်မ︀ႆ︀ႛ ꩡ︀ႂ်ႇꩬ︀ီ လ︀ုက︀်ႉမ︀ိူင︀်းက︀ၢင︀်ႈꩫ︀ႆ︀ႇမ︀ႆ︀ႛ က︀ူꩫ︀်းဢ︀ꩫ︀်ႈပ︀ိူꩫ︀်ႈမ︀ႆ︀ႛ ဢ︀ဝ်ႈၸ︀ိတ︀်တ︀ၢင︀်းꩫ︀ႆ︀ႇၵ︀ဝ်င︀ႆ︀း က︀ူꩫ︀်းဢ︀ꩫ︀်ႈꩭီတ︀်လ︀ွင︀်ႈꩡ︀ႃႇꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ ꩭႂ်ႛၸ︀ိဝ်ႛꩬ︀ီ တ︀ီꩭႂ်ႛပ︀ွႆ︀တ︀ူက︀်င︀ႃးလ︀ႆ︀ၢးၵ︀ွတ︀်ꩫ︀မ︀်။ က︀ူꩫ︀်းဢ︀မ︀ႂ်းၵ︀ဝ်ယ︀ႃႇ င︀ႃးလ︀ႆ︀ၢးမ︀ႆ︀ႛ တ︀ီꩭႆ︀ႛဢ︀ိဝ်လ︀ူဝ်းဝႃႚဝႃႚꩬ︀ီ က︀တ︀်ၵ︀ိဝ်ႛက︀တ︀်က︀ၢင︀်းက︀ꩫ︀်ႈꩫ︀မ︀်။

မ︀ႃက︀ု 7:2

မ︀ိူဝ်ႈဢ︀မ︀ႂ်း ၵ︀ဝ်ယ︀ႃႇ တ︀ပ︀ေးꩡ︀ဝ်ႛၵ︀ဝ်က︀မ︀်ႈၸ︀ွင︀်း မ︀ိုဝ်းမ︀ဝ်ꩬ︀ုက︀်ႉꩬ︀ီ ဢ︀ဝ်ႈမ︀ိုဝ်းဢ︀ꩫ︀်ႈꩭင︀်ႛ က︀ိꩫ︀်ႈၵ︀ဝ်ႛက︀ꩫ︀်ႈꩬ︀ီဢ︀ူꩫ︀ႆ︀ႇမ︀ႆ︀ႛ ꩭꩫ︀်ဢ︀ူ။

လ︀ုက︀ႃ 10:20

ꩫ︀ႆ︀ႇꩫ︀က︀ေႃႇ လ︀ႆ︀ၢးပ︀ိူဝ်ႈၸ︀ီꩭၢႆ︀ႇꩫ︀ႆ︀ႇၵ︀ဝ်မ︀ႆ︀ႛပ︀ေႇꩬ︀ီယ︀ႃႇ ပ︀ီꩡ︀ူမ︀်းက︀ꩫ︀်ႈ။ လ︀ႆ︀ၢးပ︀ိူဝ်ႈꩡ︀ိုဝ်ႈꩬ︀ူ မ︀ိူင︀်းက︀ၢင︀်ႈꩭၢဝ်မ︀ႆ︀ႛ တ︀ႅမ︀်ႛဝႆ︀ႇꩫ︀ႆ︀ႇမ︀ႆ︀ႛꩬ︀ိုင︀် ꩡ︀ူမ︀်းက︀ꩫ︀်ႈတ︀ႃႉ” ꩫ︀ဝꩫ︀်ႇ။

ဢ︀ေၸ︀ႅတ︀် 5:5

က︀ူꩫ︀်းဢ︀ꩫ︀်ႈၸ︀ိတ︀်က︀ႃႛမ︀၊ ဢ︀ꩫ︀်ႈꩭီတ︀်ꩭင︀်ႛꩭီတ︀်ꩭိုက︀်က︀ူႈၸ︀ꩫ︀်းင︀ႆ︀း ဢ︀ꩫ︀်ႈꩡ︀ႂ်ႈတ︀ိင︀်ႈက︀ုပ︀်ꩫ︀ႆ︀ႇၵ︀ဝ်ယ︀ႃႇ မ︀ိူင︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃꩡ︀ဝ်ႛယ︀ေꩬ︀ုၵ︀ရ︀ီတ︀်ဢ︀ုပ︀်ႉပ︀ိုင︀်မ︀ႆ︀ႛ ꩵ︀ႈꩫ︀ႆ︀ႛၵ︀ဝ်ႛꩫ︀ꩫ︀ႆ︀ႇ ꩬ︀ူတ︀ွင︀်းတ︀ေႇတ︀ေႇဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူꩫ︀်းဢ︀ꩫ︀်ႈꩡ︀ႂ်ႈတ︀ိင︀်ႈက︀ုပ︀်ယ︀င︀်းꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈပ︀ႆ︀ၢႛꩭုꩫ︀်ꩭၢင︀်ႈꩫ︀က︀ꩫ︀်ႈꩫ︀မ︀်။

ၸ︀ိလ︀ိပ︀်ပ︀ၢႆ︀ 4:3

က︀ူဝ်ႇꩬ︀ေႛꩴ︀း မ︀ႂ်းက︀ေႃႇꩭႂ်ႛပ︀ူဝ်းꩬ︀ွင︀်ၵ︀ႃꩡ︀ႂ်ႈၵ︀ူမ︀်က︀ꩫ︀်ႈꩫ︀ႆ︀ႇ ꩡ︀ွႆ︀ႈꩭႂ်ႛမ︀ႃးတ︀ႃႉ။ ꩬ︀ွင︀်ၵ︀ႃင︀ႆ︀း က︀လ︀ေမ︀ိꩫ︀်င︀ႆ︀း ၸ︀ူႛယ︀ုမ︀်ယ︀မ︀်ႈတ︀ၢင︀်က︀ူဝ်ႇꩫ︀ႆ︀ႇၵ︀ဝ်ယ︀ႃႇ တ︀င︀်းက︀ဝ်ႈၵ︀ၢဝ်ႈၵ︀ၢမ︀်းꩫ︀ီႈ ဢ︀ၢꩫ︀်တ︀ၢꩫ︀်ꩭူမ︀်ႈꩭူဝ်းမ︀ႃးယ︀ဝ်ႇ။ ꩡ︀ိုဝ်ႈၵ︀ဝ်ယ︀ႃႇ ပ︀ၢပ︀်ႉၸ︀ြႃးပ︀ီꩫ︀်ႈꩡ︀ဝ်ႛ ပ︀ၢပ︀်ႉꩡ︀လ︀ၢင︀်းၸ︀ူႛꩫ︀ႆ︀ႛဢ︀ꩬ︀ၢက︀်ႉထႃဝရ︀မ︀ႆ︀ႛ လ︀ွေႛယ︀ဝ်ႇ။

ꩭေပ︀ရ︀ူး 12:14

တ︀င︀်းပ︀ိူꩫ︀်ႈက︀ူႈက︀ူဝ်ႇ ꩬ︀ေႈꩡ︀ႃႉꩬ︀ီ ဢ︀ဝ်ႈထုက︀်က︀ꩫ︀်ႈတ︀ႃႉ။ ꩡ︀ူဝ်ႈတ︀ႃႈဢ︀ꩬ︀ၢက︀်ႉ ꩬ︀ေႈꩡ︀ႃႉꩬ︀ီ ဢ︀ဝ်ႈမ︀ူတ︀်ꩡ︀ၢင︀်က︀ꩫ︀်ႈတ︀ႃႉ။ မ︀ဝ်မ︀ူတ︀်ꩡ︀ၢင︀်က︀ီး ၸ︀ႂ်က︀ေႃႇ ꩡ︀ဝ်ႛထႃဝရ︀ၸ︀ြႃးမ︀ႆ︀ႛ ꩵ︀ႈꩫ︀ႆ︀ႛꩭꩫ︀်။

ပ︀ေတ︀ရ︀ု ႒ 3:13

ꩫ︀ႆ︀ႇꩫ︀က︀ေႃႇ ꩭဝ်းယ︀ႃႇက︀ၢင︀်ႈꩭၢဝ်မ︀ႂ် လ︀င︀်ꩫ︀ိꩫ︀်ႈမ︀ႂ် တ︀ီႈဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ် ꩬ︀ိုဝ်ႈꩰꩫ︀ꩫ︀်ႈꩰꩬ︀ီဢ︀ူက︀ꩫ︀်ႈမ︀ႆ︀ႛ ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛက︀တ︀ိꩭႂ်ႛဝႆ︀ႇꩫ︀က︀ꩫ︀်ႈ တ︀ႂ်းထႃႛꩬ︀ီဢ︀ူꩫ︀မ︀်။

ၿျႃၻိက︀်ႉ 13:8

က︀ူꩫ︀်းဢ︀ꩫ︀်ႈပ︀ၢပ︀်ႉဢ︀ꩬ︀ၢက︀်ႉပ︀ူႇဢ︀ွꩫ︀် ဢ︀ꩫ︀်ႈပ︀ိူꩫ︀်ႈဢ︀ဝ်ႈတ︀ႆ︀ၢႈက︀ႃမ︀ႆ︀ႛ ဢ︀ꩫ︀်ႈလ︀ုက︀်ႉမ︀ိူဝ်ႈက︀မ︀်ၸ︀ႃတ︀ေပ︀ုꩫ︀်ႛ ꩡ︀ိုဝ်ႈမ︀ဝ်လ︀ွေႛꩫ︀ႆ︀ႇၵ︀ဝ်တ︀င︀်းမ︀ိူင︀်းယ︀ႃႇ တ︀ူဝ်ႈꩭႆ︀ၢႇဢ︀မ︀ႂ်းမ︀ႆ︀ႛ တ︀ီပ︀ႆ︀ၢႛဝႆ︀ႈက︀ꩫ︀်ႈꩫ︀မ︀်။

ၿျႃၻိက︀်ႉ 20:12

ပ︀ၢင︀်ႈꩫ︀ႃႛပ︀လ︀ၢင︀်ဢ︀မ︀ႂ်းမ︀ႆ︀ႛ က︀ူꩫ︀်းဢ︀ꩫ︀်ႈတ︀ႆ︀ၢႈပ︀ူꩫ︀်ႇက︀ႃꩫ︀ႆ︀ႇၵ︀ဝ် ၸ︀ူႛယ︀ႂ် ၸ︀ူႛꩡ︀ႂ်ႇမ︀ဝ်ဝႃႈ တ︀င︀်းမ︀ိူင︀်းꩬ︀ဝ်းက︀ꩫ︀်ႈꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်ဢ︀ူ။ ဢ︀မ︀ႂ်းမ︀ႆ︀ႛ ပ︀ၢပ︀်ႉꩫ︀ႆ︀ႇၵ︀ဝ် ပ︀ုတ︀်ဝႆ︀ႇဢ︀ူ။ ပ︀ၢပ︀်ႉတ︀ၢင︀်ဢ︀ꩫ︀်ႈ ဢ︀ꩫ︀်ႈꩡ︀ိုဝ်ႈၸ︀ူႛꩫ︀ႆ︀ႛဢ︀ꩬ︀ၢက︀်ႉထႃဝရ︀ꩫ︀ႆ︀ႇၵ︀ဝ် တ︀ႅမ︀်ႛဝႆ︀ႇꩫ︀ႆ︀ႇက︀ေႃႇ ပ︀ုတ︀်ဝႆ︀ႇဢ︀ူ။ က︀ူꩫ︀်းဢ︀ꩫ︀်ႈတ︀ႆ︀ၢႈက︀ႃꩫ︀ႆ︀ႇၵ︀ဝ်မ︀ႆ︀ႛယ︀ႃႇ ဢ︀ꩫ︀်ႈꩫ︀င︀်ၵ︀ဝ်ꩭီတ︀်မ︀ႃး၊ ဢ︀ꩫ︀်ႈꩫ︀င︀်ပ︀ၢပ︀်ႉဢ︀မ︀ႂ်းၵ︀ဝ်မ︀ႆ︀ႛ လ︀ွေႛꩫ︀ႆ︀ႇꩫ︀က︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ႅတ︀်ႉတ︀ြႃးꩫ︀မ︀်။

ၿျႃၻိက︀်ႉ 20:15

က︀ူꩫ︀်းဢ︀ꩫ︀်ႈ ပ︀ၢပ︀်ႉဢ︀ꩬ︀ၢက︀်ႉမ︀ႆ︀ႛ ꩡ︀ိုဝ်ႈမ︀ဝ်လ︀ွေႛꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛယ︀ႃႇ ꩫ︀ွင︀်ၸ︀ႆ︀းမ︀ႆ︀ႛပ︀ိုဝ်တ︀ူက︀်ၵ︀ွတ︀်မ︀ူတ︀်ဢ︀ူ။

ၿျႃၻိက︀်ႉ 21:8

ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈက︀ူဝ်ႈꩭႆ︀ၢႇ၊ ဢ︀ꩫ︀်ႈꩬ︀ႅတ︀်ႉꩡ︀ႃမ︀ဝ်ယ︀င︀်း၊ ဢ︀ꩫ︀်ႈၵ︀ိူင︀်ႈꩫ︀ီႈမ︀ုက︀်ႉလ︀ႆ︀ၢး၊ ဢ︀ꩫ︀်ႈဢ︀ဝ်ႈတ︀ႆ︀ၢႈပ︀ိူꩫ︀်ႈ၊ ဢ︀ꩫ︀်ႈၸ︀ိတ︀်မ︀ေးလ︀ုက︀်ႉပ︀ိူꩫ︀်ႈ၊ ဢ︀ꩫ︀်ႈပ︀ိူꩫ︀်ႈမ︀ႆ︀ႛလ︀ၢပ︀်ႉတ︀ႃႈ၊ ဢ︀ꩫ︀်ႈပ︀ႆ︀ၢႛဝႆ︀ႈꩭုꩫ︀်ꩭၢင︀်ႈ၊ ဢ︀ꩫ︀်ႈၸ︀ႅတ︀်ႉၸ︀ၢင︀်းꩫ︀ႆ︀ႇၵ︀ဝ်ယ︀ႃႇ တ︀ီꩫ︀ႆ︀ႛတ︀ူက︀်ꩫ︀ွင︀်ၸ︀ႆ︀းက︀ၢꩫ︀်ႇꩫ︀မ︀်။ ဢ︀မ︀ႂ်းယ︀ႃႇ ဢ︀ꩫ︀်ႈတ︀ႆ︀ၢႈတ︀ုတ︀ိယ︀ꩫ︀မ︀်” ꩫ︀ဝꩫ︀်ႇ။

ၿျႃၻိက︀်ႉ 3:5

က︀ူဝ်ႇဢ︀ꩫ︀်ႈပ︀ေႇဢ︀ွင︀်ꩫ︀ႆ︀ႇၵ︀ဝ်ယ︀ႃႇ ꩫ︀င︀်င︀ႆ︀းꩫ︀က︀ꩫ︀်ႈ ၵ︀ိူင︀်ႈၵ︀ၢဝ်တ︀ီꩫ︀ႆ︀ႛꩫ︀ုင︀်ႈꩫ︀မ︀်။ ꩡ︀ိုဝ်ႈၵ︀ဝ်မ︀ႆ︀ႛ က︀ဝ်ႈလ︀ုက︀်ႉပ︀ၢပ︀်ႉဢ︀ꩬ︀ၢက︀်ႉမ︀ႆ︀ႛ ꩵ︀ႈလ︀ုပ︀်ႉမ︀ွတ︀်ပ︀ိူင︀်ႈလ︀ူင︀်။ ၵ︀ဝ်ပ︀ီꩫ︀်ႈက︀ူꩫ︀်းက︀ဝ်ႈꩫ︀မ︀်ꩫ︀ꩫ︀ႆ︀ႇ ပ︀ၢင︀်ႈꩫ︀ႃႛပ︀ူဝ်က︀ဝ်ႈꩫ︀ၵ︀ႃ ၵ︀ုꩫ︀်ꩬ︀ၢင︀်မ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ က︀ဝ်ႈတ︀ီတ︀ႅဝ်ꩡ︀ုꩫ︀်ႈꩰလ︀ႅင︀်းꩰꩫ︀မ︀်။