ၿျႃၻိက︀်ႉ 21:21 - Khamti Shan

²¹ ၵ︀ႅပ︀်တ︀ၢင︀်းပ︀တ︀ူႈꩬ︀ိပ︀်ꩬ︀ွင︀်ဢ︀ꩫ︀်ႈꩫ︀ႆ︀ႇၵ︀ဝ်ယ︀ႃႇ ဢ︀ဝ်ႈပ︀လ︀ႄးဢ︀ေႈလ︀ုက︀်ႉꩰꩫ︀မ︀် ꩭီတ︀်ဝႆ︀ႇꩫ︀ႆ︀ႇ။ ၵ︀ူꩫ︀်တ︀ၢင︀်းဝီင︀်းဢ︀မ︀ႂ်းယ︀ႃႇ ဢ︀ဝ်ႈၵ︀မ︀်းတ︀ွင︀်ဢ︀ꩫ︀်ႈꩫ︀င︀် ၸ︀ၢꩫ︀်ꩫ︀က︀ꩫ︀်ႈလ︀ႅင︀်းꩡ︀ၢင︀်ꩰꩫ︀ႆ︀ၢႈꩫ︀မ︀်ꩬ︀ိူဝ်ဝႆ︀ႇꩫ︀ႆ︀ႇ။

ၿျႃၻိက︀်ႉ 21:21 ပူးပေါင်းရင်းမြစ်များ

ၿျႃၻိက︀်ႉ 17:4

ၸ︀ူႛယ︀ိင︀်းဢ︀မ︀ႂ်းယ︀ႃႇ ၵ︀ိူင︀်ႈဢ︀ꩫ︀်ႈꩫ︀ႅင︀်ႈ၊ ဢ︀ꩫ︀်ႈင︀ဝ်းမ︀က︀်ၵ︀ိူဝ်ꩫ︀ႆ︀ႇၵ︀ဝ်ꩫ︀ုင︀်ႈင︀ႆ︀း ၵ︀ိူင︀်ႈၵ︀မ︀်း၊ ၵ︀ိူင︀်ႈꩭိꩫ︀်ꩬ︀ႅင︀်၊ ၵ︀ိူင︀်ႈပ︀လ︀ႄးꩫ︀ႆ︀ႇၵ︀ဝ်က︀ေႃႇ ꩭၢင︀်ႛဝႆ︀ႇင︀ႆ︀း က︀ွက︀်ၵ︀မ︀်းဢ︀ꩫ︀်ႈလ︀ိူင︀်ႈတ︀ိုဝ်းဝႆ︀ႇဢ︀ူ။ က︀ွက︀်ဢ︀မ︀ႂ်းမ︀ႆ︀ႛယ︀ႃႇ မ︀ေထုင︀်ဢ︀ꩫ︀်ႈမ︀ဝ်တ︀ြႃး ဢ︀ꩫ︀်ႈမ︀ꩫ︀်းꩭီတ︀်ꩭင︀်ႛꩫ︀ႆ︀ႇၵ︀ဝ် ဢ︀ꩫ︀်ႈၵ︀ိူင︀်ႈꩫ︀ီႈမ︀ုက︀်ႉလ︀ႆ︀ၢးꩫ︀ႆ︀ႇၵ︀ဝ် တ︀ီမ︀်ႈက︀ꩫ︀်ႈဢ︀ူ။

ၿျႃၻိက︀်ႉ 18:16

“ဢ︀က︀လ︀ုက︀်က︀ွေး ဢ︀ီႊ ဝီင︀်းလ︀ူင︀်ꩴ︀း။ မ︀ႂ်း ၵ︀ိူင︀်ႈမ︀ꩫ︀်ႛဢ︀ူꩫ︀်ႛ၊ မ︀ꩫ︀်ႛꩫ︀ႅင︀်ႈ၊ မ︀ꩫ︀်ႛင︀ဝ်းမ︀က︀်ၵ︀ိူဝ်ꩫ︀ႆ︀ႇၵ︀ဝ်ꩫ︀ုင︀်ႈꩬ︀ီ ၵ︀ိူင︀်ႈၵ︀မ︀်း၊ ၵ︀ိူင︀်ႈꩬ︀ႅင︀်၊ ၵ︀ိူင︀်ႈပ︀လ︀ႄးꩫ︀ႆ︀ႇၵ︀ဝ်ꩭၢင︀်ႛꩬ︀ီ

ၿျႃၻိက︀်ႉ 21:15

ၵ︀ုꩫ︀်ꩬ︀ၢင︀်ဢ︀ꩫ︀်ႈက︀ဝ်ႈမ︀ႆ︀ႛတ︀ၢꩫ︀်ႛꩫ︀ႆ︀ႇယ︀ႃႇ က︀ꩫ︀်းင︀ၢင︀်ၵ︀မ︀်း ꩡ︀ႃႇဝီင︀်း၊ တ︀ၢင︀်းပ︀တ︀ူႈဝီင︀်းင︀ႆ︀း တ︀ႃဝီင︀်းꩫ︀ႆ︀ႇၵ︀ဝ်မ︀ႆ︀ႛ တ︀ႅက︀်ႉꩫ︀ႆ︀ႇတ︀ိုဝ်းဝႆ︀ႇဢ︀ူ။

ၿျႃၻိက︀်ႉ 21:18

တ︀ႃဝီင︀်းဢ︀မ︀ႂ်းယ︀ႃႇ ဢ︀ဝ်ႈꩬ︀ႅင︀်ꩫ︀က︀ႃးꩭီတ︀်ဝႆ︀ႇꩬ︀ီ ဝီင︀်းမ︀ႆ︀ႛယ︀ႃႇ ဢ︀ဝ်ႈၵ︀မ︀်းတ︀ွင︀် ဢ︀ꩫ︀်ႈꩫ︀င︀်ၸ︀ၢꩫ︀်ꩫ︀က︀ꩫ︀်ႈလ︀ႅင︀်းꩡ︀ၢင︀်ꩰꩫ︀ႆ︀ၢႈꩡ︀ႅတ︀်ႉꩰꩫ︀မ︀် ꩭီတ︀်ဝႆ︀ႇꩫ︀ႆ︀ႇ။

ၿျႃၻိက︀်ႉ 22:2

က︀ꩫ︀်ႛꩫ︀ႂ်းဝီင︀်း ၵ︀ိူင︀်းက︀ၢင︀်ႈတ︀ၢင︀်းလ︀ူင︀်မ︀ႆ︀ႛ လ︀ႆ︀က︀ႃဢ︀ူ။ ꩭိမ︀်းꩫ︀မ︀်ႇဢ︀မ︀ႂ်းတ︀င︀်းꩬ︀ွင︀်ပ︀ႃႛမ︀ႆ︀ႛယ︀ႃႇ တ︀ူꩫ︀်ႛမ︀က︀်ဢ︀ꩫ︀်ႈꩭႂ်ႛဢ︀ꩬ︀ၢက︀်ႉ ဢ︀ꩫ︀်ႈပ︀ီႈလ︀ိူင︀်ႈမ︀ႆ︀ႛ မ︀က︀်ꩬ︀ိပ︀်ꩬ︀ွင︀်ပ︀ၢꩫ︀်ႈပ︀ီꩫ︀်ႈꩫ︀ႆ︀ႇယ︀င︀်းဢ︀ူ။ မ︀က︀်ဢ︀မ︀ႂ်းၵ︀ဝ်ယ︀ႃႇ ဢ︀ေႈꩫ︀ိူꩫ︀်ႈမ︀က︀်ဢ︀ေႈၸ︀ꩫ︀်းပ︀ီꩫ︀်ႈꩬ︀ီ မ︀ႂ်ႈမ︀ꩫ︀်းꩫ︀ႆ︀ႇၵ︀ဝ်ယ︀ႃႇ ၸ︀ꩫ︀်းက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ꩫ︀်ႈၵ︀ႆ︀ႛဢ︀ꩫ︀်ႈꩡ︀ီပ︀်ဢ︀ဝ်ႈꩭႆ︀ၢꩭႂ်ႛဢ︀ူ။

ၿျႃၻိက︀်ႉ 4:6

က︀ꩫ︀်ႛꩫ︀ႃႛပ︀လ︀ၢင︀်ဢ︀မ︀ႂ်းမ︀ႆ︀ႛက︀ေႃႇ ပ︀ၢင︀်လ︀ႆ︀ၢၸ︀ၢꩫ︀် ဢ︀ꩫ︀်ႈꩫ︀င︀်ꩭိꩫ︀်လ︀ႅင︀်းꩫ︀က︀ꩫ︀်ႈလ︀ႅင︀်းꩡ︀ၢင︀်ꩰꩫ︀ႆ︀ႇ ယ︀င︀်းဢ︀ူ။ ꩭိမ︀်းပ︀လ︀ၢင︀်ဢ︀မ︀ႂ်း က︀ူႈပ︀ႃႛမ︀ႆ︀ႛယ︀ႃႇ ꩬ︀တ︀်ႉတ︀ဝႃꩬ︀ီပ︀ႃး ဢ︀ꩫ︀်ႈက︀ꩫ︀်ႛꩫ︀ႃႛက︀ꩫ︀်ႛလ︀င︀်တ︀င︀်းတ︀ူဝ်ႈမ︀ႆ︀ႛ ꩭွေတ︀ႃႈꩫ︀ႆ︀ၢႈတ︀ီမ︀်ႈက︀ꩫ︀်ႈꩫ︀ႆ︀ႇ ယ︀င︀်းဢ︀ူ။