ၿျႃၻိက︀်ႉ 2:10 - Khamti Shan

¹⁰ မ︀ႂ်းတ︀ီꩫ︀ႆ︀ႛၵ︀ၢမ︀်ၻုက︀်ႉၵ︀က︀ꩬ︀င︀်ꩫ︀က︀ေႃႇ ပ︀ီက︀ူဝ်ႈ။ က︀ူꩫ︀်းမ︀ႂ်းက︀မ︀်ႈၸ︀ွင︀်းမ︀ႆ︀ႛ ၵ︀ုꩫ︀်ꩬ︀ူင︀်ꩬ︀ႂ်ထွင︀်ꩬ︀ီ ၵ︀ꩫ︀်ꩬ︀ိပ︀်ဝꩫ︀်းလ︀ိူင︀်ႈယ︀ႃႇ မ︀ႂ်းတ︀ီꩫ︀ႆ︀ႛၵ︀ၢမ︀်က︀ဝ်း တ︀ီꩫ︀ႆ︀ႛၵ︀ၢမ︀်ၻုက︀်ႉၵ︀ꩫ︀မ︀်။ င︀ႆ︀းꩫ︀ႆ︀ႇꩬ︀ီ တ︀ူဝ်ပ︀ူဝ်းတ︀ႆ︀ၢႈꩫ︀က︀ေႃႇ က︀ဝ်ႈမ︀ႆ︀ႛယ︀ုမ︀်ယ︀မ︀်ႈၵ︀ိူင︀်ꩰတ︀ႃႉ။ င︀ႆ︀းက︀ီး မ︀ႂ်းမ︀ႆ︀ႛက︀ဝ်ႈ ꩬ︀ူးပ︀ွင︀်းဢ︀ꩬ︀ၢက︀်ႉတ︀ီပ︀ူင︀်ႈꩭႂ်ႛꩫ︀မ︀်။

ၿျႃၻိက︀်ႉ 2:10 ပူးပေါင်းရင်းမြစ်များ

မ︀တ︀်တ︀ႄး 10:22

လ︀ႆ︀ၢးပ︀ိူဝ်ႈꩬ︀ူပ︀ီꩫ︀်ႈတ︀ပ︀ေးက︀ဝ်ႈꩫ︀ႆ︀ႇꩬ︀ီ ပ︀ိူꩫ︀်ႈတ︀င︀်းမ︀ိူင︀်း ꩬ︀ူမ︀ႆ︀ႛတ︀ီꩡ︀င︀်းက︀ꩫ︀်ႈꩫ︀မ︀်။ ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛ တ︀ူဝ်ပ︀ူဝ်းတ︀ႆ︀ၢႈယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈမ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ တ︀ီၵ︀ေꩬ︀ေꩭႂ်ႛꩫ︀မ︀်။

မ︀တ︀်တ︀ႄး 10:28

က︀ူꩫ︀်းဢ︀ꩫ︀်ႈတ︀ူဝ်ႈမ︀ႆ︀ႛꩫ︀ႆ︀ၢႈꩬ︀ိုင︀် ဢ︀ဝ်ႈတ︀ႆ︀ၢႈꩬ︀ီ ၵ︀ွꩫ︀်မ︀ႆ︀ႛဢ︀ဝ်ႈတ︀ႆ︀ၢႈမ︀ဝ်ꩫ︀ႆ︀ႛမ︀ႆ︀ႛ ပ︀ီက︀ူဝ်ႈ။ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈတ︀ူဝ်ႈမ︀ႆ︀ႛတ︀မ︀ိူင︀်း ၵ︀ွꩫ︀်မ︀ႆ︀ႛတ︀မ︀ိူင︀်း ပ︀ွႆ︀တ︀ူက︀်င︀ႃးလ︀ႆ︀ၢးပ︀ီꩫ︀်ႈမ︀ႆ︀ႛꩬ︀ိုင︀် က︀ူဝ်ႈယ︀မ︀်ႈက︀ꩫ︀်ႈတ︀ႃႉ။

မ︀တ︀်တ︀ႄး 24:13

ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈဢ︀ဝ်ႈထိုင︀်ပ︀ႆ︀ၢႈꩭၢင︀်လ︀ေႚလ︀ေႚ ꩬ︀ႅတ︀်ႉꩡ︀ႃယ︀င︀်းမ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛတ︀ီၵ︀ေꩬ︀ေꩭႂ်ႛꩫ︀မ︀်။

မ︀ႃက︀ု 13:13

လ︀ႆ︀ၢးပ︀ိူဝ်ႈက︀ဝ်ႈꩫ︀ႆ︀ႇ ꩬ︀ူမ︀ႆ︀ႛက︀ူꩫ︀်းက︀ူႈက︀ူဝ်ႇတ︀ီꩡ︀င︀်းက︀ꩫ︀်ႈꩫ︀မ︀်။ ꩫ︀ႆ︀ႇꩫ︀က︀ေႃႇ ဢ︀ဝ်ႈထိုင︀်ပ︀ၢႆ︀ႈꩭၢင︀်လ︀ေႚလ︀ေႚ ꩬ︀ႅတ︀်ႉꩡ︀ႃယ︀င︀်းက︀ီး ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛဢ︀ူ။

မ︀ႃက︀ု 8:35

ꩬ︀ူၵ︀ႂ်ႈၵ︀ေꩬ︀ေဢ︀ꩬ︀ၢက︀်ႉၸ︀ူႛꩡ︀ဝ်ႛက︀ီး ဢ︀ꩬ︀ၢက︀်ႉꩬ︀ူꩬ︀ုမ︀်းဢ︀ူ။ ꩫ︀ႆ︀ႇꩫ︀က︀ေႃႇ ꩬ︀င︀်ဝႃႈꩬ︀ူ ꩡ︀ႃႇက︀ဝ်ႈꩫ︀ၵ︀ႃ ꩡ︀ႃႇၵ︀ၢဝ်ႈၵ︀ၢမ︀်းꩫ︀ီႈ ၵ︀ွတ︀်ဢ︀ꩬ︀ၢက︀်ႉက︀ီး ဢ︀ꩬ︀ၢက︀်ႉꩬ︀ူꩫ︀ႆ︀ႛပ︀ွက︀်ႉဢ︀ူ။

လ︀ုက︀ႃ 21:12

ꩫ︀ႆ︀ႇꩫ︀က︀ေႃႇ မ︀ိူဝ်ႈဢ︀မ︀ႂ်းၵ︀ဝ် ꩵ︀ႈပ︀ႆ︀ပ︀ီꩫ︀်ႈမ︀ႃးꩫ︀ႆ︀ႇ ꩬ︀ူမ︀ႆ︀ႛပ︀ိူꩫ︀်ႈꩬ︀ႅဝ်ႛꩬ︀ီ တ︀ီꩫ︀ိက︀်ႉꩬ︀ၢက︀်ႉက︀ꩫ︀်ႈꩫ︀မ︀်။ ꩬ︀ူမ︀ႆ︀ႛပ︀ိူꩫ︀်ႈ ꩡ︀ွင︀်းꩬ︀ွꩫ︀်တ︀ြႃးꩫ︀ႆ︀ႇၵ︀ဝ်မ︀ႆ︀ႛ ထိုင︀်တ︀ြႃးꩬ︀ီ တ︀ီꩬ︀ႂ်ထွင︀်ꩫ︀မ︀်။ လ︀ႆ︀ၢးပ︀ိူဝ်ႈက︀ဝ်ႈမ︀ႆ︀ႛယ︀ုမ︀်ယ︀မ︀်ႈꩫ︀ႆ︀ႇꩬ︀ီ ꩬ︀ူမ︀ႆ︀ႛပ︀ိူꩫ︀်ႈပ︀ၢင︀်ႈꩫ︀ႃႛꩡ︀ဝ်ႛꩭူဝ်ၵ︀မ︀်း၊ ပ︀ၢင︀်ႈꩫ︀ႃႛꩡ︀ဝ်ႛၵ︀ုꩫ︀်ꩫ︀ႆ︀ႇၵ︀ဝ်မ︀ႆ︀ႛ တ︀ီꩡ︀ꩫ︀်ႈက︀ႃꩫ︀မ︀်။

ယ︀ေႃးꩭၢꩫ︀် 12:25

က︀ူဝ်ႇဢ︀ꩫ︀်ႈဢ︀ꩬ︀ၢက︀်ႉၸ︀ူႛꩡ︀ဝ်ႛမ︀ႆ︀ႛꩭၢက︀်ႉꩫ︀ႆ︀ႇ ဢ︀ꩬ︀ၢက︀်ႉꩬ︀ုမ︀်းက︀ႃဢ︀ူ။ မ︀ိူင︀်းက︀ၢင︀်ႈမ︀ႆ︀ႛ က︀ူဝ်ႇဢ︀ꩫ︀်ႈဢ︀ꩬ︀ၢက︀်ႉၸ︀ူႛꩡ︀ဝ်ႛမ︀ႆ︀ႛမ︀ဝ်ꩬ︀ီꩫ︀ႆ︀ၢႈꩫ︀ႆ︀ႇယ︀ႃႇ ဢ︀ꩬ︀ၢက︀်ႉၸ︀ူႛꩡ︀ဝ်ႛမ︀ႆ︀ႛ ꩡ︀ူဝ်ႈထႃဝရ︀ꩫ︀ႆ︀ႛဢ︀ူ။

ယ︀ေႃးꩭၢꩫ︀် 13:2

ꩡ︀ဝ်ႛယ︀ေꩬ︀ု တ︀င︀်းတ︀ပ︀ေးꩡ︀ဝ်ႛၵ︀ဝ် က︀ိꩫ︀်ႈၵ︀ဝ်ႛပ︀ၢင︀်ႛၵ︀မ︀်ႈꩬ︀ီဢ︀ူဢ︀ူ။ မ︀ိူဝ်ႈဢ︀မ︀ႂ်း ၵ︀ုꩫ︀်ꩬ︀ူင︀်ယ︀ႃႇ ယ︀ုတ︀ ၸ︀ူႛလ︀ုက︀်ႉꩬ︀ႅင︀်မ︀ုꩫ︀်ꩬ︀က︀ႃရ︀ုတ︀်မ︀ႆ︀ႛ ꩭူဝ်ꩡ︀ႂ်ႈဢ︀ꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛ ၵ︀ႂ်ႈၸ︀ုꩫ︀်ႇꩬ︀ႅတ︀်ႉꩬ︀ႃꩫ︀ႆ︀ႇ ꩬ︀ႂ်ဝႆ︀ႇယ︀ဝ်ႇꩰ။

ယ︀ေႃးꩭၢꩫ︀် 13:27

မ︀ွင︀်းယ︀ုတ︀ၵ︀ဝ်ႛမ︀ုꩫ︀်းဢ︀မ︀ႂ်းက︀ိꩫ︀်ႈယ︀ႃႇ ꩭူဝ်ꩡ︀ႂ်ႈမ︀ꩫ︀်းမ︀ႆ︀ႛ ၵ︀ုꩫ︀်ꩬ︀ူင︀်ၵ︀ဝ်ႛက︀ႃဢ︀ူ။ ꩡ︀ဝ်ႛယ︀ေꩬ︀ုယ︀ႃႇ ယ︀ုတ︀မ︀ႆ︀ႛ “ဢ︀ꩫ︀်ႈမ︀ႂ်းဝႃႈꩭီတ︀်ꩫ︀ႆ︀ႇ ဢ︀ဝ်ႈက︀ႅင︀်က︀ႃꩭီတ︀်လ︀ႃး” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 20:24

ꩫ︀ႆ︀ႇꩫ︀က︀ေႃႇ ဢ︀ꩬ︀ၢက︀်ႉက︀ဝ်ႈမ︀ႆ︀ႛ က︀ဝ်ႈꩵ︀ႈꩬ︀ီꩫ︀ၢႆ︀ႈ။ တ︀ီႈဢ︀ꩫ︀်ႈက︀ဝ်ႈမ︀ႆ︀ႛꩡ︀ဝ်ႛယ︀ေꩬ︀ုꩡ︀ႂ်ႇမ︀ႆ︀ႛက︀ႃꩬ︀ီ ꩭႂ်ႛပ︀ူဝ်းꩭူဝ်းၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈယ︀ဝ်ႇꩫ︀ႆ︀ႇꩬ︀ိုင︀် ၵ︀ႅꩫ︀်းဢ︀ၵ︀ႅက︀်ႉꩫ︀မ︀်။

ထဝ်ꩡ︀တ︀်ႉၵ︀ဝ် 21:13

ꩫ︀ႆ︀ႇမ︀ႆ︀ႛ ပ︀ေႃလ︀ုယ︀ႃႇ “ꩭီတ︀်က︀ꩬ︀င︀်ꩫ︀ႆ︀ꩬ︀ူယ︀ႃႇ င︀ႆ︀းꩭႆ︀ႛꩬ︀ီꩡ︀ႂ်ႈက︀ဝ်ႈမ︀ႆ︀ႛ ဢ︀ဝ်ႈꩬ︀ဝ်ႛꩫ︀ႆ︀ႇ။ က︀ွပ︀်ႉပ︀ိူဝ်ႈꩡ︀ိုဝ်ႈꩡ︀ဝ်ႛယ︀ေꩬ︀ုꩫ︀က︀ီး ဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛ ပ︀ိူꩫ︀်ႈက︀ဝ်ႈမ︀ႆ︀ႛၸ︀ုက︀်ꩫ︀ႆ︀ႇꩬ︀ေႇမ︀ဝ်က︀ႃး ဢ︀ဝ်ႈတ︀ၢႆ︀ႈꩫ︀က︀ေႃႇꩭႂ်ႛဢ︀ဝ်ႈတ︀ၢႆ︀ႈက︀ွတ︀်။ က︀ဝ်ႈꩭႅမ︀်းယ︀ဝ်ႇꩰ” ꩫ︀ꩬ︀ီဝႃႈပ︀ွက︀်ႉဢ︀ူ။

က︀ေႃရ︀ိꩫ︀်တ︀ု ႑ 9:25

က︀ူꩫ︀်းဢ︀ꩫ︀်ႈလ︀ီꩫ︀်ႛꩭႅင︀်းꩫ︀ႆ︀ႇၵ︀ဝ်တ︀င︀်းမ︀ိူင︀်း ꩭႂ်ႛပ︀ူဝ်းꩫ︀ႆ︀ႛ ပ︀ွင︀်းꩬ︀ူးဢ︀ꩫ︀်ႈတ︀ီꩭိဝ်ꩭႆ︀ၢက︀ႃꩫ︀ႆ︀ႇ ꩡ︀ွမ︀်းၸ︀ိင︀်ႛပ︀ႅင︀်ႈꩬ︀ီ ၸ︀ိူက︀်ဢ︀ၵ︀ႅက︀်ႉက︀ꩫ︀်ႈꩫ︀မ︀်။ ꩫ︀ႆ︀ႇꩫ︀က︀ေႃႇ ꩭဝ်းယ︀ႃႇ ꩭႂ်ႛပ︀ူဝ်းꩫ︀ႆ︀ႛပ︀ွင︀်းꩬ︀ူးဢ︀ꩫ︀်ႈတ︀ီမ︀ဝ်ꩭိဝ်ꩭႆ︀ၢက︀ႃꩫ︀ႆ︀ႇꩫ︀မ︀် ꩬ︀ေႈꩡ︀ႃႉက︀ꩫ︀်ႈꩫ︀ႆ︀ႇ။

ဢ︀ေၸ︀ႅတ︀် 2:2

မ︀ိူဝ်ႈဢ︀မ︀ႂ်း ꩬ︀ူ ꩫ︀င︀်က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်တ︀ွင︀်းꩫ︀ႆ︀ႇၵ︀ဝ်ꩫ︀က︀ꩫ︀်ႈဢ︀ူꩬ︀ီ ၵ︀ၢမ︀်းၵ︀ုꩫ︀်ꩬ︀ူင︀် ဢ︀ꩫ︀်ႈꩭူမ︀်းက︀ၢင︀်ႈၸ︀ႃႇမ︀ႆ︀ႛ ထွမ︀်ꩡ︀ွမ︀်းမ︀ႃးဢ︀ူ။ ၵ︀ုꩫ︀်ꩬ︀ူင︀်ဢ︀ꩫ︀်ႈင︀မ︀်းၵ︀ွꩫ︀်ꩫ︀ႆ︀ႇၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ မ︀ဝ်ထွမ︀်ꩡ︀ွမ︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩭူမ︀်းဢ︀ူꩫ︀မ︀်။

ဢ︀ေၸ︀ႅတ︀် 6:12

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်းတ︀ိက︀်တ︀ူဝ်းꩫ︀ႆ︀ႇယ︀ႃႇ က︀ူꩫ︀်းမ︀ႆ︀ႛꩵ︀ႈꩡ︀ႂ်ႈ။ တ︀ꩫ︀်းၵ︀ူဝ်းၵ︀ွꩫ︀်ꩫ︀ႆ︀ႇၵ︀ဝ်၊ ၸ︀ူႛက︀မ︀်ႈဢ︀ႃꩫ︀ႃꩫ︀ႆ︀ႇၵ︀ဝ်၊ ၵ︀ုꩫ︀်ၵ︀ွꩫ︀်ꩭႆ︀ၢႇဢ︀ꩫ︀်ႈ ဢ︀ꩫ︀်ႈꩫ︀မ︀်ႈꩬ︀ိင︀်မ︀ိူင︀်းက︀ၢင︀်ꩫ︀ႆ︀ႇမ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇၵ︀ဝ်၊ ၸ︀ီꩭၢႆ︀ႇဢ︀ꩫ︀်ႈဢ︀ူက︀ၢင︀်ႈꩭၢဝ်ꩫ︀ႆ︀ႇၵ︀ဝ်မ︀ႆ︀ႛꩫ︀မ︀် ꩭဝ်းတ︀ိက︀်တ︀ူဝ်းဢ︀ူꩫ︀ႆ︀ႇ။

ယ︀ႃက︀ု 1:12

မ︀ိူဝ်ႈꩬ︀ူမ︀ႆ︀ႛ ဢ︀ꩫ︀်ႈယ︀ပ︀်ယ︀ၢက︀်ႉꩫ︀ႆ︀ႇၵ︀ဝ် ၵ︀ဝ်ႛမ︀ႃးꩫ︀ႆ︀ႇ က︀ꩫ︀်ႛပ︀ီꩫ︀်ႈက︀ီး မ︀ၢင︀်က︀လ︀ႃယ︀င︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ူႛဢ︀ꩫ︀်ႈက︀ꩫ︀်ႛပ︀ေႇ၊ ၸ︀ူႛဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩭၢက︀်ႉꩫ︀ႆ︀ႇၵ︀ဝ်မ︀ႆ︀ႛ ꩬ︀ူးဢ︀ꩬ︀ၢက︀်ႉꩭႂ်ႛက︀ွတ︀်ꩫ︀ꩬ︀ီ မ︀ꩫ︀်းꩡ︀ဝ်ႛက︀တ︀ိꩭႂ်ႛဝႆ︀ႇꩬ︀ီꩫ︀မ︀်။

ပ︀ေတ︀ရ︀ု ႑ 5:4

င︀ႆ︀းက︀ီး မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ဝ်ႛၸ︀ူႛလ︀ီင︀်ႇပ︀ူႇလ︀ူင︀် က︀ျွႃးပ︀ွက︀်ႉမ︀ႃးꩫ︀ႆ︀ႇ မ︀ꩫ︀်းꩡ︀ဝ်ႛ ꩬ︀ူမ︀ႆ︀ႛ ပ︀ွင︀်းမ︀ူꩫ︀်ႈၸ︀ုင︀်းဢ︀ꩫ︀်ႈမ︀ဝ်ꩭိဝ်ꩭႆ︀ၢꩡ︀ၢင︀်ႈꩫ︀ႆ︀ႇတ︀ီꩭႂ်ႛꩫ︀မ︀်။

ပ︀ေတ︀ရ︀ု ႑ 5:8

ၵ︀ႅတ︀်ꩰꩫ︀ီမ︀်ꩰꩬ︀ီဢ︀ူက︀ꩫ︀်ႈတ︀ႃႉ။ လ︀ꩫ︀်ꩬ︀ူꩬ︀ူ ၵ︀ုꩫ︀်ꩬ︀ူင︀်မ︀ႆ︀ႛ ꩬ︀တ︀ိက︀ꩫ︀်ႈတ︀ႃႉ။ မ︀ꩫ︀်းယ︀ႃႇ ꩫ︀င︀်ၵ︀ၢင︀်ꩬ︀ီႛꩬ︀ႅꩫ︀်ဢ︀ူꩫ︀က︀ꩫ︀်ႈ ၸ︀ႂ်မ︀ႆ︀ႛတ︀ီက︀ၢပ︀်ႉက︀ိꩫ︀်ႈꩫ︀ꩫ︀ႆ︀ႇ ပ︀ꩫ︀်ၵ︀ႃꩬ︀ီဢ︀ူꩫ︀မ︀်။

ၿျႃၻိက︀်ႉ 13:14

တ︀ူဝ်ႈꩭႆ︀ၢႇတ︀ုတ︀ိယ︀ဢ︀မ︀ႂ်း ဢ︀ဝ်ႈတ︀ꩫ︀်းၵ︀ူဝ်းဢ︀ꩫ︀်ႈ ပ︀ၢင︀်ႈꩫ︀ႃႛတ︀ူဝ်ႈꩭႆ︀ၢႇပ︀ထမ︀မ︀ႆ︀ႛပ︀ျႃးꩫ︀ႆ︀ႇ က︀ူꩫ︀်းတ︀င︀်းက︀မ︀်ၸ︀ႃမ︀ႆ︀ႛ ၸ︀ၢမ︀်းဢ︀ူ။ ꩭုꩫ︀်ꩭၢင︀်ႈတ︀ူဝ်ႈꩭႆ︀ၢႇပ︀ထမ︀ ဢ︀ꩫ︀်ႈပ︀ႃႉꩭွႆ︀းၸ︀ႃႇꩫ︀က︀ေႃႇ ဢ︀ꩬ︀ၢက︀်ႉꩫ︀ိပ︀်ဢ︀မ︀ႂ်း က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛꩭီတ︀်ဢ︀ူ။

ၿျႃၻိက︀်ႉ 13:2

တ︀ူဝ်ႈꩭႆ︀ၢႇဢ︀မ︀ႂ်းယ︀ႃႇ ꩬ︀ိူဝ်ꩡ︀ုမ︀်ႛꩫ︀က︀ꩫ︀်ႈꩫ︀မ︀်။ တ︀ိꩫ︀်ႈမ︀ꩫ︀်းယ︀ႃႇ တ︀ိꩫ︀်ႈမ︀ီꩫ︀က︀ꩫ︀်ႈ၊ ꩬ︀ူပ︀်မ︀ꩫ︀်းယ︀ႃႇ ꩬ︀ူပ︀်ၵ︀ၢင︀်ꩬ︀ီႛꩫ︀က︀ꩫ︀်ႈꩫ︀မ︀်။ ꩫ︀က︀ႃးယ︀ႃႇ တ︀ꩫ︀်းၵ︀ူဝ်းမ︀ꩫ︀်း၊ ပ︀လ︀ၢင︀်မ︀ꩫ︀်းင︀ႆ︀း ဢ︀ႃꩫ︀ႃလ︀ူင︀်မ︀ꩫ︀်းꩫ︀ႆ︀ႇၵ︀ဝ် တ︀ူဝ်ႈꩭႆ︀ၢႇလ︀ူင︀်ဢ︀မ︀ႂ်းမ︀ႆ︀ႛ ဢ︀ၢပ︀်ႉꩭႂ်ႛဢ︀ူ။

ၿျႃၻိက︀်ႉ 13:7

မ︀ꩫ︀်းယ︀ႃႇ ဢ︀ၵ︀ၢင︀်းဢ︀ꩫ︀်ႈက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ တ︀ိက︀်ꩬ︀ိူက︀်ပ︀ေႇꩫ︀ႆ︀ႇင︀ႆ︀း ဢ︀ၵ︀ၢင︀်းဢ︀ꩫ︀်ႈ က︀ူꩫ︀်းဢ︀ꩫ︀်ႈတ︀ၢꩫ︀်ႛၵ︀ၢမ︀်းက︀ူႈၸ︀ꩫ︀်း၊ က︀ူꩫ︀်းက︀ူႈၸ︀ꩫ︀်း၊ က︀ူႈၵ︀ိူဝ်းဢ︀ꩫ︀်ႈဢ︀ူ က︀ူႈမ︀ိူင︀်းꩰꩫ︀ႆ︀ႇၵ︀ဝ်မ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇက︀ေႃႇ ꩫ︀ႆ︀ႛဝႆ︀ႇဢ︀ူ။

ၿျႃၻိက︀်ႉ 17:14

ꩡ︀ဝ်ႛꩭူဝ်ၵ︀မ︀်းꩫ︀ႆ︀ႇၵ︀ဝ် ပ︀ူႇဢ︀ွꩫ︀်မ︀ႆ︀ႛ တ︀ီတ︀ိက︀်ꩬ︀ိူက︀်ꩫ︀မ︀်။ ꩫ︀ႆ︀ႇꩫ︀က︀ေႃႇ ပ︀ူႇဢ︀ွꩫ︀်ယ︀ႃႇ ပ︀ီꩫ︀်ႈꩡ︀ဝ်ႛꩫ︀ိူဝ်ꩡ︀ဝ်ႛတ︀င︀်းမ︀ိူင︀်း၊ ꩡ︀ဝ်ႛꩭူဝ်ၵ︀မ︀်းꩫ︀ိူဝ်ꩡ︀ဝ်ႛꩭူဝ်ၵ︀မ︀်းတ︀င︀်းမ︀ိူင︀်းꩫ︀ႆ︀ႇꩬ︀ီ ၵ︀ဝ်မ︀ႆ︀ႛတ︀ီပ︀ေႇꩫ︀မ︀်။ က︀ူꩫ︀်းမ︀ꩫ︀်းꩡ︀ဝ်ႛ ဢ︀ꩫ︀်ႈမ︀ꩫ︀်းꩡ︀ဝ်ႛꩭွင︀်ႇဝႆ︀ႇ၊ လ︀ိူက︀်ႉဝႆ︀ႇꩬ︀ီ ꩬ︀ႅတ︀်ႉꩡ︀ႃယ︀င︀်းꩫ︀ႆ︀ႇၵ︀ဝ်က︀ေႃႇ တ︀င︀်းမ︀ꩫ︀်းꩡ︀ဝ်ႛ တ︀ီꩭူမ︀်ႈပ︀ေႇဢ︀ွင︀်ꩫ︀မ︀်” ꩫ︀ဝꩫ︀်ႇ။

ၿျႃၻိက︀်ႉ 2:13

တ︀ီႈဢ︀ꩫ︀်ႈၵ︀ုꩫ︀်ꩬ︀ူင︀်ဢ︀ုပ︀်ႉပ︀ိုင︀်မ︀ႆ︀ႛ မ︀ႂ်းꩭလ︀ိုဝ်ဢ︀ူꩫ︀ꩫ︀ႆ︀ႇ က︀ဝ်ႈတ︀ွင︀်းဢ︀ူ။ ꩭလ︀ိုဝ်ꩫ︀က︀ေႃႇ မ︀ႂ်းယ︀ႃႇ က︀ဝ်ႈမ︀ႆ︀ႛꩬ︀ႅတ︀်ႉꩡ︀ႃယ︀င︀်းဢ︀ူ။ ဢ︀ꩫ︀်တ︀ိပ︀ ဢ︀ꩫ︀်ႈက︀ဝ်ႈမ︀ႆ︀ႛꩬ︀ႅတ︀်ႉꩡ︀ႃယ︀င︀်းꩬ︀ီ ꩭီတ︀်ꩬ︀ၢက︀်ႉꩬ︀ေက︀ဝ်ႈꩫ︀ႆ︀ႇ တ︀ီႈဢ︀ꩫ︀်ႈၵ︀ုꩫ︀်ꩬ︀ူင︀်ဢ︀ုပ︀်ႉပ︀ိုင︀်ဢ︀မ︀ႂ်းမ︀ႆ︀ႛ ꩫ︀ႆ︀ႛၵ︀ၢမ︀်တ︀ႆ︀ၢႈမ︀ႃးယ︀ဝ်ႇ။ မ︀ိူဝ်ႈဢ︀မ︀ႂ်းꩫ︀ႆ︀ၢႈက︀ေႃႇ မ︀ႂ်း က︀ဝ်ႈမ︀ႆ︀ႛ ယ︀ုမ︀်ယ︀မ︀်ႈၵ︀ိူင︀်ꩰဢ︀ူ။

ၿျႃၻိက︀်ႉ 2:9

မ︀ႂ်းၵ︀ႂ်ႈလ︀ႂ်ႈယ︀ပ︀်ယ︀ၢက︀်ႉ ၵ︀ႂ်ႈလ︀ႂ်ႈၻုက︀်ႉၵ︀ꩫ︀ꩫ︀ႆ︀ႇ က︀ဝ်ႈတ︀ွင︀်းဢ︀ူ။ ဢ︀ꩫ︀်ႈတ︀ေႇတ︀ေႇက︀ီး မ︀ႂ်းယ︀ႃႇမ︀ီးဢ︀ူ။ က︀ူꩫ︀်းက︀ုမ︀်ႛၵ︀ုꩫ︀်ꩬ︀ူင︀်ဢ︀ꩫ︀်ႈꩭႅꩫ︀်းꩭီတ︀်က︀ျူးꩫ︀ႆ︀ႇၵ︀ဝ် မ︀ႂ်းမ︀ႆ︀ႛꩭလ︀ိုဝ်က︀ေးလ︀ေးꩫ︀ꩫ︀ႆ︀ႇ က︀ဝ်ႈတ︀ွင︀်းဢ︀ူ။