ၿျႃၻိက︀်ႉ 17:5 - Khamti Shan

⁵ ꩫ︀ႃႛၸ︀က︀်မ︀ꩫ︀်းမ︀ႆ︀ႛယ︀ႃႇ “ဝီင︀်းၿေၿီလ︀ုင︀်လ︀ူင︀် ၸ︀ူႛမ︀ေႈဢ︀ꩫ︀်ႈၵ︀ိူင︀်ႈꩫ︀ီႈꩭင︀်ႛဢ︀ꩫ︀်ႈက︀မ︀်ၸ︀ႃမ︀ႆ︀ႛယ︀င︀်းꩫ︀ႆ︀ႇၵ︀ဝ်တ︀င︀်းမ︀ိူင︀်း၊ ၸ︀ူႛမ︀ေႈမ︀ေႈမ︀ွက︀်ယ︀ႃႛꩫ︀ႆ︀ႇၵ︀ဝ်တ︀င︀်းမ︀ိူင︀်း” ꩫ︀ꩬ︀ီꩡ︀ိုဝ်ႈဢ︀ꩫ︀်ႈတ︀ီႈပ︀ွင︀်ဢ︀ဝ်ႈမ︀ႅပ︀်ဝႆ︀ႇꩫ︀ႆ︀ႇ တ︀ႅမ︀်ႛဝႆ︀ႇဢ︀ူ။

ၿျႃၻိက︀်ႉ 17:5 ပူးပေါင်းရင်းမြစ်များ

ၸ︀ိလ︀ိပ︀်ပ︀ၢႆ︀ 3:19

ၵ︀ဝ်ယ︀ႃႇ ꩡ︀ႂ်ႈဢ︀ꩫ︀်ႈꩭီတ︀်ဢ︀ပ︀ႅတ︀်ႉမ︀ႆ︀ႛ ꩭီတ︀်ၸ︀ြႃးၵ︀ဝ်ꩫ︀ႆ︀ႇꩬ︀ီ ပ︀ႆ︀ၢႈꩭၢင︀်လ︀ေႚလ︀ေႚမ︀ႆ︀ႛ တ︀ီလ︀ူႇပ︀ႅက︀်ႉက︀ႃꩫ︀မ︀်။ ၵ︀ဝ်ယ︀ႃႇ ဢ︀ꩫ︀်ႈၵ︀ိူင︀်ႈꩫ︀ီႈဢ︀ႆ︀ၢႈꩫ︀ႆ︀ႇၵ︀ဝ်မ︀ႆ︀ႛꩬ︀င︀် ꩭီတ︀်ဢ︀ၵ︀ႅက︀်ႉꩬ︀ီ က︀မ︀်ႇလ︀ွင︀်ႛက︀ꩫ︀်ႈ၊ လ︀ွင︀်ႈလ︀ေႃးက︀ီꩫ︀ႆ︀ႇၵ︀ဝ်ꩫ︀ႆ︀ၢႈꩬ︀ိုင︀် ၵ︀ႂ်ႈꩡ︀ႂ်ႈꩬ︀ီဢ︀ူက︀ꩫ︀်ႈꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႒ 2:7

လ︀ွင︀်ႈမ︀ိက︀်ႉꩬ︀ႃလ︀ူင︀်ဢ︀ꩫ︀်ႈမ︀ႅပ︀်ဝႆ︀ႇꩫ︀ႆ︀ႇ င︀ႆ︀ႚꩫ︀ႆ︀ၢႈက︀ေႃႇပ︀ႅꩫ︀်ႈမ︀ႃးယ︀ဝ်ႇ။ မ︀ိူဝ်ႈၸ︀ူႛꩭေႇဝႆ︀ႇမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈၵ︀ၢႆ︀ႇၵ︀ွတ︀်ꩫ︀ႆ︀ႇ လ︀ွင︀်ႈꩫ︀ႆ︀ႇၵ︀ဝ်တ︀ီပ︀ီꩫ︀်ႈမ︀ႃးꩫ︀မ︀်။

ၿျႃၻိက︀်ႉ 1:20

လ︀ွင︀်ႈꩫ︀ၢဝ်ႈၵ︀မ︀်းꩡ︀ီတ︀်လ︀ုက︀်ႉ ဢ︀ꩫ︀်ႈမ︀ိုဝ်းပ︀ႃႛၵ︀ႃက︀ဝ်ႈ ဝၢမ︀်ႇဝႆ︀ႇꩫ︀ႆ︀ႇၵ︀ဝ်ယ︀ႃႇ လ︀ိူက︀်ႉလ︀မ︀်ဢ︀ူ။ ꩫ︀ၢဝ်ႈꩡ︀ီတ︀်လ︀ုက︀်ႉယ︀ႃႇ ၵ︀ုꩫ︀်ꩬ︀ၢင︀်ꩡ︀ိူဝ်းꩡ︀ီတ︀်ပ︀ႃးင︀ႆ︀း ဝၢꩫ︀်ၸ︀ႆ︀းꩡ︀ီတ︀်ဢ︀ꩫ︀်ႈယ︀ႃႇ ꩡ︀ိူဝ်းꩡ︀ီတ︀်ပ︀ႃးꩫ︀မ︀်” ꩫ︀ဝꩫ︀်ႇ။

ၿျႃၻိက︀်ႉ 11:8

ꩭၢင︀်ႈတ︀ႆ︀ၢႈꩬ︀ွင︀်ၵ︀ႃမ︀ႆ︀ႛ ၵ︀ူꩫ︀်တ︀ၢင︀်းဝီင︀်းလ︀ူင︀် ဢ︀ꩫ︀်ႈꩡ︀ဝ်ႛၵ︀ဝ်မ︀ႆ︀ႛ တ︀ွက︀်ꩫ︀ိူဝ်ꩬ︀ဝ်ဝႃးမ︀ိုဝ်းတ︀ႆ︀ၢႈမ︀ႆ︀ႛ က︀ႃဢ︀ဝ်ႈၵ︀ိူဝ်ဝႆ︀ႇဢ︀ူ။ ဝီင︀်းဢ︀မ︀ႂ်းမ︀ႆ︀ႛ တ︀ီႈပ︀ွင︀်ပ︀ႃႛၵ︀ွꩫ︀်ယ︀ႃႇ ဝီင︀်းꩬ︀ေႃတ︀ုင︀်မ︀ဝ်ꩡ︀ႂ်ႈက︀ီး မ︀ိူင︀်းဢ︀ီက︀ျီပ︀်ꩫ︀ꩫ︀မ︀်။

ၿျႃၻိက︀်ႉ 14:8

ၵ︀ုꩫ︀်ꩬ︀ၢင︀်တ︀ၢင︀်ပ︀ႃးက︀ေႃႇ ꩬ︀မ︀်ႇꩬ︀ီ “ဝီင︀်းလ︀ူင︀် ၿေၿီလ︀ုင︀် လ︀ူမ︀်ႇပ︀ႅက︀်ႉယ︀ဝ်ႇ။ ဝီင︀်းဢ︀ꩫ︀်ႈက︀ူꩫ︀်းက︀ူႈၸ︀ꩫ︀်းမ︀ႆ︀ႛ ဢ︀ဝ်ႈမ︀ူးမ︀ဝ်းꩬ︀ီ ဢ︀ဝ်ႈၸ︀ိတ︀်မ︀ေထုင︀်က︀ꩫ︀်ႈꩫ︀ႆ︀ႇ လ︀ူမ︀်ႇပ︀ႅက︀်ႉယ︀ဝ်ႇ” ꩫ︀ဝꩫ︀်ႇ။

ၿျႃၻိက︀်ႉ 16:19

ဝီင︀်းလ︀ူင︀်ၿေၿီလ︀ုင︀်ꩫ︀ႆ︀ႇ ၸ︀ႃꩬ︀ၢမ︀်ꩬ︀ိက︀်ႉက︀ႃဢ︀ူ။ ဝီင︀်းက︀ူႈမ︀ိူင︀်းꩰꩫ︀ႆ︀ႇၵ︀ဝ်က︀ေႃႇ ၸ︀ေႛက︀ႃမ︀ူတ︀်ဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ပ︀ႅတ︀်ႉဝီင︀်းၿေၿီလ︀ုင︀်မ︀ႆ︀ႛ မ︀ဝ်လ︀ုမ︀်းꩬ︀ီ က︀ွက︀်ဝၢႆ︀မ︀က︀်ꩡ︀ပ︀ႅတ︀်ႉတ︀ေႃးꩬ︀ႃးမ︀ꩫ︀်းꩡ︀ဝ်ႛ တ︀ိက︀်ꩭႂ်ႛယ︀ဝ်ႇ။ တ︀ေႃးꩬ︀ႃးၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩫ︀င︀်ၵ︀ဝ်မ︀ႆ︀ႛ ꩫ︀ူꩫ︀်ႇဝၢႆ︀မ︀က︀်ꩡ︀ပ︀ႅတ︀်ႉꩫ︀က︀ꩫ︀်ႈꩫ︀ႆ︀ႇ ꩭႂ်ႛၵ︀ၢမ︀်ယ︀ဝ်ႇ။

ၿျႃၻိက︀်ႉ 17:1

ယ︀ဝ်ႇက︀ီး ၵ︀ုꩫ︀်ꩬ︀ၢင︀်ꩡ︀ီတ︀်ပ︀ႃး ဢ︀ꩫ︀်ႈက︀ွက︀်ꩡ︀ီတ︀်လ︀ုက︀်ႉတ︀ိုဝ်းဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ပ︀ႃးလ︀ိူင︀်ႈꩫ︀ႆ︀ႇက︀ဝ်ႈမ︀ႆ︀ႛမ︀ႃးꩬ︀ီ “မ︀ႃးတ︀ႃႉ။ မ︀ေႈမ︀ွက︀်ယ︀ႃႛလ︀ူင︀် ဢ︀ꩫ︀်ႈက︀ꩫ︀်ႛꩫ︀ိူဝ်ꩫ︀မ︀်ႇပ︀ၢင︀်လ︀ႆ︀ၢꩫ︀ႆ︀ႇၵ︀ဝ်မ︀ႆ︀ႛꩫ︀င︀်ႈꩫ︀ႆ︀ႇမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ တ︀ီꩭလ︀ိုဝ်ပ︀ူင︀်ႈတ︀ၢမ︀်ꩫ︀ꩫ︀ႆ︀ႇ က︀ဝ်ႈပ︀ျႃးက︀ွတ︀်။

ၿျႃၻိက︀်ႉ 17:2

ꩡ︀ဝ်ႛꩭူဝ်ၵ︀မ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ် တ︀င︀်းမ︀ꩫ︀်းꩭီတ︀်မ︀ေထုင︀်က︀ꩫ︀်ႈယ︀ဝ်ႇ။ က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ် ဝၢႆ︀မ︀က︀်ꩡ︀ပ︀ႅတ︀်ႉမ︀ေထုင︀်မ︀ꩫ︀်းက︀ိꩫ︀်ႈꩬ︀ီ မ︀ဝ်းက︀ꩫ︀်ႈယ︀ဝ်ႇ” ꩫ︀ဝꩫ︀်ႇ။

ၿျႃၻိက︀်ႉ 17:7

ꩫ︀ႆ︀ႇမ︀ႆ︀ႛ ၵ︀ုꩫ︀်ꩬ︀ၢင︀်ယ︀ႃႇ က︀ဝ်ႈမ︀ႆ︀ႛ “ꩵ︀တ︀ၢပ︀်ႉဢ︀ၢမ︀်း။ လ︀ွင︀်ႈမ︀ꩫ︀်း၊ လ︀ွင︀်ႈတ︀ူဝ်ႈꩭႆ︀ၢႇဢ︀ꩫ︀်ႈမ︀ꩫ︀်းၵ︀ီ ဢ︀ꩫ︀်ႈက︀ုမ︀်ꩭူဝ်ꩡ︀ီတ︀်လ︀ုက︀်ႉင︀ႆ︀း ၵ︀ဝ်ꩬ︀ိပ︀်ဢ︀ꩫ︀်ႈယ︀င︀်းဢ︀မ︀ႂ်းၵ︀ဝ် တ︀ီႈပ︀ွင︀်ꩭလ︀ိုဝ်ယ︀င︀်းꩫ︀ꩫ︀ႆ︀ႇ က︀ဝ်ႈၵ︀ႆ︀ႈꩭႂ်ႛက︀ွတ︀်။

ၿျႃၻိက︀်ႉ 18:2

ၵ︀ုꩫ︀်ꩬ︀ၢင︀်ဢ︀မ︀ႂ်းယ︀ႃႇ “ဝီင︀်းၿေၿီလ︀ုင︀်လ︀ူင︀်လ︀ူႇယ︀ဝ်ႇ။ ၸ︀ူႛယ︀ိင︀်းဢ︀မ︀ႂ်း လ︀ူႇယ︀ဝ်ႇ။ ဝီင︀်းဢ︀မ︀ႂ်း၊ ၸ︀ူႛယ︀ိင︀်းဢ︀မ︀ႂ်း ပ︀ီꩫ︀်ႈတ︀ီႈꩬ︀ွꩫ︀်ႈꩡ︀ႃႇ ၸ︀ီꩭၢႆ︀ႇꩫ︀ႆ︀ႇၵ︀ဝ်၊ ၵ︀ွꩫ︀်ꩭင︀်ႛꩫ︀ႆ︀ႇၵ︀ဝ်၊ ꩫ︀ူက︀်ႉဢ︀ꩫ︀်ႈꩭင︀်ႛ၊ ꩫ︀ိူဝ်ႇမ︀ိူဝ်ႛဢ︀ꩫ︀်ႈꩭင︀်ႛက︀ူႈၸ︀ꩫ︀်းꩫ︀ႆ︀ႇၵ︀ဝ်ယ︀ဝ်ႇ။

ၿျႃၻိက︀်ႉ 18:21

ဝႆ︀ၢးꩫ︀ႆ︀ႇ ၵ︀ုꩫ︀်ꩬ︀ၢင︀် ဢ︀ꩫ︀်ႈတ︀ꩫ︀်းၵ︀ူဝ်းယ︀ႂ်ပ︀ႃးလ︀ိူင︀်ႈယ︀ႃႇ ꩭိꩫ︀်ဢ︀ꩫ︀်ႈယ︀ႂ်လ︀ူင︀်လ︀ုက︀်ႉလ︀ိူင︀်ႈ ꩫ︀မ︀်ႇပ︀ၢင︀်လ︀ႆ︀ၢမ︀ႆ︀ႛ ပ︀ိုဝ်တ︀ူက︀်ၵ︀ွတ︀်ယ︀ဝ်ႇက︀ီး “ꩫ︀င︀်ꩭိꩫ︀်ꩫ︀ႆ︀ႇꩫ︀က︀ꩫ︀်ႈ ဝီင︀်းၿေၿီလ︀ုင︀်လ︀ူင︀်မ︀ႆ︀ႛ တ︀ီပ︀ိုဝ်တ︀ူက︀်ၵ︀ွတ︀်ꩫ︀မ︀်။ ဝီင︀်းဢ︀မ︀ႂ်းမ︀ႆ︀ႛ မ︀ိူဝ်ႈလ︀ႂ်ႈက︀ေႃႇ တ︀ီမ︀ဝ်ꩫ︀ႆ︀ႛꩭꩫ︀်ပ︀ွက︀်ႉꩫ︀မ︀်။

ၿျႃၻိက︀်ႉ 19:2

ဢ︀ꩫ︀်ႈမ︀ꩫ︀်းꩡ︀ဝ်ႛ ပ︀ႅတ︀်ႉတ︀ြႃးꩫ︀ႆ︀ႇယ︀ႃႇ ꩬ︀ိုဝ်ႈတ︀ူဝ်တ︀ီၵ︀ႃႛဢ︀ူ။ မ︀ေႈမ︀ွက︀်ယ︀ႃႛလ︀ူင︀် ဢ︀ꩫ︀်ႈက︀ူꩫ︀်းတ︀င︀်းက︀မ︀်ၸ︀ႃမ︀ႆ︀ႛ ဢ︀ဝ်ႈမ︀ေထုင︀်မ︀ꩫ︀်း ဢ︀ဝ်ႈလ︀ူႇတ︀ၢင︀်းက︀ႅင︀်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ပ︀ူင︀်ႈတ︀ၢမ︀်ယ︀ဝ်ႇ။ က︀ႃႈမ︀ꩫ︀်းဢ︀ဝ်ႈတ︀ႆ︀ၢႈ ၸ︀ူႛꩡ︀ႂ်ႇမ︀ꩫ︀်းꩡ︀ဝ်ႛၵ︀ဝ်ꩫ︀ႆ︀ႇ မ︀ꩫ︀်းမ︀ႆ︀ႛပ︀ူင︀်ႈတ︀ၢမ︀်ꩭႂ်ႛယ︀ဝ်ႇ” ꩫ︀ꩬ︀ီဢ︀ိဝ်က︀ꩫ︀်ႈဢ︀ူ။

ၿျႃၻိက︀်ႉ 7:3

“ꩫ︀ႃႛၸ︀က︀်ၸ︀ူႛꩡ︀ႂ်ႇၸ︀ြႃးပ︀ီꩫ︀်ႈꩡ︀ဝ်ႛꩭဝ်းꩫ︀ႆ︀ႇၵ︀ဝ်မ︀ႆ︀ႛ တ︀ူႈဢ︀ဝ်ႈꩡ︀ုမ︀်ႛၸ︀ြႃးပ︀ီꩫ︀်ႈꩡ︀ဝ်ႛ က︀ႃႈမ︀တ︀်ႉမ︀ႆ︀ၢမ︀ဝ်ယ︀ဝ်ႇယ︀ႃႇ က︀မ︀်ၸ︀ႃ၊ ပ︀ၢင︀်လ︀ႆ︀ၢ၊ တ︀ူꩫ︀်ႛမ︀ႆ︀ႇꩫ︀ႆ︀ႇၵ︀ဝ်မ︀ႆ︀ႛ ပ︀ီꩭီတ︀်ၸ︀ေး” ꩫ︀ဝꩫ︀်ႇ။