ၿျႃၻိက︀်ႉ 16:8 - Khamti Shan

⁸ ဝႆ︀ၢးꩫ︀ႆ︀ႇ ၵ︀ုꩫ︀်ꩬ︀ၢင︀်ꩡ︀တ︀ုက︀်ႉထက︀ေႃႇ က︀ွက︀်မ︀ꩫ︀်း က︀ၢင︀်ႈဝꩫ︀်းမ︀ႆ︀ႛလ︀ူဝ်ၵ︀ွတ︀်က︀ီး ꩫ︀ႅတ︀်က︀ၢင︀်ႈဝꩫ︀်းꩫ︀ႆ︀ႇ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩫ︀င︀်ၸ︀ႆ︀းမ︀ႆ︀ႛꩫ︀က︀ꩫ︀်ႈ မ︀ႆ︀ႛꩭႅင︀်းမ︀ႃးဢ︀ူ။

ၿျႃၻိက︀်ႉ 16:8 ပူးပေါင်းရင်းမြစ်များ

မ︀တ︀်တ︀ႄး 13:6

ꩫ︀ႆ︀ႇꩫ︀က︀ေႃႇ ꩫ︀ိꩫ︀်ႈမ︀ဝ်လ︀ိူက︀်ႉꩫ︀ႆ︀ႇꩬ︀ီ ꩭၢက︀်ႉယ︀င︀်ꩵ︀ႈလ︀ိူက︀်ႉ။ င︀ႆ︀းꩬ︀ီ ꩫ︀ႅတ︀်ဢ︀ွက︀်မ︀ႃးက︀ီး တ︀ူꩫ︀်ႛဢ︀ွꩫ︀်ꩫ︀ႆ︀ႇၵ︀ဝ်ꩭိဝ်ꩬ︀ီ တ︀ႆ︀ၢႈက︀ႃမ︀ူတ︀်ဢ︀ူ။

လ︀ုက︀ႃ 21:25

က︀ၢင︀်ႈဝꩫ︀်း၊ ꩫ︀ိူꩫ︀်ႈ၊ ꩫ︀ၢဝ်ႈꩫ︀ႆ︀ႇၵ︀ဝ်မ︀ႆ︀ႛ လ︀ႆ︀ၢးꩫ︀ိမ︀ိက︀်ႉꩫ︀ႆ︀ႇၵ︀ဝ် တ︀ီပ︀ီꩫ︀်ႈမ︀ႃးꩫ︀မ︀်။ က︀မ︀်ၸ︀ႃမ︀ႆ︀ႛက︀ေႃႇ ꩬ︀ီင︀်ꩫ︀မ︀်ႇပ︀ၢင︀်လ︀ႆ︀ၢꩫ︀ၵ︀ႃၸ︀ွင︀်းꩫ︀ႆ︀ႇၵ︀ဝ် ယ︀ႂ်ၸ︀ႅဝ်ꩬ︀ီ က︀ူꩫ︀်းꩫ︀ႆ︀ႇၵ︀ဝ် တ︀ီက︀ူဝ်ႈတ︀ႆ︀ၢႈꩰက︀ꩫ︀်ႈꩫ︀မ︀်။

ထဝ်ꩡ︀တ︀်ႉၵ︀ဝ် 2:20

မ︀ိူဝ်ႈဝꩫ︀်းမ︀ႅတ︀်ႉလ︀ူင︀်ꩡ︀ဝ်ႛထႃဝရ︀ၸ︀ြႃးꩵ︀ႈပ︀ႆ︀ထိုင︀်ꩫ︀ႆ︀ႇ က︀ၢင︀်ႈဝꩫ︀်းတ︀ီꩫ︀ပ︀်ꩬ︀ိင︀်တ︀ိက︀်ႉꩰက︀ႃꩫ︀မ︀်။ ပ︀ူꩫ︀ိူꩫ︀်ႈက︀ေႃႇ ꩫ︀င︀်ꩫ︀ိူတ︀်ႉꩫ︀က︀ꩫ︀်ႈ တ︀ီꩫ︀ႅင︀်ႈၸ︀ႄႇꩰက︀ႃꩫ︀မ︀်။

ၿျႃၻိက︀်ႉ 14:18

ꩫ︀ႆ︀ႇမ︀ႆ︀ႛ ၵ︀ုꩫ︀်ꩬ︀ၢင︀်ဢ︀ꩫ︀်ႈၸ︀ႆ︀းမ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇပ︀ႃးလ︀ိူင︀်ႈ လ︀ုက︀်ႉၵ︀ီင︀်ၵ︀ႅက︀်မ︀ႆ︀ႛ ဢ︀ွက︀်မ︀ႃးꩬ︀ီ “လ︀င︀်ꩫ︀ိꩫ︀်ႈက︀မ︀်ၸ︀ႃမ︀ႆ︀ႛ မ︀က︀်ꩡ︀ပ︀ႅတ︀်ႉꩫ︀ႆ︀ႇၵ︀ဝ်ꩬ︀ုက︀်က︀ꩫ︀်ႈယ︀ဝ်ႇ။ ဢ︀ဝ်ႈၵ︀ိဝ်းမ︀ႂ်းꩡ︀ဝ်ႛပ︀တ︀်တ︀ႃႉ” ꩫ︀ꩬ︀ီ ၵ︀ုꩫ︀်ꩬ︀ၢင︀်ဢ︀ꩫ︀်ႈၵ︀ိဝ်းၸ︀ႆ︀ၢတ︀ိုဝ်းမ︀ႆ︀ႛ ဢ︀ိဝ်ဢ︀ူ။

ၿျႃၻိက︀်ႉ 6:12

မ︀ိူဝ်ႈက︀ဝ်ႈꩫ︀ူႈဢ︀ူꩫ︀ႆ︀ႇ ပ︀ူႇဢ︀ွꩫ︀်ꩫ︀ႆ︀ႇ ꩡ︀ုမ︀်ႛꩬ︀ထမ︀ပ︀ုတ︀်က︀ီး ဢ︀ိင︀်ႈꩬ︀ꩫ︀်လ︀ူင︀်ပ︀ီꩫ︀်ႈမ︀ႃးဢ︀ူ။ က︀ၢင︀်ႈဝꩫ︀်းယ︀ႃႇ ꩫ︀င︀်ထူင︀်ထွေးလ︀ႃꩫ︀မ︀်ႈꩫ︀က︀ꩫ︀်ႈ ꩫ︀မ︀်ႈꩬ︀ိင︀်တ︀ိက︀်ႉꩰက︀ႃꩬ︀ီ ပ︀ူꩫ︀ိူꩫ︀်ႈယ︀ႃႇ ꩫ︀င︀်ꩫ︀ိူတ︀်ႉꩫ︀က︀ꩫ︀်ႈ ꩫ︀ႅင︀်ႈလ︀ႃႇꩰက︀ႃဢ︀ူ။

ၿျႃၻိက︀်ႉ 7:16

ၵ︀ဝ်ယ︀ႃႇ မ︀ိူဝ်ႈလ︀ႂ်ႈက︀ေႃႇ တ︀ွင︀်ႇꩵ︀ႈမ︀ႆ︀ႛ၊ ꩵ︀ႈက︀ုတ︀်ꩫ︀မ︀်ႇယ︀ဝ်ႇ။ ၵ︀ဝ်မ︀ႆ︀ႛ ꩫ︀ႅတ︀်ပ︀တ︀ု၊ ဢ︀ꩫ︀်ႈꩫ︀ိူတ︀်က︀ꩬ︀င︀်ပ︀တ︀ု ꩵ︀ႈမ︀ႆ︀ႛပ︀ိူင︀်ႈလ︀ူင︀်ယ︀ဝ်ႇ။

ၿျႃၻိက︀်ႉ 8:12

ဝႆ︀ၢးဢ︀မ︀ႂ်း ၵ︀ုꩫ︀်ꩬ︀ၢင︀်ꩡ︀တ︀ုက︀်ႉထꩫ︀ႆ︀ႇ တ︀ုတ︀်ပ︀ဝ်က︀ီး က︀ၢင︀်ႈဝꩫ︀်းꩬ︀ၢမ︀်ꩡ︀ႃႇꩡ︀ႃႇလ︀ိူင︀်ႈ၊ ꩫ︀ိူꩫ︀်ႈꩬ︀ၢမ︀်ꩡ︀ႃႇꩡ︀ႃႇလ︀ိူင︀်ႈ၊ ꩫ︀ၢဝ်ႈꩬ︀ၢမ︀်ꩡ︀ႃႇꩡ︀ႃႇလ︀ိူင︀်ႈ ၸ︀ေႛက︀ႃဢ︀ူ။ ꩫ︀ႆ︀ႇမ︀ႆ︀ႛ ဢ︀ꩫ︀်ႈလ︀ႅင︀်းၵ︀ဝ် ꩬ︀ၢမ︀်ꩡ︀ႃႇꩡ︀ႃႇလ︀ိူင︀်ႈ ꩭႆ︀ၢက︀ႃꩬ︀ီ ဝꩫ︀်းꩬ︀ၢမ︀်ꩡ︀ႃႇꩡ︀ႃႇလ︀ိူင︀်ႈ ပ︀ၢင︀်ႛၵ︀မ︀်ႈꩬ︀ၢမ︀်ꩡ︀ႃႇꩡ︀ႃႇလ︀ိူင︀်ႈ ꩵ︀ႈလ︀ႅင︀်းယ︀ဝ်ႇ။

ၿျႃၻိက︀်ႉ 9:2

ꩫ︀ၢဝ်ႈဢ︀မ︀ႂ်း ထၢင︀်ၵ︀ူင︀်းတ︀ႆ︀ၢႈပ︀ုတ︀်ၵ︀ွတ︀်က︀ီး လ︀ုက︀်ႉꩭူဝ်တ︀ီႈၸ︀ႆ︀းလ︀ူင︀်မ︀ႆ︀ႛ က︀ွꩫ︀်ႈၸ︀ႆ︀းဢ︀ွက︀်မ︀ႃးꩫ︀က︀ꩫ︀်ႈပ︀ီꩫ︀်ႈင︀ႆ︀း ꩫ︀ႅတ︀်လ︀ုမ︀်ႛက︀ႃꩫ︀ႆ︀ႇꩬ︀ီ က︀ၢင︀်ႈဝꩫ︀်းꩫ︀ၵ︀ႃက︀ၢင︀်ႈၸ︀ႃႇ ꩫ︀မ︀်ႈꩬ︀ိင︀်က︀ႃဢ︀ူ။