ၿျႃၻိက︀်ႉ 16:19 - Khamti Shan

¹⁹ ဝီင︀်းလ︀ူင︀်ၿေၿီလ︀ုင︀်ꩫ︀ႆ︀ႇ ၸ︀ႃꩬ︀ၢမ︀်ꩬ︀ိက︀်ႉက︀ႃဢ︀ူ။ ဝီင︀်းက︀ူႈမ︀ိူင︀်းꩰꩫ︀ႆ︀ႇၵ︀ဝ်က︀ေႃႇ ၸ︀ေႛက︀ႃမ︀ူတ︀်ဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ပ︀ႅတ︀်ႉဝီင︀်းၿေၿီလ︀ုင︀်မ︀ႆ︀ႛ မ︀ဝ်လ︀ုမ︀်းꩬ︀ီ က︀ွက︀်ဝၢႆ︀မ︀က︀်ꩡ︀ပ︀ႅတ︀်ႉတ︀ေႃးꩬ︀ႃးမ︀ꩫ︀်းꩡ︀ဝ်ႛ တ︀ိက︀်ꩭႂ်ႛယ︀ဝ်ႇ။ တ︀ေႃးꩬ︀ႃးၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩫ︀င︀်ၵ︀ဝ်မ︀ႆ︀ႛ ꩫ︀ူꩫ︀်ႇဝၢႆ︀မ︀က︀်ꩡ︀ပ︀ႅတ︀်ႉꩫ︀က︀ꩫ︀်ႈꩫ︀ႆ︀ႇ ꩭႂ်ႛၵ︀ၢမ︀်ယ︀ဝ်ႇ။

ၿျႃၻိက︀်ႉ 16:19 ပူးပေါင်းရင်းမြစ်များ

ၿျႃၻိက︀်ႉ 11:8

ꩭၢင︀်ႈတ︀ႆ︀ၢႈꩬ︀ွင︀်ၵ︀ႃမ︀ႆ︀ႛ ၵ︀ူꩫ︀်တ︀ၢင︀်းဝီင︀်းလ︀ူင︀် ဢ︀ꩫ︀်ႈꩡ︀ဝ်ႛၵ︀ဝ်မ︀ႆ︀ႛ တ︀ွက︀်ꩫ︀ိူဝ်ꩬ︀ဝ်ဝႃးမ︀ိုဝ်းတ︀ႆ︀ၢႈမ︀ႆ︀ႛ က︀ႃဢ︀ဝ်ႈၵ︀ိူဝ်ဝႆ︀ႇဢ︀ူ။ ဝီင︀်းဢ︀မ︀ႂ်းမ︀ႆ︀ႛ တ︀ီႈပ︀ွင︀်ပ︀ႃႛၵ︀ွꩫ︀်ယ︀ႃႇ ဝီင︀်းꩬ︀ေႃတ︀ုင︀်မ︀ဝ်ꩡ︀ႂ်ႈက︀ီး မ︀ိူင︀်းဢ︀ီက︀ျီပ︀်ꩫ︀ꩫ︀မ︀်။

ၿျႃၻိက︀်ႉ 17:1

ယ︀ဝ်ႇက︀ီး ၵ︀ုꩫ︀်ꩬ︀ၢင︀်ꩡ︀ီတ︀်ပ︀ႃး ဢ︀ꩫ︀်ႈက︀ွက︀်ꩡ︀ီတ︀်လ︀ုက︀်ႉတ︀ိုဝ်းဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ပ︀ႃးလ︀ိူင︀်ႈꩫ︀ႆ︀ႇက︀ဝ်ႈမ︀ႆ︀ႛမ︀ႃးꩬ︀ီ “မ︀ႃးတ︀ႃႉ။ မ︀ေႈမ︀ွက︀်ယ︀ႃႛလ︀ူင︀် ဢ︀ꩫ︀်ႈက︀ꩫ︀်ႛꩫ︀ိူဝ်ꩫ︀မ︀်ႇပ︀ၢင︀်လ︀ႆ︀ၢꩫ︀ႆ︀ႇၵ︀ဝ်မ︀ႆ︀ႛꩫ︀င︀်ႈꩫ︀ႆ︀ႇမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ တ︀ီꩭလ︀ိုဝ်ပ︀ူင︀်ႈတ︀ၢမ︀်ꩫ︀ꩫ︀ႆ︀ႇ က︀ဝ်ႈပ︀ျႃးက︀ွတ︀်။

ၿျႃၻိက︀်ႉ 17:18

ၸ︀ူႛယ︀ိင︀်းဢ︀ꩫ︀်ႈင︀ႆ︀ႚမ︀ႂ်းꩭꩫ︀်ꩫ︀ႆ︀ႇယ︀ႃႇ ဝီင︀်းလ︀ူင︀်ဢ︀ꩫ︀်ႈꩡ︀ဝ်ႛꩭူဝ်ၵ︀မ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်မ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇꩫ︀မ︀်” ꩫ︀ဝꩫ︀်ႇ။

ၿျႃၻိက︀်ႉ 17:5

ꩫ︀ႃႛၸ︀က︀်မ︀ꩫ︀်းမ︀ႆ︀ႛယ︀ႃႇ “ဝီင︀်းၿေၿီလ︀ုင︀်လ︀ူင︀် ၸ︀ူႛမ︀ေႈဢ︀ꩫ︀်ႈၵ︀ိူင︀်ႈꩫ︀ီႈꩭင︀်ႛဢ︀ꩫ︀်ႈက︀မ︀်ၸ︀ႃမ︀ႆ︀ႛယ︀င︀်းꩫ︀ႆ︀ႇၵ︀ဝ်တ︀င︀်းမ︀ိူင︀်း၊ ၸ︀ူႛမ︀ေႈမ︀ေႈမ︀ွက︀်ယ︀ႃႛꩫ︀ႆ︀ႇၵ︀ဝ်တ︀င︀်းမ︀ိူင︀်း” ꩫ︀ꩬ︀ီꩡ︀ိုဝ်ႈဢ︀ꩫ︀်ႈတ︀ီႈပ︀ွင︀်ဢ︀ဝ်ႈမ︀ႅပ︀်ဝႆ︀ႇꩫ︀ႆ︀ႇ တ︀ႅမ︀်ႛဝႆ︀ႇဢ︀ူ။

ၿျႃၻိက︀်ႉ 18:10

မ︀ꩫ︀်းꩫ︀ႆ︀ႛၵ︀ၢမ︀်ၻုက︀်ႉၵ︀ဢ︀ူꩫ︀ႆ︀ႇမ︀ႆ︀ႛꩭꩫ︀်က︀ီး က︀ူဝ်ႈက︀ꩫ︀်ႈꩬ︀ီ လ︀ုက︀်ႉတ︀ီႈက︀ႆ︀ႈမ︀ႆ︀ႛ “ဢ︀က︀လ︀ုက︀်က︀ူꩥ︀်း၊ ဢ︀ီႊ ဝီင︀်းၿေၿီလ︀ုင︀်လ︀ူင︀်၊ ဝီင︀်းဢ︀ꩫ︀်ႈဢ︀မ︀်လ︀ူင︀်ꩴ︀း က︀ိုမ︀်ႇလ︀ိူင︀်ႈမ︀ႆ︀ႛꩫ︀ႆ︀ၢႈ ၸ︀ြႃးပ︀ီꩫ︀်ႈꩡ︀ဝ်ႛ ပ︀ူင︀်ႈတ︀ၢမ︀်ၵ︀ွတ︀်ယ︀ဝ်ႇꩫ︀ေႃး” ꩫ︀ꩬ︀ီတ︀ီဢ︀ိဝ်က︀ꩫ︀်ႈꩫ︀မ︀်။

ၿျႃၻိက︀်ႉ 18:2

ၵ︀ုꩫ︀်ꩬ︀ၢင︀်ဢ︀မ︀ႂ်းယ︀ႃႇ “ဝီင︀်းၿေၿီလ︀ုင︀်လ︀ူင︀်လ︀ူႇယ︀ဝ်ႇ။ ၸ︀ူႛယ︀ိင︀်းဢ︀မ︀ႂ်း လ︀ူႇယ︀ဝ်ႇ။ ဝီင︀်းဢ︀မ︀ႂ်း၊ ၸ︀ူႛယ︀ိင︀်းဢ︀မ︀ႂ်း ပ︀ီꩫ︀်ႈတ︀ီႈꩬ︀ွꩫ︀်ႈꩡ︀ႃႇ ၸ︀ီꩭၢႆ︀ႇꩫ︀ႆ︀ႇၵ︀ဝ်၊ ၵ︀ွꩫ︀်ꩭင︀်ႛꩫ︀ႆ︀ႇၵ︀ဝ်၊ ꩫ︀ူက︀်ႉဢ︀ꩫ︀်ႈꩭင︀်ႛ၊ ꩫ︀ိူဝ်ႇမ︀ိူဝ်ႛဢ︀ꩫ︀်ႈꩭင︀်ႛက︀ူႈၸ︀ꩫ︀်းꩫ︀ႆ︀ႇၵ︀ဝ်ယ︀ဝ်ႇ။

ၿျႃၻိက︀်ႉ 18:21

ဝႆ︀ၢးꩫ︀ႆ︀ႇ ၵ︀ုꩫ︀်ꩬ︀ၢင︀် ဢ︀ꩫ︀်ႈတ︀ꩫ︀်းၵ︀ူဝ်းယ︀ႂ်ပ︀ႃးလ︀ိူင︀်ႈယ︀ႃႇ ꩭိꩫ︀်ဢ︀ꩫ︀်ႈယ︀ႂ်လ︀ူင︀်လ︀ုက︀်ႉလ︀ိူင︀်ႈ ꩫ︀မ︀်ႇပ︀ၢင︀်လ︀ႆ︀ၢမ︀ႆ︀ႛ ပ︀ိုဝ်တ︀ူက︀်ၵ︀ွတ︀်ယ︀ဝ်ႇက︀ီး “ꩫ︀င︀်ꩭိꩫ︀်ꩫ︀ႆ︀ႇꩫ︀က︀ꩫ︀်ႈ ဝီင︀်းၿေၿီလ︀ုင︀်လ︀ူင︀်မ︀ႆ︀ႛ တ︀ီပ︀ိုဝ်တ︀ူက︀်ၵ︀ွတ︀်ꩫ︀မ︀်။ ဝီင︀်းဢ︀မ︀ႂ်းမ︀ႆ︀ႛ မ︀ိူဝ်ႈလ︀ႂ်ႈက︀ေႃႇ တ︀ီမ︀ဝ်ꩫ︀ႆ︀ႛꩭꩫ︀်ပ︀ွက︀်ႉꩫ︀မ︀်။

ၿျႃၻိက︀်ႉ 18:5

ဢ︀ပ︀ႅတ︀်ႉမ︀ꩫ︀်းꩫ︀ႆ︀ႇၵ︀ဝ် က︀ွင︀်ႈက︀ူဝ်ၸ︀ႅဝ်ꩬ︀ီ မ︀ိူင︀်းက︀ၢင︀်ႈꩭၢဝ်မ︀ႆ︀ႛတ︀မ︀ိူင︀်းၵ︀ိုတ︀်ႉယ︀ဝ်ႇ။ ဢ︀ꩫ︀်ႈမ︀ꩫ︀်းၸ︀ိတ︀်ꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ွက︀်ꩡ︀ႂ်ႈယ︀ဝ်ႇ။